စိန်လူသား (၀တ္ထုတို)

Diamond (Short Story)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

ဘယ်သူ တရားခံလဲ (၀တ္ထုတို)

ဘယ်သူတရားခံလဲ (၀တ္တုတို)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

လုံလောက်ပြီ၊ ဆက်ပြီး သည်းမခံနိုင်တော့ဘူး (ဘာသာပြန် ရသစာစု)

တခါတုန်းက အိမ်တအိမ်မှာ တံခါးနှစ်ချပ်ရှိပါတယ်။ တံခါးတချပ်က အရမ်းလှပတဲ့ ဧည့်ခန်းတံခါးဖြစ်ပြီး၊ နောက်ထပ် တံခါးတချပ်ကတော့ သာမန် ရေချိုးခန်းတံခါး ဖြစ်ပါတယ်။

ဒီတံခါးနှစ်ချပ်ဟာ သွင်ပြင်လက္ခဏာတွေ မတူညီပေမယ့် ဘ၀တူတွေ ဖြစ်ကြပါတယ်။ ဘာဖြစ်လို့လဲဆိုတော့ အဲဒီအိမ်မှာနေတဲ့ ကလေးတွေဟာ တံခါးတွေကို ဆောင့်ပိတ်လိုက်၊ ကန်ကျောက်လိုက် လုပ်လေ့ရှိတဲ့ ဆိုးသွမ်းကလေးတွေ ဖြစ်လို့ပါပဲ။



ဒါကြောင့် ဒီတံခါးနှစ်ချပ်ဟာ ညဘက်လူခြေတိတ်ချိန်ဆိုရင် သူတို့ရဲ့ မသေချာ၊ မရေရာတဲ့ အနာဂတ်ဘ၀တွေနဲ့ ပတ်သက်ပြီး စကားသဲ့သဲ့ ပြောလေ့ရှိကြပါတယ်။ ဧည့်ခန်းတံခါးဟာ အစဉ်အမြဲ မောပန်းနွမ်းနယ် စိတ်ပျက်နေပြီး၊ အချိန်မရွေး ဒေါသတွေ ပေါက်ကွဲတော့မယ့် အခြေအနေမှာရှိတတ်ပါတယ်။ ရေချိုးခန်းတံခါးကတော့ အစဉ်အမြဲ သွေးအေးနေလေ့ရှိပြီး၊ ဧည့်ခန်းတံခါးကို နှစ်သိမ့်လေ့ရှိတယ်။

"စိတ်မပူပါနဲ့။ ဒါဟာ သမရိုးကျ ဖြစ်ရပ်တွေပါ။ သူတို့က ကလေးတွေပဲ ရှိသေးတာကိုး။ နောက်ဆို သူတို့တွေ ဒါမျိုး မလုပ်ရဘူးလို့ သင်ခန်းစာ ရသွားမှာပဲ။ အချိန်လေး နည်းနည်းသာပေးလိုက်။ အခြေအနေတွေ တိုးတက်လာတာကို မြင်တွေ့ရပါလိမ့်မယ်" လို့ သူက အမြဲအားပေးလေ့ရှိပါတယ်။

ရေချိုးခန်းတံခါးက ဒီလိုပြောလိုက်တဲ့အခါတိုင်း ဧည့်ခန်းတံခါးက သွေးအေးသွားလေ့ရှိတယ်။ ဒီလိုနဲ့ တနေ့တော့ အဲဒီအိမ်မှာ ပါတီပွဲကြီးတခုကျင်းပပြီး၊ တံခါးတွေကို ဆောင့်ဖွင့်လိုက်၊ ဆောင့်ပိတ်လိုက်၊ ကန်ကျောက်လိုက် လုပ်ကြတဲ့အခါမှာ ဧည့်ခန်းတံခါးဟာ ဘယ်လိုမှ ဆက်ပြီး သည်းခံနိုင်စွမ်း မရှိတော့ပါဘူး။ "တော်ပြီ၊ လုံလောက်ပြီ။ ဆက်ပြီး သည်းမခံနိုင်တော့ဘူး။ နောက်ပိုင်းမှာ တယောက်ယောက်က လာပြီးဆောင့်ပိတ်လိုက်တာနဲ့ ကွဲကြေကျိုးပဲ့ ပစ်လိုက်မယ်။ ဒါမှ သူတို့တွေ သိသွားမယ်" လို့ သူက ရေရွတ်လိုက်ပါတယ်။ ရေချိုးခန်းတံခါးက ဘယ်လောက်ပဲ ဖြောင့်ဖြပေမယ့် မရတော့ပါဘူး။

ဒီလိုနဲ့ နောက်တနေ့မှာ ကလေးတယောက်က ဆောင့်ပိတ်လိုက်တာနဲ့ ဧည့်ခန်းတံခါး ကွဲကြေကျိုးပဲ့သွားပါတယ်။ ဒီဖြစ်ရပ်နဲ့ ပတ်သက်ပြီး အိမ်ထဲမှာ ပြဿနာတွေတက်ကြပါတယ်။ ကလေးတွေကို ဂရုစိုက်ဖို့ သတိပေးခံ လိုက်ရပါတယ်။ ဒါကိုကြည့်ပြီး ဧည့်ခန်းတံခါးက ကျေနပ်သွားပါတယ်။ နောက်ဆုံးတော့ လှလှပပ လက်စားချေလိုက်နိုင်ပြီ မဟုတ်လား။

ဒါပေမယ့်လဲ ရက်အနည်းငယ်ကြာတဲ့အခါမှာ အိမ်ပိုင်ရှင်တွေဟာ ကွဲကြေကျိုးပဲ့နေတဲ့ တံခါးတချပ် အိမ်မှာ ရှိနေတာကို စိတ်မသက်မသာ ဖြစ်လာကြပါတယ်။ ဒါကြောင့် တံခါးကို ပြင်ဆင်ခြင်း မပြုတော့ပဲ အစားထိုးလိုက်ပါတော့တယ်။ ဧည့်ခန်းတံခါးဟောင်းကိုတော့ အမှိုက်ပုံနားမှာ ပစ်ထားလိုက်ပါတယ်။

အဲဒီအချိန်မှာ သူလုပ်ခဲ့တာတွေအတွက် အရမ်းလှပတဲ့ ဧည့်ခန်းတံခါးလေးက နောင်တရသွားပါတော့တယ်။ အချိန်အနည်းငယ်လောက် စောင့်သင့်တဲ့ အချိန်မှာ မစောင့်ဆိုင်းမိလို့ ခုဆိုရင် သူဟာ ဖယ်ရှားခြင်း ခံလိုက်ရပါပြီ။ ထယ်ထယ်ဝါ၀ါ လှပသော တံခါးဘ၀ကနေ လွှစာမှုန့်ဘ၀ကို ရောက်သွားရတော့မှာ ဖြစ်ပါတယ်။ တချိန်တည်း မှာပဲ သူ့သူငယ်ချင်း သာမန်ရေချိုးခန်းတံခါးလေးကတော့ သူ့နေရာနဲ့သူ ရှိနေပါတယ်။ ကလေးဆိုးတွေက သူ့ကို ဂရုတစိုက်နဲ့ ကိုင်တွယ်လာကြပါတယ်။

ကံကောင်းချင်တော့ ဧည့်ခန်းတံခါးလေးဟာ လွှစာမှုန့်ဘ၀ကိုတော့ မရောက်သွားရှာပါဘူး။ ဆင်းရဲနွမ်းပါးသူ တယောက်က တံခါးလေးကို အမှိုက်ပုံတွေနားမှာ တွေ့လိုက်ရပါတယ်။ ဒီတံခါးဟာ ကွဲကြေကျိုးပဲ့နေတယ် ဆိုပေမယ့် သူ့ရဲ့ အိမ်ကလေးအတွက်တော့ အကောင်းဆုံးဖြစ်မယ်လို့ သူက တွေးမိသွားပါတယ်။

ဒီလိုနဲ့ပဲ ဧည့်ခန်းတံခါးလေးဟာ တံခါးဘ၀ကို ပြန်ရောက်ခွင့် ရသွားပြီး၊ တံခါးဖြစ်ရခြင်းမှာ စိတ်မသက်သာ စရာတွေ ကြုံတွေ့ရမှာပဲ ဆိုတဲ့ အခြေအနေမှန်ကို ၀မ်းမြောက်ဝမ်းသာနဲ့ လက်ခံသွားပြီ ဖြစ်ပါတယ်။ စောင့်သင့်တဲ့ အချိန်ကို စိတ်ရှည်စွာနဲ့ စောင့်ဆိုင်းရမယ်ဆိုတာကိုလဲ သူနားလည်သွားပါပြီ။

ရေးသားသူ- Pedro Pablo Sacristán
ဘာသာပြန်သူ - ခင်မမမျိုး (၂၂၊ ၈၊ ၂၀၁၁)

(Pedro Pablo Sacristán ရေးသားသော Short Stories by Values စာအုပ်လေးမှ That's enough ဆိုသော စာစုလေးအား မြန်မာဘာသာသို့ ပြန်ဆိုထားခြင်း ဖြစ်ပါသည်)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

ပြောက်ကျားတိုက်ပွဲများ

တိုက်ပွဲ(၁)- ပြက္ခဒိန် ပိုစတာ


အချိန်ကား- ၂၀၁၁ ခုနှစ်
နေရာကား- မန္တလေးတိုင်း

"ဘယ်လိုပဲ ဖြစ်ဖြစ်ကွာ။ ငါတို့ ဒီအတိုင်း ငြိမ်ခံနေလို့ မဖြစ်တော့ဘူး။ တခုခုတော့ လုပ်ရမယ်"
"ငါလဲ မင်းလိုပဲ စဉ်းစားမိတယ်။ ဘယ်နဲ့ကွာ။ စစ်မတိုက်ချင်လို့ စစ်တက္ကသိုလ်မတက်ပဲ ရိုးရိုးတက္ကသိုလ်တက်တာပေါ့။ ဘွဲ့ရပြီးကာမှ ငါတို့က စစ်သားဝင်လုပ်ရမှာလား"
"အေးကွာ။ တတိယကမ္ဘာစစ်ဖြစ်နေတာလဲ မဟုတ်ဘူး"
"တတိယကမ္ဘာစစ်ဖြစ်နေတာ မဟုတ်ဘူးဟေ့။ လူသတ်ပွဲဖြစ်နေတာ။ ရွှေဝါရောင်တော်လှန်ရေးတုန်းက ဘုန်းကြီးတွေ၊သီလရှင်တွေကို ပစ်သတ်တာ၊ ရိုက်သတ်တာ မတွေ့ဘူးလား။ ငါတို့ကို စစ်မိန့်နဲ့ အဲလို သတ်ခိုင်းဖို့ ကြံစည်နေတာ"
"မိုက်ရိုင်းတယ်ကွာ။ ငါကတော့ စစ်မိန့်တွေ၊ဘာတွေ ဂရုမစိုက်ဘူး။ ဦးနှောက်ရှိတဲ့ လူကွ။ ငါ့ကိုလာပြီး ဘုန်းကြီးသတ်ခိုင်းလို့ကတော့ ငါ့သေနတ်ပြောင်းဝမှာ ဘုန်းကြီးတွေ မရှိစေရဘူး။ သေနတ်ပြောင်းပြန်လှည့်မှာပဲ"



"သေနတ်ပြောင်းပြန်လှည့်တာက နောက်မှကွ။ ပြန်မလှည့်ခင် ငါတို့ကို တိုင်းရင်းသားလက်နက်ကိုင်တပ်တွေနဲ့ တိုက်ခိုင်းမယ်၊ ရွာတွေ မီးရှို့ခိုင်းမယ်၊ မိုင်းကွင်းဖြတ်ခိုင်းမယ်၊ လူသတ်ခိုင်းမယ်။ ဒါတွေ လုပ်ဖို့ စစ်တပ်မှာ အင်အားအပြည့် မရှိတော့ဘူးကွ။ သူတို့တပ်တွေမှာ ဗိုလ်တွေပဲ ရှိပြီး၊ အရာခံ၊ အကြပ်၊ တပ်သားဖွဲ့စည်းပုံတွေ မပြည့်ဘူးလို့ ကြားတယ်။ အဲဒီပြဿနာကို ဖြေရှင်းတာ"
"ဒါတခုတည်းတင် မဟုတ်ဘူးကွ။ ငါတို့တိုင်းပြည်က နောင်တခေတ်ရဲ့ ခေါင်းဆောင် လူငယ်မျိုးဆက်သစ်တွေကို စစ်ဗိုလ်တွေရဲ့ အမိန့်အောက်မှာ ပြားပြားဝပ်နာခံရပြီး၊ ဦးကျိုးသွားအောင် လုပ်တာ။ ဒါမှလဲ သူတို့ရဲ့ စစ်သွေးကြွနိုင်ငံတော် တည်ဆောက်ရေး စီမံချက်ကြီး အောင်မြင်သွားမှာပေါ့"
"အေး၊ ဟုတ်တယ်ကွ။ ခုဆို ရွေးကောက်ပွဲမှာလဲ အရပ်ဝတ်ဗိုလ်တွေနဲ့ ကြံ့ဖွတ်တွေပဲ အနိုင်ရကြတယ်။ လွှတ်တော်ထဲမှာလဲ ရွေးကောက်ပွဲမ၀င်ပဲ အချောင်ပါလာတဲ့ ဖားတပိုင်း၊ ငါးတပိုင်းတွေကလဲ ရှိသေးတယ်ကွာ။ ဒီတော့ လွှတ်တော်နိုင်ငံရေးမှာ သူတို့ပဲ ကြီးစိုးထားတာ။ ဒါပေမယ့် လွှတ်တော်ပြင်ပ နိုင်ငံရေးကိုတော့ သူတို့ ကြောက်တယ်ကွ။ ဒါကြောင့် လူငယ်တွေ ဦးကျိုးသွားအောင် ချိုးဖို့ လုပ်တာ"
"အဲလိုဆိုရင် ငါတို့ တိုင်းပြည်ရဲ့ အနာဂတ်မျိုးဆက်တွေအားလုံး စစ်ကျွန်ဘ၀ရောက်ပြီပေါ့ကွ။ လွှတ်တော်တွင်းမှလဲ ဖားတပိုင်း၊ ငါးတပိုင်းတွေ၊ လွှတ်တော်ပြင်ပမှာလဲ စစ်မှုထမ်းဟောင်းတွေပဲ ဖြစ်ကုန်ပြီပေါ့။ အရပ်ဘက်- စစ်ဘက် ဆက်ဆံရေးကို ဘယ်လို တည်ဆောက်ကြမှာလဲ"
"တောက်၊ ခံပြင်းတယ်ကွာ"
"ခံပြင်းနေလို့ မပြီးဘူးကွ။ ဒါကို ငါတို့က ငြိမ်ခံနေကြမှာလား။ ငါတော့ကွာ။ စစ်မှုထမ်းပြီး ဦးချိုးခံရ၊ စစ်မြေပြင်မှာ ခွေးသေ၊ ၀က်သေ အသေခံရတာထက်စာရင် မတရားတဲ့ ဒီအမိန့်အာဏာတွေကို ဖီဆန်ပြီး သေရတာကမှ တော်သေးတယ်လို့ မြင်တယ်"
"ဟုတ်တယ်ကွ။ ငါတို့ တိုင်းပြည်မှာ စစ်အာဏာရှင်စနစ်ကြောင့် ဒီလိုဖြစ်နေရတာ။ ဒီစနစ်ကို မဖယ်ရှားမချင်း ငါတို့ ဘ၀အနာဂတ်တွေ မရေမရာဖြစ်နေဦးမှာပဲ"
"ငါတို့ ဘာလုပ်ကြမလဲ"
"အေး၊ ဟုတ်တယ်။ ငါတို့ တခုခုလုပ်ရမယ်။ ဒါပေမယ့် ငါတို့မှာ အဆက်အသွယ် မရှိဘူးကွ"
"မန္တလေးဘက်မှာတော့ ကျောင်းတုန်းက သူငယ်ချင်းတချို့ရှိတယ်။ သူတို့ကတော့ အင်တာနက်ပေါ်ကနေ ပိုစတာလေးတွေ ရတယ်။ အဲဒါလေးတွေ ပရင့်ထုတ်ပြီး၊ ပိုစတာကင်ပိန်း လုပ်တယ်ကွ"
"မင်းကလဲကွာ။ ပိုစတာကပ်ရုံနဲ့ ဒီအစိုးရက ပြုတ်ကျမှာတဲ့လား"
"အဲလိုတော့ မဟုတ်ဘူးလေကွာ။ တဘက်ရန်သူက အင်အားကြီးတယ်။ ငါတို့ အုပ်စုလေးမှာက လူ ၅ယောက်ပဲ ရှိတာ။ ဒီအတိုင်းပဲ ထွက်တိုက်လိုက်ရင် အင်အားချင်းမမျှဘူးလေ။ ဒီတော့ ပြောက်ကျားတိုက်ပွဲ လုပ်ရမယ်။ ဒီလို လုပ်တာမှာလဲ ငါတို့လိုမျိုး စစ်အာဏာရှင်စနစ်ကို တိုက်ချင်တဲ့ လူတွေအားလုံး ပါဝင်လာအောင် လှုံ့ဆော်ဖို့ ပိုစတာကင်ပိန်း လုပ်ဖို့လိုတယ်"
"ဒါပေမယ့် ငါတို့ဆီမှာ ပိုစတာမှ မရှိတာ"
"သားတို့ ဘာတွေ ပြောနေကြတာလဲ"

အဖေ ၀င်လာသဖြင့် လူငယ်တစု ပြောနေသော စကားဝိုင်း ရပ်သွားသည်။ သူတို့ လူငယ်များ အချင်းချင်းဆွေးနွေးနေသော စကားလုံးများကို အဖေများ ကြားသွားလေသလားဟူသော စူးစမ်းကြည့်ဖြင့် မိုးအေးက လှမ်းကြည့်သည်။ အဖေက ခပ်အေးအေးပင်။
"သားတို့တွေ၊ ပိုစတာလုပ်ချင်လို့လား။ လူငယ်ဆိုတာ မရှိတာကို အကြောင်းပြတာထက်၊ ရှိအောင် ဘယ်လိုလုပ်မလဲ ဆိုတာ စဉ်းစားရတယ်။ လိုရင်ကြံဆ၊ နည်းလမ်းရပေါ့ကွာ။ သြော်-သား၊ မင်းအမေ သိမ်းထားတဲ့ ပြက္ခဒိန်ဟောင်းတွေ အများကြီးရှိတယ်လေ။ ပြက္ခဒိန် စာမျက်နှာ အလွတ်တဘက်မှာ မင်းတို့ဆွဲချင်တဲ့ ပုံဆွဲပြီး၊ ကြွေးကြော်သံတွေ ရေးလိုက်ရင် ပိုစတာဖြစ်ပြီပေါ့ကွ။ ကွန်ပျူတာတွေ၊ ဂရပ်ဖစ်တွေ မပေါ်တဲ့ ခေတ်တုန်းက အဖေတို့တွေ ဒီလိုပဲ လုပ်ခဲ့ကြတာပဲ"
"အဖေ"
မိုးအေးက ၀မ်းသာအားရဖြင့် လှမ်းခေါ်တော့ အဖေက သားပခုံးကို လှမ်းဖက်လိုက်သည်။
"ပိုစတာသွားကပ်ရင်တော့ သတိထားကြကွာ။ သတိရှိရှိနဲ့လုပ်။ တိုက်ပွဲဖော်တယ်ဆိုတာ သတိရှိရတယ်"

ထူးခြားသော အားအင်တခုက အဖေဆုပ်ကိုင်ထားသော လက်မောင်းများမှတဆင့် မိုးအေးကိုယ်ထဲသို့ စီးဝင်သွားသည်။ အခန်းထဲမှ မိုးအေးသူငယ်ချင်းများတွင်လဲ အပြုံးကိုယ်စီဖြင့်။

မည်သို့ဆိုစေ၊ သေချာသည်ကတော့ မကြာမီရက်ပိုင်းအတွင်းတွင် စစ်အာဏာရှင်စနစ် ချုပ်ငြိမ်းရေး ပြက္ခဒိန် ပိုစတာများ မိုးအေးတို့ မြို့လေးတွင် ပျံ့နှံ့သွားပေတော့မည်။ အခြားမြို့များ၊ ရွာများသို့လည်း အဆိုပါ ပြောက်ကျားတိုက်ပွဲလေးများ ဆက်လက်ပျံ့နှံ့သွားပါက …...................................။

တိုက်ပွဲ (၂) – ဗလာစာရွက်၊ ဖြန့်ဝေစာ

အချိန်ကား- ၂၀၁၁ ခုနှစ်
နေရာကား- ပဲခူးတိုင်း

"မမဆီမှာ ပိုက်ဆံ အပိုနည်းနည်းများ ရှိလားဟင်"
"ဟဲ့၊ မိသူ။ နင်ငါ့ကို ဒီလိုတခါမှ မမေးဖူးပါဘူး။ ဘာဖြစ်လို့လဲ။ အမေက မုန့်ဖိုးမပေးဘူးလား"
"မုန့်ဖိုးတော့ ပေးပါတယ်။ ဒါပေမယ့် ငွေနည်းနည်းလိုနေလို့ပါ"
"မဟုတ်သေးပါဘူးဟယ်။ မိသူ၊ နင်မှန်မှန်ပြောစမ်း။ ဘာလုပ်မလို့လဲ။ နင့်မှာ ရည်းစားရှိနေပြီလား။ ဆယ်တန်းကျောင်းသူ ရည်းစားထားကို မမခွင့်မပြုဘူးနော်"
"မဟုတ်ပါဘူး၊ မမရဲ့။ ရည်းစားမထားပါဘူး။ ညီမလေးက ဒီစာရွက်လေးတွေကို ကော်ပီကူးပြီး ဖြန့်ချင်လို့ပါ"
သူသူ့လက်ထဲမှ စာရွက်လေးတွေကို ကြည့်ပြီး၊ မမမျက်လုံးပြူးသွားသည်။
"ဟဲ့၊ ဒါက စစ်အစိုးရဆန့်ကျင်ရေးကြေငြာချက်တွေပဲ"
"ဟုတ်တယ်မမ။ ညီမလေး ဒါတွေကို ဖြန့်ချင်လို့။ အဲဒါ ကော်ပီဆွဲဖို့ ငွေလိုနေတာ"
"ဘာလို့ လုပ်ချင်ရတာလဲ မိသူရယ်။ နင်အဖမ်းခံရလိမ့်မယ်"
မမရယ်၊ အဖမ်းခံရမှာကို ညီမလေး မကြောက်ပါဘူး။ ညီမလေးတို့ ဘ၀တွေ ဘယ်လောက်ခက်ခဲနေတယ်ဆိုတာ မမအသိဆုံးနေမှာပါ။ မမဆိုရင် အဝေးသင်နဲ့ ဘွဲ့ရပြီးပြီ။ ဒီဘွဲ့လေးရအောင် စတိုးဆိုင်မှာ အလုပ်လုပ်ရင်း မမ ဘယ်လောက် ကြိုးစားခဲ့ရလဲ။ မုဆိုးမအမေလဲ ဘယ်လောက်ရုန်းကန်ခဲ့ရလဲ။ ဟော- ခုဘွဲ့ရတော့ကော မမဘ၀က တိုးတက်လာလား။ မမဘွဲ့ရရင် ရုံးတရုံးမှာ အရာရှိဖြစ်မှာပဲလို့ မျှော်လင့်ချက်လေးနဲ့ အမေ့မှာ ရုန်းကန်ခဲ့ရတာ။ ၀န်ထမ်းရွေးချယ်ရေးက အဝေးသင်ဘွဲ့ရတွေကို အရာရှိအလုပ် မလျှောက်ရဘူးဆိုတော့ ခုမမ ဘာလုပ်နေရလဲ။ မနက်မှာ စတိုးဆိုင်အရောင်းစာရေး၊ ညနေမှာ စားသောက်ဆိုင် အဆိုတော်။ ခုညီမလေး ဆယ်တန်းအောင်ပြီးရင်ကော၊ ဘာဖြစ်လာမှာလဲ။ ဘယ်မှာလဲ ညီမလေးတို့ ကျောမွဲကျောင်းသူတွေရဲ့ အနာဂတ်"

သူသူ့ အပြောကြောင့် မမ ငိုင်သွားသည်။ ဘွဲ့ရရင်တော့ ဘ၀ အပြောင်းအလဲလေး တစုံတရာဖြစ်မလားလို့ မမ မျှော်လင့်ခဲ့ဖူးသည်။ သို့ပေမယ့် ဘ၀ပြောင်းဖို့နေနေသာသာ၊ မယိုင်လဲအောင်တောင် မနည်းထိန်းနေရသည်။ အမေမျှော်လင့် ခဲ့သလို၊ ရုံးအရာရှိဖြစ်ဖို့ဝေးစွ။ ရုံးစာရေးအလုပ်ပင် အဆက်အသွယ်ကောင်းရှိမှ ရသည်တဲ့။ ဖခင်ကလဲ မရှိ၊ ဆွေမျိုး သားချင်းလဲ မရှိသော မုဆိုးမအမေနှင့် ညီအစ်မနှစ်ယောက်ဘ၀မှာ ဘယ်လိုအဆက်အသွယ် ရှိပါမည်တဲ့လဲ။ စားသောက်ဆိုင် အဆိုတော် အလုပ်လေး ရတာတောင် ကံကောင်းပေလွန်းလို့။

"မမရယ်။ ညီမလေးတို့ဘ၀တွေ ဒီလိုနဲ့ပဲ အဆုံးသတ်ရတော့မှာလားဟင်။ ညီမလေးတို့ မရေရာ၊ မသေချာ ဘ၀နဲ့ပဲ မဆုံးချင်ဘူး။ ကျောင်းမှာလဲ ကျူရှင် မတက်နိုင်တော့ သိပ်မျက်နှာငယ်တာပဲ။ ဒီကြားထဲ ရေအိုးဖိုး၊ တံမြက်စည်းဖိုး၊ အချိန်ပိုဖိုး၊ ဆရာကန်တော့ပွဲအလှူငွေဆိုပြီး တမျိုးပြီးတမျိုးတောင်းကြသေးတယ်။ ဟိုနေ့တုန်းကဆို အေတန်းက ဗိုလ်မှူးသမီး တယောက်က ညီမလေးတို့ကို မဆီမဆိုင်ချိုးချိုးဖဲ့ဖဲ့လာပြောလို့ ညီမလေးတို့ ဘီတန်းက ကျောင်းသူတွေနဲ့ စကားများကြတယ်။ ဆရာမတွေက ဘာလုပ်လဲသိလား မမ။ အကောင်သမီးနဲ့ ရန်ဖြစ်လို့တဲ့။ ညီမလေးတို့ကို ရိုက်ပြီး သူ့ကိုတောင်းပန်ခိုင်းတယ်။ ညီမလေးတို့ဘ၀တွေက ဘာဖြစ်နေပြီလဲဟင်။ ဘယ်မှာလဲ။ ကျောင်းသားတွေရဲ့ တန်းတူညီမျှ အခွင့်အရေး။ ဘယ်မှာလဲ။ ကျောင်းသားတွေရဲ့ အနာဂတ်ပန်းတိုင်"

