ဘလော့ လိပ်စာသစ်သို့ ပြောင်းရွှေ့ခြင်း

(၂၀၀၇) ခုနှစ်မှစ၍ ဘလော့စာမျက်နှာအား ဖွင့်လှစ်ခဲ့ရာ ဖတ်ရှုအားပေးကြသော စာဖတ်ပရိသတ်အပေါင်းအား အထူးပင် ကျေးဇူးတင်ရှိပါသည်။

ယခုအခါတွင် ဘလော့ကို ဖွင့်ရန် အချိန်ကြာမြင့်မှုများ ရှိနေကြောင်း၊ စာဖတ်သူအချို့မှ အကြောင်းကြားလာပါသဖြင့် www.khinmamamyo.info တွင် စာမျက်နှာသစ်ကို ဖွင့်လှစ်ထားပါသည်။

စာမျက်နှာသစ်တွင် အချို့သော စစ်ရေး၊ နိုင်ငံရေး၊ စီးပွားရေး၊ ပညာရေး၊ ကျန်းမာရေးဆိုင်ရာ ဆောင်ပါးများနှင့် ရသစာစုများ (နှစ်ရာကျော်ခန့်)ကိုလည်း ကဏ္ဍများခွဲ၍ ပြန်လည်ဖော်ပြထားပါသည်။


ယခုဘလော့စာမျက်နှာကို ဆက်လက်ထားရှိထားမည်ဖြစ်သော်လည်း ယနေ့မှစ၍ ပို့စ်အသစ်များ ထပ်မံ တင်တော့မည် မဟုတ်ပါကြောင်းနှင့် ပို့စ်အသစ်များကို စာမျက်နှာသစ်တွင်သာ တင်တော့မည်ဖြစ်ပါကြောင်း လေးစားစွာ အသိပေး အကြောင်းကြားပါသည်။


စာမျက်နှာသစ်သို့ အလည်လာရောက်ပါရန်ကိုလဲ လှိုက်လှဲစွာ ဖိတ်ခေါ်အပ်ပါသည်။


လေးစားစွာဖြင့်



ခင်မမမျိုး (၁၇၊ ၁၀၊ ၂၀၁၁)

www.khinmamamyo.info

news from Burma (3)

Sunday, May 4, 2008

မုန်တိုင်းနောက်ဆက်တွဲ

မေ ၄။ ရဲဇင်

ရန်ကုန်နှင့် ဧရာဝတီ မြစ်ဝကျွန်းပေါ် ဒေသကို မွှေနှောက်သွားသော နာဂစ်စ် ဆိုက်ကလုံးမုန်တိုင်းကြောင့် ၂၄၃ ဦး ကွယ်လွန်ကြောင်း အစိုးရ ရုပ်မြင်သံကြားမှ ကြေညာသည်။ ရာသီဥတုနှင့် သဘာဝ ဘေးအန္တရာယ်များတွင် သေဆုံးသူများ အရေအတွက်ကို အစိုးရ သတင်းဌာနများက လျှော့ပေါ့ ကြေညာမြဲ ဖြစ်သည့်အတွက် အမှန်တကယ် သေဆုံးသူ စာရင်းမှာ ထို့ထက် များပြားနိုင်ဖွယ် ရှိသည်။ ရန်ကုန် အပျက်အစီးမှာ ဗုံးဒဏ် အကြီးအကျယ် ခံခဲ့ရသည့် ဒုတိယကမ္ဘာစစ်နောက်ပိုင်း အဆိုးဆုံး ဖြစ်သည်။

မြို့တော်ဟောင်း ရန်ကုန် အပါအ၀င် ရန်ကုန်တိုင်း၊ ပဲခူးတိုင်း၊ မွန်ပြည်နယ်၊ ကရင်ပြည်နယ်တို့နှင့်အတူ အရေးပေါ် အခြေအနေ ကြေညာထားသည့် ဒေသငါးခုအနက် အပါအ၀င်ဖြစ်သော ဧရာဝတီတိုင်းသည် အပျက်အစီးဒဏ် အခံရဆုံး ဖြစ်သည်။ ပျဉ်ထောင်အိမ်၊ တဲအိမ်များမှာ အပျက်စီးဒဏ် အခံရဆုံး ဖြစ်သည်။ ရန်ကုန်လိုပင် သစ်ပင်ကြီးများ ကျွတ်လဲသွားပြီး လူ ရာနှင့်ချီ၍ သေဆုံးသည်။ ထွက်ပေါ်လာသော သတင်းအရ ဧရာဝတီတိုင်းသည် ပျက်စီးမှုနှင့် လူအသေအပျောက် အများဆုံး ဖြစ်သည်။ ပြန်ကြားရေး ၀န်ကြီးဌာနကို အေအက်ဖ်ပီ သတင်းထောက် ဆက်သွယ်မေးမြန်းရာတွင်မူ ဧရာဝတီတိုင်းတွင် ၂၂၂ ဦး၊ ရန်ကုန်တွင် ၁၉ ဦး သေဆုံးကြောင်း ပြောကြားသည်ဟု သိရသည်။ လပ္ပတ္တာမြို့နယ်တွင် အဆောက်အအုံ ၇၅ ရာနှုန်း ပျက်စီးသွားပြီး အိမ် ၂၀ ရာနှုန်း အမိုးလန်ထွက်ကုန်ကြောင်း အစိုးရ ရုပ်သံက ကြေညာသည်။

