မုန်တိုင်း အထူးသတင်း
မေ ၃။ ရဲနီထက်၊ ရဲဇင်
မန်မာစံတော်ချိန် ၁၈း၃၀ နာရီ။ ရဲဇင် မြစ်ဝကျွန်းပေါ်ဒေသမှ တယ်လီဖုန်းလိုင်းများ သောကြာ နေ့ ညကတည်းက လုံးဝ ပြတ်တောက်သွားသဖြင့် ရန်ကုန်တိုင်းနှင့် ကပ်နေသော ဧရာဝတီတိုင်းရှိ ပုသိမ်၊ ၀ါးခယ်မ၊ မော်ကျွန်း၊ အိမ်မဲ၊ ကျိုက်လတ် မြို့များ အခြေအနေကို ဆက်သွယ်မရ။ ရန်ကုန် မင်္ဂလာဒုံ လေဆိပ် ပိတ်လိုက်ရပြီ။ အိမ်များ အမိုးလန်ထွက်ကုန်ပြီ။ သစ်ပင်ကြီးများ အမြစ်ကျွတ် ပြိုလဲကျသွား။ လမ်းများ ရေလျှံနေ။ လမ်းပေါ် ရေကြီးနေပြီး ကားများ မသွားနိုင်။ သယ်ယူပို့ဆောင်ရေး ပျက်ယွင်းသွား။ အင်တာနက် ကဖေးများ ပိတ်လိုက်ရ။ မြန်မာ့အသံ ပါ ရပ်သွားပြီ။ သစ်ကိုင်း ကျိုးလဲနေသည့် ယနေ့ရန်ကုန် (အေအက်ဖ်ပီ) ရန်ကုန်သို့ အ၀င်အထွက် လေကြောင်းအားလုံး ဖျက်သိမ်း။ ရန်ကုန်သို့ ဆင်းမည့် လေယာဉ်များ မန္တလေးကွင်းမှာ နေရာပြောင်း ဆင်းသက်ရ။ အင်တာနက်လိုင်းများ ပြတ်တောက်သဖြင့် ပြည်တွင်းမှ ဓာတ်ပုံပို့ရန် အခက်အခဲရှိနေ။ ပန်းရံသမားများ၊ ဆောက်လုပ်ရေးလုပ်ငန်းမှ နေ့စားပေါက်ဆင်းများ၊ ခေါင်းရွက်ဗျပ်ထိုးဈေးသည်၊ ဈေးနှင့် ဆိပ်ကမ်း အထမ်းသမားများ အလုပ်မဆင်းရသဖြင့် နေ့စဉ် ၀င်ငွေ ထိခိုက်သွား။ ကလေးများ ကျောင်းမတက်နိုင်။ အဆင်သင့် ပြင်ဆင်ထားသော မေ ၁၀ ရက် ဆန္ဒခံယူပွဲကို နာဂစ်မုန်တိုင်းက ရွှေ့ဆိုင်းဖွယ်ရှိ။ ၁၆း ၀၀ နာရီ။ ရဲနီထက်
ဘင်္ဂလားပင်လယ်အော်ကို ဗဟိုပြုပြီးဖြစ်ပေါ်လာသော နာဂစ်စ် အမည်ရှိ အင်အားကြီးမားသော ဆိုင်ကလုံးမုန်တိုင်းကြီးသည် မြန်မာစံတော်ချိန် ညနေ ၆ နာရီတိုင်းထွာချက်များအရ ဧရာဝတီတိုင်းကို ဟိန်းကြီးကျွန်းအနီးမှ ဖြတ်ကျော်စဉ် နံနက်၁၀နာရီတွင် လေသည်တစ်နာရီကို မိုင်၅၀ မှ ၆၀ ထိတိုက်ခတ်ခဲ့ပြီး နေ့လည်ဖက် ၁၂ခန့်တွင် တစ်နာရီ မိုင် ၇၀ အထိ တိုက်ခတ်ခဲ့သည်။ ညနေ ၂း၃၀ တွင် ၁၂၀ခန့်အထိ တိုက်ခတ်ခဲ့ပါသည်။ မုန်တိုင်းကြီးသည် ယနေ့ညနေ၅ နာရီ တိုင်းထွာချက်များအရ သမီးလှ ကျွန်းကို ဗဟိုပြုလျက်ရှိပြီး ယင်းသည်အရှေ့ဖက်သို့ တစ်နာရီကို ၁၅ မိုင်နှုန်းဖြင့်ရန်ကုန်မြို့၏ တောင်ဖက်မှဆက်လက် ရွေ့လျားနေခဲ့သည်။
