People's Revolution

လူထုတော်လှန်ရေး - အဂ်ါခြောက်ရပ်၊ စစ်မျက်နှာငါးသွယ် (အပိုင်း-၁)

ကမ္ဘာ့သမိုင်းအဆက်ဆက်တွင် ပုံသဏ္ဍာန်အမျိုးမျိုးသော လူထုတော်လှန်ရေးများဖြင့် စနစ်ဆိုးများ ပြောင်းလဲခဲ့ကြသည်။ အာဏာရှင်အစိုးရများ ပြုတ်ကျခဲ့ကြသည်။ အဆိုပါ လူထုတော်လှန်ရေးများကို လေ့လာ၍ နိုင်ငံရေး သိပ္ပံပညာရှင် မိုက်ကယ်အီလွက်ဘိတ်မင်က နှစ်ဆယ်ရာစုနှောင်းပိုင်းကာလ စစ်မဟာဗျူဟာလေ့လာရေးပညာရပ်တွင် အရေးကြီးဆုံး စစ်ပွဲပုံသဏ္ဍာန်တခုဖြစ်သော လူထု တော်လှန်ရေးပုံစံ ကို ဖော်ထုတ်ခဲ့သည်။ စစ်မဟာဗျူဟာ ပညာရှင် လော့ရင့်၏ Seven Pillars of Wisdom နှင့် ၀င်းဂိတ်၏ military philosophies များသည် ဖိနှိပ်မှုများကြောင့် ပေါ်ပေါက်လာသော တော်လှန်ရေးယဉ်ကျေးမှုရှိနေသည့် နိုင်ငံများအတွက် ဆီလျော်မှုမရှိသည်ကို တွေ့ရှိရာမှ အင်္ဂါခြောက်ရပ်နှင့် စစ်မျက်နှာငါးသွယ်ပေါ်တွင် အခြေတည်ထားသော လူထုတော်လှန်ရေးပုံစံ ပေါ်ပေါက်လာရခြင်းဖြစ်သည်။

အင်္ဂါခြောက်ရပ်

မည်သည့် တော်လှန်ရေးတွင်မဆို တော်လှန်ရေးနှင့် လျော်ညီသော အဂါင်္ရပ်များ ပြည့်စုံရမည်ဖြစ်သည်။ လေ့လာဆန်းစစ်ချက်များအရ လူထုတော်လှန်ရေးပုံစံ အဂါင်္ခြောက်ရပ်နှင့်ညီသော တော်လှန်ရေးများ (ဥပမာ- အစ်ဒိုချိုင်းနား၊ အယ်ဂျီးရီးယား၊ ကျူးဘား) တွင် လူထုမှ အောင်ပွဲခံနိုင်ခဲ့ပြီး၊ အဂါင်္ခြောက်ရပ်ပြည့်စုံအောင် မဖန်တီးနိုင်ခဲ့သော တော်လှန်ရေးများ (ဂရိ၊ မလေး၊ အင်ဒိုနီးရှား) တွင်မူ အောင်ပွဲရရန် နှောင့်နှေးခဲ့ရသည်။

အဆိုပါ လူထုတော်လှန်ရေး အင်္ဂါခြောက်ရပ်မှာကား

(၁) တော်လှန်ရေးအလားအလာ

(၂) တော်လှန်ရေးအခြေအနေ

(၃) တော်လှန်ရေးဦးဆောင်မှုနှင့် ဦးဆောင်အဖွဲ့အစည်း

(၄) လူထုပံ့ပိုးမှု

(၅) အားသာချက်ရှိသော ပထ၀ီဝင် နိုင်ငံရေးအခြေအနေများ

(၆) စစ်မျက်နှာအားလုံးတွင် စနစ်ကျသော ပူးပေါင်းဆောင်ရွက်မှု စသည်တို့ဖြစ်ကြသည်။

(၁) တော်လှန်ရေးအလားအလာ

တိုင်းပြည်တပြည်တွင် အုပ်ချုပ်သူအစိုးရမှ ပြည်သူလူထုအား မတရားဖိနှိပ်ချုပ်ခြယ်မှုများ ပြုလုပ်သောအခါ၊ တိုင်းသူပြည်သားများတွင် မိမိတို့၏ နိုင်ငံရေးနှင့်စီးပွားရေးရာ အမြင်များကို လွတ်လပ်စွာ ဖော်ထုတ်ပြောဆိုခွင့် မရှိသောအခါ၊ တိုင်းပြည်အုပ်ချုပ်မှုမူဝါဒများသည် လူ့ဘောင်တွင် ဖြစ်ပေါ်နေသော ပြောင်းလဲမှုများဖြင့် မကိုက်ညီသောအခါနှင့် အုပ်ချုပ်မှုစနစ်နှင့် အုပ်ချုပ်သူများတွင် ပြည်တွင်းအခြေအနေ ယိုယွင်းပျက်စီးမှုများကို ပြုပြင်နိုင်သော စွမ်းရည်များ မရှိသောအခါ တော်လှန်ရေးအလားအလာတရပ်သည် ပေါ်ပေါက်လာရစမြဲသာ ဖြစ်သည်။

လူ့ဘောင်တရပ်တွင် ထိုသို့သော တော်လှန်ရေးအလားအလာ အမြစ်တွယ်နေပြီဆိုပါက ဒုတိယအင်္ဂါရပ်ဖြစ်သော တော်လှန်ရေးအခြေအနေတခု ပေါ်ပေါက်လာရန်လိုအပ်သည်။ အထွေထွေသပိတ်များ၊ အာဏာဖီဆန်မှုများသည် အဆိုပါ တော်လှန်ရေး အခြေအနေတခု ပေါ်ပေါက်လာစေရန် မြှင့်တင်ပေးသော နည်းလမ်းများဖြစ်ကြသည်။

(ဆက်လက်ဖော်ပြပါမည်)

ခင်မမမျိုး (၃၀၊ ၈၊ ၂၀၀၈)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

Career guidance: actuary

Actuarial Profession အကြောင်း သိကောင်းစရာ

ကျွန်မဆီကို နိုင်ငံခြားတိုင်းပြည်တစ်ခုမှာ ရောက်နေတဲ့ မြန်မာတယောက်က career တွေနဲ့ ပတ်သက်ပြီး ဆောင်းပါးလေးတွေရေးဖို့အကြံပေးလာပါတယ်။ ကျွန်မ expert တယောက် မဟုတ်ပါ။ ဒါပေမယ့် သိသမျှလေးတွေကို ပြန်လည်မျှဝေပေးပါမယ်။ ပြည်ပရောက်မြန်မာများအတွက် ပြည်ပရောက်နေစဉ်ကာလတလျှောက်မှာလဲ အလုပ်အကိုင်အတွက် အဆင်ပြေနိုင်၊ နောင်တချိန် ဒီမိုကရေစီတိုက်ပွဲအောင်မြင်ပြီးတဲ့အခါ တိုင်းပြည်တည်ဆောက်ရေးမှာလည်း ပြန်လည်အကျိုး ဖြစ်စေနိုင်မယ့် professional career လေးတွေကို ဖော်ပြပေးပါမယ်။ အခုပထမဦးဆုံးအနေနဲ့ Actuarial Profession လေးနဲ့ စကြရအောင်ပါ။

ကျွန်မတို့ မြန်မာအများစုက သင်္ချာဘာသာရပ်မှာ ထူးချွန်ကြပါတယ်။ နိုင်ငံခြားတက္ကသိုလ်တခုမှာ ကျောင်းတက်တဲ့ မြန်မာအများစုဟာ တခြားဘာသာရပ်မှာသာ အနည်းငယ်ပိုကြိုးစားတတ်ရပေမယ့် သင်္ချာမှာတော့ သူများရှေ့က ဦးဆောင်နိုင်ကြကြောင်း ကျောင်းသားအများစုက တညီတညွတ်တည်း ပြန်ပြောတတ်ကြပါတယ်။ ဒီလိုအတွက်အချက်ပိုင်းမှာ ထူးချွန်ကြတာကြောင့်လည်း၊ ပြည်ပမှာ ဘွဲ့ကြို၊ ဘွဲ့လွန်ရ မြန်မာအင်ဂျင်နီယာ၊ မြန်မာ ကွန်ပျူတာ ပညာရှင်တွေ အများကြီး ပေါ်ပေါက်နေပါတယ်။ ကမ္ဘာ့အဆင့်အတန်းမှီ လုပ်ငန်းကြီးတွေမှာ အများနဲ့တန်းတူ တာဝန်ထမ်းနေကြပါတယ်။ တကယ်လို့များ ပြည်ပရောက်မြန်မာတယောက်အနေနဲ့ အတွက်အချက်ပိုင်းတွေလဲ စိတ်ဝင်စားတယ်၊ အင်ဂျီနီယာ၊ ကွန်ပျူတာပိုင်းကိုသာ ၀ါသနာမပါဘူးဆိုရင်တော့ Actuarial Profession ကိုေ၇ွးချယ်ဖို့ အကြံပြုချင်ပါတယ်။

Actuary ဆိုတာ ဘာလဲ

Actuary ဆိုတာ လက်ရှိနိုင်ငံတကာ စီးပွားရေးလုပ်ငန်းတွေကို အကျိုးပြုနေသူများဖြစ်ကြပါတယ်။ အသွင်သဏ္ဍာန်ပုံစံအမျိုးမျိုးနဲ့ပါ။ ပြဿနာဖြေရှင်းသူတွေ၊ အကြံပေးပုဂ္ဂိုလ်တွေ၊ စီးပွားရေးလုပ်ငန်း ဆန်းစစ်သူတွေနဲ့ ဘဏ္ဍာရေးဆိုင်ရာ risk တွေကို ဆန်းစစ်သူများ ဖြစ်ကြပါတယ်။ လက်ရှိသတင်းအချက်အလက်တွေနဲ့ ယခင်ကဖြစ်ခဲ့တဲ့ အကြောင်းအရာတွေပေါ် မူတည်ပြီး၊ အနာဂတ်ကို ပုံဖော်သူများ ဖြစ်ကြပါတယ်။ ဘဏ္ဍာရေးဆိုင်ရာနဲ့ စာရင်းအင်းဆိုင်ရာ သီအိုရီများကို အသုံးပြုပြီး၊ မသေချာမရေရာတဲ့ အနာဂတ်ထဲမှာ ဖြစ်ပျက်လာနိုင်မယ့် အကြောင်းအရာတွေကို ဆန်းစစ်သူများဖြစ်ပါတယ်။

