ဘလော့ လိပ်စာသစ်သို့ ပြောင်းရွှေ့ခြင်း

(၂၀၀၇) ခုနှစ်မှစ၍ ဘလော့စာမျက်နှာအား ဖွင့်လှစ်ခဲ့ရာ ဖတ်ရှုအားပေးကြသော စာဖတ်ပရိသတ်အပေါင်းအား အထူးပင် ကျေးဇူးတင်ရှိပါသည်။

ယခုအခါတွင် ဘလော့ကို ဖွင့်ရန် အချိန်ကြာမြင့်မှုများ ရှိနေကြောင်း၊ စာဖတ်သူအချို့မှ အကြောင်းကြားလာပါသဖြင့် www.khinmamamyo.info တွင် စာမျက်နှာသစ်ကို ဖွင့်လှစ်ထားပါသည်။

စာမျက်နှာသစ်တွင် အချို့သော စစ်ရေး၊ နိုင်ငံရေး၊ စီးပွားရေး၊ ပညာရေး၊ ကျန်းမာရေးဆိုင်ရာ ဆောင်ပါးများနှင့် ရသစာစုများ (နှစ်ရာကျော်ခန့်)ကိုလည်း ကဏ္ဍများခွဲ၍ ပြန်လည်ဖော်ပြထားပါသည်။


ယခုဘလော့စာမျက်နှာကို ဆက်လက်ထားရှိထားမည်ဖြစ်သော်လည်း ယနေ့မှစ၍ ပို့စ်အသစ်များ ထပ်မံ တင်တော့မည် မဟုတ်ပါကြောင်းနှင့် ပို့စ်အသစ်များကို စာမျက်နှာသစ်တွင်သာ တင်တော့မည်ဖြစ်ပါကြောင်း လေးစားစွာ အသိပေး အကြောင်းကြားပါသည်။


စာမျက်နှာသစ်သို့ အလည်လာရောက်ပါရန်ကိုလဲ လှိုက်လှဲစွာ ဖိတ်ခေါ်အပ်ပါသည်။


လေးစားစွာဖြင့်



ခင်မမမျိုး (၁၇၊ ၁၀၊ ၂၀၁၁)

www.khinmamamyo.info

referendum

Wednesday, April 30, 2008



အပြည့်အစုံဖတ်ချင်ရင်..>>>

time

Thursday, April 24, 2008

အချိန်ကစကားပြောတတ်တယ်

တခါတလေ ဘယ်သူမှန်တယ်၊ မှားတယ်ဆိုတာ ခွဲခြားလို့မရပဲ အငြင်းပွားနေရတဲ့ ကိစ္စလေးတွေ ရှိတတ်တယ်။ လူတိုင်းလူတိုင်းမှာကလဲ အတွေးကိုယ်စီရှိကြတာဆိုတော့ အတွေးတွေကို ထုတ်ဖော်ပြောဆိုကြရင်း အငြင်းပွားရတတ်တာ၊ ပဋ္ဋိပက္ခ ဖြစ်တတ်တာလေးတွေ ဘယ်နေရာမှာမဆို ရှိနေနိုင်တာပါပဲ။

လွန်ခဲ့တဲ့ ဆယ်စုနှစ်မတိုင်မီကာလတုန်းက စစ်အေးတိုက်ပွဲကြီးလဲ ပြီးသွားရော အမေရိကသမ္မတ ဘွတ်ရ်ှစီနီယာက ‘The New World Order’ ဆိုတာကို ကြေငြာပါလေရော။ နိုင်ငံတကာပူးပေါင်း ဆောင်ရွက်မှုတွေ ရှိလာတော့မယ်၊ စစ်ပွဲတွေပြီးဆုံးသွားပြီ။ နိုင်ငံတကာဥပဒေကို အားလုံးလေးစားလိုက်နာလာတော့မယ်၊ အမေရိကန်က ထောက်ကူပေးတဲ့ justice era ကြီးဖြစ်လာတော့မယ်ဆိုခဲ့တယ်။ နိုင်ငံရေးပညာရှင် ဖာကူရာမက ‘The End of History’ လို့ ဆိုခဲ့တယ်။ ideological conflict တွေပြီးသွားပြီ၊ ဘာသာရေးနဲ့လူမျိုးရေးကိစ္စလေးတချို့သာ ကျန်တော့တယ်။ conflict တွေ ဖြစ်လာခဲ့ရင်လဲ liberal peace paradigm အသုံးပြုပြီး ထိန်းနိုင်မယ်ဆိုခဲ့ဖူးတယ်။

တဘက်ကနေ ဟန်တင်တန်က ‘clash of civilizations’ ဆိုပြီး argue လုပ်ခဲ့တယ်။ Furture conflict တွေက ideological conflict လဲမဟုတ်၊ economic conflict လဲ မဟုတ်ပဲ different civilization blocs (eg. Islam, West, China, ethnic---) စတာတွေ ဖြစ်လာမယ်လို့ဆိုခဲ့တယ်။ နှစ်ဘက်အပြန်အလှန်ကို debate တွေအကြီးအကျယ် လုပ်ခဲ့ကြပါတယ်။

အခု ဆယ်စုနှစ်ကာလတွင်း ကမ္ဘာ့ရေးရာတွေ၊ ပယ်လယ်ကွေ့စစ်ပွဲတို့၊ ယူဂိုဇလားဗီးယားတို့၊ ဘော့စနီးယား၊ ဟာဇီဂိုးဗီးနားတို့၊ ကိုဆိုဗိုတို့၊ အီရတ်တို့ကို ကြည့်မယ်ဆိုရင် ဘယ်သူပြောခဲ့တာတွေက ပိုမိုမှန်ကန်မှုများတယ်ဆိုတဲ့ အဖြေထွက်လာပါတော့တယ်။ အချိန်က ဆုံးဖြတ်ပေးလိုက်တာပါပဲ။

တခါတလေလဲ တချို့ကိစ္စတွေမှာ ကြိုမြင်နေတာတွေ ရှိနေပေမယ့် မပြောချင်တော့ပါ။ အများညီတော့လဲ ဤကို ကျွဲလို့ဖတ်ရတတ်တာတွေ လောကမှာ ရှိစမြဲ။ သမိုင်းတွေ တကျော့မပြန်ပါစေနဲ့လို့ပဲ နေ့စဉ်နဲ့အမျှ ဆုတောင်းနေမိတယ်။ နောက်ဆုံးတော့လဲ အချိန်က စကားပြောလာမှာပါလေ။

