ဘလော့ လိပ်စာသစ်သို့ ပြောင်းရွှေ့ခြင်း

(၂၀၀၇) ခုနှစ်မှစ၍ ဘလော့စာမျက်နှာအား ဖွင့်လှစ်ခဲ့ရာ ဖတ်ရှုအားပေးကြသော စာဖတ်ပရိသတ်အပေါင်းအား အထူးပင် ကျေးဇူးတင်ရှိပါသည်။

ယခုအခါတွင် ဘလော့ကို ဖွင့်ရန် အချိန်ကြာမြင့်မှုများ ရှိနေကြောင်း၊ စာဖတ်သူအချို့မှ အကြောင်းကြားလာပါသဖြင့် www.khinmamamyo.info တွင် စာမျက်နှာသစ်ကို ဖွင့်လှစ်ထားပါသည်။

စာမျက်နှာသစ်တွင် အချို့သော စစ်ရေး၊ နိုင်ငံရေး၊ စီးပွားရေး၊ ပညာရေး၊ ကျန်းမာရေးဆိုင်ရာ ဆောင်ပါးများနှင့် ရသစာစုများ (နှစ်ရာကျော်ခန့်)ကိုလည်း ကဏ္ဍများခွဲ၍ ပြန်လည်ဖော်ပြထားပါသည်။


ယခုဘလော့စာမျက်နှာကို ဆက်လက်ထားရှိထားမည်ဖြစ်သော်လည်း ယနေ့မှစ၍ ပို့စ်အသစ်များ ထပ်မံ တင်တော့မည် မဟုတ်ပါကြောင်းနှင့် ပို့စ်အသစ်များကို စာမျက်နှာသစ်တွင်သာ တင်တော့မည်ဖြစ်ပါကြောင်း လေးစားစွာ အသိပေး အကြောင်းကြားပါသည်။


စာမျက်နှာသစ်သို့ အလည်လာရောက်ပါရန်ကိုလဲ လှိုက်လှဲစွာ ဖိတ်ခေါ်အပ်ပါသည်။


လေးစားစွာဖြင့်



ခင်မမမျိုး (၁၇၊ ၁၀၊ ၂၀၁၁)

www.khinmamamyo.info

မေတ္တာတရား ရှာပုံတော် (၀တ္ထုတို)

Tuesday, November 30, 2010

(၁)

"မေမေ ဒီနေ့အားလားဟင်"
"မအားဘူး သမီးရဲ့၊ မေမေ သွားစရာရှိတယ်"
"မေမေကလဲ အမြဲတမ်း အလုပ်တွေနဲ့ ပြည့်နေတာချည်းပဲ"
"ဒီနေ့က အစည်းအဝေးရှိလို့ပါ သမီးရယ်။ သမီး ဘာလုပ်ချင်လို့လဲ"
"မေမေနဲ့တူတူ မုန့်သွားစားမယ်လေ။ -----ဆိုင်က ဖက်ထုပ်ကြော်က အရမ်းကောင်းတာ မေမေရ"
"မုန့်သွားစားတာပဲ သမီးရယ်။ သူငယ်ချင်းတွေနဲ့ သွားစားလေ။ သမီးက ကိုးတန်းကျောင်းသူကြီးတောင် ဖြစ်နေပြီပဲ။ ကိုယ့်ဘာသာကိုယ် ပိုက်ဆံကို ကိုင်သုံးလို့ ရနေပြီပဲဟာ။ ဘာလဲ- ဖွားဖွားဆီက မုန့်ဖိုးမတောင်းရသေးလို့လား။ ရော့- မေမေ့ဗီဒိုသော့။ ကြိုက်သလောက်ယူသွား"

ဖက်ထုပ်ကြော်စားပြီးရင် ရုပ်ရှင်သွားကြည့်ရအော်နော် ဆိုသောစကားကို ဆက်ပြောဖို့ မြတ်နိုးမှာ အင်အားမရှိတော့။ သော့လေးကိုင်ပြီး ငိုင်နေမိချိန်မှာ မေမေက သူမဘေးကနေ ထွက်ခွာသွားခဲ့ပြီ ဖြစ်သည်။

စိတ်ညစ်ညစ်ဖြင့် မေမေ့ဗီဒိုကို ဖွင့်ပြီး အံဆွဲထဲမှ ငွေစက္ကူအုပ်များကို စိတ်ပျက်စွာ ကြည့်နေမိသည်။

တော်တော်ရှုပ်တဲ့ စက္ကူစုပ်တွေပဲ။ သားအမိကြားက မေတ္တာတရားတွေကိုတောင် ၀င်ရှုပ်နေသေးတယ်။ မေမေကလဲ သူ့နား ကပ်လိုက်တာနဲ့ ငွေတောင်းဖို့ပဲ ထင်နေတယ်။ ဒုက္ခပါလားနော်။

သူမ တိုးတိုးလေး ရေရွတ်လိုက်မိသည်။



(၂)

"မေမေရေ၊ ရှေ့လကျရင် သမီးဆယ့်ရှစ်နှစ် ပြည့်ပြီနော်။ သမီးကို မွေးနေ့လက်ဆောင်ပေးရမယ်"
"စိတ်မပူပါနဲ့ သမီးရယ်။ မေမေ့သမီးလေးကို မွေးနေ့လက်ဆောင်ပေးဖို့ အားလုံး ပြင်ဆင်ပြီးသား"

သမီးက ဘာလိုချင်လို့လဲ လို့ မေးလာခဲ့ရင် မေမေနဲ့အတူ ချောင်းသာ အလည် သွားချင်တယ်လို့ ပြောဖို့ အားခဲထားခဲ့ပေမယ့် မေမေပြန်ပြောတဲ့ အသံမှာက လေးနက်မှုတွေ ပါနေတာမို့ သူမ တိတ်တိတ်လေးပဲ နေလိုက်တော့သည်။ ကျောက်ခဲစုတ်တွေလို့ သူမခေါ်ဝေါ် သုံးစွဲတတ်သော ဖြူနီပြာဝါ အရောင်မျိုးစုံသည့် ရတနာ ပစ္စည်းတမျိုးမျိုးပဲ ဖြစ်လာဦးမှာပါဟု စိတ်ညစ်ညစ်နှင့် တွေးလိုက်မိသည်။

တကယ်တမ်း ဆယ့်ရှစ်နှစ်ပြည့်တဲ့နေ့မှာကျတော့ သူမမျက်စိရှေ့ရောက်လာတာက ကျောက်ခဲစုတ်တွေ မဟုတ်။ လူတွေ ဖြစ်နေပြန်သည်။

"သမီးလေးက သိပ်ကံကောင်းတာပဲ"

မေမေ့ မိတ်ဆွေ အငြိမ်းစားတရားသူကြီး တယောက်ရဲ့ ဇနီးသည် အန်တီကြီးက ပြောသည်။ သူမကတော့ ဘာကို ကံကောင်းမှန်းမသိလေတော့ အလိုက်အထိုက် ခေါင်းငြိမ့်ပြီး သွားဖြီးပြ လိုက်ရသည်။ များမကြာခင် မေမေ့မိတ်ဆွေ ရှေ့နေတယောက် ရောက်လာပြန်သည်။ ဒီတော့မှ သဘောပေါက်သည်။ မေမေ့မွေးနေ့လက်ဆောင်က အမွေဆက်ခံပိုင်ခွင့်နှင့် ဆိုင်သော စာချုပ် စာတမ်းများ။

ဧည့်သည်တွေ ပြန်သွားတော့ စိတ်ညစ်ညစ်နှင့် ဖွားဖွားအခန်းထဲ သွားထိုင်နေဖြစ်သည်။

"ရော့- မြေးလေး"
"ဘာလဲဟင် ဖွားဖွား"
ဖွားဖွားက မြကို စိန်များ ၀ိုင်းထားသော လက်စွပ်ကို သူမလက်မှာ လာစွပ်သည်။
"ဒီမြလက်စွပ်က ဖွားဖွားတို့ ဘိုးစဉ်ဘောင်ဆက် ထိန်းသိမ်းလာတဲ့ ပစ္စည်း။ မြေးလေးကို မွေးနေ့လက်ဆောင်ပေးတာ"

ဖွားဖွား အခန်းထဲက မီးရောင်အောက်တွင် ပြိုးပြိုးပြက်ပြက် တောက်နေသော လက်စွပ်ကြီးကိုကြည့်ပြီး သူမမှာ ငိုရက်ခက်၊ ရီရခက်။

(၃)

"သမီးဆီ ဖေကြီးလာတယ်။ ပျော်လိုက်တာ"

ငယ်ငယ်ကတည်းက မိဘတို့ကြားက မာနတရားတွေကြောင့် ကွဲကွာသွားခဲ့သော ဖေကြီးကို တွေ့ဖို့ ဆိုပြီး ဖေကြီးရှိရာမြို့သို့ သူမ တကူးတက လိုက်သွားခဲ့သည်။ ဖေကြီးက ၀မ်းသာအားရ ကြိုဆိုပါသည်။ သို့ပေမယ့် အကြောင်းအမျိုးမျိုးပြပြီး အတူနေခြင်းကားမရှိ။ အိမ်ထောင်သစ်ထူထားရင်လဲ ကိစ္စမရှိ၊ မိထွေးနဲ့ တည့်အောင် ပေါင်းပါမယ်လို့ တောင်းပန်လဲ မရ။ သူမကို သပ်သပ်ထားလေသည်။ တမြို့တည်း မနေလို့ ဝေးတာက အသာထားလို့ တမြို့တည်း အတူနေတော့လဲ မတွေ့ကြရပြန်။ တခါတရံမှ တွေ့ဖြစ်ကြလေသည်။

"ဖေကြီးကလဲ သမီးဆီ လာချင်တာပေါ့။ အလုပ်တွေ ရှုပ်နေလို့ပါ သမီးလေးရယ်။ ရော့သမီး- ဒါတွေယူထား"

ဖေကြီးက ပြောပြောဆိုဆိုနှင့် သားရေအိတ်နက်ထဲက ငွေစက္ကူအုပ်တွေ ထုတ်ပြီး သူမလက်ထဲ လာထည့်သည်။

"ဒါတွေက ဘာလုပ်ဖို့လဲဟင်"
"သမီးလေး သုံးချင်တာသုံးဖို့ပေါ့"
"စိတ်ညစ်တယ်။ မေမေက ငွေတွေ လွှဲလိုက်၊ ဖေကြီးက ပိုက်ဆံတွေ လာပေးလိုက်နဲ့"

"ဘာ၊ သမီးအမေက ငွေတွေလွှဲပေးတယ် ဟုတ်လား။ သမီးက ဘာလို့ လက်ခံရတာလဲ"
"လက်မခံလို့ ရမလား။ ဘဏ်က ဖုန်းဆက်တာကိုး"
"အို၊ ဘာပဲဖြစ်ဖြစ် ဖေကြီးဆီမှာ ရှိရင်တော့ ဖေကြီးတာဝန်ပေါ့။ သူပို့စရာ မလိုပါဘူး။ သူက တလကို ဘယ်လောက်ပို့ပေးလဲ။ သူ့ထက် နှစ်ဆ သမီးကို ဖေကြီးပေးမယ်"

ဖေကြီးမျက်နှာကို အံ့သြစွာ ငေးကြည့်ရင်း ဘာပြန်ပြောရမည်ပင် မသိတော့။ ဖေကြီးနဲ့တွေ့ရင် တရုတ်တန်းမှာ ကြေးအိုးဆီချက် လိုက်ကျွေးရန် ပူဆာဖို့ စဉ်းစားထားခဲ့သော စကားလုံးလေးများက အသံအဖြစ် ပေါ်ထွက်မလာခဲ့တော့ပါ။

(၄)

"ဒီနေ့အားလားဟင် မမကြီး"
"ဟောကြည့်။ မမကြီး ပြောထားတာကို မေ့နေပြန်ပြီ။ ဒီနေ့ နေ့လည် အထူးဒေသ (----) က ဧည့်သည်တွေနဲ့ တွေ့ဖို့ချိန်းထားတယ်လေ။ မြတ်နိုးပါ လိုက်ခဲ့ရမယ်"
"မမကြီးရယ်။ နောက်နေ့မှ တွေ့လို့ မရဘူးလား"
"ဘာဖြစ်လို့လဲ"
"ကျောက်ဆည်က ဆင်အက သွားကြည့်ချင်လို့ပါ။ သူငယ်ချင်းတွေက ခေါ်တာတောင် လိုက်တာ မဟုတ်ဘူး။ မမကြီးနဲ့ တူတူသွားချင်လို့"

"ဒီကောင်မလေးကတော့ လုပ်ပြန်ပြီ။ တီဗွီမှာလဲ ကြည့်လို့ရနေတဲ့ဥစ္စာ။ ကဲ-ကဲ-နောက်မှ မမကြီးလိုက်ပို့မယ်နော်။ ဒီနေ့တော့ သစ်လုပ်ငန်းကိစ္စ ပြောရမှာမို့ အရေးကြီးတယ်"

"ဒါဆို သူငယ်ချင်းတွေနဲ့ပဲ လိုက်သွားရမလား"
"မလိုက်ရပါဘူး။ မမကြီးနဲ့ပဲ လိုက်ခဲ့ရမယ်။ မြတ်နိုး။ သမီးအသက်ဆယ့်ရှစ်နှစ်ကျော်နေပြီနော်။ အပျော်အပါးတွေ မက်လို့ မရဘူး။ လုပ်ငန်းကိစ္စတွေမှာ အာရုံစိုက်ရတော့မယ်။ မမကြီးမှာက မိဘတွေ၊ ဆွေမျိုးတွေလဲ ရှိတော့တာ မဟုတ်ဘူး။ မြတ်နိုးကိုပဲ ညီမအရင်းလေးလို ချစ်နေရတာ။ နောက်ဆို ဒီလုပ်ငန်းတွေအားလုံး မြတ်နိုးလက်ထဲကိုပဲ လွှဲထည့်ပေးတော့မှာ"

လာပြန်ပြီ- နောက်တယောက်။

စိတ်ပျက်လက်ပျက်ဖြင့် ငုတ်တုတ်ထိုင်ချလိုက်ရုံမှ တပါး သူမ ဘာမှ မတတ်နိုင်တော့။

(၅)
"မြေးလေး"
ကုတင်ပေါ်မှ ဖွားဖွားအသံက တိုးညင်းပျော့ပျောင်းနေသည်။
"သမီးလေးရောက်နေပြီ။ ဖွားဖွားဘာမှ မပူနဲ့တော့နော်။ ဖွားဖွားကို သမီး ပြုစုမယ်"

ဖွားဖွားက ဖြေးဖြေးလေး ခေါင်းခါသည်။ လက်ညှိုးလေးဖြင့် ရှိသမျှလူတွေကို အပြင်ထွက်ခိုင်းသည်မို့ အားလုံးထွက်သွားကြသည်။

ဖွားဖွားအခြေအနေက မဟန်တော့။ မီးစာကုန် ဆီခန်းချိန်ရောက်နေပြီ။ ဒါကြောင့်လဲ မိုင်ပေါင်းများစွာ အဝေးကြီးမှာ ရောက်နေရာက ဖွားဖွားအနီးသို့ အရောက်ပြန်သွားဖြစ်သည်။ အသက်မှီရရင်ကို သူမကျေနပ်သည်။ ဖွားဖွားကို သူမ နမ်းမည်။ ဖွားဖွားလက်ကလေးကို နောက်ဆုံးအချိန်ထိ ဆုပ်ကိုင်ထားမည်။

'သော့"
ဖွားဖွားအသံက သိပ်မသဲကွဲ။ မနည်းအားစိုက်နားထောင်ရသည်။

"စိန်သေတ္တာသော့ မြဘုရားဆင်းတုထဲမှာ"

ကြားရသောစကားကြောင့် သူမ မျက်လုံးပြူးသွားသည်။ လူအများအကြားမှာ ထုတ်ဝတ်နေသော လက်ဝတ်ရတနာများအပြင် ဘိုးဘွားများ စုဆောင်းထားသော စိန်များ သီးခြားသိမ်းထားတယ်လို့သာ သိသည်။ သုံးဧကကျော်ကျယ်ဝန်းသော ခြံကြီးရဲ့ ရှေးအိမ်ကြီးနှစ်လုံးထဲက ဘယ်နေရာမှာရှိမှန်းပင် မသိခဲ့။ အိမ်ထဲမှာ ဟိုဟိုဒီဒီ လျှောက်သွားနေတာကိုလဲ လူကြီးတွေက ကြိုက်တာမဟုတ်၊ သူမကလဲ စာအုပ်ကလွဲရင် ဘာမှစိတ်ဝင်စားတာမဟုတ်တော့ မေ့တောင်မေ့နေခဲ့ပြီ။

"သေတ္တာက စာကြည့်ခန်း မီးဖို"

စကားလုံးလေးများကို တိုးတိုးလေးရေရွတ်ရင်း ဖွားဖွားက ကံကုန်သွားသည်။ ဖွားဖွားကို ကြည့်ရင်း သူမကြောင်နေမိသည်။ အနမ်းလေးတချက်နဲ့တောင် သူမမှာ နှုတ်ဆက်ခွင့် မကြုံလိုက်။ လက်ဖ၀ါးလေးလဲ မကိုင်လိုက်ရ။

စိန်သေတ္တာစုတ်က သူမအိပ်မက်လေးကို အနှောင့်အယှက် ၀င်ပေးသွားပြန်သည်။

(၆)
"မနန်းရယ်၊ ကျွန်မမျက်နှာကို ကြည့်ပေးစမ်းပါ။ ဘာတွေ ဖြစ်နေလဲလို့"
အရမ်းခင်သော အစ်မကြီးတယောက်ကို ပြောလိုက်မိသည်။
"ဘာမှမဖြစ်ပါဘူး။ ဘာဖြစ်လို့လဲ"
"ကျွန်မမျက်လုံးတွေကိုကော ကြည့်ပေးစမ်းပါ။ ဘာတွေ ဖြစ်နေလဲလို့"
"ဟေ"

မနန်းက သူမကို ပြူးတူးပြဲတဲ ပြန်ကြည့်သည်။ အရမ်းချစ်သော အဖွားဆုံးသွားတာမို့ စိတ်အလွန် ထိခိုက်နေတာများလား ဆိုသော စူးစမ်းကြည့်။

"ကျွန်မဘ၀တလျှောက်လုံးမှာလေ ငွေသံ၊ ရွှေသံတွေ လွှမ်းနေတဲ့ မေတ္တာတွေကိုပဲ ခံစားခဲ့ရတယ်။ အဲဒီ ငွေစက္ကူတွေ၊ စိန်ရွှေရတနာတွေ၊ ပိုင်ဆိုင်မှု စာချုပ်စာတမ်းတွေ ဘာမှ မပါတဲ့ မေတ္တာတရားကို လိုချင်လွန်းလို့ လိုက်ပြီး ရှာဖွေနေခဲ့တာလဲ ကြာလှပြီ။ ဒါပေမယ့် အချိန်တွေကသာ ကုန်သွားတယ်။ မေတ္တာတရား ရှာပုံတော်က အဆုံးမသတ်နိုင်ဘူး။ ကျွန်မ၀န်းကျင်က လူတွေက မေတ္တာအစား ပစ္စည်းဥစ္စာတွေကိုပဲ ကျွန်မဆီကို သယ်လာကြတယ်။ ဒီလိုတွေ ဖြစ်ရအောင် ကျွန်မရုပ်က ဥစ္စာရူးရုပ် ပေါက်နေလို့လား အစ်မရယ်။ ကျွန်မမျက်လုံးတွေကကော လောဘအခိုးအငွေ့တွေ သန်းနေလို့လား။ ဘာတွေမှားနေလို့လဲ။ အဲဒါကို ကျွန်မသိချင်တာပါ"

"မဟုတ်ပါဘူး။ မြတ်နိုးလေးရယ်။ လူကြီးတွေက မြတ်နိုးကို ချစ်လွန်းလို့ အရာရာပြည့်စုံအောင် ဖြည့်ဆည်းပေးနေကြတာပါ။ ဒါကို မြတ်နိုးက တလွဲထင်နေတာ။ အဲဒါတွေကလဲ မေတ္တာတရား တွေပဲလေ"
“ ဒါပေမယ့် အဲဒီ စိန်ရောင်ရွှေရောင် မေတ္တာတရားတွေ အကြားမှာ ကျွန်မ မွန်းကြပ်လွန်းနေပြီ မနန်းရယ်။ ဘယ်လိုအရောင်၊ ဘယ်လို မျှော်လင့်ချက် တစုံတရာမှ မပါတဲ့ ဖြူဖြူစင်စင် မေတ္တာတရားလေးကိုပဲ ကျွန်မ လိုချင်တယ်။ ကျွန်မကို တခုကူညီပါလား "
“မနန်း ဘာကူညီရမလဲ"
“ကျွန်မနဲ့ ခဏလိုက်ခဲ့။ မနန်းကို ပြစရာရှိတယ်"

ိမနန်းအား စာကြည့်ခန်းထဲသို့ သူမခေါ်သွားလိုက်သည်။ မြဘုရားဆင်းတုထဲကရသော သော့လေးဖြင့် စာကြည့်ခန်းထဲက ဘိုစတိုင် မီးဖိုလေးထဲတွင် ရှိနေသော သေတ္တာစုပ်လေးကို ဖွင့်ပြလိုက်သည်။ အသုံးမပြုတာ ကြာခဲ့ပြီဖြစ်သော မီးဖိုလေးမို့ သေတ္တာမှာ ဖုန်အလိမ်းလိမ်း။ သေတ္တာကို ဖွင့်ပြလိုက်တော့ မနန်း မျက်လုံးပြူးသွားသည်။ ရတနာလုပ်ငန်း လုပ်နေသူပဲ။ အပွေးမြင် အပင်သိသည်ပေါ့။

"ဒါတွေကို မနန်းယူသွားလိုက်တော့"
"ဟေ"
"လုပ်ငန်းတွေ ထူထောင်ပေးပါ။ ရတဲ့ အကျိုးအမြတ်တွေကို လှူစရာရှိတာတွေ လှူပေးပါ"
"မနန်းက ဘာလုပ်ငန်းတွေ လုပ်ပေးရမှာလဲ။ ပစ္စည်းတွေ ထုခွဲဖို့ကတော့ မပူနဲ့။ မနန်းတတ်နိုင်ပါတယ်"

"အိမ်ခြံမြေ၊ ကားတွေပေါ့ မနန်းရယ်။ ဒီအချိန်မှာ အဲဒါတွေက တွက်ချေကိုက်တယ်လေ။ မြို့ပေါင်းစုံမှာ အိမ်တွေဝယ်၊ လူငှားတွေတင်ပြီး ပစ်ထားလိုက်။ မြေကွက်တွေဝယ်ပြီး ဘာမှ မလုပ်ပဲ ပစ်ထားလိုက်။ ပြီးတော့ တနိုင်ငံလုံးမှာ စက်မှုဇုံ မြေကွက်တွေ ဖြန့်ပြီးလိုက်ဝယ်ထား။ ကားတွေလဲ ဒီအတိုင်းပဲ။ ကားတွေဝယ်ပြီး ခရီးသွားလုပ်ငန်းတွေနဲ့ ချိတ်။ အငှားရရင် ထည့်ပေးလိုက်။ ဈေးအခြေအနေကြည့်ပြီး ထုတ်သင့်တဲ့ အချိန်ဆိုထုတ်။ ဒါမျိုးတွေက မနန်းကျွမ်းပြီးသားပါ။ တခုပဲ။ အဲဒါတွေအားလုံးမှာ မြတ်နိုးနာမည် လုံးဝ မသုံးနဲ့"

"ဟေ။ ဟဲ့- အဲလိုလုပ်လို့ မရဘူးလေ။ အဲဒီလောက်ကြီးကျတော့လဲ မနန်းမလုပ်ရဲဘူး။ ဒီလိုဆိုလို့ မနန်းက မြတ်နိုးအပေါ် မရိုးမသားစိတ်ဖြစ်လာမယ်ပြောတာ မဟုတ်ဘူးနော်။ ကံကြမ္မာကို ကြောက်တာ။ ဆုံးရှုံးကုန်ရင် ဘယ်လိုလုပ်မလဲ"

"ရှုံးကုန်တော့လဲ ဘာဖြစ်လဲ မနန်းရယ်။ အစကတည်းက ဒီပစ္စည်းတွေက ကျွန်မရဲ့ ဦးနှောက်တွေ၊ ခြေတွေလက်တွေနဲ့ ဖန်တီးထားတာမှ မဟုတ်တာပဲ။ မနန်းကောင်းမယ် ထင်သလိုသာ လုပ်လိုက်။ အရေးကြီးတာက ကျွန်မနာမည်ကို လုံးဝ မသုံးပါနဲ့။ ဘာစာရင်းမှလဲ မပြပါနဲ့။ ကျွန်မ ငွေလိုတဲ့အခါကျရင် မနန်းကို တောင်းမယ်လေ။ အဲဒီကျတော့လဲ မနန်းပေးချင်သလောက်ပေးပေါ့။ ဒါပေမယ့် လိုမယ်တော့ မထင်ပါဘူး။ ကျွန်မက ကိုယ့်ဦးနှောက်လေးနဲ့ပဲ ကိုယ့်ဟာကိုယ် ရှာစားချင်တာ။ ဘာပိုင်ဆိုင်မှုမှလဲ မထားချင်ဘူး။ နေဖို့၊ စားဖို့ ပိုက်ဆံလေးရှိရင် လုံလောက်ပြီ။ အဲလိုဘ၀လေးနဲ့ နေလို့ရတဲ့ နေရာမှာပဲ သွားနေတော့မယ်"

"မြတ်နိုးက ဘယ်သွားမှာလဲ။ ဘာလုပ်မှာလဲ"
"နေရာကိုတော့ အတိအကျ မပြောနိုင်သေးပါဘူး။ အဆင်ပြေသလိုပေါ့။ အလုပ်ကိုတော့ ပြောလို့ရတယ်။ ပစ္စည်းမဲ့ ပညာတတ်လုပ်မယ်လေ"

"ဘာရယ်။ တခါမှလဲ မကြားဖူးဘူး"
"မကြားဖူးရင်လဲ ဒီလိုပဲ မှတ်ထားလိုက်နော်။ တချို့ကိစ္စတွေက မသိတာ ပိုကောင်းပါတယ် မနန်းရယ်။ မနန်း ပျော်တဲ့ လုပ်ငန်းရှင်ဘ၀ကိုပဲ သိသထက် ပိုသိအောင် လုပ်လေ။ ဒါပေမယ့် ငွေကိုပဲ ကိုယ့်ဆီခေါ်ပါနော်။ ငွေခေါ်ရာနောက်ကိုတော့ လူက လိုက်မသွားပါနဲ့။ ငွေဆိုတာ မရှိမဖြစ် လိုအပ်တဲ့ အရာမှန်ပေမယ့် လောကမှာ ငွေနဲ့ လဲယူလို့မရတဲ့ အရာတွေလဲ အများကြီး ရှိပါသေးတယ်။ တချိန်မှာ အိမ်ထောင်ကျပြီး သားသမီးတွေ ရလာရင်တော့ ကျွန်မပြောတဲ့ ဒီစကားလေးကို သတိရပေးပါ"

(၇)
"ဘာ- အတူတူ တွဲတက်ရမယ်၊ ဟုတ်လား"

ဖုန်းထဲမှ ကြားလိုက်ရသော စကားသံကြောင့် သူမတုန်လှုပ်သွားသည်။ ချစ်ခြင်းမေတ္တာတရားများနှင့် အလွဲလွဲအချော်ချော်ဖြစ်ခဲ့ရသော သူမဘ၀ လမ်းခရီးတွင် နှလုံးသားရေးရာမှာလဲ အလွဲလွဲ၊ အကွဲအပြဲများဖြင့်သာ ထပ်မံကြုံတွေ့ရပြန်သည်။

ဒီလိုအခြေအနေမျိုးကြားမှာ မေတ္တာတရား စကားလုံးလေးများဖြင့် ချဉ်းကပ်လာသော သူ့ကို ဘ၀ခရီးဖော်အဖြစ် လက်ခံရန် သူမ စဉ်းစားထားခဲ့သည်။ သို့ပေမယ့် သူလုပ်ခိုင်းနေသော ကိစ္စတခုကို ပြန်စဉ်းစားရဦးမည်လို့ ပြောချိန်တွင် ပြန်ပြောလိုက်သော စကားလုံးက သူမစိတ်ကို ထိခိုက်သွားစေခဲ့သည်။

"ဟုတ်တယ်လေ။ အိမ်ထောင်ဘက်ဆိုတာက ဘ၀မှာ compatible ဖြစ်ဖို့လိုတယ်။ ဒီလိုပဲ အတူတူ တွဲတက်ကြတာပဲ။ မြတ်နိုးကိုလဲ ကိုယ်စိတ်ဝင်စားနေတာကြာခဲ့ပြီ။ ကိုယ်နဲ့ compatible ဖြစ်နိုင်တယ်။ ကိုယ်ဖြစ်ချင်တာတွေကို ပံ့ပိုးပေးနိုင်တယ်"