ဒီ Profession ဟာ မူလအစတုန်းက consultancy ကဏ္ဍ၊ ရင်းနှီးမြှုပ်နှံမှုကဏ္ဍ၊ အသက်အာမခံကဏ္ဍနဲ့ အထွေထွေအာမခံကဏ္ဍ၊ ပင်စင်ကဏ္ဍတွေကနေ စတင်လာခဲ့ရာက၊ အခုဆိုရင် ဘဏ္ဍာရေးကဏ္ဍ၊ ပျက်စီးဆုံးရှုံးမှုကဏ္ဍ၊ ကျန်းမာရေးစောင့်ရှောက်မှုကဏ္ဍ နဲ့ နိုင်ငံရေး၊ စီးပွားရေးဆိုင်ရာ risk analysis ကဏ္ဍများအထိ ကျယ်ကျယ်ပြန်ပြန့် တိုးချဲ့ဝင်ရောက်လာတာမို့ actuary တွေကို ကမ္ဘာ့စီးပွားရေးအခြေအနေတွေက တန်ဖိုးထားတောင်းဆိုလာပါတယ်။

အကျိုးခံစားခွင့်အနေနဲ့အပိုင်းမှာကျတော့ qualified actuary တယောက်ရဲ့ အခြေခံလစာဟာ တနှစ်ကို ပျမ်းမျှဒေါ်လာခြောက်သောင်း ဖြစ်ပါတယ်။ ယူကေနိုင်ငံ Remuneration Economics က salary survey လုပ်တဲ့အခါမှာ လုပ်သက် ငါးနှစ်အထက် actuary များရဲ့ တနှစ်တာ ပျမ်းမျှလစာဟာ စတာလင်ပေါင် ခြောက်သောင်း (ဒေါ်လာတစ်သိန်းကျော်) ရှိပါတယ်။

Actuary တယောက်ဖြစ်အောင် ဘယ်လိုလုပ်မလဲ

Physician တယောက်ဖြစ်ဖို့အတွက် Royal College of Physicians (UK) စာမေးပွဲ (သို့) အလားတူစာမေးပွဲများကို ဖြေဆိုပြီး MRCP ရအောင် လုပ်ယူရပါတယ်။ ရှေ့နေတယောက်ဖြစ်ဖို့အတွက်လည်း Legal Practice Course (LPC) (သို့) Bar Vocational Course (BVC) နဲ့ အလားတူ စာမေးပွဲတွေကို အောင်ပြီးမှသာ solicitor, Barrister တွေအနေနဲ့ အသက်မွေးလို့ရပါတယ်။ ဒီလိုပါပဲ။ Actuary တယောက်ဖြစ်ဖို့အတွက်မှာလဲ Institute of Actuaries (UK) (သို့) အလားတူစာမေးပွဲများကို ဖြေဆိုအောင်မြင်ပြီး၊ သတ်မှတ်ထားတဲ့ လုပ်သက်နဲ့ အတွေ့အကြုံတွေ ပြည့်မှီရင် ပေးအပ်တဲ့ FIA (UK) ဘွဲ့ကို ရရှိဖို့ လိုအပ်ပါတယ်။

တခုခြွင်းချက်ကတော့ FIA (UK) စာမေးပွဲကို ဖြေဆိုခွင့်ရနိုင်ဖို့၊ actuarial science ဘွဲ့ မလိုအပ်ပါဘူး။ အချို့သော ကျောင်းသားများက ဒီဘွဲ့ကို အရင်ကြိုတက်ထားတတ်ကြပါတယ်။ ဒီလိုဆိုရင်တော့ part- 1 ထဲက ဘာသာရပ်တချို့ကို ဖြေဆိုစရာမလိုပဲ ကင်းလွတ်ခွင့်ရနိုင်ပါတယ်။ တချို့ကတော့ MSc Actuarial Science ကို အရင်ကြိုတက်ထားတာလဲရှိပါတယ်။ သက်ဆိုင်ရာ တက္ကသိုလ်ပေါ်မူတည်ပြီး၊ part- 1 ထဲက ဘာသာရပ်တချို့ကို ဖြေဆိုစရာမလိုပဲ ကင်းလွတ်ခွင့်ရနိုင်ပါတယ်။

ဒီလို actuarial science ဘွဲ့မလိုအပ်ပေမယ့် အတွက်အချက်ဘာသာရပ်များအများဆုံးပါဝင်တဲ့ ဘွဲ့တခုကတော့ ရထားဖို့ လိုအပ်ပါတယ်။ ဖြေဆိုခွင့်တင်ကြသူတွေ ရထားလေ့ရှိတဲ့ ဘွဲ့ဒီဂရီတွေကတော့ mathematics, statistics, Finance, Economics, Engineering, Physics စတာတွေ ဖြစ်ပါတယ်။ ရထားတဲ့ဘွဲ့ဟာ ဂုဏ်ထူးဘွဲ့ဖြစ်ရမှာဖြစ်ပြီး၊ ဘွဲ့ရဖို့ သင်ကြားခဲ့ရတဲ့ ဘာသာရပ်စုစုပေါင်းရဲ့ လေးပုံသုံးပုံလောက်မှာ credit မှတ်နဲ့ အောင်မြင်ထားရမှာဖြစ်ပါတယ်။ ယူကေမှာဆိုရင်တော့ (2:1) ဒီဂရီအဆင့်ဖြစ်ပါတယ်။

သက်ဆိုင်ရာ Institute တွေကနေ ဖြေဆိုခွင့် လက်ခံလိုက်တာနဲ့ အဆင့် လေးဆင့် ရှိတဲ့ စာမေးပွဲကို စတင်လေ့လာဖြေဆိုရမှာဖြစ်ပါတယ်။ ပထမအဆင့်ကတော့ Core Technical Stage ဖြစ်ပါတယ်။ ဒီအဆင့်မှာ ဘာသာရပ် ကိုးခုရှိပါတယ်။ ရှစ်ခုကိုတော့ အေပြီလနဲ့ စက်တင်ဘာလတွေမှာ ကျင်းပနေကျ စာမေးပွဲတွေမှာ ၀င်ရောက်ဖြေဆိုရပါမယ်။ တဘာသာကို သုံးနာရီမေးခွန်းဖြစ်ပါတယ်။ နောက်ဆုံးတခုကိုတော့ ၂ရက်ကြာ residential course ကို တက်ရောက်ရပါမယ်။ မတက်ရောက်ခင်မှာ ဖတ်ကြားလာရမယ့် စာတွေကို ကြိုတင်ပေးထားမှာဖြစ်ပြီး၊ သင်တန်းအပြီးမှာ စာမေးပွဲ ဖြေဆိုရမှာ ဖြစ်ပါတယ်။

ဒီအဆင့်ကို ချောမွေ့စွာ ဖြတ်ကျော်နိုင်သွားပြီးရင် Core Applications Stage ကို ရောက်သွားပါတယ်။ ဒီအဆင့်မှာ ဘာသာရပ် သုံးခုရှိပြီး၊ ပထမဆုံးဘာသာရပ်ကိုတော့ ခြောက်နာရီကြာ စာမေးပွဲနဲ့ တတိယဘာသာရပ်ကိုတော့ သုံးနာရီကြာ စာမေးပွဲဖြေဆိုရပါမယ်။ ဒုတိယဘာသာရပ်ကိုကျတော့ residential course နှစ်ရက်ကြာ တက်ရောက်ရာမှာဖြစ်ပြီး၊ practical assessment ကို အောင်မြင်ရပါမယ်။

ဒီအဆင့်အောင်မြင်သွားရင်တော့ တတိယအဆင့်ဖြစ်တဲ့ Specialist Technical Stage ကို ရောက်ရှိပါမယ်။ ဒီနေရာမှာ ဘာသာရပ် ခုနစ်ခုထဲကနေ ဘာသာရပ်နှစ်ခုကိုသာ ရွေးချယ်ဖြေဆိုရမှာ ဖြစ်ပါတယ်။ Banking sector, Corporate Finance Sector, Wealth Management Sector တွေမှာ လုပ်ကိုင်နေသူများက Finance and Investment ကိုရွေးချယ်လေ့ရှိကြပြီး၊ အာမခံပိုင်းဆိုင်ရာ၊ ကျန်းမာရေးစောင့်ရှောက်မှုပိုင်းဆိုင်ရာ၊ ပင်စင်ပိုင်းဆိုင်ရာ တွေမှာ လုပ်ကိုင်နေကြသူများကလည်း မိမိတို့နဲ့ သက်ဆိုင်တာတွေကို ရွေးချယ်လေ့ရှိကြပါတယ်။

တတိယအဆင့်အောင်မြင်သွားရင်တော့ စတုတ္ထအဆင့်ကို ရောက်ပြီဖြစ်ပါတယ်။ ဒါဟာ နောက်ဆုံးအဆင့်ပါ။ Specialist Applications Stage ဖြစ်ပါတယ်။ ဒီအဆင့်မှာတော့ တဘာသာတည်းကိုပဲ ရွေးချယ်ရတော့မှာပါ။ နောက်ဆုံးအဆင့်မြင့်စာမေးပွဲကြီးပါ။ အောင်ချက်နည်းပါတယ်။ ဒါပေမယ့် ဒီအဆင့်ကိုလဲ ဖြတ်ကျော်နိုင်မယ်၊ သတ်မှတ်ထားတဲ လုပ်ငန်းခွင် သက်တမ်းသုံးနှစ်လဲရှိမယ်ဆိုရင် FIA (UK) ဆိုတဲ့ ဘွဲ့ကြီးကို ဆွတ်ခူးနိုင်ပါပြီ။

လုပ်ငန်းကြီးတော်တော်များများတိုင်းမှာရော၊ နိုင်ငံတကာအစိုးရများမှာပါ actuarial department ကို ထားရှိကြပြီး၊ Student Actuary များကို ခန့်အပ်ကြပါတယ်။ ဘွဲ့ရ Graduate Training ပရိုဂရမ်အရ ၀င်သူများလည်း ရှိသလို ပထမပိုင်းအဆင့် ကိုယ့်ဘာသာကိုယ်ဖြေဆိုအောင်မြင်ပြီးမှ အလုပ်ထဲ ၀င်ရောက်သူများလဲရှိပါတယ်။ Qualified Actuary တယောက်ဖြစ်မို့ လုပ်သက်ကအရေးကြီးတာမို့ Student Actuary များကို FIA ရပြီးသား စီနီယာများက စနစ်တကျ ကြပ်မတ်သင်ကြားပေးကြပါတယ်။ လုပ်သက်သုံးနှစ် logbook မှာလဲ စီနီယာများက တာဝန်ယူလက်မှတ်ရေးထိုးပေးကြရတာ ဖြစ်တဲ့အတွက် ကြိုးစားရင် ကြိုးစားသလောက် အရည်အချင်းတောက်ပြောင်နိုင်မယ့် အသက်မွေးဝမ်းကျောင်းပညာရပ်တခု ဖြစ်ပါတယ်။ အလုပ်လုပ်နေရင်း ပညာလဲရ၊ ဘ၀အာမခံချက်လဲရ ဆိုတဲ့ အသက်မွေးဝမ်းကျောင်းမျိုးပါ။ ပုံမှန်အားဖြင့် qualified actuary တယောက်ဖြစ်လာဖို့ သုံးနှစ်ကနေ ငါးနှစ်ခန့် အချိန်ပေးရမှာ ဖြစ်ပါတယ်။