ခင်မမမျိုး (၂၄၊ ၄၊ ၂၀၀၈)

အပြည့်အစုံဖတ်ချင်ရင်..>>>

campaign


အပြည့်အစုံဖတ်ချင်ရင်..>>>

Reading for Study (part-2)

Wednesday, April 23, 2008

ကျောင်းစာဖတ်ခြင်း (အပိုင်း-၂)

ဘာကြောင့်စာဖတ်ရသလဲ

စာဖတ်ခြင်းမှာ ရည်ရွယ်ချက်အမျိုးမျိုးရှိနိုင်သလို ဒီရည်ရွယ်ချက်ပေါ်မူတည်ပြီး ဖတ်ပုံဖတ်နည်းလည်း ကွဲပြားခြားနားပါတယ်။ ဥပမာ- နေ့စဉ်စာဖတ်ပုံတွေနဲ့ ကျောင်းစာဖတ်ပုံတွေဟာ ကွဲပြားခြားနားနိုင်ပါတယ်။ ချက်ချင်းအသုံးချဖို့ဟင်းချက်နည်းစာအုပ်ဖတ်လိုက်တာ၊ တယ်လီဖုန်း လမ်းညွန်မှာ ကိုယ်လိုချင်တဲ့နံပါတ်ကို ကျော်ဖတ်ရှာလိုက်တာ၊ သတင်းစာထဲက အဓိကသတင်းတွေကို မျက်စိရှာလိုက်တာ၊ အပျော်ဖတ်ဝတ္ထုဖတ်လိုက်တာတွေ ဟာလဲ တနည်းတဖုံ စာဖတ်ခြင်းတွေပါပဲ။ နေ့စဉ်ဘ၀မှာ ကြုံတွေ့နေရတာဖြစ်ပြီး၊ ဦးနှောက်ထဲမှာ မယ်မယ်ရရ မှတ်ထားစရာ မလိုတဲ့ စာဖတ်ခြင်းတွေပါ။

ကျောင်းစာဖတ်ခြင်းမှာကျတော့ မမှတ်သားလို့မရတော့ပါဘူး။ ဘာကြောင့်ဖတ်ရတယ်၊ ဖတ်မှတ်နားလည်ဖို့ ဘယ်လိုနည်းလမ်းတွေ လိုအပ်တယ်ဆိုတာ သေသေချာချာ တွေးဖို့ လိုအပ်လာပါတော့တယ်။ ဖတ်ရန်စာရင်းထဲမှာ ပါနေလို့ဖတ်တာပဲဖြစ်ဖြစ်၊ မှတ်စုထုတ်ဖို့ ဖတ်တာပဲဖြစ်ဖြစ် သေချာတာတခုကတော့ ဖတ်နေတဲ့စာပေါ်မှာ အာရုံစူးစိုက်ပြီး နားလည်ဖို့ လိုအပ်ပါတယ်။ ဘာကြောင့်ဖတ်ရတယ်ဆိုတာ အရင်စဉ်းစားထားဖို့လိုပါတယ်။ ဘွဲ့ရထားတာခြင်းတူတူ၊ ဖတ်ရမယ့်စာတွေကို တစိုက်မတ်မတ်ဖတ်ပြီး ရလာသူနဲ့ လှေကြုံလိုက်ပြီး ရလာသူတွေမှာ အလွန်ပဲကွာခြားမှုရှိပါတယ်။ အမှတ်ချင်းတူခဲ့တယ်ထားဦး၊ self-confidence နဲ့ self-discipline မှာ အရမ်းကို သိသာစွာ ကွဲပြားမှုရှိပါတယ်။ စာမေးပွဲအောင်ရုံ အမှတ်ကောင်းရုံ၊ ဘွဲ့ရရုံ ဆိုတာတွေအပြင် ကိုယ့်နာမည်နဲ့ တွဲရလာမယ့် ဘွဲ့တခုရဲ့ ပညာရပ်ကို လေးလေးနက်နက် နားလည်သိရှိဖို့ ရည်ရွယ်ချက်နဲ့ ဖတ်တာဆိုရင်တော့ အကောင်းဆုံးပါပဲ။

စာဖတ်တဲ့အခါ ဘာတွေဖြစ်လာနိုင်သလဲ

တခါတရံစာဖတ်နေခြင်း ဘာကို လိုချင်လို့ဖတ်နေတယ်ဆိုတာ မသိတော့ပဲ လမ်းပျောက်နေတတ်တာတွေ ရှိနိုင်ပါတယ်။ အချက်အလက်ကို မှတ်မိဖို့ဖတ်နေတာလား၊ အက်ဆေးအတွက် အိုင်ဒီယာတွေရဖို့လား၊ စာရေးသူရဲ့အမြင်ကို သိချင်လို့လား စသည်ဖြင့် တွေပါ။

ပညာရေးဆိုင်ရာပါရဂူတွေက ကျောင်းသားတွေ စာဖတ်တဲ့အခါမှာ ပြုလုပ်လေ့ရှိတဲ့ approach နှစ်ခုကို ခွဲခြားပြခဲ့ပါတယ်။ ပထမတမျိုးက surface approach ပါ၊ ဒီနည်းနဲ့ဖတ်သူတွေက အချက်အလက်တွေကို မှတ်မိအောင် ကြိုးစားမှတ်သားလေ့ရှိကြပါတယ်။ နောက်တမျိုးကတော့ deep approach ပါ၊ သူတို့တွေကတော့ အသေးစိတ်အချက်အလက်များကို စိတ်ဝင်စားမှု နည်းပြီး၊ အဓိက အိုင်ဒီယာတွေကိုသာ မှတ်သားလေ့ရှိကြပါတယ်။