"ဒါဆို ကျွန်မကို ရှင်ချဉ်းကပ်ခဲ့တာ ရှင့်ဘက်က မေတ္တာနဲ့လား၊ တွက်ချက်မှုနဲ့လား"
"မြတ်နိုးပြောတာ ကိုယ်နားမလည်ဘူး။ အတူတူပဲလေ။ မြတ်နိုးနဲ့ ကိုယ်ပေါင်းစပ်ပြီး ဘ၀တခုကို တည်ဆောက်မယ်။ မြတ်နိုးမှာလဲ နာမည်နဲ့ ပညာရှိပြီးသား။ ကိုယ့်မှာလဲ ဒါတွေ အတိုင်းအတာတခုအထိ ရှိပြီးသား။ ပေါင်းစပ်လိုက်မယ်။ အတူတူတွဲတက်မယ်"

"ဒါဆို တကယ်လို့ ခင်မြတ်နိုးဆိုတဲ့ ကျွန်မ နာမည်က ဒီလောကထဲမှာ မရှိနေခဲ့ဖူးဆိုရင်၊ အဲဒီနာမည်နောက်မှာ ဘယ်လိုပညာအရည်အချင်းမှ ရှိမနေခဲ့ဖူးဆိုရင် ရှင့်ဘ၀ကို ကျွန်မဘ၀နဲ့ မပေါင်းစပ်ဖူးပေါ့"

"ကိုယ်ဆိုလိုတာက အဲလို မဟုတ်ပါဘူး"
"ကျွန်မရှင့်ကို အကြိမ်ကြိမ် ပြောခဲ့ပြီးသားပါ။ ကျွန်မလောကကြီးထဲမှာ ရှာဖွေနေတာက မေတ္တာတရား၊ စစ်မှန်ဖြူစင်တဲ့ မေတ္တာတရား။ ဘာလို ပစ္စည်းဥစ္စာ၊ ဂုဏ်ပကာသနတွေမှ မပါတဲ့ မေတ္တာတရား"

"ကိုယ်ကလဲ မြတ်နိုးကို မေတ္တာရှိတယ်လေ။ ဒါကြောင့် ဘ၀ကို အတူတူ တည်ဆောက်မယ်လို့ ပြောတာပေါ့။ အဲဒါတွေ ပြောမနေနဲ့။ ကိုယ်လဲ မငြင်းအားဘူး။ ကိုယ်ပြောတာကို လုပ်ပေးနိုင်မလား၊ မလုပ်ပေးနိုင်ဘူးလား ဆိုတာပဲပြော"

"ရှင်လုပ်ထားတဲ့ ကိစ္စတွေ၊ ရှင်လုပ်ခိုင်းတဲ့ ကိစ္စတွေက ကျိုးကြောင်းမဆီလျော်လို့ ကျွန်မပြန် သုံးသပ်နေတာ။ ရှင်လုပ်ချင်တာတွေ လုပ်ပြီးမှ ကျွန်မကို ကြားဖြတ်ဝင်ပြီး လုပ်ခိုင်းနေတာဆိုတော့ လုပ်ပေးနိုင်မယ်၊ မပေးနိုင်ဘူးဆိုတာ ကျွန်မ အတိအကျ မပြောနိုင်သေးဘူး။ စဉ်းစားသုံးသပ် ရဦးမယ်။ တတ်သိနားလည်သူတွေနဲ့ တိုင်ပင်ရဦးမယ်"

"အဲဒါတွေအတွက် အချိန်မရှိဘူး။ ဒီလိုအခွင့်အရေးမျိုးကို ကိုယ်စောင့်နေတာ နှစ်ပေါင်းများစွာ ရှိနေပြီ။အခုအချိန်မှာ ဒီကိစ္စလောက် ဘာမှ အရေးမကြီးဘူး"

"ဒါဆို ကျွန်မတို့ မင်္ဂလာပွဲကိစ္စတွေကို ဘယ်လိုလုပ်မလဲ။ ခဏရွှေ့ဆိုင်းထားမလား"
"ဟုတ်တယ်။ ရွှေ့ဆိုင်းမယ်။ ဒါလဲ ကိုယ့်ဘက်က စရွှေ့တာနော်။ ထပ်ပြောမယ်။ ခုအချိန်မှာ ကိုယ်လုပ်ထားတဲ့ ကိစ္စလောက် ဘာကမှ အရေးမကြီးဘူး။ မင်္ဂလာပွဲကိစ္စလဲ ကိုယ်စရွှေ့တာ"

ခါးသီးစိတ်ပျက်မှုများက သူမရင်ထဲသို့ တိုးဝှေ့ဝင်လာသည်။ ဒါဟာ မကြာခင်မှာ သူမဘ၀ခရီးဖော်အဖြစ် လက်တွဲဖို့ ရွေးချယ်ထားခဲ့သူတဲ့လား။

"ကျွန်မပြောတာကို ခဏလေး နားထောင်ပေးပါနော်။ ဒီလောက်ဆို ရှင့်ရဲ့ စိတ်ကို ကျွန်မ သဘောပေါက်နားလည်သွားပါပြီ။ ရှင်အတူတူ ဘ၀တည်ဆောက်ချင်တာက ကျွန်မနဲ့ဆိုတာကော ဟုတ်ရဲ့လားရှင်။ ကျွန်မနာမည်နဲ့လား၊ ကျွန်မဘွဲ့တွေ၊ ဦးနှောက်တွေနဲ့လားဆိုတာကို ကိုယ့်ဘာသာ ပြန်စဉ်းစားပါဦး။ ရှင်လုပ်ချင်တာတွေ၊ ဖြစ်ချင်တာတွေကို ပံ့ပိုးပေးနိုင်တဲ့ မိန်းကလေးတယောက်အနေနဲ့ ရှင်ရွေးချယ်ခဲ့တယ်လို့ ရှင့်စကားလုံးတွေက ညွှန်းဆိုနေတယ်။ ခုလဲ ရှင်လုပ်သမျှတွေကို ကောင်းကောင်းဆိုးဆိုး လိုက်မပံ့ပိုးပေးတော့ ဒေါသတွေထွက်ပြီး နှမချင်းမစာနာတဲ့ စကားလုံးတွေ ပြောနေပြန်ပြီ။ လောကမှာ တည်မြဲတဲ့ အရာဆိုတာ ဘာမှ မရှိပါဘူးရှင်။ ဒီလို အခြေအနေမျိုးမှာတောင် ရှင်ဒီလောက်ဖြစ်နေရင် တကယ်လို့ ကျွန်မရဲ့ ဦးနှောက်တွေ၊ အတတ်ပညာတွေကို ရှင်လိုချင်တဲ့ ဘ၀အတွက် အသုံးမပြုပေးနိုင်တော့တဲ့ မတော်တဆ ထိခိုက်မှုတခုခုများ ဖြစ်သွားခဲ့ရင် ဘယ်လိုလုပ်မလဲ"

ပြောရင်း စိတ်ထိခိုက်လာသည်မို့ သူမဖုန်းချလိုက်ပါတော့သည်။

(၈)

ကားလမ်းလေးက ရှင်းလို့နေသည်။ ဟိုင်းဝေးလမ်းမများထက် ဒီလို မြေနီလမ်းလေးပေါ်မှာ ကားမောင်းရတာကို သူမ ပိုနှစ်သက်မိသည်။

ရှေ့နားက ကားလမ်းဘေးမှာ အလံတလူလူလွင့်နေတာ လှမ်းမြင်ရသည်။ ကျေးရွာစာသင်ကျောင်းလေး တခု ထင်ပါရဲ့။

မနန်းက ပြောဖူးသည်။ လုပ်ငန်းအကျိုးအမြတ်လေးများကို ကျေးရွာစာသင်ကျောင်းလေးတွေကို ပုံမှန်လှူသည်တဲ့။ ချို့တဲ့ပြီး ပညာတော်တဲ့ ကလေးငယ်လေးတွေကို ပညာသင်စရိတ်တွေ ကူညီပေးသည်တဲ့။ အမည်မသိ အလှူရှင်တဦးအနေဖြင့်။ မည်မျှ ကောင်းလိုက်သည့် စာသားလေးပါလဲ။ ပေးသူ၊ ယူသူအကြားမှာ ဘယ်လိုမျှော်လင့်ချက်မှလဲ မရှိ။ ငါဆိုသော အတ္တတွေလဲ မရှိ။

အတွေးလေးနဲ့အတူ သူမပြုံးလိုက်မိသည်။

သို့ပေမယ့် သူမအပြုံးက မကြာလိုက်။
ကားရှေ့မှ ဖြတ်ပြေးသော ကလေးငယ်လေးကို တွေ့လိုက်ရတာမို့ စတီယာရင်ကို အလန့်တကြားဖြင့် ချိုးကွေ့လိုက်မိသည်။

ဝုန်းဆိုသော အသံတခုက ပေါ်ထွက်လာခဲ့သည်။
မကြာပါ။ ကားထဲက သူမထွက်လိုက်သည်။ စာသင်ကျောင်းထဲက ကလေးတွေ ပြေးထွက်လာတယ်ထင့်။ အဖြူအစိမ်းဝတ်လေးများက သူမကားဘေးမှာ ၀န်းရံနေကြသည်။

ကျောင်းဆရာလို့ ယူဆရသော အဖြူအစိမ်းဝတ် လူတယောက်ရဲ့ လက်ထဲမှာ သူမကိုယ်သူမ ပြန်တွေ့လိုက်ရပြန်သည်။

"ကလေးကို တိုက်မိမှာစိုးပြီး ဆွဲကွေ့လိုက်တာဖြစ်မယ်။ သစ်ပင်ကို ၀င်တိုက်မိသွားတာ"

နောက်ထပ်ရောက်လာသော ကျောင်းဆရာမလေးတယောက်ကို ထိုလူက ရှင်းပြနေသည်။

"သနားပါတယ်ဗျာ။ ပွဲချင်းပြီးပဲ။ ကျွန်တော်စိတ်မကောင်းလိုက်တာ"

ပြောနေသော ကျောင်းဆရာလေးရဲ့ မျက်ဝန်းကို သူမကြည့်လိုက်မိသည်။
မေတ္တာမျက်ဝန်း။

ဘယ်လို စိန်ရောင်၊ ရွှေရောင်၊ အတ္တတရား၊ မျှော်လင့်ချက်မှ မရှိပဲ လူသားချင်းစာနာမှုပေါ်မှာ အခြေတည်သည့် မေတ္တာမျက်ဝန်း။

ဘယ်လိုပဲဖြစ်ဖြစ် တယောက်ကိုတယောက် မတွေ့ဖူး၊ မမြင်ဖူးခဲ့သော မေတ္တာတရားရှိသူတွေရဲ့ ၀န်းရံမှုအကြားမှာ ဘ၀ခရီးတခု အဆုံးသတ်သွားရသည့်အတွက် သူမကျေနပ်မိပါသည်။

သူမနှင့် တူသော ရုပ်ခန္ဓာ၊ အမည်နာမ သတ်မှတ်ချက်များ၊ စိန်ရွှေရတနာများကို ထားခဲ့ပြီး ကျေနပ်စွာ လှည့်ထွက်လာခဲ့သည်။ မေတ္တာတရား၊ သစ္စာတရားများ ရှာဖွေသည့် သံသရာခရီးဆီသို့ သူမခြေလှမ်းများက ဦးတည်လျှက်။

ခင်မမမျိုး (၂၉၊ ၁၁၊ ၂၀၁၀)



အပြည့်အစုံဖတ်ချင်ရင်..>>>

တောင်ကြီးအလွမ်း

Wednesday, November 24, 2010


တန်ဆောင်မုန်းလကို ရောက်ရင် အဝေးမှာ ရောက်နေကြတဲ့ တောင်ကြီးသူ၊ တောင်ကြီးသားတွေရဲ့ ရင်ထဲမှာ အလွမ်းဝေဒနာတွေ ခံစားကြရတတ်ပါတယ်။ တန်ဆောင်တိုင်ပွဲတော်နဲ့ မီးပုံပျံကြီးတွေကို လွမ်းဆွေးတမ်းတမိတတ်ကြပါတယ်။ တန်ဆောင်တိုင်ပွဲတော် ဆိုတာက ငယ်ဘ၀ရဲ့ ပုံရိပ်တွေထဲမှာ ဘယ်တော့မှ မေ့ပျောက်နိုင်ကြမှာ မဟုတ်တော့တဲ့ အမှတ်တရ ပုံရိပ်လေးတွေပါ။



တောင်ကြီးတန်ဆောင်တိုင် ပွဲတော်ကြီးရဲ့ ထူးခြားတဲ့ အမှတ်ရစရာတွေကတော့ မြို့လုံးကျွတ် မဟာဘုံကထိန်ပွဲတော် ကထိန်ပဒေသာပင် လှည့်လည်ပူဇော်ပွဲနဲ့ မီးပုံပျံလွှတ်ပြိုင်ပွဲနဲ့ ပူဇော်ပွဲတွေပဲ ဖြစ်ပါတယ်။ မြို့လုံးကျွတ် မဟာဘုံကထိန်ပွဲတော် ကထိန်ပဒေသာပင် လှည့်လည်ပူဇော်ပွဲမှာဆိုရင် တောင်ကြီးမြို့ မင်းလမ်း (ဗိုလ်ချုပ်အောင်ဆန်းလမ်းမကြီးတလျှောက်) ကထိန်ပဒေသာပင်တွေ ထမ်းပြီး လှည့်လည်ကြတာပါ။ ပဒေသာပင်တွေ ထမ်းတဲ့လူတွေကထမ်းရင်း အဆိုအတီးတွေနဲ့ အလွန်ပျော်စရာ ကောင်းတာပါ။ ငယ်ငယ်တုန်းကတော့ အိမ်ကလူကြီးတွေက ပူဇော်ပွဲထဲမှာ လမ်းလျှောက်ပါဝင်ခွင့် မပေးပါဘူး။ ဒါပေမယ့် မင်းလမ်း လမ်းမကြီးပေါ်က မိတ်ဆွေတွေ အိမ်အပေါ်ထပ်က ပွဲတော်ကြီးကို ကြည့်ခွင့်ရပါတယ်။ မူလတန်း အရွယ်တွေတုန်းကပါ။

အလယ်တန်း၊ အထက်တန်း ရောက်တော့ ပူဇော်ပွဲမှာ လမ်းလိုက်မလျှောက်ပေမယ့် ကျောင်းရဲ့ ကထိန်ပဒေသာပင် တွေအတွက် ပိုက်ဆံလေးတွေ ပုံစံအမျိုးမျိုးနဲ့ ခေါက်တာမှာ ပါဝင်တတ်လာပါပြီ။ ဒီလိုအချိန်တွေဆို ကျောင်းမှာကလဲ ဆရာမတွေ စာကောင်းကောင်းသင်လို့ မရတတ်ပါဘူး။ တခါတလေ နေ့လည်ပိုင်း တပိုင်းလုံး စာမသင်တော့ပဲ ကျောင်းသူကျောင်းသားတွေ စုပေါင်းပြီး ပဒေသာပင် သီးကြပါတယ်။ အတန်းလိုက် မိမိတို့ ပဒေသာပင်ကို အကောင်းဆုံးဖြစ်အောင် အပြိုင်အဆိုင် ပြုလုပ်ကြပါတယ်။ အထက်တန်းအောင်ပြီးတဲ့အခါမှာတော့ လူကြီးတွေလဲ မတားနိုင်ကြတော့ပါ။ ကထိန်ပဒေသာပင် လှည့်လည်ပူဇော်ပွဲမှာ ကိုယ်တိုင်ကိုယ်ကျ လှည့်လည်ပါဝင်ဖြစ်ပါတော့တယ်။

လူငယ်ဘ၀ဆိုတော့ အပြိုင်အဆိုင်ကလဲ များကြပါသေးတယ်။ အက်ဖ်အီးစီခေတ်ကောင်းချိန်ဆိုတော့ အက်ဖ်အီးစီနဲ့ မြန်မာငွေစက္ကူတွေနဲ့ ပေါင်းစပ်ပြီး ကိုယ့်ပဒေသာပင်ကို တန်ဖိုးကြီးအောင် လုပ်ဖြစ်ကြပါသေးတယ်။ အပြိုင်အဆိုင်လုပ်ကြရတဲ့ ပဒေသာပင်တွေကို လိုက်ကြည့်ကြရတာလဲ အမော။ ပဒေသာပင်လှည့်လည်ပူဇော်ပွဲပြီးလို့ အိမ်ပြန်ရောက်ချိန်မှာ ဘယ်အုပ်စုရဲ့ ပဒေသာပင်မှာက အက်ဖ်အီးစီထည့်တာ နည်းပါတယ်၊ ဘယ်အုပ်စုက များတယ်တွေနဲ့ ဖောက်သည်ချမိတော့ အလှူဆိုတာ တမူးတမတ်ပဲ ထည့်ထည့်၊ ညောင်စေ့လောက်လှူပေမယ့် စေတနာပွားရင် ညောင်ပင်လောက် များပြားကြောင်း သတိပေးဆုံးမ ပြောဆိုကြပါတော့တယ်။ မသိတာမဟုတ်ပေမယ့် တခါတရံကျရင် အသက်ငယ်ရွယ်မှုရဲ့ မာနနဲ့ အပြိုင်အဆိုင်စိတ်တွေက လူတွေကို လွှမ်းမိုးသွား တတ်ကြောင်း သင်ခန်းစာတခုကို ရသွားခဲ့ပါတယ်။ နောင်နှစ် တန်ဆောင်တိုင်ပွဲတော် တွေမှာကျတော့ ဒီလိုစိတ်အညစ်အကြေးတွေကို သတိနဲ့ ဆင်ခြင်ဖယ်ရှားဖြစ်သွားပါတော့တယ်။

တောင်ကြီးတန်ဆောင်တိုင်ပွဲတော် အမှတ်တရတွေထဲမှာ သတိတရ ဖြစ်စေတာကတော့ ပွဲဈေးခင်းတွေပါပဲ။ ဒီအချိန်ကျရင် တောင်ကြီးမြို့တော်ကြီးဟာ မြန်မာတနိုင်ငံလုံးက ဧည့်သည်တွေနဲ့ ကြက်ပျံမကျ စည်ကားလှပါတယ်။ တောင်ကြီးမြို့အနီးတ၀ိုက်က ညောင်ရွှေ၊ အောင်ပန်း၊ ပင်းတယ၊ကလော၊ ဟိုပုံး၊ ဆီဆိုင်၊ ပင်လုံ၊ လဲချားမြို့တွေက လူအများကလဲ စုပေါင်းပြီး ပွဲတော်ကို လာဆင်နွှဲကြပါတယ်။ တန်ဆောင်တိုင်ပွဲ ဈေးခင်းမှာ စားစရာတွေကလဲ အစုံအလင်ပါပဲ။ ဒီအချိန်ရောက်တိုင်း ကျွန်မတို့အိမ်မှာ ဧည့်သည်တွေနဲ့ စည်ကားနေလေ့ရှိပါတယ်။ ပွေးလှ၊ ပင်းတယနယ်ဘက်က အမေ့မိတ်ဆွေတွေလာရင် ဟင်းသီးဟင်းရွက်လက်ဆောင်တွေ ကားတစီးတိုက် ပါလာလေ့ရှိပါတယ်။ ပြည်မဘက်က ဧည့်သည်တွေ ရောက်လာရင်တော့ အိမ်အနီးက တည်းခိုခန်းတွေမှာလူပြည့်ပါတော့တယ်။

ပင်းတယဘက်က ဧည့်သည်တွေနဲ့ ပွဲဈေးခင်း လိုက်လည်လိုက်၊ စားလိုက်သောက်လိုက်၊ ပြည်မက ဧည့်သည်တွေနဲ့ အင်းလေးကန် အလည်လိုက်သွားလိုက်၊ ရပ်စောက်-ဗထူးဘက် လိုက်သွားလိုက်နဲ့ ကျွန်မမှာလဲ အတော်အလုပ်များပါတယ်။ ပွဲဈေးတွေ လိုက်လည်ရင်း ဟိုဧည့်သည်နဲ့ ဘိလပ်ရည်သောက်လိုက်၊ ဟင်းထုပ်စားလိုက်၊ ဒီဧည့်သည်နဲ့ အကြော်စုံစားလိုက်၊ ရေနွေးကြမ်း သောက်လိုက်၊ ညဘက်ကျတော့ မေမေတို့အသိုင်းအ၀ိုင်းထဲက ညစာတည်ခင်း ဧည့်ခံပွဲဆိုတာတွေကို လိုက်တက်လိုက်လုပ်ရင်း တန်ဆောင်တိုင်ပွဲတော်ပြီးရင် ကျွန်မဟာ ၀၀ကစ်ကစ်လေး ဖြစ်သွားပါ တော့တယ်။

ဒီလို လူအများတကာနဲ့ ပွဲဈေးခင်းထဲ ရောက်သွားတတ်ပေမယ့် မိသားစုနဲ့ကတော့ တကြိမ်၊ နှစ်ကြိမ်ပဲ ရောက်ဖူးလိုက်ပါတယ်။ အကြောင်းကတော့ ကျွန်မ ခြောက်နှစ်အရွယ်လောက်မှာ ပွဲဈေးထဲ လိုက်ပို့ရင်း ကျွန်မရဲ့ဖွားလေးတော်သူ ဖွားထွေးရဲ့ စိန်ကြယ်သီးနှစ်လုံးကို ခါးပိုက်နှိုက် ခံရလို့ပါပဲ။ ဖွားထွေးက ရှေးမြန်မာအမျိုးသမီးတို့ရဲ့ ထုံးစံအတိုင်း ရင်ဖုံး အင်္ကျီလေးတွေကို ရတနာကြယ်သီးလေးတွေ တပ်ပြီး ၀တ်ပါတယ်။ ဆွဲကြိုးလော့ကက်က ပတ္တမြားဆိုရင် ပတ္တမြားကြယ်သီး၊ မြဆိုရင် မြကြယ်သီး၊ ပုလဲနဲ့စိန် အပါးဝိုင်းလေးဆိုရင်လဲ တပုံစံတည်း ၀တ်ပြီးမှ အပြင်သွားတာပါ။ အဲဒီနေ့ကတော့ ကြံကြံဖန်ဖန် ခါးပိုက်နှိုက်ကလဲ လည်ပင်းက စိန်ဆွဲကြိုးကို မဖြတ်ပဲ စိန်ကြယ်သီးတွေကိုမှ ဖြုတ်ယူသွားသမို့ အပျိုကြီး ဖွားထွေးခမျာ မချိတင်ကဲ၊ တဗျစ်တောက်တောက် ဖြစ်ပြီး ပွဲဈေးကို စိတ်အနာကြီး နာသွားပါတော့တယ်။

ဒီလိုပွဲဈေးကို စိတ်နာပါတယ်ဆိုမှ ဆယ်တန်းအောင်ပြီးစ မြေးဖြစ်သူ ကျွန်မက ပွဲဈေးမှာ ဈေးသွားရောင်းဦးမယ်ဆိုတော့ မျက်လုံးကြီး ဘယ်လောက်ပြူးကျယ်သွားမယ်ဆိုတာ စဉ်းစားသာ ကြည့်ကြပါတော့။ ကျွန်မကလဲ ဘာရယ်မဟုတ်။ စူးစမ်းချင်စိတ်လေးသက်သက်ပါ။ သူငယ်ချင်းတွေက အပျော်အနေနဲ့ ဆိုင်ခန်းလေးတခုယူပြီး အကြော်စုံ၊ ဟင်းထုပ်နဲ့ ၀က်သားချဉ်ရောင်းဖို့ လုပ်တာကြောင့် ပါဖြစ်သွားတာပါ။ အပျော်ဆိုပေမယ့်လဲ ပင်ပန်းပါကလား။ ဘယ်နှယ့် ဗူးသီးတလုံးထိုင်လှီးရတာကိုက အတော်လက်ဝင်၊ ဆီပူအိုးရှေ့လဲ ဘယ်သူမှ မထိုင်နိုင်နဲ့ နောက်ဆုံးတော့ တကယ်လုပ်တတ်တဲ့ လူတွေ ရှာငှားရ၊ သူများဆိုင်က ဟင်းထုပ်တွေ ၀ယ်ပြီး ကိုယ့်ဆိုင်မှာ ပြန်တင်နဲ့ အမြတ်ထွက်ဖို့ နေနေသာသာ အရင်းတောင် ပြုတ်ကြ။ ဘယ်သူအမိန့်ပေးတာကိုမှ ဆတ်ဆတ်ထိ မခံတတ်သူတွေ စားသုံးသူတွေရဲ့ အသံတိုးတိုးတမျိုး၊ အသံကျယ်ကျယ်တမျိုး တောင်းဆိုမှုတွေကို မချိတင်ကဲ အကြိုက်လိုက်ဆောင် ပေးရတာက လွဲရင်တော့ ပျော်စရာကောင်းတဲ့ အမှတ်တရလေးတွေပါပဲ။

တောင်ကြီးတန်ဆောင်တိုင်ပွဲတော်နဲ့ ပတ်သက်ပြီး တခါမြင်ဖူးရုံနဲ့ တသက်မမေ့နိုင်စရာကတော့ မီးပုံပျံကြီးတွေပါပဲ။ နေ့လည်ပိုင်းဆိုရင် အရောင်အသွေးစုံ တိရစ္ဆာန်ရုပ်မီးပုံပျံကြီးတွေက ကောင်းကင်ပေါ် တက်လာပါတယ်။ ညဘက်ဆိုရင်တော့ မီးကျည်နဲ့ စိန်နားပန်မီးပုံပျံတွေက ပိုများပါတယ်။ အကြောင်းရင်းကတော့ မီးကျည်မီးပုံးပျံပြိုင်ပွဲနဲ့ စိန်နားပန် မီးပုံးပျံပြိုင်ပွဲတွေကို ညဘက်မှာ ကျင်းပလေ့ရှိလို့ပါပဲ။ မီးကျည်မီးပုံးပျံပြိုင်ပွဲက ပေါက်ကွဲတဲ့ မီးပန်းတွေရဲ့ အလှကို ပြိုင်တဲ့ ပွဲဖြစ်ပါတယ်။ မီးပုံပျံအောက်မှာ မီးရှူးမီးပန်းလေးတွေ ချိတ်ဆွဲထားပြီး၊ ကောင်းကင်ကို လွှတ်တင်လိုက်တဲ့အခါ မီးပန်းလေးတွေက ပေါက်ကွဲပါတယ်။ အဲဒီပေါက်ကွဲပုံ အလှကို ပြိုင်တာပါ။

စိန်နားပန် မီးပုံးပျံပြိုင်ပွဲမှာကျတော့ မီးပုံးပျံရဲ့ အောက်ခြေနဲ့ ဘေးတွေမှာ ကွင်းလေးတွေလုပ်ပြီး ရောင်စုံမီးပုံးလေးတွေ ထပ်ချိတ်ထားပါတယ်။ ဒီပြိုင်ပွဲမှာကျတော့ ဒီဇိုင်းစာသားအလှကို ပြိုင်တာ ဖြစ်ပါတယ်။ ပြိုင်ပွဲကို လာကြတဲ့ ပရိသတ်ကလဲ များပြားလှပါတယ်။ ညသန်းခေါင်ကျော်မှ ပြီးတတ်ပါတယ်။ ဧည့်သည်အများနဲ့ သွားကြည့်ရရင် စကားလေးတွေ ပြောလိုက်ကြ၊ မီးပုံပျံကြီးတွေကို ကြည့်လိုက်ကြ၊ နေကြာစေ့လေးတွေ ၀ါးလိုက်ကြ၊ ပြောင်းဖူးပြုတ်လေးတွေ ကိုက်လိုက်ကြ၊ ပင်စိမ်းသီးသုပ်လေးတွေ စားလိုက်ကြနဲ့ အတော်ပျော်စရာ ကောင်းတာပါ။

တောင်ကြီးမှာ ကျွန်မရှိနေခဲ့တဲ့ အချိန်တွေတုန်းကတော့ မသိုးသင်္ကန်းရက်လုပ်ပြိုင်ပွဲနဲ့ မသိုးသင်္ကန်းကပ်လှူ ပူဇော်ပွဲတွေကို မကြားခဲ့ရပါဘူး။ မသိုးသင်္ကန်း ရက်လုပ်ပြိုင်ပွဲကို မကြုံဘူးလို့ဆိုပြီး ရန်ကုန်ရွှေတိဂုံဘုရားက ပွဲကို တကူးတက ရောက်ဖြစ်ခဲ့ပါသေးတယ်။ တောင်ကြီးမြို့က စူဠာမုနိလောက ချမ်းသာဘုရားကို ၁၉၉၆ ခုနှစ်မှာမှ ထီးတင်တာဆိုတော့ ၂၀၀၀ ခုနှစ် နှောင်းပိုင်းမှာမှ ဘုရားပွဲတော်နဲ့အတူ မသိုးသင်္ကန်းကပ်လှူပူဇော်ပွဲတွေ တိုးချဲ့ကျင်းပတာ ဖြစ်မယ်လို့ ထင်ပါတယ်။ တချိန်ချိန်ကျရင်တော့ မသိုးသင်္ကန်းရက်လုပ်ပြိုင်ပွဲမှာ ညလုံးပေါက်လေးသွားပြီး လိုအပ်တာလေးတွေ ကူညီဖို့ လုပ်အားပေးခွင့် ကြုံချင်ပါသေးတယ်။