နိဂုံး

Actuarial science ဟာ အသက်မွေးဝမ်းကျောင်း ပညာရပ်တခု ဖြစ်ပါတယ်။ ဒီပညာရပ်ကို လေ့လာသင်ယူခြင်းအားဖြင့် မိမိဘ၀ရဲ့ ခိုင်မာသော အနာဂတ်တခုကို တည်ဆောက်နိုင်ရုံမက၊ တချိန်မှာ တိုင်းပြည်က လိုအပ်လာတဲ့အခါ ထိရောက်တဲ့ အကျိုးပြုမှုကိုလည်း လုပ်ဆောင်နိုင်မှာဖြစ်ပါတယ်။ Actuarial science ပညာရပ်ဟာ တိုင်းပြည်ဖွံ့ဖြိုးတိုးတက်အောင်တည်ဆောက်ရေးမှာ အရေးကြီးသော ကဏ္ဍများဖြစ်တဲ့ ဘဏ်လုပ်ငန်း၊ အာမခံလုပ်ငန်း၊ ကျန်းမာရေးစောင့်ရှောက်မှု၊ ရင်းနှီးမြှုပ်နှံမှုတွေအပြင် နိုင်ငံရေး၊ စီးပွားရေး risk analysis စတာတွေနဲ့ပါ ဆက်စပ်နေတာကြောင့်၊ တိုင်းပြည်တပြည်အတွက် Actuary ပညာရှင်တွေ အများအပြားလိုအပ်လှပါတယ်။ တောင်အာဖရိက စီးပွားရေးပြုပြင်ပြောင်းလဲမှုတွေမှာ Actuarial Society of South Africa မှ ပညာရှင်များ ကျရာအခန်းကဏ္ဍမှ ပါဝင်အကျိုးပြုနိုင်ခဲ့ကြပါတယ်။ ကျွန်မတို့ မြန်မာပြည်မှာလဲ Democratization Process မှာ မြန်မာ actuary ပညာရှင်များမှ Actuarial Society of Burma အနေဖြင့် နိုင်ငံတကာအဆင့်မှီစွာ ပါဝင်အကျိုးပြုနိုင်ကြပါစေရန် မျှော်ရည်မိပါကြောင်း။

ခင်မမမျိုး (၂၉၊ ၈၊ ၂၀၀၈)

(မှတ်ချက်။ ။ ယူကေနိုင်ငံမှ ပေးအပ်သော qualification ဖြစ်သော်လည်း နိုင်ငံများစွာများ exam centre တွေရှိပါတယ်။ ဖွံ့ဖြိုးဆဲနိုင်ငံများအတွက်ဆိုလျှင် စာမေးပွဲကြေးများကိုရော၊ စာအုပ်စာတမ်းဈေးနှုန်းများကိုပါ reduced rate သတ်မှတ်ထားပါတယ်)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

တိုက်ပွဲခေါ်သံ၊ မိုးလုံးညံ

တိုက်ပွဲခေါ်သံ၊ မိုးလုံးညံ

မတရားအာဏာသိမ်း စစ်အုပ်စုလက်အောက်၌ အနှစ်နှစ်ဆယ်ကြာအောင် ကျရောက်နေသည့် ကျွန်ုပ်တို့ မြန်မာနိုင်ငံတွင် တိုက်ပွဲခေါ်သံတခုက ပြတ်ပြတ်သားသား ထွက်ပေါ်လို့ လာချေပါပြီ။ လူထုခေါင်းဆောင် ဒေါ်အောင်ဆန်းစုကြည်မှ ကုလသမဂ္ဂကိုယ်စားလှယ်ကို တွေ့ဆုံရန် ငြင်းဆိုလိုက်ခြင်းဖြင့် ကမ္ဘာ့ကုလသမဂ္ဂ၏ မြန်မာ့အရေးတွင် ပါဝင်လုပ်ကိုင်ခဲ့မှုများသည် မည်မျှအကျိုးသက်ရောက်မှု နည်းခဲ့သည်ကို မီးမောင်းထိုးပြလိုက်ပါပြီ။ အစာငတ်ခံတိုက်ပွဲဝင်ခြင်းဖြင့် မြန်မာလူထုသည် မိမိတို့အရေးကို မိမိတို့ဘာသာ ဆောင်ရွက်ကြရမည်ဖြစ်ကြောင်း အသံတိတ် တိုက်ပွဲခေါ်သံကို ပေးအပ်ခဲ့ပါပြီ။

တွေ့ဆုံဆွေးနွေးသောနည်းဖြင့် အဖြေရှာရေးကို အတိုက်အခံဘက်မှ နှစ်ပေါင်းများစွာ တောင်းဆိုခဲ့ကြသည်။ ယူအင်မှလည်း ကြားဝင်စေ့စပ်ပေးမည်ဟု နအဖကို ကမ်းလှမ်းထားခဲ့သည်။ နအဖမှ လက်ခံခြင်းမရှိ။ လျှောက်ပြန်သံပေးလုပ်၍၊ ရွှေရည်စိမ်ဒီမိုကရေစီ စီမံချက်များ ပြ၍ ကမ္ဘာကို လှည့်စားခဲ့ကြသည်။

လှည့်စားခံနေရမှန်းသိသော်လည်း စေ့စပ်ပေးမည့် ယူအင်တွင် နအဖလက်ခံလာအောင် တွန်းအားပေးနိုင်သော ပါဝါကမရှိပြန်။ ဖွဲ့စည်းပုံစည်းမျဉ်းပိုင်းဆိုင်ရာ အားနည်းချက်များကလဲ ယူအင်တွင်ရှိနေသည်။ ကမ္ဘာ့နိုင်ငံရေးချိန်ခွင်လျှာ အပြောင်းအလဲများကလည်း ယူအင်၏ လုပ်ပိုင်ခွင့်ကို ကန့်သတ်ထားနေသည်။ သို့ပေမယ့် ယူအင်အနေဖြင့် ပါဝါမရှိသည်ကို ထုတ်ပြော၍လည်းမဖြစ်ပြန်သည်မို့ အထူးကိုယ်စားလှယ်ခန့်၍ ပုံမှန်စေလွှတ်ခြင်း၊ ကြေညာချက်များထုတ်ခြင်း၊ အစီရင်ခံစာများ တင်သွင်းခြင်းတို့ဖြင့် ရုပ်လှအောင် ဖန်တီးပေးထားခြင်းသာ ဖြစ်သည်။

ဤအခြေအနေတွင် မြန်မာတို့ ဘာလုပ်ကြမည်နည်း။

လူထုခေါင်းဆောင်ကတော့ တိုက်ပွဲခေါ်သံ ပေးလိုက်ပါပြီ။

မတရားမှုသည် ဥပဒေ ဖြစ်လာသောအခါ တော်လှန်ပုန်ကန်ရေးသည် တာဝန်တရပ်ဖြစ်လာရစမြဲသာ ဖြစ်သည်။

စစ်အာဏာရှင်စနစ် ပြုတ်ကျရေးသည် ပထမ

ဒီမိုကရေစီစနစ် တည်ဆောက်ရေးသည် ဒုတိယ

ဒီမိုကရေစီစနစ် ထွန်းကားရေးသည် တတိယ။

ဤသည်ကား ကျွန်ုပ်တို့အားလုံး ဦးတည်ကြရမည့် ပန်းတိုင်သာဖြစ်တော့သည်။

သို့ဖြစ်ရာ တော်လှန်ရေးပုံသဏ္ဍာန်မျိုးစုံဖြင့် တိုက်ပွဲနွှဲကြရင်း လူထုခေါင်းဆောင်၏ တိုက်ပွဲခေါ်သံကို မိုးလုံးညံကြပါစို့ ဟု တိုက်တွန်းရေးသားအပ်ပါကြောင်း။

ခင်မမမျိုး (၂၇၊ ၈၊ ၂၀၀၈)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

အမေစုရဲ့တိုက်ပွဲခေါ်သံ

အမေစုရဲ့တိုက်ပွဲခေါ်သံ

တို့ရွှေမြန်မာအရေး

ယူအင်ကို

အားကိုးခဲ့ကြ။

သံဃာ့သွေးတွေ

မြေမှာလွှမ်းတော့လဲ

“ယူအင်ရယ်-

ကယ်ပါ၊ ကယ်ပါ”။

နာဂစ်နဲ့

ရေတွေနစ်တော့လဲ

“ယူအင်ရယ်-

ကယ်ပါ၊ ကယ်ပါ”

တကယ်တမ်းကျတော့

ယူအင်သည်လဲ

ကယ်တင်ရှင်မဟုတ်၊

တောင်မင်းမြောက်မင်းသည်လဲ

ကယ်နိုင်သည်မဟုတ်။

ကိုယ့်အရေး

ကိုယ်လုပ်ကြရမယ်၊

မတရားတာကို

တော်လှန်ကြရမယ်။

ဒီသတင်းစကား

အမေစုပေးနေပြီ။

အမေစုရဲ့

တိုက်ပွဲခေါ်သံ

ကြားကြရဲ့လားကွယ်ရို့။

ခင်မမမျိုး (၂၇၊ ၈၊ ၂၀၀၈)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

စောင့်မျှော်နေကြသူများ

စောင့်မျှော်နေကြသူများ

(၁)
၂၀၀၃ ခုနှစ်ရဲ့
ပူပြင်းသော
နွေတစ်ခုဆီမှာပေါ့၊

(၂)
‘မေမေရေ
ကျွန်တော်ဒေါ်စုရဲ့
ခရီးစဉ်ကို
လိုက်ပို့လိုက်ဦးမယ်၊
စိတ်မပူနဲ့နော်
သားပြန်လာမှာ’တဲ့။
ပြောပြောဆိုဆိုနဲ့
ဆိုင်ကယ်လေးထုတ်ပြီး
ထွက်ခွာသွားတဲ့သား၊

ဒီသားလေးပြန်အလာကို
သားပျောက်လို့
အိပ်ယာထဲ
ဘုန်းဘုန်းလဲနေတဲ့
အမေတစ်ယောက်က
စောင့်မျှော်နေရှာတယ်၊


(၃)
‘ညီမလေးရေ။
အစ်ကို။
အန်တီရဲ့
ခရီးစဉ်မှာ
လိုက်သွားဦးမယ်။
စာတွေဘယ်လောက်ခက်ခက်
တိုင်းပြည်အတွက်ဆိုပြီး

ကြိုးစားဖတ်နော်။
ပြန်ရောက်ရောက်ချင်း
ညီမလေး
ဟဲင်းဖုန်းကို
လှမ်းဆက်လိုက်မယ်’တဲ့။
မကြာခင်လပိုင်းအတွင်းမှာ
လက်ထပ်ဖို့စီစဉ်ပြီးသား၊
ဖိတ်စာရိုက်ထားတဲ့
သတို့သားလောင်းလေးက
ရေခြားမြေခြားမှာ
ခေတ္တပညာသင်နေတဲ့
သူ့ချစ်သူ
သတို့သမီးလောင်းလေးကို
ဖုန်းနဲ့လှမ်းပြောတယ်၊
အဲဒီချစ်သူရဲ့
ဖုန်းသံလေးကို
ညအိပ်ရင်တောင်
ဟဲင်းဖုန်းလေး
ရင်ဘတ်ပေါ်တင်အိပ်ပြီး
သုံးနှစ်သုံးမိုးမက
ငါးနှစ်ငါးမိုး
ချစ်ခဲ့ကြတဲ့
ကောင်မလေးတစ်ယောက်က
စောင့်မျှော်နေရှာတယ်၊

