အမျိုးသမီးနှင့် စစ်ပွဲများ

အစဉ်အလာ ဓလေ့ထုံးစံတွေအရ အမျိုးသမီးတွေကို မျိုးဆက်သစ် ရင်သွေးငယ်များ မွေးဖွားပြီး၊ ကြီးပြင်းလာအောင် ပြုစုစောင့်ရှောက်ပျိုးထောင်သူများ အဖြစ်သာ အများက ရှုမြင်ထားကြပါတယ်။ အထူးသဖြင့် စစ်ပွဲများနဲ့ ပတ်သက်ရင် အမျိုးသမီးတွေရဲ့ အခန်းကဏ္ဍကို လျစ်လျူရှုထားတတ်ပါတယ်။ နိုင်ငံရေးသိပ္ပံပညာရှင် အယ်လ်စတိန်း ဆိုခဲ့တဲ့အတိုင်း လူ့ဘောင်အဖွဲ့အစည်းဟာ အမျိုးသားတွေရဲ့ ကလေးသူငယ်ဆိုင်ရာ ပြောဆိုခွင့်များနဲ့ အမျိုးသမီးတွေရဲ့ စစ်ရေးဆိုင်ရာ ပြောဆိုခွင့်များကို ပိတ်ပင်ထားလေ့ရှိပါတယ်။ ဒါပေမယ့် စစ်ပွဲဆိုတာ လူ့ဘောင်အဖွဲ့အစည်းတခုလုံးရဲ့ လုံခြုံရေးကို တိုက်ရိုက်ထိခိုက်စေတဲ့ အရာဖြစ်တာကြောင့် အမျိုးသမီးများနဲ့ စစ်ပွဲများဟာ တိုက်ရိုက်ဖြစ်စေ၊ သွယ်ဝိုက်ဖြစ်စေ၊ မလွဲမသွေ ဆက်စပ်နေတယ်ဆိုတာ အသေအချာပါပဲ။



ကမ္ဘာ့သမိုင်းတလျှောက်လုံးမှာ ဖြစ်ပွားခဲ့တဲ့၊ နိုင်ငံများအကြားက ပဋ္ဋိပက္ခစစ်ပွဲတွေနဲ့ ပြည်တွင်းစစ်တွေရဲ့၊ သားကောင်များဖြစ်ခဲ့ရတဲ့ အမျိုးသမီးတွေ အများကြီးရှိပါတယ်။ ပဋ္ဋိပက္ခနဲ့ စစ်ပွဲများ ဖြစ်ပွားတဲ့အခါတိုင်းမှာ အမျိုးသမီးတွေဟာ မိမိတို့ မိသားစုဝင်တွေရဲ့ စီးပွားရေး၊ လူမှုရေး၊ ပညာရေး၊ ကျန်းမာရေးစတဲ့ တာဝန်တွေ၊ ဒဏ်ရာရသူတွေကို စောင့်ရှောက်ကူညီဖေးမရေး တာဝန်တွေနဲ့ တိုင်းပြည်ရဲ့စီးပွားရေး တည်ငြိမ်မှုဆိုင်ရာ ကြီးမားလေးလံတဲ့ တာဝန်တွေကို ပါဝင်ထမ်းဆောင် ကြရပါတယ်။ ဒီလိုကြီးလေးတဲ့ တာဝန်တွေကို တဘက်ကထမ်းဆောင်ရင်း ကိုယ်ရောစိတ်ပါ ပင်ပန်းကြရသလို၊ စစ်ထွက်နေကြတဲ့ အိမ်ထောင်ဖက်တွေ၊ ဖခင်တွေနဲ့ ရင်သွေးတွေအတွက် စိုးရိမ်ပူပန် သောကရောက်ကြရပြန်ပါတယ်။ ဒါတွေက စစ်မက်ဖြစ်ပွားရာ ဇုံမှာမဟုတ်ပဲ နောက်တန်းမှာ ကျန်ခဲ့ရတဲ့ အမျိုးသမီးတွေရဲ့ ဘ၀အခြေအနေပါ။ စစ်မက်ဇုံမှာ ရောက်ရှိနေရတဲ့ အမျိုးသမီးတွေရဲ့ ဘ၀များကတော့ ပိုပြီးဆိုးဝါးလှပါတယ်။ မိဘမောင်ဘွား သေကြေပျက်စီးမှုတွေ၊ ရင်သွေးငယ်ပျောက်ဆုံးမှုတွေ၊ အိုးအိမ်စည်းစိမ် ပျက်စီးဆုံးရှုံးတွေစတဲ့ စစ်ပွဲရဲ့ အနိဌာရုံတွေကို ကြုံတွေ့ကြရရုံသာမက၊ အဓမ္မပြုကျင့်ခံရမှုတွေနဲ့ လိင်ကျေးကျွန်အဖြစ် သွတ်သွင်းခံရမှုတွေစတဲ့ လောကငရဲကိုပါ ရင်ဆိုင်ကြုံတွေ့ကြရပါတယ်။

