ဒေဝူးမြန်မာပြည်ကထွက်သွား
(အခုတလော ယူကေနိုင်ငံမှာ အခြေစိုက်တဲ့ ရေနံနဲ့သဘာဝဓာတ်ငွေ့ပိုင်းဆိုင်ရာ ၀န်ဆောင်မှုတွေကို မြန်မာပြည်ပရောဂျက်မှာ စာချုပ်ချုပ်လုပ်ကိုင်ဖို့ ဒေ၀ူးကနေ ကမ်းလှမ်းနေတဲ့ သတင်းတွေ ကြားရပါတယ်။ ဒီလုပ်ငန်းတွေကို မြန်မာပြည်ပရောဂျက်မှာ မပါဝင်ဖို့ ကင်ပိန်းလိုက်လုပ်နေရင်းနဲ့ လွန်ခဲ့တဲ့နှစ်နှစ်က ဆောင်းပါးလေးတပုဒ် ရေးခဲ့ဖူးတာကို သွားပြီးသတိရမိပါတယ်။)
၂ဝဝ၆ခုနှစ်၊ နိုဝင်ဘာလ(၁၅)ရက်။
တတိယအကြိမ်မြောက် ကမ္ဘာအနှံ့ဆန္ဒပြပွဲများ ခြိမ်းခြိမ်းညံသောနေ့။ “ဒေဝူးမြန်မာပြည်ကထွက်သွား”ဟူသော ကြွေးကြော်သံများတခဲနက်ထွက်ပေါ်လာသည်။ ထုတ်ဖော် ဟစ်ကြွေးခွင့်မရသော မြန်မာပြည်သူထူထု၏ နှလုံးသားပဲ့တင်သံများမှာလဲ ကမ္ဘာအရပ်ရပ်မှ မြန်မာများနှင့် တထပ်တည်း။ တသားတည်း။
ကုမ္ပဏီတစ်ခုအား ဝိုင်းဝန်းမောင်းထုတ်နေရသည်မှာ အကြောင်းရင်း မသိလျှင်တော့ မြန်မာပြည်သားများ စီးပွားရေး အမြင်မရှိဟူ၍ ထင်ချင်စရာရှိသည်။ နအဖအကြိုက်ဆောင် ပညာရှင်ဆိုသူများကလဲ ဝေဖန်ကြသည်။ မြန်မာပြည်အား စီးပွားရေးမပိတ်ဆို့ပဲ၊ စီးပွားရေးလမ်းများဖွင့်ပေးသင့်သည်ဆိုပဲ။ ထိုသို့သောလူများကား ဒေဝူးနှင့် နအဖတို့၏ ရွှေသဘာဝဓာတ်ငွေ့စီမံကိန်းအား၊ အားတက်သရော ထောက်ခံကြသည်။ (၁၉၈၉)ခုနှစ်မှ (၁၉၉၆)ခုနှစ်ကာလတွင်စစ်အာဏာရှင်တို့ ထုတ်ပြန်ခဲ့သော ကူးသန်းရောင်းဝယ်ရေးဥပဒေများ၊ ရင်းနှီးမြှုပ်နှံရေး ဥပဒေများကိုသာ စနစ်တကျလေ့လာကြည့်လျှင် စီးပွားရေးခြွတ်ခြုံကျမှု ပြဿနာ အရင်းခံများသည် နိုင်ငံတကာစီးပွားရေးပိတ်ဆို့မှုကြောင့်လား၊ စစ်အာဏာရှင်တို့ ပေါ်လစီညံ့ဖျင်းမှုများ၊ လာဘ်ပေးလာဘ်ယူမှုများကြောင့်လားဆိုသည့် အဖြေကား ထွက်ပေါ်လာပါလိမ့်မည်။ ဖက်စပ်စီးပွားရေး လုပ်ငန်းများတွင် ကိုယ်တိုင်ဖြစ်စေ၊ မိသားစုမှဖြစ်စေ ပါဝင်လုပ်ဆောင်ခဲ့သူများ အသိဆုံးပင်ဖြစ်မည်။ စနစ်တကျ လေ့လာစူးစမ်းပြီးမှ ပြောဆိုသည်မှာ ပိုမိုကောင်းမွန်ပါမည်။ အကြောင်းအရာတခုကို ဘက်လိုက်မပြောဆိုသင့်ပါ။ အမှန်တရားဆိုလျှင် ရန်သူကလုပ်လျှင်လဲ ချီးကျူးရမည်။မိတ်ဆွေမှလုပ်လျှင်လဲ အားပေးရမည်။ အမှားဆိုလျှင်တော့ ရန်သူကလုပ်လျှင်လဲ ဆန့်ကျင်ရမည်။ မိတ်ဆွေမှလုပ်လျှင်လဲ ထောက်ပြရမည်။ ဝေဖန်ရမည်။ ဤသည်ကား လူ့ကျင့်ဝတ်။
‘ဒေဝူးမြန်မာပြည်ကထွက်သွား’ဟူသော ကြွေးကြော်သံများ အဘယ်ကြောင့်ထွက်ပေါ်ခဲ့ပါသနည်း။