ဒါပေမယ့်ဒီနည်းတွေဟာ ပုံသေအမြဲဖြစ်နေမယ်လို့တော့ မဆိုနိုင်ပါဘူး။ ကိုယ်လုပ်ရမယ့်အလုပ်ပေါ်မူတည်ပြီး အပြောင်းအလဲရှိနိုင်ပါတယ်။ စာမေးပွဲအတွက် ပြင်ဆင်ဖို့ ဖတ်တာဆိုရင်တော့ မေးခွန်းများဟာ အချက်အလက်ကိုအခြေခံတာလား၊ အကြောင်းအရာအသေးစိတ်ကို အခြေခံတာလားပေါ်မူတည်ပြီး ဖတ်နည်းလဲ ကွဲပြားမှုရှိနိုင်ပါတယ်။ သုတေသနမှတ်တမ်းများအရတော့ deep-approach နဲ့ ဖတ်မှတ်သူများဟာ ပညာရပ်အပေါ်မှာ စိတ်ဝင်စားမှုပိုရှိတတ်ပြီး၊ စာဖတ်ချိန်တွေလဲ ပိုမိုကြာမြင့်သလို၊ စာမေးပွဲများမှာလဲ အမှတ်ကောင်းတွေ ရတတ်ကြပါတယ်။

အရေးကြီးဆုံးကတော့ စာကို နားလည်ဖို့ပါပဲ။ နားလည်မှတ်မိဖို့ဆိုတာမှာလဲ အစီအစဉ်ကျမှုက အရေးကြီးပါတယ်။ ကျွန်မတို့တွေအားလုံးဟာ ၁၊၂၊၃၊ ၄ ဆိုတာကို ၃၊၂၊၄၊၁ ဆိုတာထက် ပိုပြီးမှတ်မိတတ်ကြပါတယ်။ ဒီလိုပဲ categorize ဆိုတာကို gotecarize ဆိုတာထက်ပိုမှတ်မိတတ်ကြပါတယ်။ ဘာကြောင့်ပါလဲ၊ ပထမတခုက အစီအစဉ်တကျဖြစ်နေတာကြောင့်ဖြစ်ပြီး၊ ဒုတိယတခုကတော့ အဓိပယ်ကြောင့်ဖြစ်ပါတယ်။ ဒါကြောင့်စာဖတ်တဲ့နေရာမှာ စဉ်းစဉ်းစားစားနဲ့ တက်တက်ကြွကြွ ဆက်စပ်တွေးခေါ်ပြီး ဖတ်ဖို့ လိုအပ်လှပါတယ်။

ဒီတော့မှလဲ စာရေးသူဘာကို ဆိုလိုလဲဆိုတာ သေချာနားလည်သဘောပေါက်မှာဖြစ်ပြီး၊ ဒီလိုသဘောပေါက်မှလဲသူ့အတွေးအခေါ်တွေနဲ့ တခြားသူတွေရဲ့အတွေးအခေါ်တွေကို နှိုင်းယှဉ်ပြီး ဝေဖန်ပိုင်းခြားနိုင်မှာဖြစ်ပါတယ်။ ဒီလို လုပ်ခြင်းအားဖြင့် နောက်ပိုင်းမှာတဖြည်းဖြည်းနဲ့ ကိုယ်ပိုင်အတွေးအခေါ်များ ပေါ်ထွက်ရှင်သန်လာနိုင်ပါလိမ့်မယ်။

စာဖတ်ခြင်းအမျိုးမျိုး

ပုံမှန်အားဖြင့် စာဖတ်ခြင်းစတိုင် လေးမျိုးရှိပါတယ်။

(၁) Receptive reading - ဒီလိုစာဖတ်နည်းမျိုးက အများအားဖြင့် လုပ်လေ့လုပ်ထရှိကြပါတယ်။ စာရေးသူဘာကိုဆိုလိုတာလဲ ဆိုတာကို နားထောင်သွားတာမျိုးပါ။ စာဖတ်ခြင်းဟာ ပုံမှန်ပါပဲ။ အလွန်လွယ်ကူတဲ့ စာဖတ်နည်းဖြစ်ပါတယ်။

(၂) Reflective reading - ဒီလိုစာဖတ်နည်းမျိုးကျတော့ ဖတ်နေတဲ့စာကို သေသေချာချာစဉ်းစားတွေးခေါ်ပြီး ဖတ်ရတာမျိုးပါ။ ဆန်းစစ်ချက်တွေ၊ နှိုင်းယှဉ်ချက်တွေကို ဦးနှောက်က လိုက်လံပြုလုပ်နေရပါမယ်။ ပြန်လည်စဉ်းစားဖို့အတွက် အကြိမ်ပေါင်းများစွာ စာဖတ်တာကိုရပ်လိုက်၊ စဉ်းစားလိုက် လုပ်ရတတ်ပါတယ်။ ဒီနည်းမျိုးကို ကျောင်းစာဖတ်ခြင်းမှာ အသုံးပြုရတာဖြစ်ပါတယ်။

(၃) Skimming - ဒီနည်းကတော့ စာတခုလုံးကို မြန်မြန်ကြည့်ပြီး၊ကျော်ဖတ်တာမျိုးပါ။ဒီစာဘာကိုဆိုလိုတာလဲ ဆိုတာလောက်ပဲ general impression ပေးနိုင်ပါတယ်။

(၄) Scanning - ဒီနည်းကတော့ တယ်လီဖုန်းလမ်းညွန်ကြည့်သလိုမျိုးပါ။ စာတွေကို ကျော်ကြည့်နေပြီး၊ အကြောင်းအရာတစုံတရာကို ရှာဖွေတာဖြစ်ပါတယ်။ ရည်ညွန်းကိုးကားတွေရှာရာမှာ အသုံးဝင်ပါတယ်။

(ဆက်လက်ဖော်ပြပါမည်)

ခင်မမမျိုး (၂၅၊ ၄၊ ၂၀၀၈)

အပြည့်အစုံဖတ်ချင်ရင်..>>>

Free Yan Yan Chan & Zay yar Thaw

Saturday, April 19, 2008




အပြည့်အစုံဖတ်ချင်ရင်..>>>

where have they gone?