(၄)
‘မိန်းမရေ။
ညနေယာခင်းက
အပြန်ကျရင်
ဗိုလ်ချုပ်သမီးကို
ရွာရှေ့က
သွားကြိုလိုက်ဦးမယ်။

ငါမိုးချုပ်ရင်
စိတ်မပူနဲ့’တဲ့၊
ခင်ပွန်းသည်
ယာသမားကြီးက
ပြောသွားတယ်၊
အဲဒီယာသမားကြီး
ပြန်အလာကို
ညနေချိန်တိုင်း
လည်တဆံ့ဆံ့နဲ့
ငယ်ကပေါင်း
အနှစ်တသောင်း
မမေ့ကောင်းတဲ့
ဇနီးသည်ကြီးက
စောင့်မျှော်နေရှာတယ်၊

(၅)
‘သမီးလေးရေ။
မေမေဒီခရီးက
ပြန်လာရင်
သမီးလေးအတွက်
အညာဇီးပေါင်းတွေ
ဝယ်လာခဲ့မယ်’တဲ့၊
အိမ်ကအထွက်မှာ
သုံးနှစ်အရွယ်
သမီးငယ်လေးကို
ဖက်ရမ်းနမ်းရှုတ်ပြီး
မိခင်တစ်ယောက်က
ပြောသွားတယ်၊
အဲဒီအမေ
ဇီးပေါင်းထုတ်လေးနဲ့
ပြန်လာမယ့်ရက်ကို
လက်ချိုးရေတွက်ပြီး
ကလေးငယ်လေးတစ်ယောက်က
စောင့်မျှော်နေရှာတယ်၊

(၆)
‘ယုံကြည်မှု
တည်ဆောက်ရမယ်’တဲ့။
ဇာတ်ဆရာတို့ရယ်။
ကျွန်မတို့အားလုံး
တကယ်ကို
ယုံကြည်ခဲ့ကြပါတယ်၊
‘သင်ပုန်းချေရမယ်’တဲ့။
ဇာတ်ဆရာတို့ရယ်
ဘယ်လောက်ပဲ
ခါးသီးတဲ့
နာကြည်းချက်တွေရှိရှိ
တိုင်းပြည်အတွက်ပဲဆိုပြီး
သင်ပုန်းချေခဲ့ကြပါတယ်၊


ဒါပေမယ့်
နအဖအစိုးရဟာ
ဒီစကားလုံးတွေနဲ့
မတန်လောက်အောင်ကို
ယုတ်မာရိုင်းစိုင်း
အောက်တန်းကျခဲ့တဲ့
အစိုးရ။
ယုံကြည်ခဲ့သူတွေ
သင်ပုန်းချေခဲ့သူတွေကို
ဒီပဲယင်းလူသတ်ကွင်းနဲ့
ရက်ရက်စက်စက်
လူမဆန်စွာ
တုန့်ပြန်ခဲ့တဲ့
အစိုးရ။


(၇)
ရလာဒ်ကတော့
အိမ်ပြန်လာမယ့်သား။
အိမ်ပြန်လာမယ့်ယောက်ျား။
အိမ်ပြန်လာမယ့်အမေ။
ဖုန်းဆက်လာမယ့်
ချစ်သူတွေကို
စောင့်မျှော်နေကြသူများ၊

(မှတ်ချက်။ မျက်ရည်များနဲ့၊ ရေးခဲ့တဲ့ ဤကဗျာ၊
စောင့်မျှော်နေသူများရဲ့ ကျိန်စာကြောင့်၊ နအဖစစ်အစိုးရ
ပြုတ်ကျပါစေသား၊ စစ်အာဏာရှင်စနစ်၊အဆုံးသတ်ပါစေသား။)

ခင်မမမျိုး

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

Book Review - SAS Secret War

စာအုပ်အညွှန်း - အက်စ်အေအက်စ်လျှို့ဝှက်စစ်ပွဲ

များသောအားဖြင့် ကျွန်မတို့တတွေဟာ သတင်းစာခေါင်းကြီးပိုင်းနဲ့ မီဒီယာတွေမှာ ဟိုလေးတကျော်ဖြစ်နေတဲ့ ကိစ္စရပ်များကိုသာ အာရုံစိုက်မိကြပါတယ်။ လူ့ဘောင်လောက တိုးတက်ကောင်းမွန်ဖို့ လုပ်နေတယ်လို့ သတင်းများက မီးမောင်းထိုးပြတဲ့ ခေါင်းဆောင်ကြီးတွေကိုဆို လေးစားတတ်ကြတယ်။ လူ့လောကအတွက် အကျည်းတန်စေတဲ့လုပ်ရပ်များ ဖန်တီးသူများကိုဆို မုန်းတီးတတ်ကြတယ်။ ကြောက်စရာကောင်းတဲ့ဖြစ်ရပ်များကို ကြားရင်ကြောက်လန့်တတ်ကြတယ်။ ရယ်ရွှင်ဖွယ်ရာဖြစ်ရပ်များဆိုရင် ၀မ်းသာပျော်မြူးတတ်ကြတယ်။ တကယ်တမ်းကျတော့ ဒီဖြစ်ရပ်များလို လူသိရှင်ကြားမဖြစ်စေပေမယ့် ကမ္ဘာနဲ့ချီပြီး အရေးကြီးတဲ့ ဖြစ်ရပ်တွေကလည်း အများအပြား ရှိနေတတ်ပါတယ်။ နာမည်ကျော်ကြား လူအများလေးစားမခံရပေမယ့်၊ ဒီလိုလူသိများသူတွေထက် ပိုမိုပြီး စွမ်းဆောင်နိုင်ခဲ့ကြတဲ့ အညတရ လူတွေလဲ အများကြီးရှိသလို၊ လူအများမုန်းတီးခံရသူတွေထက် ပိုမိုပြီး စက်ဆုပ်ရွံ့ရှာဖွယ်ကောင်းသူတွေကလည်း အများကြီးပဲ ရှိနေတတ်ပါတယ်။

ကျွန်မရဲ့ဒီတွေးခေါ်ချက်လေးတွေကို အခိုင်မာဆုံးပံ့ပိုးပေးနိုင်တဲ့ စာအုပ်လေးတအုပ်ကတော့ မေဂျာဂျင်နရယ် တိုနီဂျီပ်စ်ရေးသားတဲ့ မုန်တိုင်းစစ်ဆင်ရေး-အက်စ်အေအက်စ်လျှို့ဝှက်စစ်ပွဲဆိုတဲ့ စာအုပ်လေးပါပဲ။ ဒီစာအုပ်လေးကို ကျွန်မတို့တက္ကသိုလ်ထဲက ပဋ္ဋိပက္ခနှင့် အပြည်ပြည်ဆိုင်ရာလုံခြုံရေးအစီအစဉ်၊ စစ်မဟာဗျူဟာလေ့လာရေှးဌာန နားနေခန်းထဲမှာ ကျွန်မစတင်တွေ့ရှိခဲ့တာပါ။ နားနေခန်းထဲမှာ စာအုပ်တွေအများကြီးရှိတာမို့ အစပိုင်းက သတိမပြုမိခဲ့ပါ။ အရှေ့အလယ်ပိုင်းဒေသ လုံခြုံရေးဆိုင်ရာသုတေသနပြုနေတဲ့ ကျွန်မသူငယ်ချင်းနဲ့ စကားပြောကြရင်း စစ်ဦးစီးကောလိပ်မှာ counter-insurgency operation သင်ရိုးအဖြစ် သတ်မှတ်ထားတဲ့ အက်စ်အေအက်စ် အိုမင်စစ်ဆေးရေးစာအုပ် သူ့ဆီမှာ ရှိမရှိ မေးဖြစ်လိုက်ပါတယ်။ ဒီတော့မှ ကျွန်မတို့ နားနေခန်းထဲက မုန်တိုင်းစစ်ဆင်ရေးဆိုတာ ကျွန်မရှာနေတဲ့ စာအုပ်ရဲ့ revised edition မှန်းသိလိုက်ရတာပါ။

ဒီစစ်ဆင်ရေးကို ဗြိတိသျှစစ်တပ်က ၁၉၆၀ ဆယ်စုနှစ်အလယ်ပိုင်းကာလများမှာ စတင်ဆင်နွှဲခဲ့တာဖြစ်ပြီး၊ ၁၉၇၆ မှာမှ ပြီးဆုံးသွားခဲ့တာပါ။ ဒီကာလဟာ စစ်အေးတိုက်ပွဲရေချိန်မြင့်နေတဲ့ ကာလတခုဖြစ်သလို၊ ဆင်နွှဲခဲ့ရာစစ်မြေပြင်ကလည်း၊ အနောက်နိုင်ငံများကို ရေနံဖြန့်ဖြူးပေးနေတဲ့ ပင်လယ်ကွေ့ဒေသ၊ Oman မှာပါ။ ဒီဒေသမှာ ကွန်မြူနစ်ပျောက်ကျားများက savage campaign ကို ဆင်နွှဲနေကြပါတယ်။ ဒီအတွက် တကမ္ဘာလုံးက ဗီယက်နမ်စစ်ပွဲကိုသာ အာရုံစိုက်နေချိန်ကို အခွင့်ကောင်းယူပြီး၊ ဗြိတိသျှစစ်တပ်က သူ့ရဲ့အက်စ်အေအက်စ်တပ်တတပ်ကို စေလွှတ်လိုက်တာပါ။ ဒီတုန်းက အက်စ်အေအက်စ်ဆိုတာကို လူအများ မကြားဖူးခဲ့သလို၊ ဒီစစ်ဆင်ရေးအကြောင်းကိုလည်း ထိပ်ပိုင်းဆိုင်ရာခေါင်းဆောင်တချို့သာ သိခဲ့ကြပါတယ်။