သူသူက ပြောရင်း မျက်ရည်များကျလာသည်။ မမလဲ မျက်ရည်ကို မနည်းထိန်းထားရသည်။ ဆိုင်မှာ ပြောနေကြသော ဇိုင်းဂနိုင်း လူသတ်ပွဲကို သတိရလာသည်။ စားသောက်ဆိုင်ကအပြန် လူငယ်ချင်းရန်ဖြစ်တာကို တဘက်စစ်ဗိုလ်က စစ်တပ်ခေါ်လာပြီး လမ်းမပေါ်မှာတင် လူငယ်တွေကို ပစ်သတ်သတဲ့။ မမတို့ တိုင်းပြည်ကြီး ဘာဖြစ်နေပြီလဲ။ ရောမခေတ်ကလို ကျွန်ဇာတ်သွင်းခံနေရပြီလား။ ဒါဆို ဘယ်သူတွေက သခင်တွေလဲ။ ဘယ်သူတွေက ကျွန်တွေလဲ။ ပြည်သူလူထုက စစ်အာဏာရှင်တွေရဲ့ ကျွန်တွေ ဖြစ်နေပြီလား။

"ညီမလေးကို ပိုက်ဆံနည်းနည်းပေးပါ မမရယ်။ ကော်ပီဆွဲပြီး၊ ကြေငြာချက်လေးတွေ သွားဖြန့်ချင်လို့ပါ"

"မမဆီမှာလဲ ငွေပိုငွေလျှံ သိပ်မရှိဘူး သူသူ။ ပြီးတော့ ကော်ပီသွားဆွဲတုန်း ကော်ပီဆိုင်က အစိုးရလူတွေကို သတင်းပေးလိုက်ရင် ဘယ်လို လုပ်မလဲ။ ဒီလိုလုပ်ပါလား။ မမတို့ ရှိတဲ့ ပိုက်ဆံလေးတွေနဲ့ ဗလာစာအုပ်လေးတွေ ၀ယ်မယ်လေ။ ပြီးရင် အချိန်အားတွေမှာ ဗလာစာရွက်တွေပေါ်မှာ ကူးရေးမယ်။ မမသူငယ်ချင်းတွေကိုလဲ ကူရေးခိုင်းမယ်၊ သူသူ့သူငယ်ချင်းတွေကိုလဲ ကူရေးခိုင်း။ ပြီးရင် စုပြီး ဖြန့်မယ်လေ"

"ကောင်းတယ်မမ။ အဲဒါကောင်းတယ်။ ညီမလေးက ငွေမရှိလို့ စိတ်ဆင်းရဲနေတာ။ ခုလိုဆို ငွေကုန်ကြေးကျ သက်သက်သာသာနဲ့ ကြေငြာချက်တွေ ဖြန့်လို့ ရပြီပေါ့နော် မမ"

သူသူက မျှော်လင့်ချက်မျက်ဝန်းလေးများဖြင့် ၀မ်းသာအားရ ပြောသည်။ မမလည်းပျော်ပါသည်။ အချိန်အားရတာနှင့် ကြေငြာချက်စာလေးများကို ဗလာစာအုပ်ထဲမှာ ကူးပြီး စာရွက်လေးတွေ လိုက်ဖြန့်မည်။ သူငယ်ချင်းများကိုလဲ ကူးပြီး ဖြန့်ခိုင်းမည်။ ငွေမရှိလို့ စစ်အာဏာရှင်စနစ်ကို မတိုက်နိုင်တာ မဖြစ်စေရ။ ဗလာစာရွက်၊ ဖြန့်ဝေစာများဖြင့် စစ်အစိုးရကို တိုက်မည်။ ဗလာစာရွက်၊ ဖြန့်ဝေစာလေးများ တပြည်လုံးအနှံ့၊ ပျံ့နှံ့သွားသော တနေ့မှာ …............................။

တိုက်ပွဲ (၃) - နှုတ်ခမ်းနီ လှုံ့ဆော်စာ

အချိန်ကား- ၂၀၁၁ ခုနှစ်
နေရာကား- ရှမ်းပြည်နယ်၊ တောင်ကြီးတက္ကသိုလ်

"ဟဲ့။ ကျော်အောင်။ သား ဒါဘာလုပ်နေတာလဲ"

ကျောင်းသို့ အစောကြီးလာပြီး၊ ပြတင်းပေါက်မှန်တွင် စစ်အာဏာရှင်ဆန့်ကျင်ရေး လှုံ့ဆော်စာများ လိုက်ကပ်နေသော ကျော်အောင်တယောက်၊ နောက်မှ အသံကြောင့် ရုတ်တရက်လန့်သွားရသည်။ လှည့်ကြည့်လိုက်တော့ ကျော်အောင်တို့ ဌာနမှ ကထိက ဆရာမ။
"ကျွန်တော် လုပ်သင့်လုပ်ထိုက်တာကို လုပ်နေတာပါ ဆရာမ"
"ကဲလာလာ၊ ဆရာမတို့ ကင်တင်းဘက်သွားရအောင်၊ ဒီနားမှာ ရပ်နေလို့ သိပ်မကောင်းဘူး"

ပြောပြောဆိုဆိုဖြင့် ဆရာမက ကင်တင်းဘက်ထွက်သွားတာကြောင့် ကျော်အောင်လဲ ဆရာမနောက်သို့ လိုက်သွားရသည်။

"ဘာလို့ ဒီလို လုပ်ရတာလဲ သားရယ်။ သားက စာလဲတော်တယ်။ မိဘတွေ မရှိတော့ပေမယ့် ကိုယ့်ထူးကိုယ်ချွန်ကြိုးစားရင်း အလုပ်လုပ်နေရတာ။ ဆရာမနဲ့ တွေ့တာမဟုတ်ပဲ တခြားလူတွေနဲ့ တွေ့သွားရင် သားဘ၀ပျက်သွားမှာပေါ့"
"ကျွန်တော်တို့ လူငယ်တွေရဲ့ ဘ၀တွေက ပျက်ပြီးသားပါ ဆရာမရယ်။ ဒီလိုကျောင်းတက်နိုင်အောင် ကျွန်တော် ဘာလုပ်နေရတယ်လို့ ဆရာမထင်လဲ"
"သားပြောမှ ဆရာမသိမှာပေါ့"
"ကျွန်တော်ဆယ်တန်းအောင်ပြီးတော့ တက္ကသိုလ် မတက်ခင် အလုပ်ရှာတယ်ဆရာမ။ အလုပ်က လွယ်လွယ်ကူကူ မရဘူး။ နောက်တော့ အသိတယောက်အဆက်အသွယ်နဲ့ လိုင်စင်မဲ့ဆိုင်ကယ်သွင်းတဲ့ အလုပ်ရတယ်။"
"လိုင်စင်မဲ့ဆိုင်ကယ်။ ဒါဆို ဥပဒေနဲ့ ဘယ်ကင်းပါ့မလဲ"
ဆရာမက အံ့သြတကြီးနှင့် ကျော်အောင့်ကို ကြည့်သည်။

"ဟုတ်တယ်ဆရာမ။ ယိုးဒယားဘက်ကနေ ဆိုင်ကယ်ပစ္စည်းတွေသွင်း၊ ပြန်ဆင်ထားတဲ့ ၀စ်ဒေါက် တွေလေ။ ကျွန်တော်တို့က ဆင်ပြီးသားဆိုင်ကယ်တွေကို တောင်ကြီးအထိ သွားမောင်းယူပေးရတာ"
"အန္တရာယ်များလိုက်တာဟယ်"
"ဟုတ်တယ်ဆရာမ။ အန္တရာယ်များပါတယ်။ ဒါပေမယ့် ငွေလွယ်လွယ်ရတော့ ဒီအလုပ်တွေထဲမှာ လူငယ်တွေ အများကြီးပဲ။ ဆိုင်ကယ်တင်မဟုတ်ဘူး ဆရာမ။ ရာဘဆေးတွေ သွင်းတဲ့လိုင်းတွေ၊ ကားတွေသွင်းတဲ့လိုင်းတွေ အများကြီးရှိတယ်။ ဒါတွေကို ဘယ်သူတွေက လုပ်နေတယ်ထင်လဲဟင် ဆရာမ။ အကျင့်စာရိတ္တမြင့်မားရေးဆိုတာကို လူမှုရေးဦးတည်ချက်ထဲ ထည့်ထားတဲ့ စစ်အာဏာရှင်တွေ ကိုယ်တိုင် လုပ်နေကြတာ။ ကျွန်တော်တို့ကို အဲဒီပခုံးကြယ်ပွင့်ပါ ပုဂ္ဂိုလ်တွေနဲ့ ဆွေမျိုးသားချင်းတွေက ခိုင်းနေကြတာဗျ။ သူတို့အချင်းချင်း စားကျက်လုပြီး သူ့လူ၊ ကိုယ့်လူစားကြရင်လဲ ကျွန်တော်တို့ လူငယ်တွေက မဖြစ်စလောက်ငွေလေးတွေနဲ့ ကြားကနေ ထောင်ကျခံကြရတာပါ"

ဆရာမက ဂရုဏာမျက်လုံးဖြင့် လှမ်းကြည့်နေရုံမှတပါး ဘာမှ ဆက်မပြောနိုင်ဖြစ်သွားသည်။
"ဒီစစ်အာဏာရှင်တွေလက်အောက်မှာ ကျွန်တော်တို့ တိုင်းပြည်ကြီးရဲ့ စီးပွားရေးကဏ္ဍကြီးတခုလုံး ခြွတ်ခြုံကျ ပျက်စီးနေတာကို ပညာတတ်ကထိကကြီးဖြစ်တဲ့ ဆရာမက ပိုပြီး သိမှာပါဗျာ။ စီးပွားရေးလုပ်ငန်းတွေကို ဘယ်သူတွေက လုပ်နေကြတာလဲ။ တရားဝင်စီးပွားရေး လုပ်ငန်းတွေမှာလဲ စစ်အာဏာရှင်တွေနဲ့ ဆွေမျိုးသားချင်းတွေ၊ နီးစပ်ရာတွေက ချုပ်ကိုင်ထားကြတာပါ။ တရားမ၀င်စီးပွားရေး လုပ်ငန်းတွေမှာလဲ သူတို့နဲ့ ဝေစားမျှစား လုပ်နိုင်သူတွေကပဲ ချုပ်ကိုင်ထားကြတာပါ။ ပြည်သူတွေဆိုတာက လက်ဝေခံတွေပါ။ ကျွန်တော်တို့ တိုင်းပြည်ကြီးတခုလုံး နွံနစ်နေပြီ ဆရာမ။ အဲဒီနွံထဲမှာ ကျွန်တော်တို့ လူငယ်တွေရဲ့ အနာဂတ်တွေပါ မြှုပ်နေပြီ။ ကျွန်တော်တို့ ဘယ်လို ရုန်းထွက်ရမလဲ။ ဒီစစ်အာဏာရှင်တွေကို မဖြုတ်ချပဲ ကျွန်တော်တို့ တိုင်းပြည်ကြီးကို ဘယ်လိုတည်ဆောက်လို့ ရမှာတဲ့လဲ။ ကျွန်တော်တို့ရဲ့ ဘ၀တွေကို ရိုးရိုးသားသား၊ ကြိုးကြိုးစားစားနဲ့ ဘယ်လို ရုန်းကန်လို့ ရမှာတဲ့လဲ။ တက္ကသိုလ်ပရ၀ုဏ်တွေအထဲထိ ရောက်နေတဲ့ နှစ်လုံးထီ၊ သုံးလုံးထီတွေ၊ ရာဘဆေးတွေ၊ စာကူးချပညာရေးစနစ်တွေ၊ အမှတ်ဝယ်စနစ်တွေကို ကျော်လွှားပြီး ဆရာမတို့ကကော ဘယ်လို ပညာရေးအဆင့်အတန်းကို မြှင့်တင်နိုင်မှာတဲ့လဲ"

တက္ကသိုလ်ကျောင်းတော်ကြီးမှ သင်ကြားထားပေးခြင်းမရှိသော ပကတိအရှိတရား ဘ၀ပညာများကို ရရှိထားသော တပည့်ငယ်ကို ကြည့်ရင်း ဆရာမ ငိုင်သွားမိသည်။ ဘယ်လိုပဲဖြစ်ဖြစ် တပည့်လေးကို သတိကြီးကြီးနှင့် လုပ်စရာရှိတာများလုပ်ဖို့ သတိပေးရသည်။ တပည့်ငယ်နှင့် လမ်းခွဲပြီးချိန်အထိ ကျောင်းသူကျောင်းသားများ၊ ဆရာမများက ကျောင်းပရ၀ုဏ်တွင်းမှ သိပ်မရှိသေးကြ။

ပြတင်းပေါက်မှန်တခုပေါ်မှာ ကြွေးကြော်သံများပါသော စာရွက်လေးကို ကြည့်ရင်း သူမ ပြုံးမိသည်။ ပြီးတော့ သူမအိတ်ထဲမှ နှုတ်ခမ်းနီတောင့်လေးကို ထုတ်ပြီး စာရွက်မကပ်ထားသော ပြတင်းမှန်များပေါ်တွင် စစ်အစိုးရဖြုတ်ချရေး- ဒို့အရေး ဟု လိုက်ရေးလိုက်မိသည်။

ဘယ်လိုပဲဖြစ်ဖြစ် စစ်ဆေးရန်အဖြေလွှာတချို့ ရုံးခန်းထဲ ကျန်ခဲ့တာမို့ ကျောင်းစောစောလာခဲ့မိတာကို ကိုယ့်ဘာသာကိုယ် ကျေနပ်မိတာတော့အမှန်။ လှုံ့ဆော်စာ စာရွက်များ လက်ထဲမှာ မရှိပေမယ့် သူမတို့ မိန်းကလေးများရဲ့ ပိုက်ဆံအိတ်တွေထဲမှာ နှုတ်ခမ်းနီတောင့်များ ကိုယ်စီဆောင်ထားလေ့ရှိပါသည်။ အဆိုပါ နှုတ်ခမ်းနီလေးများဖြင့် လူအများမြင်နိုင်သော မှန်များပေါ်တွင် လှုံ့ဆော်စာများ လိုက်ရေးထားပါက နှုတ်ခမ်းနီ လှုံ့ဆော်စာများကလဲ တနည်းတဖုံဖြင့် လူထုလှုပ်ရှားမှုကို ထောက်ကူပြုမည် မလွဲ............။

တိုက်ပွဲ (၄)- ကြက်ခြေခတ်၊ ဆန္ဒဖော်ထုတ်ပွဲ

အချိန်ကား- ၂၀၁၁ ခုနှစ်
နေရာကား- ဧရာဝတီတိုင်း

"မမ၊ ကော်ဖီသောက်ပါဦးရှင့်"
သူနာပြုဆရာမ ဖျော်ပေးသော ကော်ဖီကို ဟန်ပင်မဆောင်နိုင်တော့ပဲ အားရပါးရ မော့ချလိုက်မိသည်။
"သြ၀ါဒခံယူပွဲ အဆင်ပြေရဲ့လား မမ"
"နော်ဆေးရယ်။ မသိတာလဲ မဟုတ်ပဲနဲ့၊ မေးနေသေးတယ်။ တို့လဲ လူနာတွေ ဆေးကုချင်လို့ ဆရာဝန်လုပ်တာပါဟယ်။ သူတို့နဲ့ကျမှပဲ ကိုယ့်ဘာသာကိုယ် ဆရာဝန်လား၊ မူလတန်းကျောင်းသူလားဆိုတာ မသိတော့ဘူး။"
"တိုးတိုးပြောမမ။ တော်ကြာ ဟိုကြံ့ဖွတ်သူနာပြုမ ကြားသွားလို့ တိုင်နေဦးမယ်"
"အမယ်လေး။ တိုင်စမ်းပါစေဟယ်။ နယ်ပြောင်းခံရရုံမကလို့ အလုပ်ထုတ်ခံရရင်တောင် တို့မှာ နားအေးပါးအေး နေရဦးမယ်။ ခုတော့ တခါလာ ၀န်ကြီး၊ တခါလာ ဒုဝန်ကြီး၊ တခါလာ တိုင်းမှူးနဲ့ တယောက်ပြီးတယောက်လာပြီး သြ၀ါဒပေးနေကြတာ။ တို့မှာ အလုပ်ပျက်၊ အကိုင်ပျက်နဲ့။ ဒီကြားထဲ သူတို့အလာမှာ လက်အုပ်လေးတွေ ချီပြီ ကြိုရသေးတယ်။ ဘယ်နဲ့ဟယ်။ လူ့အသက်ကယ်တဲ့ လက်ဆိုပြီး ကိုယ့်ဘာသာကိုယ်ကျေနပ်နေတာ။ ခုမှပဲ လူသိရှင်ကြား လူသတ်သမားတွေကို လက်အုပ်ချီနေရတယ်။ ကိုယ့်လက်ကိုတောင် ကိုယ် မသတီတော့ဘူး"
"မမ။ ဒီနေ့ တခုခုဖြစ်လာတယ်ထင်တယ်။ ဒီလိုပြောတာ တခါမှ မကြားဖူးဘူး"
"ဘာမှမဖြစ်လာပါဘူးနော်ဆေးရယ်။ တို့စိတ်ကုန်နေတာကြာပြီ။ ပြောမထွက်ပေမယ့် ရင်ထဲမှာ မခံချင်စိတ်တွေ အပြည့်ပဲ။ ရှစ်လေးလုံးတုန်းက ဆေးရုံထဲ ၀င်ပစ်တာတွေ သိပြီးကတည်းက သူတို့ မျက်နှာတွေကို မြင်ရရင် မျက်စိထဲ ဆံပင်မွှေးစူးသလို ခံစားနေရတာ"
"မမတောင် ဒီလိုခံစားရရင် နော်ဆေးတို့ဆို ပိုဆိုးတာပေါ့ မမရယ်။ ရွာမှာတုန်းကဆိုရင်လေ သူတို့ဝင်လာပြီဆိုရင် ဘယ်သူအသတ်ခံရမလဲ၊ ဘယ်သူ မုဒိမ်းကျင့်ခံရမလဲဆိုပြီး တထိတ်ထိတ်နဲ့ နေကြရတာ။ ကလေးတောင် သူတို့လာပြီပြောရင် အငိုတိတ်တယ်။ အဲလောက်ထိ ရမ်းကားကြတာ။ အပြစ်မဲ့ လူတွေကို အပြစ်ရှာပြီး သတ်ဖြတ်တာ၊ ရွာမီးရှို့တာတွေ မြင်ရ၊ ကြားရဖူးတော့ သိပ်မုန်းတာပဲ မမရယ်။ အမှန်ပြောရရင် မြို့ပေါ်မှာ ဗမာဆို မုန်းနေတာ"
"မမလဲ ဗမာပါပဲ နော်ဆေးရယ်။ မမတို့ ဗမာတွေက နော်ဆေးတို့တွေကို ဒီလိုလုပ်နေတာ မဟုတ်ပါဘူး။ စစ်အာဏာရှင်တွေက လူမျိုးပေါင်းစုံ ပါဝင်နေတဲ့ စစ်တပ်ကို ထိန်းချုပ်ပြီး လုပ်နေကြတာပါ။ တကယ်တမ်းကျတော့ ဗမာလူမျိုးတွေအပါအ၀င် တိုင်းရင်းသား ပြည်သူတွေအားလုံးက စစ်အာဏာရှင်စနစ်အောက်မှာ ဖိနှိပ်ခံနေကြရတာပါ"
"ဟုတ်ပါမယ် မမ။ မမတို့နဲ့ နာဂစ်ကယ်ဆယ်ရေး လိုက်မိတော့မှ နော်ဆေး သဘောပေါက်သွားတာပါ။ နော်ဆေးတို့ တိုင်းရင်းသားတွေကိုတင် သတ်ဖြတ်နှိပ်စက်နေတာမှ မဟုတ်ပဲ။ ဗမာလူမျိုးတွေကိုလဲ ဖိနှိပ်လိုက်ကြတာနော်။ ကူညီကယ်တင်မယ့် လူတွေကိုလဲ တိုင်းပြည်ထဲ အ၀င်မခံဘူး။ ဒုက္ခဆင်းရဲ ရောက်နေကြသူတွေကိုလဲ မစောင့်ရှောက်ဘူး။ ဒီကြားထဲ မနေနိုင်လို့ အလောင်းတွေစုပြီး သဂြိုလ်ပေးသူတွေကိုလဲ ဖမ်းလားဆီးလားနဲ့"
"ကျန်းမာရေးစောင့်ရှောက်သူတယောက်အနေနဲ့ ဒီအကြောင်းတွေကို ပြန်ကြားရတိုင်း၊ ပြန်တွေးမိတိုင်း အော့နှလုံးနာမိတယ် နော်ဆေးရယ်။ အရေးထဲ သေစာရင်းလူနာမည်တွေကို သူတို့ ဖွဲ့စည်းပုံအခြေခံဥပဒေ ထောက်ခံမဲထည့်တဲ့ စာရင်းထဲ လိုက်ထည့်နေတာက တမျိုး"
"ဟုတ်တယ်မမရယ်။ ဒါလား လူထုဆန္ဒ။ မုန်တိုင်းရောက် တမလွန်ရောက်သွားသူတွေရဲ့ အလောင်းတွေကိုကျတော့ ပုပ်ပွနေမှ သဂြိုလ်ကြပြီး၊ ဒီလူတွေရဲ့ နာမည်တွေကိုကျတော့ ထောက်ခံမဲထည့်တဲ့ စာရင်းထဲ ထည့်ထားတာကို လူထုဆန္ဒ အပြည့်အ၀ ရထားတဲ့ ဖွဲ့စည်းပုံ အခြေခံဥပဒေလို့ ပြောနေတာများ၊ သူတို့မို့ မရှက်မကြောက်"
"ဟိုတလောက ရွေးကောက်ပွဲကကော ဘာထူးလို့လဲ နော်ဆေးရယ်။ ကြိုတင်မဲတွေ လိုက်ကောက်ကြတာပဲလေ။ တို့တွေအားလုံး ဆန္ဒအစစ်အမှန်ကို ဖော်ထုတ်ခွင့်မှ မရခဲ့ကြတာ"
"အဲဒီတုန်းက ဖော်ထုတ်ခွင့် မရပေမယ့် အချိန်တော့ မနှောင်းသေးဘူး မမ။ နော်ဆေးတို့တွေ သူတို့လုပ်ရပ်တွေကို လက်မခံဘူးဆိုတဲ့ ဆန္ဒအစစ်အမှန်ကိုတော့ တနည်းနည်းနဲ့ ဖော်ထုတ်ကြရမယ်"
"ပြောပါဦးနော်ဆေး။ နော်ဆေးက ဘယ်လိုနည်းတွေ တွေ့ထားလို့လဲ"
"အထွေထွေ သပိတ်မပေါ်သေးပေမယ့် ပြောက်ကျားတိုက်ပွဲလှုပ်ရှားမှုတော့ လုပ်လို့ရမယ်ထင်တယ် မမ"
"ပြောက်ကျားနည်းဆိုလို့ လူတိုင်းအလွယ်တကူ ပါဝင်နိုင်တဲ့ နည်းတွေနဲ့ စသင့်တယ်ထင်တယ်"
"ဟုတ်တယ် မမ။ ဥပမာ- သတင်းစာတွေ၊ ဂျာနယ်တွေထဲက အစိုးရဦးတည်ချက်ဆိုတာတွေ၊ ကြွေးကြော်သံတွေကို ကြက်ခြေခတ်ပြီး ဆန္ဒဖော်ထုတ်တာကတော့ လူတိုင်းအလွယ်တကူ လုပ်လို့ရတယ်။ အဲဒီကြက်ခြေခတ်ထားတဲ့ သတင်းစာဖြတ်ပိုင်းတွေကို သစ်ပင်တွေ၊ အုတ်နံရံတွေမှာ လိုက်ကပ်ထားလို့လဲ ရတယ်။ ရုံးတွေ၊ ဆိုင်တွေမှာလဲ ဖတ်ပြီးရင် မသိမသာ ကြက်ခြေခတ်ထားလိုက်ရင် နောက်လူက မြင်သွားမှာပဲ"
"ဟုတ်တယ်။ ဒါလဲ လှုပ်ရှားမှုတခုပဲ။ အခြေအနေ၊ အချိန်အခါကြည့်ပြီး လူတိုင်းပါလို့ရတယ်။ ဆန္ဒအစစ်အမှန်ကို ကြက်ခြေခတ်သင်္ကေတနဲ့ ဖော်ထုတ်ပြလို့ရတယ်"
ဒေါက်တာကြူကြူက ပြောရင်းဆိုရင်း၊ သူမရှေ့မှာရှိသော ကျန်းမာရေးစာစောင်၊ မဂ္ဂဇင်းများမှ ဦးတည်ချက်စာမျက်နှာများကို ကြက်ခြေခတ် စလုပ်ချိန်တွင် နော်ဆေးကလဲ ဆေးရုံထဲမှ သတင်းစာများကို သွားယူလေတော့သည်။ ကြက်ခြေခတ် သင်္ကေတများပါသော သတင်းစာများ၊ စာစောင်များ၊ ဂျာနယ်များ၊ မဂ္ဂဇင်းများဖြင့် စစ်မှန်သော ဆန္ဒကို ဖော်ထုတ်ကြသည့် တိုက်ပွဲများ လူထုကြားသို့ ပျံ့နှံ့လာခြင်းဖြင့်................................။