Wednesday, April 16, 2008

ဘယ်ရောက်ကုန်တာလဲ

“ဟဲ့၊ ကောင်းတဲ့ယောက်ျားတွေ ဘယ်ရောက်ကုန်တာလဲ။ လောကကြီးမှာမရှိတာလား။ ငါတို့ပတ်ဝန်းကျင်မှာပဲ မရှိတာလား“ တဲ့။

ဒီစကားကို ပွင့်အန်ပြောလာသူကတော့ ကျွန်မရဲ့အရင်းနှီးဆုံးသူငယ်ချင်း ရှစ်ယောက်ထဲက တယောက်ဖြစ်တဲ့ စကော့လူမျိုးသူငယ်ချင်းဖြစ်ပါတယ်။ လောလောလတ်လတ် အိမ်ထောင်ကွဲထားသူမို့ သူ့စိတ်ထဲမှာ မွန်းကြပ်မှုတွေ၊ ရင်ထဲမှာ ခံစားချက်တွေပြည့်နှက်နေမယ် ဆိုတာ နားလည်ပေးရင်း ကျွန်မအတွေးထဲမှာလဲ ယောက်ယက်ခတ်လာပါတယ်။ ဟုတ်ပါရဲ့။ ကျွန်မမှာ လူမျိုးပေါင်းစုံထဲက အရမ်းရင်းနှီးတဲ့ သူငယ်ချင်း ရှစ်ယောက်ခန့်ရှိပါတယ်။ မြန်မာတွေရော၊ နိုင်ငံခြားသားတွေရောပါ။ ဘာလို့လဲမသိ၊ အကြောင်းတိုက်ဆိုင်လို့ပဲ ထင်ပါရဲ့။ နှစ်ယောက်ကလွဲရင် အားလုံးတခုလပ်တွေချည်းပါ။ တခုလပ်တွေကို ရှာကြံသူငယ်ချင်းဖွဲ့ထားတာမဟုတ်ပါ။ တွေ့စကတည်းက အိမ်ထောင်ရှိပြီးသူတွေ၊ အတူနေပါတနာရှိပြီးသူတွေ၊ တချို့ကျတော့လဲ ကိုယ့်မျက်စိရှေ့မှာတင်အိမ်ထောင်ကျတာပါ။ အဲ- အခုတနှစ်၊ နှစ်နှစ်တွင်းမှာတော့ ကျွန်မကိုယ်တိုင်လဲ အိမ်ထောင်ကွဲဖြစ်ခဲ့သလို၊ သူတို့တွေလဲ ရှေ့ဆင့်နောက်ဆင့်တွေချည်းပဲ။ ပါတနာနဲ့နေသူတွေလဲ လမ်းခွဲပြီးဖြစ်ကုန်ကြပါတယ်။ တယောက်ကဆို တခုလပ်အသင်းဖွဲ့ရအောင်လို့တောင် လာနောက်နေလေရဲ့။

ရင်းနှီးသူတွေမို့ ခံစားချက်တွေကို ရင်ဖွင့်ပြောဆိုဖြစ်ကြပါတယ်။ ဘ၀ရဲ့ ဒီလိုအချိန်လေးတွေမှာ သူငယ်ချင်းကောင်းတွေဘေးမှာ ရှိနေသင့်တယ်ဆိုတာ အားလုံးလက်ခံမိကြတာမို့ တယောက်ကိုတယောက်မျှဝေခံစားကြရင်း အတော်ကို ရင်းနှီးရတဲ့ လူတွေပါ။ ဒါပေမယ့် အားလုံးဆီကနေ ကြားရတဲ့ဇာတ်လမ်းတွေက လူမျိုးတွေ၊ အသက်အရွယ်တွေ၊ ပြောဆိုတဲ့စကားတွေသာကွာမယ်။ တူနေတာတွေက အများကြီး ဖြစ်နေပါတယ်။ အတူညီဆုံးတွေကတော့ ယောက်ျားများရဲ့ အတ္တကြီးမှု၊ တကိုယ်ကောင်းဆန်မှု၊ လွှမ်းမိုးလိုမှု၊ သ၀န်ကြောင်မှု၊ မိန်းမရာထူးနှင့် ဘ၀သူတို့ထက်ပိုမြင့်သွားမည်ကို မလိုလားမှု စတာတွေပါ။ ကိုယ်ကမြန်မာအမျိုးသားနဲ့ဆုံတွေ့ခဲ့တာမို့ မြန်မာမို့ဒီစိတ်တွေရှိတာထင်ရဲ့လို့ တွေးခဲ့မိတာ။ သူတို့ဇာတ်လမ်းတွေကြားရတော့မှပဲ ယောက်ျားအများစုက ဒီလိုပါပဲဆိုတာ သိလာရပါတော့တယ်။

အခုသူငယ်ချင်းဆိုရင် တက္ကသိုလ်တက်စဉ်တလျှောက်လုံး (၄) နှစ်လောက်ကို အတူနေပြီးမှ သဘောတွေ့လို့ လက်ထပ်ခဲ့ကြတာပါ။ တခုပဲကွာပါတယ်။ အလုပ်ကိုယ်စီရပြီးတဲ့နောက် အမျိုးသားက အလုပ်ပဲလုပ်ပြီး၊ သူ့ပညာတိုးတက်ရေး၊ ရာထူးတိုးတက်ရေးအတွက် ထပ်မလုပ်ပါဘူး။ သူငယ်ချင်းကတော့ အလုပ်တဘက်နဲ့မဟာဘွဲ့ကို အချိန်ပိုင်းထပ်တက်ပါတယ်။ ပြီးသွားတော့ Fellowship စာမေးပွဲအဆင့်ဆင့်ကို ဆက်ဖြေပါတယ်။ (၄)နှစ်ကြာချိန်မှာ ကျွန်မသူငယ်ချင်းရဲ့လစာက နှစ်ဆတက်နေပါပြီ။ သူ့လူကတော့အရင်အတိုင်းပါပဲ။ နောက်ဆုံးတော့ သူ့ယောက်ျားက စတိုးဆိုင်အရောင်းစာရေးမလေးနဲ့ ချစ်ကြိုက်ပြီး အိမ်ပေါ်က ဆင်းသွားပါလေရော။ ဒါက ဥပမာတခုပါ။ တခြားဇာတ်လမ်းတွေကလဲ ဒီလိုဆင်ဆင်တွေပါပဲ။ MBA တက်ဖို့ ပိုက်ဆံစုတာကို စုရကောင်းမလား၊ စာပဲလုပ်နေတယ်ဆိုပြီး တကျက်ကျက်နဲ့ ပညာရေးလမ်းလိုက်ပိတ်ရာက ကွဲခဲ့တဲ့ သူငယ်ချင်းလဲ ရှိပါရဲ့။ တကယ်တော့ ဒီဘွဲ့တက်ပြီးရင် ရှေ့က အတွေ့အကြုံတွေနဲ့ပေါင်းပြီး ရာထူးတက်လမ်းဘယ်လောက်များတယ်ဆိုတာ အမျိုးမျိုး ရှင်းပေမယ့် နားမ၀င်ပဲ ပြဿနာအမျိုးမျိုး အရှာခံခဲ့ရတာပါ။ ဘ၀ဆိုတာမှာ အိမ်ထောင်တခုရယ်ဖြစ်လာရင် ယောက်ျားက ၀င်ငွေများသည်ဖြစ်စေ၊ မိန်းမက ၀င်ငွေများသည်ဖြစ်စေ အရေးမကြီးဘူးဆိုတာ သဘောမပေါက်ကြတာအခက်သား။ မိန်းမက ပိုပြီး ပညာတတ်လို့၊ ရာထူးပိုကောင်းလို့၊ အိမ်ရဲ့တာဝန်ဦးဆောင်နေနိုင်ရင်လဲ ယောက်ျားဖြစ်သူက ဒူးနေရာဒူး၊ တော်နေရာတော်သိပေါ့ရှင်။ ကလေးထိန်း၊ အိမ်မှုကိစ္စလုပ်ပြီး မိန်းမကို ကူညီရုံပေါ့။ ပါရမီဖြည့်ဘက်ဆိုတာ ဒါကို ပြောတာပဲဥစ္စာ။ အခုများမှာတော့ ယောက်ျားမာန၊ ယောက်ျားသိက္ခာဆိုပြီး၊ သုံးလို့မရတဲ့ စကားလုံးတွေနဲ့ ပါဝါပြနေကြပါရော။ တကယ်ကို စိတ်ပျက်ဖို့ကောင်းပါရဲ့။

