အမျိုးသမီးနှင့်နိုင်ငံရေး၊ ဥပဒေရေးအခွင့်အလမ်း

ကျွန်မတို့ ကမ္ဘာပေါ်မှာ မှီတင်းနေထိုင်ကြတဲ့ လူသားတွေအကြားမှာ လူမျိုးတွေ ဘယ်လိုပဲကွဲပြားကွဲပြား၊ ယဉ်ကျေးမှုထုံးတမ်းစဉ်လာတွေ ဘယ်လိုပဲ ခြားနားခြားနား၊ တူညီတာတခုတော့ ရှိပါတယ်။ အဲဒါကတော့ လူသားတိုင်းမှာရှိတဲ့ မွေးရာပါ လူ့အခွင့်အရေးပါ။ လူသားတိုင်းဟာ မိမိတို့ ကံကြမ္မာကို ကိုယ်တိုင်စီမံဖန်တီးခွင့်၊ လွတ်လပ်စွာ တွေးခေါ်ခွင့်နဲ့ လွတ်လပ်စွာပြောဆိုခွင့်တွေကို ရရှိခံစားရမှာဖြစ်ပါတယ်။ ဒါကြောင့်လဲ သက်ဆိုင်ရာ နိုင်ငံအစိုးရများရဲ့ အဓိကလုပ်ငန်းတာဝန်တွေထဲမှာလဲ လူသားတို့ရဲ့ ရပိုင်ခွင့်တွေကို ကာကွယ်စောင့်ရှောက်ရမယ်ဆိုတဲ့ အချက်တချက် ပါဝင်ပါတယ်။ ကျွန်မတို့ လူသားတွေအားလုံးဟာ မွေးရာပါလူ့အခွင့်အရေးတွေကို အပြည့်အ၀ အသုံးချနိုင်မှာသာ လူ့စွမ်းအားတွေ တိုးတက်လာမှာဖြစ်ပါတယ်။ လူ့စွမ်းအားတွေ တိုးတက်လာတာနဲ့အမျှ လူ့အဖွဲ့အစည်းရဲ့ စားသောက်နေထိုင်ရေး အဆင့်အတန်းတွေကလဲ “ရေမြင့်ရင် ကြာတင့်” ဆိုသလိုပဲ တိုးတက်မြင့်မားလာမှာဖြစ်ပါတယ်။ ဒါကြောင့် လူ့အဖွဲ့အစည်း ရှင်သန်တိုးတက်ရေးအတွက် လူ့အခွင့်အရေးဟာ ပဓာနကျပါတယ်။ လူ့အခွင့်အရေးဆိုတာမှာလဲ အမျိုးသားတွေရော၊ အမျိုးသမီးတွေရော တန်းတူအခွင့်အရေး ရနိုင်ဖို့က အရေးကြီးလာပါတယ်။ ဘာဖြစ်လို့လဲဆိုတော့ နိုင်ငံတော်လူဦးရေတွေရဲ့ တ၀က်ကျော်ဟာ အမျိုးသမီးများ ဖြစ်နေလို့ပါပဲ။



အမျိုးသမီးတွေ လူ့အခွင့်အရေး အပြည့်အ၀ မရရှိခြင်းဟာ လူ့အဖွဲ့အစည်းတခုလုံးရဲ့ စွမ်းအားတွေ ကျဆင်းတာနဲ့ အတူတူပါပဲ။ ဒါကြောင့် အမျိုးသမီးများ ကိုယ့်ကြမ္မာကိုယ်ဖန်တီးနိုင်မယ့် အခွင့်အရေးတွေရရှိဖို့လိုအပ်လှပါတယ်။ ဒီလိုနဲ့ “အမျိုးသမီးတွေဟာ လူ့အဖွဲ့အစည်းရဲ့ အစိတ်အပိုင်းတွေဖြစ်တယ်” ဆိုတာ သိရှိလက်ခံလာကြတာနဲ့အမျှ ကမ္ဘာတ၀ှမ်းမှာ အမျိုးသမီးအခွင့်အရေးလှုပ်ရှားမှုတွေ အများအပြား ပေါ်ပေါက်ခဲ့ပါတယ်။ အမျိုးသမီးလှုပ်ရှားမှုတွေဟာ ၁၇ ရာစုနဲ့ ၁၈ ရာစုနှစ်တွေမှာ အမေရိကန်ပြည်ထောင်စုနဲ့ ဥရောပတိုင်းပြည်တွေမှာ အစပြုခဲ့ရာက ၂၀ရာစုရောက်တဲ့အခါမှာ အာရှနဲ့ အာဖရိကတိုက်က နိုင်ငံများကို ပျံ့နှံ့သွားခဲ့ပါတယ်။ အခုဒီအစီအစဉ်မှာ အမျိုးသမီးနဲ့နိုင်ငံရေးနှင့် ဥပဒေရေးဆိုင်ရာ အခွင့်အရေးတွေကြားက ဆက်နွယ်မှုတွေကို တင်ပြပေးပါမယ်။

နိုင်ငံရေးအခွင့်အရေးဆိုတာ မဲပေးပိုင်ခွင့်၊ ရွေးကောက်ပွဲတွေမှာ ၀င်ရောက်ယှဉ်ပြိုင် အရွေးခံနိုင်ခွင့်နဲ့ တရားမျှတသော ရွေးကောက်ပွဲ စတာတွေနဲ့ ပတ်သက်ပြီး၊ ဥပဒေရေးဆိုင်ရာ အခွင့်အရေး ဆိုတာကတော့ မျှတသော တရားစီရင်ရေးစနစ်၊ မြေယာပိုင်ဆိုင်မှုအခွင့်အရေးစတာတွေနဲ့ ပတ်သက်ပါတယ်။ ကမ္ဘာတ၀ှမ်းမှာရှိတဲ့ နိုင်ငံတော်တော်များများမှာ အမျိုးသမီးတွေဟာ မဲပေးပိုင်ခွင့်အတွက် ခက်ခက်ခဲခဲ လှုပ်ရှားပြီးမှ အောင်မြင်မှုတွေ ရရှိခဲ့ရပါတယ်။ နယူးဇီလန်နိုင်ငံဟာ အမျိုးသမီးများ မဲပေးပိုင်ခွင့်ကို (၁၈၉၃) ခုနှစ်မှာ ပထမဦးဆုံး ခွင့်ပြုပေးခဲ့တဲ့ နိုင်ငံတခုပါ။ ၂၀ရာစုကာလတလျှောက် နိုင်ငံပေါင်းများစွာမှာ လှုပ်ရှားမှုတွေ ဆက်တိုက်ပေါ်ပေါက် အောင်ပွဲဆင် နိုင်ခဲ့ကြပေမယ့် အချို့သော နိုင်ငံများက အမျိုးသမီးတွေမှာတော့ ဒီအခွင့်အရေးကို အခုထိမရကြသေးရှာပါဘူး။ ဘရူနိုင်းနဲ့ ဗာတီကန်စင်တီးတို့မှာ အမျိုးသမီးတွေရဲ့ မဲပေးပိုင်ခွင့်ကို ကန့်သတ်ထားပါတယ်။ အမျိုးသမီးများ ရွေးကောက်ပွဲဝင်ရောက် ယှဉ်ပြိုင်နိုင်ခွင့်မှာလဲ ဒီအတိုင်းပါပဲ။ အိန္ဒိယ၊ အင်ဒိုနီးရှား၊ သီရိလင်္ကာ၊ နယူးဇီလန်၊ ဖိလစ်ပိုင် စတဲ့ နိုင်ငံပေါင်းများစွာမှာ အမျိုးသမီးနိုင်ငံတော် အကြီးအကဲတွေ ပေါ်ပေါက်ခဲ့ပေမယ့်၊ အမျိုးသမီးများကို နိုင်ငံရေးဇာတ်ခုံပေါ် မရောက်အောင် ပိတ်ပင်တားဆီးနေတဲ့ နိုင်ငံများစွာလဲ ရှိနေပါသေးတယ်။