တိုက်ပွဲ (၅)- အမှောင်တိုက်ပွဲ

အချိန်ကား- ၂၀၁၁ ခုနှစ်
နေရာကား- ရန်ကုန်တိုင်း

"တောက်။ မီးကပျက်ပြန်ပြီကွာ"
ဦးစိတ်တို၏ တောက်ခေါက်သံက အမှောင်နှင့် အတူ ထွက်ပေါ်လာသည်။ အကြောင်းသိသော သားနှင့် သမီးကလဲ အခန်းထဲက ထွက်လာကြသည်။ မီးပျက်လျှင် ဖယောင်းတိုင်ခြွေတာသည့်အနေဖြင့် မိသားစုအားလုံး အခန်းတခန်းထဲမှာပဲ စုနေကြသည်။ စာကျက်သူကလဲ ၀ါကျင့်ကျင့် ဖယောင်းတိုင်မီးရောင်လေးဖြင့် စာကျက်ကြရသည်။ ဖခင်၏ လုပ်စာလေးတခုတည်းနှင့် တအိမ်လုံးစားနေကြရသော မိသားစုလေးအတွက် သူများတွေလို အက်ဗာတာ အိပ်မက်တွေလဲ မမက်နိုင်ပါ။
"အမယ်လေး၊ လာကြပါဦးတော်"
အိမ်နောက်ဖေးဘက်မှ အသံကြားတော့ သားသမီးနှစ်ယောက်က ပြုံးကြသည်။ ဦးစိတ်တိုက ပုဆိုးကို ခပ်တိုတိုပြင်ဝတ်ရင်း ပါးစပ်က တတွတ်တွတ် ရေရွတ်သည်။
"ဒီမိန်းမကွာ။ ကလေးပဲ နှစ်ယောက်ရနေပြီ။ ခုထိ သရဲကြောက်တုန်း"
မကျေမနပ်ဖြင့် ရေရွတ်မိပေမယ့် ထုံးစံအတိုင်း နောက်ဖေးအိမ်သာမှ ပြန်ထွက်လာသော မိန်းမဖြစ်သူကို ဖယောင်းတိုင်လေးဖြင့် သွားကြိုရပြန်သည်။
"ရှင်ကလဲတော်။ မှောင်မှောင်မည်းမည်းကြီးကို။ ကျုပ်ကြောက်တာပေါ့"
အိမ်ထဲပြန်ရောက်လာတော့ ဒေါ်ပိစိကလဲ ထုံးစံအတိုင်း အရှက်ပြေပြောသည်။ ကြားနေကြ စကားမို့ ဘယ်သူမှ ဘာမှ ပြန်မပြောကြ။

"ငါတို့ဘ၀တွေလဲ ဘယ်တော့များကျမှ အမှောင်ထဲက လွတ်မလဲ မသိပါဘူးကွာ"
"ရှင်က ဘယ်အမှောင်ကို ပြောနေတာတုန်း"
"သြော်- ဒီမိန်းမ။ မီးမှောင်တာကို ပြောတာပေါ့။ ငါ့မှာ တနေ့လုံး အလုပ်က ပင်ပန်းလာပြီး အပျင်းပြေစာအုပ်လေး ဖတ်ချင်တာတောင် မဖတ်ရဘူး။ မီးက ပျက်ပြီ"
"သိပါဘူးတော်။ ဈေးမှာ ဟိုကောင်မတွေ ပြောသံကြားတာတော့ အမှောင်က နှစ်မျိုး ရှိတယ်တဲ့။ မီးမလာတဲ့ အမှောင်က တမျိုး။ နောက်တမျိုးက စစ်အစိုးရရဲ့ လက်အောက်မှာ တိုင်းပြည်တခုလုံးကျနေတာကလဲ အမှောင်ထဲ ရောက်နေတာပဲတဲ့"
"ဟ။ မင်းတို့က နိုင်ငံရေးပြောနေကြတာလား"
"နိုင်ငံရေးဆိုတာလဲ ကျုပ်တို့အရေးပါပဲ တော်ရယ်။ ကျုပ်တို့နိုင်ငံကြီးတိုးတက်မှ ကျုပ်တို့ရဲ့ ဘ၀တွေလဲ တိုးတက်မှာပေါ့တော်။ ခုတော့ ကျုပ်မှာလေ၊ ဈေးရောင်းတာတောင် အေးအေးဆေးဆေး မရောင်းရဘူး။ ဈေးခေါင်းတွေ ကြောက်ရ၊ စည်ပင်တွေ ကြောက်ရနဲ့။ ဒီကြားထဲ ဈေးတွေက တက်တော့ အမြတ်မရပဲ အရင်းထဲက မပါသွားအောင်တောင် မနည်းပြောရောင်းနေရတာ။ ခုဆို ကျုပ်ဘုရားရှိခိုးရတာတောင် စိတ်မဖြောင့်ဘူးတော်။ ငါးပါးသီလခံပြီး အလေးခိုးနေရတာ မကောင်းပါဘူးရှင်"
"ငါတို့လဲ မထူးပါဘူးကွာ။ ဒီခေတ်ကြီးမှာ ရုံးကားမောင်းတယ်ဆိုတာနဲ့ ဆီခိုးတာနဲ့က ဒွန်တွဲနေတာပဲ။ ဒီလိုမှ မလုပ်ရင်လဲ လခက လောက်မှ မလောက်တာ"
"တခါတလေ၊ ကျုပ်စဉ်းစားမိတယ်။ ကလေးတွေကြီးလာရင် စာရိတ္တကောင်းဖို့ သင်ပေးရမှာလား၊ အနေအစားချောင်အောင် ဘာမဆိုလုပ်ဖို့ သင်ပေးရမှာလားလို့"
"ဟေ"
ဦးစိတ်တို ငိုင်သွားသည်။ အလင်းရောင်ဖျော့ဖျော့ကြားမှ သူ့မိန်းမမျက်နှာကို ပြန်ကြည့်မိသည်။
"ကျုပ်တကယ်ပြောနေတာ။ ကျုပ်လေ၊ စိတ်မကောင်းဘူး သိလား။ ဈေးထဲမှာ ပြောနေကြတာတော့ ဒါတွေဟာ စစ်အစိုးရကြောင့်တဲ့။ အုပ်ချုပ်သူတွေကိုယ်တိုင်က စာရိတ္တတွေ ချို့ယွင်းပြီး တိုင်းပြည်ဘဏ္ဍာခိုးစားနေကြမှတော့ တတိုင်းပြည်လုံးမှာလဲ သူခိုးကြီး၊ သူခိုးလေးတွေ ပြည့်နေတော့မှာပေါ့တဲ့"

စကားဝိုင်းက အတန်ကြာတိတ်ဆိတ်သွားသည်။ ကလေးများလဲ စာဖတ်ရင်း စားပွဲပေါ်မှာ မှောက်အိပ်နေကြသည်။ ဦးစိတ်တိုက ငုတ်တုတ်ထိုင်နေသည်။ ဒေါ်ပိစိကလဲ နံရံမှီပြီး ငိုက်နေသည်။
"ဟော- မီးလာပြီတော့"
မီးပြန်လာသဖြင့် ဒေါ်ပိစိက ၀မ်းသာအားရ ဖြစ်သွားသည်။
"မီးခလုတ်တွေ သွားပိတ်လိုက်စမ်း"
"ရှင်ဘာပြောတယ်"
"ဟုတ်တယ်။ မီးခလုတ်တွေကို ပိတ်ပစ်လိုက်။ ဒီနည်းနဲ့ ငါတို့တိုင်းပြည်ကို ကယ်တင်ရမယ်"
ဒေါ်ပိစိက အလန့်တကြားဖြင့် ဦးစိတ်တိုကို ကြည့်သည်။
"ငါတို့တွေက သူတို့မီးဖြတ်ရင် မီးမလာဘူးဆိုပြီး စိတ်ညစ်၊ သူတို့မီးပေးရင် မီးလာပြီဆိုပြီး ပျော်နဲ့ သူတို့ခြယ်လှယ်သမျှ ငုံ့ခံနေမှတော့ တတိုင်းပြည်လုံး သူတို့လက်ထဲ ရောက်နေတာ ဆန်းသလားကွ။ ဒီတော့ အာဏာဖီဆန်ရမယ်။ သူတို့မီးပေးတဲ့ နေ့တွေမှာလဲ တတ်နိုင်သမျှ အမှောင်ချပြီး အာဏာဖီဆန်ရမယ်။ မီးမပေးတဲ့ နေ့တွေမှာလဲ မီးပေးဖို့ လျှပ်စစ်ရုံးတွေကို သွားဝိုင်းပြီး တောင်းဆိုရမယ်။ မင်းလဲဒါကို ဈေးထဲမှာပြော။ ငါလဲ လူတွေကို ပြောမယ်။ ဒီလိုအာဏာဖီဆန်တဲ့ တိုက်ပွဲတွေနဲ့မှ ငါတို့ တိုင်းပြည်တခုလုံး အမှောင်ကျနေတာကို ကယ်နိုင်မှာပေါ့ကွ"

ဦးစိတ်တိုစကားဆုံးတော့ ဒေါ်ပိစိက မီးခလုတ်ကို အမြန်သွားပိတ်လိုက်သည်။ အာဏာဖီဆန်သည့် အမှောင်တိုက်ပွဲစလေပြီ။ မတရားသည့် အမိန့်အာဏာဟူသမျှကို တတ်နိုင်သည့်နည်းလမ်းဖြင့် ဖီဆန်သည့် တိုက်ပွဲများ တနိုင်ငံလုံးကို ပျံ့နှံ့သွားခြင်းဖြင့်...........။

ပြောက်ကျားတိုက်ပွဲများမှသည်၊ စစ်အာဏာရှင်စနစ် ချုပ်ငြိမ်းရေးဆီသို့



ခင်မမမျိုး (၂၆၊ ၃၊ ၂၀၁၁)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

သားနှင့် အခြားဝတ္ထုတိုများ (ခင်မမမျိုး)

သားနှင့်အခြားဝတ္ထုတိုများ (ခင်မမမျိုး)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

မေတ္တာတရား ရှာပုံတော် (၀တ္ထုတို)

(၁)

"မေမေ ဒီနေ့အားလားဟင်"
"မအားဘူး သမီးရဲ့၊ မေမေ သွားစရာရှိတယ်"
"မေမေကလဲ အမြဲတမ်း အလုပ်တွေနဲ့ ပြည့်နေတာချည်းပဲ"
"ဒီနေ့က အစည်းအဝေးရှိလို့ပါ သမီးရယ်။ သမီး ဘာလုပ်ချင်လို့လဲ"
"မေမေနဲ့တူတူ မုန့်သွားစားမယ်လေ။ -----ဆိုင်က ဖက်ထုပ်ကြော်က အရမ်းကောင်းတာ မေမေရ"
"မုန့်သွားစားတာပဲ သမီးရယ်။ သူငယ်ချင်းတွေနဲ့ သွားစားလေ။ သမီးက ကိုးတန်းကျောင်းသူကြီးတောင် ဖြစ်နေပြီပဲ။ ကိုယ့်ဘာသာကိုယ် ပိုက်ဆံကို ကိုင်သုံးလို့ ရနေပြီပဲဟာ။ ဘာလဲ- ဖွားဖွားဆီက မုန့်ဖိုးမတောင်းရသေးလို့လား။ ရော့- မေမေ့ဗီဒိုသော့။ ကြိုက်သလောက်ယူသွား"

ဖက်ထုပ်ကြော်စားပြီးရင် ရုပ်ရှင်သွားကြည့်ရအော်နော် ဆိုသောစကားကို ဆက်ပြောဖို့ မြတ်နိုးမှာ အင်အားမရှိတော့။ သော့လေးကိုင်ပြီး ငိုင်နေမိချိန်မှာ မေမေက သူမဘေးကနေ ထွက်ခွာသွားခဲ့ပြီ ဖြစ်သည်။

စိတ်ညစ်ညစ်ဖြင့် မေမေ့ဗီဒိုကို ဖွင့်ပြီး အံဆွဲထဲမှ ငွေစက္ကူအုပ်များကို စိတ်ပျက်စွာ ကြည့်နေမိသည်။

တော်တော်ရှုပ်တဲ့ စက္ကူစုပ်တွေပဲ။ သားအမိကြားက မေတ္တာတရားတွေကိုတောင် ၀င်ရှုပ်နေသေးတယ်။ မေမေကလဲ သူ့နား ကပ်လိုက်တာနဲ့ ငွေတောင်းဖို့ပဲ ထင်နေတယ်။ ဒုက္ခပါလားနော်။

သူမ တိုးတိုးလေး ရေရွတ်လိုက်မိသည်။



(၂)

"မေမေရေ၊ ရှေ့လကျရင် သမီးဆယ့်ရှစ်နှစ် ပြည့်ပြီနော်။ သမီးကို မွေးနေ့လက်ဆောင်ပေးရမယ်"
"စိတ်မပူပါနဲ့ သမီးရယ်။ မေမေ့သမီးလေးကို မွေးနေ့လက်ဆောင်ပေးဖို့ အားလုံး ပြင်ဆင်ပြီးသား"

သမီးက ဘာလိုချင်လို့လဲ လို့ မေးလာခဲ့ရင် မေမေနဲ့အတူ ချောင်းသာ အလည် သွားချင်တယ်လို့ ပြောဖို့ အားခဲထားခဲ့ပေမယ့် မေမေပြန်ပြောတဲ့ အသံမှာက လေးနက်မှုတွေ ပါနေတာမို့ သူမ တိတ်တိတ်လေးပဲ နေလိုက်တော့သည်။ ကျောက်ခဲစုတ်တွေလို့ သူမခေါ်ဝေါ် သုံးစွဲတတ်သော ဖြူနီပြာဝါ အရောင်မျိုးစုံသည့် ရတနာ ပစ္စည်းတမျိုးမျိုးပဲ ဖြစ်လာဦးမှာပါဟု စိတ်ညစ်ညစ်နှင့် တွေးလိုက်မိသည်။

တကယ်တမ်း ဆယ့်ရှစ်နှစ်ပြည့်တဲ့နေ့မှာကျတော့ သူမမျက်စိရှေ့ရောက်လာတာက ကျောက်ခဲစုတ်တွေ မဟုတ်။ လူတွေ ဖြစ်နေပြန်သည်။

"သမီးလေးက သိပ်ကံကောင်းတာပဲ"

မေမေ့ မိတ်ဆွေ အငြိမ်းစားတရားသူကြီး တယောက်ရဲ့ ဇနီးသည် အန်တီကြီးက ပြောသည်။ သူမကတော့ ဘာကို ကံကောင်းမှန်းမသိလေတော့ အလိုက်အထိုက် ခေါင်းငြိမ့်ပြီး သွားဖြီးပြ လိုက်ရသည်။ များမကြာခင် မေမေ့မိတ်ဆွေ ရှေ့နေတယောက် ရောက်လာပြန်သည်။ ဒီတော့မှ သဘောပေါက်သည်။ မေမေ့မွေးနေ့လက်ဆောင်က အမွေဆက်ခံပိုင်ခွင့်နှင့် ဆိုင်သော စာချုပ် စာတမ်းများ။

ဧည့်သည်တွေ ပြန်သွားတော့ စိတ်ညစ်ညစ်နှင့် ဖွားဖွားအခန်းထဲ သွားထိုင်နေဖြစ်သည်။

"ရော့- မြေးလေး"
"ဘာလဲဟင် ဖွားဖွား"
ဖွားဖွားက မြကို စိန်များ ၀ိုင်းထားသော လက်စွပ်ကို သူမလက်မှာ လာစွပ်သည်။
"ဒီမြလက်စွပ်က ဖွားဖွားတို့ ဘိုးစဉ်ဘောင်ဆက် ထိန်းသိမ်းလာတဲ့ ပစ္စည်း။ မြေးလေးကို မွေးနေ့လက်ဆောင်ပေးတာ"

ဖွားဖွား အခန်းထဲက မီးရောင်အောက်တွင် ပြိုးပြိုးပြက်ပြက် တောက်နေသော လက်စွပ်ကြီးကိုကြည့်ပြီး သူမမှာ ငိုရက်ခက်၊ ရီရခက်။

(၃)

"သမီးဆီ ဖေကြီးလာတယ်။ ပျော်လိုက်တာ"

ငယ်ငယ်ကတည်းက မိဘတို့ကြားက မာနတရားတွေကြောင့် ကွဲကွာသွားခဲ့သော ဖေကြီးကို တွေ့ဖို့ ဆိုပြီး ဖေကြီးရှိရာမြို့သို့ သူမ တကူးတက လိုက်သွားခဲ့သည်။ ဖေကြီးက ၀မ်းသာအားရ ကြိုဆိုပါသည်။ သို့ပေမယ့် အကြောင်းအမျိုးမျိုးပြပြီး အတူနေခြင်းကားမရှိ။ အိမ်ထောင်သစ်ထူထားရင်လဲ ကိစ္စမရှိ၊ မိထွေးနဲ့ တည့်အောင် ပေါင်းပါမယ်လို့ တောင်းပန်လဲ မရ။ သူမကို သပ်သပ်ထားလေသည်။ တမြို့တည်း မနေလို့ ဝေးတာက အသာထားလို့ တမြို့တည်း အတူနေတော့လဲ မတွေ့ကြရပြန်။ တခါတရံမှ တွေ့ဖြစ်ကြလေသည်။

"ဖေကြီးကလဲ သမီးဆီ လာချင်တာပေါ့။ အလုပ်တွေ ရှုပ်နေလို့ပါ သမီးလေးရယ်။ ရော့သမီး- ဒါတွေယူထား"

ဖေကြီးက ပြောပြောဆိုဆိုနှင့် သားရေအိတ်နက်ထဲက ငွေစက္ကူအုပ်တွေ ထုတ်ပြီး သူမလက်ထဲ လာထည့်သည်။

"ဒါတွေက ဘာလုပ်ဖို့လဲဟင်"
"သမီးလေး သုံးချင်တာသုံးဖို့ပေါ့"
"စိတ်ညစ်တယ်။ မေမေက ငွေတွေ လွှဲလိုက်၊ ဖေကြီးက ပိုက်ဆံတွေ လာပေးလိုက်နဲ့"

"ဘာ၊ သမီးအမေက ငွေတွေလွှဲပေးတယ် ဟုတ်လား။ သမီးက ဘာလို့ လက်ခံရတာလဲ"
"လက်မခံလို့ ရမလား။ ဘဏ်က ဖုန်းဆက်တာကိုး"
"အို၊ ဘာပဲဖြစ်ဖြစ် ဖေကြီးဆီမှာ ရှိရင်တော့ ဖေကြီးတာဝန်ပေါ့။ သူပို့စရာ မလိုပါဘူး။ သူက တလကို ဘယ်လောက်ပို့ပေးလဲ။ သူ့ထက် နှစ်ဆ သမီးကို ဖေကြီးပေးမယ်"

ဖေကြီးမျက်နှာကို အံ့သြစွာ ငေးကြည့်ရင်း ဘာပြန်ပြောရမည်ပင် မသိတော့။ ဖေကြီးနဲ့တွေ့ရင် တရုတ်တန်းမှာ ကြေးအိုးဆီချက် လိုက်ကျွေးရန် ပူဆာဖို့ စဉ်းစားထားခဲ့သော စကားလုံးလေးများက အသံအဖြစ် ပေါ်ထွက်မလာခဲ့တော့ပါ။

(၄)

"ဒီနေ့အားလားဟင် မမကြီး"
"ဟောကြည့်။ မမကြီး ပြောထားတာကို မေ့နေပြန်ပြီ။ ဒီနေ့ နေ့လည် အထူးဒေသ (----) က ဧည့်သည်တွေနဲ့ တွေ့ဖို့ချိန်းထားတယ်လေ။ မြတ်နိုးပါ လိုက်ခဲ့ရမယ်"
"မမကြီးရယ်။ နောက်နေ့မှ တွေ့လို့ မရဘူးလား"
"ဘာဖြစ်လို့လဲ"
"ကျောက်ဆည်က ဆင်အက သွားကြည့်ချင်လို့ပါ။ သူငယ်ချင်းတွေက ခေါ်တာတောင် လိုက်တာ မဟုတ်ဘူး။ မမကြီးနဲ့ တူတူသွားချင်လို့"

"ဒီကောင်မလေးကတော့ လုပ်ပြန်ပြီ။ တီဗွီမှာလဲ ကြည့်လို့ရနေတဲ့ဥစ္စာ။ ကဲ-ကဲ-နောက်မှ မမကြီးလိုက်ပို့မယ်နော်။ ဒီနေ့တော့ သစ်လုပ်ငန်းကိစ္စ ပြောရမှာမို့ အရေးကြီးတယ်"

"ဒါဆို သူငယ်ချင်းတွေနဲ့ပဲ လိုက်သွားရမလား"
"မလိုက်ရပါဘူး။ မမကြီးနဲ့ပဲ လိုက်ခဲ့ရမယ်။ မြတ်နိုး။ သမီးအသက်ဆယ့်ရှစ်နှစ်ကျော်နေပြီနော်။ အပျော်အပါးတွေ မက်လို့ မရဘူး။ လုပ်ငန်းကိစ္စတွေမှာ အာရုံစိုက်ရတော့မယ်။ မမကြီးမှာက မိဘတွေ၊ ဆွေမျိုးတွေလဲ ရှိတော့တာ မဟုတ်ဘူး။ မြတ်နိုးကိုပဲ ညီမအရင်းလေးလို ချစ်နေရတာ။ နောက်ဆို ဒီလုပ်ငန်းတွေအားလုံး မြတ်နိုးလက်ထဲကိုပဲ လွှဲထည့်ပေးတော့မှာ"

လာပြန်ပြီ- နောက်တယောက်။

စိတ်ပျက်လက်ပျက်ဖြင့် ငုတ်တုတ်ထိုင်ချလိုက်ရုံမှ တပါး သူမ ဘာမှ မတတ်နိုင်တော့။

(၅)
"မြေးလေး"
ကုတင်ပေါ်မှ ဖွားဖွားအသံက တိုးညင်းပျော့ပျောင်းနေသည်။
"သမီးလေးရောက်နေပြီ။ ဖွားဖွားဘာမှ မပူနဲ့တော့နော်။ ဖွားဖွားကို သမီး ပြုစုမယ်"

ဖွားဖွားက ဖြေးဖြေးလေး ခေါင်းခါသည်။ လက်ညှိုးလေးဖြင့် ရှိသမျှလူတွေကို အပြင်ထွက်ခိုင်းသည်မို့ အားလုံးထွက်သွားကြသည်။

ဖွားဖွားအခြေအနေက မဟန်တော့။ မီးစာကုန် ဆီခန်းချိန်ရောက်နေပြီ။ ဒါကြောင့်လဲ မိုင်ပေါင်းများစွာ အဝေးကြီးမှာ ရောက်နေရာက ဖွားဖွားအနီးသို့ အရောက်ပြန်သွားဖြစ်သည်။ အသက်မှီရရင်ကို သူမကျေနပ်သည်။ ဖွားဖွားကို သူမ နမ်းမည်။ ဖွားဖွားလက်ကလေးကို နောက်ဆုံးအချိန်ထိ ဆုပ်ကိုင်ထားမည်။

'သော့"
ဖွားဖွားအသံက သိပ်မသဲကွဲ။ မနည်းအားစိုက်နားထောင်ရသည်။

"စိန်သေတ္တာသော့ မြဘုရားဆင်းတုထဲမှာ"

ကြားရသောစကားကြောင့် သူမ မျက်လုံးပြူးသွားသည်။ လူအများအကြားမှာ ထုတ်ဝတ်နေသော လက်ဝတ်ရတနာများအပြင် ဘိုးဘွားများ စုဆောင်းထားသော စိန်များ သီးခြားသိမ်းထားတယ်လို့သာ သိသည်။ သုံးဧကကျော်ကျယ်ဝန်းသော ခြံကြီးရဲ့ ရှေးအိမ်ကြီးနှစ်လုံးထဲက ဘယ်နေရာမှာရှိမှန်းပင် မသိခဲ့။ အိမ်ထဲမှာ ဟိုဟိုဒီဒီ လျှောက်သွားနေတာကိုလဲ လူကြီးတွေက ကြိုက်တာမဟုတ်၊ သူမကလဲ စာအုပ်ကလွဲရင် ဘာမှစိတ်ဝင်စားတာမဟုတ်တော့ မေ့တောင်မေ့နေခဲ့ပြီ။

"သေတ္တာက စာကြည့်ခန်း မီးဖို"

စကားလုံးလေးများကို တိုးတိုးလေးရေရွတ်ရင်း ဖွားဖွားက ကံကုန်သွားသည်။ ဖွားဖွားကို ကြည့်ရင်း သူမကြောင်နေမိသည်။ အနမ်းလေးတချက်နဲ့တောင် သူမမှာ နှုတ်ဆက်ခွင့် မကြုံလိုက်။ လက်ဖ၀ါးလေးလဲ မကိုင်လိုက်ရ။

စိန်သေတ္တာစုတ်က သူမအိပ်မက်လေးကို အနှောင့်အယှက် ၀င်ပေးသွားပြန်သည်။

(၆)
"မနန်းရယ်၊ ကျွန်မမျက်နှာကို ကြည့်ပေးစမ်းပါ။ ဘာတွေ ဖြစ်နေလဲလို့"
အရမ်းခင်သော အစ်မကြီးတယောက်ကို ပြောလိုက်မိသည်။
"ဘာမှမဖြစ်ပါဘူး။ ဘာဖြစ်လို့လဲ"
"ကျွန်မမျက်လုံးတွေကိုကော ကြည့်ပေးစမ်းပါ။ ဘာတွေ ဖြစ်နေလဲလို့"
"ဟေ"

မနန်းက သူမကို ပြူးတူးပြဲတဲ ပြန်ကြည့်သည်။ အရမ်းချစ်သော အဖွားဆုံးသွားတာမို့ စိတ်အလွန် ထိခိုက်နေတာများလား ဆိုသော စူးစမ်းကြည့်။

"ကျွန်မဘ၀တလျှောက်လုံးမှာလေ ငွေသံ၊ ရွှေသံတွေ လွှမ်းနေတဲ့ မေတ္တာတွေကိုပဲ ခံစားခဲ့ရတယ်။ အဲဒီ ငွေစက္ကူတွေ၊ စိန်ရွှေရတနာတွေ၊ ပိုင်ဆိုင်မှု စာချုပ်စာတမ်းတွေ ဘာမှ မပါတဲ့ မေတ္တာတရားကို လိုချင်လွန်းလို့ လိုက်ပြီး ရှာဖွေနေခဲ့တာလဲ ကြာလှပြီ။ ဒါပေမယ့် အချိန်တွေကသာ ကုန်သွားတယ်။ မေတ္တာတရား ရှာပုံတော်က အဆုံးမသတ်နိုင်ဘူး။ ကျွန်မ၀န်းကျင်က လူတွေက မေတ္တာအစား ပစ္စည်းဥစ္စာတွေကိုပဲ ကျွန်မဆီကို သယ်လာကြတယ်။ ဒီလိုတွေ ဖြစ်ရအောင် ကျွန်မရုပ်က ဥစ္စာရူးရုပ် ပေါက်နေလို့လား အစ်မရယ်။ ကျွန်မမျက်လုံးတွေကကော လောဘအခိုးအငွေ့တွေ သန်းနေလို့လား။ ဘာတွေမှားနေလို့လဲ။ အဲဒါကို ကျွန်မသိချင်တာပါ"

"မဟုတ်ပါဘူး။ မြတ်နိုးလေးရယ်။ လူကြီးတွေက မြတ်နိုးကို ချစ်လွန်းလို့ အရာရာပြည့်စုံအောင် ဖြည့်ဆည်းပေးနေကြတာပါ။ ဒါကို မြတ်နိုးက တလွဲထင်နေတာ။ အဲဒါတွေကလဲ မေတ္တာတရား တွေပဲလေ"
“ ဒါပေမယ့် အဲဒီ စိန်ရောင်ရွှေရောင် မေတ္တာတရားတွေ အကြားမှာ ကျွန်မ မွန်းကြပ်လွန်းနေပြီ မနန်းရယ်။ ဘယ်လိုအရောင်၊ ဘယ်လို မျှော်လင့်ချက် တစုံတရာမှ မပါတဲ့ ဖြူဖြူစင်စင် မေတ္တာတရားလေးကိုပဲ ကျွန်မ လိုချင်တယ်။ ကျွန်မကို တခုကူညီပါလား "
“မနန်း ဘာကူညီရမလဲ"
“ကျွန်မနဲ့ ခဏလိုက်ခဲ့။ မနန်းကို ပြစရာရှိတယ်"