(၂ဝဝ၄)ခုနှစ်တွင် ဘင်္ဂလားပင်လယ်ပြင်၌ သဘာဝဓာတ်ငွေ့သိုက်တစ်တွင်းတူးဖော် တွေ့ရှိကြောင်း၊ ခန့်မှန်းတန်ဖိုးဒေါ်လာ (၄ဝ)ဘီလီယံရှိကြောင်း၊ ဒေဝူးမှကြေညာသည်။ ယင်းနောက် အိန္ဒိယနိုင်ငံတွင်အဆုံးသတ်ပြီး၊ မြန်မာနိုင်ငံမှ ရခိုင်နှင့်ချင်းပြည်နယ်ကို ဖြတ်သန်းသွားမည့် ဓာတ်ငွေ့ပိုက်လိုင်း စီမံကိန်းကြီး ထွက်လာသည်။ ဖြစ်ပေါ်လာမည့် အကျိုးဆက်များမှာကား
(၁)သဘာဝပတ်ဝန်းကျင်
ဓာတ်ငွေ့ထုတ်ဖော်ရာတွင်သုံးသော drilling mudများတွင် polycydric aromatic hydro carbons, barium, arsenic စသည့် ဓာတ်ငွေ့များ၊ ရေဒီယိုသတ္တုကြွပစ္စည်းများ radio active materials (e.g.radium၂၂၆) နှင့် အခြားပတ်ဝန်းကျင် ညစ်ညမ်းစေသော ဓာတ်သတ္တုများပါဝင်သည်။ ထို့အပြင် စွန့်ပစ်ပစ္စည်းများကို စနစ်တကျမစွန့်ပစ်ပါက toxic brine သည် စိုစွတ်မြေနှင့် သားငါးသတ္တဝါများပေါ်တွင် ဆိုးဝါးစွာ သက်ရောက်စေနိုင်သည်။ သို့ဖြစ်၍ သဘာဝဓာတ်ငွေ့ပိုက်လိုင်း မတည်ဆောက်ခင်တွင် နိုင်ငံတကာ လုပ် ထုံးလုပ်နည်းများအတိုင်း သဘာဝပတ်ဝန်းကျင်အကျိုးသက်ရောက်မှု ဆန်းစစ်ချက်များပြုလုပ်ရပါသည်။ ရွှေစီမံကိန်းတွင်ကား ယင်းသို့သောဆန်းစစ်ချက်များ ပြုလုပ်ထားခြင်းမရှိပါ။
(၂)ဒေသခံပြည်သူများ
ပိုက်လိုင်းစီမံကိန်းတလျှောက်တွင် ကျေးရွာအများအပြားရှိနေသည်။ လုပ်ထုံးလုပ်နည်းအမှန်ကား တတ်နိုင်သမျှ ပြည်သူများ မထိခိုက်စေရန် ပိုက်လိုင်းများ ရေးဆွဲရပါသည်။ မလွဲမရှောင်သာလျှင်ကား ဒေသခံများနှင့်ညှိနှိုင်း၍ နစ်နာကြေးပေးခြင်း၊ နေရာချထားခြင်း စသည်များပြုလုပ်ရပါသည်။
နအဖတို့သမိုင်းတလျှောက်တွင်ကား နစ်နာကြေးပေးဖို့ဝေးစွ။ သေနတ်ပြ၍မြေယာများသိမ်းဆည်းသည်။ ရွာများပြောင်းရွှေ့သည်။ ဒေသခံများဘဝကား အိုးပစ်အိမ်ပစ်၍ လုပ်ကိုင်စားသောက်ရန် ခက်ခဲသော နေရာများသို့ ရွှေ့ပြောင်းခံရရုံနှင့်လဲ မပြီးသေး။ အတင်းအကြပ်လုပ်အားပေးစေခိုင်းခံရမှုများ၊ လုံခြုံရေး အကြောင်းပြ၍ နယ်မြေခံစစ်အင်အားများတိုးချဲ့ကာ အနိုင်ကျင့်စော်ကား ရက်စက်ခံရမှုများ ကလဲရှိသေးသည်။
(၃)ဒေဝူးကုမ္ပဏီ