အမျိုးသမီးတွေကို မဲပေးပိုင်ခွင့် ပေးခြင်းအားဖြင့် နိုင်ငံတော်အစိုးရရဲ့ လူထုကို ကိုယ်စားပြုမှု အရည်အသွေးဟာ မြင့်တက်လာပါတယ်။ အစိုးရတရပ်ဟာ လူထုကို ကိုယ်စားပြုရမှာဖြစ်တဲ့အတွက် အမျိုးသမီးတွေရဲ့ မဲပေးပိုင်ခွင့်နဲ့ ရွေးကောက်ပွဲပါဝင်ခွင့်တွေကို ကန့်သတ်ထားတဲ့အစိုးရကို လူထုအားလုံးကို ကိုယ်စားပြုတဲ့အစိုးရလို့ မသတ်မှတ်နိုင်ပါဘူး။ မဲပေးပိုင်ခွင့်အပြင် အမျိုးသမီးတွေကို ရွေးကောက်ပွဲမှာ ပါဝင်ယှဉ်ပြိုင်ခွင့်၊ နိုင်ငံရေးဇာတ်ခုံမှာ ပါဝင်ဆောင်ရွက်ခွင့်ပေးခြင်းဟာလဲ ကြီးစွာသော အကျိုးကျေးဇူးတွေ ရရှိစေနိုင်ပါတယ်။ နိုင်ငံရေးရာမှာ အမျိုးသမီးတွေ ပါဝင်လာတာဟာ နိုင်ငံရေးဆိုင်ရာ ဆုံးဖြတ်ချက်တွေရဲ့ အရည်အသွေးကို မြင့်တက်လာစေနိုင်ပါတယ်။ နိုင်ငံရေးသိပ္ပံပညာရှင် နော်ဒါလ်ဗာလ် ဆိုခဲ့သလိုပဲ အမျိုးသမီးတွေ နိုင်ငံရေးဇာတ်ခုံမှာ ပါဝင်စေတာဟာ အမျိုးသမီးတွေရဲ့ အမြင်သစ်တွေ၊ အရည်အချင်းတွေနဲ့ စွမ်းဆောင်ရည်တွေကို အသုံးပြုခွင့်ရရှိလာတာပဲ ဖြစ်ပါတယ်။ ဒီလိုကွဲပြားတဲ့အမြင်တွေကို ဖော်ထုတ်ခွင့်ပေးတာဟာ ကြံဆတီထွင်တာကို အားပေးတဲ့အတွက် တိုးတက်မှုကို ဦးတည်စေတဲ့ လက္ခဏာတရပ်ဖြစ်ပါတယ်။ ဒါတွင်မကပဲ တခြားသော အမျိုးသမီးတွေရဲ့ စိတ်အင်အားကို တိုးမြှင့်ပေးတာကြောင့် ကြိုးစားချင်စိတ်၊ တိုးတက်ချင်စိတ်တွေ ဖြစ်ပေါ်လာစေပါတော့တယ်။ နိုင်ငံတော်ရဲ့ လူဦးရေ တ၀က်ကျော်မှာ တိုးတက်အောင် ကြိုးစားချင်စိတ်တွေ ဖြစ်ပေါ်လာတာဟာ လူ့ဘောင်တခုလုံးရဲ့ တိုးတက်မြင့်မားရေးကို ထောက်ကူပေးခြင်းသာဖြစ်ပါတယ်။

ကျွန်မတို့မြန်မာနိုင်ငံမှာတော့ အမျိုးသမီးတွေဟာ တရားဝင်မဲပေးခွင့်ရှိပါတယ်။လွတ်လပ်ရေး ရပြီးစကာလက မြန်မာအမျိုးသမီးများဟာ လွှတ်တော်အမတ်များအဖြစ်၊ နိုင်ငံရေးတာဝန်တွေ ထမ်းဆောင်ခဲ့ကြပါတယ်။ ဒါပေမယ့် နေ၀င်းစစ်အုပ်စုက နိုင်ငံတော်အာဏာသိမ်းပိုက်ပြီး နောက်ပိုင်းမှာကျတော့ အမျိုးသမီးများရဲ့ နိုင်ငံရေးအခွင့်အရေးတွေ ဆုံးရှုံးသွားခဲ့ရပါတယ်။ ၁၉၉၀ ခုနှစ်မှာ မဲပေးခွင့်နဲ့ ရွေးကောက်ပွဲ ၀င်ရောက်ယှဉ်ပြိုင်နိုင်ခွင့်တွေ ရှိခဲ့ပြန်တော့လဲ အနိုင်ရတဲ့ ရွေးကောက်ခံ ကိုယ်စားလှယ်တွေကို စစ်အုပ်စုက အာဏာမလွှဲပေးခဲ့ပြန်ပါဘူး။ စစ်အုပ်စုကျင်းပခဲ့တဲ့ အမျိုးသားညီလာခံမှာလဲ ကိုယ်စားလှယ် ၁၀၈၀ ယောက်မှာ အမျိုးသမီး (၆၇) ယောက်သာ ပါဝင်ခဲ့ပါတယ်။ ကမ္ဘာတ၀ှမ်းက အစိုးရအဖွဲ့ဝင်တွေမှာ အမျိုးသမီးတွေ ပါဝင်နေပေမယ့် မြန်မာနိုင်ငံကို အုပ်ချုပ်နေတဲ့ စစ်အစိုးရထဲမှာ အမျိုးသမီးအစိုးရအဖွဲ့ဝင် မရှိပါဘူး။ ဒါကြောင့် မြန်မာအမျိုးသမီးတွေဟာ နိုင်ငံရေးဆိုင်ရာ အခွင့်အရေးတွေဖြစ်တဲ့ မဲပေးပိုင်ခွင့်၊ ရွေးကောက်ပွဲဝင်ရောက်ယှဉ်ပြိုင်ခွင့်၊ တရားမျှတသော ရွေးကောက်ပွဲနဲ့ အစိုးရအဖွဲ့ဝင်အဖြစ် တာဝန်ထမ်းဆောင်ခွင့် စတာတွေကို ပီပီပြင်ပြင် ခံစားခွင့်မရခဲ့ကြဘူးဆိုတာ ထင်ရှားနေပါတယ်။ ဒီလိုအခွင့်အရေးတွေ ဆုံးရှုံးနေတာဟာ မြန်မာ့လူ့ဘောင်ဖွံ့ဖြိုးတိုးတက်ရေးကို အများကြီး နှောင့်နှေးစေပါတယ်။

ဥပဒေဆိုင်ရာအခွင့်အရေးများအကြောင်းကို ဆက်လက်တင်ပြပါမယ်။ ဥပဒေရေးရာ အခွင့်အရေးများ ကတော့ ထိခိုက်နစ်နာမှုနဲ့ဆိုင်တဲ့ အခွင့်အရေးတွေ၊ ငြိမ်းချမ်းစွာ ဆန္ဒပြနိုင်တဲ့ အခွင့်အရေးတွေနဲ့ ရုံးတော်မှာ တရားမျှတစွာ ကြားနာစစ်ဆေးခံနိုင်ခွင့် စတာတွေနဲ့ ပတ်သက်ပါတယ်။ လူတိုင်းလူတိုင်းမှာ မိမိတို့ ဆန္ဒကို ထုတ်ဖော်ပြောဆိုခွင့်၊ စည်းရုံးလှုံ့ဆော်ခွင့်နဲ့ လွတ်လပ်စွာ စုဝေးဟောပြောခွင့်တွေ ရရှိရမှာဖြစ်ပါတယ်။ အခုဆိုရင် ကမ္ဘာတ၀ှမ်းက ဆင်းရဲနွမ်းပါးမှုပပျောက်ရေး၊ ကလေးငယ်များ အစာအဟာရ ဖူလုံစွာရရှိရေး၊ စီးပွားရေးဖွံ့ဖြိုးတိုးတက်ရေးစတာတွေနဲ့ဆိုင်တဲ့ လှုပ်ရှားမှုတွေမှာ အမျိုးသမီးတွေဟာ အင်တိုက်အားတိုက် ပါဝင်ဆောင်ရွက်နေကြပါတယ်။ အများသမီးတွေ ချိတ်ဆက်လှုပ်ရှားတဲ့ အဖွဲ့အစည်းတွေဟာလဲ ကမ္ဘာ့လူဘောင်တခုလုံး ဖွံ့ဖြိုးတိုးတက်ရေး၊ တန်းတူညီမျှရေးနဲ့ ငြိမ်းချမ်းရေးလုပ်ငန်းတွေမှာ တတပ်တအား တာဝန်ယူဆောင်ရွက်နေကြပါတယ်။ ဒါဟာ အမျိုးသမီးတွေ လွတ်စွာထုတ်ဖော်ပြောဆိုခွင့်၊ စည်းရုံးလှုံ့ဆော်ခွင့်နဲ့ စုဝေးဟောပြောခွင့်တွေ ရရှိခံစားနိုင်မှုကနေ ထွက်ပေါ်လာတဲ့ အကျိုးကျေးဇူးတွေ ဖြစ်ပါတယ်။