ကျွန်မအမျိုးသားဟောင်းက ပြောဖူးတယ်။ “အိမ်ထောင်ကျပြီးပြီမို့ ပညာရေးဆက်မလုပ်နဲ့တော့၊ ရတဲ့အလုပ်တခုကိုပဲလုပ်တော့တဲ့။” ကျွန်မက “ကိုယ့်ပိုက်ဆံနဲ့ကို ကျောင်းဆက်တက်မှာပါ။ မဟာဘွဲ့တွေ၊ ပါရဂူဘွဲ့တွေပြီးရင်လဲ Fellowship တွေ၊ Membership တွေအတွက် စာမေးပွဲတွေဆက်ဖြေဦးမှာ၊ အလုပ်ထဲမှာ အမှုဆောင်အရာရှိဖြစ်တဲ့အထိ ကြိုးစားပြီး၊ အမှုဆောင်စီမံခန့်ခွဲရေးသင်တန်းတွေလဲ ထပ်တက်ရဦးမှာတွေ ပြန်ပြောဖြစ်တော့ “ ကိုယ်မှားသွားပြီ၊ မြန်မာပြည်ပြန်ပြီး၊ ပညာသိပ်မတတ်တဲ့မိန်းမတယောက်ကို ယူခဲ့ဖို့ကောင်းတာ” လို့ပြန်ပြောလေရဲ့။ ဘာလို့လဲမေးတော့ ပညာတတ်မိန်းမတွေက ယောက်ျားကို ရိုသေရမှန်းမသိဘူး ဆိုပဲ။ အတော်ရယ်ရတဲ့ ပြက်လုံးတခုလိုပဲ ကျွန်မအားရပါးရ ဟားခဲ့ဖူးပါရဲ့။ သြော်- ယောက်ျားတွေ၊ ယောက်ျားတွေ။ အဲလိုအခြေအနေမျိုးကြုံဖူးခဲ့တာမို့ ငါတော့ ဦးနှောက်အဆင့်အတန်း ခေတ်မမီတော့တဲ့ ရှေးရိုးမြန်မာယောက်ျားနဲ့ တွေ့ရပါကရောလို့ နောင်တရခဲ့မိတဲ့ ကျွန်မ။ အခုတော့ တခြားလူမျိုး ယောက်ျားတွေလဲ ဒီအတိုင်းပဲဆိုတာ သိရပြန်ပါကရော။ သူငယ်ချင်းတယောက်ကတော့ ပြောဖူးလေရဲ့။ ”ငါတို့လူမျိုးတွေလဲ ဦးနှောက်အဆင့်အတန်းနဲနဲ ခေတ်မီလာပြီ၊ မိန်းမတွေရဲ့ အရည်အချင်းကို အသိအမှတ်ပြုလာပြီဆိုပြီး အထင်မကြီးနဲ့ဟ။ သူတို့က မတတ်သာတော့လို့ အရှုံးပေးပြီး လက်ပိုက်ကြည့်နေရတာ။ ဒါတောင်ကျန်သေးတာပဲ။ လုပ်ငန်းကြီးတွေက အမျိုးသမီး ဘဏ္ဍာရေးမန်နေဂျာတွေ၊ အုပ်ချုပ်ရေးအရာရှိတွေ၊ တက္ကသိုလ် ပရော်ဖက်ဆာထဲမှာ အားလုံးမဟုတ်ပေမယ့် တ၀က်ကျော်ကျော်က အိမ်ထောင်မပြုသူတွေ၊ အိမ်ထောင်ကွဲသူတွေ ဖြစ်နေတယ်။ မယုံရင် သုတေသနပြုထားတာတွေရှိတယ်။ ဖတ်ကြည့်တဲ့“ ကဲ- ကောင်းကြသေးရဲ့လား။

”ဘာစဉ်းစားနေတာလဲ။ ငါမေးတာဖြေဦးလေ” တဲ့၊ သူငယ်ချင်းက ကျွန်မကို ပြောတယ်။ ကျွန်မပြန်မေးမိတယ်။ “နင့်ယောက်ျားကို နင်အထင်ကြီးလား” လို့။ သူက ရီပြီး ခေါင်းခါတယ်။ ”သူချစ်ပဲချစ်တာ။ ဘာလို့အထင်ကြီးရမှာလဲ” တဲ့။ အနည်းဆုံးဘွဲ့တဘွဲ့၊မဟာဘွဲ့တခုနဲ့ Fellowship တခုရထားပြီး၊ လုပ်ငန်းခွင်ထဲမှာ အောင်မြင်မှုအသင့်အတင့်ရနေတဲ့၊ ရှေ့ဆက်ပြီးလဲ အောင်မြင်မှုလမ်းကြောင်းပေါ်ရောက်နေကြတဲ့ ကျွန်မသူငယ်ချင်း အိမ်ထောင်ကွဲသူ၊ ပါတနာကွဲသူများအားလုံးကို မျက်စိထဲ ပြန်မြင်မိနေရင်း ကျွန်မပြောမိတယ်၊