ဘယ်လိုပဲဖြစ်ဖြစ် ဒီလို တန်ဆောင်တိုင်ပွဲတော်ချိန်တွေမှာ မွေးရပ်မြေ တောင်ကြီးကို လွမ်းတဲ့ စိတ်လေးတွေက ထိန်းမရတော့ပါလား။

တောင်ကြီးကိုလဲ လွမ်းတယ်။

တန်ဆောင်တိုင်ပွဲတော်ကြီးကိုလဲ လွမ်းတယ်။

ပွဲခင်းထဲမှာ အတူလက်တွဲလျှောက်လည်ကြရင်း ဗိုက်ဆာပြီအစ်ကိုလို့ပူဆာတဲ့ ချစ်သူလေးကို ဟင်းထုပ်ပူပူနွေးနွေးလေးတွေ တယုတယ ခွံ့ကျွေးခဲ့ဖူးတဲ့ တချိန်က သက်ဆိုင်သူကိုလဲ လွမ်းနေမိဆဲပဲ။


ခင်မမမျိုး (နိုဝင်ဘာ၊ ၂၀၁၀)

အပြည့်အစုံဖတ်ချင်ရင်..>>>

ဒိုင်ယာလော့ခ်နှင့် မြန်မာပြည်

ပြည်တွင်းရေး ပဋိပက္ခ (intra-state conflict) တွေမှာ ဖြစ်ဖြစ်၊ နိုင်ငံအချင်းချင်းအကြားမှာ ဖြစ်ပွားတဲ့ ပဋိပက္ခ (inter-state conflict) တွေမှာပဲဖြစ်ဖြစ် ဒိုင်ယာလော့ခ်ဆိုတဲ့ တွေ့ဆုံဆွေးနွေးအဖြေရှာခြင်းကို ပဋိပက္ခဖြေရှင်းရေးနည်းလမ်း တခုအနေနဲ့ အသုံးပြုလေ့ရှိကြပါတယ်။ နိုင်ငံရေးအယူအဆကွဲပြားမှု၊ လူမျိုးရေး ကွဲပြားမှု၊ ဘာသာရေး အယူဝါဒ ကွဲပြားမှု စတာတွေကနေ ပဋိပက္ခတွေ ဖြစ်ပွားလာတဲ့အခါ တဘက်နဲ့တဘက် ရန်သူလို သဘောထားလာကြတဲ့ ပဋိပက္ခ ၀န်းကျင်အတွင်းမှာ တူညီတဲ့ ဘုံသဘောထားတွေ ရှာဖွေဖို့နဲ့ ကွဲပြားခြားနားမှုတွေအကြား ညှိနှိုင်းဆွေးနွေး အဖြေရှာဖို့ ဒိုင်ယာလော့ခ်တွေ ပြုလုပ်ကြရပါတယ်။ ဒိုင်ယာလော့ခ်တွေ ပြုလုပ်ရင်းနဲ့ ပဋိပက္ခဖြစ်ပွားရတဲ့ အခြေခံ အကြောင်းရင်းတွေထဲက လိုအပ်ချက် (needs) တွေနဲ့ အကျိုးစီးပွား (interests) တွေကို ဖော်ထုတ်ပြီး ပဋိပက္ခမဟုတ်တဲ့ တခြား ဘယ်လိုနည်းနဲ့ ဒါတွေကို ဖြေရှင်းနိုင်မလဲဆိုတာကို ရှုထောင့်သစ်တွေကနေ သုံးသပ်ပြီး ဆွေးနွေးအဖြေရှာကြပါတယ်။ မြန်မာနိုင်ငံလို နိုင်ငံရေး၊ လူမျိုးရေး၊ ဘာသာရေးပဋိပက္ခတွေ ရှိနေတဲ့ နိုင်ငံတနိုင်ငံအတွက် ဒိုင်ယာလော့ခ်တွေဟာ မဖြစ်မနေ လိုအပ်ချက်ပါပဲ။




မြန်မာနိုင်ငံနှင့် ပဋိပက္ခ အမွေဆိုးများ

မြန်မာနိုင်ငံဟာ ပဋိပက္ခ အမွေဆိုးတွေ ဆက်ဆံထားတဲ့ နိုင်ငံလေးတခုဖြစ်ပါတယ်။ သက်ဦးဆံပိုင် ဘုရင်စနစ်နဲ့ လူမျိုးကြီးဝါဒ အမွေဆိုးတွေကြောင့် မျိုးဆက်တွေ တဆက်ပြီးတဆက် လက်ဆင့်ကမ်း သယ်ဆောင်လာကြတဲ့ လူမျိုးရေး ပဋိပက္ခတွေ မြန်မာနိုင်ငံမှာ ရှိနေပါတယ်။ ပဒေသရာဇ်စနစ် အမွေဆိုးတွေကြောင့် လူမျိုးစုတခုနဲ့တခုအကြား နယ်မြေလုရာကနေ စတင်လာတဲ့ ပဋိပက္ခတွေလဲ ရှိပါတယ်။ ကိုလိုနီနယ်ချဲ့စနစ် အမွေဆိုးတွေကြောင့် တောင်ပေါ်မြေပြန့် နယ်မြေပေါ်မှာ အခြေခံပြီး ဖြစ်ပွားလာတဲ့ ပဋိပက္ခတွေလဲ ရှိပါတယ်။ ကမ္ဘာစစ်မှာ ကြားညပ်ခဲ့တဲ့ အတွေ့အကြုံကြောင့် ဘက်လိုက်ရင်း ကွဲပြားမှုကနေ စတင်လာတဲ့ လူမျိုးရေးပဋိပက္ခတွေ ရှိနေပါတယ်။ စစ်အေး တိုက်ပွဲနဲ့အတူ ကြီးထွားလာခဲ့တဲ့ အတွေးအခေါ်ရေးရာ ပဋိပက္ခတွေလဲ ရှိပါတယ်။ နိုင်ငံကြီးတွေရဲ့ နောက်ကွယ်က စွက်ဖက်မှုတွေနဲ့ အိမ်နီးချင်းနိုင်ငံတွေရဲ့ လွှမ်းမိုးမှုတွေကနေ ပေါ်ထွက်လာတဲ့ ပဋိပက္ခတွေလဲ ရှိပါတယ်။ ဘိန်းကုန်ကူးမှုကနေ ကျယ်ပြန့်လာခဲ့တဲ့ စီးပွားရေးအားပြိုင်မှု၊ နိုင်ငံရေး ကြိုးကိုင်ချယ်လှယ်မှုဆိုင်ရာ ပဋိပက္ခတွေလဲ ရှိပါတယ်။

ဒီပဋိပက္ခတွေကို စစ်အာဏာရှင်စနစ်ရဲ့ အမွေဆိုးတွေက မီးလောင်ရာ လေပင့် လုပ်ခဲ့ပြန်ပါတယ်။ လက်နက်ကိုင် တော်လှန်ရေးနယ်မြေက ပြည်သူလူထုတွေကို နှိပ်စက်သတ်ဖြတ်ခြင်း၊ ရွာမီးရှို့ခြင်း၊ အတင်းအကြပ်ပြောင်းရွှေ့နေရာချခြင်း စတာတွေကို ပြုလုပ်ခဲ့ကြတဲ့အတွက် တိုင်းရင်းသားလူမျိုးတွေ အကြားက ပဋိပက္ခတွေက ပိုပြီးကြီးထွားလာခဲ့ပါတယ်။ စစ်အင်အားတိုးချဲ့ခြင်း၊ သံတမန်ရေးရာ လုပ်ထုံးလုပ်နည်းများ ဖောက်ဖျက်ခြင်း၊ မူးယစ်ဆေးဝါး ကုန်ကူးမှုအား နောက်ကွယ်မှ ထောက်ခံအားပေးခြင်း စတာတွေကြောင့် အိမ်နီးချင်းနိုင်ငံများနဲ့ ပဋိပက္ခတွေကလဲ ကြီးထွားလာခဲ့ပါတယ်။ အတွေးအခေါ်ရေးရာမှာလဲ တိတိပပမရှိပဲ လည်သူစားစတမ်းလုပ်နေတာကြောင့် နိုင်ငံကြီးတွေရဲ့ နိုင်ငံရေး၊ စီးပွားရေး အားပြိုင်မှုအကြားမှာ မြန်မာနိုင်ငံက ကြားညပ်နေရပြန်ပါတယ်။ ဘာသာရေးပဋိပက္ခကို နိုင်ငံရေးပဋိပက္ခ ဖြေရှင်းနည်း တခုအနေနဲ့ အသုံးချတာကြောင့် မလိုလားအပ်တဲ့ ပြဿနာတွေကလဲ ပေါ်ထွက်နေပါတယ်။

ဒီလိုပဋိပက္ခပေါင်းစုံ အမြစ်တွယ်ပျံ့နှံ့နေတဲ့ နိုင်ငံတနိုင်ငံဟာ ကမ္ဘာဖွံ့ဖြိုးမှု နောက်အကျဆုံး နိုင်ငံတွေထဲမှာ ပါဝင်နေတာ အဆန်းတော့ မဟုတ်ပါ။ ဖွံ့ဖြိုးတိုးတက်ရေးရှုထောင့်ကို အခြေခံပြီး သုံးသပ်သူတွေက နိုင်ငံရေးတည်ငြိမ်မှုကို အလေးမထားပဲ ဖွံ့ဖြိုးတိုးတက်ရေးကိုပဲ ဦးစားပေးရမယ်လို့ ဆိုတတ်ကြပါတယ်။ ဒီအဆိုဟာ မှားယွင်းပါတယ်။ နိုင်ငံရေးတည်ငြိမ်မှုရအောင် ကြိုးစားနေချိန်မှာ ဖွံ့ဖြိုးတိုးတက်ရေးကို ဦးစားမပေးသင့်ဟု မဆိုလိုပါ။ တပြိုင်တည်း ဖွံ့ဖြိုးတိုးတက်ရေးကိုလဲ လုပ်ဆောင်ရမှာ ဖြစ်ပါတယ်။ သို့ပေမယ့် နိုင်ငံရေးတည်ငြိမ်မှုကိုတော့ ရေရှည်အကျိုးစီးပွား တရပ်အနေနဲ့ မလွဲမသွေ ဦးစားပေးရမှာပါ။ ဖွံ့ဖြိုးတိုးတက်ရေး ပရောဂျက်ငယ်လေးတွေအတွက် ထောက်ပံ့ကြေးငွေ အနည်းငယ်ကို အသာထားဦး။ တကမ္ဘာလုံးက ချေးငွေတွေ၊ အလှူငွေတွေအားလုံး မြန်မာနိုင်ငံကို စုပြုံရောက်ခဲ့ရင်တောင် လာဘ်ပေးလာဘ်ယူမှု၊ အလွဲသုံးစားမှု ဗဟိုဘဏ်မှ ထိရောက်သော monetary policy, fiscal policy မူဝါဒများ မချမှတ်နိုင်မှု၊ ဘိန်းကုန်ကူးသမားများအား စစ်လက်နက်ပစ္စည်းများ ၀ယ်ယူသည့် ငွေများကို ခေတ္တစိုက်ခိုင်းထားပြီး နိုင်ငံတော်မှ ပြန်လည်ပေးချေသည့်နည်းလမ်းဖြင့် ငွေမည်းငွေဖြူပြောင်းမှု စသည်များဖြင့် မတည်မငြိမ်ဖြစ်နေသော ငွေကြေးဈေးကွက်မှာ စီးပွားရေးဖွံ့ဖြိုးတိုးတက်မှုကို ဆောင်ကျဉ်းပေးနိုင်မှာ မဟုတ်ပါ။

တကယ်တော့ ဖွံ့ဖြိုးတိုးတက်ရေးအတွက် အန်ဂျီအိုအသွင်နဲ့ လုပ်ဆောင်နိုင်မှုဟာ အမှောင်ထဲမှာ ဖယောင်းတိုင် ထွန်းပေးတာနဲ့ တူပါတယ်။ ဒီဖယောင်းတိုင် အလင်းရောင်လေးတွေဟာ နိုင်ငံရေး မတည်ငြိမ်မှုဆိုတဲ့ လေနဲ့တွေ့တဲ့အခါ အကြိမ်ကြိမ် မီးငြိမ်းသွားတတ်ပါတယ်။ မီးမငြိမ်းရင်လဲ ဖယောင်းတိုင် အလင်းရောင်ဖြစ်တဲ့အတွက် ကျယ်ပြန့်တဲ့၊ ရေရှည်ခံတဲ့ အလင်းရောင်ကို မပေးနိုင်ပါဘူး။ ဒါကြောင့် နိုင်ငံရေးတည်ငြိမ်မှုရှိရေးဆိုတဲ့ လျှပ်စစ်ဓာတ်အားပေး စက်ရုံကြီးတွေ တည်ဆောက်ပြီး အလင်းရောင် ပေးနိုင်ဖို့လိုပါတယ်။ ဒီလိုလုပ်ဆောင်မှုဟာ ဖယောင်းတိုင်ထုတ်လုပ်တာ၊ မီးညှိပေးတာ လောက်တော့ လွယ်မှာ မဟုတ်ပါဘူး။ မြန်မြန်ဆန်ဆန်ပြီးမှာလဲ မဟုတ်ပါဘူး။ ဒါကို အကြောင်းမရှိ အကြောင်းရှာပြီး အန်ဂျီအိုလုပ်သူတွေနဲ့ တော်လှန်ရေးသမားတွေ အကြား သူသာတယ်၊ ငါသာတယ်နဲ့ အငြင်းပွားနေလို့လဲ မရပါဘူး။

မြန်မာ့နိုင်ငံရေးမှာ လူမျိုးရေးပဋိပက္ခ၊ အတွေးအခေါ်ရေးရာ ပဋိပက္ခတွေအပြင် ဒီလို ကယ်တင်ရှင် ပဋိပက္ခတွေကလဲ ရှိနေပါသေးတယ်။ စစ်တပ်ကလဲ ပြည်တွင်းစစ်၊ ကျူးကျော်စစ်တွေကို ဆင်နွှဲခဲ့တဲ့ သမိုင်းအစဉ်အလာကို ပြပြီး တိုင်းပြည်ရဲ့ ကယ်တင်ရှင်လို့ ယူဆပါတယ်။ တော်လှန်ရေးသမားတွေကလဲ တော်လှန်ရေးဖြတ်သန်းမှု အစဉ်အလာကို ပြပြီး တိုင်းပြည်ကြီးကို မဖြစ်မနေ ကယ်တင်ရတော့မယ့် ကယ်တင်ရှင်လို့ သတ်မှတ်ကြပါတယ်။ civil society အားကောင်းအောင် ချဲ့ထွင်ရမယ့် အန်ဂျီအို လုပ်သူတွေကလဲ လူထုလူတန်းစားတွေအကြားမှာ ကူညီဆောင်ရွက်ပေးရင်း တိုင်းပြည်ရဲ့ အနာဂတ်ကံကြမ္မာကို ဆုံးဖြတ်ပေးရတော့မယ့် လူတွေကို သူတို့ဘာသူတို့ ထင်လာကြပြန်ပါတယ်။ တကယ်တမ်းကျတော့ မြန်မာပြည်အနာဂတ်ကို လူတဦးတယောက်တည်း၊ တဖွဲ့တည်းက မဆုံးဖြတ်ပေးနိုင်ပါဘူး။ မြန်မာနိုင်ငံရဲ့ ကယ်တင်ရှင်အစစ်အမှန်ဟာ နိုင်ငံရေးတည်ငြိမ်မှု ပါပဲ။ နိုင်ငံရေးတည်ငြိမ်မှုရှိမှ စီးပွားရေးဖွံ့ဖြိုးတိုးတက်မှုကို ထိထိရောက်ရောက် အကောင်အထည် ဖော်လို့ရပါတယ်။ လူနေမှုအဆင့်အတန်း မြင့်မားအောင် ပြုလုပ်လို့ရပါတယ်။ တိုင်းပြည်ရဲ့ ပညာရေး၊ ကျန်းမာရေး အဆင့်အတန်းကို ပြည့်ပြည့်၀၀ မြှင့်တင်လို့ရပါတယ်။

ဒီလိုနိုင်ငံရေးတည်ငြိမ်မှု ပန်းတိုင်အတွက် အရေးကြီးဆုံးအချက်က အမျိုးသားညီညွတ်ရေး (National Unity) ပါပဲ။ ဒီ အမျိုးသားညီညွတ်ရေးကိုလဲ အမျိုးသားပြန်လည်သင့်မြတ်ရေး (National Reconciliation) ကိုဖော်ဆောင်ပြီးမှ တည်ဆောက်ယူလို့ ရပါတယ်။ အဲဒီအမျိုးသား ပြန်လည်သင့်မြတ်ရေးကိုလဲ ဒိုင်ယာလော့ခ်နည်းလမ်းကို အသုံးပြုပြီး ဖော်ဆောင်ရမှာ ဖြစ်ပါတယ်။ တိုင်းရင်းသားလူမျိုးစုတွေ၊ ဒီမိုကရေစီတော်လှန်ရေးအင်အားစုတွေနဲ့ စစ်တပ်အကြားမှာ တွေ့ဆုံဆွေးနွေးပွဲလေးတွေကအစ ညီလာခံကြီးတွေ အထိ အဆင့်ဆင့်ကို ဖြတ်သန်းကြရဦးမှာ ဖြစ်ပါတယ်။

ဒီနေရာမှာ တိုင်းရင်းသားလူမျိုးစုဆိုတာမှာလဲ လူမျိုးစုတခုချင်းမှာတင် ဒေသခံခေါင်းဆောင်၊ လက်နက်ကိုင်တော်လှန်ပြီး အပစ်ရပ်ထားတဲ့ အဖွဲ့အစည်းခေါင်းဆောင်၊ လက်နက်ကိုင်တော်လှန်နေဆဲ ခေါင်းဆောင်၊ ပြည်ပအခြေချခေါင်းဆောင်၊ ၉၀ ရွေးကောက်ပွဲ ရွေးကောက်ခံ ကိုယ်စားလှယ် (ပြည်တွင်း၊ ပြည်ပ) တွေဆိုပြီး ခေါင်းဆောင်တွေ အများအပြားရှိပါတယ်။ ဒီမိုကရေစီ တော်လှန်ရေး အင်အားစုတွေမှာလဲ မြေပေါ်ပါတီ၊ မြေအောက်ပါတီ၊ ပြည်ပရောက်အဖွဲ့အစည်းတွေဆိုပြီး အမျိုးမျိုး ကွဲပြားနေပါတယ်။ စစ်တပ်ဆိုတာမှာလဲ ဘောင်းဘီဝတ်စစ်အုပ်စု၊ ဘောင်းဘီချွတ်စစ်အုပ်စု စတာတွေအပြင် hardliners ဂိုဏ်း၊ softliners ဂိုဏ်း စတာတွေကလဲ ရှိပါသေးတယ်။ စစ်တပ်ကို အတွေးအခေါ်နဲ့ လုပ်နည်းလုပ်ဟန်အရ ၀န်းရံပေးထားတဲ့ အရပ်သားပညာသည် အုပ်စု စတာတွေကလဲ ရှိပါသေးတယ်။ ဒီလိုကွဲပြားနေတဲ့ အစုအဖွဲ့တွေအကြားမှာ အမျိုးသားပြန်လည်သင့်မြတ်ရေးကို ဦးတည်တဲ့ တွေ့ဆုံဆွေးနွေးပွဲလေးတွေကနေ ညီလာခံကြီးတွေအထိ မဖြစ်လာမချင်း အမျိုးသားပြန်လည် သင့်မြတ်ရေးကို ဖော်ဆောင်လို့ မရပါဘူး။

နိုင်ငံရေးဖြစ်စဉ် ပြောင်းလဲမှုတွေအတွက် လှုပ်ရှားဆောင်ရွက်ကြရာမှာ ပြည်ပအခြေစိုက်အဖွဲ့နဲ့ ပြည်တွင်း အခြေစိုက်အဖွဲ့တွေဟာ ချိတ်ဆက်လို့ပဲရပါတယ်။ ပေါင်းစည်းလို့ မရပါဘူး။ မြေပေါ်အဖွဲ့ အစည်းတွေနဲ့ မြေအောက်အဖွဲ့အစည်းတွေလဲ ဒီအတိုင်းပါပဲ။ ချိတ်ဆက်ပြီး ဟန်ချက်ညီ လှုပ်ရှားလို့ပဲရပါတယ်။ ပေါင်းစည်းလို့ မရပါဘူး။ ဒါကြောင့် ပြည်ပမှာလုပ်တဲ့ တွေ့ဆုံဆွေးနွေးပွဲ၊ လက်နက်ကိုင် တော်လှန်ရေးနယ်မြေမှာလုပ်တဲ့ တွေ့ဆုံဆွေးနွေးပွဲ၊ ပြည်တွင်းမှာမြေပေါ်အဖွဲ့တွေ လုပ်တဲ့ တွေ့ဆုံဆွေးနွေးပွဲ၊ ပြည်တွင်းမှာ မြေအောက်အဖွဲ့တွေလုပ်တဲ့ တွေ့ဆုံဆွေးနွေးပွဲ၊ လူမျိုးစုတွေအကြားက ဆွေးနွေးပွဲ၊ လူမျိုးစုတွေနဲ့ စစ်တပ်အကြားက ဆွေးနွေးပွဲ၊ စစ်တပ်နဲ့ နီးစပ်ရာ တိုင်းရင်းသား ခေါင်းဆောင်တွေအကြားက ဆွေးနွေးပွဲ၊ တော်လှန်ရေးအင်အားစုတွေအကြားက ဆွေးနွေးပွဲ၊ တော်လှန်ရေးနဲ့ လူမျိုးစုခေါင်းဆောင်တွေအကြားက ဆွေးနွေးပွဲ စတဲ့ ဆွေးနွေးပွဲတွေအားလုံးဟာ အမျိုးသားပြန်လည်သင့်မြတ်ရေး ဖြစ်စဉ် (National Reconciliation Process) ထဲက ကြိုးပမ်းမှု အဆင့်ဆင့်တွေပဲ ဖြစ်ပြီး၊ အမျိုးသားပြန်လည်သင့်မြတ်ရေးကို အုတ်မြစ်ချနိုင်တဲ့ Highly Inclusive Dialogue ဖြစ်လာမှာ မဟုတ်ပါဘူး။ ဒီလို ဒိုင်ယာလော့ခ်မျိုး ဖြစ်ပေါ်လာဖို့ ဆိုတာကလဲ အသွင်ကူးပြောင်းကာလ ကြားဖြတ်အစိုးရ (Interim Government) အသွင်တမျိုးမျိုး မပေါ်ထွက်လာပဲနဲ့ ဖြစ်နိုင်ချေ မရှိပါဘူး။ ဒိုင်ယာလော့ခ်ကို စဉ်းစားရင် ဒီအချက်ကို အလေးအနက် စဉ်းစားဖို့ လိုအပ်ပါတယ်။

ဒိုင်ယာလော့ခ်နှင့် အသွင်ကူးပြောင်းကာလ ကြားဖြတ်အစိုးရ

ဒိုင်ယာလော့ခ်နဲ့ ပတ်သက်ရင် တောင်အာဖရိကနိုင်ငံရဲ့ ဒီမိုကရေစီ အသွင်ကူးပြောင်းမှုက နာမည်ကြီးလှပါတယ်။ လူအများရဲ့ နှုတ်ဖျားမှာ မင်ဒဲလားနဲ့ ဒိုင်ယာလော့ခ်က ရေပန်းစားလှပါတယ်။ အမှန်တကယ် တောင်အာဖရိကရဲ့ နိုင်ငံရေးသမိုင်းကို ပြောင်းလဲပေးလိုက်တဲ့ အချက်ကြီး တချက်ကတော့ လူအများကြားမှာ ရေပန်းမစားလှပါဘူး။ အဲဒါကတော့ ၁၉၈၀ နှောင်းပိုင်းကာလမှာ တောင်အာဖရိကနိုင်ငံရဲ့ ပဋိပက္ခအဆင့်ဟာ နှစ်ဘက်စလုံးက မရှုံးမနိုင်တော့တဲ့ အခြေအနေ (mutually hurtling stage) ကို ရောက်နေခဲ့ပြီဆိုတာပါပဲ။ တောင်အာဖရိကအစိုးရအနေနဲ့ အာဏာကိုသာ ဆုပ်ကိုင်ထားနိုင်ပေမယ့် ပြည်ပတရားဝင်မှုကို လုံးဝမရနိုင်တော့တဲ့အခြေအနေပါ။ ဒီမိုကရေစီ အရေးဘက်မှာက ပြည်တွင်းပြည်ပ ထောက်ခံအားပေးမှုကို ရနေပေမယ့် အစိုးရကို ဖြုတ်ချနိုင်မယ့် အဆုံးသတ်အခွင့်အလမ်း မရှိနိုင်တော့တဲ့ အခြေအနေပါ။

ဒါကို တောင်အာဖရိက အစိုးရဖက်က မဟာဗျူဟာလေ့လာရေးကျွမ်းကျင်သူတွေကလဲ သတိထားမိကြသလို၊ အတိုက်အခံတွေကလဲ တွက်ချက်မိကြပါတယ်။ နှစ်ဦးနှစ်ဘက် ထိပ်တိုက်ရင်ဆိုင်နေတာထက်စာရင် တွေ့ဆုံဆွေးနွေး အဖြေရှာဖို့ကို စဉ်းစားလာကြတယ်။ ဒိုင်ယာလော့ခ်လမ်းကြောင်းပေါ်ကို နှစ်ဘက်စလုံးက စစ်မှန်တဲ့ အတွေးအခေါ်နဲ့ တက်လာကြတာပါ။ ဒီလိုတက်လာတဲ့အခါမှာလဲ de Klerk အစိုးရက အသွင်ကူးပြောင်းမှုဆိုင်ရာ ကြားဖြတ်အစိုးရ အသွင်လေးမျိုးထဲက တမျိုးဖြစ်တဲ့ incumbent-led caretaker government အသွင်ကို ယူပြီးမှ မင်ဒဲလားနဲ့ တွေ့ဆုံဆွေးနွေးပွဲတွေ စလုပ်ခဲ့တာပါ။ ပြီးတော့မှ ငြိမ်းချမ်းရေးစာချုပ်ကို ပဋိပက္ခမှာ ပါဝင်ပတ်သက်နေတဲ့ အဖွဲ့အစည်းတွေအကြား လက်မှတ်ထိုးကြပြီး၊ နောက်တဆင့်အနေနဲ့ ဒီမိုကရက်တစ်ညီလာခံကို ကျင်းပနိုင်ခဲ့တာပါ။ ဘင်္ဂလားဒေ့ရ်ှနိုင်ငံမှာလဲ ၂၀၀၈ ခုနှစ်မှာ အိမ်စောင့်အစိုးရက ဦးဆောင်ပြီးမှ နိုင်ငံရေးပါတီ ၁၉ ခုနဲ့ ဒိုင်ယာလော့ခ် ပေါ်ထွက်လာခဲ့တာပါ။

အီရတ်အမျိုးသားပြန်လည်သင့်မြတ်ရေးဖြစ်စဉ်မှာလဲ ကမ္ဘာ့ကုလသမဂ္ဂက ဦးဆောင်ပြီး ဖွဲ့စည်းပေးတဲ့ international interim government ရဲ့ အခန်းကဏ္ဍက အရေးပါခဲ့ပါတယ်။ ဆိုမာလီးယားနိုင်ငံမှာလဲ ၁၉၉၁ ခုနှစ်မှာ Siad Barre regime ပြိုလဲသွားတဲ့အခါ အတိုက်အခံတွေက ဦးဆောင်တဲ့ကြားဖြတ်အစိုးရ opposition-led provisional government ကို ဖွဲ့စည်းပြီး၊ နောက်ခြောက်လအကြာမှာ reconciliation meeting ကို ခေါ်ခဲ့ကြပါတယ်။ ဒီလိုခေါ်ဆိုမှုမှာတောင် Highly inclusive dialogue မဖြစ်ခဲ့တဲ့အတွက် နောက်ထပ်ကြားဖြတ်အစိုးရတွေ ထပ်ပေါ်လာပြီး နိုင်ငံခွဲထွက်ရေးတောင်းဆိုမှုတွေ၊ အာဏာရှင် ဟောင်းရဲ့ နောက်လိုက်တွေ ပုန်ကန်မှုတွေ ကနေ state collapse အထိ ဖြစ်ခဲ့ဖူးပါတယ်။ ဆယ့်တနှစ်ကျော်ကြာ ပြည်တွင်းစစ်ဖြစ်ပွားခဲ့တဲ့ Burundi နိုင်ငံမှာလဲ ၂၀၀၇ ခုနှစ်မှာ လူမျိုးစုတွေအကြား ပါဝါခွဲဝေယူတဲ့ ကြားဖြတ်အစိုးရ (power-sharing interim government) ပေါ်ထွက်လာပြီးမှ အမျိုးသားပြန်လည်သင့်မြတ်ရေးအတွက် ဒိုင်ယာလော့ခ်တွေ ပြုလုပ်လာကြပါတယ်။