နောက်ထပ် ၃၆ နာ၇ီတွင် ကုန်းတွင်းပိုင်းကို ကုန်းတွင်းမုန်တိုင်းငယ် အဖြစ်ဖြင့် ထိုင်းနိုင်ငံမြောက်ပိုင်းသို့ ၀င်ရောက်မည်ဟု ခန့်မုန်းရသည်။ မုန်တိုင်းကြီးရအရွယ်မှာ အချင်းဝက်မိုင် ၁၅၀ ခန့်ရှိသဖြင့် မုန်တိုင်းကြီး၏ ဒဏ်ကို အရှေ့မြောက်ဖက်တွင် သာယာဝတီမြို့ နှင့် ရန်ကုန်အစပ်အထိ လည်းကောင်း မြောက်ဘက်တွင် ဂွမြို့အထိလည်းကောင်း အနည်းဆုံး လေတိုက်နှုန်းအားဖြင့် ၄၀မိုင်အထိလည်းကောင်း တိုက်ခတ်နိုင်ပါသည်။ အများဆုံး တနာရီ ၇၅ မိုင်နှုန်းအထိ ပုသိမ်၊ မြောင်းမြ၊မော်လမြိုင်ကျွန်း၊ ကြုံမငေး၊ချောင်းသာ၊ငွေဆောင် ဘိုကလေး မြို့စသောဒေသများတွင် ကြုံတွေ့နိုင်ပါသည်။ မုန်တိုင်းကြီးသည် နောက် ၆ နာရီအတွင်း အရှေ့ဖက်သို့ ဆက်လက်ရွေ့လျားပြီး အားပျော့လာမည်ဟု ခန့်မှန်းရပါသည်။ မုန်တိုင်းကြီး အရှိန်ကြောင့် ဧရာဝတီတိုင်း၊ပဲခူးတိုင်း ရခိုင်ပြည်နယ် ကရင်ပြည်နယ်တို့တွင် နေရာအနှုံ့ မိုးရွာပြီး မြစ်ဝကျွန်းပေါ်တွင် ပင်လယ်မျက်နှာပြင်ဒီရေသည် ၁၂ပေအထိ မြင့်တက်နိုင်ပါသည်။ မုန်တိုင်းကြောင့် နအဖတို့အနေနှင့် သူတို့ ကျင်းပပြုလုပ်မည့် ဆန္ဒခံယူပွဲရက်ကို ရွေ့ ဆိုင်းရန် ပြင်ဆင်နေပါသည်၊
လက်ရှိ အခြေအနေမှာ ကမ္ဘာအေး ဘုရားလမ်းတောက်လျှောက် သစ်ပင်များ ကားလမ်းပေါ်သို့ လဲကျနေ။ ရန်ကုန်မြို့တွင်း ရုပ်သံဂြိုဟ်တုစလောင်း အင်တာနာများ ပြုတ်ကျပျက်စီးနေ၊ ဓာတ်တိုင်များ ပြိုလဲကျ၊ မီးဖြတ်ထား၊ သမ္မတဟိုတယ်ရှေ့ ညောင်ပင် သမ္မတဟိုတယ်ပေါ် လဲကျပိနေ။ နောက်တနာရီအတွင်း မုန်တိုင်းထပ်ဝင်လာမည်ဖြစ်၍ အိမ်ပြင်မထွက်ကြရန် ရပ်ကွက်များ၌ လိုက်လံဆော်သြနေပါသည်။
(source: www.hittaing.org)