ဘယ်လိုပဲဖြစ်ဖြစ် လူမသိသူမသိအဲဒီစစ်ဆင်ရေးလေးဟာ ကမ္ဘာ့သမိုင်းရဲ့ အချိုးအကွေ့တခုကိုတော့ အကြီးအကျယ်အထောက်အကူ ပေးခဲ့ပါတယ်။ လက်ရှိအချိန်အထိ ကမ္ဘာ့ counter- insurgency operation သမိုင်းမှာ အအောင်မြင်ဆုံးစစ်ဆင်ရေးတခု ဖြစ်ခဲ့ရပါတယ်။ ဒီစစ်ဆင်ရေးမှာသာ တကယ်လို့ ရှုံးနိမ့်ခဲ့ရင် ပယ်လယ်ကွေ့ဒေသကို ကြီးစိုးဖို့တဘက်က ရည်ရွယ်ထားတာ ဖြစ်တဲ့အတွက် ကမ္ဘာ့နိုင်ငံရေး ချိန်ခွင်လျှာပေါ်မှာ တစုံတရာ သက်ရောက်မှုတွေ ရှိခဲ့မှာ အမှန်ပါပဲ။ ဒီစစ်ဆင်ရေးဟာ နိုင်ငံရေးမှာတင် အရေးကြီးခဲ့တာမဟုတ်ပဲ၊ စစ်မဟာဗျူဟာပိုင်းကိုလဲ သင်ခန်းစာများစွာ ပေးထားခဲ့ပါတယ်။ course of the war ကို ပြောင်းစေခဲ့တယ်လို့ ပညာရှင်များက သတ်မှတ်ပြောကြားကြပါတယ်။

စာအုပ်ကို ရေးသားသူဟာ ဒီစစ်ဆင်ရေးရဲ့ commanding office ဖြစ်တဲ့အတွက် operational strategy, tactical strategy များကို သေချာရှင်းလင်းထားရုံသာမက မြေပုံများနဲ့ပါ စနစ်တကျရှင်းလင်းထားတာမို့ ဖြစ်စဉ်များကို ကွက်ကွက်ကွင်းကွင်း မြင်သာထင်သာစေပါတယ်။ ဘယ်လိုပဲဖြစ်ဖြစ် ဒီစာအုပ်လေးဟာ ကျွန်မရဲ့တွေးတောချက်လေးကို ပိုမိုခိုင်မာစေရုံသာမက၊ အဖိုးမဖြတ်နိုင်တဲ့ သင်ခန်းစာတရပ်ကိုလဲ ပေးအပ်ထားပါတယ်။ ဒါကတော့

“စစ်ပွဲတခုမှာ ရန်သူ့အင်အားက မိမိအင်အားထက် သာလွန်နေရင် ရန်သူ့ဘက်တော်သားတွေကို ဆွဲဆောင်သိမ်းသွင်းနိုင်မှသာ အောင်ပွဲရနိုင်မယ်”

ဆိုတဲ့အချက်ပါပဲ။

ခင်မမမျိုး (၂၀၊ ၈၊ ၂၀၀၈)

(ကျွန်မညွှန်းဆိုထားတဲ့စာအုပ်လေးကတော့

Jeapes, Tony (1996) CODENAME OPERATION STORM: SAS SECRET WAR, Harper Collins, Glasgow, ISBN 0 00 4708997

ဖြစ်ကြောင်းပါ)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

ဘ၀စစ်မြေပြင်

ဘ၀စစ်မြေပြင်

“ဘ၀ဆိုတဲ့စစ်မြေပြင်မှာ တိုက်ပွဲပေါင်းများစွာကို ရင်ဆိုင်ဆင်နွှဲရလိမ့်မယ်။ ဒဏ်ရာတွေလဲ အများကြီးရလိမ့်မယ်။ အကြိမ်ကြိမ်အခါခါလဲ လဲကျသွားလိမ့်မယ်။ ဒါပေမယ့် လဲကျတဲ့အခါတိုင်း ပြန်ထဖို့အားယူကြိုးစားနေသရွေ့ မင်းမရှုံးသေးဘူး”

ကျွန်မရဲ့မှန်တင်ခုံပေါ်မှာ ဒီစာစုလေးကို ကပ်ထားပါတယ်။ သာမန်အားဖြင့်ကြည့်ရင် သုံးကြောင်းသာရှိတဲ့ စာစုလေးပေမယ့် ကျွန်မဘ၀အတွက်တော့ အင်မတန်တန်ဖိုးရှိတဲ့ စကားလုံးတွေနဲ့ ဖွဲ့စည်းထားတဲ့ စာစုလေးတခုပါ။ ဒီစာစုလေး ကျွန်မအတွေးထဲ ဘယ်လိုရောက်လာခဲ့လဲဆိုတာ မမှတ်မိတော့ပေမယ့် ဘ၀နဲ့ပတ်သက်တဲ့တစုံတရာရေးပြီးကပ်ထားဖို့ စဉ်းစားလိုက်တဲ့အခါ ဒီစကားလုံးလေးတွေက ကျွန်မခေါင်းထဲကနေ အလိုလို ထွက်ကျလာခဲ့ပါတယ်။ အကြိမ်ကြိမ်လဲကျခဲ့ဖူးပြီး၊ အကြိမ်ကြိမ်ပြန်ထဖို့ ကြိုးစားခဲ့ဖူးတဲ့ ကျွန်မရဲ့ အတွေးတွေထဲကို အချိန်ကာလတခုမှာကတည်းက တွဲခိုနေခဲ့တာများ ဖြစ်လေမလားပဲ။

ဘ၀ဆိုတဲ့အရာမှာ ထူးဆန်းဆန်းကြယ်တဲ့ အချိုးအကွေ့လေးတွေများ မရှိခဲ့ဘူးဆိုရင် ဒီအချိန်မှာ ကျွန်မဘာဖြစ်နေမလဲ။ ပြန်ပြီးစဉ်းစားကြည့်မိတယ်။ သေချာတာတခုကတော့ ကျွန်မမိခင်ဖြစ်စေချင်ခဲ့တဲ့ ဆရာဝန်တယောက်ဖြစ်နေခဲ့လိမ့်မယ်။ ဆေးကုသရေးကို ၀ါသနာမပါပဲ ပြည်သူ့ကျန်းမာရေးပိုင်းမှာ ပိုပြီး စိတ်ဝင်စားသူဖြစ်တဲ့အတွက် ပြည်သူ့ကျန်းမာရေးဆိုင်ရာ ဘွဲ့လွန်တခု ယူထားဖြစ်လိမ့်မယ်။ ပေါ်လစီရေးရာဌာနတခုခုမှာ အလုပ်လုပ်ဖြစ်နေလိမ့်မယ်။ တပြိုင်နက်တည်းမှာပဲ ၀ါသနာပါတဲ့စီးပွားရေးလုပ်ငန်းတွေ လုပ်ကိုင်နေသူတယောက်ဖြစ်လိမ့်မယ်။ အားလပ်ချိန်မှာ ကလေးတွေ စာသင်ပေးရင်း၊ စာရေးနေသူတယောက်ဖြစ်လိမ့်မယ်။ ဒါဟာ ငယ်စဉ်က ကျွန်မစိတ်ကူးယဉ်ခဲ့ဖူးတဲ့ ဘ၀လေးတခုပါပဲ။

ဒါပေမယ့်လည်း ဘ၀မှာတကယ်ဖြစ်လာနိုင်တွေဟာ ဇာတ်လမ်းပမာတွေထက် ဆန်းကြယ်တတ်တယ်ဆိုတဲ့ စကားကများ မှန်လေသလားမသိ။ ပထမဦးဆုံး ဘ၀ရဲ့ အချိုးအကွေ့ တခုကို စတင်ကြုံတွေ့ခဲ့ပါတယ်။ မတရားတာကို ကိုယ်နဲ့ဆိုင်ဆိုင်၊ မဆိုင်ဆိုင် ၀င်ပါတတ်တဲ့ ကျွန်မရဲ့ အတွေးတွေထဲကို မတရားမှုတွေ ကြုံတွေ့နေရတဲ့ ဒုက္ခသည်ပြည်သူတွေက စတင်ဝင်ရောက်လာခဲ့ပါတယ်။ အရာတော်တော်များများ လိုချင်တာရခဲ့ဖူးသူတယောက်ရဲ့ ဘ၀မှာ ဒီလိုအဖြစ်အပျက်တွေနဲ့ မနီးစပ်ခဲ့တာ အမှန်ပါပဲ။ အမှန်တရားတွေ သိလာရချိန်ကျတော့ ကိုယ်နဲ့မဆိုင်ပါဘူးဆိုပြီး မနေတတ်ခဲ့ဘူး။ အမှန်တရားဘက်က ရပ်တည်ဖို့ ဆုံးဖြတ်ချက်ချလိုက်မိတယ်။ ရလာဒ်ကတော့ မိဘအသိုင်းအ၀ိုင်းတွေနဲ့ အလှမ်းဝေးကွာတဲ့ လမ်းကြောင်းတခုပေါ် ရောက်သွားခဲ့တာပါ။

ဒီလိုနဲ့မတရားတာကို ဆန့်ကျင်တဲ့လမ်းကြောင်းပေါ် လျှောက်နေစဉ်မှာ ဘ၀မှာ အသက်လောက်ချစ်ရတဲ့ ချစ်သူတယောက်ကို ဆုံဆည်းခဲ့ရတယ်။ ယုံကြည်ချက်တူညီတဲ့လမ်းကြောင်းပေါ်က ဘ၀နှစ်ခုကို ပေါင်းစပ်ဖို့ မျှော်လင့်ချက်တွေ ထားခဲ့ကြတယ်။ အတူတူဘ၀ရပ်တည်နိုင်ဖို့ ကြိုးစားခဲ့ကြတယ်။ ယုံကြည်ချက်တွေကို အကောင်အထည်ဖော်ခဲ့ကြတယ်။ ခေတ်ဆိုး၊ စနစ်ဆိုးအောက်မှာ အမှန်စကား ဆိုမြွက်ဖို့ဆိုတာကတော့ သိပ်မလွယ်ခဲ့။ ကြုံခဲ့ရတဲ့ အခက်အခဲတွေက အများအပြား။ ဒီလိုအခြေအနေမျိုးမှာ ကိုယ်လုပ်ချင်တာတွေကို မှန်မှန်ကန်ကန်၊ ထိထိရောက်ရောက် ဘယ်လိုလုပ်ယူလို့ရမှာလဲဆိုတာ သံသယရှိလာတဲ့ အချိန်မှာတော့ ငယ်စဉ်က ရည်ရွယ်ခဲ့ဖူးတဲ့ ဘ၀တခုဟာ ကျွန်မနဲ့ တစတစ ဝေးကွာသွားပါတော့တယ်။

