မြို့ပြဆင်းရဲနွမ်းပါးမှု လျှော့ချရေး

ဖွံ့ဖြိုးဆဲနိုင်ငံများမှာ ကျေးလက်ဒေသကနေ မြို့ပြသို့ ပြောင်းရွှေ့အခြေချမှု (rural- urban migration) နှုန်းက တိုးတက်များပြားလာပါတယ်။ ဒီလို ပြောင်းရွှေ့အခြေချသူအများစုဟာ အလုပ်အကိုင်အခွင့်အလမ်းနဲ့ လူမှုဘ၀ တိုးတက်မှု အခွင့်အလမ်းအတွက် မြို့ပြကို ပြောင်းရွှေ့နေထိုင်ကြတာ ဖြစ်ပေမယ့် မြို့ပြရှင်သန်နေထိုင်မှု စရိတ်ကြီးမားခြင်း၊ လမ်းပန်းဆက်သွယ်ရေး ကုန်ကျစရိတ်ကြီးမားခြင်း၊ ကျန်းမာသန့်ရှင်းမှုမရှိသော ဆင်ခြေဖုံးများတွင် နေထိုင်ရခြင်း၊ ရောဂဘယ ကူးစက်ပြန့်ပွားခြင်း စတဲ့ အခြေအနေတွေကို ရင်ဆိုင်ရပြီး တိုးတက်တဲ့ လူမှုဘ၀ အခွင့်အလမ်းတွေကို ခံစားခွင့် မရကြပါဘူး။ မြို့ပြသို့ ပြောင်းရွှေ့အခြေချမှု ရာခိုင်နှုန်း မြင့်တက်လာတာနဲ့အမျှ လူဦးရေထူထပ်မှုရှိလာသလို၊ မြို့ပြဆင်းရဲနွမ်းပါးမှု (urban poverty) နှုန်းကလဲ တိုးမြင့်လာပါတယ်။



မြို့ပြဆင်းရဲနွမ်းပါးမှု သွင်ပြင်လက္ခဏာများ

မြို့ပြဆင်းရဲနွမ်းပါးမှုမှာ သွင်ပြင်လက္ခဏာ (၅) ရပ် ရှိပါတယ်။ ပထမသွင်ပြင်လက္ခဏာကတော့ ၀င်ငွေမလောက်ငမှု ဖြစ်ပါတယ်။ မြို့ပြမှာ နေထိုင်တဲ့ ဆင်းရဲနွမ်းပါးသူတွေဟာ များသောအားဖြင့် အလုပ်တခုခု လုပ်နေသူများ ဖြစ်ပါတယ်။ ကျေးလက်ဒေသမှာ နေထိုင်သူများထက် ၀င်ငွေပိုများပေမယ့် မြို့ပြရဲ့ နေထိုင်မှုအသုံးစရိတ်ကြီးမားမှုကြောင့် ၀င်ငွေ မလောက်ငမှု နဲ့ ရင်ဆိုင်ကြရတတ်ပါတယ်။ စားဝတ်နေရေး အခြေခံလိုအပ်ချက်တွေ ပြည့်စုံဖို့အတွက် ၀င်ငွေလောက်ငမှု မရှိပဲ ကြုံရာကျပန်းအလုပ်များ လုပ်ကိုင်ရတတ်တာကြောင့် အလုပ်အကိုင်လုံခြုံရေး အခက်အခဲနဲ့လဲ ရင်ဆိုင်ရတတ်ပါတယ်။