“ယောက်ျားတွေက သူတို့ယောက်ျားဖြစ်နေရတာကိုလဲ အထင်ကြီးစရာလို့ သတ်မှတ်နေကြတာ။ ငါတို့နာမည်နောက်တွေမှာ ဘွဲ့တွေတခုပြီးတခုတိုးလာတာနဲ့အမျှ၊ ရာထူးတွေတဆင့်ပြီးတဆင့်တက်လာတာနဲ့အမျှ ငါတို့ပတ်ဝန်းကျင်မှာ ယောက်ျားတွေ နည်းနည်းလာလိမ့်မယ်။ ရောက်လာရင်လဲ မေတ္တာစစ်နဲ့လူနည်းလာလိမ့်မယ်။ နင်စောင့်ကြည့်”လို့ ပြန်ပြောမိတယ်။ သူနားလည်စွာ ခေါင်းညိတ်တယ်။ ပြီးတော့ပြောတယ်။ ”သေချာပြန်စဉ်းစားကြည့်တော့လဲ သူတို့တွေက ငါတို့ဘ၀ရဲ့ အစိတ်အပိုင်းလေးတွေပါ၊ သူတို့ဘယ်ရောက်ရောက်အရေးမကြီးပါဘူး။ ငါတို့ဘ၀မှာ တက်လမ်းတွေရှိသေးတာပဲ။ သူတို့ရှိနေရင် တက်လမ်းတောင်ပိတ် သေးတယ်” တဲ့။

ကျွန်မအားရပါးရ ခေါင်းညိတ်ထောက်ခံလိုက်မိတယ်။

ခင်မမမျိုး (၁၆၊ ၄၊ ၂၀၀၈)

အပြည့်အစုံဖတ်ချင်ရင်..>>>

Deeply condolence

Wednesday, April 9, 2008



အပြည့်အစုံဖတ်ချင်ရင်..>>>

People & Revolution

Saturday, April 5, 2008

လူထုနှင့်တော်လှန်ရေး

စနစ်တခုမှစနစ်တခုသို့ပြောင်းလဲသည့် မည်သည့်တော်လှန်ရေး၌မဆို အခရာသည် လူထုသာပင်ဖြစ်သည်။ လူထုနှင့် တော်လှန်ရေးသည် တသားတည်းရှိနေရမည်ဖြစ်ပြီး၊ တော်လှန်ရေးခေါင်းဆောင်များကျင့်သုံးရမည့် အရေးကြီးဆုံးအချက်မှာ လူထု၏ လိုအပ်ချက်၊တောင်းဆိုချက်နှင့် တော်လှန်ရေးအရှိန်တို့ ဟန်ချက်ညီမှုရှိစေရန် ဆောင်ရွက်တတ်ခြင်း ဖြစ်ပါသည်။

တခါက နိုင်ငံရေးနှင့် ဒဿနိကဗေဒ ပညာရှင်ကြီးဖြစ်သူ ကွန်ဖြူးရှပ်အား အောင်မြင်သောစစ်ပွဲတခုတွင် လိုအပ်သည့်အခြေအနေများကားအဘယ်နည်းဟု မေးမြန်းခဲ့ကြရာတွင် လူထုထောက်ခံမှု၊ လက်နက်ခဲယမ်းနှင့် စားနပ်ရိက္ခာ ဟူ၍ ပြန်လည်ဖြေကြားခဲ့ကြောင်း၊ ထို (၃) မျိုးထဲမှ တခုအားဖယ်ရှားခိုင်းရာ လက်နက်ဟုဆို၍၊ နောက်တခုအားထပ်မံဖယ်ရှားခိုင်းရာ စားနပ်ရိက္ခာ ဟုဆိုခဲ့ကြောင်း လေ့လာမှတ်သားဖူးပါသည်၊ ဤသည်ကို ကြည့်ခြင်းဖြင့် လူထုသည် တော်လှန်ရေးတရပ်၏ အရေးပါသော ပြောင်းလဲမှုကို ဖြစ်စေမည့် အဓိကအင်အားဖြစ်ကြောင်း သိသာလှပါသည်။

မြန်မာပြည်မှ သန်းပေါင်းများစွာသော ပြည်သူလူထုသည် စစ်အာဏာရှင်စနစ်ဆိုး၏ ဖိနှိပ်မှုဒဏ်ကို ဆိုးဝါးစွာ ခံစားနေကြရပါသည်။ ပြည်သူအများစုမှာ ဆင်းရဲနွမ်းပါးမှု၊ ငတ်ပြတ်မှု၊ ကလေးသူငယ်များအာဟာရချို့တဲ့မှု၊ ဖွားသေနှုန်းမြင့်မားမှု၊ ငါးနှစ်အောက်ကလေးငယ်များ သေဆုံးနှုန်းမြင့်မားမှု၊ လူ့သက်တမ်းတိုမှု၊ ကူးစက်တတ်သော ရောဂါများဖြစ်ပွားနှုန်းမြင့်မားမှု၊ လုံလောက်သော ကျန်းမာရေးစောင့်ရှောက်မှုနှင့် ပညာရေး ၀န်ဆောင်မှုများ မရှိမှု၊ လျှပ်စစ်မီးပြတ်တောက်မှု၊ သန့်ရှင်းသောရေမရရှိမှု၊ အလုပ်အကိုင်အခွင့်အလမ်းရှားပါးမှု၊ ၀င်ငွေနည်းပါးမှုစသည့် ဖွံ့ဖြိုးမှု နောက်ကျ နှောင့်နှေးခြင်း ဆိုင်ရာ ပြဿနာမျိုးစုံကို ခါးစည်းကာ ခံနေကြရပါသည်။ ထိုမျှမကသေးပဲ လူ့အခွင့်အရေးချိုးဖောက်ခံရမှု၊ အလုပ်သမားအခွင့်အရေးခံစားခွင့် မရှိမှု၊ ကလေးစစ်သားများအဖြစ် သွတ်သွင်းခံရမှု၊ စာနယ်ဇင်းလွတ်လပ်ခွင့်မရှိမှု ဆိုသည့် စနစ်ပိုင်း ဆိုင်ရာ အခွင့်အရေးဆုံးရှုံးမှုများကိုလည်း ကြုံတွေ့နေကြရပါသည်။ ထို့အပြင် မူးယစ်ဆေးဝါးရောင်းဝယ် ဖောက်ကားမှု၊ လူကုန်ကူးမှု၊ သဘာဝပတ်ဝန်းကျင် ပျက်သုဉ်းမှု၊ ပြည့်တန်ဆာအဖြစ်သွပ်သွင်းခံရမှု၊ လောင်းကစားယဉ်ကျေးမှု ထွန်းကားမှု၊ လာဘ်ပေးလာဘ်ယူမှု စသည့် အုပ်ချုပ်ရေးစနစ် အားနည်းခြင်းကြောင့် ဖြစ်သော နောက်ဆက်တွဲအခြေအနေများကို လည်း နေ့စဉ် လူနေမှုဘ၀တွင် ကြုံတွေ့နေကြရပါသည်။