သန်းပေါင်းများစွာသော ဒေါ်လာများရပါလိမ့်မည်။ သဘာဝပတ်ဝန်းကျင် ဆန်းစစ်ချက်လဲလုပ်ရန်မလို၊ နစ်နာကြေးများလဲပေးရန်မလို၊ ပိုက်လိုင်းလုံခြုံရေးဝန်ထမ်းများလဲ ငှားရန်မလို၊ လုပ်ခကြေးငွေများလဲ လုပ်အားနှင့်အညီ ပေးရန်မလို၊ ကံကောင်းလျှင် အခမဲ့လုပ်သားများလဲရနိုင်သည်ဆိုတော့ မျက် ဖြူဆိုက်လေ၊ ဆရာကြိုက်လေဖြစ်နေသည်။ ဤသည်ကိုက ဒေဝူးတွင် စီးပွားရေးလုပ်ငန်းတို့ စောင့်ထိန်းရမည့် ကျင့်ဝတ်သိက္ခာမဲ့ကြောင်း ထင်ရှားနေသည်။
လောကတွင်အရာရာ၌ ကျင့်ဝတ်ဆိုသည်မှာ ရှိပါသည်။ အမှန်တရားနှင့် တာဝန်ယူမှုသည် လူ့သိက္ခာ၊ အဖွဲ့အစည်းတစ်ရပ်၏ သိက္ခာပင်ဖြစ်သည်။ သိက္ခာရှိသည်ဆိုလျှင် သုဘရာဇာပင်တန်ဖိုးရှိသည်။ ညအချိန်မတော် အုတ်ဂူခိုးဖောက်သူုများကို အသက်နှင့်ရင်းပြီးရင်ဆိုင်သူ၊ သုဘရာဇာ၏ ဂုဏ်သိက္ခာကား၊ ကျက်သရေရှိလှသည်။ ထို့အတူပင် တရားမျှတစွာ၊ သမာသမတ်တည်စွာ ကောင်းရောင်းကောင်းဝယ် လုပ်ကိုင်သူသည် တိုင်းပြည်၏ ကျက်သရေဆောင် ကုန်သည်ပွဲစား၊ စီးပွားရေးသမားဖြစ်သည်။ ထိုသို့မဟုတ်ပဲ ဖြတ်လမ်းလိုက်အချောင်နှိုက်ကာ ကြီးပွားချင်သူများ (လူပွဲစားများ၊ မူးယစ်ဆေးဝါး ရောင်းဝယ်ဖောက်ကားနေသူများ) ဆိုသည်ကား စီးပွားရေးသမားမဟုတ်။ မသမာသူများ၊ အခွင့်အရေး သမားများ၊ သူတပါးမျက်ရည်နှင့် ထမင်းစားသူများသာဖြစ်သည်။
လူတစ်ဦးချင်း၏ ကျင့်ဝတ်ပင်လျှင် ဤမျှအရေးကြီးသည်ဆိုလျှင် စီးပွားရေးလုပ်ငန်းတစ်ခု စောင့်ထိန်းရမည့်ကျင့်ဝတ်ဆိုလျှင်ကား အဘယ်သို့ဆိုဖွယ်အံ့နည်း။ သည်သို့ဆိုလျှင် အပြစ်မဲ့ လူအများအား ချိန်ရွယ်ထားသော သေနတ်ထဲသို့ ကျည်ဆန်များထည့်ပေးနေသော ဒေဝူးအား မြန်မာပြည်သားများက ‘ဒေဝူးမြန်မာပြည်က ထွက်သွား” ဟူ၍မောင်းမထုတ်သင့်ပေဘူးလား။ မထွက်မချင်း မောင်းထုတ်ဖို့ကြိုးပမ်းနေရမည်ကား မြန်မာအားလုံး၏ တာဝန်တစ်ရပ် ဖြစ်၍နေပေပြီ။
(၄)နအဖ
ရွှေစီမံကိန်းမှအမေရိကန်ဒေါ်လာ၁၂ဘီလီယံမှ ၁၇ဘီလီယံအား နအဖတို့ ရရှိမည်ဖြစ်ပါသည်။ နအဖတို့၏ မသမာမှုများအားပြောရလျှင် စာဖွဲ့၍မကုန်နိုင်ပါသောကြောင့် ဤဆောင်းပါးတွင် ပြောမနေတော့ပါ။ တစ်ခုပဲဆုတောင်းမိပါသည်။ “ဤဘီလီယံဒေါ်လာများသည် စိန်များအဖြစ်သို့မပြောင်းပဲ ဆေးရုံများ၊ စာသင်ကျောင်းများအဖြစ်သို့ ပြောင်းလဲခွင့်ရပါစေ” ဟူ၍။ ဆုတောင်း၍သာ နေရပေမယ့်လည်း သေချာနေသည်ကတော့ နအဖဆွေမျိုးသားချင်းများ၏ တိုက်တာအိုးအိမ်များ၊ စိန်ရွှေရတနာများ အဖြစ်သို့ ပြောင်းလဲသွားလိမ့်မည်မှာ မြေခတ်မလွဲဖြစ်နေလေတော့....................။
သို့ဖြစ်ရာ အနှစ်ချုပ် ဆိုရသော်ကား၊
‘ဒေဝူးမြန်မာပြည်ကထွက်သွား’
ခင်မမမျိုး (နိုဝင်ဘာ၊ ၂၀၀၆)