ဒုတိယသွင်ပြင်လက္ခဏာကတော့ ငတ်မွတ်ခေါင်းမှု ဖြစ်ပါတယ်။ မြို့ပြဆင်းရဲနွမ်းပါးသူတွေဟာ အစားအစာတွေကို ၀ယ်ယူစားသုံးကြရတာ ဖြစ်ပါတယ်။ ကျေးလက်ဒေသမှာလို မြေပိုမြေလျှံ မရှိတဲ့အတွက် စိုက်ပျိုးရေးနဲ့ မွေးမြူရေးလုပ်ဖို့ ခဲယဉ်းတာကြောင့်၊ အစားအစာတွေကို ၀ယ်ယူစားသုံးကြရပါတယ်။ ဒီလို ၀ယ်ယူစားသုံးရတဲ့အခါမှာလဲ သယ်ယူ ပို့ဆောင်ရေးစရိတ်နဲ့ အဆင့်ဆင့် ဖြန့်ဖြူးစရိတ်တွေကြောင့် မြို့ပြမှာနေထိုင်သူတွေဟာ ကျေးလက်မှာနေထိုင်သူတွေထက် အစားအသောက် ကုန်ကျစရိတ် ပိုပြီး များပါတယ်။ မြို့ပြဆင်ခြေဖုံးရပ်ကွက်များနဲ့ ကျူးကျော်ရပ်ကွက်များမှာ နေထိုင်ရသူတွေဟာ သန့်ရှင်းတဲ့ရေနဲ့ ပတ်ဝန်းကျင် မရှိခြင်းကြောင့် ရောဂါဘယ ကူးစက်ခံရမှု အန္တရာယ်ကိုလဲ ရင်ဆိုင်ကြ ရပါတယ်။ infection-related အစာအာဟာရချို့တဲ့မှု ပြဿနာက မြို့ပြမှာ အဖြစ်များပါတယ်။

တတိယသွင်ပြင်လက္ခဏာကတော့ informal sector အလုပ်အကိုင်အခြေအနေ ဖြစ်ပါတယ်။ မြို့ပြမှာ အလုပ်လုပ်ကိုင်သူ အများစုဟာ နေ့စားလုပ်သားများ၊ ယာယီလုပ်သားများအဖြစ် လုပ်ကိုင်ကြရပါတာဖြစ်တဲ့အတွက် အလုပ်သမားအခွင့်အလမ်း၊ ဥပေဒေအကာအကွယ်များ ဆုံးရှုံးကြရပြီး၊ အလုပ်အကိုင် မလုံခြုံမှု (job insecurity) ဆိုင်ရာ စိတ်ဖိစီးမှုတွေကိုလဲ ခံစားကြရပါတယ်။

စတုတ္ထသွင်ပြင်လက္ခဏာကတော့ informal settlements ဖြစ်ပါတယ်။ အလုပ်အကိုင် အခွင့်အလမ်းကြောင့် အလုပ်နဲ့ နီးစပ်ရာနေရာတွေမှာ အခြေချနေထိုင်မှုတွေ ရှိလာပါတယ်။ ဒီလို အခြေချနေထိုင်မှုတဲ့အခါမှာ မြေယာပိုင်ဆိုင်မှု၊ ငှားရမ်းစရိတ် ကြီးမားမှု အခက်အခဲတွေကြောင့် မီးရထားလမ်းဘေး၊ မြစ်ကမ်းဘေး၊ တံတားများနဲ့ အမှိုက်ပုံများအနီးမှာ ကျူးကျော်နေထိုင် အခြေချမှုတွေ ဖြစ်ပွားလာတတ်ပါတယ်။

ပဥ္ဒမသွင်ပြင်လက္ခဏာကတော့ ၀န်ဆောင်မှုများကို ခံစားခွင့် မရခြင်းပဲ ဖြစ်ပါတယ်။ ကျူးကျော်ရပ်ကွက်များနဲ့ အခြား informal settlements တွေမှာ အစိုးရတွေရဲ့ အခြေခံလူနေမှုအဆောက်အအုံ ၀န်ဆောင်မှု အားနည်းချက်တွေ ရှိတတ်ပါတယ်။ ရေရရှိရေးအတွက် ရပ်ကွက်ထဲက public tap တွေမှာ နာရီပေါင်းများစွာ တန်းစီစောင့်ဆိုင်းရမှုတွေ ရှိတတ်သလို၊ လျှပ်စစ်မီးသုံးစွဲနိုင်မှုလဲ မရှိကြပါဘူး။ အညစ်အကြေးစွန့်ပစ်မှု ပြဿနာတွေလဲ ရှိပါတယ်။