ဒါကြောင့် အမျိုးသားပြန်လည်သင့်မြတ်ရေးဖြစ်စဉ်ကို အကောင်အထည်ဖော်တဲ့အခါမှာ တွေ့ဆုံ ဆွေးနွေးပွဲတွေ၊ ညီလာခံတွေ ထောင်သောင်းချီပြီး လိုအပ်တာမှန်ပေမယ့် အုတ်မြစ်ကို တကယ်ချနိုင်မယ့် Highly inclusive Dialogue ဖြစ်လာဖို့အတွက်ကတော့ အတိုက်အခံဦးဆောင်တဲ့ ကြားဖြတ်အစိုးရ (opposition-led provisional government)၊ ပါဝါခွဲဝေယူသော ကြားဖြတ်အစိုးရ (power-sharing interim government) နိုင်ငံတကာကြားဖြတ်အစိုးရ (international interim government) နဲ့ အာဏာရှင်ဦးဆောင် အိမ်စောင့်အစိုးရ (incumbent-led caretaker government) စတဲ့ အသွင်ကူးပြောင်းကာလ ကြားဖြတ်အစိုးရ အသွင်တမျိုးမျိုး ပေါ်ထွက်လာရေးဟာ လိုအပ်ချက်တရပ်ပဲ ဖြစ်ပါတယ်။ ဒီအချက်ဟာ အလွန်အရေးကြီးပါတယ်။ ဒီအချက်ကို အာရုံမစိုက်ရင် ဒိုင်ယာလော့ခ် ပေါ်ထွက်လာရေးအတွက် မရှိမဖြစ်လိုအပ်တဲ့ တွန်းအား (leverage) နဲ့ ပတ်သက်တဲ့ မဟာဗျူဟာ ရွေးချယ်မှုတွေမှာ မှားယွင်းစေနိုင်ပါတယ်။ political deadlock ဖြစ်စေနိုင်ပါတယ်။

ဒိုင်ယာလော့ခ်နှင့် တွန်းအား (leverage)

တွန်းအားဆိုတာမှာ အကြမ်းဖျင်းအားဖြင့် normative leverage, coercive leverage နဲ့ walk-away leverage ဆိုပြီး သုံးမျိုးရှိပါတယ်။ normative leverage ဆိုတာက ကမ္ဘာတ၀ှမ်းမှာ လူအများလက်ခံထားကြတဲ့ လူမှုရေးစံနှုန်းတွေ (social norms)၊ သိပ္ပံနည်းကျစံနှုန်းတွေ (scientific norms) ကို အသုံးပြုဖြင့် ဒိုင်ယာလော့ခ်ဖြစ်လာအောင် တွန်းအားပေးတာပါ။ ဥပမာ- နိုင်ငံတနိုင်ငံရဲ့ ပညာရေး၊ စီးပွားရေး၊ ကျန်းမာရေးအဆင့်အတန်း တိုးတက်မြင့်မားအောင် ကြိုးပမ်းဆောင်ရွက်ရေးဟာ နိုင်ငံတော်အစိုးရရဲ့ တာဝန်တရပ်ပါ။ ဒီတာဝန်ကို ထိရောက်အောင် အားစိုက်ဆောင်ရွက်မှု မရှိဘူးဆိုရင် ဒီအချက်ကို နိုင်ငံတကာအသိုင်းအ၀ိုင်းက သိလာအောင် တော်လှန်ရေးသမားတွေက မီးမောင်းထိုးပြကြရပါတယ်။ တိုးတက်မှု နှောင့်နှေးစေတဲ့ ပြဿနာအကြောင်းရင်း အခြေခံ (root causes) တွေကို ဖော်ထုတ်ပြီး ဒီလိုပြဿနာတွေကို collaborative problem solving ချဉ်းကပ်နည်းလမ်းနဲ့ တွေ့ဆုံဆွေးနွေးအဖြေရှာပြီး ၀ိုင်းဝန်းဖြေရှင်းကြဖို့ နိုင်ငံတကာက ထောက်ခံအားပေးမှုအတွက် ကင်ပိန်းတွေ လုပ်ကြရပါတယ်။

ဒါဟာ normative leverage strategy ကို အသုံးပြုခြင်းပါပဲ။ လူ့အခွင့်အရေး၊ ပညာရေး၊ ကျန်းမာရေး၊ လူသားတို့ရဲ့ အခြေခံလိုအပ်ချက်များ ပြည့်စုံရေး၊ တရားမျှတမှုရှိရေး၊ နိုင်ငံရေးအကျဉ်းသားများ လွတ်မြောက်ရေး စတာတွေနဲ့ ပတ်သက်ပြီး နိုင်ငံတကာမှာ ချမှတ်ထားတဲ့ စံနှုန်းတွေနဲ့ နိုင်ငံတကာ အသိုင်းအ၀ိုင်းရဲ့ သံတမန်ရေးရာ ပိတ်ဆို့အရေးယူမှု၊ စီးပွားရေး ပိတ်ဆို့အရေးယူမှုစတဲ့ အရေးယူမှု သဏ္ဍာန်တွေ အများအပြား ရှိတဲ့အတွက် ဒီ normative leverage strategy ကို အသုံးပြုမှုဟာ ထိရောက်မှုလေးတွေ ရှိပါတယ်။ သို့ပေမယ့် ဘယ်အတိုင်းအတာအထိ ထိရောက်နိုင်မလဲ ဆိုတာမှာကတော့ အသွင်ကူးပြောင်းကာလမှာ ဘယ်လိုကြားဖြတ်အစိုးရ ပေါ်ပေါက်လာရေးကို ဦးတည်မျှော်လင့်သလဲ၊ မျှော်လင့်ချက်အတိုင်း ဖြစ်နိုင်ချေရှိမရှိ ဆိုတာပေါ်မှာ မူတည်ပါတယ်။

အသွင်ကူးပြောင်းကာလမှာ နိုင်ငံတကာအစိုးရတွေက လူသားချင်းစာနာမှုဖြင့် ၀င်ရောက်ကျူးကျော်မှု (Humanitarian Intervention) ကနေ ပေါ်ထွက်လာတဲ့ ကြားဖြတ်အစိုးရ (International interim-government) ကို ဦးတည် မျှော်လင့်တယ်ဆိုရင် normative leverage strategy တခုတည်းပဲ ကျင့်သုံးဖို့ သင့်လျော်ပါတယ်။ အာဏာရှင်နဲ့ တော်လှန်ရေးသမားတွေအကြားက တိုက်ပွဲဗဟိုချက်မက နိုင်ငံတကာအသိုင်းအ၀ိုင်းရဲ့ ဆုံးဖြတ်ချက်ပေါ်မှာ မူတည်ပါတယ်။ နိုင်ငံတကာကင်ပိန်းကိုပဲ အရှိန်မြှင့် ဆောင်ရွက်ရမှာ ဖြစ်ပါတယ်။ ဒါပေမယ့် မြန်မာနိုင်ငံနဲ့ နိုင်ငံရေးပထ၀ီဝင် အနေအထားအရ ဒီမဟာဗျူဟာ တခုတည်းပဲ ကျင့်သုံးရင် နောင်နှစ်ပေါင်း ငါးဆယ်၊ တရာအထိ အောင်မြင်ဖို့ မလွယ်ကူပါဘူး။

စစ်အေးတိုက်ပွဲပြီးဆုံးသွားခဲ့ပေမယ့် အနောက်အုပ်စုနဲ့ တရုတ်နိုင်ငံတို့အကြားက စစ်ရေး၊ စီးပွားရေး အင်အားချိန်ခွင်လျှာ ညှိမှုတွေက ၂၁ ရာစုကာလမှာ ကျယ်ကျယ်ပြန့်ပြန့် ထင်ရှားနေပါပြီ။ မြန်မာနိုင်ငံဟာ တရုတ်ပြည်ရဲ့ စစ်ရေး အချက်အချာဒေသဖြစ်သလို၊ အိန္ဒိယသမုဒ္ဒရာ စိုးမိုးရေး ဆိုင်ရာ maritime strategy တခုဖြစ်တဲ့ ပုလဲသွယ်စီမံချက် (String of Pearls) ထဲမှာ ပါဝင်နေတဲ့ နိုင်ငံတခုဖြစ်ပါတယ်။ တချိန်တည်းမှာပဲ တရုတ်နိုင်ငံရဲ့ စွမ်းအင်လုံခြုံရေး (energy security) အတွက် အမေရိကန်ရေတပ်ထိန်းချုပ်နယ်မြေမှာရှိတဲ့ မလက္ကာရေလက်ကြားကို ရှောင်ကွင်းပြီး တရုတ်ပြည်၊ ယူနန်နယ်ထဲအရောက် ရေနံနဲ့ သဘာဝဓာတ်ငွေ့တွေ ပို့ပေးနိုင်မယ့် ပိုက်လိုင်းက မြန်မာနိုင်ငံကို မလွဲမသွေ ဖြတ်ကို ဖြတ်ရမှာ ဖြစ်ပါတယ်။ ဒါကြောင့် မြန်မာပြည်ဟာ တရုတ်ပြည်အတွက် စစ်ရေး၊ စီးပွားရေး မဟာဗျူဟာတန်ဖိုး (strategic value) မြင့်မားနေတဲ့ နိုင်ငံတခုပါ။ ဒီနိုင်ငံထဲကို အနောက်အုပ်စုဦးဆောင်တဲ့ နိုင်ငံတကာစစ်တပ်တွေ ရောက်လာမယ့် အခြေအနေကို တရုတ်ပြည်ဟာ ဘယ်လိုအခြေအနေမျိုးမှာမှ ခွင့်ပြုမှာ မဟုတ်ပါဘူး။ အနောက်အုပ်စုနိုင်ငံတွေအနေနဲ့ကလဲ တရုတ်နဲ့ စစ်ရေးအရ ထိပ်တိုက်ရင်ဆိုင်ပြီး မြန်မာ့ဒီမိုကရေစီအရေးကို ၀င်ရောက်ကူညီမှု လုပ်မယ့် အခြေအနေတွေ မရှိသေးပါဘူး။ ဖြစ်လာခဲ့ရင်လဲ ကိုးရီးယားစစ်ပွဲလို proxy war ပဲ ဖြစ်လာပြီး၊ မြန်မာပြည် စစ်မြေပြင်ဖြစ်သွားမှာပါ။ ဒါကြောင့် နိုင်ငံတကာအသိုင်းအ၀ိုင်းက မြန်မာပြည်ကို လူသားချင်းစာနာမှုနဲ့ စစ်ရေးအရ ၀င်ရောက်စွက်ဖက်မှုကို မျှော်လင့်ပြီး ချမှတ်တဲ့ normative leverage strategy ဟာ လက်တွေ့ကျတဲ့ နိုင်ငံရေး မဟာဗျူဟာ ဖြစ်လာမှာ မဟုတ်ပါဘူး။

နောက်ထပ် ကြားဖြတ်အစိုးရအသွင်တမျိုးဖြစ်တဲ့ အာဏာရှင်က အသွင်ကူးပြောင်းဖို့ ဦးဆောင်ဖွဲ့စည်းတဲ့ အိမ်စောင့်အစိုးရ (incumbent-led caretaker government) ကို ဦးတည်ပြီး မဟာဗျူဟာ ချမှတ်တဲ့ အခါမှာတော့ normative leverage strategy ကိုသာမက coercive leverage strategy ကိုပါ အသုံးပြုဖို့ လိုအပ်ပါတယ်။ coercive leverage strategy ကို အသုံးပြုမှုမှာ လူထုတိုက်ပွဲနဲ့ လက်နက်ကိုင်တော်လှန်ရေးလမ်းစဉ်တွေ ပါဝင်လာပါတယ်။ normative leverage strategy ကို အသုံးပြုမှုကနေ ပေါ်ထွက်လာတဲ့ နိုင်ငံတကာဖိအားနဲ့ ပြည်တွင်းက ပြည်သူလူထုရဲ့ mass rolling actions တွေကို ပေါင်းစပ်ပြီး အာဏာရှင်တွေကို မဖြစ်မနေ ဒိုင်ယာလော့ခ် လုပ်အားအောင် တွန်းအားပေးမှုဖြစ်ပါတယ်။ အာဏာရှင်တွေရဲ့ အာဏာကို ဆက်လက်ဆုပ်ကိုင်ထားရင် ပေးဆပ်ရမှု (costs of staying in power) ကို ကြီးထွားလာအောင် လုပ်ပြီး၊ အသွင်ကူးပြောင်းလိုတဲ့ အိမ်စောင့်အစိုးရအသွင်ဆောင်လာအောင် လုပ်ဆောင်မှုဖြစ်ပါတယ်။ ဒီလို normative leverage နဲ့ coercive leverage ကို ပေါင်းစပ်အသုံးပြုမှုကလဲ ထိရောက်မှုတွေရှိပါတယ်။

သို့ပေမယ့် ဘယ်အတိုင်းအတာအထိ ထိရောက်မလဲ ဆိုတာကတော့ အာဏာရှင်တွေရဲ့ Strategic Doctrine အပေါ်မှာ မူတည်ပါတယ်။ မြန်မာစစ်အုပ်စု အဆက်ဆက်တို့ရဲ့ အတိုက်အခံနိုင်ငံရေးလောကအပေါ်မှာ ချမှတ်ကျင့်သုံးခဲ့တဲ့ Strategic Doctrine က ချေမှုန်းရေးကို အခြေခံတဲ့ containment ပေါ်လစီ ဖြစ်ပါတယ်။ ဒီပေါ်လစီက တွေ့ဆုံဆွေးနွေးရေး နဲ့ အပေးအယူပြုလုပ်ညှိနှိုင်းရေး ကိုအခြေခံတဲ့ appeasement ပေါ်လစီနဲ့ အမြစ်ပြတ်ချေမှုန်းရေးကို အခြေခံတဲ့ rollback ပေါ်လစီကြားမှာရှိတဲ့ ပေါ်လစီဖြစ်ပါတယ်။ အတိုက်အခံတွေကို ချေမှုန်းတာ မှန်ပေမယ့် အမြတ်ပြတ်ချေမှုန်းရေးအထိ ဆက်မလုပ်ပဲ တစတစ အင်အားချိနဲ့လာစေပြီး အတိုင်းအတာတခုမှာပင် ရပ်နေလိုက်ခြင်းမျိုးဖြစ်ပါတယ်။ ပြီးတော့မှ ငြိမ်းချမ်းရေး၊ တွေ့ဆုံဆွေးနွေးရေးဆိုတာကို သူတို့ ချမှတ်ထားတဲ့ စည်းကမ်းဘောင်တွေအတွင်းက ပြုလုပ်ပြီး ပါဝင်သွားတဲ့ အတိုက်အခံများကို နိုင်ငံရေးအရ သင်းကွပ်ခြင်းကို ဆက်လက်ပြုလုပ်လေ့ရှိပါတယ်။ သူတို့ စည်းဘောင်အတွင်းကို မ၀င်လာတဲ့ အတိုက်အခံတွေကို rollback ပေါ်လစီသုံးပြီး အပြုတ်တိုက်ရေး ဆက်လုပ်လေ့ရှိပါတယ်။ မြန်မာ့နိုင်ငံရေးသမိုင်းမှာ ဒီလို ဖြစ်စဉ်တွေ အများအပြား ရှိခဲ့ပြီး ဖြစ်ပါတယ်။

ဥပမာဆိုရရင် မြန်မာပြည်စစ်အာဏာရှင်စနစ်ကို အုတ်မြစ်ချပေးစ ကာလလို့ ဆိုနိုင်တဲ့ ၁၉၅၅-၅၆ ခုနှစ်၊ နိုင်ငံရေးအခင်းအကျင်းတွေ မှာတုန်းက ဖဆပလအစိုးရဟာ ပျူစောထီးစီမံကိန်းနဲ့ တော်လှန်ရေးသမားတွေကို နှိမ်နင်းဖို့လုပ်သလို၊ လွတ်ငြိမ်းချမ်းသာခွင့်အမိန့်ထုတ်ပြန်ပြီး အတိုက်အခံအင်အားစုများ အင်အားချိလာစေရေးကိုလဲ ပြုလုပ်ခဲ့ပါတယ်။ တော်လှန်ရေးအတိုက်အခံအင်အားစုကြီးဖြစ်တဲ့ ဗမာပြည်ကွန်မြူနစ်ပါတီရဲ့ ပြည်တွင်းစစ်ရပ်စဲရေး၊ ပြည်တွင်းငြိမ်းချမ်းရေး ၅၅ လမ်းစဉ်နဲ့ အတိုက်အခံနိုင်ငံရေးအင်အားစုတွေရဲ့ ပမညတ တပ်ပေါင်းစုကြီး ပေါ်ထွက်လာပြီး၊ ငြိမ်းချမ်းရေးအသံတွေ ပေါ်ထွက်နေချိန်မှာ အောင်မာဃစစ်ဆင်ရေးကို ဆင်နွှဲပြီး ချေမှုန်းရေးတွေ ပြုလုပ်ခဲ့ပါတယ်။ တော်လှန်ရေးအင်အားစုရဲ့ တွေ့ဆုံဆွေးနွေးရေး ကမ်းလှမ်းချက်တွေကို ပုတ်ထုတ်ပြီး စစ်ရေးကို အရှိန်မြှင့်ခဲ့ပါတယ်။ ငြိမ်းချမ်းရေးတံခါးတွေကို ပိတ်ပစ်ခဲ့ပါတယ်။ containment ပေါ်လစီကနေ နောက်ပြန်ဆုတ်ပြီး appeasement ပေါ်လစီနဲ့ တွေ့ဆုံဆွေးနွေးရေး စားပွဲပေါ် တက်လာတဲ့ လုပ်နည်းလုပ်ဟန်တွေကို မြန်မာပြည်စစ်အာဏာရှင်စနစ် အုတ်မြစ်ချစ အဲဒီခေတ်ကာလကနေ ယနေ့မျက်မှောက်အချိန်ကာလအထိ မတွေ့ရသေးပါဘူး။ ရှစ်လေးလုံးအရေးတော်ပုံကာလ၊ ၉၀ ရွေးကောက်ပွဲအလွန်ကာလ၊ တိုင်းရင်းသားလက်နက်ကိုင်အဖွဲ့အစည်းများနှင့် အပစ်ရပ်စဲမှုများ၊ အမျိုးသားညီလာခံ၊ လမ်းပြမြေပုံခုနစ်ချက်၊ ၂၀၀၇ ရွှေဝါရောင်တော်လှန်ရေး၊ ၂၀၀၈ ဖွဲ့စည်းပုံအခြေခံဥပဒေ၊ ၂၀၁၀ ရွေးကောက်ပွဲ စတဲ့ စစ်အုပ်စုရဲ့ နိုင်ငံရေး ဖြတ်သန်းမှုခြေလှမ်းတိုင်းမှာ containment ပေါ်လစီသဘောတရားတွေကို အခြေခံထားပါတယ်။ ဒီခြေလှမ်းတွေအရ စစ်အုပ်စုဟာ ခြေလှမ်းတွေကို နောက်ပြန်ဆုတ်ပြီး၊ အာဏာရှင်က အသွင်ကူးပြောင်းဖို့ ဦးဆောင်ဖွဲ့စည်းတဲ့ အိမ်စောင့်အစိုးရ (incumbent-led caretaker government) အသွင်နဲ့ ဒိုင်ယာလော့ခ် လုပ်လာဖို့ဆိုတာ ဖြစ်နိုင်ချေ ရာခိုင်နှုန်း တော်တော်နည်းပါတယ်။

အဲဒီလိုဆိုရင် တိုင်းပြည်အတွက် အရေးကြီးတဲ့ Highly inclusive Dialogue ဖြစ်လာအောင် ဦးတည်လှုပ်ရှားရမယ့် ကြားဖြတ်အစိုးရသဏ္ဍာန်က နှစ်မျိုးပဲ ကျန်ပါတယ်။ အတိုက်အခံများက ဦးဆောင်သော ကြားဖြတ်အစိုးရ (opposition-led provisional government) နဲ့ ပါဝါခွဲဝေယူသော ကြားဖြတ်အစိုးရ (power-share interim government) တို့ပဲ ဖြစ်ပါတယ်။ အသွင်ကူးပြောင်းမှုကာလမှာ ဒီလိုအစိုးရတွေ ပေါ်ထွက်လာရေးက normative leverage strategy, coercive leverage strategy တွေကို ကြားဖြတ်အစိုးရတရပ် ပေါ်ထွက်လာရေးအထိ ဦးတည်ပြီး စီမံချက်ရေးဆွဲ အကောင်အထည်ဖော်နိုင်မှု လိုအပ်ပါတယ်။ ဒီအခြေအနေမှာ တိုက်ပွဲရဲ့ ဗဟိုချက်မ ဟာ ပြည်တွင်းတော်လှန်ရေး အင်အားစုတွေဆီမှာ ဖြစ်ပါတယ်။ နိုင်ငံတကာကင်ပိန်းတွေ ဘယ်လောက်ပဲ လုပ်လုပ် ပြည်တွင်းတော်လှန်ရေး အင်အားစုတွေက အားမကောင်းရင် မအောင်မြင် နိုင်ပါဘူး။ ဒီအတွက် ဘက်ပေါင်းစုံက ကြိုတင်ပြင်ဆင်မှုတွေ လိုအပ်ပါတယ်။ မြေပေါ်မြေအောက် ချိတ်ဆက်မှုတွေ လိုပါ တယ်။ တပ်မတော်တွင်းက လူထုဘက်တော်သား တပ်မှူး၊ တပ်သားများကို လျှို့ဝှက် စည်းရုံးချိတ်ဆက်မှုတွေ လိုပါတယ်။ ရန်သူရဲ့ နိုင်ငံရေး ခြေလှမ်းအမှားတွေကို တွက်ချက်ပြီး ဖွင့်ချဖို့ လိုပါတယ်။

အရေးကြီးဆုံးက အချိန်မကျခင်မှာ ရန်သူ့သတ်ကွင်းထဲ မ၀င်မိအောင် ခြေလှမ်းတွေကို သတိနဲ့ ဆင်ခြင်တတ်ဖို့ လိုပါတယ်။ အင်အားပြနိုင်တိုင်း ရန်သူကို မအောင်မြင်နိုင်ပါဘူး။ မလိုအပ်ပဲ ကိုယ့်အင်အားကို ထုတ်နှုတ်ပြီး၊ အင်အားပြဖို့ ကြိုးစားရင် သတ်ကွင်းထဲမှာ ဖြစ်နေတဲ့အခါ အလဟဿ ပြုန်းတီးနိုင်ပါတယ်။ နိုင်ငံရေးစစ်ပွဲမှာဖြစ်ဖြစ်၊ စစ်ရေးအရ စစ်ပွဲမှာဖြစ်ဖြစ် ထိုးစစ်ဆင်တဲ့အခါ ကွပ်ကဲမှု ဆိုတာ လိုအပ်ပါတယ်။ စတင်မယ့် ရ- ရက် ကို ခန့်မှန်းချေလေးပဲ ဖြစ်ဖြစ် တဘက်ရန်သူကို အသိမပေးရပါ။ မီဒီယာ သတင်းမုဆိုးတွေ ထောင်ပေါင်းများစွာ ရှိနေတဲ့ ကမ္ဘာ့ဒီမိုကရေစီ နိုင်ငံကြီးတွေမှာတောင် ရှိသမျှ စစ်ရေး၊ နိုင်ငံရေး သတင်းအချက်အလက်မှန်သမျှ မီဒီယာကို သတင်းမထုတ်ပြန်ပါ။ လှုံ့ဆော်တာနဲ့ စီမံချက်နဲ့ကို ကွဲပြားဖို့ လိုအပ်ပါတယ်။ မီဒီယာက မီဒီယာသမား အလုပ်လုပ်ပါတယ်။ နိုင်ငံရေးသမားက နိုင်ငံရေးသမားအလုပ် လုပ်ရပါမယ်။ စောင့်စည်းရမယ့် ကျင့်ဝတ်တွေ မတူညီပါဘူး။ ဒါတွေကို မရောစပ်မိဖို့ အရေးကြီးပါတယ်။ နိုင်ငံရေးပါတီ၊ အဖွဲ့အစည်း တိုင်းမှာ mass media နဲ့ ဆက်ဆံတဲ့ protocol တွေ ရှိဖို့ လိုပါတယ်။ အကယ်၍ ရန်သူ့ထောက်လှမ်းရေးများမှ အသံလွှင့် မီဒီယာများတွင်ပါသည့် ပြည်တွင်းလှုပ်ရှားမှု သတင်းများကို နားထောင်ပြီး၊ အတိုက်အခံ ဘလော့များတွင် တင်ထားသော လှုပ်ရှားမှုဓာတ်ပုံများ၊ ဗွီဒီယိုများမှတဆင့် တော်လှန်ရေးသမားများကို ခြေရာခံ ဖမ်းဆီးမိသွားပါက ရန်သူတော်၍လား၊ မိမိညံ့၍လားဆိုတာ မေးစရာပင် လိုမည် မဟုတ်ပါ။

ဒီလို normative leverage strategy, coercive leverage strategy တွေကို ပေါင်းစပ်အသုံးပြုပြီး အတိုက်အခံတွေ ဦးဆောင်တဲ့ ကြားဖြတ်အစိုးရ (သို့မဟုတ်) လူထုနှင့် ပူးပေါင်းလာသော တပ်မှူးများနဲ့ ပါဝါရှယ်ယာကြားဖြတ်အစိုးရ ပေါ်ထွက်လာရေးအတွက် ဦးတည်လှုပ်ရှားတာကို တချို့က ဒိုင်ယာလော့ခ်နဲ့ အမျိုးသားပြန်လည်သင့်မြတ်ရေး လမ်းကြောင်းကို သွေဖည်တာလို့ ယူဆကြပါတယ်။ လက်တွေ့မှာ မဟုတ်ပါဘူး။ တွန်းအား (leverage) နဲ့ ပတ်သက်တဲ့ မဟာဗျူဟာတွေထဲမှာ walk-away leverage strategy ဆိုတာလဲ ရှိပါသေးတယ်။ ဒါကို နိုင်ငံရေးပညာရှင်တွေက best alternative to a negotiated agreement (BATNA) လို့ ခေါ်ဝေါ်သုံးစွဲပါတယ်။ တွေ့ဆုံဆွေးနွေးရေး မဟုတ်တဲ့ အခြားအကောင်းဆုံး ရွေးချယ်မှုနည်းလမ်းကို ခေါ်ဆိုတာပါ။ ဒါကလဲ ဒိုင်ယာလော့ခ်တွေ ပေါ်ထွက်လာရေးအတွက် တွန်းအားတခုပါပဲ။ ဒီတွန်းအားက တိုင်းပြည်ရဲ့ ကံကြမ္မာကို ဆုံးဖြတ်ပေးနိုင်ပါတယ်။ ဘာကြောင့်လဲဆိုတော့ အာဏာရှင်တွေကလဲ ဒီလိုတွန်းအားမျိုးကို ပြန်ပြီး အသုံးပြုတတ်လို့ပါပဲ။

ပြည်တွင်းရေး ပဋိပက္ခတွေမှာ အာဏာရှင်တွေအတွက် စေ့စပ်ဆွေးနွေးရေး မဟုတ်တဲ့ BATNA ကတော့ political liberalization အတွေးအခေါ်ကို အခြေခံတဲ့ အာဏာရှင်ရွေးကောက်ပွဲ (authoritarian election) များ ကျင်းပခြင်းနဲ့ အာဏာရှင် ရုပ်သေးအစိုးရ တရပ် ပေါ်ပေါက်လာရေးဖြစ်ပြီး၊ အတိုက်အခံတွေအတွက် စေ့စပ်ဆွေးနွေးရေးမဟုတ်တဲ့ BATNA ကတော့ Initial Transition အတွေးအခေါ်ကို အခြေခံတဲ့ လူထုတိုက်ပွဲ၊ လက်နက်ကိုင် တိုက်ပွဲများမှ တဆင့် ပြည်သူ့အစိုးရ (၀ါ) ကြားဖြတ်အစိုးရ တရပ် ပေါ်ပေါ်လာရေး ဖြစ်ပါတယ်။ အာဏာရှင်တွေဘက်က ဒီလိုတွန်းအားကို သုံးပြီး ၊ ရွေးကောက်ခံအာဏာရှင်စနစ်ရဲ့ ယောင်ပြတွေ့ဆုံဆွေးနွေးပွဲတခုကို အတုအယောင်ရွေးကောက်ပွဲနဲ့ တက်လာတဲ့ အာဏာရှင်ရုပ်သေးအစိုးရကို အသုံးချပြီး ကမ်းလှမ်းခေါ်ယူတတ်တာတွေ ရှိပါတယ်။ ဒီလို ကမ်းလှမ်းမှုတွေဟာ အစစ်အမှန် တွေ့ဆုံဆွေးနွေးပွဲမဟုတ်ပဲ အာဏာရှင်စိတ်တိုင်းကျ conditions တွေ ချမှတ်လုပ်မှာ ဖြစ်တဲ့အတွက် ပါဝင်ရေး လုပ်မလုပ်ကို အလွန်သတိကြီးကြီးနဲ့ စဉ်းစားဆုံးဖြတ်ကြရမယ့် နိုင်ငံရေးအချိုးအကွေ့ဖြစ်ပါတယ်။ တကယ်လို့ အာဏာရှင်ဘက်က စေ့စပ်ဆွေးနွေးရေးကို ရှောင်ရှားနိုင်မယ့် BATNA ကို အကောင်အထည် ဖော်နေချိန်အထိ အတိုက်အခံတွေဘက်မှာ BATNA မရှိပဲ စေ့စပ်ဆွေးနွေးရေးကိုပဲ တောင်းဆိုနေခဲ့ရင်တော့ အာဏာရှင်အလိုကျ ဒိုင်ယာလော့ခ် ပေါ်ထွက်လာမှာ အသေအချာပါပဲ။