မျက်စိရှေ့မှာ မြင်နေရတဲ့ မတရားမှုဖြစ်ရပ်များ၊ ကြေကွဲစရာဖြစ်ရပ်များအားလုံးရဲ့ တရားခံဟာ စနစ်ဆိုးဖြစ်တာကြောင့် ဒီစနစ်ဆိုးကို တိုက်ဖျက်ဖို့ နည်းမျိုးစုံနဲ့ ကြိုးစားဖြစ်ခဲ့ကြတယ်။ ဒီအချိန်မှာပဲ ကျွန်မတို့ဘ၀ထဲကို မျှော်လင့်ချက်ရောင်ခြည်တန်းလေးတခု ၀င်ရောက်လာခဲ့တယ်။ သင်ပုန်းချေရမယ်၊ ယုံကြည်မှုတည်ဆောက်ရမယ်ဆိုတဲ့ စကားလုံးလေးတွေပါ။ ကျွန်မတို့ အပြည့်အ၀ တန်ဖိုးထားခဲ့ကြပါတယ်။ တိုးတက်လာသယောင်ဖြစ်နေတဲ့ အခြေအနေလေးတွေအတွက် ပျော်ရွှင်ခဲ့ကြတယ်။ တိုင်းပြည်တည်ဆောက်ရေးကဏ္ဍမှာ အုပ်တချပ်လေးအဖြစ် ပါဝင်နိုင်ဖို့ဆိုပြီး၊ သူရဲ့ သဘောတူညီချက်နဲ့ အမေလွှတ်တဲ့ နိုင်ငံခြားပညာရေးခရီးကို ကျွန်မထွက်လာဖြစ်ခဲ့တယ်။ သင်ယူရတဲ့ပညာရပ်အပြင် တိုင်းပြည်အတွက် လိုအပ်မယ်ထင်တဲ့ တခြားပညာရပ်တွေကိုပါ တစိုက်မတ်မတ်လေ့လာဖြစ်ခဲ့တယ်။ မျှော်လင့်ချက်တွေနဲ့ပါလေ။

မိဘအသိုင်းအ၀ိုင်းက လက်ခံမှာ မဟုတ်တာကို ကြိုသိထားရက်နဲ့ ဘ၀နှစ်ခုအတူ ပေါင်းစပ်ရေးအတွက်ကိုပါ ကြိုတင်ပြင်ဆင်ခဲ့ကြတယ်။ စင်ကာပူ ကျောင်းတခုကနေ ကျွန်မရဲ့မွေးရပ်ဇာတိမြို့လေးမှာ ကျောင်းခွဲဖွင့်ခွင့် သဘောတူညီချက်ရတဲ့အချိန်မှာတော့ ကျွန်မတို့ရဲ့ အနာဂတ်ခရီးလမ်းဟာ ချောမွေ့နေခဲ့သလိုပါပဲ။ တဘက်ကနေ ၀မ်းရေးအတွက်စာသင်ရင်း စီးပွားရေးလုပ်ငန်းတွေလုပ်ကြရင်း၊ တဘက်ကနေလဲ ယုံကြည်ရာ လမ်းကြောင်းကို ဆက်လျှောက်ကြမယ်ပေါ့လေ။ သူထောင်ချင်တဲ့နိုင်ငံရေးအဖွဲ့အစည်း၊ သူထုတ်ချင်တဲ့နိုင်ငံရေးစာစောင် စတာတွေအတွက် စိတ်ကူးယဉ်လို့ကို မဆုံးခဲ့ပါဘူး။ သူ့ရင်ထဲမှာ အမြဲလွှင့်ထားတယ်ဆိုတဲ့ ခွပ်ဒေါင်းအလံလေး ပြင်ပမှာ လွှင့်ထူနိုင်ခွင့်အတွက် အတူကြိုးစားကြမယ်ဆိုတဲ့ မျှော်လင့်ချက်တွေအပြည့်နဲ့ပါ။ တကယ်တော့ ဘ၀ဆိုတဲ့ စစ်မြေပြင်ကြီးမှာ တိုက်ပွဲတွေ ရှိနေနိုင်သေးတယ်ဆိုတာကို ကျွန်မတို့တွေ ခဏမေ့သွားခဲ့ကြတာပါ။

ဒီလိုနဲ့ မျှော်လင့်မထားတဲ့အရာတွေဟာ မျှော်လင့်မထားတဲ့အချိန်မှာ ဖြစ်ပွားလာခဲ့ပြန်ပါတယ်။ သမိုင်းရဲ့ ဆိုးရွားလာတဲ့ လူသတ်ပွဲကြီးတခုက ကျွန်မတို့ရဲ့ မျှော်လင့်ချက်တွေ၊ ယုံကြည်မှုတွေကို ရိုက်ချိုးပစ်ခဲ့ပါတယ်။ ဒါလား- ယုံကြည်မှုတည်ဆောက်မှုရဲ့ ရလာဒ်၊ ဒါတဲ့လား- တွေ့ဆုံဆွေးနွေးပြီး အဖြေရှာမယ်ဆိုတာအတွက် အဖြေ။ အကြိမ်ကြိမ်ကတိပျက်ခဲ့ပြီး၊ အကြိမ်ကြိမ်ရက်စက်မှုတွေ မြင်တွေ့ခဲ့ရပေမယ့် ဒီလောက်အထိ ယုတ်မာလိမ့်မယ်လို့တော့ တကယ်ကို ထင်မှတ်မထားခဲ့မိတာပါ။ ချုံခိုတိုက်ပွဲဆိုတာ စစ်မြေပြင်မှာဆိုရင်တော့ လုပ်သင့်တာတခုဆိုပေမယ့် လက်နက်မဲ့လူတွေကို ထောင်ချောက်ဆင်ပြီး၊ ရိုက်သတ်တာမျိုးဆိုတာကတော့ အင်မတန်ကို ကောက်ကျစ်ယုတ်မာသူတွေကျမှ လုပ်တတ်ကြတာပါလေ။

ဘာပဲဖြစ်ဖြစ်အဲဒီဖြစ်ရပ်ဆိုးကြီးဟာ ကျွန်မဘ၀ရဲ့ စစ်မြေပြင်မှာတော့ အလဲထိုးခံခဲ့ရတဲ့ တိုက်ပွဲကြီးတခုပါပဲ။ မျှော်လင့်ချက်တွေ ဆိတ်သုဉ်းခဲ့ရတယ်။ ကိုယ်နဲ့သက်ဆိုင်တဲ့ ပျောက်ဆုံးသွားသူအတွက်သာမက တခြားရဲဘော်ရဲဘက် ပျောက်ဆုံးသွားသူတွေအတွက်ပါ နာကြည်းခဲ့ရတယ်။ ရန်သူအပေါ်မှာ ဒီလောက်တောင်ပဲ ယုံကြည်ခဲ့ရသလားဆိုပြီး ကိုယ့်ရဲ့ဘက်တော်သားတွေအတွက် ယူကျုံးမရဖြစ်ခဲ့ရတယ်။ လူကြီးလူကောင်းမဆန်တဲ့ရန်သူကို အထင်သေးခဲ့ရတယ်။ ခံစားချက်တွေကို အင်အားအဖြစ် ပြောင်းလဲပစ်နိုင်ဖို့၊ လဲကျရာက ပြန်ထနိုင်ဖို့ အတော်ကို အားယူခဲ့ရတာပါ။ ဒီလိုနဲ့ပဲ ယူဂျီကနေ အိုဂျီကို တက်ဖြစ်ခဲ့တယ်၊ လှုပ်ရှားမှုတွေထဲမှာ အားသွန်ခွန်စိုက် ပါဖြစ်သွားခဲ့တယ်။ စာတွေရေးဖြစ်ခဲ့တယ်။ ဖြစ်လာတဲ့အခြေအနေမှာ ကိုယ့်ဘ၀ကို အကောင်းဆုံးရပ်တည်နိုင်အောင် တဘက်ကကြိုးစားရင်း၊ တဘက်ကနေလဲ အနာဂတ်တိုင်းပြည် တည်ဆောက်ရေးမှာ တဘက်တလမ်းကနေ အားကူပေးနိုင်မယ့် ပညာရပ်တွေကို လေ့လာဖြစ်ခဲ့တယ်။ ဘ၀စစ်မြေပြင်မှာ အလဲထိုးဖို့ပြင်ဆင်ထားတဲ့ နောက်ထပ်တိုက်ပွဲကြီးတခု ရှေ့ခရီးမှာ စောင့်ကြိုနေလိမ့်မယ်လို့တော့ မထင်ထားခဲ့ဘူးပေါ့။ တိုက်ပွဲတွေ တွေ့ရမယ်ဆိုတာ မျှော်လင့်ထားပေမယ့် ဒီလောက်ကြီးမားမယ်လို့တော့ မတွေးတောခဲ့မိဘူးပေါ့လေ။

အဲဒီတိုက်ပွဲကြီးတခုကတော့ မမျှော်လင့်တဲ့အချိန်မှာ ကျွန်မရုတ်တရက် အိမ်ထောင်ကျသွားခဲ့တာပါပဲ။ အဲဒီအချိန်က ကျွန်မဘ၀မှာ အာမခံချက်ရှိပြီး၊ ကိုယ့်ဘ၀ရပ်တည်ရေးအတွက်သာမက၊ လုပ်နေဆဲနိုင်ငံရေးဖော်ဆောင်မှုတွေကိုပါ အသင့်အတင့် ထောက်ကူပေးနိုင်တဲ့ အလုပ်ကောင်းတခုရထားခဲ့ပါတယ်။ ရှေ့ဆက်တက်မယ့် ရာထူးအခွင့်အလမ်းတွေနဲ့အတူ တခါတလေ ညဘက် (၈)နာရီလောက်အထိပါ အလုပ်ထဲမှာ ရှိနေခဲ့ဘူးပါတယ်။ တဘက်ကနေလဲ ဒုတိယမြောက်ဘွဲ့လွန်တခုဖြစ်တဲ့ မဟာဝိဇ္ဇာဘွဲ့ကို အချိန်ပိုင်းတက်နေဆဲ။ ပြီးရင်ပါရဂူဘွဲ့ဆက်တက်ပြီး၊ အိုင်အမ်အက်ဖ်မှာ အသက် (၃၂)နှစ်အောက် ပီအိတ်ခ်ျဒီဘွဲ့ရများသာ လျှောက်ထားနိုင်တဲ့ အလုပ်အတွက် ကျွန်မအရာရာကို ကြိုတင်ပြင်ဆင်နေခဲ့ပါတယ်။ ဖွံ့ဖြိုးဆဲနိုင်ငံများ တနိုင်ငံပြီးတနိုင်ငံကိုသွားရင်း စီးပွားရေးစနစ်ပြုပြင်ရေးတွေမှာ ပါဝင်ထားတဲ့ အတွေ့အကြုံဟာ တချိန်ကျွန်မရဲ့နိုင်ငံတော်ကြီးအတွက် အကျိုးကျေးဇူးရှိလိမ့်မယ်လို့ ကျွန်မယုံကြည်ထားခဲ့ပါတယ်။