ဂရိစစ်ပွဲ ဒဏ္ဍာရီတွေမှာ ပါခဲ့တဲ့ ဆာဘိုင်းအမျိုးသမီးများ အဓမ္မပြုကျင့်ခံရခြင်းက အစပြုလို့၊ ၁၉၉၀ နှစ်များအတွင်းမှာ ဖြစ်ပွားခဲ့တဲ့ ဘော်လကန်ဒေသဆိုင်ရာ ပဋ္ဋိပက္ခတွေမှာ အမျိုးသမီးများ အဓမ္မပြုကျင့် သတ်ဖြတ်ခံရခြင်း ဖြစ်စဉ်တွေအထိ သမိုင်းဖြစ်ရပ်တွေဟာ စစ်ရဲ့သားကောင် အမျိုးသမီးများဘ၀ကို မီးမောင်းထိုးပြနေခဲ့ပါတယ်။ ရန်သူ့ဘက်တော်သားလို့ သတ်မှတ်ခံရတဲ့ အမျိုးသမီးတွေကို အဓမ္မပြုကျင့် မတရားစော်ကားမှုတွေဟာ စစ်ပွဲတွေရဲ့ လက်နက်တွေသဖွယ် အသုံးပြုခြင်း ခံခဲ့ရပါတယ်။ ဒီလိုအဓမ္မပြုကျင့်မှု၊ အနိုင်ကျင့်စော်ကားမှုတွေနဲ့ ညှဉ်းပမ်းနှိပ်စက်မှုတွေဟာ အမျိုးသမီးများအပေါ် ရာဇ၀တ်မှုကျူးလွန်ခြင်းပဲ ဖြစ်ပါတယ်။ ဒီလိုရာဇ၀တ်မှုတွေကို တိုင်းပြည်တပြည်ရဲ့ တပ်မတော်ကနေ ကျူးလွန်တာဆိုရင် ဒါဟာ နိုင်ငံတော်ရာဇ၀တ်မှုပဲ ဖြစ်ပါတယ်။ ဒါကြောင့်လဲ (၂၀၀၀) ခုနှစ်မှာ ချမှတ်ခဲ့တဲ့ ကုလသမဂ္ဂလုံခြုံရေးကောင်စီ Resolution 1325, အပိုဒ် (၁၀)မှာ “အမျိုးသမီးတွေအပေါ် အကြမ်းဖက်မှုတွေဖြစ်တဲ့ အဓမ္မပြုကျင့်မှု၊ လိင်ပိုင်းဆိုင်ရာ စော်ကားမှု၊ ရိုက်နှက်ညှဉ်းပမ်းမှု အပါအ၀င် အကြမ်းဖက်မှု သဏ္ဍာန်မျိုးစုံရဲ့ အန္တရာယ်ကနေ ကင်းဝေးစေရေးအတွက်၊ လက်နက်ကိုင်စစ်ပွဲများမှာ ပါဝင်ပတ်သက်တဲ့ အဖွဲ့အစည်းများအားလုံးမှ အမျိုးသမီးတွေကို အထူးဂရုပြု စောင့်ရှောက်ရေး ပြုလုပ်ရန် တောင်းဆိုချက်များ”ကို ဖော်ပြထားခဲ့ပါတယ်။