ိမနန်းအား စာကြည့်ခန်းထဲသို့ သူမခေါ်သွားလိုက်သည်။ မြဘုရားဆင်းတုထဲကရသော သော့လေးဖြင့် စာကြည့်ခန်းထဲက ဘိုစတိုင် မီးဖိုလေးထဲတွင် ရှိနေသော သေတ္တာစုပ်လေးကို ဖွင့်ပြလိုက်သည်။ အသုံးမပြုတာ ကြာခဲ့ပြီဖြစ်သော မီးဖိုလေးမို့ သေတ္တာမှာ ဖုန်အလိမ်းလိမ်း။ သေတ္တာကို ဖွင့်ပြလိုက်တော့ မနန်း မျက်လုံးပြူးသွားသည်။ ရတနာလုပ်ငန်း လုပ်နေသူပဲ။ အပွေးမြင် အပင်သိသည်ပေါ့။

"ဒါတွေကို မနန်းယူသွားလိုက်တော့"
"ဟေ"
"လုပ်ငန်းတွေ ထူထောင်ပေးပါ။ ရတဲ့ အကျိုးအမြတ်တွေကို လှူစရာရှိတာတွေ လှူပေးပါ"
"မနန်းက ဘာလုပ်ငန်းတွေ လုပ်ပေးရမှာလဲ။ ပစ္စည်းတွေ ထုခွဲဖို့ကတော့ မပူနဲ့။ မနန်းတတ်နိုင်ပါတယ်"

"အိမ်ခြံမြေ၊ ကားတွေပေါ့ မနန်းရယ်။ ဒီအချိန်မှာ အဲဒါတွေက တွက်ချေကိုက်တယ်လေ။ မြို့ပေါင်းစုံမှာ အိမ်တွေဝယ်၊ လူငှားတွေတင်ပြီး ပစ်ထားလိုက်။ မြေကွက်တွေဝယ်ပြီး ဘာမှ မလုပ်ပဲ ပစ်ထားလိုက်။ ပြီးတော့ တနိုင်ငံလုံးမှာ စက်မှုဇုံ မြေကွက်တွေ ဖြန့်ပြီးလိုက်ဝယ်ထား။ ကားတွေလဲ ဒီအတိုင်းပဲ။ ကားတွေဝယ်ပြီး ခရီးသွားလုပ်ငန်းတွေနဲ့ ချိတ်။ အငှားရရင် ထည့်ပေးလိုက်။ ဈေးအခြေအနေကြည့်ပြီး ထုတ်သင့်တဲ့ အချိန်ဆိုထုတ်။ ဒါမျိုးတွေက မနန်းကျွမ်းပြီးသားပါ။ တခုပဲ။ အဲဒါတွေအားလုံးမှာ မြတ်နိုးနာမည် လုံးဝ မသုံးနဲ့"

"ဟေ။ ဟဲ့- အဲလိုလုပ်လို့ မရဘူးလေ။ အဲဒီလောက်ကြီးကျတော့လဲ မနန်းမလုပ်ရဲဘူး။ ဒီလိုဆိုလို့ မနန်းက မြတ်နိုးအပေါ် မရိုးမသားစိတ်ဖြစ်လာမယ်ပြောတာ မဟုတ်ဘူးနော်။ ကံကြမ္မာကို ကြောက်တာ။ ဆုံးရှုံးကုန်ရင် ဘယ်လိုလုပ်မလဲ"

"ရှုံးကုန်တော့လဲ ဘာဖြစ်လဲ မနန်းရယ်။ အစကတည်းက ဒီပစ္စည်းတွေက ကျွန်မရဲ့ ဦးနှောက်တွေ၊ ခြေတွေလက်တွေနဲ့ ဖန်တီးထားတာမှ မဟုတ်တာပဲ။ မနန်းကောင်းမယ် ထင်သလိုသာ လုပ်လိုက်။ အရေးကြီးတာက ကျွန်မနာမည်ကို လုံးဝ မသုံးပါနဲ့။ ဘာစာရင်းမှလဲ မပြပါနဲ့။ ကျွန်မ ငွေလိုတဲ့အခါကျရင် မနန်းကို တောင်းမယ်လေ။ အဲဒီကျတော့လဲ မနန်းပေးချင်သလောက်ပေးပေါ့။ ဒါပေမယ့် လိုမယ်တော့ မထင်ပါဘူး။ ကျွန်မက ကိုယ့်ဦးနှောက်လေးနဲ့ပဲ ကိုယ့်ဟာကိုယ် ရှာစားချင်တာ။ ဘာပိုင်ဆိုင်မှုမှလဲ မထားချင်ဘူး။ နေဖို့၊ စားဖို့ ပိုက်ဆံလေးရှိရင် လုံလောက်ပြီ။ အဲလိုဘ၀လေးနဲ့ နေလို့ရတဲ့ နေရာမှာပဲ သွားနေတော့မယ်"

"မြတ်နိုးက ဘယ်သွားမှာလဲ။ ဘာလုပ်မှာလဲ"
"နေရာကိုတော့ အတိအကျ မပြောနိုင်သေးပါဘူး။ အဆင်ပြေသလိုပေါ့။ အလုပ်ကိုတော့ ပြောလို့ရတယ်။ ပစ္စည်းမဲ့ ပညာတတ်လုပ်မယ်လေ"

"ဘာရယ်။ တခါမှလဲ မကြားဖူးဘူး"
"မကြားဖူးရင်လဲ ဒီလိုပဲ မှတ်ထားလိုက်နော်။ တချို့ကိစ္စတွေက မသိတာ ပိုကောင်းပါတယ် မနန်းရယ်။ မနန်း ပျော်တဲ့ လုပ်ငန်းရှင်ဘ၀ကိုပဲ သိသထက် ပိုသိအောင် လုပ်လေ။ ဒါပေမယ့် ငွေကိုပဲ ကိုယ့်ဆီခေါ်ပါနော်။ ငွေခေါ်ရာနောက်ကိုတော့ လူက လိုက်မသွားပါနဲ့။ ငွေဆိုတာ မရှိမဖြစ် လိုအပ်တဲ့ အရာမှန်ပေမယ့် လောကမှာ ငွေနဲ့ လဲယူလို့မရတဲ့ အရာတွေလဲ အများကြီး ရှိပါသေးတယ်။ တချိန်မှာ အိမ်ထောင်ကျပြီး သားသမီးတွေ ရလာရင်တော့ ကျွန်မပြောတဲ့ ဒီစကားလေးကို သတိရပေးပါ"

(၇)
"ဘာ- အတူတူ တွဲတက်ရမယ်၊ ဟုတ်လား"

ဖုန်းထဲမှ ကြားလိုက်ရသော စကားသံကြောင့် သူမတုန်လှုပ်သွားသည်။ ချစ်ခြင်းမေတ္တာတရားများနှင့် အလွဲလွဲအချော်ချော်ဖြစ်ခဲ့ရသော သူမဘ၀ လမ်းခရီးတွင် နှလုံးသားရေးရာမှာလဲ အလွဲလွဲ၊ အကွဲအပြဲများဖြင့်သာ ထပ်မံကြုံတွေ့ရပြန်သည်။

ဒီလိုအခြေအနေမျိုးကြားမှာ မေတ္တာတရား စကားလုံးလေးများဖြင့် ချဉ်းကပ်လာသော သူ့ကို ဘ၀ခရီးဖော်အဖြစ် လက်ခံရန် သူမ စဉ်းစားထားခဲ့သည်။ သို့ပေမယ့် သူလုပ်ခိုင်းနေသော ကိစ္စတခုကို ပြန်စဉ်းစားရဦးမည်လို့ ပြောချိန်တွင် ပြန်ပြောလိုက်သော စကားလုံးက သူမစိတ်ကို ထိခိုက်သွားစေခဲ့သည်။

"ဟုတ်တယ်လေ။ အိမ်ထောင်ဘက်ဆိုတာက ဘ၀မှာ compatible ဖြစ်ဖို့လိုတယ်။ ဒီလိုပဲ အတူတူ တွဲတက်ကြတာပဲ။ မြတ်နိုးကိုလဲ ကိုယ်စိတ်ဝင်စားနေတာကြာခဲ့ပြီ။ ကိုယ်နဲ့ compatible ဖြစ်နိုင်တယ်။ ကိုယ်ဖြစ်ချင်တာတွေကို ပံ့ပိုးပေးနိုင်တယ်"

"ဒါဆို ကျွန်မကို ရှင်ချဉ်းကပ်ခဲ့တာ ရှင့်ဘက်က မေတ္တာနဲ့လား၊ တွက်ချက်မှုနဲ့လား"
"မြတ်နိုးပြောတာ ကိုယ်နားမလည်ဘူး။ အတူတူပဲလေ။ မြတ်နိုးနဲ့ ကိုယ်ပေါင်းစပ်ပြီး ဘ၀တခုကို တည်ဆောက်မယ်။ မြတ်နိုးမှာလဲ နာမည်နဲ့ ပညာရှိပြီးသား။ ကိုယ့်မှာလဲ ဒါတွေ အတိုင်းအတာတခုအထိ ရှိပြီးသား။ ပေါင်းစပ်လိုက်မယ်။ အတူတူတွဲတက်မယ်"

"ဒါဆို တကယ်လို့ ခင်မြတ်နိုးဆိုတဲ့ ကျွန်မ နာမည်က ဒီလောကထဲမှာ မရှိနေခဲ့ဖူးဆိုရင်၊ အဲဒီနာမည်နောက်မှာ ဘယ်လိုပညာအရည်အချင်းမှ ရှိမနေခဲ့ဖူးဆိုရင် ရှင့်ဘ၀ကို ကျွန်မဘ၀နဲ့ မပေါင်းစပ်ဖူးပေါ့"

"ကိုယ်ဆိုလိုတာက အဲလို မဟုတ်ပါဘူး"
"ကျွန်မရှင့်ကို အကြိမ်ကြိမ် ပြောခဲ့ပြီးသားပါ။ ကျွန်မလောကကြီးထဲမှာ ရှာဖွေနေတာက မေတ္တာတရား၊ စစ်မှန်ဖြူစင်တဲ့ မေတ္တာတရား။ ဘာလို ပစ္စည်းဥစ္စာ၊ ဂုဏ်ပကာသနတွေမှ မပါတဲ့ မေတ္တာတရား"

"ကိုယ်ကလဲ မြတ်နိုးကို မေတ္တာရှိတယ်လေ။ ဒါကြောင့် ဘ၀ကို အတူတူ တည်ဆောက်မယ်လို့ ပြောတာပေါ့။ အဲဒါတွေ ပြောမနေနဲ့။ ကိုယ်လဲ မငြင်းအားဘူး။ ကိုယ်ပြောတာကို လုပ်ပေးနိုင်မလား၊ မလုပ်ပေးနိုင်ဘူးလား ဆိုတာပဲပြော"

"ရှင်လုပ်ထားတဲ့ ကိစ္စတွေ၊ ရှင်လုပ်ခိုင်းတဲ့ ကိစ္စတွေက ကျိုးကြောင်းမဆီလျော်လို့ ကျွန်မပြန် သုံးသပ်နေတာ။ ရှင်လုပ်ချင်တာတွေ လုပ်ပြီးမှ ကျွန်မကို ကြားဖြတ်ဝင်ပြီး လုပ်ခိုင်းနေတာဆိုတော့ လုပ်ပေးနိုင်မယ်၊ မပေးနိုင်ဘူးဆိုတာ ကျွန်မ အတိအကျ မပြောနိုင်သေးဘူး။ စဉ်းစားသုံးသပ် ရဦးမယ်။ တတ်သိနားလည်သူတွေနဲ့ တိုင်ပင်ရဦးမယ်"

"အဲဒါတွေအတွက် အချိန်မရှိဘူး။ ဒီလိုအခွင့်အရေးမျိုးကို ကိုယ်စောင့်နေတာ နှစ်ပေါင်းများစွာ ရှိနေပြီ။အခုအချိန်မှာ ဒီကိစ္စလောက် ဘာမှ အရေးမကြီးဘူး"

"ဒါဆို ကျွန်မတို့ မင်္ဂလာပွဲကိစ္စတွေကို ဘယ်လိုလုပ်မလဲ။ ခဏရွှေ့ဆိုင်းထားမလား"
"ဟုတ်တယ်။ ရွှေ့ဆိုင်းမယ်။ ဒါလဲ ကိုယ့်ဘက်က စရွှေ့တာနော်။ ထပ်ပြောမယ်။ ခုအချိန်မှာ ကိုယ်လုပ်ထားတဲ့ ကိစ္စလောက် ဘာကမှ အရေးမကြီးဘူး။ မင်္ဂလာပွဲကိစ္စလဲ ကိုယ်စရွှေ့တာ"

ခါးသီးစိတ်ပျက်မှုများက သူမရင်ထဲသို့ တိုးဝှေ့ဝင်လာသည်။ ဒါဟာ မကြာခင်မှာ သူမဘ၀ခရီးဖော်အဖြစ် လက်တွဲဖို့ ရွေးချယ်ထားခဲ့သူတဲ့လား။

"ကျွန်မပြောတာကို ခဏလေး နားထောင်ပေးပါနော်။ ဒီလောက်ဆို ရှင့်ရဲ့ စိတ်ကို ကျွန်မ သဘောပေါက်နားလည်သွားပါပြီ။ ရှင်အတူတူ ဘ၀တည်ဆောက်ချင်တာက ကျွန်မနဲ့ဆိုတာကော ဟုတ်ရဲ့လားရှင်။ ကျွန်မနာမည်နဲ့လား၊ ကျွန်မဘွဲ့တွေ၊ ဦးနှောက်တွေနဲ့လားဆိုတာကို ကိုယ့်ဘာသာ ပြန်စဉ်းစားပါဦး။ ရှင်လုပ်ချင်တာတွေ၊ ဖြစ်ချင်တာတွေကို ပံ့ပိုးပေးနိုင်တဲ့ မိန်းကလေးတယောက်အနေနဲ့ ရှင်ရွေးချယ်ခဲ့တယ်လို့ ရှင့်စကားလုံးတွေက ညွှန်းဆိုနေတယ်။ ခုလဲ ရှင်လုပ်သမျှတွေကို ကောင်းကောင်းဆိုးဆိုး လိုက်မပံ့ပိုးပေးတော့ ဒေါသတွေထွက်ပြီး နှမချင်းမစာနာတဲ့ စကားလုံးတွေ ပြောနေပြန်ပြီ။ လောကမှာ တည်မြဲတဲ့ အရာဆိုတာ ဘာမှ မရှိပါဘူးရှင်။ ဒီလို အခြေအနေမျိုးမှာတောင် ရှင်ဒီလောက်ဖြစ်နေရင် တကယ်လို့ ကျွန်မရဲ့ ဦးနှောက်တွေ၊ အတတ်ပညာတွေကို ရှင်လိုချင်တဲ့ ဘ၀အတွက် အသုံးမပြုပေးနိုင်တော့တဲ့ မတော်တဆ ထိခိုက်မှုတခုခုများ ဖြစ်သွားခဲ့ရင် ဘယ်လိုလုပ်မလဲ"

ပြောရင်း စိတ်ထိခိုက်လာသည်မို့ သူမဖုန်းချလိုက်ပါတော့သည်။

(၈)

ကားလမ်းလေးက ရှင်းလို့နေသည်။ ဟိုင်းဝေးလမ်းမများထက် ဒီလို မြေနီလမ်းလေးပေါ်မှာ ကားမောင်းရတာကို သူမ ပိုနှစ်သက်မိသည်။

ရှေ့နားက ကားလမ်းဘေးမှာ အလံတလူလူလွင့်နေတာ လှမ်းမြင်ရသည်။ ကျေးရွာစာသင်ကျောင်းလေး တခု ထင်ပါရဲ့။

မနန်းက ပြောဖူးသည်။ လုပ်ငန်းအကျိုးအမြတ်လေးများကို ကျေးရွာစာသင်ကျောင်းလေးတွေကို ပုံမှန်လှူသည်တဲ့။ ချို့တဲ့ပြီး ပညာတော်တဲ့ ကလေးငယ်လေးတွေကို ပညာသင်စရိတ်တွေ ကူညီပေးသည်တဲ့။ အမည်မသိ အလှူရှင်တဦးအနေဖြင့်။ မည်မျှ ကောင်းလိုက်သည့် စာသားလေးပါလဲ။ ပေးသူ၊ ယူသူအကြားမှာ ဘယ်လိုမျှော်လင့်ချက်မှလဲ မရှိ။ ငါဆိုသော အတ္တတွေလဲ မရှိ။

အတွေးလေးနဲ့အတူ သူမပြုံးလိုက်မိသည်။

သို့ပေမယ့် သူမအပြုံးက မကြာလိုက်။
ကားရှေ့မှ ဖြတ်ပြေးသော ကလေးငယ်လေးကို တွေ့လိုက်ရတာမို့ စတီယာရင်ကို အလန့်တကြားဖြင့် ချိုးကွေ့လိုက်မိသည်။

ဝုန်းဆိုသော အသံတခုက ပေါ်ထွက်လာခဲ့သည်။
မကြာပါ။ ကားထဲက သူမထွက်လိုက်သည်။ စာသင်ကျောင်းထဲက ကလေးတွေ ပြေးထွက်လာတယ်ထင့်။ အဖြူအစိမ်းဝတ်လေးများက သူမကားဘေးမှာ ၀န်းရံနေကြသည်။

ကျောင်းဆရာလို့ ယူဆရသော အဖြူအစိမ်းဝတ် လူတယောက်ရဲ့ လက်ထဲမှာ သူမကိုယ်သူမ ပြန်တွေ့လိုက်ရပြန်သည်။

"ကလေးကို တိုက်မိမှာစိုးပြီး ဆွဲကွေ့လိုက်တာဖြစ်မယ်။ သစ်ပင်ကို ၀င်တိုက်မိသွားတာ"

နောက်ထပ်ရောက်လာသော ကျောင်းဆရာမလေးတယောက်ကို ထိုလူက ရှင်းပြနေသည်။

"သနားပါတယ်ဗျာ။ ပွဲချင်းပြီးပဲ။ ကျွန်တော်စိတ်မကောင်းလိုက်တာ"

ပြောနေသော ကျောင်းဆရာလေးရဲ့ မျက်ဝန်းကို သူမကြည့်လိုက်မိသည်။
မေတ္တာမျက်ဝန်း။

ဘယ်လို စိန်ရောင်၊ ရွှေရောင်၊ အတ္တတရား၊ မျှော်လင့်ချက်မှ မရှိပဲ လူသားချင်းစာနာမှုပေါ်မှာ အခြေတည်သည့် မေတ္တာမျက်ဝန်း။

ဘယ်လိုပဲဖြစ်ဖြစ် တယောက်ကိုတယောက် မတွေ့ဖူး၊ မမြင်ဖူးခဲ့သော မေတ္တာတရားရှိသူတွေရဲ့ ၀န်းရံမှုအကြားမှာ ဘ၀ခရီးတခု အဆုံးသတ်သွားရသည့်အတွက် သူမကျေနပ်မိပါသည်။

သူမနှင့် တူသော ရုပ်ခန္ဓာ၊ အမည်နာမ သတ်မှတ်ချက်များ၊ စိန်ရွှေရတနာများကို ထားခဲ့ပြီး ကျေနပ်စွာ လှည့်ထွက်လာခဲ့သည်။ မေတ္တာတရား၊ သစ္စာတရားများ ရှာဖွေသည့် သံသရာခရီးဆီသို့ သူမခြေလှမ်းများက ဦးတည်လျှက်။

ခင်မမမျိုး (၂၉၊ ၁၁၊ ၂၀၁၀)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

ကြယ်နီတပွင့် (၀တ္ထုတို)

(၁)

အချိန်ကား- (၂၀၀၇)ခုနှစ်၊ စက်တင်ဘာလ (၂၆) ရက်။
နေရာကား- ရန်ကုန်မြို့၊ ဆင်ခြေဖုံး ရပ်ကွက်တနေရာ။

'မြေးလေးကလဲ နောက်ကျလိုက်တာကွယ်။ ဘာများ ဖြစ်နေသလဲ မသိဘူး'

မှောင်ရိပ်က သန်းနေပေမယ့် လက်ကျန် ဖယောင်းတိုင်တိုလေးကို မီးမညှိရဲ။ မြေးလေးပြန်လာပြီးမှ ထမင်းလက်ဆုံစားကြရမှာမို့ ဖယောင်းတိုင်တိုလေးကို မီးညှိလို့ မဖြစ်နိုင်။ မြေးအဖွားနှစ်ယောက်ထဲ ရှိနေတဲ့ဘ၀မှာ မြေးလေးမျက်နှာလေးကို တစိမ့်စိမ့်ကြည့်ပြီးမှ ထမင်းစားလို့ မြိန်ခဲ့ရတဲ့ အချိန်ကာလတွေက ကြာခဲ့ပါပကောလား။

'ဒီကလေးနှယ်နော်။ ဒုက္ခပါပဲ'

ကျိုးတို့ကျဲတဲ ကြမ်းပြင်လေးပေါ်မှာ ခင်းထားတဲ့ ဖျာစုတ်လေးပေါ်မှာ လှဲချရင်း မြေးလေးအလာကို စောင့်မျှော်နေမိသည်။ အသက်ရှစ်ဆယ်အရွယ် ဇရာက ဖိစီးလာတာကြောင့်လား မသိ။ စိတ်က နည်းနည်း ပန်းလိုက်တာနဲ့ လူက မောပြီး နုံးချိနေတတ်သည်။ မြို့ထဲမှာ ဈေးသွားရောင်းသော ပျံကျဈေးသည် မြေးလေး ပြန်လာမှသာ ညနေစာဟင်းလေးများ ပါလာတာမို့ နေ့လည်စာ မစားထားရသည့် ၀မ်းဗိုက်ထဲက တကြုတ်ကြုတ်မြည်နေပြန်သည်။

အပြင်က အမှောင်ထုက တစတစ ကြီးစိုးလို့ လာနေသည်။ မြေးလေး အရိပ်အယောင်ကား ပေါ်မလာသေး။ စိတ်ပူပန်ရလွန်း၍ ရင်ဘတ်ထဲက အောင့်သလို ဖြစ်လာသည်။ အောင့်နေသော ရင်ဘတ်လေးကို ဖိရင်း မေတ္တာသုတ်ကို ရွတ်ဆိုပွားများနေမိသည်။ အခုတလော မြေးလေးပြန်ပြောနေတာတော့ ကြားရသည်။ မြန်မာပြည်ငြိမ်းချမ်းရေးအတွက် သံဃာတော်များက စီတန်းလှည့်လည်ပြီး မေတ္တာပို့ ဆုတောင်းပေးနေကြသည်တဲ့။

'အဖွား၊ သားပြန်လာပြီ'

ရုတ်တရက် မြေးလေးရဲ့အသံကို ကြားလိုက်ရတော့ ၀မ်းသာသွားမိသည်။ ဒါပေမယ့် မြေးလေးအသံက ခါတိုင်းလို မဟုတ်။ မောပန်းနေသည်။ တိမ်ဝင်နေသည်။ တခုခုများ ဖြစ်နေလေရော့သလား။
'ဖိုးသားလေးရေ၊ အဖွားဒီမှာ'

အမှောင်ထဲမှာမို့ မြေးလေးကို အသံပြုရသည်။ မြေးလေးက အဖွားနားသို့ တရွေ့ရွေ့ လျှောက်လာသည်။

'အဖွား၊ သားခေါင်းကို အရိုက်ခံရတယ်'

'ဟေ'

လှဲနေရာမှ ကပျာကယာ ထထိုင်မိသည်။ နံရံပေါ်မှ မီးခြစ်လေးကို ယူပြီး၊ ဖယောင်းတိုင်တိုလေးကို အမြန်ထွန်းလိုက်မိသည်။ မြေးလေးက ဟန်မဆောင်နိုင်တော့ပဲ ဖျာပေါ်မှာ လှဲချလိုက်သည်။

'ဒီနေ့ ဆင်မင်းဈေးဘက်မှာ စစ်သားတွေနဲ့ ကြံ့ဖွတ်ကောင်တွေက လူတွေကို သေနတ်တွေနဲ့ပစ်၊ တုတ်တွေနဲ့ ရိုက်ကြတယ် အဖွား'

'ဘယ်လိုဖြစ်ရတာလဲ မြေးလေးရယ်'

'သားက ဈေးရောင်းနေတာပါ။ ဆန္ဒပြစစ်ကြောင်း ရောက်လာတော့ သားလဲ တခြားလူတွေလိုပဲ အားပေးတာပေါ့။ အဲဒီမှာ စစ်သားတွေနဲ့ ကြံ့ဖွတ်ကောင်တွေက ရှေ့နောက်ညှပ်ပြီး လူမှန်သမျှကို ဆီးရိုက်ပြီးတာ။ ထွက်ပြေးတဲ့လူတွေကိုလဲ သေနတ်နဲ့ ပစ်တယ်။ သားတောင် အပြေးကောင်းလို့ လွတ်လာတာ'

'ဖက်ဆစ်တွေ၊ ကြေးစားစစ်သားတွေ။ ပြည်သူကို ဒုက္ခပေးပြန်ပြီ'

အဖွားနှုတ်က နာကြည်းစွာ ပွင့်အန်လိုက်သော စကားလုံးများ ထွက်ပေါ်လာသည်။

'ခေါင်းအရမ်းမူးတယ် အဖွား'

' ဖြစ်မှဖြစ်ရလေ မြေးလေးရယ်။ အဖွား ဆရာဝန် သွားပင့်ပေးမယ်နော်'

မြေးလေးက ခေါင်းကို ဖြည်းဖြည်းလေးခါသည်။

'ပိုက်ဆံမရှိဘူးအဖွား။ သားမှာ ပိုက်ဆံနည်းနည်းလေးပဲ ကျန်တာ။ ဒီနေ့ည အဖွားစားဖို့ ဘာမှ ပါမလာဘူး။ နံနက်ကျမှ ဒီပိုက်ဆံလေးနဲ့ မုန့်ဟင်းခါးသွားစားနော်အဖွား'

မြေးလေးက အိတ်ထဲမှ ပိုက်ဆံအနွမ်းလေးများကို ထုတ်ပြီး အဖွားလက်ထဲ ထည့်ပေးသည်။

'အဖွားအတွက် ဘာမှ စိတ်မပူနဲ့နော်။ မြေးလေး အခုခေါင်းမူးနေတယ်မလား။ အိပ်လိုက်နော်။ မနက်ကျရင် ကောင်းသွားမှာပါ'

မြေးလေးရဲ့ နဖူးပေါ်က ဆံစလေးများကို သပ်ပေးရင်း အဖွားရဲ့ မျက်လုံးက မျက်ရည်များ စီးကျလာသည်။ မြန်မာတမျိုးသားလုံးဆီမှာ စစ်ကျိန်စာများ သင့်နေလေလျော့သလား။ ဒီအတိုင်းပဲ အဖွားတွေးမိသည်။ အဖွားရဲ့ အတွေးစများကတော့ လွန်ခဲ့သော နှစ်ပေါင်းခြောက်ဆယ်ကျော် အချိန်ကာလဆီသို့။

(၂)

အချိန်ကား- ၁၉၄၄ ခုနှစ်၊ ဒီဇင်ဘာလ။
နေရာကား- ပဲခူးရိုးမ အနောက်ခြမ်းဒေသ။

'သခင်သိန်းမြင့်ကို ဖက်ဆစ်တွေ မိသွားပြီ။ သူနဲ့ အတူ ကြေညာစာတမ်းတွေပါ မိသွားတယ်'

'ဘာစာတမ်းလဲဗျ'

'ဖတပလအဖွဲ့ချုပ်ကြီးက ထုတ်ဝေလိုက်တဲ့ နယ်ချဲ့ဖက်ဆစ်ဒမြ ဂျပန်လူရိုင်းများကို မောင်းထုတ်ကြ ဆိုတဲ့ ကြေညာစာတမ်း အမှတ် (၁)ပဲ'

'ဒါဆိုဘယ်လိုလုပ်ကြမလဲ'

'ကျုပ်တို့တွေ ကိုယ်ယောင်ဖျောက်ပြီး၊ အခုလုပ်နေတဲ့ ပြောက်ကျားအခြေခံဒေသဖော်ထုတ်ရေးနဲ့ ပြောက်ကျား တပ်ဖွဲ့ဖွဲ့စည်းရေးတွေကို အရှိန်မြှင့် လုပ်ကြဖို့ လိုတယ်။ စစ်တပ်ကို ဂျပန်တွေက မျက်စိဒေါက်ထောက်ကြည့်နေတာ။ လှုပ်ရှားဖို့ ခက်တယ်။ ကျုပ်တို့ ကွန်မြူနစ်ပါတီက ဖက်ဆစ်ဆန့်ကျင်ရေး လုပ်ငန်းတွေကို မြေအောက်တော်လှန်ရေး နည်းနာတွေနဲ့သာ ကြိုမလုပ်ထားရင် ဒီတော်လှန်ရေးကြီးကို ဆင်နွှဲဖို့ မလွယ်ဘူး။ ကျေးရွာတွေမှာ ပေးနေတဲ့ စစ်သင်တန်းတွေက တဆင့် တော်လှန်ရေးအင်အားတွေကို ကျစ်ကျစ်လျစ်လျစ် စုဆောင်းထားကြဖို့ လိုတယ်။ လုံခြုံရေးလဲ ဂရုစိုက်'

အတွင်းခန်းမှာ ဆွေးနွေးနေကြတာ ဆိုပေမယ့် ထရံတချပ်သာ ခြားသည်မို့ တဘက်ခန်းမှ ပြောဆိုသံများကို အေးမ တယောက် အတိုင်းသားကြားနေရပါသည်။ အသက် (၁၅) နှစ်အရွယ်၊ ကျေးတောသူတယောက်အနေနဲ့ နားလည်သည်လဲရှိ၊ နားမလည်သည်လဲရှိ။ သို့ပေမယ့် ဖက်ဆစ်ကို ဆန့်ကျင်ရမည် ဆိုသည့် အသိတရားကတော့ ဘ၀ပေးအသိ ဖြစ်နေခဲ့ပြီ။ ကျေးရွာသူ၊ ရွာသားများအပေါ်တွင် အနိုင်ကျင့်ဗိုလ်ကျနေသော ဖက်ဆစ်လူရမ်းကားများကို မြင်ရလေတိုင်း အေးမ ရင်ထဲတွင် နင့်နေအောင် ခံစားခဲ့ရသည်။

'သမီး။ အဖေ ခရီးထွက်စရာရှိတယ်။ အရာရာတိုင်းမှာ သတိရှိပါစေ။ အဖေနဲ့ ဆက်သွယ်ချင်ရင် ရွာဦးကျောင်းဆရာတော်ကို သွားလျှောက်'

အဖေတခု၊ သမီးတခု ဘ၀ပေမယ့် အဖေ့ခရီးကို အေးမ မတားဖြစ်။ တတိုင်းပြည်လုံး ဖက်ဆစ်လက်အောက်က လွတ်မြောက်ဖို့ အရေးမှာ မိသားစုအရေးအတွက် အဖေ့ကို နောက်ဆံ မတင်းစေချင်ပါ။

'လိုအပ်ရင် သမီးလဲ တိုက်ပွဲဝင်မယ် အဖေ။ သမီးအတွက် အဖေစိတ်ချပါ'

အဖေက အေးမကို တချက်စိုက်ကြည့်ပြီး၊ ချာကနဲလှည့်ကာ သူ့ရဲဘော်များနှင့်အတူ ထွက်ခွာသွားခဲ့သည်။ ဤသည်မှာ အဖေနဲ့ နောက်ဆုံးဆုံတွေ့ခဲ့ရတာမှန်း သူမကြိုမသိခဲ့ပါ။ ဖက်ဆစ်တော်လှန်ရေးကာလမှာ သူမတို့ နယ်ဘက်က ဖြတ်သွားသော ဂျပန်စစ်ကြောင်းကို တိုက်ခိုက်ရင်း ဂုဏ်ရောင်ပြောင်စွာ ကျဆုံးသွားခဲ့သည့် သတင်းကိုသာ တော်လှန်ရေးအပြီး ရွာကိုပြန်လာသော အဖေ့ရဲဘော်များထံမှ ကြားခဲ့ရပါတော့သည်။

(၃)

အချိန်ကား - (၁၉၅၆) ခုနှစ်၊ မတ်လ။
နေရာကား- ပဲခူးရိုးမ အနောက်ခြမ်းဒေသ။

'ငါတို့က ဒီတခါတော့ ပွဲပြီးပြီ ထင်တာကွ။ ကွန်မြူနစ်ပါတီကလဲ ၅၅လမ်းစဉ်ကို ချထားပြီ။ ပမညတကလဲ ငြိမ်းချမ်းရေးတောင်းဆိုနေပြီ။ ဖဆပလက ဘာထကြောင်တာလဲ'

ကိုသာဒင်ရဲ့ စကားသံကြောင့် အေးမခေါင်းထောင်သွားမိသည်။ အေးမလဲ ဒီအဖြေကို ကြားချင်ပါသည်။ အေးမရဲ့ ငယ်ချစ်ဦး ကိုချစ်ဖေက ဗမာပြည်ကွန်မြူနစ်ပါတီဝင်။ လက်နက်ကိုင်တော်လှန်ရေးဆင်နွှဲဖို့ ထွက်သွားပြီး နောက်ပိုင်းမှာ ရွာသို့ တခါတရံသာ ပြန်ရောက်လာတတ်သည်။ အချစ်ရေးထက် စစ်ရေးကို အလေးပိုရမည့် အချိန်မို့ အတူနေဖို့ အရေးကို မတွေးဖြစ်ကြသေး။ အသက်တွေကသာ တစတစ ကြီးလို့လာနေသည်။

'အဲဒါပြောတာပေါ့ကွ။ ပြည်တွင်းစစ်ရပ်စဲရေး၊ ပြည်တွင်းငြိမ်းချမ်းရေး ၅၅ လမ်းစဉ်ကို ဖော်ဆောင်နေတဲ့ ကွန်မြူနစ်ပါတီကိုကျတော့ လက်နက်ကိုင်ပုန်ကန်နေတဲ့ သောင်းကျန်းသူအဖွဲ့လို့ သမုတ်တယ်။ ပြည်တွင်းစစ်ရပ်စဲရေးကို တောင်းဆိုနေတဲ့ ပမညတကိုကျတော့ မြေပေါ်ကွန်မြူနစ်အဖွဲ့လို့ သမုတ်တယ်။ ဖဆပလကကျတော့ တတိုင်းပြည်လုံးမှာ သောင်းကျန်းရမ်းကားခဲ့တဲ့ ခါးပိုက်ဆောင်တပ်တွေကို ပျူစောထီးဆိုပြီး အမည်ပြောင်းဖွဲ့တယ်။ တရားဝင် လက်နက်ကိုင် ရမ်းကားခွင့်တွေ ပေးလိုက်တယ်။ ဒီနှစ်ဦးမှာပဲ အောင်မာဃ စစ်ဆင်ရေးကြီးကို စပြီး ဆင်နွှဲပြန်တယ်။ ငြိမ်းချမ်းရေးအသံကို စစ်သံနဲ့ ဖုံးလွှမ်းပစ်လိုက်တာပဲ။ ဒါတွေကို ကြည့်ရင် ဖဆပလရဲ့ သဘောထားအမှန်ကို တွေ့နေရပြီကွ။ ဖဆပလ လုပ်နေတာ ငြိမ်းချမ်းရေးမဟုတ်ဘူး။ အတိုက်အခံ နိုင်ငံရေးအဖွဲ့အစည်းတွေအားလုံးကို ခေါင်းမထောင်နိုင်အောင် ထိန်းချုပ်ပြီး သူတို့ အာဏာတည်မြဲရေးကို လုပ်နေတာပဲ'

'ဒါကြောင့်လဲ လာမယ့် ဧပြီလမှာကျင်းပမယ့် ပါလီမန်ဒီမိုကရေစီ အထွေထွေရွေးကောက်ပွဲကြီးမှာ 'ဖဆပလကြီး အနှစ်လေးဆယ် အာဏာတည်စေရမယ်' ဆိုတဲ့ ကြွေးကြော်သံကို ကြွေးကြော်ပြီး စည်းရုံးနေတာပေါ့။ ပြည်တွင်းစစ်ဘေး သင့်နေကြတဲ့ ပြည်သူတွေကိုမှ အားမနာပါးမနာကွာ။ အာဏာတည်မြဲရေး ကြွေးကြော်နေကြတာ'

'ငါကတော့ ပမညတရဲ့ ကြွေးကြော်သံကို ကြိုက်တယ်။ ပြည်တွင်းစစ်မုချ ရပ်စဲရမယ်လို့ ကြွေးကြော်ထားတာ။ ဒီအခြေအနေအတိုင်းဆိုရင် လူထုက ပမညတကိုပဲ မဲပေးမှာပဲကွ။ ပမညတပဲ နိုင်လိမ့်မယ်'

'မထင်နဲ့ကွ။ ဖဆပလက အာဏာရှိတဲ့ အစိုးရလေ။ သူတို့အာဏာစက်ရယ်၊ ပျူစောထီးတွေရယ်ကို သုံးပြီး ဖဆပလကိုယ်စားလှယ် အနိုင်ရရေးကို ကလိန်ကကျစ် လုပ်ကြမှာပဲ'

'ဒါဖြင့် စစ်တပ်ကကော ဘာလုပ်မယ်ထင်လဲ။ ကြားနေမယ်လို့ ပြောနေတယ် မဟုတ်လား'

'မထင်စမ်းပါနဲ့ကွာ။ စစ်တပ်မှာက ဆိုရှယ်လစ်အနွယ်ဝင်တွေ အများကြီးပဲ။ ငြိမ်းချမ်းရေးဆိုတာကိုလဲ စစ်ခေါင်းဆောင်တွေက လက်ခံချင်ကြတာမဟုတ်ဘူးလို့ ကြားတယ်။ သူပုန်နဲ့ မဆွေးနွေးဘူး ဆိုတာမျိုးပေါ့ကွာ'

'တင့်လွင်ရေ။ မင်းကတော့ သတင်းစုံတယ်ကွာ။ တို့ရွာမှာ မင်းလို လူတယောက် ရှိနေလို့ နိုင်ငံရေးနဲ့ မျက်ချေမပြတ်ရတာ'

'ကျုပ်တို့ရွာက နိုင်ငံရေးနဲ့ မဝေးပါဘူး။ မျက်နှာဖြူကောင်တွေကို ချခဲ့တဲ့ လူတွေလဲရှိတာပဲ။ အေးမအဖေတို့လို ဖက်ဆစ်ကို အသက်ပေး ဆန့်ကျင်သူတွေလဲ ရှိတာပဲ။ ချစ်ဖေတို့လို ကွန်မြူနစ်တွေလဲ ရှိတာပဲ။ တင့်လွင်တို့လို မြို့ကို အရောက်အပေါက်များတဲ့ လူတွေလဲ ရှိတာပဲ'

အဖေ့အကြောင်း၊ ချစ်သူအကြောင်းတွေ ပြောကြတော့ အေးမ မျက်နှာလေး ငယ်သွားရသည်။ ကွန်မြူနစ်ပါတီက ငြိမ်းချမ်းရေး လမ်းစဉ်ချမှတ်သည် ကြားရတော့ အေးမမှာ ၀မ်းသာလိုက်သည်ဖြစ်ခြင်း။ အခုတော့ ငြိမ်းချမ်းရေးဆိုတာ တဘက်က လိုလားရုံနဲ့ မပြီးပဲ အခြားတဘက်ကပါ လိုလားမှသာ ရနိုင်သည့် အရာ ဆိုတာကို အေးမသဘောပေါက်သွားပါပြီ။

'ချစ်ဖေဆိုလို့ ဒီကောင်ကြီးကို သတိရလိုက်တာကွာ။ ခုဘယ်ရောက်နေလဲ မသိဘူး'

'အေးမပြောဖို့လဲ ထားပါဦးကွာ။ ဒီတခါ လာရင်တော့ တခါတည်းသာ လိုက်သွားတော့ အေးမရေ။ ခု ရွေးကောက်ပွဲမှာလဲ ဖဆပလပဲ နိုင်ချင်နိုင်သွားမှာ။ ဖဆပလသာ နိုင်သွားရင်တော့ ငြိမ်းချမ်းရေးနဲ့ ဝေးပြီ။ နင်တို့လဲ နီးတော့မှာ မဟုတ်ဘူး'

'ကိုအေးနိုင်ကြီးကလဲတော်။ ပါးစပ်ပုပ်ကြီးနဲ့ မပြောပါနဲ့။ အေးမလဲ ဆုံးဖြတ်ထားပြီးပါပြီ။ ဒီတခါ သူလာရင်တော့ တခါတည်းပဲ လိုက်သွားတော့မယ်'

ငြိမ်းချမ်းရေး မလိုလားတဲ့ ကြေးစားစစ်သားတွေနဲ့ တိုက်ပွဲဝင်ရင်း ကျဆုံးသွားသည်မို့ ကိုချစ်ဖေတယောက် ဘယ်တော့မှ ပြန်လာတော့မည် မဟုတ်သည်ကိုသာ အေးမ ကြိုသိနိုင်ခဲ့ပါလျှင်။


(၄)

အချိန်ကား- (၁၉၇၄) ခုနှစ်၊ ဇွန်လ (၆) ရက်။
နေရာကား- ရန်ကုန်မြို့၊ ဆင်ခြေဖုံးရပ်ကွက်တနေရာ။

'အေးမရေ။ ဒီနေ့ည ငါ့ကို မမျှော်နဲ့။ ငါပြန်လာချင်မှ ပြန်လာမှာ'

'ဘာဖြစ်လို့လဲ ကိုသာဒင်ရယ်။ မထိတ်သာ မလန့်သာ ရှိလိုက်တာ'

အိမ်ထောင်ဦးစီး လင်ယောက်ျားဖြစ်သူက ပြောလာတာမို့ အေးမ လန့်သွားရသည်။ ငယ်ချစ်ဦးနှင့် လွဲခဲ့ရပြီး နောက်ပိုင်းမှာ ရွာမှ ကိုသာဒင်နှင့် အိမ်ထောင်ကျခဲ့သည်။ ကလေးလေး တယောက်ရလာတော့ ကိုသာဒင်က သားလေးရှေ့ရေးအတွက် ရန်ကုန်မြို့ကြီးကို ပြောင်းမည်ဆိုသည်။ ဒီလိုနဲ့ ရန်ကုန်ရောက်လာတော့ လက်လုပ်လက်စားဘ၀မှာ ရုန်းကန်လှုပ်ရှားကြရင်း ကိုသာဒင်က ဆင်မလိုက်သင်္ဘောကျင်းမှာ အလုပ်ရသည်။ နိုင်ငံရေးနဲ့ မျက်ချေမပြတ်သူမို့ အလုပ်သမားအကြားတွင် ကိုသာဒင်ရဲ့ အမည်က ရေပန်းစားသည်။ အေးမတို့ရဲ့ တဲအိမ်လေးမှာ လာစုရင်း အလုပ်သမားအခွင့်အရေး ဆိုတာတွေကို ပြောဆိုတတ်ကြသည်။ အသေးစိတ်ကို နားမလည်ပေမယ့် တနေ့တခြား ကျပ်တည်းဆင်းရဲနေတဲ့ လက်တွေ့ဘ၀မှာ ဆုံးရှုံးနေတဲ့ အခွင့်အရေးတချို့ ရှိနေတယ်ဆိုတာကိုတော့ အေးမ နားလည်နေမိပါသည်။ အခုတလော ကိုသာဒင်တို့ ပြောနေတဲ့ မြစ်ငယ်မီးရထား စက်ခေါင်းပြင်စက်ရုံက အလုပ်သမားလှုပ်ရှားမှု ဆိုတာတွေ၊ ရေနံမြေအလုပ်သမား လှုပ်ရှားမှု ဆိုတာတွေများ ရန်ကုန်ကို ကူးစက်လာလေ့ရော့သလား။

'တော် အိမ်မပြန်လာမှာ ဟိုကိစ္စတွေနဲ့များ ဆက်စပ်နေသလားဟင်'

လင်ယောက်ျားဖြစ်သူအား မရဲတရဲနှင့် မေးမိသည်။

'ဘယ်ကိစ္စတွေလဲ အေးမရ'

'ဟိုကိစ္စတွေလေ။ တော်တို့ ပြောနေတဲ့ အလုပ်သမားလှုပ်ရှားမှု ဆိုတာတွေ'

'ဟုတ်တယ်အေးမ။ မနေ့တုန်းက ရန်ကုန်က မီးရထားအလုပ်သမားတွေ အင်းစိန်ဘက်ကို ချီတက်သွားကြတယ်လို့ သတင်းကြားရတယ်။ တို့သင်္ဘောကျင်းထဲမှာ ဒါပဲ ပြောနေကြတာပဲ။ ဒီနေ့တော့ တခုခုထူးမှာသေချာတယ်။ သပိတ်ဖြစ်လာရင် ငါလဲ ၀င်ပါမယ်။ အလုပ်သမားတွေ ဆုံးရှုံးနေတဲ့ အခွင့်အရေးတွေအတွက် တိုက်ပွဲဝင်မယ်။ ဒါကြောင့် ဒီနေ့ည ငါအိမ်ပြန်လာချင်မှ လာမယ်လို့ ပြောတာ'

'ရပါတယ်တော်။ အများအတွက် အရေးပဲ။ အေးမ အားပေးပါတယ်။ သားရေ။ မောင်အေးချမ်း။ သားအဖေအလုပ်သွားတော့မယ်။ လာနှုတ်ဆက်လိုက်ဦး'

ဘာလိုသဘောကြောင့် ဒီလိုတွေ လုပ်ဖြစ်ခဲ့တာမှန်း အေးမ မသိပါ။ သို့ပေမယ့် အိမ်ထဲမှာ အိပ်နေသော သားလေးကို နံနက်အစောကြီးနှိုးပြီး အဖေကို နှုတ်ဆက်ဖို့ ပြောဖြစ်ခဲ့တာတော့ သေချာသည်။

ကိုသာဒင်ထွက်သွားတော့ အေးမလဲ တနေ့တာအတွက် ပြင်ဆင်ရသည်။ တောရွာကတက်လာပေမယ့် မြို့ရောက်တော့လဲ မြို့နဲ့အညီ လှုပ်ရှားရုန်းကန်ရပြီ။ ယောက်ျားလုပ်စာ နဲ့တင် အိမ်အတွက် မဖူလုံတော့။ ဒါကြောင့် ဈေးထဲသွားပြီး စက်ချုပ်ဆိုင်များမှ လက်ချုပ်ထည်များကို လိုက်ကောက်ပြီး အိမ်မှာ တနိုင်တပိုင် အလုပ်လုပ်ရသည်။ ဒီနေ့တော့ အင်းစိန်ဈေးထဲက ယူလာသော ချုပ်ထည်များကို လက်စသပ်ပြီး ပြန်သွားပို့ရမည်။

နေ့လည်ပိုင်းတွင် ဈေးသို့သွားမည်ဆိုပြီး ထွက်လာသော အေးမတယောက်မှာ ဈေးသို့မရောက်။ အင်းစိန်လမ်းမကြီးပေါ်တွင် လျှံကျနေသော ကြွေးကြော်သံများက အေးမစိတ်တို့ကို ဆွဲညှို့ယူသွားသည်။

ဆန်လုံလောက်စွာ ရရှိရေး - ဒို့အရေး၊ ဒို့အရေး
လုပ်ခွင်သက်သာချောင်ချိရေး- ဒို့အရေး၊ ဒို့အရေး
ကုန်ဈေးနှုန်းကျဆင်းရေး - ဒို့အရေး၊ ဒို့အရေး
အလုပ်သမားကောင်စီ- ဖျက်သိမ်းပေး၊ ဖျက်သိမ်းပေး

အလုပ်သမားထုကြီး၏ ညီညီညာညာ တောင်းဆိုလိုက်သော ကြွေးကြော်သံများက အင်းစိန်လမ်းမကြီးပေါ်တွင် လျှံကျလို့နေသည်။

အေးမရောက်နေသော နေရာနှင့် အနီးဆုံးမှ စက်ရုံရှေ့သို့သွားကြည့်လိုက်မိသည်။ သမိုင်းချည်မျှင်နှင့် အထည်စက်ရုံ။

စက်ရုံထဲမှ အလုပ်သမားများက ဂိတ်ဝမှနေပြီး သပိတ်တရားများဟောနေကြသည်။ လူများကလဲ ကြိတ်ကြိတ်တိုး စည်ကားနေသည်။ အလုပ်သမားကြီးတယောက်ရဲ့ အလုပ်လုပ်ရင်း ထမင်းငတ်နေရသောဘ၀မှာ ဆန်လုံလောက်စွာရဖို့ တောင်းဆိုနေရခြင်းဖြစ်ကြောင်း ပြောနေတာကို ကြားရတော့ မိသားစုအားလုံး ၀၀လင်လင်စားဖို့ ဘယ်တော့မှ အလုံအလောက် မရှိနေသော အိမ်မှ ထမင်းအိုးလေးကို သွားသတိရမိသည်။

ကုန်ဈေးနှုန်းကျဆင်းရေးကို တောင်းဆိုသော အလုပ်သမားများရဲ့ ကြွေးကြော်သံများကိုလဲ နှစ်နှစ်ခြိုက်ခြိုက် ထောက်ခံလိုက်မိသည်။ တယောက်ပြီးတယောက် သပိတ်တရားတက်ဟောသူများကို ကြည့်နေမိရင်း ကိုသာဒင်ကို သတိသွားရမိပြန်သည်။ ကိုသာဒင်လဲ ဆင်မလိုက်သင်္ဘောကျင်းမှာ ဒီလိုပဲ တရားတက်ဟောနေပြီလား မသိ။

'ဟဲ့။ ဟိုမှာ စစ်ကားတွေ လာနေကြပြီတော့'

မြို့ထဲဖက်က စစ်ကားတွေ တန်းစီဝင်လာကြတာမို့ လူထုထဲ တယောက်တပေါက် ပြောနေကြသံတွေ ထွက်လာသည်။ ရှေ့ဆုံးကားပေါ်မှ စစ်သားများက ကြေးစားစစ်သားများပီပီ ခံစားချက်မပါသော ကျောက်ရုပ်မျက်နှာများဖြင့် ကားပေါ်မှ တဖွဲဖွဲ ဆင်းလာကြသည်။ အသင့်အနေအထားနဲ့ လှံစွပ်တပ်သေနတ်များကို ကိုင်ပြီး ရင်ဘောင်တန်း ရပ်နေကြပေမယ့် လူထုကြီးက နောက်ဆုတ်မသွား။ အလုပ်သမားခေါင်းဆောင်ရဲ့ သပိတ်တရားသံများကို ဆက်လက်နားစွင့်နေကြသည်။

ပြည်သူ လူထုကြီးနဲ့ အလုပ်သမားထုတို့ တသားတည်း ဖြစ်သွားသည်။ အန္တရာယ်အနံ့ကို ရနေပေမယ့် အေးမတယောက် ဆက်ပြီး ရပ်နေမိသည်။ လူအုပ်ကြီးကလဲ တစထက်တစ ပိုပြီး များလာသည်။

မကြာပါ။ လှိုင်ရဲစခန်းထဲက ပုလိပ်တွေ ထွက်လာပြီး အေးမတို့ လူအုပ်ကြီးကို ဘယ်ညာဝင်ရိုက်တော့တာကြောင့် အားလုံးဝရုန်းသုန်းကားတွေ ဖြစ်ကုန်သည်။ သေနတ်နှင့် ပစ်သံများလဲ ကြားရသည်။ သူမနားက လူအုပ်ကြီးကတော့ ဆောက်လက်စတိုက်က အုတ်နီခဲတွေကောက်ပြီး စစ်သားတွေကို ပြန်ပစ်ကြသည်။

ရုတ်ရုတ်သဲသဲကြားမှာ ပြေးရင်းလွှားရင်း ဖက်ဆစ်တော်လှန်ရေးကာလကို အေးမ ပြန်သိရသွားမိသည်။ တကယ်ဆို ဒီကြေးစားစစ်သားတွေဟာ ဖက်ဆစ်လူရမ်းကားတွေထက်တောင် ပိုပြီး ယုတ်မာ မိုက်ရိုင်းသေးတာပဲ။ လက်နက်မဲ့ ပြည်သူလူထုကြီးများကို သေနတ်နဲ့ ပစ်သတ်ကြရတယ်လို့။ မြန်မာပြည်သူလူထုကြီးဟာ လူမျိုးခြားဖက်ဆစ်တွေကိုတောင် ရရာလက်နက်စွဲပြီး ညီညီညွတ်ညွတ်နဲ့ တော်လှန်ခဲ့ကြသေးတာပဲ။ ဘာဖြစ်လို့များ ကိုယ့်အမျိုးသားထဲကနေ အသားထဲက လောက်ထွက်သလို ပေါ်လာတဲ့ ဖက်ဆစ်ကြေးစားစစ်သားတွေကိုကျမှ တမျိုးသားလုံး ညီညီညွတ်ညွတ်နဲ့ ရရာလက်နက်စွဲပြီး မတော်လှန်ကြရသေးတာလဲ။ ပြေးရင်းလွှားရင်း တွေးနေမိသည်။