ဒီအချိန်မှာ ကျွန်မမှားခဲ့တဲ့အချက်တချက်က ကျွန်မရဲ့ ပျောက်ဆုံးသွားတဲ့ချစ်သူနဲ့ တနှစ်တည်း၊ တရက်တည်းမွေးတဲ့လူတယောက်ကို စိတ်ဝင်စားသွားမိခြင်းပါ။ မွေးနေ့တူပေမယ့် စိတ်ဓာတ်၊ အကျင့်စာရိတ္တနဲ့ ခံယူချက်တွေမှာ ဆန့်ကျင်ဘက်တွေ ဖြစ်နေလိမ့်မယ်လို့တော့ ကျွန်မထည့်မတွက်ခဲ့မိဘူးပေါ့လေ။ ဒီလိုနဲ့ပဲ ဘာဆိုဘာမှ ကြိုတင်ပြင်ဆင်မှုတွေ မပြုလုပ်နိုင်ခဲ့ပဲ “မိန်းမဆိုတာ လူသိရှင်ကြား ပတ်သက်ခံလိုက်ရရင် အရှက်တရားနဲ့ သိက္ခာအတွက် ယောက်ျားတယောက်ကို ယူချင်ချင်မယူချင်ချင် ယူရတာပဲကွ။ လက်ထပ်ပြီးရင်လဲ ကလေးရှိနေရင် အဲဒီယောက်ျားကောင်းတာပဲဖြစ်ဖြစ်၊ မကောင်းတာပဲဖြစ်ဖြစ် ကလေးမျက်နှာနဲ့ ပေါင်းရတာပဲကွ။ မင်းကဘယ်လိုမိန်းမမျိုးမို့လို့လဲ” လို့ နောင်တချိန်ဆိုလာခဲ့တဲ့ ယောက်ျားတယောက်ရဲ့ ထောင်ချောက်ထဲကို ကျဆင်းသွားခဲ့ရပါတယ်။ တကယ်တော့ “နိုင်ငံရပ်ခြားမှာ ကိုယ့်မြန်မာအချင်းချင်း ထောင်ထဲ မပို့ချင်ခဲ့တဲ့ ကျွန်မရဲ့ စိတ်ဓာတ်” နဲ့ “လူ့ပြည်ကအပ်တချောင်းနဲ့ နတ်ပြည်ကအပ်တချောင်းထိဖို့ထက် လူ့ဘ၀ရဖို့ကပိုခက်ခဲတယ်။ လူ့ဘ၀မရခင် ဘယ်လိုဘ၀မျိုးတွေမှာ ကျင်လည်ခဲ့ရတယ်မှန်းမသိ။ လူဖြစ်ခွင့်ပေးသင့်တယ်” ဆိုတဲ့ အတွေးအခေါ်တွေကပဲ မှားခဲ့လေသလားမသိ။ ကျွန်မကတော့ အလိုလိုနေရင်းအိမ်ထောင်ဆိုတာကို ကျသွားခဲ့ပါတယ်။ အိမ်ထောင်ကျတာနဲ့ အိမ်ထောင်ပြုတာ ဆိုတာတွေက တကယ်တော့တူသလိုလိုနဲ့ အလွန်ကို ကွာခြားလှတာပါ။

ခက်ခက်ခဲခဲ တည်ဆောက်ထားရတဲ့ ဘ၀တခုပြိုလဲခြင်းဆိုတာ အဲဒီမှာ စတင်တော့တာပါပဲ။ ကျောင်းသားတပ်မတော်က စာသင်ကျောင်းမှာ လုပ်အားပေးသုံးလသွားလုပ်မယ့်အစီအစဉ်ကို ဖျက်သိမ်းလိုက်ရတယ်။ ကတိမတည်သလိုဖြစ်ခဲ့ရတဲ့အတွက် အခုအချိန်ထိ စိတ်မကောင်း။အဲဒီတုန်းက၀ယ်ထားတဲ့ ဘန်ကောက်လေယာဉ်လက်မှတ်ဟောင်းလေးကို ပြန်ကြည့်မိတိုင်း ပြောပြီးမထမ်းဆောင်နိုင်ခဲ့တဲ့တာဝန်တခုအတွက် ဒေါသထွက်ခဲ့ရတယ်။ အရေးထဲ ကိုယ်ဝန်ဆောင်ဘ၀မှာ severe hyperemesis က လာဖြစ်ပါတော့တယ်။ အစာရော၊ ရေရောမ၀င်ပဲပြန်အန်ထွက်နေလို့ ဆေးပါသွင်းရတော့တဲ့အခါ ကျွန်မသိပ်နှစ်သက်နေပြီဖြစ်တဲ့ အလုပ်ကို လက်လွှတ်လိုက်ရပါတယ်။ ကျောင်းကိုတော့ ဆရာ၊ ဆရာမများက နားလည်မှုနဲ့ အတန်းပျက်ကွက်တာတွေကို အရေးမယူပဲ Lecture notes တွေကို အီးမေးလ်ကနေပို့ပေးတာပါလုပ်ပြီး ကူညီပေးခဲ့တဲ့အတွက် ပညာရေးမှာတော့ သိပ်ပြီး မထိခိုက်ခဲ့ပါဘူး။ ဒီကြားထဲ ကံကောင်းတာတချက်က ကျွန်မတို့နှစ်ယောက်ရဲ့ နေထိုင်ရာနိုင်ငံမတူတာပါပဲ။ ကျွန်မဆီကိုလာဖို့က ကျွန်မခေါ်မှ ဖြစ်နိုင်တာအတွက်ကြောင့် လက်ထပ်ပြီးကတည်းက separated ဖြစ်နေခဲ့ခြင်းဟာ ကျွန်မအတွက်တော့ မဟာကံကောင်းခြင်းပါပဲ။ မဟုတ်ရင် နေမကောင်းရတဲ့ကြားထဲ မျက်နှာကိုပါတွေ့နေရရင် အတော်ဆိုးဝါးမယ့်ကိစ္စပါ။ ဖုန်းလာဆက်နေလို့ အသံကြားရတာတောင် စိတ်ကုန်လွန်းလို့ ဖုန်းကြိုးဖြုတ်ထားရတဲ့အထိပါပဲ။ ဒီကြားထဲ ပညာရေးမလုပ်တော့ဖို့၊ ပိုက်ဆံရှာတဲ့အလုပ်မှာပဲ အာရုံစိုက်ဖို့ တောင်းဆိုနေတာက ပိုဆိုးသေးတယ်။ ညအိပ်မယ်လုပ်တိုင်း ဒီအတွက် ကျွန်မမှာ စိုးရိမ်တကြီးကို ဖြစ်ခဲ့ရပါတယ်။ ကျွန်မက ပညာရေးဆိုတာမှာ ဘွဲ့အတွက်တင် လုပ်နေတာမဟုတ်ပဲ ပညာရပ်ထဲမှာ စိတ်ရောကိုယ်ပါနစ်နေတာ ဖြစ်တဲ့ အတွက်ကြောင့်ပါပဲ။ မြန်မာပြည်ဒီမိုကရေစီရရင် research institution ထောင်မယ်။ တက္ကသိုလ်မှာ စာသင်မယ်။ ပညာပြန်မျှဝေဖို့ ရည်ရွယ်ထားသူတယောက်ဟာ ပညာနဲ့ အဆက်ပြတ်လို့မှ မဖြစ်တာပဲကိုး။ စာဖတ်တာတွေမှာ ဖြစ်လာတော့မယ့် အနှောင့်အယှက်တွေကို ကြိုတွေးမိပြီး အိပ်မပျော်ခဲ့တဲ့ညတွေမှ အများကြီးရယ်ပါ။

ဒါပေမယ့်လည်းလေ ကံကြမ္မာက ကျွန်မကို မျက်နှာသာလေးတော့ ပေးခဲ့ပါတယ်။ သူ့ရဲ့ ခြေလှမ်းတကွက်မှားကို သိခွင့်ရလိုက်ပြီး၊ အိမ်ထောင်ဆိုတာကြီးကနေ ကျွန်မလွတ်မြောက်နိုင်ခဲ့ပါတယ်။ တော်ပါသေးရဲ့။ လူမဖြစ်ခင်ကတည်းက ဖခင်မဲ့သွားတဲ့ ငါးလသား သန္ဓေသားလေးအတွက် ထည့်မစဉ်းစားဘူးလားလို့ သူငယ်ချင်းတွေက ပြောကြပါတယ်။ လောကမှာ တခါတလေကျတော့ မရှိတာဟာ ရှိတာထက် ကောင်းတဲ့အခြေအနေလေးတွေလည်း ရှိသေးတယ်ဆိုတာ ကျွန်မပြောပြဖြစ်ခဲ့တယ်။ ဘယ်လိုမှ ပြေလည်နိုင်မှာ မဟုတ်တဲ့ ဖခင်နဲ့မိခင်ကြားမှာ လူဖြစ်ပြီး စိတ်ညစ်နေရတာထက်စာရင်၊ တယောက်တည်းဆီမှာ လူဖြစ်ပြီး အေးအေးဆေးဆေးနေရတာက ပိုမိုကောင်းမွန်ပါလိမ့်မယ်။

ကျွန်မဘ၀မှာလေ အပျော်ဆုံးအချိန်ဟာ အဲဒီအချိန်ပါပဲ။ ကွာရှင်းပြတ်စဲလိုက်ချိန်မှာ ခံစားလိုက်ရတဲ့ ပျော်ရွှင်မှုဟာ ကျွန်မဘ၀မှာ ကြုံတွေ့ခဲ့ဖူးတဲ့ ဘယ်အပျော်နဲ့မှ နှိုင်းယှဉ်လို့မရနိုင်အောင်ပါပဲ။ ကျွန်မရဲ့ စိတ်တွေ ပေါ့ပါးလန်းဆန်းသွားတယ်။ ဘ၀အပေါ်အကောင်းမြင်စိတ်နဲ့အတူ အားသစ်အင်သစ်တွေ တက်လာတယ်။ ရှေ့ဆက်ရမယ့် ဘ၀ခရီးအတွက် ခွန်အားသစ်တွေ ဖြစ်ထွန်းလာခဲ့တယ်။ ကိုယ့်ကိုကိုယ်မယုံကြည်နိုင်လောက်အောင် တကယ့်ကို တက်တက်ကြွကြွဖြစ်နေခဲ့ပါတယ်။ တချို့မေးကြပါတယ်။ မိန်းမတယောက်ဘေးမှာ လင်ယောက်ျားတယောက်မရှိရင် ဘာဖြစ်သွားမယ်ထင်သလဲတဲ့။ ကျွန်မကိုလာမေးရင်တော့ ကျွန်မက ဖြေရပါလိမ့်မယ်။ ကိုယ့်ဘာသာကိုယ်တည်ဆောက်ရယူနိုင်တဲ့ ဘ၀အောင်မြင်ရေးလမ်းကြောင်းပေါ် ရောက်သွားပါ တယ်လို့ဖြေမိမှာ အမှန်ပါပဲ။

ကိုယ်က လိုလိုချင်ချင်နဲ့ ဘ၀ထဲကို ဖိတ်ခေါ်လိုက်လို့ ရောက်လာသူဆိုရင်တော့ တမျိုးဖြစ်ပါလိမ့်မယ်။ အဲလိုမဟုတ်ရင်တော့ မဖိတ်ပဲ အိမ်ထဲကို ဧည့်စိမ်းတယောက်ရောက်လာရင် အိမ်ကလူတွေအတွက် အနှောင့်အယှက်ဖြစ်စေသလိုပဲ ကျွန်မဘ၀ထဲကို ကျွန်မ မဖိတ်ခေါ်ထားတဲ့ ယောက်ျားဆိုသူ တယောက် မတော်တဆရောက်လာတဲ့အခါ ဘ၀ခရီးအတွက် အနှောင့်အယှက်တွေ အတော်များများတော့ ဖြစ်စေပါတော့တယ်။