ကျွန်မတို့ မြန်မာအမျိုးသမီးတွေမှာတော့ ငြိမ်းချမ်းစွာ မိမိတို့သဘောဆန္ဒကို ထုတ်ဖော်ဟောပြောခွင့်တွေ အပြည့်အ၀ မရရှိကြပါဘူး။ နိုင်ငံရေးရာ ပြောဆိုခွင့်တွေကို ပိတ်ပင်တားမြစ်ခံရတဲ့အပြင် ကြီးလေးသော ထောင်ဒဏ်များကိုလဲ ချမှတ်ခံနေကြရပါတယ်။ တရားမျှတစွာ ကြားနာစစ်ဆေးခွင့်ကိုလဲ မရရှိကြပါဘူး။ မြန်မာစစ်အစိုးရလက်ထက် တရားစီရင်ရေးစနစ်မှာ နိုင်ငံရေးပြစ်မှုတွေဖြစ်တိုင်း တဘက်သတ်စစ်ဆေး အမိန့်ချမှတ်မှုတွေကို ကြုံကြရသလို၊ တခြားပြစ်မှုတွေမှာလဲ “ငွေများတရားနိုင်”ဆိုတဲ့ လာဘ်ပေးလာဘ်ယူမှုတွေကသာ လွှမ်းမိုးနေပါတယ်။ အမျိုးသမီးတွေရဲ့ ထိခိုက်နစ်နာမှုတွေကို တင်ပြဖို့ဆိုတာမှာလဲ ကြီးလေးတဲ့ မုဒိမ်းမှု၊ လိမ်လည်ကာမရယူမှု စတာတွေမှာတောင် ပြစ်မှုကျူးလွန်သူတွေဟာ ထိရောက်တဲ့ အရေးမယူမခံရပဲ လွတ်မြောက်သွားတာတွေ အများအပြားဖြစ်ပါတယ်။ ဥပဒေရေးရာတွေမှာ အမျိုးသမီးတွေရဲ့ အခွင့်အရေးတွေကို ထိရောက်အောင် ကာကွယ်ပေးဖို့ ချို့ယွင်းချက်တွေ ရှိနေတာရယ်၊ လူ့အဖွဲ့အစည်းရဲ့ ဓလေ့ထုံးစံစတာတွေရယ်ကြောင့် ရေတိမ်နစ်ခဲ့ရတဲ့ အမျိုးသမီးတွေ အများအပြားဖြစ်နေပါတယ်။ ဒီလိုအမျိုးသမီးတွေမှာ နစ်နာမှု ဖြစ်စေတာဟာ လူ့အဖွဲ့အစည်းကို လုပ်အားနဲ့ပဲဖြစ်ဖြစ်၊ မျိုးဆက်သစ်မွေးဖွားပေးခြင်းနဲ့ပဲဖြစ်ဖြစ် အကျိုးပြုပေးနိုင်တဲ့ အမျိုးသမီးတွေရဲ့ ဘ၀လုံခြုံရေးနဲ့ တိုးတက်ရေးကို ထိခိုက်တာဖြစ်တဲ့အတွက်၊ လူ့အဖွဲ့အစည်းတခုလုံးကိုပါ နစ်နာမှုဖြစ်စေတာ ဖြစ်ပါတယ်။ ဒါကြောင့် မြန်မာ့လူ့အဖွဲ့အစည်း တိုးတက်ရေးအတွက် အမျိုးသမီးတွေရဲ့ နိုင်ငံရေး၊ ဥပဒေရေးဆိုင်ရာ အခွင့်အရေးတွေကို မြှင့်တင်ကြပါစို့လို့ ပြောကြားရင်း နိဂုံးချုပ်ပါရစေရှင်။

ခင်မမမျိုး (၂၀၀၉)