ကိုသာဒင်အတွက်လဲ စိတ်ပူမိသည်။ သင်္ဘောကျင်းဘက်မှာကော ဘာတွေ ဖြစ်နေပြီလဲ မသိ။ ကိုသာဒင် အိမ်ပြန်လာတဲ့နေ့ကျတော့မှပဲ အကြောင်းစုံ မေးရပေတော့မည်။

တည၊ နှစ်ည။

ကိုသာဒင့် ပြန်အလာကို အေးမစောင့်မျှော်နေမိသည်။ သို့ပေမယ့် ကိုသာဒင်ကား ပေါ်မလာခဲ့။ ကိုသာဒင့် သူငယ်ချင်းတယောက်သာ ရောက်လာသည်။ အေးမသိချင်သော သင်္ဘောကျင်းက အလုပ်သမားလှုပ်ရှားမှုအကြောင်းကိုလဲ သူကပဲ ပြောပြခဲ့ပါသည်။

'မထင်ထားဘူး မအေးမရာ။ ဒီလောက်ရက်စက်လိမ့်မယ်လို့။ လက်နက်မဲ့ အလုပ်သမားတွေကို ကွန်မင်ဒိုတပ်တွေနဲ့ ၀င်စီးပြီး ပစ်သတ်ကြတာ။ သင်္ဘောကျင်းက လမ်းတွေပေါ်မှာ သွေးတွေ စွေးစွေးနီနေတာပဲ။ ကိုသာဒင်ကြီးက အလုပ်သမား ရဲဘော်ကောင်း တယောက်ပါဗျာ။ ဒီသပိတ်တိုက်ပွဲမှာ အသက်စွန့်ပြီး ပါဝင်သွားခဲ့တယ်'

အေးမရဲ့ မျက်ဝန်းမှ မျက်ရည်တသွင်သွင် စီးကျလာရုံမှတပါး ဘာများ ပြောနိုင်ပါဦးမည်နည်း။

(၅)

အချိန်ကား- ၁၉၈၈ခု၊ အောက်တိုဘာလ
နေရာကား- ရန်ကုန်မြို့ဆင်ခြေဖုံးရပ်ကွက်တနေရာ။

'အမေ။ ကျွန်တော် တောခိုတော့မယ်'

စက်တင်ဘာလမှာ စစ်တပ်က အာဏာသိမ်းပြီး ရှစ်လေးလုံးပြည်သူ့အရေးတော်ပုံကြီးကို ဖြိုခွင်းပြီးကတည်းက သားဆီက ဒီလို စကားသံကြားရတော့မယ်ဆိုတာ သူမသိနေခဲ့သည်။ သားနဲ့ ချွေးမတို့ တိုးတိုးကြိတ်ကြိတ်စကားတွေ ပြောနေကြတာကိုလဲ ရိပ်မိသည်။

ရှစ်လေးလုံး အရေးတော်ပုံကြီး ထွက်ပေါ်လာချိန်မှာ သားက လုပ်သားကောလိပ် တက်နေဆဲ။ ရုံးတရုံးမှာ အောက်တန်းစာရေး ၀င်လုပ်ရင်း မိသားစုတာဝန်ကို ထမ်းနေပေမယ့် ပညာရေးကိုလဲ ဆက်ကြိုးစားနေသည့် လုပ်သားကျောင်းသား။ သားရဲ့ ပါရမီဖြည့်ဘက် ဇနီးသည်လေးကလဲ ယောက်ျားဖြစ်သူရဲ့ ပညာရေးကိုပါ အားပေးသည်။ စက်ချုပ်ရင်း မိသားစုရဲ့ ၀န်ကို တဘက်တလမ်းကနေ ၀ိုင်းထမ်းပေးခဲ့သည်။

အရေးတော်ပုံကြီး ဖြစ်လာတော့ ယုံကြည်ချက်တူ၊ ခံစားချက်တူကြသည့် ပွင့်တူရွက်တူများဖြစ်သည်မို့ လင်မယားနှစ်ယောက်လုံး တက်တက်ကြွကြွ ပါဝင်ခဲ့ကြသည်။ လင်ယောက်ျားဖြစ်သူက အရေးတော်ပုံက မွေးဖွားပေးလိုက်သည့် အလုပ်သမားသမဂ္ဂ၊ ကျောင်းသားသမဂ္ဂများမှာ ချိတ်ဆက်လက်တွဲရင်း တော်လှန်ရေးတာဝန် ထမ်းဆောင်နေချိန်တွင် ဇနီးသည်ကလဲ အိမ်ရဲ့ စားဝတ်နေရေး အခြေအနေကို တဘက်က ထိန်းကျောင်းရင်း အိမ်ရှင်မများ သမဂ္ဂ တခုတွင် တက်တက်ကြွကြွ ပါဝင်ခဲ့သည်။ အရောင်အသွေးစုံဖြင့် လူထုတိုက်ပွဲ အထွေထွေသပိတ်ကြီးအတွင်းမှာ စီးမျောလာခဲ့သော သမဂ္ဂများမှာလဲ အစုံအလင်။ လူထုတရပ်လုံး လက်တွဲပြီး သွေးမုန်တိုင်းထဲမှာ စီးမျောခဲ့ကြသည်။ စနစ်ဆိုးကို တိုက်ဖျက်ခဲ့ကြသည်။

'သား၊ ဆုံးဖြတ်ပြီးပြီလား။ အမေက လက်နက်ကိုင်တော်လှန်ရေးဆိုတဲ့ ခရီးကြမ်းကို မဖြတ်ခဲ့ဖူးပေမယ့် ဖြတ်သန်းခဲ့သူတွေရဲ့ အနီးဆုံးမှာ ရှိနေခဲ့ဖူးတယ်။ ပင်ပန်းမယ်၊ ဆင်းရဲမယ်။ လိုအပ်ရင် အသက်စွန့်ရလိမ့်မယ်'

'သားဆုံးဖြတ်ပြီးပြီ အမေ။ လူထုတိုက်ပွဲတခုတည်းနဲ့ ဒီစစ်ခွေးတွေကို နိုင်အောင် မတိုက်နိုင်ဘူးဆိုတာ သားသိသွားပြီ။ လူထုတိုက်ပွဲနဲ့ လက်နက်ကိုင်တော်လှန်ရေးကို ဟန်ချက်ညီ ပေါင်းစပ်နိုင်အောင် ကြိုးစားကြရမယ်'

သားဆီက ခိုင်မာသော ဆုံးဖြတ်ချက် စကားသံကို ကြားရပြီးချိန်မှာ ချွေးမ မျက်နှာကို လှမ်းကြည့်မိသည်။

'သမီးရဲ့ သဘောကကော။ သားရဲ့ ရင်သွေးလေးကိုလဲ သမီးလွယ်ထားရတယ် မဟုတ်လား။ မိသားစု တာဝန်ကို မကျေပြွန်နိုင်တော့မယ့် ခင်ပွန်းသည်တယောက်ကို သမီးရဲ့ စိတ်ထဲက ကြည်ကြည်ဖြူဖြူ ရှိနေနိုင်ပါ့မလား။ အမေ့မြေးလေး ကြီးပြင်းလာချိန်ကျမှ မင်းအဖေ တာဝန်မကျေဘူးလို့ ပြောဆိုမှာကို အမေစိုးရိမ်မိတယ်'

'အမေရယ်။ ကိုအေးချမ်းက မိသားစုတာဝန်ကို မယူချင်လို့ ရှောင်ဖယ်စွန့်ခွာသွားတာမှ မဟုတ်တာပဲ။ မိသားစုအရေးထက် ပိုပြီး အရေးကြီးတဲ့ တိုင်းရေးပြည်ရေးတာဝန်ကို ထမ်းဆောင်ဖို့ ထွက်ခွာသွားတာပဲ။ သမီးကျေနပ်တယ် အမေ။ အများမိုးခါးရေသောက်တိုင်း လိုက်မသောက်ပဲ ရေကြည်တပေါက် အများကို တိုက်နိုင်ဖို့ ကြိုးပမ်းမယ့် ခင်ပွန်းသည်ကို သမီးရွေးချယ်နိုင်ခဲ့တယ်။ ဒီအတွက်လဲ သမီးဟာသမီး ကျေနပ်တယ်။ မွေးလာမယ့် ကလေးလေးကိုလဲ တကိုယ်ရေဘ၀ တိုးတက်ရေးအတွက် တော်လှန်ရေးလမ်းကြောင်းကို စွန့်ခွာရှောင်ဖယ်တာမျိုး မလုပ်ခဲ့တဲ့ ဖခင်ရဲ့ လုပ်ရပ်အပေါ် ဂုဏ်ယူနားလည်တတ်တဲ့ ကလေးလေးဖြစ်လာအောင် သမီး လေ့ကျင့်ပျိုးထောင်ပေးမယ်'

သားနဲ့ ချွေးမကို ကြည့်ပြီး ဒေါ်အေးမ အားရလှသည်။ ဘ၀တလျှောက်လုံးမှာ ဖြတ်သန်းခဲ့ရတဲ့ ဖက်ဆစ်စနစ် တိုက်ဖျက်ရေး တိုက်ပွဲ၊ လူတန်းစားတိုက်ပွဲ၊ ကုန်ထုတ်လုပ်ရေးထဲက တိုက်ပွဲ၊ စစ်အာဏာရှင်စနစ် ဆန့်ကျင်ရေး တိုက်ပွဲအဆက်ဆက်မှာ ဖခင်၊ ချစ်သူ၊ လင်ယောက်ျားတို့ရဲ့ အသက်တွေကို စတေးခဲ့ရပြီးပြီ။ ဘာပဲဖြစ်ဖြစ် သားတယောက်ကျန်သေးသည်။ မပြီးသေးတဲ့ တိုက်ပွဲလမ်းကြောင်းတွေပေါ်က တိုက်ပွဲဝင်အလံကို သားက ဆက်ပြီး သယ်ဆောင်ပေလိမ့်ဦးမည်။

(၆)

အချိန်ကား- ၂၀၀၀ ခုနှစ်၊ ဒီဇင်ဘာလ
နေရာကား- သာယာဝတီထောင်။

တသက်နဲ့တကိုယ် သာယာဝတီထောင်သို့ လာရလိမ့်မည်ဟု ဒေါ်အေးမ တခါမှ မတွေးခဲ့မိ။ လယ်သမားခေါင်းဆောင် ဆရာစံကို နယ်ချဲ့တွေက ကြိုးပေးသတ်ခဲ့တဲ့ ထောင်၊ ပြည်သူ့ဒီမိုကရေစီအရေးအတွက် တော်လှန်ခဲ့ကြတဲ့ တော်လှန်ရေးသမားပေါင်းများစွာကို ဖမ်းဆီးချုပ်နှောင်ခဲ့တဲ့ထောင်။

အခုတော့ ဒီလို သမိုင်းအစဉ်အလာရှိတဲ့ သာယာဝတီထောင်ကို သူမလာခဲ့ရပြီ။ ဒီထောင်ထဲမှာ သူမရဲ့ ချွေးမ မ၀င်းမာကို စစ်အစိုးရက ဖမ်းဆီးချုပ်နှောင်ထားသည်မှာ နှစ်နှစ်ကျော်ခဲ့ပြီ။ ရှစ်လေးလုံးအထိမ်းအမှတ်စာ ဖြန့်ဝေမှု၊ တောတွင်း အဖွဲ့များနှင့် ဆက်သွယ်မှုတဲ့။ ရန်ကုန်မြို့၊ ဆင်ခြေဖုန်း ရပ်ကွက်က သူမတို့ တဲအိမ်လေးကို ရှေ့တန်းက သူပုန်စခန်း တခုနှယ် လက်နက်ကိုင်စစ်သားများနဲ့ လာဝိုင်းပြီး မ၀င်းမာကို လာဖမ်းသွားခဲ့ကြသည်။ ဒီတုန်းက မြေးလေးက ကိုးနှစ်အရွယ်လေးပဲ ရှိသေးသည်။ အမေကို လာဖမ်းသည့် ကြေးစားတွေကို မဖမ်းဖို့ ဒူးထောက်ငိုယို တောင်းပန်နေသည့် ကလေးငယ်လေးရဲ့ ရင်ဝကို စစ်ဖိနပ်နှင့် ဆောင့်ကန်သွားခဲ့သည့် ဒီမြင်ကွင်းကို ဒေါ်အေးမ ရင်ထဲက ဘယ်လို ဖျောက်ရမည်မှန်းပင် မသိ။

မြေးလေးနဲ့အတူ ဘ၀ကို ဆက်ရုန်းကန်ဖို့ အရေး ဈေးတောင်းခေါင်းပေါ်ရွက်ရသည်။ အသက်ခြောက်ဆယ်ကျော်အရွယ် ဇရာရဲ့ ဖိထောင်းခြင်းဒဏ်ကို ဒေါ်အေးမ ဂရုမစိုက်နိုင်ပါ။ မြေးလေးကို ကျောင်းထားဖို့အရေး၊ ထမင်းနပ်မှန်ဖို့အရေး၊ ချွေးမလေးကို ထောင်ဝင်စာ ပုံမှန်သွားတွေ့ဖို့ အရေး တွေအတွက် ကျားကုတ်ကျားခဲ ကြိုးစားရုန်းကန်ရတော့သည်။ သို့ပေမယ့် ဒေါ်အေးမ အားမလျှော့ပါ။ အားမလျှော့သေးသရွေ့၊ မျှော်လင့်ချက်ရှိနေသေးသရွေ့ ဘယ်တော့မှ မရှုံးသေးဘူးလို့ ငယ်ချစ်ဦး ကိုချစ်ဖေက အကြိမ်ကြိမ်၊ အခါခါ ပြောခဲ့ဖူးသည်။ စနစ်ဆိုး၊ခေတ်ဆိုးက ဘယ်လောက်ပဲ နှိပ်စက်ကလူပြုပြု၊ ဒေါ်အေးမ လုံးဝ အားမလျှော့။ ထောင်ဝင်စာ ပုံမှန်တွေ့နိုင်အောင် ကြိုးစားခဲ့သည်။

ဒီကြားထဲမှာမှ သမီးလေးလို ချစ်ရသော ချွေးမလေးကို အင်းစိန်ထောင်မှ သာယာဝတီထောင်သို့ ပြောင်းလိုက်ကြပြန်သည်။

ခရီးက ဝေးသွားပေမယ့် သမီးလေး အားမငယ်စေရ။ ထောင်ဝင်စာသွားတွေ့ဖို့ ခက်သွားပေမယ့် မဖြစ်၊ ဖြစ်အောင် သွားဖို့ ကိုတော့ ခြစ်ခြုတ်ပြီး ပိုက်ဆံစုရသည်။

'ဒုက္ခခံလို့ အမေရယ်၊ ဒီအထိများ လိုက်လာရတယ်လို့'

'အမေမပင်ပန်းပါဘူး သမီးရယ်။ ပိန်သွားလိုက်တာကွယ်။ နေထိုင်ကောင်းရဲ့လား'

အကျဉ်းထောင်ထဲမှာ ပိတ်လှောင်ချုပ်နှောင်ခံနေရသော သမီးလေးကို အဆင်ပြေရဲ့လားလို့တော့ ဒေါ်အေးမ မေးမထွက်ရက်ပါ။ မွဲခြောက်ခြောက် အသားအရေ၊ ခန္ဓာကိုယ် ခပ်ပိန်ပိန်က သက်သေပြနေခဲ့ပြီပဲ။ ဒါပေမယ့် သမီးလေးရဲ့ မျက်လုံးလေးတွေကိုတော့ ဒေါ်အေးမ အားရသည်။ ဒီမျက်ဝန်းလေးတွေထဲမှာ အနိုင်မခံ၊ အရှုံးမပေးလိုတဲ့ စိတ်အားမာန်တွေ၊ မျှော်လင့်ချက်တွေ ရှိနေဆဲ။

'သမီးအတွက် စိတ်မပူပါနဲ့ အမေ။ သားလေးရော နေကောင်းရဲ့လားဟင်'

'မြေးလေးက နေကောင်းပါတယ်။ ကျောင်းစာလဲ ကြိုးစားတယ်။ ကျန်းမာရေးကိုသာ ဂရုစိုက်နော်သမီး'

ရတဲ့ အချိန်တိုလေးအတွင်းမှာ စကားလေးတွေ ပြောဖြစ်ကြသည်။ သို့ပေမယ့် ထောင်ဝင်စာမှာ ယူလာတဲ့ ပစ္စည်းလေးတွေထဲမှာ မြေးလေးရဲ့ ကျောင်းအားရက် စပယ်ပန်းကုံး ရောင်းရင်း စုထားတဲ့ ပိုက်ဆံလေးတွေနဲ့ ၀ယ်ထည့်ပေးထားတဲ့ ခေါက်ဆွဲခြောက်ထုပ်လေးတွေပါ ပါလာတယ်ဆိုတာကိုတော့ ဒေါ်အေးမ ပြောမပြရက်ခဲ့ပါ။

တယောက်အပေါ် တယောက်က ညှာတာရင်း ပြောမထွက်ခဲ့သော စကားတချို့ကလဲ ရှိနေပါသေးသည်။ ဒေါ်အေးမကလဲ ချွေးမကို မြင်တွေ့ရတော့ သားမောင်ကို သတိရသလို၊ မ၀င်းမာကလဲ ကိုအေးချမ်းကို သတိရနေခဲ့ပါသည်။ သို့ပေမယ့် စိတ်မကောင်း ဖြစ်မှာစိုး၍ ကိုအေးချမ်းအကြောင်းကို ချန်ရစ်ထားခဲ့ကြသည်။

ပြည်သူလူထုကို ရန်သူလို သဘောထားသော စစ်အာဏာရှင်စနစ်ကို တော်လှန်ရင်း တနင်္သာရီစစ်ဒေသမှာ ကိုအေးချမ်း ကျဆုံးသွားခဲ့ပြီဆိုတာကို ထောင်မကျခင်ကတည်းက တော်လှန်ရေးအဆက်အသွယ်များမှ တဆင့် မ၀င်းမာက သိနေခဲ့ပြီးသားပေမယ့် ဒေါ်အေးမကို ဖွင့်မပြောဖြစ်ခဲ့။ ဖခင်၊ ချစ်သူနဲ့ ခင်ပွန်းသည်တို့တုန်းက အတွေ့အကြုံတွေက ဘ၀နဲ့ ရင်းပြီး ရှိခဲ့သူမို့ သားဖြစ်သူရဲ့ အပြန်ခရီးကိုလဲ မ၀ံ့မရဲ ဖြစ်နေမိတာကို ဒေါ်အေးမကလဲ မ၀င်းမာကို ဖွင့်မပြောဖြစ်ခဲ့။

နောက်ဆုံးတော့ အချိန်စေ့ပြီမို့ ဖွင့်မပြောဖြစ်သော ရင်ထဲက စကားသံလေးများကို ကိုယ်စီသိမ်းဆည်းရင်း လမ်းခွဲဖြစ်ခဲ့ကြပြန်သည်။

နောက်တကြိမ်ပြန်မဆုံနိုင်တော့မယ့် မမြင်နိုင်သော ကံကြမ္မာအချိုးအကွေ့တခုက လက်တကမ်းမှာ စောင့်ကြိုနေပြီ ဆိုတာကိုတော့ ကြိုမသိခဲ့ကြ။

သာယာဝတီသို့ နောက်တခေါက်ထပ်သွားနိုင်ရန် မြေးအဖွားနှစ်ယောက် ပိုက်ဆံစုနေကြဆဲမှာပင် အသည်းရောင်အသားဝါ ရောဂါဖြင့် ထောင်ထဲတွင် ကွယ်လွန်သွားသော မ၀င်းမာ၏ သတင်းဆိုး အကြောင်းကြားချက်ကို မျက်ရည်စက်လက်ဖြင့် လက်ခံလိုက်ကြရပါတော့သည်။

(၇)

အချိန်ကား- ၂၀၀၇ ခုနှစ်၊ စက်တင်ဘာလ (၂၇) ရက်
နေရာကား- ဆင်ခြေဖုံးရပ်ကွက်တနေရာ။

'မြေးလေး သက်သာရဲ့လား'
အိပ်မောကျနေရာမှ နိုးလာသော မြေးလေးကို မေးမိသည်။

'ဟင်။ အဖွားက အစောကြီး နိုးနေတာလား'

အတိတ်အတွေးများနှင့် တညလုံး ကောင်းကောင်း အိပ်မပျော်ခဲ့တာကို မြေးလေးကို ပြောမပြဖြစ်တော့။

'ခေါင်းမူးသေးလားမြေးလေး'

'မူးတုန်းပဲ အဖွား။ ဒါပေမယ့် ကိစ္စမရှိပါဘူး။ သားဈေးရောင်းသွားလိုက်ဦးမယ်'

'မဟုတ်တာပဲ မြေးလေးရယ်။ တရက်တလေလေး နားလိုက်ပါကွယ်။ ရှိတဲ့ ပိုက်ဆံလေးနဲ့ အဖွားစားတတ်ပါတယ်။ ညက မြေးလေးပေးတဲ့ ပိုက်ဆံလေးနဲ့ ငါးပိလေး သွားဝယ်ဦးမယ်'

'သားသွားမယ်လေ အဖွား'

မြေးလေးက ကမန်းကတန်းထပေမယ့် ခေါင်းမူးလို့လားမသိ။ ပြန်ယိုင်သွားသည်။

မြေးလေး နေမကောင်းသည်မို့ အဖွားအမြန်ထွက်လာလိုက်သည်။ ခြေလှမ်းများကတော့ နှေးကွေးလေးလံလို့နေသည်။

ရပ်ကွက်ထဲက ကုန်ခြောက်ဆိုင်လေးမှာ ငါးပိလေးဝယ်ပြီး အဖွား ပြန်လာခဲ့သည်။ ညက မစားဖြစ်ခဲ့တဲ့ ထမင်းလေးကို ငါးပိနဲ့ လွေးလိုက်ရပေမယ့် စားလို့သိပ်မ၀င်လှ။ မြေးလေးအတွက် စိုးရိမ်လို့နေသည်။ ညနေကျရင်တော့ ရပ်ကွက်ထဲက ဆေးခန်းလေးကို ခေါ်သွားရမည်။

'ဆေးခန်းသွားရင် ပိုက်ဆံလိုမှာပဲ'

ပိုက်ဆံဆိုသော အတွေးလေးက ခေါင်းထဲသို့ ဖြတ်ကနဲ တိုးဝင်သည်။

'မြေးလေး၊ အိမ်မှာပဲ နေနော်။ အဖွား ပြန်လာခဲ့မယ်'

'အဖွားက ဘယ်သွားမလို့လဲ'
'သင်္ကန်းကျွန်းက မြေးလေး အဖေရဲ့ သူငယ်ချင်း အိမ်ကိုပါကွယ်။ အဖွားမကြာပါဘူး'

သားရှိတုန်းကတည်းက အိမ်ကို ၀င်ထွက်နေကျ သူငယ်ချင်းတယောက်က အဖွားတို့ မြေးအဘွားကို စောင့်ရှောက်ပေးသည်။ ဆေးဖိုးဝါးခများ ပံ့ပိုးပေးသည်။ ခုလဲ မြေးလေး ကိစ္စ ပြောပြရင် ကူညီမှာပဲလို့ အဖွားတွေးမိသည်။

ဘတ်စ်ကားတတန်၊ ကုန်ကြောင်းတတန်ဖြင့် သင်္ကန်းကျွန်းဘက်ရောက်လာတော့ အဖွားရဲ့ မြင်ကွင်းထဲသို့ မယုံကြည်နိုင်ဖွယ် ကောင်းလိုက်အောင် ထူးခြားသော မြင်ကွင်းများက တိုးဝင်လာသည်။

ဘေးရန်ခပ်သိမ်း- ငြိမ်းကြပါစေ
ဆင်းရဲခပ်သိမ်း - ငြိမ်းကြပါစေ
နှလုံးစိတ်ဝမ်း- အေးချမ်းကြပါစေ

သံဃာတော်များက မေတ္တာပို့ရင်း စီတန်းလမ်းလျှောက်နေသည်ကို ပြည်သူများကပါ ပူးပေါင်းပါဝင်နေကြသည်။

ဘယ်သူ့တွက်လဲ- ပြည်သူ့အတွက်
ပြည်သူ့ဆန္ဒ- ပြည့်ဝပါစေ

ဆိုသော ကြွေးကြော်သံများကလဲ ထွက်ပေါ်လာသည်။

အဖွားမနေနိုင်တော့။ လူထုကြီးနဲ့အတူ ဆန္ဒပြစစ်ကြောင်းမှာ ပါဝင်ဖို့ ဆုံးဖြတ်လိုက်သည်။ ဆန္ဒပြပွဲပြီးမှ သားသူငယ်ချင်း မောင်မြင့်သူ အိမ်ကိုသွားမည်။ ညနေဆေးခန်းဖွင့်ချိန်အမှီ အိမ်ကို အရောက်ပြန်မည်ဟု စဉ်းစားလိုက်သည်။

'လာ၊ အဖွားလာ။ ဟေ့- အဖွားကို တွဲကြ'

လူထုကြီးက အဖွားကို လက်တွဲဖေးမကြသည်။ လူငယ်လေးများက ကူတွဲချီမသွားသည်မို့ တပ်ဦးအနီးသို့ အဖွားရောက်သွားသည်။

'ဟိုမှာ စစ်သားတွေဟေ့'

လေးထောင့်ကန်လမ်းမပေါ်မှာ လူထုဆန္ဒပြစစ်ကြောင်းကြီးနှင့် စစ်သားများ၊ လုံထိန်းများ ထိပ်တိုက်တွေ့ကြသည်။

စစ်သားများ၊ လုံထိန်းများက အာဏာရှင်လက်ကိုင်ဒုတ်များပီပီ နံပါတ်တုတ်များဖြင့် လူထုကြီးကို ၀င်ရိုက်ကြသည်။

'အဖွားကို ထမ်းပြေးကြ'

ဖရိုဖရဲ အခြေအနေမှာ လူအများကြား ရောက်နေသော အဖွားကို ထမ်းပြေးဖို့ အော်နေကြသံ ကြားရသည်။ အော်နေသံများဘက်သို့ သွားဖို့ ခြေလှမ်းပြင်စဉ်မှာ ခါးမှာ တချက်၊ ခေါင်းမှာ တချက် နံပါတ်ဒုတ်နှင့် ရိုက်တာကို ခံလိုက်ရသည်။ နံပါတ်ဒုတ်ချက်များက ဆက်ကျလာသည်မို့ အဖွားလဲပြိုသွားသည်။