ကျွန်မတို့ မြန်မာပြည်မှာဆိုရင်လဲ ပြည်တွင်းစစ်ရဲ့ သားကောင်များဘ၀ကို ကျရောက်ခဲ့ရတဲ့ အမျိုးသမီးတွေ အများအပြား ရှိနေခဲ့၊ ရှိနေရဆဲပဲ ဖြစ်ပါတယ်။ စစ်အုပ်စုအဆက်ဆက်ဟာ နိုင်ငံရေးပြဿနာကို အင်အားသုံး ဖြေရှင်းလေ့ရှိခဲ့ပါတယ်။ ပြည်သူလူထုရဲ့ လူ့အခွင့်အရေး၊ တိုင်းရင်းသားတွေရဲ့ တန်းတူညီမျှ အခွင့်အရေးတွေကို လျစ်လျူရှုထားခဲ့ပါတယ်။ ဒီလို တရားမျှတမှုနဲ့ တန်းတူညီမျှမှု ဆိတ်သုဉ်းလာတဲ့အခါ ပြည်တွင်းစစ်မီးဆိုတာ တောက်လောင်စမြဲပါပဲ။ ဒီလိုပြည်တွင်းစစ်တွေ ဖြစ်လာတဲ့အခါကျတော့ စစ်အုပ်စုဟာ လက်နက်ကိုင် အင်အားစုတွေအပေါ် အကြမ်းဖက်ချေမှုန်းရေးကို ပြုလုပ်ပါတော့တယ်။ အဲဒီမှာ စစ်အုပ်စုက လက်နက်တခုအနေနဲ့ အသုံးပြုခဲ့တာကတော့ အဓမ္မပြုကျင့်မှုပါပဲ။ နယ်စပ်ဒေသနဲ့ တိုင်းရင်းသားရွာငယ်တွေမှာ အမျိုးသမီးတွေအပေါ် အဓမ္မပြုကျင့်မှုတွေနဲ့ အနိုင်ကျင့်စော်ကားမှုတွေကြောင့် ကချင်၊ ကယန်း၊ ကရင်နဲ့ ရှမ်းအမျိုးသမီးများစွာ စစ်ပွဲရဲ့ သားကောင်တွေ ဖြစ်ခဲ့ရပါတယ်။

စစ်ပွဲတွေဟာ ဒီလိုစစ်ပွဲရဲ့သားကောင် အမျိုးသမီးများကိုသာမက၊ တိုက်ပွဲဝင်သူရဲကောင်း အမျိုးသမီးများကိုလဲ ပေါ်ပေါက်စေခဲ့ပြန်ပါတယ်။ အစဉ်အလာတွေအရ စစ်မက်ရေးရာတွေဟာ အမျိုးသားတွေရဲ့ အလုပ်သဖွယ် အများက ယူဆထားခဲ့ကြပေမယ့် အမျိုးသားတွေနဲ့ ရင်ဘောင်တန်းပြီး စစ်ပွဲကို ပါဝင်ရင်ဆိုင်ခဲ့ကြတဲ့ အမျိုးသမီးတွေလဲရှိခဲ့ပါတယ်။ ၁၅ ရာစုနှစ်တုန်းက Joan of Arc ဆိုတဲ့ အမျိုးသမီးစစ်သူကြီးဟာ အင်္ဂလန်ကို သိမ်းပိုက်ချေမှုန်းဖို့အတွက် ပြင်သစ်စစ်သားတွေကို ဦးဆောင်ချီတက်ခဲ့ဖူးပါတယ်။ ယနေ့ခေတ်မှာဆိုရင်လဲ ၁၉၉၁ခုနှစ်၊ ပင်လယ်ကွေ့စစ်ပွဲကာလက စစ်မြေပြင်ကို သွားရောက်အမှုထမ်းခဲ့ကြတဲ့ အမျိုးသမီး ရဟတ်ယာဉ်ပိုက်လော့တွေ အများကြီး ရှိခဲ့ပါတယ်။ ၂၀၀၃ခုနှစ်၊ အီရတ်စစ်ပွဲမှာဆိုရင် အမျိုးသမီးစစ်သည်တော်များဟာ မြေပြင်၊ ဝေဟင် စစ်ပွဲသဏ္ဍာန်မျိုးစုံမှာ ပါဝင်နေကြပါပြီ။ တိုက်ပွဲဝင်အမျိုးသမီးများရဲ့ အခန်းကဏ္ဍကို လက်နက်ကိုင် တော်လှန်ရေးလှုပ်ရှားမှုများမှာဆိုရင် ပိုမိုသိသာစွာ မြင်တွေ့နိုင်ပါတယ်။ ဗီယက်နမ်၊ ပီရူး၊ အီတလီ၊ ပါလက်စတိုင်း၊ သီရိလင်္ကာနိုင်ငံများက လက်နက်ကိုင်တော်လှန်ရေးများမှာ အမျိုးသမီး စစ်သည်တော်များစွာ တိုက်ပွဲဝင်ခဲ့ကြပါတယ်။