ကျွန်မသားလေးကို မွေးပြီး အိမ်ပြန်ရောက်လာတဲ့နေ့မှာ ကျွန်မသိပ်လိုချင်ပြီး ကြိုးစားထားခဲ့တဲ့ အောက်စဖိုဒ့်တက္ကသိုလ် Doctor of Philosophy in Economics တက်ရောက်ခွင့် စာရွက်က အိမ်မှာ စောင့်ကြိုနေခဲ့ပါတယ်။ အချိန်ပြည့်လေးနှစ် သင်တန်းပါ။ အင်တာဗျူးသွားစဉ်က သိပ်နေမကောင်းတာမို့ ရလိမ့်မယ်လို့ မျှော်လင့်ချက်သိပ်မထားခဲ့ပါ။ ဘာပဲဖြစ်ဖြစ် အဲဒီမှာ ကျွန်မသိပ်စိတ်ဝင်စားတဲ့ Development Economics သုတေသနပိုင်းတွေကို သေချာညွှန်ကြားပြသပေးနိုင်မယ့် နိုဘယ်ဆုရ ပါမောက္ခကြီးတွေရှိပါတယ်။ ကျွန်မလုပ်ချင်တဲ့ သုတေသနတွေကို အပြည့်စုံဆုံးပံ့ပိုးပေးနိုင်မယ့် စာအုပ်စာတမ်းတွေ ရှိနေပါတယ်။ ကျွန်မလိုချင်တဲ့အရာတော်တော်များများဟာ အဲဒီနေရာမှာ ရှိနေခဲ့ပါတယ်။ ဒီကနေတဆင့်တက်ပြီး ၊ ကျွန်မသွားချင်တဲ့ အာဖရိကတိုက်နဲ့လက်တင်အမေရိကက ဖွံ့ဖြိုးဆဲနိုင်ငံတွေရဲ့ စီးပွားရေးရာအလုပ်တွေကို သွားလုပ်လို့ ရနိုင်ပါတယ်။ အတွေ့အကြုံတွေအများကြီးကို ကျွန်မရယူနိုင်ပါလိမ့်မယ်။ တက်ခွင့်ရတယ်ဆိုတာ တကယ့်ကို ပျော်စရာ အခွင့်အလမ်းကြီးပါပဲ။

သြော်-ဒါပေမယ့်လဲလေ- အော့စဖို့ဒ်က ပါရဂူဘွဲ့တွေကို အချိန်ပိုင်းတက်လို့မရဘူးဆိုတာ သိထားတဲ့ ကျွန်မအတွက်တော့ အချိန်ပြည့်လေးနှစ်ကို မွေးကာစကလေးလေးနဲ့ ဘယ်လိုဖြတ်သန်းရမှာလဲ ဆိုတာတွေ တွေးမိတဲ့အခါ၊ ကျွန်မရမယ့် စကောလားရှစ်တလတထောင်ခန့်ဟာ ကလေးထိန်းခ တလ (၉၀၀)နဲ့တင် ကုန်သွားမယ်ဆိုတာ တွေးမိလာတဲ့အခါ၊ ကျောင်းပြီးသွားတဲ့အခါကျရင်လဲ ဟိုနိုင်ငံသုံးလ၊ ဒီနိုင်ငံသုံးလသွားနေရမယ့် အလုပ်သဘာဝနဲ့ ကလေးငယ်လေးနဲ့ မဖြစ်နိုင်ဘူးဆိုတာ သတိပြုမိတဲ့အခါ၊ နံရံကို လက်သီးနဲ့ ဒေါသတကြီး ပိတ်ထိုးမိရုံမှတပါး တခြားရွေးစရာ မရှိခဲ့ပါဘူးလေ။ ကျွန်မတို့ယူကေ တက္ကသိုလ်တွေက offer ပေးချိန်မှာ accept (သို့) deny လုပ်ရပါတယ်။ ကမ္ဘာကျော်တက္ကသိုလ်ကြီးတခုရဲ့ offer ကို deny ဆိုတဲ့ အကွက်လေးထဲမှာ အမှတ်ခြစ်လိုက်ရတဲ့ ကျွန်မရဲ့ လက်တွေ တဆတ်ဆတ်တုန်နေခဲ့တာကို အခုအချိန်ထိ အမှတ်ရနေမိဆဲပါပဲ။ ဘာပဲဖြစ်ဖြစ် ဘယ်တော့မှ ဇွဲမလျှော့ပဲ ကျွန်မဒီဘွဲ့ကို မရရအောင်ကို တချိန်ချိန်မှာ ယူမယ်လို့တော့ ဆုံးဖြတ်ချက်ချလိုက်မိတယ်။

ဒါကြောင့်လဲ နောက်ပိုင်း ကျွန်မတို့ တက္ကသိုလ်မှာပဲ အချိန်ပိုင်းပါရဂူဘွဲ့တက်ဖို့လုပ်ဖြစ်တော့ Economics အစား Politics ကို ကျွန်မရွေးလျှောက်ဖြစ်ခဲ့ပါတယ်။ ယူထားတဲ့ဘာသာရပ်တွေက နှစ်ခုလုံးအတွက် relevant discipline ဖြစ်နေလို့တော်ပါသေးတယ်။ Economics ပါရဂူဘွဲ့ကိုတော့ ကျွန်မ Oxford ကနေပဲ တချိန်မှာ ရအောင်ယူမယ်လို့ ဆုံးဖြတ်ထားတာကြောင့်ပါပဲ။ သားလေးအရွယ်ရောက်ပြီးလို့ ကျွန်မတာဝန်ယူဖို့မလိုတော့တဲ့အချိန်တခုမှာပေါ့လေ။ ပြီးရင် ကျွန်မသွားဖို့ရည်ရွယ်ခဲ့တဲ့ နိုင်ငံတွေဆီ ဆက်သွားမယ်။ အလုပ်သွားလုပ်မယ်။ ဒီမျှော်လင့်ချက်တွေနဲ့ ကျွန်မလဲ အသက်ရှင်နေရတော့တာပါပဲ။ မြန်မာပြည်ဒီမိုကရေစီ ဒီကြားထဲ ရသွားခဲ့ရင်တော့ တမျိုးပေါ့လေ။ ဘာကိုမှစဉ်းစားစရာမလိုတော့ပဲ ကိုယ့်တိုင်းပြည်ကိုယ်ပြန်ပြီး ကျရာနေရာမှာ ပါဝင်ရမှာပေါ့။ လုပ်ချင်တာတွေကို အကောင်အထည်စဖော်ရမှာပေါ့။

အင်း- အခုအချိန်မှာတော့ လဲကျပြိုလဲသွားခဲ့တဲ့ ဘ၀တခုကို ပြန်လည်ထူထောင်နေရဆဲပါပဲလေ။ ပါရဂူဘွဲ့ရမယ့်အချိန်ဟာ အချိန်ပိုင်းလုပ်ရတာဖြစ်တဲ့အတွက် မျှော်မှန်းထားခဲ့တဲ့ အချိန်ထက်တော့ နှစ်ပေါင်းများစွာနောက်ကျသွားပါတယ်။ အလုပ်မှာလဲ ဖွံ့ဖြိုးဆဲနိုင်ငံတွေအတွက် focus မဟုတ်တော့ပဲ၊ ဖွံ့ဖြိုးပြီးနိုင်ငံထဲက စီးပွားရေးလုပ်ငန်းကြီးတွေရဲ့ ဘဏ္ဍာရေးကဏ္ဍဖြစ်နေပြန်ပါတယ်။ အဲဒီအတွက်လည်း ရာထူးတွေအဆင့်ဆင့်တက်နိုင်ဖို့ fellowship စာမေးပွဲတွေ ထပ်ဖြေရပြန်ပါတော့တယ်။ လမ်းကြောင်းနည်းနည်းရွေ့သွားတာဖြစ်တဲ့အတွက် ပိုပြီး ကြိုးစားရတာတော့ အမှန်ပါပဲ။ ဒီလိုသာ ဒီနိုင်ငံမှာပဲ ဘယ်လောက်ကြာမှန်းမသိ ဆက်နေရလိမ့်မယ်လို့ ကြိုသိခဲ့ရင် Development Economics အစား Corporate Finance and Investment Banking ကို specialized လုပ်ခဲ့မှာပေါ့လို့တော့ တွေးမိသား။

ဒါပေမယ့်လဲ ဘ၀ဆိုတာ ဘာဖြစ်လာမယ်မှန်းကြိုသိလို့ရနိုင်တာမှ မဟုတ်ပဲလေနော်။ ဘ၀ဆိုတဲ့ စစ်မြေပြင်ထဲမှာ အသေအလဲ ဆင်နွှဲရမယ့် တိုက်ပွဲကြီးတွေက ခပ်များများရယ်။ ကျွန်မရဲ့ ဘ၀ရှေ့ခရီးလမ်းကြောင်းမှာလဲ ဘယ်အကွေ့ကျရင် ဘယ်လိုတိုက်ပွဲတွေနဲ့ တွေ့ရဦးမယ်မသိ။ ဘာပဲဖြစ်ဖြစ် လဲကျတိုင်း ပြန်ထနိုင်ဖို့ကိုတော့ ကျွန်မအမြဲ ကြိုးစားနေမှာပဲ။

ခင်မမမျိုး (၁၄၊ ၈၊ ၂၀၀၈)

(ဘ၀မှာ အမျိုးသမီးတွေအတွက် ဘ၀ဖော် လင်ယောက်ျားတယောက်ရှိသင့်တယ်လို့ လူအများက ပြောဆိုကြပါတယ်။ ဒါပေမယ့် ကိုယ့်ဘ၀ထဲကို ယောက်ျားတယောက်ဝင်ရောက်လာတာဟာ အမြဲတမ်း အပေါင်းလက္ခဏာ မထွက်နိုင်ဘူးဆိုတဲ့အချက်ကိုတော့ ဘ၀တူမိန်းကလေးများ သင်ခန်းစာယူနိုင်ဖို့ ဒီပို့စ်လေးနဲ့ သတိပေးပါရစေနော်။ တခါတရံမှာ ယောက်ျားတွေဟာ မိန်းမတယောက်ရဲ့ ဘ၀မြင့်မားမှု၊ ရာထူးတိုးတက်မှု၊ အောင်မြင်မှုတွေအတွက် အတားအဆီးတွေ၊ နှောင့်နှေးကြန့်ကြာစေတာတွေပါလို့ ကမ္ဘာ့ငွေကြေးဈေးကွက်ကို ခြယ်လှယ်နေကြတဲ့ လန်ဒန် City Finance Centre က အမျိုးသမီးအမှုဆောင်အရာရှိ ရှစ်ဆယ်ရာခိုင်နှုန်းကျော်က သုတေသနတခုမှာ ဖြေကြားထား ခဲ့ဖူးကြောင်းပါ)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>