'အဖွားကြီးကို ရိုက်နေပြီ။ လုပ်ကြပါဦး။ ဟေ့ကောင်တွေ။ မင်းတို့ လူမဟုတ်ဘူးလားကွ။ တိရစ္ဆာန်ကောင်တွေ။ စစ်ခွေးတွေ'

စစ်သားများက အော်နေသူများထံသို့ ပြေးဝင်သွားပြန်သည်။ လူငယ်တချို့က စစ်သားများအလစ်မှာ အဖွားကို ၀င်ဆွဲပြီး ထမ်းပြေးကြသည်။

'သတိထားအဖွား။ ကျွန်တော်တို့တွေ အဖွားကို ဆေးရုံပို့ပေးမယ်'

စစ်သားများ မလိုက်လာသော နေရာရောက်တော့ လူငယ်လေးများက အဖွားကို မြေပေါ်အသာချပေးရင်း ပြောကြသည်။

အဖွားခေါင်းမှာက သွေးချင်းချင်းနီနေပြီ။

မျက်လုံးများကို အားယူပြီး ဖွင့်ကြည့်မိတော့ မြေးလေးတို့အရွယ် လူငယ်လေးများကို တွေ့ရသည်။

လူငယ်လေးများရဲ့ မျက်နှာများပေါ်က ရဲရင့် ပြတ်သားသော ပုံရိပ်များ၊ မျက်လုံးများထဲက နာကျည်းရိပ်များကို သတိထားကြည့်မိရင်း ခင်ပွန်းသည် ကိုသာဒင် အကြိမ်ကြိမ် ရွတ်ဆိုခဲ့သော စာရေးဆရာ ဗန်းမော်တင်အောင်ရဲ့ စကားလုံးလေးများကို သွားသတိရမိသည်။

လူတယောက်ရဲ့ တန်ဖိုးဟာ သူဖြတ်သန်းကျော်လွှားနေတဲ့ ခေတ်ကြီးက သူ့ပုခုံးပေါ် တင်ပေးလိုက်တဲ့ သမိုင်းတာဝန်ကို သူဘယ်လောက်သယ်ပိုးထမ်းရွက်ခဲ့တယ်ဆိုတဲ့ အချက်နဲ့ တိုင်းတာရမှာပဲ


ဒီစကားလုံးလေးများကို အဖွားကြိုးစားပြီး တလုံးချင်း ပြန်ရွတ်သည်။

'အဖွားတာဝန်ကျေပါတယ်နော်'

အဖွားကို ရင်ခွင်ထဲ ပွေ့ထားသော လူငယ်လေးတယောက်ကို လှမ်းမေးမိသည်။

လူငယ်လေးက မျက်ရည်များကြားမှ ပြုံးလိုက်သည်။

'တာဝန်ကျေပါတယ် အဖွား'

လူငယ်လေးရဲ့ တိုးသဲ့သဲ့ အသံလေးအောက်မှာ အဖွားမျက်လုံးများ မှိတ်သွားသည်။

ဖက်ဆစ်စနစ် တိုက်ဖျက်ရေး တိုက်ပွဲ၊ လူတန်းစားတိုက်ပွဲ၊ ကုန်ထုတ်လုပ်ရေးထဲက တိုက်ပွဲ၊ စစ်အာဏာရှင်စနစ် ဆန့်ကျင်ရေး တိုက်ပွဲစဉ်တွေ ပြည့်လျှံနေတဲ့ ခေတ်ကြီးထဲမှာ ဖြတ်သန်းကျော်လွှားရင်း၊ ခေတ်ကြီးက ပုခုံးပေါ်တင်ပေးလိုက်သော သမိုင်းတာဝန်တွေကို သယ်ဆောင်ထမ်းပိုးရင်း ကြယ်နီတပွင့်ကတော့ လွင့်ကြွေသွားခဲ့ပြီ။

သို့ပေမယ့် ဒီလိုကြယ်နီပွင့်တွေကလဲ သူမနံဘေးမှာ ခြံရံလျက်။


ခင်မမမျိုး (၂၆၊ ၉၊ ၂၀၁၀)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

ပန်းပျိုးလက် (၀တ္ထုတို)

(၁)

အချိန်ကား (၂၀၁၀) ခုနှစ်။
နေရာကား ယူကေနိုင်ငံ၊ တက္ကသိုလ်တခု၏ ဘွဲ့နှင်းသဘင်ခန်းမ။

'ထက်မျိုးနွယ်'

အခမ်းအနားမှူး၏ အသံအဆုံးမှာ စင်မြင့်ပေါ်သို့ တလှမ်းချင်းလျှောက်သွားလိုက်မိသည်။ ရင်ခုန်လိုက်သည်ဖြစ်ခြင်း။ နှစ်ပေါင်းများစွာ ကြိုးစားခဲ့ရသည့် ရလာဒ်တခုကို ဒီနေ့ဒီအချိန်မှာ သူမ ရရှိခံစားလိုက်ရသည်။ မဟာသုတေသနဘွဲ့။ ဂုဏ်ထူးများစွာဖြင့် အောင်မြင်ခဲ့သည်မို့ ပါရဂူဘွဲ့ ဆက်တက်ရန် စကောလားရှစ်များလဲ ရရှိထားသည်။ သင်ကြားရေးလက်ထောက် (Teaching Assistant) အဖြစ် အမှုထမ်းရန် ပရော်ပဖက်ဆာထံမှ ကမ်းလှမ်းချက်ကလဲ ရရှိထားခဲ့သည်။ ဘယ်လိုပဲဖြစ်ဖြစ် တက္ကသိုလ်ပညာရေး အသိုင်းအ၀ိုင်း နယ်ပယ်ကို သူမ ခြေချနိုင်ခဲ့ပြီ။ မကြာမီ နှစ်အနည်းငယ်အတွင်းတွင်ပင် ပါရဂူဘွဲ့ဆွတ်ခူးနိုင်တော့မည်။ အတွေးတွေနဲ့အတူ သူမ၏ ခြေလှမ်းများက တက်ကြွနေခဲ့သည်။ အားမာန်ပါနေခဲ့သည်။



'ဖြောင်း၊ ဖြောင်း၊ ဖြောင်း'

လက်ခုပ်သံများက ဆူညံစွာ ထွက်ပေါ်လာခဲ့သည်။ စင်မြင့်ပေါ်က ဆင်းလာချိန်အထိ လက်ခုပ်သံများက မစဲသေး။ လက်ခုပ်တီးနေသည့် ပရိသတ်ကို သူမ မျက်လုံးဝေ့ကြည့်လိုက်မိသည်။ လူအများကြားမှာ တစုံတယောက်ကို သူမတွေ့လိုက်ရသလိုလို။

'မဟုတ်ပါဘူး။ ငါစိတ်စွဲလို့ နေမှာပါ'
ရုတ်ခြည်းဝင်လာသော အတွေးများကို သူမ ဖျောက်ဖျက်ပစ်လိုက်သည်။ ရှေ့ပိုင်းမှာ ပြီးဆုံးခဲ့သည့် ဘီအေ၊ အမ်အေ ဘွဲ့များအတွက် ဘွဲ့နှင်းသဘင်များ မတက်ရောက်ခဲ့သူမို့ ဒီတကြိမ်က သူမအတွက် ပထမဆုံး ဘွဲ့နှင်းသဘင်ကဲ့သို့ ဖြစ်နေသည်။ ဘွဲ့နှင်းသဘင်သို့ တက်ပြီးမှတော့ တက်ရောက်သူတို့ ထုံးစံအတိုင်း လုပ်ရပေဦးမည်။

ဦးထုပ်များကို လေထဲသို့ ပစ်မြှောက်ပြီး စုပေါင်းဓာတ်ပုံ ရိုက်ကြရသည်။ အမှတ်တရ ဓာတ်ပုံများလဲ တဖျတ်ဖျတ်ရိုက်ကြသည်။ ရှန်ပိန်ခွက်လေးများ ကိုယ်စီကိုင်ရင်း စကားတွေ ဖောင်ဖွဲ့ဖြစ်ကြသည်။ အနာဂတ် ရည်မှန်းချက်များကို ဖလှယ်ဖြစ်ကြသည်။ ညနေပိုင်းရောက်လာတော့ အိမ်သို့ အပြေးအလွှား ပြန်ကြရပြန်သည်။ အပြေးအလွှားမပြန်လို့က မဖြစ်။ ညဘက်ကျရင် Graduation Ball ရှိသေးသည် မဟုတ်လား။ အချိန်မီ အ၀တ်အစားများ သွားလဲကြရသည်။ အလှပြင်ကြရပြန်သည်။ အခမ်းအနားကျင်းပသည့် Hilton Hotel ကို ရောက်တော့ သတ်မှတ်ထိုင်ခုံမှာ ၀င်ထိုင်၊ Three course dinner ကို အားရပါးရစားကြရင်း ညဦးပိုင်း ကပွဲအတွက် ပြင်ဆင်ကြရပြန်သည်။ အတွဲများ ကိုယ်စီနဲ့ လာကြသူများတာမို့ အနည်းငယ်တော့ အားငယ်သွားမိသည်။ နောက်တော့မှ သူမလို အတွဲမပါသူများလဲ ရှိနေဦးမှာပဲလို့ တွေးမိပြီး စိတ်ဖြေသာရာ ရသွားသည်။

'ဟေ့။ ဒါက ဒယ်နီယယ်တဲ့။ သူလဲ အဖော်ရှာနေတာ။ စကော့တစ်ခ်ျ အက ကောင်းကောင်းကတတ်တယ်'

သူငယ်ချင်း ထရီဇာက လူငယ်တယောက်ကို ခေါ်လာပေးသည်။ အက ကောင်းကောင်း ကတတ်သည် ဆိုတော့ ကောင်းတာပေါ့။ အုပ်စုလိုက်ကကြတဲ့အခါ ကိုယ့်အတွဲက အခြေခံသဘောတရားလေးကို နားလည်နေမှ အဆင်ပြေသည်။ မဟုတ်ရင် ဘေးက တွဲကရသူအဖို့ အလွန်ဒုက္ခရောက်တတ်သည်။ ဒီလိုနှင့် ကရင်း ခုန်ရင်း အချိန်များက တဖြည်းဖြည်း ကုန်သွားသည်။ ကပွဲအပြီးမှာ အချိန်ကို ကြည့်လိုက်တော့ ညတနာရီ ထိုးနေလေပြီ။

'လိုက်ဦးမလားထက်။ တို့တွေက Number 7 ကို ဆက်သွားမလို့။ တညလုံး ဆက်ကဲကြမယ်လေ'
ထရီဇာက မြူးမြူးလေး ပြောလာတော့ သူမခေါင်းညိတ်မိမလို ရှိသွားသည်။ ဒီအချိန်မှာ အသံတသံက နားထဲ ၀င်လာသလို ခံစားလိုက်ရသည်။

'ပျော်တာကို မမကြီးက အပြစ်ပြောနေတာ မဟုတ်ဘူး။ ဒါပေမယ့် ပျော်တယ်ဆိုတာမှာ အကန့်အသတ်ရှိတယ်။ အပျော်မလွန်သွားရဘူး။ အပျော်လွန်ရင် အပျက် ဖြစ်တတ်တယ်'

'မလိုက်တော့ဘူး။ ငါပင်ပန်းနေလို့ပါ'

ငြင်းဆိုစကားပြောရင်း Hotel Reception ဆီသို့ သူမထွက်လာလိုက်သည်။ Taxi Booking လုပ်ခိုင်းရမည်။ အရက်သောက်ပြီး ကားမမောင်းရဆိုသော ဥပဒေကြောင့် ဒီလိုညမျိုးမှာ ဘယ်သူမှ ကားမမောင်းကြသည်မို့ ကိုယ့်တက္ကစီ ရောက်ချိန်ကို အနည်းငယ်တော့ စောင့်ရပေဦးမည်။ ဆိုဖာပေါ်မှာ ထိုင်ချလိုက်တော့မှ ခေါင်းထဲမှာ ရီဝေေ၀ ခံစားနေရတာကို သတိရသွားသည်။

'ဟုတ်ပါရဲ့။ dinner စားတုန်းက ရှန်ပိန်၊ ကပွဲဆယ့်ငါးမိနစ် နားချိန်တုန်းက ၀ီစကီ။ ထရီဇာက Red Wine ယူလာပေးတုန်းကလဲ သောက်လိုက်မိသေးတယ်။ နှစ်မျိုး၊ သုံးမျိုးပေါင်းမှတော့ မူးပြီပေါ့။ ငါ့ကိုကလဲလေ ပေကို ပေလွန်းပါတယ်။ မမကြီးသာသိရင် ခေါင်းခေါက်ဦးမှာပဲ ထင်ပါရဲ့'

ကိုယ့်ဘာသာကိုယ် ပြောမိရင်း အတွေးများက အတိတ်ဆီသို့ ပြန်ရောက်သွားသည်။

(၂)

ရွှမ်း

ခြေသလုံးပေါ်သို့ ကျလာသော ကြိမ်ချက်က ပြင်းထန်လွန်းသည်မို့ သူမမျက်ရည်များ ၀ဲတက်သွားရသည်။ အော်ရင် ပိုဆိုးမှာမို့ အံကို တင်းတင်းကြိတ်ထားမိသည်။
'ဒီလောက်စည်းကမ်းတွေ တင်းကြပ်နေတဲ့ကြားက လုပ်ရဲသေးတယ်။ နောက်တခါဆို ဒီထက် ပိုနာမယ်နော်။ သွား။ စာသွားကျက်တော့။'

မမကြီးရဲ့ အမိန့်သံအဆုံးမှာ ခပ်ကုပ်ကုပ်လေး ထွက်လာဖြစ်ခဲ့သည်။ အဆက်မပြတ်ကျထားသော ကြိမ်ချက်များကြောင့် ခြေလှမ်းလိုက်တိုင်း နာကျင်မှု ဝေဒနာကို ခံစားရပေမယ့် ကိုယ့်အပြစ်နှင့်ကိုယ်မို့ ဘာမှ ပြန်မပြောရဲ။

အစစအရာရာမှာ စည်းကမ်းကြီးလွန်းလှသော မမကြီးကို လျှော့တွက်မိသည်ကိုက သူမရဲ့ အမှား။ ကျူရှင်ချိန်စခါနီးမှ အပြင်ပြန်ထွက်ပြီး၊ အတန်းပြီးချိန်မှာ အချိန်ကွက်တိ ပြန်ရောက်လာပါရဲ့နဲ့၊ လာကြိုသူ ကားဒရိုင်ဘာကတောင် မရိပ်မိပါပဲနဲ့ မမကြီး ဘယ်လိုများ သိသွားခဲ့ပါလိမ့်။

'မျိုးမျိုး။ သမီးခြေထောက်နာနေသေးလား'
စာကျက်နေတုန်း မမကြီးက ပြန်လာမေးသည်။

'ရပါတယ်။ မမကြီး။ မနာတော့ပါဘူး'
'ဘယ်ဟုတ်မလဲ။ မမကြီး လက်ဆ ကို မမကြီး သိတာပေါ့။ လာ- ဆေးလိမ်းပေးမယ်။'

မငြင်းသာသည်မို့ မမကြီး ခေါ်ရာသို့ သူမသွားလိုက်သည်။

'နောက်ဆို အဲလိုမျိုး မလုပ်ပါနဲ့ မျိုးမျိုးရယ်။ မမကြီးက မျိုးမျိုးကို အုပ်ထိန်းနေရတာ။ မမကြီးရဲ့ အုပ်ထိန်းမှုအောက်မှာ တခုခုသာ ဖြစ်သွားရင် သမီးရဲ့ မိဘတွေကို မမကြီးဘယ်လိုမျက်နှာ ပြရမလဲ။ ခုဆို မျိုးမျိုး မိဘတွေက နိုင်ငံရပ်ခြားမှာ အလုပ်တာဝန်တွေနဲ့။ မြန်မာပြည်က ဆယ်တန်းအောင်သွားအောင်ဆိုပြီး မျိုးမျိုးကို မမကြီးဆီ ခဏအပ်ထားခဲ့တာ။ မျိုးမျိုးကတော့ မမကြီးကို အစ်မအရင်းမဟုတ်ဘူးဆိုပြီး စိမ်းချင်စိမ်းနေမှာပေါ့။ ဒါပေမယ့် မမကြီးကတော့ ညီမလေးတယောက် လိုချင်နေတဲ့အချိန်မှာ နှစ်အိမ့်တအိမ်လို့ နေတဲ့ မိသားစုထဲမှာ မွေးလာတဲ့ မျိုးမျိုးကို ညီမလေးအရင်းတယောက်လို ချစ်ခဲ့ရတာ။ သမီးပျက်စီးသွားမှာကို မမကြီး သိပ်စိုးရိမ်တယ်။ နောက်ဆိုဒီလိုမျိုး ထပ်မလုပ်နဲ့တော့နော်'

'ဟုတ်ကဲ့ မမကြီး။ နောက်ဆို မလုပ်တော့ပါဘူး။ စာအုပ်ဆိုင်မှာ အထူးထုတ်တွေ အသစ်ရောက်တယ်ကြားလို့ သွားကြည့်မိတာပါ'
'မမကြီးကို ဘာလို့ မပြောတာလဲ'
'ဟို- ကြောက်လို့ပါ'
'ဘာကို ကြောက်တာလဲ'
'ဆူမှာစိုးလို့'
'ဘာကို ဆူရမှာလဲ'
'ဒီလောက်သင်ရိုးတွေ ကြေညက်အောင် သင်ပေးထားရက်နဲ့ အထူးထုတ်ကို အားကိုးချင်လားဆိုပြီး ဆူမှာ စိုးလို့ပါ။ သမီးက အဲဒီထဲက မှတ်စုတွေကို ကြည့်ချင်တာ မဟုတ်ပါဘူး။ မေးခွန်းပုံစံတွေ လေ့ကျင့်ချင်လို့ပါ'

မမကြီးက သူမကိုကြည့်ပြီး ပြုံးသည်။

'ခုတော့ အဆူခံရရုံတင်မကပဲ အရိုက်ပါ ခံလိုက်ရပြီ မဟုတ်လား။ အထူးထုတ်လိုချင်တာများ မျိုးမျိုးရယ်။ မမကြီးကို အစကတည်းက ပွင့်ပွင့်လင်းလင်း ပြောရောပေါ့။ လူဆိုတာ ကိုယ်လိုအပ်တာကို ပွင့်ပွင့်လင်းလင်း တောင်းဆိုရဲရတယ်။ တောင်းဆိုဖို့ မကြောက်ရဘူး။ တောင်းဆိုပြီးမှ မမကြီးက ငြင်းလိုက်ရင်တော့ တမျိုးပေါ့။ ခုတော့ ကိုယ်လိုအပ်တာကို တောင်းဆိုဖို့ ကြောက်လိုက်တဲ့ ကြောက်စိတ်ဟာ မကောင်းမှုတခုကို ကျူးလွန်ဖို့ တွန်းအားပေးလိုက်သလို ဖြစ်သွားတယ်။ ကြောက်စိတ်ဟာ တခါတရံမှာ အမှားတွေ ကျူးလွန်မိစေတတ်တယ်နော်။ ဒါကြောင့် မျိုးမျိုးရဲ့ ရင်ထဲမှာ ရှိနေတဲ့ ကြောက်စိတ်တွေ၊ စိုးရိမ်စိတ်တွေကို ခုချိန်ကစပြီး ဖယ်ရှားပစ်ရမယ်။ ကိုယ်လိုအပ်တာကို အကျိုးသင့်၊ အကြောင်းသင့် တောင်းဆိုတတ်ဖို့အတွက်ပဲ ပြင်ဆင်ဖို့လိုတယ် ။ ဟုတ်ပြီလား'

မမကြီးက ပြောရင်းဆိုရင်းနှင့် သူမခေါင်းလေးအား ဖွဖွလေး ပုတ်ပြီး ထွက်သွားသည်။ ဆေးစွမ်းကြောင့်လား၊ မမကြီးရဲ့ စကားစွမ်းကြောင့်လားတော့ မသိ။ နာကျင်မှုတွေက ပျောက်သွားသလိုလို။

(၃)

'မမကြီး။ ဒါတွေက'

သူငယ်ချင်းများနှင့် လျှောက်လည်ပြီး အပြန် သူမအခန်းထဲမှာ ပါဆယ်ထုပ်များ တွေ့လိုက်ရတာမို့ မမကြီးဆီ သွားမေးမိသည်။

'စာအုပ်တွေလေ မျိုးမျိုး။ ဂျီစီအီး အိုလယ်ဗယ်စာအုပ်တွေ။ တက္ကသိုလ်တွေက ပိတ်နေတာ ကြာလှပြီ။ ဘယ်တော့မှ ပြန်ဖွင့်မယ်မှန်းလဲ မသိဘူး။ ဒီကြားထဲ အချိန်မကုန်အောင် ဂျီစီအီး စာမေးပွဲတွေ ဖြေထားရမယ်'

'မမကြီးရယ်။ မျိုးမျိုးက ဆယ်တန်းဖြေထားတာတောင် မကြာသေးဘူး'

'အချိန်ဟာ တန်ဖိုး ရှိတယ်မျိုးမျိုး။ ဆယ်တန်းအောင်တာဟာ ပညာရေးခရီးလမ်း ပြီးဆုံးသွားတာ မဟုတ်သေးဘူး။ ဆယ်တန်းအောင်လက်မှတ်ဆိုတာ အဆင့်မြင့်ပညာရေးဂိတ်ဝကို ဖြတ်သန်းဖို့ လိုအပ်မယ့် ပတ်စ်ပို့လေး တခုလောက်ပဲ ရှိသေးတယ်။ ဒါတောင် ကိုယ်သွားမယ့် အဆင့်မြင့် ပညာရေးက ကမ္ဘာ့အဆင့်မီ ပညာရေးကို မှန်းတယ်ဆိုရင် တခြားလိုအပ်မယ့် ပတ်စ်ပို့လေးတွေက ထပ်ရှိသေးတယ်။ အင်္ဂလိပ်စာ အောင်လက်မှတ်တွေအတွက် TOEFL, IELTS တွေ ရှိတယ်။ အမေရိကန် ကောလိပ်တွေအတွက်ဆိုရင် SAT exam တွေရှိမယ်။ ယူကေ တက္ကသိုလ်တွေအတွက်ဆိုရင် GCSE exam တွေ ရှိမယ်။ GCE A Level exam တွေ ရှိမယ်'

'ဒါဆို စာတွေ အများကြီး ထပ်ကျက်ရဦးမှာပေါ့'
'ဟုတ်တယ်။ စာတွေအများကြီးကို ထပ်ပြီး ဖတ်မှတ်လေ့လာရဦးမယ်။ ဦးနှောက်ဆိုတာ ဓားလိုပဲ။ အမြဲတမ်းသွေးနေရတာ။ မသွေးရင် တုံးသွားရော'
'တက္ကသိုလ်တွေ ပြန်ဖွင့်လာတဲ့အခါ ဒါတွေက အသုံးမ၀င်တော့ရင် ဘယ်လိုလုပ်မလဲ'

'ပညာဆိုတာ ဘယ်ပညာပဲဖြစ်ဖြစ် အခါအခွင့်သင့်လို့ သင်ထားခွင့်ရရင် သင်ထား ငါ့ညီမ။ တခါတရံမှာ အမှတ်တမဲ့ သင်ထားလိုက်မိတဲ့ ပညာရပ်တခုဟာလဲ ဘ၀အတွက် အသက်မွေးဝမ်းကျောင်း ဖြစ်သွားတတ်တယ်။ ဘယ်ပညာရပ်မှ အသုံးမ၀င်ဘူးဆိုတာ မရှိဘူး။ အသုံးမ၀င်သေးတာပဲ ရှိတယ်။ ကိုယ်က စားဝတ်နေရေးနဲ့ ဘယ်လိုမှ အချိန်မပေးနိုင်ရင်တော့ တမျိုးပေါ့လေ။ စားဝတ်နေရေးကို ပစ်ပယ်ပြီး ပညာတွေချည်းပဲ လိုက်သင်နေလို့ကလဲ ဘယ်ဖြစ်ပါ့မလဲ။ ဒါပေမယ့် ခုဆို မျိုးမျိုးက ဆယ်တန်းဖြေပြီးစပဲ ရှိသေးတယ်။ ကိုယ်ရည်ရွယ်ထားတဲ့ တက္ကသိုလ်တွေကလဲ ပိတ်ထားတာ ကြာလှရောပေါ့။ ဘယ်တော့ ပြန်ဖွင့်မယ်ဆိုတာလဲ မသိဘူး။ ဒီလိုအချိန်မှာ လူငယ်လေးတွေဟာ စိတ်လေတတ်တယ်။ ပညာရေးလဲ အာရုံမစိုက်ဖြစ်၊ အလုပ်အကိုင်ကျတော့လဲ ဟိုလိုလို၊ ဒီလိုလိုနဲ့ ကြားမှာ လွတ်နေတတ်တယ်။ အဲလိုအခြေအနေမျိုးမှာ လမ်းမှားရောက်ပြီး ဘ၀ပန်းတိုင် ပျောက်နေကြရတဲ့ လူငယ်လေးတွေ အများကြီးပဲ။ မျိုးမျိုးကို အဲလိုမျိုး အဖြစ်မခံနိုင်ဘူး။ ကဲ- နက်ဖြန်ကစပြီး ဂျီစီအီးသင်မယ့် ဆရာတွေ အိမ်ရောက်လာလိမ့်မယ်။ ဒီမှာ အချိန်ဇယား။ အပြင်သွားစရာတွေ၊ ဘာတွေ ရှိတဲ့အခါ မမကြီးကို ကြိုပြော၊ ဟုတ်ပြီလား'

မမကြီးစကားမို့ ခေါင်းညိတ်လိုက်ရပေမယ့် စိတ်ထဲကတော့ သိပ်မကျေနပ်လှ။ ဆယ်တန်းပြီးတာတောင် လွတ်လပ်ခွင့်မပေးပဲ ချုပ်ချယ်နေသည်ဟု ထင်မိသည်။ သူငယ်ချင်းတွေများဆို လွတ်လွတ်လပ်လပ်။ ဘာပဲဖြစ်ဖြစ် မေမေနဲ့ဖေဖေ နိုင်ငံခြားက ပြန်မလာမချင်းတော့ မမကြီးအိမ်မှာ နေရပေလိမ့်ဦးမည်။

(၄)

'ဟင်။ မမကြီး လိုက်လာတယ်'

ရဲစခန်းက စခန်းမှူးရှေ့မှာ ထိုင်ရင်း စခန်းမှူးနှင့် စကားပြောဆို လက်မှတ်ထိုးနေသော မမကြီးကို ထိုင်ကြည့်နေမိသည်။ မေမေနှင့် ဖေဖေက သူတို့ကိုယ်တိုင်မလာပဲ ဘာလို့များ မမကြီးကို လွှတ်လိုက်သည် မသိ။