ဒါကြောင့်လည်း လစ်ဘရယ်အမျိုးသမီးဝါဒီများက အမျိုးသမီးတွေမှာ နိုင်ငံရေးဇာတ်ခုံမှာသာမက စစ်ပွဲတွေမှာပါ အမျိုးသားတွေနဲ့ ရင်ဘောင်တန်းနိုင်တဲ့ အရည်အချင်းနဲ့ ပြတ်သားတဲ့စိတ်ဓာတ်တွေ ရှိကြောင်း အဆိုပြုထားခဲ့ကြပါတယ်။ ဒီအဆိုကို အချို့သော ကမ္ဘာ့သမိုင်းဖြစ်ရပ်များက သက်သေထူပေးခဲ့ပါတယ်။ ၁၉၈၀ နှစ်များအတွင်းက ဗြိတိသျှဝန်ကြီးချုပ် မားဂရက်သက်ချာဟာ ဖော့ခ်လင်းကျွန်းစုများကို အာဂျင်တီးနားအစိုးရဆီက ပြန်လည်သိမ်းပိုက်နိုင်ဖို့ ဖော့ခ်လင်းစစ်ပွဲကို ဦးဆောင်ညွှန်ကြားခဲ့ပါတယ်။ အင်ဒရာဂန္ဒီဟာ ၁၉၇၁ ခုနှစ်မှာ စစ်မက်ကြားက အိန္ဒိယနိုင်ငံကို ဦးဆောင်အုပ်ချုပ်ခဲ့သလို၊ ၁၉၇၃ခုနှစ်မှာလဲ ဂေါ်လ်ဒါမီးယာဟာ အစ္စရေးကို ဦးဆောင်အုပ်ချုပ်ခဲ့ပါတယ်။ နိုင်ငံရေးသိပ္ပံပညာရှင် ဟိုလင်ဒေးလ်ဆိုခဲ့ဖူးသလိုပဲ “အမျိုးသားတွေကို စစ်သားတွေဖြစ်အောင် လေ့ကျင့်ပျိုးထောင်ပြီး၊ အမျိုးသမီးတွေကို အကူသဘော သတ်မှတ်ချက်တွေဟာ တကယ်တော့ မှားယွင်းတဲ့ အယူအဆတွေသာ ဖြစ်ပါတယ်”