ယင်းသို့သော အခြေအနေမျိုးတွင် ပြည်သူလူထု၏ နှလုံးသားအတွင်း၌ ဒီမိုကရေစီစနစ်ကို လိုလားတောင့်တလာကြပါသည်။ လူထု၏ တော်လှန်ရေးရေချိန်ကို နားလည်သော နအဖကလည်း ဒီမိုကရေစီဆိုသော စကားလုံးကို ထည်လဲသုံး၍ အတုအယောင် ဒီမိုကရေစီကို အစားထိုးပေးရန် ခြေလှမ်းပြင်ပါတော့သည်။ ဒီမိုကရေစီလမ်းပြမြေပုံကြီးထွက်လာပါသည်။ ဖွဲ့စည်းပုံအခြေခံဥပဒေမူကြမ်းကြီးကို အပြီးသတ်ပါသည်။ လူထုဆန္ဒခံယူပွဲနှင့် ရွေးကောက်ပွဲပြုလုပ်မည့် အချိန်ကာလကို ကြေငြာပါသည်။ တပြိုင်တည်း ကြေငြာခြင်းဖြင့် ဦးတည်တိုက်ခိုက်လာနိုင်သည့်အားကို နှစ်ခြမ်းခွဲထုတ်လိုက်ခြင်း၊ လူထုတိုက်ပွဲလမ်းကြောင်းမှ သွေဖည်သွားခြင်းတို့ ဖြစ်စေရန် မြားတစင်းနှင့် ငှက်နှစ်ကောင် ပစ်ချလိုက်သကဲ့သို့ပင်ဖြစ်သွားပါသည်။ ထို့အပြင် ဥပဒေမူကြမ်းကို ထောက်ခံမှသာ ရွေးကောက်ပွဲကျင်းပ၍ ရသည် ဖြစ်ပါလျက် တပြိုင်နက်တည်း ကျင်းပမည် ကြေငြာခြင်းမှာ တနည်းဆိုလျှင် မူကြမ်းကို အတည်ဖြစ်သွားစေရန် မဖြစ်ဖြစ်အောင် ပြုလုပ်မည်ဆိုသည့် သဘောပါနေပြီး ဖြစ်ပါသည်။ “ No Vote” နှင့် “Vote No” ကိစ္စ ဤနေရာတွင် အကျယ်မချဲ့လိုတော့ပါ။ ဆန္ဒခံယူပွဲနှင့် ပတ်သက်၍ကတော့ ယခုအချိန်တွင် ကန့်ကွက်မဲပေးရန်နည်းလမ်းတခုသာ ကျန်ပါသည်။ သို့ပေမယ့် ထိုတနည်းကိုသာလျှင် အနိုင်ဖဲသတ်မှတ်လျှင်တော့ မှားပါသည်။ အနိုင်ဖဲမဟုတ်နိုင်ပါ။ သို့ရာတွင် ပြည်သူလူထု၏ အာဏာရှင်စနစ်ဆန့်ကျင်ရေးစိတ်ဓာတ်ကို လှုံ့ဆော်ပေးနိုင်သည့် အရှိန်ယူပွဲ ဖြစ်ပါသည်။ အာဏာရှင်တို့ ကလိန်ကကျစ်နည်းဖြင့် မူကြမ်းကို အတည်ပြုသွားလျှင်လည်း တိုက်ပွဲကား ပြီးသေးသည် မဟုတ်ပါ။

ဆန္ဒခံယူပွဲပြီးလျှင်ဘာလုပ်ကြမည်နည်း။ နောက်ဆုံး ရွေးကောက်ပွဲပြီးလျှင်ကော ဘာဆက်လုပ်မည်နည်း။ ထိုမေးခွန်းများကသာ အရေးကြီးပါသည်။ ကလိန်ကကျစ် ဖွဲ့စည်းပုံမူကြမ်းနှင့် လိမ်လည်လှည့်ဖျားသော ရွေးကောက်ပွဲတို့မှ ပေါ်ပေါက်လာမည့် ရုပ်သေးအစိုးရသစ်သည် ဖက်ဆစ်တို့၏ ရွှေရည်စိမ်လွတ်လပ်ရေးကာလက ရုပ်သေးအစိုးရနှယ်ပင် ပြည်သူလူထုအတွက် မည်သို့မျှ အကျိုးရှိစေမည် မဟုတ်ပါ။ လူထုကြီး အ၀ီစိငရဲတွင်းထဲမှ လှမ်းတက်နိုင်မည့် အခြေအနေများကို ဖန်တီးပေးနိုင်မည် မဟုတ်ပါ။

ထိုငရဲတွင်းထဲမှ ပြည်သူလူထုအား ကူညီနိုင်ရန် ကျွန်ုပ်တို့ ဘာလုပ်ကြမည်နည်း။ ဒီမိုကရေစီတော်လှန်ရေးအား ဆက်လက်ဆောင်ရွက်ရင်း၊ လူထု၏ လိုအပ်ချက်များကို တတ်နိုင်သမျှ ၀ိုင်းဝန်းဖြည့်ဆည်းရန် လိုအပ်လှပါသည်။ ဖွံ့ဖြိုးရေးဆိုင်ရာစီးပွားရေးပညာရှင် စီးယားဆိုသူက လူသားလိုအပ်ချက် ဗဟိုပြု ဖွံ့ဖြိုးတိုးတက်ရေး ( Human-needs centred development ) ရှိလာနိုင်စေရန် လိုအပ်သော အခြေအနေ (၉)ချက်ကို ထောက်ပြခဲ့ပါသည်။ ယင်းတို့မှာ-

