စစ်အုပ်စု ယုတ်မာနေပြီ။ တော်လှန်ရေး သတိရှိကြ
ကရင်တိုင်းရင်းသား တော်လှန်ရေး ခေါင်းဆောင်၊ မြန်မာ့ဒီမိုကရေစီအရေးတော်ပုံ နိုင်ငံရေးအံတုမှု ကော်မတီ၏ ဥက္ကဌ ဖဒိုမန်းရှာ လုပ်ကြံခံလိုက်ရသည်။ စစ်အုပ်စုအား ဖြုတ်ချရေး အဆုံးသတ်တိုက်ပွဲ၏ အရေးကြီးသော အချိန်မှာ ဖြစ်သည်။
အကြောင်းအရာတချို့က တိုက်ဆိုင်မှုများ ရှိနေသည်။ မကြာသေးခင်အချိန်က ကရင်တိုင်းရင်းသားများအား စစ်အုပ်စုမှ အစုလိုက်အပြုံလိုက် သတ်ဖြတ်သည့် ရာဇ၀တ်မှုများကို အခြေခံသည့် ရမ်ဘိုကား ရုံတင်ပြသခဲ့သည်။ စစ်အုပ်စု ဘလော့တခုမှ ရမ်ဘိုအား ၉မမကျည်ဆံ လက်ဆောင်ပေးချင်တယ်ဟု တုံ့ပြန်ရေးသားခဲ့သည်။ စစ်အုပ်စုသည် နိုင်ငံရေးပြဿနာကို ယုတ်မာအောက်တန်းကျသော နည်းလမ်းများဖြင့် ဖြေရှင်းလိုသည့် ဆန္ဒသဘောထားကို တွေ့လိုက်ရသည်။ ယခု ဆရာမန်းရှာကို လုပ်ကြံမှုတွင် သုံးသွားသည်က ၉မမကျည်ဆံဖြစ်သည်။
လုပ်ကြံမှုကို အကောင်အထည်ဖော်သူများမှာ ကရင်တိုင်းရင်းသားများဖြစ်ကြောင်း သတင်းများတွင် တွေ့ရှိရသည်။ စီစဉ်ညွန်ကြားသူများကား မည်သူနည်း။ စစ်အုပ်စုပါဝင်ပတ်သက်သည် မဟုတ်ဟု မည်သူဆိုနိုင်သနည်း။
နောက်ဆုံး လေးလပတ်အစည်းအဝေးတွင် ဗိုလ်သန်းရွှေမှ လက်နက်ကိုင်အဖွဲ့များ (ကေအင်ယူနှင့် ရွက်ဆစ်အဖွဲ့)ကို အမြစ်ဖြုတ်ပစ်ရန် ညွှန်ကြားခဲ့ကြောင်း သတင်းကြားရသည်။ ယခု ဆရာမန်းရှာ လုပ်ကြခံရခြင်းသည် ခွဲထွက် ကရင်အဖွဲ့များအား နအဖကနောက်ကွယ်မှ လူအား၊ လက်နက်အား ပံ့ပိုးပေးကာ ကရင်လူမျိုးအချင်းချင်း ထိပ်တိုက်တွေ့၊ ရင်ဆိုင်သတ်ဖြတ်ကြစေရန် အကွက်ချစီမံခြင်း ဖြစ်နိုင်သည်။ ယခုလို အခြေအနေကာလမျိုးတွင် စစ်ရေးသာမက နိုင်ငံရေးအရပါ အမြတ်ထုတ်ရန် ကြိုးပမ်းနေခြင်း ဖြစ်နိုင်ပါသည်။ တိုင်းရင်းသားအချင်းချင်းပင် တိုက်ခိုက်နေခြင်းကြောင့် စစ်တပ်မှ ၀င်ရောက်ထိန်းသိမ်းဖြေရှင်းနေရခြင်းဖြစ်ကြောင်း၊ ကင်ညာလို လူမျိုးရေးအရေးအခင်းများကို ပမာထား၍၊ နိုင်ငံတကာကို လှည့်စားရန် ယုတ်မာစွာ ကြံစည်နေခြင်း ဖြစ်နိုင်သည်။
နောက်တချက် သတိပြုမိသည်က ရန်ကုန်တိုင်း စစ်ဌာနချုပ်အတွင်းမှ ပျောက်ဆုံးသွားသော ဗုံးများ ကိစ္စဖြစ်သည်။ ကေအင်ယူထံမှ သိမ်းဆည်းရမိသော ဗုံးများ ပျောက်သွားခြင်း ဆိုသည်မှာ သွေးရိုးသားရိုး ကိစ္စမဟုတ်ပါ။ အန်တီစုအပါအ၀င် တိုင်းရင်းသားခေါင်းဆောင်များအတွက်ပါ စိုးရိမ်စိတ်ဝင်မိသည်။ ငြိမ်းအဖွဲ့များ စစ်အုပ်စုကို ဆက်လက်ယုံကြည်နေလျှင် မှားလိမ့်မည်။
မည်သို့ဆိုစေစစ်အုပ်စုယုတ်မာသည်ကတော့ ထင်ရှားနေပါပြီ။ အဆုံးသတ်တိုက်ပွဲတွင် တော်လှန်ရေးသတိရှိရှိနှင့် အားသစ်လောင်းကာ လက်ဦးမှု ယူကြပါစို့။
ခင်မမမျိုး (၁၅၊၂၊ ၂၀၀၈)