ကျွန်မတို့မြန်မာပြည်မှာဆိုရင်လဲ နယ်ချဲ့ဆန့်ကျင်ရေးလှုပ်ရှားမှု၊ ဖက်ဆစ်တော်လှန်ရေးလှုပ်ရှားမှုနဲ့ စစ်အာဏာရှင်ဆန့်ကျင်ရေး လှုပ်ရှားမှုကာလတလျှောက်မှာ တိုက်ပွဲဝင်သူရဲကောင်း အမျိုးသမီးများစွာ ပေါ်ပေါက်ခဲ့ပါတယ်။ နယ်ချဲ့ကိုတော်လှန်ခဲ့တဲ့ ၀က်ထီးကန်တိုက်ပွဲမှာ ရှမ်းအမျိုးသမီးများဦးဆောင် ပါဝင်ခဲ့ကြပါတယ်။ ဒီလိုဦးဆောင်ခဲ့ကြတဲ့ ရှမ်းအမျိုးသမီးစစ်သူကြီးများရဲ့ သတ္တိကို ဗြိတိသျှစစ်တပ်မေဂျာ စနော့ဂရပ်စ်က သူရေးသားထုတ်ဝေခဲ့တဲ့ Narratives of the Burmese War ဆိုတဲ့စာအုပ်မှာ မှတ်တမ်းတင်ရေးသားခဲ့တဲ့အထိပါပဲ။ ချင်းတောင်တန်းတွေမှာ ဖြစ်ပွားခဲ့တဲ့ နယ်ချဲ့ဆန့်ကျင်ရေး တိုက်ပွဲများမှာလည်း ချင်းအမျိုးသမီးတွေဟာ အမျိုးသားများနည်းတူ နယ်ချဲ့ကို ရင်ဆိုင်ခဲ့ကြပါတယ်။ ဖက်ဆစ်တော်လှန်ရေးမှာလည်း အမျိုးသမီးရဲမေများစွာ ပါဝင်တိုက်ပွဲဝင်ခဲ့ကြပါတယ်။ လွတ်လပ်ရေးရပြီးနောက်ပိုင်း စစ်အာဏာရှင်ဆန့်ကျင်ရေး လက်နက်ကိုင်တိုက်ပွဲများမှာလည်း အမျိုးသမီးရဲမေများစွာ ပါဝင်ခဲ့ကြပါတယ်။ တောထဲတောင်ထဲမှာ၊ စစ်မြေပြင်တွေမှာ ပင်ပန်းဆင်းရဲမှုတွေကို ရဲရဲဝံ့ဝံ့အံတုနိုင်ခဲ့ကြတဲ့ မြန်မာအမျိုးသမီးများရဲ့ စိတ်ဓာတ်ခိုင်မာကြံ့ခိုင်မှုတွေဟာ အံ့မခန်းဖွယ်ပါပဲ။ အမျိုးသမီးတွေဟာ တိုင်းပြည်အတွက် လိုအပ်လာတဲ့အခါမှာ အမျိုးသားတွေနဲ့ ရင်ဘောင်တန်းပြီး တိုက်ပွဲဝင်နိုင်တယ်ဆိုတာ ထင်ရှားလှပါတယ်။ နိုင်ငံတခုရဲ့ စစ်ရေးကိစ္စတွေ၊ ကာကွယ်ရေးကိစ္စရပ်တွေ၊ တော်လှန်ရေးအဖွဲ့အစည်းတွေရဲ့ စစ်ရေးရာတွေမှာ အမျိုးသမီးများရဲ့ ပြောရေးဆိုပိုင်ခွင့် အခွင့်အလမ်းတွေလဲ ရရှိရမှာ ဖြစ်ပါတယ်။ စစ်မက်ရေးရာ ဖြစ်ပွားမှုတိုင်းမှာ အမျိုးသမီးတွေလဲ တိုက်ရိုက်ဖြစ်ဖြစ်၊ သွယ်ဝိုက်ဖြစ်ဖြစ် ပါဝင်ပတ်သက်ကြရတာမို့ အမျိုးသမီးများရဲ့ အသံကို နားမထောင်ပဲ အမျိုးသားများကပဲ ဆုံးဖြတ်လုပ်ကိုင်မယ်ဆိုရင် ဒါဟာအမျိုးသမီးများကို တဖက်သတ်အနိုင်ကျင့် စော်ကားရာ ကျပါတယ်။

ဒါကြောင့် မြန်မာအမျိုးသမီးများ စစ်ရဲ့သားကောင်များ ဘ၀မရောက်ရှိစေဖို့နဲ့ အမျိုးသားလုံခြုံရေးဆိုင်ရာ၊ နိုင်ငံတကာလုံခြုံရေးဆိုင်ရာ စစ်ရေးဆုံးဖြတ်ချက်များမှာ ပါဝင်နိုင်ဖို့ အရေးဟာလဲ နိုင်ငံတခုရဲ့ ကံကြမ္မာအတွက် အရေးကြီးလှပါကြောင်း ပြောကြားလိုက်ရပါတယ်ရှင်။

ခင်မမမျိုး (၂၀၀၉)