ဒီလိုနိုင်ငံရေးအချိုးအကွေ့ကို လက်မခံနိုင်ပဲ စစ်မှန်တဲ့ ဒိုင်ယာလော့ခ်ပေါ်ထွက်လာရေးကို ဦးတည်ဆောင်ရွက်လိုရင်တော့ အတိုက်အခံတွေဘက်မှာ အတိုက်အခံဦးဆောင်ကြားဖြတ်အစိုးရ (သို့) ပါဝါရှယ်ယာကြားဖြတ်အစိုးရပေါ်ထွက်ရေးအတွက် တော်လှန်ရေး BATNA ရှိနေဖို့ လိုအပ်လာပါပြီ။ အဲဒီကနေတဆင့် တော်လှန်ရေးနဲ့တက်လာတဲ့ ကြားဖြတ်အစိုးရသစ်ဟာ ဒိုင်ယာလော့ခ်ခေါ်ယူပြီး အမျိုးသားပြန်လည်သင့်မြတ်ရေးလမ်းကြောင်းပေါ်ကို တက်လှမ်းရမှာ ဖြစ်ပါတယ်။ ဒါက walk-away leverage strategy ကို အသုံးပြုမှုပြီး ဒိုင်ယာလော့ခ်ဖြစ်လာအောင် ပြုလုပ်ခြင်းပဲ ဖြစ်ပါတယ်။


မြန်မာ့နိုင်ငံရေးနှင့် ဒိုင်ယာလော့ခ် အလားအလာ

လက်ရှိမြန်မာ့နိုင်ငံရေး အခြေအနေကို သုံးသပ်ကြည့်ရင် သုံးပွင့်ဆိုင်ဒိုင်ယာလော့ခ်နှစ်ခုနဲ့ နှစ်ပွင့်ဆိုင်ဒိုင်ယာလော့ခ်တခု ပေါ်ထွက်လာနိုင်ပါတယ်။ စစ်အုပ်စုက သူတို့စိတ်တိုင်းကျရေးဆွဲထားတဲ့ ဖွဲ့စည်းအုပ်ချုပ်ပုံ အခြေခံဥပဒေကို ကိုင်စွဲပြီး၊ ရွေးကောက်ပွဲကျင်းပထားပြီး ဖြစ်ပါတယ်။ ရွေးကောက်ပွဲအနိုင်ရပါတီကလဲ စစ်အုပ်စုက နှစ်ပေါင်းများစွာ လက်သပ်မွေးကြိုးဆွဲထားခဲ့တဲ့ လက်ကိုင်ဒုတ်အဖွဲ့အစည်းကို အသွင်ပြောင်းထားခြင်း ဖြစ်ပါတယ်။ ဒါကြောင့် အစိုးရအဖွဲ့မှာ စစ်အုပ်စုရဲ့ တိုက်ရိုက်အုပ်ချုပ်ခံ တပ်မတော်သားရာခိုင်နှုန်း ၂၅ ရာခိုင်နှုန်းပါဝင်ပြီး၊ သွယ်ဝိုက်ကြိုးဆွဲရာခိုင်နှုန်းကလဲ ကျန် ၇၅ ရာခိုင်နှုန်းရဲ့ လေးပုံသုံးပုံ ဖြစ်ပါတယ်။ နိုင်ငံရေးအခြေအနေမှာ စစ်အုပ်စုရဲ့ စိတ်တိုင်းကျမဖြစ်ခဲ့ရင် တရားဝင် စစ်အာဏာသိမ်းဖို့ အမြုတေ စစ်ကောင်စီကလဲ လုံခြုံရေးကောင်စီအသွင်သဏ္ဍာန်နဲ့ ပါနေပြီးသား ဖြစ်ပါတယ်။ ဒီလို ရွေးကောက်ခံ အာဏာရှင်စနစ်ကို ကျင့်သုံးမယ့် အစိုးရသစ်က လွတ်ငြိမ်းချမ်းသာခွင့် အမိန့်ကို ထုတ်ပြန်ကြေငြာပြီး၊ အတိုက်အခံ နိုင်ငံရေးအင်အားစုတွေကို ခွဲထုတ်ဖို့ ကြိုးပမ်းလာနိုင်ချေရှိပါတယ်။ ပြီးတဲ့အခါ အစိုးရသစ်နဲ့ စစ်အုပ်စုက ရွေးချယ်တဲ့ တိုင်းရင်းသားခေါင်းဆောင်၊ နိုင်ငံရေးခေါင်းဆောင်တွေ စုပေါင်းပြီး ဒိုင်ယာလော့ခ်ပွဲ တခု ပေါ်ထွက်လာနိုင်ပါတယ်။ ဒီပွဲက စစ်အုပ်စုချမှတ်တဲ့ စည်းဘောင်အတွင်းမှာ ဖြစ်တဲ့အတွက် စစ်မှန်တဲ့ အမျိုးသားပြန်လည် သင့်မြတ်ရေးကို ဆောင်ကျဉ်းပေးနိုင်မှာ မဟုတ်ပါဘူး။

အတိုက်အခံတွေဘက်မှာလဲ နှစ်ပွင့်ဆိုင် ဒိုင်ယာလော့ခ်တခုဖြစ်တဲ့ ပင်လုံညီလာခံတခု ပေါ်ထွက်လာရေးကို ဆောင်ရွက်နေကြပါတယ်။ တော်လှန်ရေးအင်အားစုတွေနဲ့ တိုင်းရင်းသားအင်အားစုတွေ အားလုံးပါဝင်နိုင်မှာ မဟုတ်ပေမယ့် အင်အားစုများများ ပါဝင်လာအောင် ဦးဆောင်စည်းရုံးမှုရှိလာခဲ့ရင် အမျိုးသားပြန်လည်သင့်မြတ်ရေး ဖြစ်စဉ်ကို အကောင်အထည် ဖော်ဆောင်မှု နှစ်ပွင့်ဆိုင်ဒိုင်ယာလော့ခ်တခု အဖြစ် တွင်ကျန်ရစ်လာမှာ ဖြစ်ပါတယ်။ ပဋိပက္ခတွေကို အဆုံးသတ်ပေးပြီး၊ အမျိုးသားပြန်လည်သင့်မြတ်ရေးကို ဆောင်ကျဉ်းပေးနိုင်မယ့် Highly inclusive Dialogue အတွက် အထောက်အကူပြုလာမှာ ဖြစ်ပါတယ်။ ခြေလှမ်းတိုင်းမှာ ဆင်ခြင်တုံတရားနဲ့ သတိကို လက်ကိုင်ပြုဖို့တော့ လိုအပ်ပါတယ်။

နောက်ထပ် ဒိုင်ယာလော့ခ်ကတော့ စစ်မှန်တဲ့ အမျိုးသားပြန်လည်သင့်မြတ်ရေးကို ဆောင်ကျဉ်းပေးနိုင်မယ့် ဒိုင်ယာလော့ခ်ပါ။ ဒီဒိုင်ယာလော့ခ်ပေါ်ထွက်လာရေးကတော့ အတိုက်အခံတွေရဲ့ ရွေးချယ်မှုနဲ့ ပြင်ဆင်ဆောင်ရွက်တတ်မှုတွေအပေါ်မှာပဲ မူတည်ပါတယ်။ ရွေးကောက်ပွဲအလွန်ကာလနိုင်ငံရေးမှာ အတိုက်အခံတွေအတွက် ရွေးချယ်စရာ လမ်းစဉ်သုံးခုရှိပါတယ်။
(၁) ပထမတခုက စစ်အုပ်စုရဲ့ စည်းဘောင်အတွင်းကို အညံ့ခံဝင်ရေးပါ။ လွတ်ငြိမ်းချမ်းသာခွင့် ထုတ်ပြန်လာခဲ့ရင် အခွင့်အရေးယူပြီး၊ စစ်အုပ်စုရဲ့ ရုပ်သေးအစိုးရသစ်က ခေါ်မယ့် ဒိုင်ယာလော့ခ်မှာ ပါဝင်ခွင့်ရရေးအတွက် ကြိုးပမ်းမှုပါ။
(၂) ဒုတိယလမ်းစဉ်က အချေမှုန်းခံရေးပါ။ စစ်အုပ်စုဟာ သူတို့ရဲ့ BATNA ဖြစ်တဲ့ လမ်းပြမြေပုံခုနစ်ချက်ကို ကိုင်စွဲထားကြပြီးပါပြီ။ containment strategy ကို အသုံးပြုပြီး အတိုက်အခံများ အင်အားလျော့ရေး၊ အတွေးအခေါ်များေ၀၀ါးစေရေးကိုလဲ လုပ်ဆောင်ထားကြပါပြီ။ သူတို့စိတ်တိုင်းကျခြယ်လှယ်နိုင်မယ့် စည်းဘောင်ထဲကို တော်လှန်ရေး အင်အားစုတွေနဲ့ တိုင်းရင်းသားအင်အားစုတွေကို ကျုံးသွင်းဖို့ကိုလဲ ပြင်ဆင်ထားကြပါပြီ။ ကျုံးသွင်းလို့ မ၀င်ရင် ရှေ့တဆင့်တက်ပြီး roll back strategy နဲ့ အပြုတ်တိုက်ချေမှုန်းရေးကိုလဲ စီမံနေကြပါပြီ။ ဒီအခြေအနေမှာ ကိုယ်ပိုင် BATNA မရှိပဲ ဒိုင်ယာလော့ခ်ပဲ တောင်းဆိုရင်တော့ ကျုံးသွင်းပြီး စည်းဘောင်ထဲ အတင်းသွတ်သွင်းတာ ခံရရင်ခံရ၊ ဒါမှမဟုတ် အပြုတ်တိုက် ချေမှုန်းခံရဖို့ပဲ ရှိပါတယ်။
(၃) တတိယလမ်းစဉ်က တန်ပြန်စုဖွဲ့နေရာယူပြီး၊ စနစ်တကျပြင်ဆင်မှုတွေနဲ့ တော်လှန်ရေးတရပ်ဆင်နွှဲဖို့ပါ။ ဒီတော်လှန်ရေးဟာ ကြားဖြတ်အစိုးရ (Interim Government) ပေါ်ထွက်လာရေးကို ဦးတည်တဲ့ အဆုံးသတ်တော်လှန်ရေး ဖြစ်မှကို ရပါမယ်။ စစ်အုပ်စုက တော်လှန်ရေးမပြီးခင် တွေ့ဆုံဆွေးနွေးရေး ကမ်းလှမ်းလာချက်တွေကို လက်ခံပြီး၊ ရန်သူကို လျှော့တွက်လို့ မရပါဘူး။ စစ်အုပ်စုဟာ စစ်မှန်တဲ့ တွေ့ဆုံဆွေးနွေးရေးကို မလိုလားတဲ့အတွက် သူတို့ ခြယ်လှယ်နိုင်မယ့် ဒိုင်ယာလော့ခ်ကို နိုင်ငံတကာဖိအားတွေကြားက မဖြစ်မနေ အကောင်အထည်ဖော်ခဲ့ကြတာပါ။ သူတို့ဘက်မှာလဲ ရင်းနှီးခဲ့ရတဲ့ အချိန်တွေနဲ့ လက်ကိုင်ဒုတ်တွေ အားတောင့်လာအောင် ပြင်ဆင်ခဲ့ရတဲ့ ကြိုးပမ်းမှုတွေ အများကြီးပါ။ နိုင်ငံတကာက စတိတ်မင့်လေးထုတ်ပြီး ကန့်ကွက်ရုံ၊ ယူအင်က ကိုယ်စားလှယ်လေး လာတွေ့ပြီး စုံစမ်းစစ်ဆေးရုံ၊ လူအများက လမ်းပေါ်ထွက်လာရုံလောက်နဲ့ နောက်ဆုတ်ပြီး စစ်မှန်တဲ့ တွေ့ဆုံဆွေးနွေးရေးလမ်းကြောင်းပေါ် တက်လာဖို့ဆိုတာ ဖြစ်နိုင်ချေ အလွန်နည်းပါတယ်။ စစ်အုပ်စုရဲ့ ရုပ်သေးအစိုးရကို ဖြုတ်ချပြီး ပြည်သူ့အစိုးရ (၀ါ) ကြားဖြတ်အစိုးရတရပ်နဲ့ အစားထိုးနိုင်မှသာ တော်လှန်ရေးက အောင်မြင်မှာ ဖြစ်ပါတယ်။

နိဂုံး

တော်လှန်ရေးတရပ်မှာ လမ်းစဉ်တွေ အများအပြား ရှိတဲ့အနက် အတိုက်အခံတွေရဲ့ မှန်ကန်သောလမ်းစဉ် ရွေးချယ်နိုင်မှုကသာ စစ်မှန်တဲ့ ဒိုင်ယာလော့ခ် ပေါ်ထွက်လာရေးရဲ့ အောင်မြင်ရေးသော့ချက် တခု ဖြစ်ပါတယ်။ နောက်ထပ်သော့ချက်တခုကတော့ capabilities ပါပဲ။ ဘယ်လောက်ပဲ ကောင်းမွန်တဲ့ vision တွေကို ထုတ်ပြန်ကြေညာချက်တွေ ထုတ်ပြီး ကြေညာထား၊ ကြေညာထား၊ ဘယ်လောက်ပဲ မှန်ကန်တဲ့ intent တွေကို လူအများသိအောင် ပြောပြော၊ နောက်ဆုံးတော့လဲ capability မရှိရင် ဘာမှလုပ်နိုင်မှာ မဟုတ်ပါဘူး။ capability ရှိတယ် ဆိုရင်တော့ ကောက်ခါငင်ခါ ပေါ်လာတဲ့ vision, intent တွေကို ချက်ချင်း အကောင်အထည် ဖော်နိုင်ပါလိမ့်မယ်။ ဒါကြောင့် intent တွေ တကယ်ဖြစ်လာဖို့၊ capability တွေရှိလာအောင် ပြင်ဆင်တည်ဆောက်ရင်း မြန်မာပြည်မှာ စစ်မှန်တဲ့ ဒိုင်ယာလော့ခ်ပေါ်ထွက်လာရေးကို ဦးတည်ကြိုးပမ်းသင့်ကြပါကြောင်း တိုက်တွန်းရေးသားအပ်ပါတယ်။

ခင်မမမျိုး (၂၃၊ ၁၁၊ ၂၀၁၀)

အပြည့်အစုံဖတ်ချင်ရင်..>>>

ကျွန်မနှင့် သင်္ချာ

Friday, November 19, 2010

အထက်တန်းကျောင်းတုန်းက ဘယ်ဘာသာကို အကြိုက်ဆုံးလဲ။

ဒီမေးခွန်းကို ခဏခဏ အမေးခံရလေ့ရှိပါတယ်။ အထူးသဖြင့် password တွေ set up လုပ်ရတဲ့အခါ တွဲပါလာတတ်တဲ့ လုံခြုံရေးမေးခွန်းတွေမှာ ဒီမေးခွန်းလေးတွေ ပါလာတတ်ပါတယ်။ အရင်တုန်းကတော့ ဒီလို မေးခံလိုက်ရတဲ့ အခါတိုင်း ကျွန်မမှာ ရုတ်တရက် ပြန်စဉ်းစားရလေ့ရှိတယ်။ သင်္ချာကို ဖြေရမလား၊ အီကို ကို ဖြေရမလား၊သမိုင်းကို ဖြေရမလား ဆိုတာကိုပါ။ သမိုင်းကိုကျတော့ သုံး၊ လေးနှစ် ကလေးအရွယ်မှာ အဖိုးပြောပြခဲ့တဲ့ စစ်အေးတိုက်ပွဲတွေ၊ ဒုတိယကမ္ဘာစစ်တွေ၊ ပြည်တွင်းစစ်တွေကနေ စပြီး စိတ်ဝင်စားခဲ့ပါတယ်။ အီကို ကိုကျတော့ ခြောက်သိန်းနဲ့ ပေးဝယ်ထားတဲ့ ကားတွေကက တနှစ်ကျော်အတွင်း သိန်းသုံးဆယ်ကျော် ဖြစ်သွားတာတွေ၊ ၂၅ သိန်းတန် မြေကွက်က သုံးနှစ်လောက်အတွင်း သိန်းရာကျော်သွားတာတွေကို အံ့သြစွာနဲ့ တွေ့မြင်မိရာကနေ ငွေကြေးဖောင်းပွနှုန်းဆိုတဲ့ စကားလုံးလေးက အစပြုပြီး စိတ်ဝင်စားလာခဲ့ပါတယ်။ သင်္ချာကိုကျတော့ စိတ်ဝင်စားတယ်၊ မ၀င်စားဖူး ဆိုတာထက် တွက်ချက်နေရတာ၊ အဖြေရှာနေရတာကို ကျေနပ်ပြီး နှစ်သက်ခဲ့တာ ဖြစ်ပါတယ်။ ဒီလိုတွေ ပြန်စဉ်းစားကြည့်မိရင်း နောက်ပိုင်းကျတော့ တဖြည်းဖြည်းနဲ့ ဘယ်ဘာသာ အကြိုက်ဆုံးလဲလို့ အမေးခံရရင် သင်္ချာလို့ နှုတ်က အလိုလို အဖြေပေးမိပြီးသား ဖြစ်လာပါတော့တယ်။



ငယ်ငယ်တုန်းကတော့ ကျောင်းစာမှာ အမှတ်များများ ရလိုဇောနဲ့ သင်္ချာတွေ တွက်ခဲ့မိတာလားတော့ မသိပါဘူး။ သုံးလေးတန်းလောက်တုန်းက စပြီး ဆရာတွေ၊ ဆရာမတွေ တွက်ပြတဲ့ သင်္ချာတွက်နည်းတွေ ကို တခြားနည်းတွေ ရှိမလားဆိုပြီး လိုက်ရှာတတ်တဲ့ အကျင့်ကတော့ အစပျိုးလာခဲ့ပါတယ်။ ကိုယ်တိုင်ရှာဖွေထားတဲ့ တွက်နည်းကို အဖြေရတာချင်း တူနေပါရက်နဲ့ မှားတယ်ပြောလို့ ကျူရှင်ဆရာတယောက်နဲ့ပါ ပြဿနာတက်ခဲ့ဖူးပါသေးတယ်။ ဒီလိုနဲ့ သင်္ချာပုစ္ဆာတွေဟာ စိတ်အပန်းဖြေ လာစရာတွေ ဖြစ်လာခဲ့ပါတယ်။ စာကျက်ရင်း ပျင်းလာရင် သင်္ချာထိုင်တွက်တော့တာပဲ။ စာပေဗိမာန်ကထုတ်တဲ့ မြန်မာ့ရိုးရာ ကိန်းဂဏန်း သင်္ချာ စာအုပ်လေး ရတော့လဲ စာအုပ်နဲ့ မျက်နှာ မခွာမိတော့။ သစ်တန်တွက်နည်း စာအုပ်ရတော့လဲ ကားမောင်းသမားကို အနိုင်ကျင့်ပြီး သစ်ထုတ်လုပ်ရေးဝိုင်းထဲ လိုက်ပို့ခိုင်းနဲ့ လုပ်ပါတော့တယ်။

ဒီလိုနဲ့ ဆယ်တန်းဖြေပြီး နောက်တနေ့မှာ သင်္ချာကို စွဲစွဲလန်းလန်း ဘယ်လောက်ဖြစ်နေသလဲဆိုတာ ကိုယ့်ဘာသာကို စပြီး သတိထားမိတော့တာပါပဲ။ အဲဒီနေ့က နံနက် အိပ်ယာထပြီး အချိန်ကတည်းက ဘာလုပ်ရမှန်းကို မသိပဲ မနေနိုင်၊ မထိုင်နိုင် ဖြစ်နေခဲ့တယ်။ အိမ်မှာ ရှိသမျှ စာအုပ်တွေကလဲ အကုန်ဖတ်ပြီးသားတွေ၊ စာအုပ်အငှားဆိုင်ကလဲ ညနေမှဖွင့်တာ ဆိုတော့ ဘာလုပ်ရမှန်းကို မသိဘူး။ နောက်ဆုံးတော့ မနေနိုင်တော့ပဲ သင်ရိုးစာအုပ်ဟောင်းတွေ သိမ်းထားတဲ့ သေတ္တာကြီးကို သွားမွှေပါတော့တယ်။ အဲဒီထဲကနေ သူငယ်တန်းကနေ ဆယ်တန်းအထိ သင်္ချာသင်ရိုးစာအုပ်တွေကို ရွေးထုတ်လိုက်ပါတယ်။ မကျေညက်ခဲ့တဲ့ ပုစ္ဆာတွေ၊ မမှတ်မိတော့တာတွေကို ရွေးထုတ်လိုက်ပါတယ်။ ပြီးတာနဲ့ သီချင်းခွေတွေ ဆက်တိုက်ဖွင့်ပြီး သင်္ချာတွေ ထိုင်တွက်တော့တာပါပဲ။ အိမ်က မိသားစုက မျက်လုံးပြူးနေပါတယ်။ ဆယ်တန်းဖြေပြီး နောက်တရက် စာအုပ်ပုံနဲ့၊ အကြမ်းစာရွက်တွေနဲ့ အလုပ်ရှုပ်နေတာကိုး။ ဘယ်လိုပဲဖြစ်ဖြစ် ကျွန်မကတော့ ပျော်နေခဲ့ပါတယ်။

နောက်ပိုင်းကျတော့ နိုင်ငံခြားကျောင်းတွေမှာ သင်တဲ့ သင်္ချာသင်ရိုးစာအုပ်တွေ လက်ထဲ ရောက်လာတာကြောင့် သင်္ချာနဲ့ အပန်းဖြေချိန်တွေ ပိုရလာပါတယ်။ တနေ့တာ အလုပ်တွေ၊ ကျောင်းစာတွေနဲ့ ဘယ်လောက်ပဲ ပင်ပန်းပင်ပန်း၊ သီချင်းလေးတွေ နားထောင်ရင်း သင်္ချာပုစ္ဆာလေးတွေ အဖြေရှာတွက်ချက်နေရရင် လန်းဆန်းတက်ကြွလာပါတော့တယ်။ တဖြည်းဖြည်းနဲ့ သင်္ချာဟာ ဘ၀ ဖြစ်လာသလို၊ နေ့စဉ်ဖြတ်သန်းနေရတဲ့ လူ့ဘ၀၊ လူ့လောကကြီးမှာ သင်္ချာရဲ့ အရေးပါပုံတွေကိုလဲ တစတစ သိမြင်လာရပါတယ်။ နေရပ်လိပ်စာ၊ တယ်လီဖုန်း၊ ဘဏ်ကတ်၊ ပိုက်ဆံ၊ ကားနံပါတ်၊ ဈေးဝယ်ထွက်ခြင်း၊ အိပ်ယာထချိန်၊ အိမ်ယာဝင်ချိန် စတာတွေအားလုံးမှာ သင်္ချာကိန်းဂဏန်းတွေက လူတွေနဲ့အတူ အရိပ်လို တကပ်ကပ်။ ဘယ်နေရာသွားသွား သင်္ချာနဲ့ မလွတ်နိုင်တာကို တွေ့မြင်လာရပါတယ်။

အဆင့်မြင့် ပညာရေးကို ဆက်လက် ဆည်းပူးတဲ့အခါကျတော့ သင်္ချာပညာရဲ့ အရေးပါပုံကို ပိုပြီး သတိပြုမိလာပါတယ်။ စာရင်းအင်း ပညာရပ်၊ ဘောဂဗေဒ၊ ဘဏ္ဍာရေး စီမံခန့်ခန့်မှုဘာသာရပ်တွေ လေ့လာဖြစ်တော့ သင်္ချာဘာသာမှာ လေ့လာမှု အားကောင်းခဲ့တာကြောင့် ပိုမို လွယ်ကူနေသလို ဖြစ်နေပါတယ်။ ပထ၀ီ ဘာသာရပ်နဲ့ ကျောင်းပြီးပြီး Geographic Information Systems (GIS) ကျွမ်းကျင် ပညာရှင်ဖြစ်နေတဲ့ သူငယ်ချင်းတယောက်ကလဲ သင်္ချာဘာသာကို လေ့လာမှုအားကောင်းခဲ့တဲ့ အကျိုးကျေးဇူးကို ပြန်ခံစားရတယ် ပြောပါတယ်။ ပြည်သူ့ကျန်းမာရေးပညာ၊ စက်မှုပညာ၊ အိုင်တီပညာ၊ မဟာဗျူဟာလေ့လာရေး၊ ဘဏ္ဍာရေး၊ စီးပွားရေး၊ လူမှုရေး သိပ္ပံ စတဲ့ နယ်ပယ်ပေါင်းစုံမှာလဲ သင်္ချာဘာသာက အကျိုးပြုနေပါတယ်။

မှတ်မှတ်ရရ ဘဏ်လုပ်ငန်းတခုမှာ ဘဏ္ဍာရေးအရာရှိ တာဝန် ထမ်းဆောင်စဉ်တုန်းကပါ။ လုပ်ရတဲ့အလုပ်က portfolio construction ကဏ္ဍပါ။ တနေ့တော့ Accounts Management ဌာနမှာ ရာထူးတနေရာ လစ်လပ်ပြီး၊ လူသစ်မခန့်ရသေးတာနဲ့ သွားလုပ်ပေးရပါတယ်။ ပထမနှစ်ရက်မှာ ပြဿနာ မရှိပါ။ တတိယရက်မှာ ပြဿနာတခုက စလာပါတော့တယ်။ ယူကေမှာ ကျောင်းသားဗွီဇာနဲ့ နေတဲ့ ကျောင်းသားတယောက်ရဲ့ ဘဏ်စာရင်းမှာ ထောင်နဲ့ ချီတဲ့ ငွေပမာဏတွေ ၀င်လိုက်၊ ထွက်လိုက် ဖြစ်နေတာပါ။ ချက်ချင်းပဲ ဧရိယာမန်နေဂျာကို သတင်းပို့ပါတယ်။ မန်နေဂျာကလဲ ခပ်ပေါ့ပေါ့ပါပဲ။ ကျောင်းလခတွေ၊ အဆောင်ခတွေ သွင်းရလို့ ဖြစ်မှာပါတဲ့။ တကယ်ဆို အဲဒီမှာတင် ပြီးသွားသင့်ပါတယ်။ ဒါပေမယ့် ဘယ်လိုမှ ပြီးသွားပြီလို့ သတ်မှတ်လို့ မရဘူး ဖြစ်နေပါတယ်။ ဒါနဲ့ အချိန်ခဏလေးပေးဖို့ တောင်းပန်လိုက်ပါတယ်။ ကံကောင်းချင်တော့ ငွေလွှဲပြောင်းလုပ်ထားတာတွေက ဘဏ်တခုတည်း ဖြစ်နေပါတယ်။ သတင်းအချက်အလက်တွေက ကွန်ပျူတာစနစ်ထဲကနေ အားလုံး ရှာဖွေ ကြည့်လို့ရပါတယ်။

ချက်ချင်းပဲ တနှစ်လုံးစာ အ၀င်အထွက်တွေကို လိုက်ကြည့်ပြီး၊ အသုံးများတဲ့ ဘဏ်အကောင့်တွေကို တခါ ထပ်ပြီး ဆက်စပ်ကြည့်ပါတယ်။ အဲဒီလိုကနေ တဆင့်ချင်း လိုက်ကြည့်တော့ Money Laundering နဲ့ ပတ်သက်ပြီး သံသယဖြစ်စရာ ကွင်းဆက်တခုကို ခြေရာခံမိလာပါတယ်။ ဒီကိစ္စကျတော့ ဘဏ္ဍာရေး မှုခင်းကိစ္စတွေနဲ့ ပတ်သက်လာပြီမို့ လုပ်ငန်းရဲ့ Anti-money laundering ဌာနစိတ်ကို မန်နေဂျာက ချက်ချင်းအကြောင်းကြားပြီး သက်ဆိုင်ရာ အဖွဲ့အစည်းတွေဆီ case ကို လွှဲပြောင်းပေးရပါတော့တယ်။ တဘက်က ရာဇ၀တ်မှု ကျူးလွန်သူတွေမှာ နစ်နာမှုတွေ ရှိသွားပေမယ့် professional တယောက်ရဲ့ ကျင့်ဝတ်ကို အပြည့်အ၀ လိုက်နာနိုင်ခဲ့ပါတယ်။ သင်္ချာပညာနဲ့ စာရင်းအင်းပညာ (statistics) မှာ လေ့လာခဲ့ရတဲ့ link analysis ရဲ့ အကျိုးကျေးဇူးပါပဲ။