မြို့ပြဆင်းရဲနွမ်းပါးမှုအား တိုင်းတာခြင်း

မြို့ပြဆင်းရဲနွမ်းပါးမှု ဆိုတာကို ဘောဂဗေဒရှုထောင့်နဲ့ မနုဿဗေဒ ရှုထောင့်တွေကနေ တိုင်းတာသတ်မှတ်လေ့ရှိပါတယ်။ ဘောဂဗေဒရှုထောင့်အရ မြို့ပြဆင်းရဲနွမ်းပါးမှုကို တိုင်းတာရာမှာ ၀င်ငွေ (သို့မဟုတ်) စားသုံးမှု ညွှန်ပြကိန်းဂဏာန်းတွေ အပြင် အာဟာရပြည့်ဝမှု၊ အစားအစာ မျှတလုံလောက်မှု၊ စာတတ်မြောက်မှု၊ သန့်ရှင်းသောရေ ရရှိမှု၊ ကျန်းမာရေး စောင့်ရှောက်မှု ခံစားခွင့် ဆိုတဲ့ လူမှုတိုးတက်မှုဆိုင်ရာ ညွှန်ပြကိန်းဂဏာန်းတွေနဲ့ တိုင်းတာကြပါတယ်။ မနုဿဗေဒ ပညာရှင်တွေနဲ့ လူမှုစီမံကိန်းရေးဆွဲသူတွေကတော့ အထက်ပါအချက်တွေအပြင် လူမှုဘ၀ကွဲပြားခြားနားမှုနဲ့ ပစ္စည်းဥစ္စာဓန မဟုတ်သော အရာများ ချို့တဲ့မှု (non-material deprivation) ကိုပါ ထည့်သွင်းပြီး တိုင်းတာဖို့ လိုအပ်ကြောင်း ဆိုထားကြပါတယ်။

ဝင်ငွေနဲ့ ပတ်သက်တဲ့ ညွှန်ပြကိန်းဂဏာန်းတွေမှာ ဆင်းရဲနွမ်းပါးမှုကွာဟချက် (poverty gap)၊ ၀င်ငွေတန်းတူညီမျှခြင်းမရှိမှု (income inequality)၊ အလုပ်လက်မဲ့နှုန်း (unemployment rate)၊ အကြွေးရယူသုံးစွဲနိုင်မှု၊ လျှပ်စစ်ပစ္စည်း ရယူသုံးစွဲမှု (access to electricity) စတာတွေ ပါဝင်ပါတယ်။ ပညာရေးနဲ့ ပတ်သက်တဲ့ ညွှန်ပြကိန်းဂဏာန်းတွေမှာတော့ စာတတ်မြောက်နှုန်း၊ အထက်တန်း၊ အလယ်တန်းနှင့် မူလတန်း ပြီးမြောက်အောင်မြင်မှုနှုန်း၊ ကလေးလုပ်အား၊ ပညာရေးဆိုင်ရာ ကျားမကွဲပြားမှု၊ ပညာရေးအတွက် အိမ်ထောင်တခုချင်း စီအလိုက် ပျမ်းမျှအသုံးစရိတ်၊ အလုပ်ခွင်ဆိုင်ရာ သက်မွေးကျောင်း သင်တန်းများသို့ တက်ရောက်နိုင်မှု စတာတွေ ပါဝင်ပါတယ်။

ကျန်းမာရေးနဲ့ ပတ်သက်တဲ့ ညွှန်ပြကိန်းဂဏာန်းတွေမှာ အခြေခံကျန်းမာရေးစောင့်ရှောက်မှု ခံစားခွင့်၊ အစာအာဟာရ ပြည့်ဝရေးဆိုင်ရာ safety nets များရှိမှု၊ အစားအစာအတွက် အိမ်ထောင်စုတခုချင်းစီအလိုက် ပျမ်းမျှ အသုံးစရိတ်၊ ကျန်းမာရေးစောင့်ရှောက်မှုအတွက် အိမ်ထောင်တခုချင်းစီအလိုက် ပျမ်းမျှအသုံးစရိတ်၊ ရေသုံးစွဲမှာ ပမာဏ၊ ဖွားသေနှုန်း၊ ကလေးသူငယ်အစာအာဟာရ ချို့တဲ့မှု၊ လမ်းပန်းဆက်သွယ်မှုဆိုင်ရာ မတော်တဆမှုများဆိုင်ရာ သေဆုံးနှုန်း၊ ရောဂါဘယများဆိုင်ရာ သေဆုံးနှုန်း၊ အကြမ်းဖက်မှုများဆိုင်ရာ သေဆုံးနှုန်း စတာတွေ ပါဝင်ပါတယ်။