ရန်ကုန်မြို့မှာမူ ဖရိုဖရဲ ဖြစ်ကျန်ရစ်သည်။ သစ်ပင်များ လမ်းပေါ် ကျွတ်လဲပြီး အဆောက်အအုံမှန်များ ကွဲကျလျက် ရှိသည်။ မုန်တိုင်းမှာ ထိုင်းနိုင်ငံဘက်သို့ ဦးတည်ရွှေ့လျားသွားပြီ ဖြစ်သည်။ မုန်တိုင်းမစဲမီ ရေကြီးရေလျှံခံထားခဲ့ရသည့် လမ်းများပေါ်တွင် အပျက်အစီးများ ပြန့်ကြဲနေခဲ့သည်။ သွပ်မိုးများမှာ လေပြင်းထဲတွင် လွင့်ထွက်သွားကြပြီး နိုင်ငံတကာ သတင်းနှင့် ဘောလုံးပွဲကြည့်ရန် အားကိုးနေရသည့် ဂြိုဟ်တုစလောင်းများပါ လေထဲ လွင့်ပါသွားခဲ့ကြသည်။ လူစည်ကားသော လမ်းဆုံလမ်းခွများတွင် ထောင်ထားသည့် ကြော်ငြာဆိုင်းဘုတ်များပါ သစ်ပင်များလို ကျွတ်ထွက်သွားသည်။ အင်းစိန်၊ လှိုင်သာယာ၊ တောင်ဒဂုံ၊ မြောက်ဒဂုံ၊ ရွှေပြည်သာ၊ မြောက်ဥက္ကလာပ မြို့နယ်များမှ သွပ်မိုးပျဉ်ကာအိမ်များ၊ တိုက်ခံအိမ်များ၊ ပျက်စီးသွားပြီး တဲအိမ်ကလေးများမှာ မရှုမလှ လွင့်ပြိုသွားသည်။ အိမ်ထောင်ပရိဘောဂများ၊ အသုံးအဆောင် ပစ္စည်းများမှာ မြေပေါ်တွင် ဖရိုဖရဲ လွင့်ကျန်နေခဲ့သည်။

လျှပ်စစ်မီးများ ပြတ်တောက်နေဆဲ ဖြစ်သော်လည်း မုန်တိုင်းဒဏ် မခံရမီကတည်းက လျှပ်စစ်မီးမှာ မြန်မာနိုင်ငံတွင် ပုံမှန် ပြတ်တောက်နေမြဲ ဖြစ်၍ မထူးဆန်းတော့ပါ။ ဆင်းရဲသား ရပ်ကွက်များမှာ အပျက်အစီးဒဏ် အခံရဆုံး ဖြစ်သည်။ ပြန်လည် ထူထောင်ရေးနှင့် ပတ်သက်၍ အစိုးရက မယ်မယ်ရရ မကြေညာသေး။

အင်တာနက် လိုင်းများ ဆက်လက် ပြတ်တောက်နေဆဲ ဖြစ်သည်။ အိမ်တယ်လီဖုန်း၊ ဂျီအက်စ်အမ်၊ စီဒီအမ်အေ လိုင်းများပါ ပြန်မကောင်းသေး။ အချို့နေရာများတွင်သာ သုံး၍ ရသည်ဟု ယူဆရသည်။ စမ်းချောင်း မူးယစ်ဆေးဝါး ပြတိုက်ကို လေဘေးကယ်ဆယ်ရေးစခန်းအဖြစ် ဖွင့်ထားသည်။

နေ့စားအလုပ်သမားများ အလုပ်မဆင်းနိုင်သဖြင့် တနေ့လုပ်မှ တနေ့စာ ဈေးဝယ်ရသည့် လက်လုပ်လက်စား မိသားစုများ စားဝတ်နေရေး ထိခိုက်သွားသည်။ မီးလောင်လျှင် မီးဘေးသင့်သည့် ရပ်ကွက်များကို အခြားနေရာများမှ ထမင်းထုပ် လှူဒါန်းကြသော်လည်း ယခု လေဘေးတွင်မူ တမြို့လုံး ခံလိုက်ရခြင်း ဖြစ်၍ ပိုမို အကျပ်အတည်းဆိုက်သွားသည်။ လူထုမှာ လေမုန်တိုင်းဘေးနှင့် နောက်ဆက်တွဲ ပြဿနာများကြောင့် မေ ၁၀ ရက် လူထုဆန္ဒ ခံယူပွဲကို စိတ်မ၀င်စားနိုင်ဘဲ ဖြစ်နေသည်။

(source: www.hittaing.org)

  © Blogger templates Newspaper II by Ourblogtemplates.com 2008

Back to TOP