သင်္ချာပညာဟာ ကျွန်မ ထပ်မံ ဆည်းပူးခဲ့တဲ့ တခြားပညာရပ်နယ်ပယ်တွေ၊ အလုပ်အကိုင်တွေမှာလဲ အထောက်အကူတွေ ပြုနေခဲ့ပါတယ်။ အကြမ်းဖက်မှုလေ့လာဆန်းစစ်ရေးမှာ အဓိကကျတဲ့ crime mapping, investigative charting, VIA charts, geo-coding, temporal analysis, event matrix, activity flowchart, commodity flowchart စတာတွေက သင်္ချာသဘောတရားတွေပေါ်မှာပဲ အခြေခံထားတာတွေ ဖြစ်နေပါတယ်။ မဟာဗျူဟာလေ့လာရေး၊ စစ်ရေးလေ့လာမှုတွေမှာလဲ behaviour influence analysis, relational analytical tools, causal modelling, Bayesian approach တွေ အသုံးပြုရတာကြောင့် သင်္ချာသဘောတရားတွေနဲ့ မလွတ်ကင်းပြန်ပါဘူး။

သင်္ချာကို တွက်နေရရင်ကို ပျော်နေတတ်သူတယောက်အနေနဲ့ သင်္ချာ ပညာရဲ့ အသုံးဝင်မှုတွေကို တွေ့မြင်ရလေလေ ဘာသာရပ်ကို ပိုပြီး တန်ဖိုးထားမိလာလေလေပါပဲ။ ဒါကြောင့်လဲ နိုင်ငံရေးသုတေသနဘွဲ့နဲ့ ဥပဒေဘွဲ့တွေအတွက် စာတွေ ပိနေတဲ့ကြားကနေ အဝေးသင်တက္ကသိုလ်က ပေးတဲ့ မဟာသိပ္ပံသင်္ချာဘွဲ့ ၀င်ခွင့်ကို ကောက်ခါငင်ခါ သွားဖြေလိုက်ပါသေးတယ်။ ဘွဲ့ကြိုသင်္ချာဘာသာတွေနဲ့ လုပ်ငန်းခွင်အသုံးချသင်တန်းတွေပဲ လေ့လာဖူးတာကြောင့် အဆင့်မြင့် ဘွဲ့လွန်သင်္ချာပညာကို လေ့လာချင်စိတ်ကြောင့်ပါ။ ၀င်ခွင့်ရတာနဲ့ သူငယ်ချင်းတယောက်ကို အားပါးတရ ပြောတော့ အချိန်အားရော ရှိသေးလားလို့ မေးပါတယ်။ တခြားဘာသာ ဆိုရင်တော့ နှစ်ခါ ပြန်စဉ်းစားမိမှာပဲ။ သင်္ချာဆိုတော့ မစဉ်းစားဖြစ်တော့ဘူး။ နိုင်ငံရေးသုတေသနအတွက် စာတွေဖတ်လိုက်၊ ဥပဒေစာအုပ်တွေ ကိုင်လိုက် လုပ်ရင်း ရသမျှအချိန်လေးမှာ သင်္ချာတွေ ထိုင်တွက်နေမယ်လို့ ပြန်ဖြေဖြစ်ပါတယ်။ လူတွေဟာ ကိုယ်စိတ်ဝင်တစား တန်ဖိုးထားတဲ့ အရာတွေအတွက်ဆိုရင် အချိန်မရှိဘူး၊ အလုပ်များတယ်ဆိုတဲ့ ဆင်ခြေတွေကို မေ့ကုန်တတ်ကြတယ် ထင်ပါရဲ့။ ဆရာမတယောက်ကတော့ ပြောဖူးတယ်။ ပန်းတိုင်မရောက်ခင်မှာ မဖြစ်နိုင်ဘူး၊ ဖြစ်ပါ့မလားဆိုတဲ့ စကားလုံးတွေကို ပန်းတိုင်ကို တကယ်မရောက်ချင်သူတွေကသာ သုံးတတ်ကြပါတယ်တဲ့။

ခင်မမမျိုး (၁၈၊ ၁၁၊ ၂၀၁၀)

အပြည့်အစုံဖတ်ချင်ရင်..>>>

Release of Aung San Suu Kyi: A New Hope for Burma

Tuesday, November 16, 2010

On November 13, 2010, Burmese generals surprised the democratic supporters around the world with the release of Aung San Suu Kyi, a Nobel peace laureate and pro-democracy leader of Burma. Her release was warmly welcomed by People of Burma with tears of joy. The release of Aung San Suu Kyi also brings a new hope for democracy and national reconciliation in Burma.

After her release, private or general discussions took place on the political matters of Future Burma among the political activists, political analysts and ordinary citizens. Some critics view that the decision of the military regime could be a starting point for democratization process. On the contrary, some argue that Burma's democratic transition is in no way guaranteed by Aung San Suu Kyi's Release. Some have expressed their great concerns about her safety by taking the scenario of Pakistan democratic leader, Benazir Bhutto. These opposing views and concerns point out the following questions:

-Will the decision of the release of Aung San Suu Kyi by the military generals be actually a starting point for a new chapter of the history of Burma?
-Will there be a probability of any assassination attempts on Aung San Suu Kyi?
-Will the release of Aung San Suu Kyi actually bring a new hope for political dialogue and the end of prolonged and inconclusive political struggle in Burma?



Burma: A country with intra-state conflicts
For more than five decades, Burma has been entrenched in political and armed conflict between the repressive ruling military regime, political opponents, and ethnic groups. The ruling military generals committed grave breaches of the Geneva Convention of 12 August 1949, by the acts of wilful killing, torture or inhuman treatment, extensive destruction and appropriation of property, not justified by military necessity and taking civilians as hostages in armed conflicts with ethnic minority groups.

The ruling military regime also violate the laws or customs of war such as wanton destruction of villages, attack or bombardment of undefended villages, seizure of, destruction or willful damage done to institutions dedicated to religion, charity and education, the arts and sciences, historic monuments as well as the plunder of public or private property. Thousands of villages were destroyed as part of the military campaigns against the ethnic groups. For several decades, crimes against humanity were committed by the junta against the civilian population. Burmese prisons are full of political prisoners.

Persecutions on political, racial and religious grounds were taken place. Monasteries were
raided. Churches were burnt down. Monks were shot dead. Women political activists were
raped or threatened by some forms of sexual violence. Rape was used a weapon of war in
armed conflict zones. These acts result in the displacement of millions of Internally Displaced Persons (IDPs).

Gravely concerned at the continuous violations of human rights in Burma, the Commission on Human Rights passed a resolution 1992/583 on 3 March 1992 to nominate a special rapporteur to establish direct contacts with the military regime and with the people of Burma, including political leaders deprived of their liberty, their families and their lawyers, with a view to examining the situation of human rights in Burma and following any progress made towards the transfer of power to a civilian Government and the drafting of a new constitution, the lifting of restrictions on personal freedoms and the restoration of human rights in Burma. Since then, various UN special envoys, rapporteurs including the UN Secretary-General have visited Burma several times to urge the military regime for all party-inclusive, transparent and national reconciliation.

National Reconciliation and Aung San Suu Kyi
As the political and armed conflicts were entrenched between the repressive military regime, political opponents and ethnic nationalities within the context of constitutional crisis and democracy movement, a 'Tripartite Dialogue' among three parties: the military regime, pro-democracy forces (NLD) and the ethnic nationalities, was recommended to resolve Burma's constitutional crisis, create national reconciliation and initialize the move toward democratization. It highlights the possibility of restoration of trust and confidence and mutual reconciliation after a prolonged inconclusive political struggle through negotiation process and conflict management.

In all conflict situations, the role of Track I leaders who move forward with preparations is an important requirement to generate the political support or 'will' for a joint solution. Aung San Suu Kyi fulfils this requirement by calling for dialogue with the junta several times. Some critics argue that Aung San Suu Kyi's party (NLD) was only interested in negotiation as a means to provide diplomatic cover. In fact, Aung San Suu Kyi and her party have attempted to seek several terms that can be acceptable to the junta side and it was the military junta that has no real interest in reaching agreement at all. Instead, the members of NLD and other democratic forces were arrested and tortured. Aung San Suu Kyi was also put under house arrest during the 15 years of the past 21 years.

For Aung San Suu Kyi, this is not her first time being released from house arrest. At first, She had to spend six years under house arrest until 1995. After her release, she was physically attacked by the members of pro-military organization called Union Solidarity and Development Association (which became Union Solidarity and Development Party in 2010). In early November 1996, she was in her car to visit supporters when a mob of thugs – some throwing stones, some wielding iron bars – surrounded the vehicle and smashed the windshield. This was in an area controlled by military forces, who did nothing to intervene.

Again in September 2000, She was put under house arrest until 2002. After her release, she made a lot of organizing trips around the country despite of harassment and interruptions by the ruling junta and pro-military USDA members. On May 30, 2003, Depayin Massacre took place with 500 unarmed civilians being attacked by military junta and USDA organized thugs. At least 70 people were killed in this massacre. In fact, Aung San Suu Kyi was the victim of a well-organized crime, however, she was put under house arrest again. She had to spend seven years and have been released on November 13, 2010. By taking these events into account, there would be a probability of assassination attempts on her in the future.

Indeed, it could be very difficult to predict the real intent of the decision of the junta to release her, especially after the rigged election on November 7, 2010. Will this decision could actually start a new chapter of the history of Burma? Do the generals have the real intent to start negotiation process among the newly-elected authoritarian government, the democratic forces and ethnic nationalities? Despite of her release, the junta has not made any further announcements regarding the formation of government based on the outcome of election results as well as no formal decision of engagement with the pro-democracy forces yet.

Changing the political climate
By this time, both Aung San Suu Kyi and the military generals need to reassess the political calculus again. Burma is a country with constitutional crisis and conflicts can only be resolved with a 'Tripartite Dialogue' among three parties: the military regime, pro-democracy forces (NLD) and the ethnic nationalities. It is obvious that the military regime could not resolve the decades-long political struggle by hand-picking some ethnic groups and holding the authoritarian elections. It is also clear that Aung San Suu Kyi and democratic forces could not resolve the inconclusive struggle without using all types of leverage (normative leverage, coercive leverage and walk-away leverage) and having a sound BATNA (best alternative to a negotiated agreement).

While applying leverage (relative strength) for Negotiation and Dialogue, it is important to use BATNA as a negative inducement. It is an effective signal that its counterparts would be left in a worse position if they do not come to the negotiation table. Developing effective BATNAs could induce the military regime to negotiate with the democratic forces and ethnic groups. On the other hand, these could be useful if there were no prospect for any political dialogue and the pro-democratic forces had to use the replacement mode of democratization. There should be several contingency plans in the case of partial agreement or no agreement at all.

Along with the development of BATNAs and various contingency plans, Track II leaders (highly respected individuals who occupy formal positions in sectors of education, health, business, etc.) should focus on creating a shared vision, building relationships and forming highly-structured reconciliation commissions. Track III leaders (local community leaders, organizers of grass-root NGOs, etc.) should pay attention to the humanitarian needs of the community and attempt to build a broad-based reconciliation process.

Conclusion
From the wider perspective, it could be the greatest moment of the history of Burma if the military leaders decide to engage with pro-democracy forces and ethnic national leaders after the release of Aung San Suu Kyi. However, if the junta decides not to engage, Aung San Suu Kyi and pro-democracy forces should adopt all types of leverage. History tells us that only normative leverage could not bring a successful political dialogue. It must be accompanied by powerful BATNAs and walk-away leverage.

Khin Ma Ma Myo (14/11/2010)

အပြည့်အစုံဖတ်ချင်ရင်..>>>

English Article: From the words of Aung San Suu Kyi

Sunday, November 14, 2010



စစ်အာဏာရှင်တို့၏ အကျယ်ချုပ်မှ လွတ်မြောက်လာခဲ့သော၊ ရှစ်လေးလုံးပြည်သူ့ အရေးတော်ပုံကြီးမှ မွေးဖွားလာခဲ့သည့် လူထုခေါင်းဆောင် ဒေါ်အောင်ဆန်းစုကြည်အား ၂၀၀၆ ခုနှစ်က ရေးသားခဲ့ဖူးသော အမှတ်တရ ဆောင်းပါးဖြင့် လေးစားစွာ ကြိုဆိုအပ်ပါသည်။

From the words of Aung San Suu Kyi

The words of the leaders are always powerful. Aung San Suu Kyi, Burmese democratic leader, represents the power of powerless. Powerful and Valuable words can be found in her writings, i.e. Freedom from Fear (1991, 1995), Letters from Burma (1997). On the anniversary of her 61st Birthday, I would like to recall her key valuable words.



(1) ‘It is natural that a people who have suffered much from the consequences of bad government should be preoccupied with theories of good government’ (Aung San Suu Kyi, 1995:168)

Throughout the history, good government has served three main purposes such as
-Maintaining order (Preserving life and protecting property)
-Providing public goods and
-Promoting equality with the welfare state concept.

According to the national development stream, the World Bank (1992) defined good governance as the means in which power is exercised in the management of a country’s economic and social resource for development. Leftwich identifies three stands as

-systematic (involves the distribution of both internal and external political and economic power)
-political (a state enjoying both legitimacy and authority, derived from a democratic mandate)
-administrative ( involves an efficient, open, accountable and audited public service which has the bureaucratic competence to help design and implement appropriate policies and manage whatever public sector there is). (Leftwich, 1993:610-611)

Furthermore, the UK’s Overseas Development Administration identified 4 components as
-The legitimacy of government, which depends on the existence of participatory processes and the consent of those who are governed;
-The accountability of both the political and official elements of government for their actions, depending on the availability of information, freedom of the media, transparency of decision-making and the existence of mechanisms to call individuals and institutions to account;
-The competence of government to formulate appropriate policies, make timely decisions, implement them effectively and deliver services;
-Respect for human rights and rule of law to guarantee individual and group rights and security to provide a framework for economic and social activity and to allow and encourage all individuals to participate. (Summarized in Truner & Hulme, 1997:231)

(2) ‘The people of Burma want not just a change of government but a change in political values. The unhappy legacies of authoritarianism can be removed only if the concept of absolute power as the basis of government is replaced by the confidence of the people in their right and ability to decide the destiny of their nation, mutual confidence between the people and their leaders and most importance of all, confidence in the principles of justice, liberty and human rights’ (Aung San Suu Kyi, 1995: 178)

People should have the rights to participate in the government decision making process by different means for the destiny of their nation. According to the procedural democratic theory, three main principles are important.

-Universal participation (everyone within the boundaries of political community should be allowed to vote)
-Political equality (all votes should be counted equally)
-Majority rule (A group should decide to do what the majority of its participants wants to do) (Goldman, 2005:35)

For a small and simple society, these principles must be met with a direct or participatory democracy (a system of government where rank-and-file citizens rule themselves rather than electing representatives to govern on their behalf). For a large society, representative democracy (a system of government where citizens elect public officials to govern on their behalf) is desirable. In this system, elected representatives should respond to public opinion so that ‘responsiveness’ has become the fourth principle of the procedural democratic theory.

Moreover, Aung San Suu Kyi mentioned to be confident in the principles of justice, liberty and human rights. Justice refers to fair and morally defensible treatment for individuals in the light of human rights standards or standards of economic or social well-being. (Taylor & Curtis, 2005:420) The rights to liberty set conditions on the way in which individuals interact. To implement the liberty rights of individuals, governments must protect them against incursions by other individuals. (Kelly, 1998:258)

The basic elements of human rights are not a simply matter of fundamental ideologies, norms-rules, standards and principles. In contrast, these are embedded in institutions. The core of the universal system consists of the United Nations Charter and related instruments such as the International Bill of Rights, the Universal Declaration of Human Rights of 1948, the International Covenant on Civil and Political Rights and the International Covenant on Economic, Social and Cultural Rights. Basically, human life is safer, pleasanter, and more dignified when rights are acknowledged than when they are not. (Brown, 2005:701)

(3) It is not enough merely to call for freedom, democracy and human rights. … A people who would build a nation in which strong, democratic institutions are firmly established as a guarantee against state-induced power must first learn to liberate their own minds from apathy and fear. (Aung San Suu Kyi, 1995:183)

Aung San Suu Kyi focused on the concept of freedom from fear. Freedom (eleutheria) is the fundamental democratic ideal. Freedom can be used in two main senses: freedom of and freedom from. Freedom of refers to the absence of constraints on behavior; for example, Freedom of Worship and Freedom of Speech. Freedom from refers to immunity from. It also symbolizes the fight against exploitation and oppression in the modern political context (Berry, 2005:13). The examples include Freedom from want and Freedom from fear. As the Burmese Democratic Movement is the fight against the oppression by the military regime, she encouraged the people to be fearlessness.

In conclusion, it is obvious that Aung San Suu Kyi have used the rightful principles and valuable words for the democratic struggle of Burma with her knowledge, skills and commitment to the struggle. May I conclude this essay with the most valuable words by Aung San Suu Kyi?

“If you ask whether we shall achieve democracy, whether there will be general elections, Here is what I shall say. Don’t think about whether or not these things will happen. Just continue to do what you believe is right. One’s responsibility is to do the right thing.” (Aung San Suu Kyi, 1995:212)

Khin Ma Ma Myo (2006)

References
Aung San Suu Kyi. (1995) Freedom from Fear, revised edition, Penguin Books, London
Brown, C. (2005) Human Rights in Baylis & Smith (eds.) (2005) Globalization, 3rd edition, Oxford University Press, Oxford
Crick, B. (2002) Democracy: A very short introduction, Oxford University Press, University of Oxford
Ferns & Watkins (1985) What Politics is About, The Sherwood Press, London
Kelly, D. (1998) A Life of one’s own: individual rights and the welfare state, in Steiner & Alston (eds.) (2000) International Human Rights in Context: Law, Politics & Morals, Oxford University Press, Oxford
Goldman, Berry & Janda (2005) The Challenge of Democracy, 8th edition, Houghton Mifflin Company, New York
Victor, B. (1998) The Lady: Aung San Suu Kyi, Nobel Laureate and Burma’s prisoner, Faber & Faber INC, New York


အပြည့်အစုံဖတ်ချင်ရင်..>>>

လက်နက်ကိုင်တော်လှန်ရေး၊ ကန့်သတ်စစ်ပွဲနှင့် နိုင်ငံရေးချိန်ခွင်လျှာ

Monday, November 8, 2010

“ဘယ်လိုစစ်ပွဲမှာ သင်ဝင်တိုက်နေတယ်ဆိုတာ နားလည်ခြင်းဟာ အောင်ပွဲရဲ့ ပထမဆုံးခြေလှမ်းပဲ”
(ဗိုလ်ချုပ်အန်တိုနီဇင်နီ)

နိဒါန်း

“တော်လှန်ရေးတရပ်၏ ကံကြမ္မာသည် တော်လှန်သူများ၏ အတွေးအခေါ်ပြတ်သားမှု၊ ဆုံးဖြတ်ချက် ခိုင်မာမှု၊ စနစ်တကျဆောင်ရွက်မှုတို့ အပေါ်တွင် တည်မှီနေသဖြင့် အတွေးအခေါ် ရှုပ်ထွေးေ၀၀ါးမှုများဖြင့် တော်လှန်ရေး၏ အရှုံးကို ကိုယ်တိုင်မဆုံးဖြတ်မိစေရန် သတိပြုရမည်” တဲ့။ ဒီစကားစုလေးကို စကြားခါစ က နည်းနည်းတော့ မရှင်းသလိုဖြစ်နေခဲ့တယ်။ တော်လှန်သူများ ကိုယ်တိုင်က တော်လှန်ရေးအရှုံးကို ဆုံးဖြတ်မိသလို ဖြစ်တတ်တယ်ဆိုတာ ဖြစ်နိုင်ပါ့မလားဆိုပြီးပါ။ နောက်ပိုင်းကျတော့ နိုင်ငံရေးချိန်ခွင်လျှာညှိဖို့မှာ အရေးကြီးဆုံးဖြစ်တဲ့ လက်နက်ကိုင်တော်လှန်ရေးအပေါ်မှာ ဒီမိုကရေစီ တော်လှန်ရေးသမား အချို့ရဲ့ ပြောဆို ဝေဖန်သံတွေကြားလာခဲ့ရတယ်။ “လက်နက်ကိုင်တော်လှန်ရေး ခေတ်ကုန်နေပြီ”၊ “လက်နက်ကိုင် တော်လှန်ရေးလုပ်တာ ဦးနှောက်မရှိသူတွေပဲလုပ်တာ” ဆိုပြီး ပြောဆိုသံတွေ ထွက်လာသလို “ဒီမိုကရေစီ တိုက်ပွဲဆိုတာ လက်နက်နဲ့တိုက်လို့မရဘူး။ ညင်သာစွာ ပြောင်းမှရတာ။ နအဖအခင်းအကျင်း အတိုင်းလိုက် လျှောက်ပြီး ဖြည်းဖြည်းချင်းပြောင်းယူရမှာ” ဆိုတဲ့ ဒူးထောက်ကျောသပ်ခံရေး အတွေးအမြင်တွေလည်း ထွက်ပေါ်လာပါတယ်။ ဒါတွေနဲ့ပတ်သက်ပြီး လက်နက်ကိုင်တော်လှန်ရေး၊ ကန့်သတ်စစ်၊ နိုင်ငံရေးချိန်ခွင် လျှာဆိုတဲ့ စကားလုံးလေးတွေကို သတိသွားရမိပါတယ်။

(စစ်အုပ်စုတို့ရဲ့ ဒီမိုကရေစီအမည်ခံ ရွေးကောက်ခံ အာဏာရှင်စနစ် (၀ါ) မြန်မာ တမျိုးသားလုံးအား စစ်ကျွန်ပြုရေးစနစ်ကြီးကို မြ၀တီ၊ ဘုရားသုံးဆူတို့တွင် ပေါ်ထွက်လာသော သေနတ်သံများဖြင့် တော်လှန်ဆန့်ကျင်နေကြပါပြီ။

လက်နက်ကိုင် တော်လှန်ရေး တိုက်ပွဲများတွင် စစ်ရေးအရ၊ နိုင်ငံရေးအရ၊ အတွေးအခေါ်အရ၊ ဘဏ္ဍာရေးအရ ပူးပေါင်းပါဝင်ကြပါစို့)




လက်နက်ကိုင်တော်လှန်ရေးနှင့်ဒီမိုကရေစီ

“မတရားမှုဟာ ဥပဒေဖြစ်လာတဲ့အခါ တော်လှန်ပုန်ကန်ရန် လိုအပ်တယ်တဲ့”။ ဒီဥပဒေသဟာ ရှေး လွန်ခဲ့တဲ့ နှစ်ပေါင်းများစွာကတည်းက ကမ္ဘာအရပ်ရပ်မှာ ကျင့်သုံးခဲ့ကြတဲ့ဥပဒေသပါ။ ကမ္ဘာပေါ်မှာဖိနှိပ်သူ လူတန်းစားဆိုတာ ရှိနေသရွေ့ အဖိနှိပ်ခံလူတန်းစားတွေ ရှိကြစမြဲ ဖြစ်သလို၊ ဖိနှိပ်သူတွေကို အဖိနှိပ်ခံရသူ တွေက တော်လှန်ပုန်ကန်မှု ဆိုတာဟာလဲ အချိန်မရွေး ပေါ်ပေါက်နေနိုင်စမြဲပါပဲ။ အချို့က ဒီမိုကရေစီတော် လှန်ရေးမှာ စစ်ပွဲဆိုတာမလိုအပ်ဘဲ ညင်သာစွာပြောင်းလဲမှုပဲ လိုအပ်တယ်လို့ ဆိုတတ်ကြပါတယ်။ လက်နက်မဲ့တော်လှန်ရေး (Revolutions without arms) ဆိုတဲ့ သဘောတရားကို ဦးစားပေးဖော်ပြတတ်ကြပါတယ်။

သို့ပေမယ့်လဲ ကမ္ဘာတ၀ှမ်းက ဒီမိုကရေစီလှိုင်းလုံးကြီးများကို လေ့လာကြည့်တာနဲ့ ဒီမိုကရေစီကူး ပြောင်းမှုဖြစ်စဉ်နဲ့ လက်နက်ကိုင်တော်လှန်ရေးစစ်ပွဲများကြားက ဆက်နွယ်မှုကို တွေ့မြင်ရမှာဖြစ်ပါတယ်။ ယေဘုယျအားဖြင့် ဒီမိုကရေစီအသွင် ကူးပြောင်းမှုဖြစ်စဉ် (Democratization) ကို ဖြစ်စေနိုင်တဲ့ ပြဌာန်း ချက် ခြောက်ချက်ရှိပါတယ်။ ဒီခြောက်ချက်ထဲမှာ transnational and international engagements including war ဆိုတဲ့အချက်ကို အရေးပါသော အချက်တချက်အဖြစ် ပညာရှင်များက မီးမောင်းထိုးပြထား ကြပါတယ်။

ကမ္ဘာ့ဒီမိုကရေစီနိုင်ငံကြီးတခုဖြစ်တဲ့ အမေရိကန်ပြည်ထောင်စုရဲ့ ပထမအဆင့် ဒီမိုကရေစီပြောင်း လဲမှုဖြစ်စဉ်ဟာ anti-imperial struggle တခုဖြစ်တဲ့ အမေရိကန်တော်လှန်ရေးကနေ စတင်ခဲ့တာဖြစ်ပါ တယ်။ အသွင်ကူးမှုဒုတိယအဆင့်ကျတော့ အမေရိကန်ပြည်တွင်းစစ်ကနေ ပေါ်ထွက်လာခဲ့တာ ဖြစ်တယ် လို့ ပညာရှင်အချို့ကဆိုခဲ့ပါတယ်။ ဒါကြောင့် အမေရိကန် ပြည်ထောင်စု ဒီမိုကရေစီဟာ တော်လှန်ရေးစစ်ပွဲ အပေါ်မှာ အခြေပြုပေါ်ပေါက်ခဲ့တာလို့ ဆိုနိုင်ပါတယ်။ ဒီလိုပါပဲ။ ဥရောပမှာဆိုရင်လဲ ပြင်သစ်တော်လှန်ရေး (၁၇၉၈) ဟာ မြေရှင်ပဒေသရာဇ်စနစ်နဲ့ royal absolutist rule ကို ချုပ်ငြိမ်းပြီး၊ ဒီမိုကရေစီလမ်းကြောင်း ကို ဦးတည်စေခဲ့ပါတယ်။ ဥရောပတောင်ပိုင်းက ပေါ်တူဂီနိုင်ငံရဲ့ ဒီမိုကရေစီပြောင်းလဲမှုဖြစ်စဉ်ဟာလဲ တော်လှန်ရေးစစ်ပွဲအသွင်သဏ္ဍာန်နဲ့ ဖြစ်ပါတယ်။

အမေရိကန်ပြည်ထောင်စု၊ ဥရောပနဲ့ အခြားနိုင်ငံများရဲ့ ဒီမိုကရေစီပြောင်းလဲမှုဖြစ်စဉ်များကို လေ့ လာပြီး၊ နိုင်ငံရေးသုတေသီ Dankwart Rustow က ဒီမိုကရေစီဆိုတာ ပဋ္ဋိပက္ခတွေက မွေးဖွားလာတာ ဖြစ်ပြီး၊ ကမ္ဘာတ၀ှမ်းက ဒီမိုကရေစီပြောင်းလဲမှုဖြစ်စဉ်များစွာမှာ ညင်သာစွာ ပြောင်းလဲမှုရှားပါးကြောင်း ပြောဆိုခဲ့ပါတယ်။ များသောအားဖြင့် လက်နက်ကိုင်တော်လှန်ရေး ပေါင်းစပ်ပါဝင်မှုမရှိဘဲ ရရှိခဲ့တဲ့ တော်လှန်ရေးအောင်ပွဲတွေကို ညွှန်းဆိုပြတဲ့အခါမှာ တောင်အာဖရိကနိုင်ငံကို ဥပမာပေးတတ်ကြပါတယ်။

သို့ပေမယ့် တောင်အာဖရိကနိုင်ငံနဲ့ မြန်မာနိုင်ငံရဲ့ Geopolitics အနေအထားလုံးဝမတူပါဘူး။ နိုင်ငံတကာ ဖိအားပေးမှုရဲ့ ထိရောက်နိုင်မှု အခြေအနေမတူသလို၊ ဒေသဆိုင်ရာလုံခြုံရေး (regional security) ရှုထောင့်ကနေ ရှုမြင်သုံးသပ်မှု အနေအထားတွေလဲ မတူပါဘူး။ ပြီးတော့ တောင်အာဖရိက ဒီမိုကရေစီ အသွင်ကူးပြောင်းမှုဖြစ်စဉ်မှာ စတင်ခဲ့တာက incumbent de Klerk government အနေနဲ့ဖြစ်ပြီး၊ ၁၉၉၃ စက်တင်ဘာကျမှ ပါဝါခွဲဝေကြားဖြတ်အစိုးရအဆင့်ကို တက်လှမ်းသွားခဲ့တာပါ။ ဒီလိုကူးပြောင်းမှုဖြစ်စဉ် ဆိုတာက အာဏာရှင်တွေဘက်က စတင်မှဖြစ်တာပါ။ စတင်လာအောင် တွန်းအားပေးမှုတွေကလဲ ထိ ရောက်စွာ လုပ်နိုင်မှဖြစ်တာပါ။ မြန်မာနိုင်ငံမှာကျတော့ နိုင်ငံတကာဖိအားကလဲ တောင်အာဖရိက တုန်းက လောက် ထိရောက်မှုရှိနိုင်မှာမဟုတ်သလို၊ မြန်မာနအဖရဲ့ strategic doctrine ကလဲ အတိုက်အခံအပြီး သတ် ချေမှုန်းရေးဖြစ်တာကြောင့်၊ ဒီလိုဒီမိုကရေစီပြောင်းလဲမှုဖြစ်စဉ်မျိုး မြန်မာပြည်မှာ လုံးဝဖြစ်လာစရာ အကြောင်းမရှိပါဘူး။