လုံခြုံရေးနဲ့ ပတ်သက်တဲ့ ညွှန်ပြကိန်းဂဏာန်းတွေမှာတော့ ခွင့်ပြုချက်မရှိသော အဆောက်အဦးများနှင့် ကျူးကျော် အိမ်ယာများ တည်ဆောက်ထားမှုနှုန်း၊ ရဲတပ်ဖွဲနှင့် ဥပဒေအရ အကာအကွယ် ရယူနိုင်မှု၊ မြေယာပိုင်ဆိုင်မှု အခွင့်အလမ်း၊ လူသတ်မှုနှင့် အခြားရာဇ၀တ်မှုများ ဖြစ်ပွားမှုနှုန်း စတာတွေ ပါဝင်ပါတယ်။ Empowerment နဲ့ ပတ်သက်တဲ့ ညွှန်ပြကိန်းဂဏာန်းတွေမှာတော့ နိုင်ငံရေးနဲ့ လူ့အဖွဲ့အစည်းတွေမှာ ပါဝင်မှု၊ ၀န်ဆောင်မှုနှင့် အလုပ်အကိုင် အခွင့်အလမ်းများအား ခံစားခွင့်၊ တယ်လီဖုန်းနှင့် အင်တာနက် အသုံးပြုနိုင်မှု၊ စီမံကိန်းရေးရာ ဆုံးဖြတ်ချက်များတွင် ပြည်သူအများ၏ ဆန္ဒသဘောထားပေးပိုင်ခွင့်၊ အစိုးရ ၀န်ဆောင်မှုများအား ပြည်သူအများမှ ကျေနပ်မှု စတာတွေ ပါဝင်ပါတယ်။

မြို့ပြဆင်းရဲနွမ်းပါးမှုလျှော့ချရေး မူဝါဒများ

တိုင်းပြည်တပြည်ရဲ့ ဖွံ့ဖြိုးတိုးတက်မှုမှာ မြို့ပြဖွံ့ဖြိုးတိုးတက်ရေး (urban development) က အရေးကြီးပါတယ်။ ဒီလို မြို့ပြဖွံ့ဖြိုးတိုးတက်ရေးအတွက် မြို့ပြဆင်းရဲနွမ်းပါးမှု (urban poverty) လျှော့ချနိုင်ရေးကို ကြိုးပမ်းဆောင်ရွက်ဖို့ လိုအပ်ပါတယ်။ ဒီလိုဆောင်ရွက်ရာမှာ အရပ်ဘက်လူ့အဖွဲ့အစည်းများ၊ မြို့ပြဆင်းရဲနွမ်းပါးသူများဘက်မှ citizen driven actions များ လုပ်ဆောင်ဖို့လိုအပ်သလို၊ နိုင်ငံတော်ဘက်ကလဲ မြို့ပြဆင်းရဲနွမ်းပါးမှုလျှော့ချရေး မူဝါဒများ ထိထိ ရောက်ရောက် ချမှတ်ဆောင်ရွက်ရမှာ ဖြစ်ပါတယ်။


တနိုင်တပိုင် စီးပွားရေးလုပ်ငန်းငယ်များ ပေါ်ပေါက်လာစေရန် အားပေးကူညီမှု

မြို့ပြမှာ တနိုင်တပိုင် စီးပွားရေး လုပ်ငန်းငယ်များ ပေါ်ပေါက်လာခြင်းဖြင့် အလုပ်အကိုင်အခွင့်အလမ်းများ ပေါ်ထွက်ခြင်း၊အလုပ်လက်မဲ့နှုန်းလျော့နည်းခြင်း စတဲ့ အကျိုးကျေးဇူးတွေ ရှိလာစေနိုင်ပါတယ်။ အချို့လူတွေဟာ အရောင်းအ၀ယ် လုပ်ငန်းများအတွက် အတွေးအမြင်ရှိပေမယ့် စတင်ရန် ငွေအရင်းအနှီး မရှိတဲ့ အခက်အခဲကို ကြုံကြရတာကြောင့် အလုပ်လက်မဲ့ ဖြစ်နေကြတာ ဖြစ်ပါတယ်။ ဒီလိုအခြေအနေတွေကို ဖြေရှင်းနိုင်ရေးအတွက် အစိုးရနဲ့ အရပ်ဘက်အဖွဲ့အစည်းများက အသေးစားငွေချေးပေးတဲ့ အင်စတီကျူးရှင်းများ (Micro Finance Institutions) တည်ထောင် ခြင်းဖြင့် အားပေးကူညီနိုင်ပါတယ်။