(၁) ပစ္စည်းဥစ္စာဆင်းရဲနွမ်းပါးမှု လျှော့ချရေး

(၂) အလုပ်လက်မဲ့ဦးရေ လျှော့ချရေး

(၃) ညီမျှမှု ဖြစ်ပေါ်လာစေရေး

(၄) နိုင်ငံရေးဆိုင်ရာ ဒီမိုကရေစီအသွင်ကူးပြောင်းရေး

(၅) စစ်မှန်သော နိုင်ငံတော်လွတ်လပ်ရေး

(၆) စာတတ်မြောက်မှုနှုန်းကောင်းမွန်ရေးနှင့် ပညာရည်မြင့်မားရေး

(၇) အမျိုးသမီးများတန်းတူအခွင့်အရေးရရှိရေး

(၈) အနာဂတ်လိုအပ်ချက်များကို ပြည့်မီနိုင်သော sustainable စွမ်းရည်ရှိခြင်း နှင့်

(၉) လူတဦးချင်း လုံခြုံရေး စသည်တို့ဖြစ်ကြသည်။

အဆိုပါအချက်များအား ပြည်တွင်းနိုင်ငံရေးသမားများ၊ နိုင်ငံရေးခေါင်းဆောင်များ၊ ပြည်ပအတိုက်အခံများမှ တတ်နိုင်သည့် အခန်းကဏ္ဍအလျောက်ပါဝင်ဆောင်ရွက်ခြင်းဖြင့် လူထု၏ လိုအပ်ချက်ကို ဖြည့်ဆည်းနိုင်ပါသည်။ နိုင်ငံတကာအစိုးရများ၊ အဖွဲ့အစည်းများအနေဖြင့်လည်း ဆင်းရဲနွမ်းပါးမှု လျှော့ချရေးအစီအစဉ်များ ရေးဆွဲ၍ လိုအပ်သောအကူအညီများ ပေးသင့်ပါသည်။ တော်လှန်ရေးဦးဆောင်မှု၏ လိုအပ်ချက် (၇)ချက်တွင် grassroots infrastructure မှာ ပထမဆုံးဖြစ်ပြီး၊ international connections မှာ နောက်ဆုံးအချက်ဖြစ်ကြောင်း ဦးဆောင်နေသူများ သတိပြုသင့်ပါသည်။ ပထမဆုံးလိုအပ်ချက်၏ အရေးကြီးဆုံးမှာလည်း လူထုပေါ်တွင်သာ အခြေခံသဖြင့် social analysis ကိုပထမဆုံး ပြုလုပ်ရန် တော်လှန်ရေးကျမ်းဂန်များက အဆိုပြုထားကြသည်ဖြစ်ရာ၊ ပရိုပိုဆာနှင့် စတိတ်မင့် နိုင်ငံရေးများပေါ်တွင် အားစိုက်နေမှုအား လျှော့ချသင့်ပါသည်။

ချုပ်၍ဆိုရသော် လူထုနှင့် တော်လှန်ရေးသည် တသားတည်းရှိနေမှသာ တော်လှန်ရေးတရပ်သည် ဆုံးခန်းတိုင်အောင်နိုင်မှုကို ပေးမည်ဖြစ်ပါ၍ လူထုအတွက် နိုင်ငံရေး ပလက်ဖောင်းသည် လိုအပ်လှပါကြောင်း ရေးသားလိုက်ရပေသည်။

ခင်မမမျိုး (၄၊ ၄၊ ၂၀၀၈)

အပြည့်အစုံဖတ်ချင်ရင်..>>>

To a friend (poem)

Friday, April 4, 2008

သူငယ်ချင်းသို့

သူငယ်ချင်းရေ-

အကယ်၍

မင်းရဲ့သားသမီးတွေ

စားစရာမရှိ

ဝတ်စရာမဲ့ဘ၀နဲ့

စစ်ကျွန်ဘ၀

ကျရောက်နေတာကို

မမြင်ချင်ဘူးဆိုရင်------။

အကယ်၍

မင်းရဲ့မိသားစုတွေ

ဆင်းရဲတွင်း

သံသရာမှာ

စုန်းစုန်းမြှုပ်ကာ

ယောက်ယက်ခတ်နေတာကို

မမြင်ချင်ဘူးဆိုရင်-----။

အကယ်၍

မင်းရဲ့အမိအဖတွေ

အိုကြီးအိုမဘ၀နဲ့

ဆေးဖိုးဝါးခမဲ့

ဒုက္ခပင်လယ်ဝေနေတာကို

မမြင်ချင်ဘူးဆိုရင်-----၊

အကယ်၍

မင်းရဲ့နှမငယ်တွေ

အသပြာအတွက်

ဘ၀တသက်ပေးရတာကို

မမြင်ချင်ဘူးဆိုရင်-------။

အကယ်၍

မင်းရဲ့ဆွေမျိုးသားချင်းတွေ

ကြုံရာကျပန်းဘ၀နဲ့

ညစာခက်နေရတာကို

မမြင်ချင်ဘူးဆိုရင်----၊

စစ်ဝါဒီတွေရဲ့

ဆန္ဒခံယူပွဲနဲ့

ရွေးကောက်ပွဲကို

ကန့်ကွက်မှ

ဖြစ်တော့မယ်

သူငယ်ချင်း။

ငါတို့ကလေးများရဲ့

အနာဂတ်အတွက်၊

ငါတို့မိသားစုတွေရဲ့

ရှေ့ခရီးအတွက်၊

ငါတို့နှမငယ်တွေရဲ့

ဘ၀ရေးအတွက်၊

ငါတို့မိဘတွေရဲ့

အိုဇာတာကောင်းဖို့အတွက်

ကန့်ကွက်ရေးလမ်းစဉ်ကို

ပြတ်ပြတ်သားသား

ရွေးလိုက်ကြစို့လား။

ခင်မမမျိုး (၅၊ ၄၊ ၂၀၀၈)

အပြည့်အစုံဖတ်ချင်ရင်..>>>

  © Blogger templates Newspaper II by Ourblogtemplates.com 2008

Back to TOP