နောက်တမျိုးဖြစ်တဲ့ နမ်ဘီးယား၊ ကမ်ဘောဒီးယား ဒီမိုကရေစီပြောင်းလဲမှု ဖြစ်စဉ်တွေလို နိုင်ငံတ ကာက ကြားဝင်လာပြီး၊ အပြည်ပြည်ဆိုင်ရာနိုင်ငံများ ပူးပေါင်းပါဝင်တဲ့ ကြားဖြတ်အစိုးရနဲ့ ပြောင်းလဲမှုဖြစ် စဉ်စတင်ဖို့ဆိုတာကလဲ ဖြစ်နိုင်ချေ နည်းပါးပါတယ်။ ဒီတော့ အသွင်ကူးပြောင်းမှုဖြစ်စဉ် အမျိုးအစားတွေမှာ က နှစ်မျိုးပဲ ကျန်ပါတယ်။ အတိုက်အခံများက ဦးဆောင်သော ကြားဖြတ်အစိုးရ (သို့) ပါဝါရှယ်ယာ ကြားဖြတ်အစိုးရများမှတဆင့် ဒီမိုပြောင်းလဲမှုဖြစ်စဉ်ကို စတင်ဖို့ပါ။ ဒီလိုကြားဖြတ်အစိုးရတွေ စတင်နိုင်ဖို့ လူထုတိုက်ပွဲပုံစံ၊ လက်နက်ကိုင်တော်လှန်ရေး အသွင်သဏ္ဍာန်တွေရဲ့ အခန်းကဏ္ဍဟာ အလွန်ပဲ အရေး ကြီးလှပါတယ်။

ပါဝါရှယ်ယာပုံစံ လုပ်မည်ထားဦး။ တပ်မတော်က တပ်မှူးများနဲ့ တပ်များ၊ လူထုနဲ့ ပူးပေါင်းလာနိုင်ဖို့က ကြိုတင်စည်းရုံး nominate လုပ်ထားဖို့တွေ လိုအပ်သလို၊ ထွက်လာနိုင်အောင် လမ်းခင်းပေးဖို့လဲ အ လွန်ကို လိုအပ်လှပါတယ်။ ယခုလက်ရှိ မြန်မာစစ်တပ်ရဲ့ တပ်ဖွဲ့စည်းပုံ၊ ကွပ်ကဲပုံတွေက လူထုတိုက်ပွဲ အသွင်တမျိုးတည်းအနေနဲ့မှာ ပူးပေါင်းနိုင်ဖို့ အခွင့်အလမ်း နည်းပါးပါတယ်။ ငြိမ်းချမ်းရေးအဖွဲ့များမှာလဲ ဒီလို အခြေအနေပါပဲ။ ရင်ဆိုင်ထိန်းချုပ်အနေအထားနဲ့ လှုပ်ရှားခွင်ကျဉ်းတဲ့ အနေအထားတွေမို့ စစ်မျက်နှာ အားလုံးဖွင့်လှစ်ထားမှသာ အခွင့်အလမ်းသာပြီး၊ အာဏာရှင်ကို ပူးပေါင်းတိုက်ပွဲဝင်နိုင်မယ့် အခြေအနေ ဖြစ်လာပါမယ်။ ဒါကြောင့် မြန်မာ့ဒီမိုကရေစီရေးအတွက် လက်နက်ကိုင်တော်လှန်ရေးဟာ အလွန်ပဲ အရေး ကြီးတဲ့ အနေအထားမှာ ရှိနေပါတယ်။ ဒီလိုအခြေအနေမျိုးမှာ လက်နက်ကိုင်တော်လှန်ရေးမဟုတ်ဘဲ လက်နက်မဲ့ တော်လှန်ရေးပဲ လုပ်ခဲ့မယ်ဆိုရင် ရန်သူနဲ့တိုက်ပွဲဝင်မယ့် အနေအထားဟာ ကန့်သတ်စစ်ပွဲ ပုံသဏ္ဍာန်မျိုးဖြစ်သွားပါပြီ။

ကန့်သတ်စစ်ပွဲ

စစ်မဟာဗျူဟာရေးရာမှာ အလုံးစုံစစ်ပွဲနဲ့ ကန့်သတ်စစ်ပွဲ သဘောတရားတွေဟာ အလွန်ပဲ အရေးပါ လှပါတယ်။ အလုံးစုံစစ်ပွဲဆိုတာက အဆုံးသတ်အောင်ပွဲကိုရဖို့အတွက် ရည်ရွယ်ချက်၊ တိုက်ပွဲဝင်မှု၊ စီးပွား ရေးအရင်းအမြစ်နဲ့ လူထုအင်အားတွေအပေါ်မှာ ကန့်သတ်ချက်လုံးဝမထားပဲ တိုက်ပွဲဝင်တဲ့ စစ်ပွဲသဏ္ဍာန် ဖြစ်ပါတယ်။ ကန့်သတ်စစ်ပွဲဆိုတာကတော့ အဆုံးသတ်အောင်ပွဲကို မရည်ရွယ်ထားပါဘူး။ တကွေ့မှာ Bargained termination ကို ဦးတည်တာဖြစ်တဲ့အတွက်ကြောင့် ရည်ရွယ်ချက်၊ တိုက်ပွဲဝင်မှု၊ အင်အား စတာတွေအပေါ်မှာ တမင်တကာ ကန့်သတ်ချက်တွေထားရှိပြီးမှ တိုက်ပွဲဝင်တာပါ။ ဒီလိုတမင်တကာ ကန့်သတ်ချက်ထားတာဟာ များသောအားဖြင့် တိုက်ပွဲဝင်မှုနည်းလမ်းတွေမှာ ဖြစ်ပါတယ်။ ဥပမာ - ဗုံး တော့ကြဲမယ်၊ နူးကလီးယားဗုံးမဟုတ်ရဘူး။ ဒါပေမယ့် ပေါက်ကွဲအားပြင်းထန်တဲ့ conventional bomb တော့ ဖြစ်ရမယ်ဆိုတာမျိုးတွေပါ။ ဒါပေမယ့် ဒီလိုကန့်သတ်စစ်ပွဲဆင်နွှဲတဲ့အခါမှာ အရေးကြီးဆုံးပြဿနာ တရပ်ကိုတော့ ရင်ဆိုင်ရတတ်ပါတယ်။ စစ်ပွဲကြာရှည်မှုရဲ့ strain တွေပါ။

နိုင်ငံတနိုင်ငံနဲ့ တနိုင်ငံကြားမှာ ကန့်သတ်စစ်ပွဲ မဟာဗျူဟာကို security calculus ပေါ်အခြေခံ တွက်ချက် ချမှတ်တတ်ကြပါတယ်။ ပြည်တွင်း တော်လှန်ရေးများမှာကျတော့ ကန့်သတ်စစ်ပွဲဆင်နွှဲဖို့က အလွန်ပဲခက်ခဲလှပါတယ်။ အမေရိကန်ပြည်တွင်းစစ် (၁၈၆၁-၆၅) နဲ့ နိုက်ဂျီးရီးယား - ဘီယာဖရင်စစ်ပွဲ (၁၉၆၇- ၇၀) စစ်များမှာ အလုံးစုံစစ်ပွဲ မဟာဗျူဟာကိုပဲ ချမှတ်ခဲ့ရပါတယ်။ အလုံးစုံစစ်ပွဲဖြစ်တာမို့ စစ်ဆင် ရေးတခုရဲ့ အရေးကြီးဆုံးကဏ္ဍတွေဖြစ်တဲ့ Objectives, means, targets, arena လေးမျိုးစလုံးမှာ deliberate restraint တွေ မထားခဲ့ကြပါဘူး။ တခါစစ်ပွဲတခုမှာ တဘက်ရန်သူရဲ့ဗျူဟာကိုလဲ အဓိက ဦးစားပေးစဉ်းစားရမှာ ဖြစ်ပါတယ်။ တဘက်ရန်သူက အလုံးစုံချေမှုန်းရေးစစ်ဆင်နွှဲနေတဲ့ အချိန်မှာ “လက်နက်မဲ့တော်လှန်ရေးပဲလုပ်မှာ၊ လက်နက်ကိုင်တော်လှန်ရေးမလုပ်ဘူး”၊ “အကြမ်းမဖက်သောနည်း တခုကိုပဲ ကျင့်သုံးပြီးတိုက်ပွဲဝင်မှာ” ဆိုတာတွေက စစ်ဆင်ရေးတွေကို ကန့်သတ်လိုက်သလို ဖြစ်သွားတာ ကြောင့် ချိန်ခွင်လျှာမညီမျှပဲ ဖြစ်သွားစေနိုင်ပါတယ်။ ကိုယ်အားသန်ရာ တိုက်ပွဲသဏ္ဍာန်မျိုးစုံနဲ့ တိုက်ပွဲ ၀င်ကြရမှာ ဖြစ်ပါတယ်။

နိုင်ငံရေးချိန်ခွင်လျှာ

ဓာတုဗေဒညီမျှခြင်းတခုလို ဓာတ်သတ္တုများနဲ့တိုင်းတာရတာ မဟုတ်တဲ့အတွက် နိုင်ငံရေးချိန်ခွင်လျှာ ညီမျှခြင်းကို တွက်ချက်တိုင်းတာရတာ အလွန်ပဲ ခက်ခဲလှပါတယ်။ နိုင်ငံရေးသိပ္ပံပညာရှင် မိုင်ကယ်အီလွိတ် ဗိတ်မင်ကတော့ တော်လှန်ရေးကာလရဲ့ နိုင်ငံရေးပါဝါညီမျှခြင်းကို stable stateအခြေအနေမှာ 10= 10 နဲ့သတ်မှတ်ခဲ့ပြီး၊ X(-Y)+ A+B-C= X(-Z)+D+E – F ကို ရေးဆွဲခဲ့ပါတယ်။ A, B, C, D, F ဆိုတာက law, order, justice, corruption, expression နဲ့ stability စတဲ့ အချက်တွေဖြစ်ပြီး၊ X ကတော့ မူရင်း stable state အခြေအနေကိန်းညွှန်းကို ဆိုထားပါတယ်။ (-Y) နဲ့ (-Z) ကတော့ ပါဝါညီမျှမှုပြောင်းလဲလာတာ တွေကို ညွှန်ပြတာဖြစ်ပါတယ်။

သူ့ညီမျှချင်းအရ 9=11 အခြေအနေဟာ ရန်သူရဲ့ ပါဝါကျဆင်းတဲ့ ပထမအဆင့်ဖြစ်ပြီး၊ 8= 12 အ ခြေအနေကတော့ ဒုတိယအဆင့်ဖြစ်ပါတယ်။ 7=13 အခြေအနေကတော့ တော်လှန်ရေးအင်အားစုများ (revolution apparat) ညီညွတ်စွာနဲ့ ဖွဲ့စည်းပေါ်ပေါက်ရမယ့် အခြေအနေဖြစ်ပြီး၊ တိုက်ပွဲသဏ္ဍာန်မျိုးစုံ ဆင်နွှဲရင်း 3= 17 အခြေအနေမှာ ရန်သူရဲ့ state apparat လုံးဝပြိုလဲမှာဖြစ်ပါတယ်။ ဒီလိုအခြေအနေ မျိုးမှာ ကြားဖြတ်အစိုးရတခု ချက်ချင်းပေါ်ပေါက်လာဖို့ လိုအပ်လှပါတယ်။

သမိုင်းကြောင်းအရ မြန်မာ့နိုင်ငံရေးပါဝါညီမျှချင်းဟာ ၁၉၈၈ မှာ 3= 17 အခြေအနေအထိ ဖြစ်သွား ခဲ့ဖူးပါပြီ။ ကြားဖြတ်အစိုးရ အချိန်နဲ့အညီပေါ်ပေါက်ရန် နှောင့်နှေးခဲ့မှုကြောင့် ရန်သူက ငြိမ်ပိအဖွဲ့အနေနဲ့ ပါဝါညီမျှခြင်းကို ပြန်ညှိယူသွားခဲ့တာပါ။ ဒီလိုညှိသွားခြင်းအားဖြင့် ချိန်ခွင်လျှာက ရန်သူ့ဘက်ကို အလေးအ နည်းငယ် ပြန်သာသွားပါတယ်။ ဘယ်လိုပဲဖြစ်ဖြစ် နအဖဟာ stable state ကိုတော့ လုပ်နိုင်စွမ်းမရှိပါဘူး။

အုပ်ချုပ်ရေးညံ့ဖျင်းမှု၊ လာဘ်စားမှု၊ စီးပွားရေးပေါ်လစီမနိုင်နင်းမှု စတဲ့ အထွေထွေအားနည်းချက် တွေကြောင့် အခုဆိုရင် နိုင်ငံရေးချိန်ခွင်လျှာက 7=13 အခြေအနေကို ကျော်လွန်လာပြီဖြစ်ပါတယ်။ 3=17 အခြေအနေဖြစ်သွားနိုင်ရေးကတော့ တော်လှန်ရေးအင်အားစုများရဲ့ ညီညွတ်မှု၊ လက်နက်ကိုင်တော်လှန် ရေးနှင့် လူထုတိုက်ပွဲကို စနစ်တကျပေါင်းစပ်နိုင်မှု၊ လူထုစည်းရုံးရေးစွမ်းရည် စတာတွေအပေါ်မှာ မူတည် နေပါတယ်။

ဒါကြောင့် မြန်မာပြည်လွတ်မြောက်ရေး၊ တရားမျှတညီညွတ်သော နိုင်ငံတော်သစ် ပေါ်ထွန်းလာရေး၊ ဒီမိုကရေစီစနစ် အမြစ်တွယ်ရှင်သန်လာအောင် ဖော်ဆောင်နိုင်ရေးတို့မှာ အရေးကြီးဆုံး ဖြစ်တဲ့ လက်ရှိဒီမိုကရေစီ တော်လှန်ရေးရဲ့ အဆုံးအဖြတ်တိုက်ပွဲကို ပြတ်သားသော အတွေးအခေါ်၊ ခိုင်မာသော ဆုံးဖြတ်ချက်၊ စနစ်ကျသော ဆောင်ရွက်ချက်တွေနဲ့ ပူးပေါင်းတိုက်ပွဲဝင်ရင်း၊ အရှုံးနဲ့ပြိုလဲမှုကို ဦးတည်စေနိုင်တဲ့ အတွေးအခေါ် ရှုပ်ထွေးေ၀၀ါးမှုများကိုလည်း ဖယ်ရှားပစ်ကြပါစို့လို့ ရေးသားတင်ပြအပ် ပါတယ်။

ခင်မမမျိုး (၅၊ ၁၁၊ ၂၀၀၈)

အပြည့်အစုံဖတ်ချင်ရင်..>>>

ရွေးကောက်ပွဲ ရလဒ်များအား သပိတ်မှောက် ကန့်ကွက်ခြင်း

Sunday, November 7, 2010

နိဒါန်း

နှစ်ဆယ်ရာစုနှောင်းပိုင်း ကာလက အစပြုပြီး အာဏာရှင်စနစ်ကျင့်သုံးတဲ့ နိုင်ငံတော်တော်များများမှာ ရွေးကောက်ပွဲတွေ ထွက်ပေါ်လာခဲ့ပါတယ်။ တချို့ ရွေးကောက်ပွဲတွေကျတော့ စစ်မှန်တဲ့ဒီမိုကရေစီ အသွင်ကူးပြောင်းမှုကို ဦးတည်ပြီး ပေါ်ထွက်လာခဲ့တာပါ။ တချို့ရွေးကောက်ပွဲတွေကျတော့ မတရားမှု၊ မဲခိုးမဲလိမ်မှုတွေကို အခြေခံပြီး အာဏာရှင်စနစ်ကို ရွေးကောက်ပွဲနဲ့ အကာအကွယ်ယူထားတဲ့ ရွေးကောက်ခံ အာဏာရှင်စနစ် (electoral authoritarianism) ကို အကောင်အထည်ဖော်ဖို့အတွက် ပေါ်ထွက်လာတဲ့ ရွေးကောက်ပွဲတွေ ဖြစ်ပါတယ်။ ရွေးကောက်ပွဲတခုဟာ စစ်မှန်တဲ့ ဒီမိုကရေစီကို ဆောင်ကျဉ်းပေးနိုင်ခြင်း မရှိပဲ၊ ရွေးကောက်ခံအာဏာရှင်စနစ်ကို ဦးတည်နေခဲ့တယ်ဆိုရင် ရွေးကောက်ပွဲ မတိုင်ခင်မှာ သပိတ်မှောက်လေ့ ရှိကြသလို၊ ရွေးကောက်ပွဲကြီး ပြီးဆုံးသွားတဲ့ အချိန်မှာလဲ ရွေးကောက်ခံ အာဏာရှင်စနစ်ကို ကျင့်သုံးနေတဲ့ ရွေးကောက်ခံ အာဏာရှင်အစိုးရကို ဆက်လက် ဆန့်ကျင်လေ့ ရှိကြပါတယ်။



ဒီလိုဆန့်ကျင်ကြတဲ့ နည်းလမ်း အမျိုးမျိုး ရှိတဲ့အနက် ရွေးကောက်ပွဲရလဒ်တွေကို ကန့်ကွက် သပိတ်မှောက်တဲ့ နည်းလမ်းကို နိုင်ငံတော်တော်များများမှာ အသုံးပြုခဲ့ကြပါတယ်။ ဒီလို အသုံးပြုတဲ့ အခါမှာ ရွေးကောက်ပွဲဥပဒေ၊ ရွေးကောက်ပွဲကျင်းပပုံနဲ့ ရွေးကောက်ပွဲရလဒ်တို့ရဲ့ မတရားမှုတွေကို နည်းမျိုးစုံနဲ့ ဖော်ထုတ်ခြင်း၊ တရားမျှတမှုမရှိသော ရွေးကောက်ပွဲရလဒ်ဖြင့် တက်လာသော အစိုးရသစ်၏ တရားဝင်မှု (legitimacy) ကို အသိအမှတ်မပြုခြင်း၊ ဆန္ဒပြခြင်း၊ သပိတ်မှောက်ခြင်း စတာတွေ ပါဝင်ပါတယ်။ လူထုလှုပ်ရှားမှုများ အကောင်အထည်ဖော်တဲ့အခါ အတိုက်အခံ နိုင်ငံရေးအဖွဲ့အစည်းတွေ အနေနဲ့ ဦးဆောင်ပါဝင်ခြင်း (သို့မဟုတ်) သွယ်ဝိုက် ဖော်ဆောင်ခြင်း (သို့မဟုတ်) ဖော်ဆောင်သည့် လူပုဂ္ဂိုလ်နှင့် အဖွဲ့အစည်းများအား ကူညီအားပေးခြင်း တို့ကို ပြုလုပ်ကြပါတယ်။

ရွေးကောက်ပွဲရလဒ် ကန့်ကွက်သပိတ်မှောက်ခြင်းနှင့် ဒီမိုကရေစီ ပြုပြင်ပြောင်းလဲမှု

အာဏာရှင်ရွေးကောက်ပွဲတွေကို သပိတ်မှောက်တဲ့အခါမှာ မဲမပေးရေး၊ ပယ်မဲဖြစ်ရေး နည်းလမ်းတွေကို အသုံးပြုတဲ့ ရွေးကောက်ပွဲအကြိုကာလ လှုပ်ရှားမှုနဲ့ ရွေးကောက်ပွဲရလဒ်တွေကို သပိတ်မှောက် ကန့်ကွက်ရေး လှုပ်ရှားမှုဆိုပြီး နှစ်မျိုးရှိပါတယ်။ ရွေးကောက်ပွဲအကြိုကာလမှာ နည်းမျိုးစုံနဲ့ သပိတ်မှောက်ကြပေမယ့် အာဏာရှင်အစိုးရတွေက ရွေးကောက်ပွဲကို မဖြစ်ဖြစ်အောင် ပြုလုပ်ပြီး၊ မတရားတဲ့ ရွေးကောက်ပွဲရလဒ်တွေကို ကြေညာလေ့ရှိပါတယ်။ ရွေးကောက်ပွဲအလွန် ကာလမှာ ရွေးကောက်ပွဲနဲ့ တက်လာတဲ့ ရွေးကောက်ခံ အာဏာရှင်အစိုးရကို ဆက်ပြီး ဖွဲ့စည်းလေ့ရှိကြပါတယ်။

အဲဒီအခါမှာ အာဏာရှင်ဆန့်ကျင်ရေး အဖွဲ့အစည်းတွေကလဲ ဒုတိယလှုပ်ရှားမှု ဖြစ်တဲ့ ရွေးကောက်ပွဲရလဒ် ကန့်ကွက်သပိတ်မှောက်ခြင်းကို ဆက်လက်ပြုလုပ်ကြရပါတယ်။ လူအချို့ကတော့ တက်လာတဲ့ အစိုးရသစ်ဟာ ရွေးကောက်ပွဲရလဒ်နဲ့ တက်လာတဲ့ အစိုးရသစ်ဖြစ်တာကြောင့် တော်လှန်ရေး ဆက်လုပ်လို့ မရနိုင်တော့ဘူးလို့ ယူဆတတ်ကြပါတယ်။ ရွေးကောက်ပွဲရလဒ်ကို ကန့်ကွက်သပိတ်မှောက်ခြင်းကြောင့် ဒီမိုကရေစီ ပြုပြင်ပြောင်းလဲမှုကို ထိခိုက်စေနိုင်မလားဆိုပြီး တွေဝေတတ်ကြပါတယ်။ လက်တွေ့မှာ ဒီလို မဟုတ်ပါဘူး။

နိုင်ငံတခုမှာ ရွေးကောက်ပွဲရလဒ်နဲ့ တက်လာတဲ့ အစိုးရတိုင်းကို ဒီမိုကရေစီ အစိုးရလို့ မခေါ်တွင်နိုင်ပါဘူး။ တရားမျှတမှုမရှိတဲ့ ရွေးကောက်ပွဲကို ခုတုံးလုပ်၊ ဒီမိုကရေစီကို အမည်ခံပြီး တက်လာတဲ့ ရွေးကောက်ခံ အာဏာရှင်အစိုးရတွေလဲ ကမ္ဘာပေါ်မှာ အများအပြားရှိပါတယ်။ ဒီလို အစိုးရတွေနဲ့ ရွေးကောက်ခံအာဏာရှင်စနစ်ကို ဆန့်ကျင်ဖို့အတွက် ရွေးကောက်ပွဲရလဒ်တွေကို ကန့်ကွက်သပိတ်မှောက်တဲ့ လှုပ်ရှားမှုတွေ ပေါ်ထွက်လာတာ ဖြစ်ပါတယ်။ ရွေးကောက်ပွဲရလဒ်ကို ကန့်ကွက် သပိတ်မှောက်ခြင်းအားဖြင့် ဒီမိုကရေစီရေးရာ ပြုပြင် ပြောင်းလဲခြင်းတွေကို အကျိုးသက်ရောက်မှု ရှိနိုင်ကြောင်းကိုလဲ ရွေးကောက်ပွဲရေးရာ သုတေသီများက လေ့လာ တွေ့ရှိခဲ့ကြပါတယ်။

၁၉၉၀ခုနှစ်ကနေ၊ ၂၀၀၇ ခုနှစ်ကာလအထိ ကမ္ဘာတ၀ှမ်းမှာ ပေါ်ထွက်ခဲ့တဲ့ ရွေးကောက်ပွဲသပိတ်တွေကို ပညာရှင်များက လေ့လာကြည့်ကြရာမှာ အာဏာရှင်ရွေးကောက်ပွဲများကို ရွေးကောက်ပွဲအကြိုကာလမှာ သပိတ်မှောက် ခြင်းကြောင့် ဒီမိုကရေစီပြုပြင်ပြောင်းလဲမှုအပေါ်မှာ အကျိုးသက်ရောက်မှု ခြောက်ရာခိုင်နှုန်းပဲ ရှိခဲ့ပြီး၊ ရွေးကောက်ပွဲအကြိုကာလသပိတ်၊ ရွေးကောက်ပွဲရလဒ် သပိတ်နှစ်မျိုး စလုံးကို အသုံးပြုတဲ့အခါမှာတော့ ဒီမိုကရေစီပြုပြင် ပြောင်းလဲမှုအပေါ်မှာ အကျိုးသက်ရောက်မှု ၂၈ ရာခိုင်နှုန်း ရှိကြောင်း တွေ့ရှိခဲ့ကြပါတယ်။ ဒီလို အကျိုးသက်ရောက်မှု တိုးတက်လာခြင်း အကြောင်းရင်းတွေထဲမှာ ရွေးကောက်ပွဲနဲ့ လူထုလှုပ်ရှားမှုတို့အကြားက ဆက်နွယ်မှုတွေနဲ့ ရွေးကောက်ပွဲအလွန်ကာလ အတိုက်အခံနိုင်ငံရေး အဖွဲ့များရဲ့ နိုင်ငံရေး လမ်းစဉ်တွေက အဓိက ကျပါတယ်။

လူအများ ပူးပေါင်းပါဝင်တဲ့ လူထုတိုက်ပွဲတွေ စတင်အကောင်အထည်ဖော်ဖို့အတွက် ဟန်ချက်ညီ ချိတ်ဆက်လှုပ်ရှားမှုတွေ လိုအပ်ပါတယ်။ လူထုတိုက်ပွဲ အောင်မြင်ဖို့ ဆိုတာက လူအများက တချိန်တည်းမှာ သူတို့ရဲ့ လိုလားချက်တွေကို တပြိုင်နက် တောင်းဆိုနိုင်မှ ဖြစ်နိုင်တာပါ။ ဒီလိုတောင်းဆိုမှုတွေ လုပ်နိုင်ဖို့အတွက် လူထုလူတန်းစား အလွှာအသီးသီးမှာ ပါဝင်နေတဲ့ အစုအဖွဲ့တွေအကြား ချိတ်ဆက်လှုပ်ရှားပေးနိုင်မယ့် coordination mechanism တွေ ရှိရပါမယ်။ ရွေးကောက်ပွဲတွေဟာ ဒီလို coordination mechanism တွေ ပေါ်ထွက်လာရေးကို လုပ်ဆောင်ပေးနိုင်ပါတယ်။

ယေဘုယျအားဖြင့် ရွေးကောက်ပွဲအချိန်ကာလဆိုတာက ပြည်သူလူထုရဲ့ နိုင်ငံရေး ရေချိန် တက်နေတဲ့ ကာလဖြစ်ပါတယ်။ အထူးသဖြင့် ရွေးကောက်ပွဲရလဒ်တွေ ထွက်ပေါ်လာချိန်၊ အစိုးရသစ်တွေ ဖွဲ့စည်းလာချိန်မှာ ရွေးကောက်ပွဲမသမာမှုတွေ၊ ဒီမိုကရေစီ အမည်ခံတဲ့ အာဏာရှင်အစိုးရတွေ တက်လာတာကို လူထုက မျက်ဝါးထင်ထင် တွေ့ကြရပါတော့တယ်။ စစ်မှန်တဲ့ ဒီမိုကရေစီ ပြောင်းလဲမှု မဟုတ်ဘူးဆိုတာကို လူအများက နားလည်သိရှိလာပါတော့တယ်။ အဲဒီအချိန်ကာလတွေကို အာဏာရှင်ဆန့်ကျင်ရေး လှုပ်ရှားနေကြတဲ့ တော်လှန်ရေးသမားတွေက စနစ်တကျ အသုံးချတတ်ရင် လူထုလှုပ်ရှားမှုရဲ့ ဆုံချက် (focal point) ဖြစ်လာနိုင်ပါတယ်။ ဒါကြောင့် ရွေးကောက်ပွဲရလဒ်ကို ကန့်ကွက်သပိတ်မှောက်ခြင်းဟာ ရွေးကောက်ပွဲအလွန်ကာလ နိုင်ငံရေး အခင်းအကျင်းအတွက် အလွန်အရေးကြီးပါတယ်။