အလုပ်အကိုင်အခွင့်အလမ်းများ တိုးတက်လာစေရန် ဆောင်ရွက်မှု

မြို့ပြဆင်းရဲနွမ်းပါးသူများရဲ့ အလုပ်အကိုင်အခွင့်အလမ်းများ တိုးတက်လာစေရေးအတွက် အခွန်နှုန်းထားများလျှော့ချခြင်း၊ အလုပ်အကိုင်တိုးချဲ့မှုကို ခက်ခဲကြန့်ကြာစေသော နည်းဥပဒေများအား ရုတ်သိမ်းခြင်း၊ အမျိုးသမီးများ လုပ်ငန်းခွင် ၀င်နိုင်ရေးအတွက် ကလေးသူငယ်စောင့်ရှောက်ရေးစင်တာများ ဖွင့်လှစ်ခြင်း၊ လုပ်ငန်းခွင်သင်တန်းများပေးခြင်း၊ အလုပ်အကိုင်အခွင့်အလမ်းများ တိုးတက်စေနိုင်သော စီးပွားရေးကဏ္ဍများ ဖွံ့ဖြိုးတိုးတက်လာစေရန် အားပေးကူညီခြင်း စတဲ့ မူဝါဒများကို ချမှတ်ဆောင်ရွက်နိုင်ပါတယ်။

မြို့ပြစိုက်ပျိုးရေး (urban agriculture) ကဏ္ဍ ဖန်တီးဖော်ဆောင်မှု

မြေပိုမြေလျှံအနည်းငယ်ရှိသူများအနေနဲ့ တနိုင်တပိုင်စိုက်ပျိုးခြင်းဖြင့်ဖြစ်စေ၊ အခြားစိုက်ပျိုးနိုင်သူများအား မြေပိုငှားရမ်း အသုံးပြုစေခြင်းဖြင့် ဖြစ်စေ မြို့ပြစိုက်ပျိုးရေးကဏ္ဍတွေကို ဖန်တီးဖော်ဆောင်နိုင်ပါတယ်။ နိုင်ငံတော်ပိုင် အသုံးပြုဖော်ဆောင်ထားခြင်း မရှိသော မြေပိုမြေလျှံများကို စိုက်ပျိုးရေးကဏ္ဍအတွက် ဆင်းရဲနွမ်းပါးသူများကို ငှားရမ်းအသုံးပြုစေခြင်းဖြင့်လဲ မြို့ပြစိုက်ပျိုးရေးကဏ္ဍ တိုးတက်လာအောင် အားပေးကူညီမှုတွေ ပြုလုပ်နိုင်ပါတယ်။ ဆင်းရဲနွမ်းပါးတဲ့ မြို့ပြစိုက်ပျိုးရေးသမားများအတွက် လိုအပ်သောနည်းပညာများ ပံ့ပိုးပေးခြင်း၊ အကြွေးရယူသုံးစွဲနိုင်ခွင့် အခွင့်အလမ်းများ တိုးမြှင့်ပေးခြင်း၊ အခြေခံအဆောက်အအုံဆိုင်ရာ ၀န်ဆောင်မှုများပေးခြင်း စတဲ့ မူဝါဒများကို ချမှတ်အကောင်အထည်ဖော်နိုင်ပါတယ်။

အိမ်တွင်းမှုလုပ်ငန်းများ တိုးတက်လာစေရန် အားပေးကူညီခြင်း

ဆင်းရဲနွမ်းပါးသူတွေအနေနဲ့ မုန့်လုပ်ခြင်း၊ စက်ချုပ်လုပ်ငန်း၊ ဇာထိုးပန်းထိုးလုပ်ငန်း စတဲ့ တနိုင်တပိုင် အိမ်တွင်းမှု လုပ်ငန်းတွေကို ဆိုင်ခန်းငှားရမ်းပြီး လုပ်ဆောင်နိုင်ဖို့ မလွယ်ကူပါဘူး။ ဒါကြောင့် မိမိအိမ်မှာနေပြီး အလုပ်လုပ်လို့ရတဲ့ အိမ်တွင်းမှုလုပ်ငန်းများ တိုးတက်လာစေရန် အားပေးကူညီဖို့လိုပါတယ်။ ဒီလိုအိမ်တွင်းမှုလုပ်ငန်းများကို အားပေး ကူညီရေးအတွက် အခြေခံအဆောက်အအုံ (လျှပ်စီးမီး၊ သန့်ရှင်းသောရေ၊ ဆက်သွယ်ရေး စသည်) ဆိုင်ရာ ၀န်ဆောင်မှုများ တိုးတက်ကောင်းမွန်ခြင်း၊ အသေးစားငွေချေးလုပ်ငန်းများ ဖော်ဆောင်ပေးခြင်း၊ အိမ်တွင်းမှု သင်တန်းများပေးခြင်း၊ အခြေခံကျန်းမာရေးစောင့်ရှောက်မှုဆိုင်ရာ ၀န်ဆောင်မှုပေးခြင်း၊ ဈေးကွက်များဖော်ဆောင်ပေးခြင်း၊ လုပ်ငန်းတည်ထောင်မှု ဆိုင်ရာ အကြံဥာဏ်များပေးခြင်း စတဲ့ မူဝါဒတွေကို ချမှတ်အကောင်အထည်ဖော်နိုင်ပါတယ်။

လူမှုထောက်ကူအခွင့်အလမ်းများ ပံ့ပိုးပေးခြင်း

မြို့ပြဆင်းရဲနွမ်းပါးသူများဟာ များသောအားဖြင့် ပုံမှန်လုပ်ခလစာတွေအပေါ်မှာ မှီပြီး ရပ်တည်နေသူများ မဟုတ်ကြပါဘူး။ ကြုံရာကျပန်းအလုပ်တွေ လုပ်ကိုင်နေကြရသူများ ဖြစ်ပါတယ်။ ဒါကြောင့် အစာအာဟာရ ပြည့်စုံလောက်ငရေးအတွက် ငွေကြေး (သို့မဟုတ်) အစားအစာ ပေးဝေခြင်း စတာတွေနဲ့ ကူညီဖြည့်ဆည်းပေးမှုတွေ ပြုလုပ်နိုင်ပါတယ်။ အစိုးရအနေနဲ့ safety-net intervention policies များ ချမှတ်ဆောင်ရွက်နိုင်သလို၊ အန်ဂျီအို လူမှုရေးအဖွဲ့အစည်းများ လွတ်လပ်စွာ ဖွဲ့စည်းခွင့်ပေးခြင်း၊ နိုင်ငံတကာအဖွဲ့အစည်းများသို့ အကူအညီတောင်းခံခြင်း ဆိုင်ရာ မူဝါဒတွေကို ချမှတ် ဆောင်ရွက်နိုင်ပါတယ်။

မြို့သစ်များ ဖော်ဆောင်ပေးခြင်း

ကျူးကျော်ရပ်ကွက်များ၊ ရထားလမ်း၊ ကားလမ်း၊ မြစ်ကမ်းဘေးမှာ နေထိုင်နေရသူများအတွက် မြို့သစ်များ ဖော်ဆောင်ပေးပြီး၊ ပြောင်းရွှေ့နေရာချထားပေးခြင်း၊ သန့်ရှင်းသောရေရရှိရေး ဆောင်ရွက်ပေးခြင်း၊ မြို့သစ်များ အနီးတွင် စက်မှုဇုံများ တည်ထောင်၍ အလုပ်အကိုင်အခွင့်အလမ်းများ ဖန်တီးပေးခြင်း၊ ကျောင်းများနှင့် ဆေးရုံများ ဆောက်လုပ်ပေးခြင်း စတွာေကို ပြုလုပ်နိုင်ပါတယ်။

ကောင်းမွန်သော မြို့ပြအုပ်ချုပ်ရေး (good urban governance)