ရွေးကောက်ပွဲရလဒ် ကန့်ကွက်သပိတ်မှောက်ခြင်းနှင့် ညီညွတ်ရေး တည်ဆောက်မှု

ရွေးကောက်ပွဲရလဒ်ကို ကန့်ကွက်သပိတ်မှောက်ခြင်းအားဖြင့် ကွဲပြားတဲ့ အမြင်နဲ့ အယူအဆတွေ ရှိခဲ့တဲ့ အတိုက်အခံ နိုင်ငံရေးအဖွဲ့အစည်းတွေ အကြားက ညီညွတ်ရေးကိုလဲ တည်ဆောက်လာနိုင်ပါတယ်။ အာဏာရှင်တွေက ရွေးကောက်ပွဲတွေ ကျင်းပတဲ့အခါ ရွေးကောက်ပွဲဖြစ်စဉ်ပေါ် မူတည်ပြီး အတိုက်အခံ နိုင်ငံရေး အဖွဲ့အစည်းတွေအကြားမှာ ကွဲပြားခြားနားတဲ့ အမြင်နဲ့ တုန့်ပြန်မှုတွေ ပေါ်ထွက်လာတတ်ပါတယ်။

ရွေးကောက်ပွဲဖြစ်စဉ်အရ ပထမအဆင့်အနေနဲ့ အာဏာရှင်တွေက ရွေးကောက်ပွဲကျင်းပဖို့ စတင်ပြင်ဆင်ပါတယ်။ ဒီလိုပြင်ဆင်မှုတွေကို ပြုလုပ်တဲ့အခါမှာ အာဏာရှင်တွေရဲ့ ကိုယ်စားပြု အဖွဲ့အစည်း (သို့မဟုတ်) ကြိုးကိုင်ထားသော အဖွဲ့အစည်းက သေချာပေါက် နိုင်နိုင်မယ့် ရွေးကောက်ပွဲဆိုင်ရာ မသမာမှုတွေကို စတင်ပြုလုပ်လာလေ့ရှိပါတယ်။ ပြီးတော့ ဒုတိယအဆင့်အနေနဲ့ ရွေးကောက်ပွဲကျင်းပမယ်ဆိုတာကို တရားဝင်ကြေငြာပါတယ်။ နိုင်ငံရေးပါတီ မှတ်ပုံတင် လျှောက်ထားခွင့်၊ ရှိပြီးသား နိုင်ငံရေးပါတီတွေအနေနဲ့ ရွေးကောက်ပွဲမှာ ပါဝင်ဖို့ မှတ်ပုံတင်ခွင့် ဆိုင်ရာ ရွေးကောက်ပွဲဥပဒေတွေကို ထုတ်ပြန်ပါတယ်။

အဲဒီအခြေအနေမှာ အာဏာရှင်ရွေးကောက်ပွဲမှာ ရှိပြီးသား အတိုက်အခံနိုင်ငံရေးပါတီတွေက ပါဝင်ယှဉ်ပြိုင်ဖို့မှတ်ပုံတင်ခြင်း၊ အတိုက်အခံ နိုင်ငံရေးအဖွဲ့အစည်းများက ပါတီသစ်ထောင်ခြင်း စတာတွေ ပြုလုပ်ပြီး ၀င်ရောက်ယှဉ်ပြိုင်မှာလား (သို့မဟုတ်) ရွေးကောက်ပွဲကို သပိတ်မှောက်မှာလား ဆိုတာကို ရွေးချယ်စရာ ဖြစ်လာပါတယ်။ ရွေးချယ်မှုတွေ ဖြစ်လာတဲ့အခါ အတိုက်အခံနိုင်ငံရေး ပါတီတွေနဲ့ အဖွဲ့အစည်းတွေအကြားမှာ အုပ်စုကြီး နှစ်ခု ထွက်လာပါတော့တယ်။ ရွေးကောက်ပွဲကို ပါဝင်ယှဉ်ပြိုင်မယ့် အုပ်စုနဲ့ ရွေးကောက်ပွဲကို ဆန့်ကျင်သပိတ်မှောက်မယ့် အုပ်စုတွေ ဖြစ်ပါတယ်။

ရွေးကောက်ပွဲအကြိုကာလမှာ အုပ်စုကြီး နှစ်ခုစလုံးက သူ့လုပ်ငန်းစဉ်နဲ့သူ အလုပ်လုပ်ကြပါတယ်။ ရွေးကောက်ပွဲဝင်တဲ့ အုပ်စုက ရွေးကောက်ပွဲ အောင်နိုင်ရေး လုပ်ငန်းစဉ်တွေ ချမှတ်ပြီး အလုပ်လုပ်ကြပါတယ်။ ရွေးကောက်ပွဲကို သပိတ်မှောက်တဲ့ အုပ်စုက မဲမပေးရေး၊ ပယ်မဲဖြစ်ရေး၊ ရွေးကောက်ပွဲ မသမာမှုများ ဖော်ထုတ်ရေး စတဲ့ လုပ်ငန်းစဉ်တွေကို ချမှတ်ပြီး အလုပ်လုပ်ကြပါတယ်။ ဒီလို ဖော်ဆောင်ကြရင်း အုပ်စုကြီးနှစ်ခုအကြားမှာ အားပြိုင်မှုတွေ၊ တဘက်နဲ့တဘက် ဝေဖန်တိုက်ခိုက်မှုတွေကလဲ ပေါ်ထွက်လာတတ်ပါသေးတယ်။

ဒီလိုနဲ့ ရွေးကောက်ပွဲဖြစ်စဉ် တတိယအဆင့်ကို ရောက်လာပါတယ်။ အတိုက်အခံတွေအနေနဲ့ ရွေးကောက်ပွဲမှာ ပါဝင်သည်ဖြစ်စေ၊ သပိတ်မှောက်သည်ဖြစ်စေ အာဏာရှင်အစိုးရတွေကတော့ ရွေးကောက်ပွဲကို မဖြစ်ဖြစ်အောင် ပြုလုပ်လေ့ရှိပါတယ်။ ရွေးကောက်ပွဲအကြိုကာလ မသမာမှုတွေအပြင် ရွေးကောက်ပွဲနေ့ မသမာမှုတွေကိုပါ ကျူးလွန်လေ့ရှိပါတယ်။ အထူးသဖြင့် အတိုက်အခံတွေက ရွေးကောက်ပွဲကို သပိတ်မှောက်ထားခဲ့ရင် ရွေးကောက်ပွဲမဲပေးသူ အရေအတွက် ရာခိုင်နှုန်းကို တိုးမြှင့်ပြောလေ့ ရှိပါတယ်။ ရွေးကောက်ပွဲမှာ အတိုက်အခံတွေက ပါဝင်ယှဉ်ပြိုင်ခဲ့ရင်လဲ နောက်ဆုံးရလဒ်မှာ အာဏာရှင် လက်ကိုင်တုတ်အဖွဲ့အစည်းတွေကသာ မဲအများဆုံးရရှိအောင် မဲခိုးတာ၊ မဲလိမ်တာ၊ ကြိုတင်မဲရယူတာတွေ လုပ်ထားလေ့ရှိပါတယ်။ ရွေးကောက်ပွဲနေ့ မသမာမှုတွေကို ကျူးလွန်ပြီးတဲ့အခါ ရွေးကောက်ပွဲရလဒ်ကို အာဏာရှင်တွေက ကြေငြာပါတော့တယ်။

အာဏာရှင်တွေက ရွေးကောက်ပွဲရလဒ်ကို ကြေငြာပြီးချိန်မှာ အတိုက်အခံတွေဘက်က တုန့်ပြန်မှု ပြုလုပ်ရပါတယ်။ ဒါက ရွေးကောက်ပွဲဖြစ်စဉ်ရဲ့ စတုတ္ထ အဆင့်ပါပဲ။ အဲဒီအဆင့်မှာတင် အတိုက်အခံတွေမှာ အုပ်စု ငါးခု ကွဲသွားပါတော့တယ်။ ရွေးကောက်ပွဲမှာ ၀င်ရောက်ယှဉ်ပြိုင်တဲ့ အုပ်စုကြီးမှာ ရွေးကောက်ပွဲရလဒ်ကို လက်ခံတဲ့ အုပ်စုနဲ့ ရွေးကောက်ပွဲရလဒ်ကို သပိတ်မှောက်တဲ့ အုပ်စု နှစ်စု ထပ်ပြီး ကွဲပါတယ်။ ရွေးကောက်ပွဲကို သပိတ်မှောက်ခဲ့တဲ့ အုပ်စုကြီးမှာ ရွေးကောက်ပွဲရလဒ်ကို လက်ခံတဲ့ အုပ်စု၊ ရွေးကောက်ပွဲရလဒ်ကို သပိတ်မှောက်တဲ့ အုပ်စုနဲ့ ရွေးကောက်ပွဲရလဒ်ကိုလဲ လက်မခံ၊ သပိတ်မှောက် လှုပ်ရှားမှုတွေလဲ မလုပ်တော့တဲ့ အုပ်စု ဆိုပြီး သုံးစု ထပ်ပြီး ကွဲပါတယ်။

ရွေးကောက်ပွဲမှာ ၀င်ရောက်ယှဉ်ပြိုင်ပြီး ရွေးကောက်ပွဲရလဒ်ကို လက်ခံတဲ့ အုပ်စုနဲ့ ပတ်သက်တဲ့ လုပ်ငန်းစဉ်တွေကတော့ ထူးထူးခြားခြား မရှိပါဘူး။ အနိုင်ရသူတွေက ရွေးကောက်ခံ အာဏာရှင်စနစ်ရဲ့ ယန္တရားထဲကို ရောက်သွားပြီး၊ အာဏာရှင်တို့ အလိုကျ လက်ညှိုးထောင်၊ ခေါင်းငြိမ့် လုပ်ရလေ့ရှိပါတယ်။ ဒုတိယတမျိုးဖြစ်တဲ့ ရွေးကောက်ပွဲကို ၀င်ရောက်ယှဉ်ပြိုင်ပြီး၊ ရွေးကောက်ပွဲရလဒ်ကို သပိတ်မှောက်တဲ့ အုပ်စုကတော့ အာဏာရှင် ရွေးကောက်ပွဲရဲ့ မသမာမှုများကို ဖော်ထုတ်ခြင်း၊ အာဏာရှင်အစိုးရသစ်ရဲ့ တရားဝင်မှုကို အသိအမှတ်မပြုခြင်း၊ ဆန္ဒပြသပိတ်မှောက်မှုများ ပြုလုပ်ခြင်း လုပ်ငန်းစဉ်တွေကို အကောင်အထည်ဖော်နိုင်လာမှာ ဖြစ်ပါတယ်။

ရွေးကောက်ပွဲပါဝင်ယှဉ်ပြိုင်တဲ့ နိုင်ငံရေးအဖွဲ့အစည်းတွေ ကိုယ်တိုင်က ရွေးကောက်ပွဲရလဒ်ကို ကန့်ကွက်သပိတ်မှောက်လာမှာကို အာဏာရှင်အစိုးရတွေကလဲ စိုးရိမ်လေ့ရှိကြပါတယ်။ ဒါကြောင့်လဲ သက်ဆိုင်ရာ နိုင်ငံရေးအဖွဲ့အစည်းတွေရဲ့ ခေါင်းဆောင်တွေနဲ့ အရေးပါသူတွေ ပါဝင်အရွေးခံကြတဲ့ ဒေသအချို့မှာ အာဏာရှင်လက်ကိုင်ဒုတ် အဖွဲ့အစည်းတွေကို ပါဝင်ယှဉ်ပြိုင်စေခြင်း မရှိပဲ လွှတ်တော်ကိုယ်စားလှယ်အဖြစ် အလိုအလျောက်သတ်မှတ်ပေးမှုတွေနဲ့ အာဏာရှင် လက်ကိုင်ဒုတ် အဖွဲ့အစည်းက ကိုယ်စားလှယ်တွေကို တမင်တကာ အရှုံးပေးထားမှုတွေ ပြုလုပ်လာတတ်ပါတယ်။ ဒီလို လုပ်ခြင်းအားဖြင့် ရွေးကောက်ပွဲမှာ ပါဝင်ယှဉ်ပြိုင်တဲ့ နိုင်ငံရေးအဖွဲ့အစည်းတွေ အနေနဲ့လဲ ခေါင်းဆောင်တွေ၊ အရေးပါသူတွေ ကိုယ်တိုင်က ရွေးကောက်ခံ အာဏာရှင်အစိုးရသစ် ယန္တရားထဲမှာ ပါဝင်ရတော့မှာ ဖြစ်တဲ့အတွက် ရွေးကောက်ပွဲရလဒ်ကို သပိတ်မှောက်ဖို့ ခဲယဉ်းသွားစေပါတယ်။

ဘယ်လိုပဲဖြစ်ဖြစ် ရွေးကောက်ပွဲမှာ ပါဝင်ယှဉ်ပြိုင်တဲ့ နိုင်ငံရေးအဖွဲ့အစည်းတွေက အဖွဲ့အစည်းအလိုက် ရလဒ်ကို သပိတ်မှောက်ခြင်း မရှိခဲ့ရင်တောင် သပိတ်မှောက်လိုတဲ့ အစုအဖွဲ့လေးတွေ၊ လူပုဂ္ဂိုလ်တွေ ပေါ်ထွက်လာတတ်ပါတယ်။ ဒီလို အစုအဖွဲ့လေးတွေနဲ့ ရွေးကောက်ပွဲ အကြိုကာလမှာကတည်းက သပိတ်မှောက်ခဲ့တဲ့ နိုင်ငံရေးအင်အားစုတွေ ချိတ်ဆက်ပေါင်းစည်းပြီး ညီညွတ်ရေးကို တည်ဆောက်နိုင် ပါတယ်။ ရွေးကောက်ပွဲရလဒ် သပိတ်မှောက်ရေး လုပ်ငန်းစဉ်တွေကို ပူးပေါင်း အကောင်အထည်ဖော်နိုင်ပါတယ်။ ဒီလို အကောင်အထည်ဖော်ကြရာမှာလဲ ရွေးကောက်ပွဲ အကြိုကာလမှာ သပိတ်မှောက်ခဲ့တဲ့ အတိုက်အခံ နိုင်ငံရေးအင်အားစုတွေ အားလုံးက ရွေးကောက်ပွဲရလဒ်ကို သပိတ်မှောက်မယ်လို့ မယူဆနိုင်ပြန်ပါဘူး။ ဒီအင်အားစုတွေမှာလဲ အုပ်စုက သုံးမျိုး ကွဲတတ်ပြန်ပါသေးတယ်။

ပထမတမျိုးကတော့ ရွေးကောက်ပွဲကို သပိတ်မှောက်ပေမယ့် ရွေးကောက်ပွဲရလဒ်ကို လက်ခံတဲ့ အုပ်စုပါ။ အာဏာရှင်အစိုးရနဲ့ ထိပ်တိုက်ရင်ဆိုင်ခြင်း မလုပ်လိုတဲ့ နိုင်ငံရေးအင်အားစုတွေက ဒီအုပ်စုမှာ ပါဝင်လာလေ့ရှိပါတယ်။ ၁၉၉၅ ခုနှစ် အယ်လ်ဂျီးရီးယားမှာ အတိုက်အခံနိုင်ငံရေး ပါတီကြီးတခုက ဦးဆောင်ပြီး ရွေးကောက်ပွဲကို သပိတ်မှောက်ခဲ့ပါတယ်။ ဒါပေမယ့် ရွေးကောက်ပွဲရလဒ်တွေ ပေါ်ထွက်လာတဲ့ အခါကျတော့ ရွေးကောက်ပွဲရလဒ်ကို သပိတ်ဆက်မမှောက်တော့ပဲ ရွေးကောက်ပွဲနဲ့ တက်လာတဲ့ အစိုးရသစ်ကို အသိအမှတ်ပြုပြီး အမျိုးသားပြန်လည်သင့်မြတ်ရေးအတွက် ဒိုင်ယာလော့ခ်ခေါ်ပေးဖို့ တောင်းဆိုမှုတွေ လုပ်လာပါတော့တယ်။

ဒီလို ရှေ့နောက်မညီတဲ့ လုပ်ရပ်တွေကြောင့် ရွေးကောက်ပွဲကို သပိတ်မှောက်ခဲ့တဲ့ ပြည်သူလူထုမှာလဲ ရွေးကောက်ပွဲရလဒ်ကိုပဲ သပိတ်ဆက်မှောက်ရတော့မလိုလို၊ အသိအမှတ်ပြု ရတော့မလိုလိုနဲ့ အစိုးရသစ်ကိုလဲ မယုံကြည်၊ အတိုက်အခံနိုင်ငံရေးသမားတွေကိုလဲ စိတ်ပျက်လာကြရာက နိုင်ငံရေး ပဋိပက္ခရှည်ကြာမှုတွေ ဖြစ်ခဲ့ရပါတယ်။ တခါတရံမှာလဲ အာဏာရှင်အစိုးရတွေ ကိုယ်တိုင်က နိုင်ငံရေးပြဿနာတွေကို ရွေးကောက်ပွဲကနေ တက်လာတဲ့ အစိုးရသစ်နဲ့ ဖြေရှင်းမယ့် နိုင်ငံရေးအရိပ်အယောင်တွေပြပြီး ဒီလိုအုပ်စုတွေ ပေါ်ထွက်လာအောင် လမ်းကြောင်းပေးတာတွေ ရှိပါတယ်။ ဖြစ်နိုင်ခြင်း၊ မဖြစ်နိုင်ခြင်းကတော့ အတိုက်အခံတွေရဲ့ ဦးနှောက်နဲ့ နိုင်ငံရေးရာ ကျွမ်းကျင်မှုပေါ်မှာပဲ မူတည် တွက်ချက်ဖို့ လိုပါလိမ့်မယ်။

ရွေးကောက်ပွဲအကြိုကာလမှာ သပိတ်မှောက်ခဲ့တဲ့ နိုင်ငံရေးအင်အားစုတွေအကြားမှာ ရွေးကောက်ပွဲ ရလဒ် ပေါ်ထွက်လာတဲ့အခါ လက်ခံခြင်း၊ ကန့်ကွက်ခြင်း လုံးဝမလုပ်တော့ပဲ အတိုက်အခံနိုင်ငံရေးကို သက်တမ်းတိုးချဲ့တဲ့ အုပ်စုတမျိုးလဲ ပေါ်ထွက်လာတတ်ပါတယ်။ ဒီလို အုပ်စုတွေက ရွေးကောက်ပွဲကို လူအများ သပိတ်မှောက်ကြတာ၊ မဲမပေးကြတာဟာ သူတို့ရဲ့ လုပ်ရပ်တွေအနေနဲ့ ဂုဏ်ယူဝမ်းမြောက်တတ်ကြပါတယ်။ ဒါပေမယ့် ရွေးကောက်ပွဲရလဒ်ကို အာဏာရှင်အစိုးရတွေက ကြေငြာလာတဲ့ အခါကျတော့လဲ အာဏာရှင်တွေဘက်က တဘက်သတ်လုပ်မှာကိုသိရက်နဲ့ ရသမျှ အင်အားလေးနဲ့ တိုက်ခဲ့ရတဲ့အတွက် အတိုက်အခံနိုင်ငံရေးအင်အားစုအနေနဲ့ တာဝန်ကျေတယ်လို့ ယူဆကြပါတယ်။ ထိပ်တိုက်ရင်ဆိုင်မှုလုပ်ရင် အာဏာရှင်တွေဘက်က အရေးယူမှုတွေ ပြုလုပ်လာမှာကို စိုးရိမ်ပြီး ပိုနေမြဲ၊ ကျားနေမြဲ အာဏာရှင်အသိအမှတ်ပြု အတိုက်အခံအနေနဲ့ ရပ်တည်ရရေးကိုပဲ ကြိုးပမ်းလေ့ရှိပါတယ်။ ရွေးကောက်ပွဲရလဒ်ကို သပိတ်မှောက်ရေးကိုလဲ ဆက်လက်အကောင်အထည် ဖော်ခြင်း မရှိသလို၊ တက်လာတဲ့ အစိုးရသစ်ကို ဆက်လက်တော်လှန်မယ့် လမ်းစဉ်တွေလဲ ချမှတ်ခြင်း မရှိပါဘူး။ အတိုက်အခံအနေနဲ့ ရပ်တည်ပြီး ငုတ်တုပ်ထိုင်နေမယ့် အုပ်စုဖြစ်ပါတယ်။

နောက်ဆုံးအုပ်စုတစုကတော့ ရွေးကောက်ပွဲရလဒ်ကို ဆန့်ကျင်သပိတ်မှောက်တဲ့ အုပ်စုဖြစ်ပါတယ်။ ဒီအုပ်စုက ရွေးကောက်ပွဲရလဒ်ကို ဆန့်ကျင်သပိတ်မှောက်ပြီး လူထုရဲ့ နိုင်ငံရေး နိုးကြားမှုရှိလာအောင် လှုံ့ဆော်ခြင်း၊ ရွေးကောက်ပွဲအလွန်ကာလ နိုင်ငံရေးအခင်းအကျင်းကို တော်လှန်ရေးအတွေးအခေါ်ပေါ် အခြေတည်တဲ့ အခင်းအကျင်းဖြစ်လာစေရန် ဖန်တီးဆောင်ရွက်ခြင်း၊ အသစ်တက်လာတဲ့ ရွေးကောက်ခံ အာဏာရှင် အစိုးရသစ်ကို ဆန့်ကျင်ခြင်း စတာတွေကို ပြုလုပ်မယ့် အုပ်စုဖြစ်ပါတယ်။ ရွေးကောက်ပွဲအလွန်ကာလ နိုင်ငံရေးဦးဆောင်မှုကို ဒီအုပ်စုကို ဦးစီးနိုင်မှသာ စစ်မှန်တဲ့ ဒီမိုကရေစီ ပြုပြင်ပြောင်းလဲမှုတွေကို ဆောင်ကျဉ်းပေးနိုင်မှာဖြစ်ပါတယ်။

ဒီအုပ်စုငါးခုမှာ ရွေးကောက်ပွဲရလဒ်ကို လက်ခံလိုက်တဲ့ အုပ်စုနှစ်ခုကို ဖယ်ရှားပြီး၊ ကျန်တဲ့ အုပ်စုသုံးခုအကြားမှာ ညီညွတ်ရေးတည်ဆောက်ဖို့ လိုအပ်ပါတယ်။ ရွေးကောက်ပွဲကို လက်ခံခဲ့ပြီးမှ ရလဒ်ကို သပိတ်မှောက်တဲ့ အုပ်စုနဲ့ ရွေးကောက်ပွဲအကြိုကာလနဲ့ ရွေးကောက်ပွဲရလဒ်ကို သပိတ်မှောက်တဲ့ အုပ်စုတွေအကြား ကွဲပြားတဲ့အမြင်တွေကို ပြန်လည်ညှိနှိုင်းပြီး နိုင်ငံရေးပန်းတိုင် သတ်မှတ်ဖို့ လိုပါတယ်။ ရွေးကောက်ပွဲကို သပိတ်မှောက်ပြီးမှ ရလဒ်ကို ဆက်လက်သပိတ်မှောက်ရဲခြင်း မရှိပဲ အတိုက်အခံနေရာမှာ ငုပ်တုတ်ထိုင်နေမယ့် အုပ်စုကိုလဲ ဒီလို လုပ်ခြင်းအားဖြင့် နိုင်ငံရေးပဋိပက္ခရှည်ကြာပြီး တိုင်းပြည်ရဲ့ ဖွံ့ဖြိုးတိုးတက်ရေးကို ထိခိုက်စေနိုင်တယ်ဆိုတာကို ထိထိမိမိ မီးမောင်းထိုး ရှင်းပြပေးပြီး၊ အာဏာရှင်ရွေးကောက်ပွဲရလဒ် သပိတ်မှောက်ခြင်းနဲ့ အစပြုတဲ့ ရွေးကောက်ခံအာဏာရှင်စနစ် တိုက်ဖျက်ရေး အရေးတော်ပုံကြီးမှာ လက်တွဲပါဝင်ဖို့ တိုက်တွန်းကြရန် လိုအပ်ပါတယ်။

ဒီအုပ်စုသုံးစုအကြားမှာ ညီညွတ်ရေးတည်ဆောက်နိုင်ဖို့အတွက် ရွေးကောက်ပွဲရလဒ်ကို ကန့်ကွက် သပိတ်မှောက်ခြင်းကနေ အစပြုဖို့ လိုအပ်ပါတယ်။ ဒါမှလဲ ရွေးကောက်ပွဲ အလွန်ကာလမှာ ရွေးကောက်ခံ အာဏာရှင်စနစ် (electoral authoritarianism) တိုက်ဖျက်ရေးအတွက် လက်တွဲအလုပ်လုပ်ရမယ့် နိုင်ငံရေးအင်အားစုတွေကို ကွဲကွဲပြားပြားထင်သာ မြင်သာ ပေါ်ထွက်လာစေမှာဖြစ်ပါတယ်။

အခြေခံအတွေးအခေါ် မတူညီသူတွေအကြားမှာ ညီညွတ်ရေး တည်ဆောက်ဖို့ ကြိုးပမ်းတာထက်စာရင် လုပ်နည်းလုပ်ဟန်ကွဲပြားပေမယ့် အခြေခံ အတွေးအခေါ် တူညီသူတွေအကြားမှာပဲ ညီညွတ်ရေး တည်ဆောက်တာက ရေရှည်နိုင်ငံရေးပန်းတိုင်အတွက် ပိုပြီး သင့်တော်ပါတယ်။ တိုက်ပွဲတပွဲမှာ စမတိုက်ခင်ကတည်းက လက်နက်ချရင် ကောင်းမလား၊ အပစ်အခတ် ရပ်စဲရေး လုပ်ရင် ကောင်းမလားလို့ တွေးနေတဲ့ ရဲဘော်အင်အား တရာထက် အောင်ပွဲရတဲ့အထိ စစ်နည်းဗျူဟာ မျိုးစုံသုံးပြီး တိုက်ပွဲဝင်သွားမယ်ဆိုတဲ့ ရဲဘော် ဆယ်ယောက်က ပိုပြီး တန်ဖိုးရှိကြောင်းကို စစ်ရေး နားလည်သူတိုင်း သိရှိကြပါတယ်။ နည်းဗျူဟာတွေက ကွဲပြားချင် ကွဲပြားနိုင်ပေမယ့် အခြေခံအတွေးအခေါ် ညီညွတ်မှ ထိရောက်မှု ရှိနိုင်မှာ ဖြစ်ပါတယ်။

နိဂုံး

ချုပ်၍ ဆိုရရင် ၁၉၉၀ ခုနှစ်ကနေ၊ ၂၀၀၇ ခုနှစ်အကြားမှာ ဖြစ်ပွားခဲ့တဲ့ ရွေးကောက်ပွဲအကြိုကာလ သပိတ်နဲ့ ရွေးကောက်ပွဲရလဒ် သပိတ် စုစုပေါင်း ၅၁ ခု ကို ပညာရှင်တွေရဲ့ ဆန်းစစ်ချက်အရ ရွေးကောက်ပွဲ အကြိုကာလသပိတ် တမျိုးတည်းကြောင့် ဒီမိုကရေစီ ပြုပြင်ပြောင်းလဲနိုင်မှု ခြောက်ရာခိုင်နှုန်းသာ ရှိခဲ့ပြီး၊ ရွေးကောက်ပွဲအကြိုကာလ သပိတ်နဲ့ ရွေးကောက်ပွဲရလဒ် သပိတ်နှစ်မျိုးကို ပေါင်းစပ်အသုံးပြုမှုကြောင့် ဒီမိုကရေစီ ပြုပြင်ပြောင်းလဲနိုင်မှု ရာခိုင်နှုန်း ၂၈ ရာခိုင်နှုန်းအထိ တိုးတက်သွားခဲ့ကြောင်း လေ့လာတွေ့ရှိခဲ့ကြရပါတယ်။ ဒါက ရေရှည်အကျိုးကျေးဇူးဖြစ်ပါတယ်။ ရေတိုအကျိုးကျေးဇူးအနေနဲ့လဲ ရွေးကောက်ပွဲအလွန် နိုင်ငံရေး အခင်းအကျင်း အတွက် လိုအပ်တဲ့ ညီညွတ်ရေးတည်ဆောက်မှုကို ရွေးကောက်ပွဲရလဒ်အား ကန့်ကွက်သပိတ်မှောက်ခြင်းဖြင့် ဖော်ဆောင်နိုင်ပါကြောင်း တင်ပြလိုက်ရပါတယ်။

ခင်မမမျိုး (၇၊ ၁၁၊ ၂၀၁၀)

ရည်ညွှန်းကိုးကား။ ။

Algeria: “Opposition calls for reconciliation”, 1995. Middle East Economic Digest.

Beaulieu, Emily. (2007) “Election Boycotts as Bargaining Ploys for improving Democracy”, R&R

Francisco, Ronald A. (1993) “Theories of Protest and the Revolutions of 1989”, American Journal of Political Science 37(3): 663-680.

Kuzio, Taras. (2005) “The Opposition’s Road to Success”, Journal of Democracy 16(2): 117-130.

Schedler, Andreas. (2002) “The Nested Game of Democratization by Elections”, International Political Science Review 23(1): 103-122.

Schedler, Andreas. (2006) “Electoral Authoritarianism: The Dynamics of Unfree Competition” Boulder: Lynne Rienner Publishers.

အပြည့်အစုံဖတ်ချင်ရင်..>>>

  © Blogger templates Newspaper II by Ourblogtemplates.com 2008

Back to TOP