ကောင်းမွန်သော မြို့ပြအုပ်ချုပ်ရေး ဖော်ဆောင်နိုင်ဖို့အတွက် တာဝန်ခံမှု၊ တာဝန်ယူမှု၊ အများပြည်သူ ပူးပေါင်းပါဝင်မှု၊ စွမ်းရည်တိုးတက်မြင့်မားမှု၊ လာဘ်စားမှုများကို တိုက်ဖျက်နှိမ်နင်းရေး စတဲ့ကဏ္ဍတွေမှာ သင့်လျော်တဲ့ မူဝါဒတွေ ချမှတ်နိုင်ဖို့ လိုအပ်ပါတယ်။ ရပ်ကွက်အုပ်ချုပ်ရေးတာဝန်ရှိသူများနဲ့ ရပ်ရွာဖွံ့ဖြိုးရေးဆောင်ရွက်နေသော အရပ်ဘက်လူ့အဖွဲ့များမှ တာဝန်ရှိသူများရဲ့ စွမ်းရည်မြင့်မားမှုကလဲ အရေးပါတဲ့အတွက် စာတွေ့၊ လက်တွေ့သင်တန်းများ ပေးခြင်းကို ပြုလုပ်နိုင်ပါတယ်။ နိုင်ငံတကာ အဆင့်မီ စီမံခန့်ခွဲရေးနှင့် အုပ်ချုပ်ရေး ပညာများကို ဖြန့်ဖြူးပေးဖို့ လိုအပ်ပါတယ်။

လူသားလုံခြုံရေး (Human Security) ရှိလာစေရန် ကာကွယ်စောင့်ရှောက်ခြင်း

မြို့ပြဆင်းရဲနွမ်းပါးမှုနဲ့ ရာဇ၀တ်မှု ထူပြောခြင်းတို့အကြားမှာ ထင်သာမြင်သာတဲ့ ဆက်စပ်မှုတွေ ရှိပါတယ်။ ရာဇ၀တ်မှုများကို တားဆီးကာကွယ်နှိမ်နင်းခြင်း၊ လူသားလုံခြုံရေးရှိလာစေရန် ပြည်သူအများအား ကာကွယ် စောင့်ရှောက်ခြင်း၊ ဥပဒေအခွင့်အလမ်းများ ခံစားခွင့်ရှိစေခြင်း၊ ဥပဒေဘက်တော်သားများအား လူထုမှ ယုံကြည်မှု တိုးပွားလာစေခြင်းဆိုင်ရာ မူဝါဒများကို ချမှတ်အကောင်အထည်ဖော်နိုင်ပါတယ်။

နိဂုံး

ကျေးလက်ဆင်းရဲနွမ်းပါးမှု လျှော့ချရေးဆိုင်ရာ မူဝါဒများထက်စာရင် မြို့ပြဆင်းရဲနွမ်းပါးမှုလျှော့ချရေးဆိုင်ရာ မူဝါဒတွေက မူဝါဒရေးရာ ချမှတ်ဆောင်ရွက်နေသူများအတွက် အခက်အခဲတွေ၊ စိန်ခေါ်မှုတွေ ပိုမိုတွေ့ကြုံစေနိုင်ပါတယ်။ မြို့ပြဆင်းရဲနွမ်းပါးမှု၊ မြို့ပြလူတန်းစားကွာဟမှု ပြဿနာတွေဟာ ဖွံ့ဖြိုးဆဲ နိုင်ငံတွေမှာ တစထက်တစ ကြီးထွားလာတဲ့ ပြဿနာတွေ ဖြစ်ပါတယ်။ ဒါကြောင့် မြို့ပြဆင်းရဲနွမ်းပါးမှု လျှော့ချရေးအတွက် သင့်လျော်သော မူဝါဒများ ချမှတ်ဆောင်ရွက်နိုင်ရေးက အရေးကြီးလှပါကြောင်း ရေးသားတင်ပြအပ်ပါတယ်။

ခင်မမမျိုး (၃၁၊ ၇၊ ၂၀၁၁)

ရည်ညွှန်းကိုးကား။ ။

Baker, J. & Schuler, N. (2004) Analysing Urban Poverty: A summary of methods and approaches, World Bank Policy Research Working Paper 3399, World Bank, Washington DC.

Baharoglu, D. & Kessides, C. (2002) “Urban Poverty” in Klugman (ed.) A sourcebook for poverty reduction strategies: Volume 2: Macroeconomic and sectoral approaches, World Bank, Washington DC.

Urban Poverty and the Working Poor: FACING THE CHALLENGES OF URBANIZATION AND URBAN POVERTY IN ASIA AND THE PACIFIC, Committee on Poverty Reduction, Economic and Social Commission on Asia and Pacific, Fourth Session, 12-14 December 2007, Bangkok