စခန်းက ထွက်လာသည့် အချိန်အထိ မမကြီးက စကားတခွန်းမှ မဟသေး။ ကားကိုသာ ဂရုစိုက် မောင်းနေသည်။ သူမ မနေနိုင်တော့။

'မေမေတို့ကလဲ ဘာလို့ မလာလဲ မသိဘူး။'

'လာစရာလား။ ဒီလိုနေရာမျိုးကို။ လူကြီးတွေက'

မမကြီးက သူမအားလှည့်ကြည့်ရင်း ခပ်ဆောင့်ဆောင့် ပြောသည်။ စိတ်ဆိုးနေမှန်းသိတာမို့ သူမဘာမှ ဆက်မပြောဖြစ်တော့။

မေမေတို့ နိုင်ငံခြားက ပြန်ရောက်လာကတည်းက မေမေတို့နဲ့ အတူပြန်နေဖြစ်ခဲ့သည်။ အလုပ်တာဝန်များပြားနေသော မိဘများရဲ့ အုပ်ထိန်းမှုအောက်မှာ သူမကတော့ တနေ့တခြား လွတ်လပ်လာခဲ့သည်။ အိမ်ပြန်ရောက်ချိန် နောက်ကျတာ၊ စာမဖတ်ဖြစ်တာ၊ သင်တန်းဆိုပြီး ရှော့ပင်းထွက်တာများကတော့ မေမေတို့ သိပင်မသိ။ မမကြီးကတော့ အခါအားလျော်စွာ တွေ့သည်နှင့် ဆူပူကြိမ်းမောင်းတတ်စမြဲ။ သို့ပေမယ့် အုပ်ထိန်းမှုအောက်မှာ မဟုတ်တော့ သူလဲ ဘာမှ မတတ်နိုင်။ သူမကလဲ မမကြီးရဲ့ စေတနာကို သဘောပေါက်သလိုရှိပေမယ့် တဘက်သတ်လိုက် ချုပ်ချယ်နေတယ်လို့လဲ ထင်မိသည်။ မိဘအရင်းကတောင် ဘာမှမှ မပြောသည်ပဲ။

'ကဲ။ ဒေါ်ထက်မျိုးနွယ်။ ကြွစမ်းပါဦး။ အိမ်ထဲကို'

မမကြီးက အိမ်သို့ တန်းမခေါ်လာပဲ သူ့အိမ်ထဲသို့ ခေါ်သွားသည်။

'မမကြီးက ဘာလုပ်မလို့လဲ။ သမီးကို ရိုက်မလို့လား'
'အေး။ ဟုတ်တယ်။ ဒါပေမယ့် ဒီအရွယ်ရောက်မှတော့ တုတ်နဲ့ မရိုက်ဘူး။ စကားနဲ့ပဲ ရိုက်မယ်'

မမကြီးပြသော ဆိုဖာမှာ သူမ၀င်ထိုင်ဖြစ်သည်။ စိတ်ထဲမှာတော့ အနည်းငယ် ရှိန်နေမိသည်။

'ပြောစမ်းပါဦး အဖြစ်အပျက်ကို'
'သင်္ကြန်တုန်းက ရန်စပါ။ သမီးတို့ မဏ္ဍာပ်ကို သူတို့အုပ်စုက ခဲနဲ့ လာထုဖူးတယ်။ ဒီနေ့တော့ နိုက်ကလပ်မှာ သူတို့နဲ့ ပြန်တွေ့တာနဲ့ သမီးတို့ အုပ်စုနဲ့ ထပ်ညိကြတယ်။ အဲဒါအပြန်မှာ သူတို့ဘက်က လမ်းပိတ်တားပြီး ပြဿနာရှာတာပါ'

'မိန်းကလေးတန်မဲ့ ရန်ပွဲတွေထဲပါ၊ ရုံး၊ ဂတ်တွေရောက်နဲ့ မရှက်ဖူးလားဟင်။ မိဘအသိုင်းအ၀ိုင်းနဲ့ အဆင့်အတန်းကိုလဲ ပြန်ကြည့်ပါဦး။'
'သမီးက ရန်ဖြစ်တာမှ မဟုတ်တာ။ သူတို့တွေ ထိုးနေလို့ ၀င်ဆွဲရင်း ကိုယ်ပါပါသွားတာ'

'ဘာပဲဖြစ်ဖြစ် ဒီလိုအချိန်မျိုးမှာ ဒီလိုလူတွေနဲ့ ဒီလိုနေရာမျိုးတွေသွားရင် ဒါမျိုးတွေ ဖြစ်တတ်တယ်ဆိုတာ မင်းနားမလည်ဖူးလား။ ဒီအချိန်မျိုးဟာ မိန်းကလေးတယောက် အိမ်အပြင်မှာ ရှိနေသင့်တဲ့ အချိန်လား။ အေး- မိသားစုဝမ်းရေးအတွက် လုပ်ကိုင်စားသောက်နေရတဲ့ မိန်းကလေးတွေကို ငါမဆိုလိုဘူး။ ဒါပေမယ့် အဲလိုမဟုတ်ပဲ ညသန်းခေါင်ကျော် လမ်းပေါ်ရောက်နေတဲ့ မင်းလိုမိန်းကလေးမျိုးကိုတော့ တန်ဖိုးရှိတဲ့ မိန်းကလေးလို့ ငါမသတ်မှတ်နိုင်ဘူး'

'မမကြီး အဲလိုမပြောပါနဲ့။ သမီးက လူငယ်ပါ။ လူငယ်တယောက် လွတ်လွတ်လပ်လပ် ပျော်တာ အပြစ်လား၊ ပျော်တာနဲ့ပဲ တန်ဖိုးမဲ့ရရောလား'

'ပျော်တာကို မမကြီးက အပြစ်ပြောနေတာ မဟုတ်ဘူး။ ဒါပေမယ့် ပျော်တယ်ဆိုတာမှာ အကန့်အသတ်ရှိတယ်။ အပျော်မလွန်သွားရဘူး။ အပျော်လွန်ရင် အပျက် ဖြစ်တတ်တယ်။ တန်ဖိုးမဲ့တတ်တယ်။ လူ့ဂုဏ်သိက္ခာတွေ ကျဆင်းသွားတတ်တယ်။ ခု မင်းသွားလာနေထိုင်နေတာက ပျော်တာမဟုတ်တော့ဘူး။ အပျော်လွန်တာ ဖြစ်နေပြီ။ မင်းဘ၀အနာဂတ်အတွက် မင်းဘာတွေ လုပ်ထားပြီလဲ။ ပထမအရွယ် ပညာရှာတဲ့။ ခုမင်းပညာရှာနေသလား။ စာထဲမှာ အာရုံမစိုက်ပဲ ကုန်နေတဲ့ အချိန်တွေ ဘယ်လောက်ရှိပြီလဲ။ မင်းကိုယ်မင်း အသိဆုံးပဲနေမှာပေါ့။ ပညာမရှာတော့ ဥစ္စာကော မင်းရှာနေလား။ မိဘပြည့်စုံတယ်လို့ လာမပြောနဲ့။ လူတယောက်ဘ၀မှာ ပညာနဲ့ ဥစ္စာဆိုတာ ဟန်ချက်ညီဖို့ အရေးကြီးတယ်။ မင်းမိဘရဲ့ ဥစ္စာပစ္စည်းတွေသာ အကြောင်းအမျိုးမျိုးကြောင့် ပျက်စီးသွားခဲ့ရင် ပညာလဲ မပြည့်စုံသေးတဲ့ မင်းက ဘာနဲ့ လုပ်ကိုင်စားသောက်မလဲ။ မင်းခြေထောက်ပေါ်မင်းဘယ်လို ရပ်တည်မလဲ။ အခု မင်းဟာ တန်ဖိုးမဲ့ ဆန်ကုန်မြေလေး ဖြစ်နေပြီ။ မင်းမှာ ဘာတန်ဖိုးမှ မရှိတော့ဘူး။ နားလည်လား'

သူမ၀ုန်းကနဲ ထရပ်မိသည်။ မမကြီးရဲ့ စကားလုံး ရိုက်ချက်များက တုတ်ချက်များထက် ပိုမို ပြင်းထန်သည်ပဲ။

'မမကြီး စောင့်ကြည့်လိုက်လေ။ ဘာတန်ဖိုးမှ မရှိဘူးလို့ မမကြီး ပြောခဲ့တဲ့ ထက်မျိုးနွယ်ဆိုတာရဲ့ တန်ဖိုးကို'

ဘာမှ ထပ်မပြောပဲ သူမလှည့်ထွက်လာခဲ့သည်။ တလမ်းတည်းမှာ ရှိသော သူမအိမ်ကို ဘယ်လိုပြန်ရောက်လာသည်မသိ။ အိမ်ရောက်ရောက်ချင်း မေမေ့ကို သူမပြောသည်။ မေမေပို့လိုသော အင်္ဂလန်ကို သူမအမြန်ဆုံးသွားမည်ဟု----။

(၅)

အတွေးထဲ လွင့်မျောနေဆဲမှာပဲ ဟိုတယ် ဧည့်ကြိုက တက္ကစီရောက်ပြီဖြစ်ကြောင်း ပြောသည်။ တက္ကစီပေါ်မှာ လိုက်ပါလာရင်း မမကြီးဆီ ဖုန်းဆက်ရင် ကောင်းမလားလို့ တွေးမိသည်။ စိတ်ဆိုး၊ စိတ်နာနာနှင့် မြန်မာပြည်က ထွက်လာပြီးကတည်းက အိမ်ကို ဖုန်းဆက်ဖြစ်သည်မှလွဲ၍ တခါမှလဲ မပြန်ဖြစ်တော့။ စာထဲမှာပဲ အာရုံစိုက်သည်။ အလုပ်တဘက်နှင့်တွဲ၍ ပညာရေးခရီးလမ်းကို တကွေ့ပြီးတကွေ့ ကျော်ဖြတ်သည်။ ကိုယ်ပိုင်အလင်းရောင်ရှိလာအောင်၊ တန်ဖိုးတက်လာအောင် ကြိုးစားရုန်းကန်ဖြစ်ခဲ့သည်။ အချိန်တွေကြာလာတာနဲ့အမျှ မမကြီးရဲ့ စေတနာကိုလဲ သဘောပေါက် နားလည်မိပါသည်။ ဒါပေမယ့် ဘာရယ်ကြောင့် မသိ။ အလွတ်ရဆဲ မမကြီးရဲ့ ဖုန်းနံပါတ်ကို မနှိပ်ဖြစ်။ တစုံတရာက တားဆီးနေသလိုရှိသည်။ မေမေကတော့ ဖုန်းဆက်ဖြစ်တိုင်း မမကြီးဆီပါ ဖုန်းဆက်ဖို့ တိုက်တွန်းနေကြ။ သူမရဲ့ သတင်းတွေကိုလဲ မမကြီးက အမြဲနားစွင့်နေသည်ဆိုပဲ။

'ဟယ်လို။ ဒေါ်ခင်မာထိုက် ရှိပါလားရှင်'

အိမ်ပြည်ရောက်သည်နှင့် မေမေ့ဆီတောင် ဖုန်းမဆက်အား။ မမကြီးဆီသို့ ဖုန်းခလုတ်ကို အရင်နှိပ်မိသည်။

'မနေ့ကပဲ ဆုံးသွားပါတယ်ရှင်'

'ရှင်'
သူမ လက်ထဲမှ ဖုန်းကလေးက ရုတ်တရက် လွတ်ကျသွားပါသည်။

ပန်းပျိုးလက်တစုံကတော့ လူ့လောကထဲမှ လွင့်ကြွေသွားခဲ့လေပြီ။

သူပျိုးထောင်ပေးခဲ့သော ပန်းကလေးကတော့ အစွမ်းကုန် ဖူးပွင့်လျက်။

ခင်မမမျိုး (၂၊ ၉၊ ၂၀၁၀)

(စာကြွင်း။ ။ လောကကြီးမှာ ကျွန်မတို့ တတွေရဲ့ ဘ၀ပန်းလေးတွေ ဖူးပွင့်လာဖို့အတွက် အမုန်းခံပြီး အကျိုးလိုစိတ်နဲ့ ဆုံးမခဲ့ကြတဲ့ ပန်းပျိုးလက် အစုံကို ပိုင်ဆိုင်ကြသော မိဘတွေ၊ ဆရာသမားတွေ၊ လူကြီးသူမတွေ အများကြီးပါ။ အဲဒီပန်းပျိုးလက်အစုံလေးတွေ မကြွေလွင့်သွားခင်မှာ သူတို့ပျိုးထောင်ခဲ့တဲ့ ပန်းလေးတွေ ဖူးပွင့်လာခဲ့ပြီဆိုတာကို ဖုန်းခလုတ်လေးတွေကို နှိပ်လို့ပဲဖြစ်ဖြစ်၊ စာလေးတကြောင်းနှစ်ကြောင်း ရေးလို့ပဲ ဖြစ်ဖြစ် အသိပေးရင်း တချိန်က ပြစ်မှားမိခဲ့တာတွေအတွက် တောင်းပန်လိုက်ကြမယ် ဆိုရင်ဖြင့်)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

ရန်သူနံပါတ် (၁) (၀တ္ထုတို)

"အန်တီ့ဆီမှာကော ချစ်သူရှိခဲ့ဖူးလားဟင်၊ အန်တီဘာလို့ အိမ်ထောင်မပြုတာလဲ"

ဒီကနေ့ အလုပ်အားရက်မို့ အသိမိတ်ဆွေ ကောင်မလေးတယောက်ဆီ သွားလည်ဖြစ်သည်။ လန်ဒန်မှာ ဒီလိုဆုံဖို့ဆိုတာက ခက်ခဲပါဘိခြင်း။ ပြီးတော့ သူမကလဲ လန်ဒန်မြို့တွင်းမှာ နေတာမဟုတ်ပဲ တာဝန်ကျရာ လန်ဒန်မြို့ပြင် ဆေးရုံနားမှာ နေသည်မို့ တော်တော်နှင့် မဆုံတွေ့ဖြစ်ကြ။ မြန်မာပြည်မှ သူငယ်ချင်းက သူ့တူမလေးတယောက် လန်ဒန်မှာ ကျောင်းတက်မည်ဆိုပြီး အကြောင်းကြားလာတာမို့ ဟီးသရိုးလေဆိပ်မှာ သွားကြိုပေး၊ ကျောင်းမှ အဆောင်ကို လိုက်ပို့ပေးပြီး နောက်ပိုင်းကတည်းက မဆုံဖြစ်ကြတော့။ ဒီနေ့တော့ အားလပ်ရက်ချင်း တိုက်ဆိုင်၍ ဆုံဖြစ်ခဲ့ကြသည်။

ခေတ်လူငယ်ပီပီ ကောင်မလေးက ပွင့်ပွင့်လင်းလင်း။ အုန်းနို့ခေါက်ဆွဲ အတူတူချက်စားရင်း သူ့အကြောင်း၊ ကိုယ့်အကြောင်းလေးများ ပြောဖြစ်လာကြသည်။

"မရှိလို့ အန်တီ အပျိုကြီး ဖြစ်နေတာပေါ့ သမီးရယ်"



လူငယ်ဘ၀ကို ဖြတ်သန်းနေသော ကောင်မလေးက ယုံချင်ပုံမပေါ်ပေမယ့် ဆက်မမေးတော့။ တခြားအကြောင်းများဆီသို့ စကားရောက်သွားကြသည်။ ကျောင်းအကြောင်း၊ ဗွီဇာအကြောင်းများ။

ဘယ်လိုပဲဖြစ်ဖြစ် ကောင်မလေးဆီက ပြန်လာတော့ သူမတကိုယ်လုံး နုံးချိလို့နေသည်။ ပြောမထွက်ခဲ့သော စကားသံများက ရင်ထဲမှာ အပြည့်အနှက်။ သို့ပေမယ့် ထိုစကားသံများရဲ့ ဦးတည်ရာက ကောင်မလေးမဟုတ်။

တချိန်က သူမသိပ်ချစ်ခဲ့တဲ့ သူမချစ်သူ ဇော်ဇော် (သို့မဟုတ်) အခုတော့ သူမ သိပ်မုန်းတဲ့ စစ်အာဏာရှင်စနစ်ကြီးကို အသက်သွင်းနေသော ကြေးစားစစ်တပ်မှ ဗိုလ်မှူးကြီး ဇော်နိုင်အောင်။

အတိတ်က၊ အတိတ်ကပေါ့လေ။ ဟိုးလွန်ခဲ့တဲ့ နှစ်ပေါင်းနှစ်ဆယ်ကျော်ကပါ။ တောင်ကြီးမြို့၊ အထက (၄) ဆိုတဲ့ ကျောင်းတော်ကြီးမှာ ခင်ခင်ဆိုတဲ့ သူမနဲ့ ဇော်ဇော်တို့ဟာ စားအတူ၊ သွားအတူနဲ့ သိပ်ချစ်ကြတဲ့ သူငယ်ချင်းတွေပေါ့။ ဒီလိုနဲ့ အတန်းစဉ်တွေ ဖြတ်သန်းရင်း ဆယ်တန်းကို ရောက်တော့ ဇော်ဇော်ကပြောလာတယ်။ သူဆယ်တန်းအောင်ရင် ဒီအက်စ်အေ ဗိုလ်သင်တန်း လျှောက်မယ်တဲ့။ နိုင်ငံတော်နဲ့ ပြည်သူတွေကို အသက်ပေးပြီး ကာကွယ်မယ်ပေါ့။ သူမကလဲ အားကျမခံ၊ ပြည်သူတွေကို ဆေးအတတ်နဲ့ အသက်ကယ်တင်မယ်ပေါ့လေ။

ရည်ရွယ်ချက်တွေ အောင်မြင်ခဲ့ပါတယ်။ ဆယ်တန်းအောင်တော့ သူမကလဲ မန္တလေးဆေးတက္ကသိုလ် တက်ခွင့်ရ၊ ဇော်ဇော်ကလဲ ပြင်ဦးလွင် စစ်တက္ကသိုလ် တက်ခွင့်ရနဲ့ သူငယ်ချင်း အဆင့်ကို ကျော်လွန်ပြီး ချစ်သူ ဘ၀ ရောက်ခဲ့ကြတယ်။ အဲဒီတုန်းကတော့ လူတယောက်ရဲ့ ပင်ကိုယ်စိတ်ဓာတ်ဟာ အာဏာရှင်စနစ်ဆိုးရဲ့ လွှမ်းမိုးမှုကြောင့် ပြောင်းလဲတတ်တယ်ဆိုတာ သူမ မသိခဲ့ရိုးအမှန်ပါ။

ဇော်ဇော်ကျောင်းဆင်းပြီး ရှေ့တန်းမှာ တာဝန်ကျတော့ သူမက မန္တလေးမှာ ကျောင်းတက်ဆဲ။ ရှေ့တန်းမှာ ပြည်သူတွေအတွက် အသက်ပေးတိုက်ပွဲဝင်နေတဲ့ တပ်မတော်သားကြီးရဲ့ ချစ်သူအဖြစ်နဲ့ ဂုဏ်ယူလို့ပေါ့လေ။

"အဲဒီသေနတ်ပြောင်းတွေကို ငါတို့ ကျောင်းသားတွေနဲ့ ပြည်သူတွေဆီကို ဘာလို့ လှည့်လာခဲ့တာလဲဟယ်။ ငါယုံလို့ မရနိုင်ခဲ့ဘူး။"

မပြောဖြစ်ခဲ့တဲ့ ရင်ထဲက စကားသံပါ။

၁၉၈၈ မှာ တတိုင်းပြည်လုံးက ပြည်သူတွေ အာဏာရှင်စနစ်ဆိုးကို ဖယ်ရှားဖို့ လမ်းမပေါ် ထွက်လာကြတော့ သူမက ဆေးတက္ကသိုလ်မှာ နောက်ဆုံးနှစ်။ ကျောင်းတွေပိတ်လိုက်ကတည်းက မွေးရပ်မြေ တောင်ကြီးမြို့သို့ ပြန်ရောက်နေခဲ့သည်။ အမှန်တရားနဲ့ တရားမျှတမှုအတွက် ပြည်သူတွေ တိုက်ပွဲဝင်တော့ သူမတို့လဲ ပါကြသည်ပေါ့။ မင်းကျောင်းဆိုတဲ့ သပိတ်စခန်းမှာ စုစည်းရင်း ပြည်သူ့ဆန္ဒကို ထုတ်ဖော်နိုင်ခဲ့ကြသည်။ တသွေးတည်း၊ တသံတည်း၊ အားလုံးတောင်းဆိုခဲ့ကြသည်က ဒီမိုကရေစီ၊ ပြည်သူက ရွေးကောက်တင်မြှောက်သော ပြည်သူ့အစိုးရ။


မမျှော်လင့်ထားသော အခြေအနေတွေ မမျှော်လင့်ထားသော အချိန်မှာပင် ကျရောက်လာခဲ့သည်။

"တိုင်းပြည်ချောက်ထဲကျမည့် အရေးကို တပ်မတော်မှ အချိန်မှီ ၀င်ရောက်ကယ်တင်" တဲ့။

သတင်းသံနဲ့ အတူ ထွက်ပေါ်လာခဲ့တဲ့ သေနတ်သံများ။ တောင်ကြီးမြို့မှ ပြည်သူ့ဆန္ဒ အစစ်အမှန်ကို ဖော်ထုတ်ကြတဲ့ ပြည်သူလူထုကို ချိန်ရွယ်လာကြတဲ့ မောင်းပြန်ရိုင်ဖယ်များ။ အားလုံးလဲ အတုံးတုံး၊ အရုန်းရုန်း။ ပြေးကြလွှားကြ။

ပြေးရင်းလွှားရင်းနှင့် လမ်းမပေါ်မှ သူငယ်ချင်းတယောက်အိမ်သို့ သူမတက်ပြေးဖြစ်သည်။ သူငယ်ချင်း မိသားစု အားလုံးလဲ ကြမ်းပြင်ပေါ်မှာ ပိပြားဝပ်တွားချက်။

ပြတင်းပေါက်နားသို့ သူမပြေးကပ်သွားမိသည်။ နှစ်ထပ်အိမ်အမြင့်ကမို့ အားလုံးကို အတိုင်းသာ မြင်ရသည်။ ရိုင်ဖယ်သေနတ်များရဲ့ တရားခံတွေကို သူမ မြင်ချင်စမ်းပါဘိ။

"ဟင်"

သူမနှုတ်မှ ထွက်ခဲ့တဲ့ အာမေဍိတ်သံတခု။ အဲဒီရဲ့ နောက်ကွယ်မှာ သူမနှလုံးသွေးတို့ ရပ်ခမန်း လုလု။ အပြင်လူတယောက်အနေနဲ့ ပုံဖော်ဖို့ ခဲယဉ်းပေမယ့် တသက်လုံးတွဲခဲ့တဲ့ သူငယ်ချင်း၊ ချစ်သူတယောက်ကိုတော့ သူမ ပုံဖော်တတ်ပါသည်။ မယုံစရာကောင်းလောက်အောင်ပင် မောင်းပြန် သေနတ်ကိုင်များကို အမိန့်ပေးနေသူသည် သူမတသက်လုံး လက်တွဲရမည့် ချစ်သူတဲ့။

ပြည်သူရဲ့ အသက်ကို ကာကွယ်ဖို့ တပ်မတော်ထဲဝင်မယ်ဆိုတဲ့ သူမရဲ့ ချစ်သူလေးဟာ ပြည်သူတွေရဲ့ အသက်ကို သတ်ဖို့ အမိန့်ပေးနေတဲ့ လူသတ်စစ်ဘီလူးကြီး ဖြစ်နေပါပေါ့လား။

"ဇော်ဇော်ရယ်။ နင့်ကို ဘာတွေက ပြောင်းလဲစေခဲ့တာလဲ။ ရာထူးလား၊ အာဏာလား၊ ရပိုင်ခွင့်တွေလား။ ငါ့သူငယ်ချင်း၊ ငါ့ချစ်သူဘ၀တုန်းက နင်ပြောတော့ ပြည်သူတွေကို ချစ်တယ်ဆို။ ငါ့ဘ၀တလျှောက်လုံးမှာလေ နင့်ကိုလဲ ယုံစားခဲ့တယ်။ နင့်တပ်မတော်ဆိုတာကြီးကိုလဲ လေးစားခဲ့တယ်။ ငါတို့ ပြည်သူတွေ ယုံကြည်လေးစားခဲ့တဲ့ အဲဒီတန်ဖိုးကို နင်တို့တွေက ဒီနည်းနဲ့ သက်သေပြလိုက်တာလားဟင်။ ငါနဲ့ လက်တွဲခဲ့ဖူးတဲ့ နင့်လက်တွေကို ဘာလို့ သွေးစွန်းခံရတာဟယ်။ နင့်ရဲ့ သွေးစွက်လက်ကြီးကိုကော ငါဘယ်လိုပုံစံနဲ့ လက်တွဲရမှာလဲ"

မပြောဖြစ်ခဲ့တဲ့ ရင်ထဲက စကားသံတွေ နှစ်ပေါင်းများစွာတောင် ကြာခဲ့ပေါ့။

အဲဒီနောက်ပိုင်းမှာ သူ့ကိုရှောင်ဖို့အရေး၊ နယ်မှဆွေမျိုးတွေထံ သူမသွားနေဖြစ်ခဲ့သည်။ အရင်တုန်းကတော့ မြို့ပေါ်မှာ နေရင်း၊ ကျောင်းစာတွေနဲ့ တကုပ်ကုပ်ဖြစ်ခဲ့သူမို့ ကိုယ့်တိုင်းပြည်ထဲမှာ ဘာတွေဖြစ်နေမှန်း အတွင်းကျကျမသိခဲ့။ ရှမ်းပြည်နယ်ထဲက မြို့နယ်လေး တခုမှ သွားနေဖြစ်တော့မှ အကြောင်းစုံသိလာရသည်။

အတင်းအဓမ္မ ရွာတွေကို ရွှေ့ပြောင်းခိုင်းမှု၊ ပေါ်တာဆွဲမှု၊ ရှမ်းပျိုဖြူများကို မုဒိမ်းကျင့်မှု။

အမှန်တရားတွေကို သိလာရလေလေ၊ ပိုပြီးတော့ ရင်နာမိလေလေ၊ နာကြည်းမိလေလေ။

"နင့်လိုလူရဲ့ ဇနီးမယား၊ ငါဘယ်တော့မှ အဖြစ်မခံဘူး ဇော်ဇော်။ ပြည်သူကျွေးတဲ့ ထမင်းကို စားပြီး ပြည်သူကို စော်ကားတဲ့ လူတွေ။ တနေ့ကျရင် နင်တို့တွေ ၀ဋ်ကောင်းကောင်းကြီး လည်လိမ့်မယ်"

သူမရဲ့ ခိုင်မာသော ဆုံးဖြတ်ချက်။

ကျောင်းတွေပြန်ဖွင့်တော့ မပြီးသေးတဲ့ နောက်ဆုံးနှစ် အပိုင်း (ခ) ကို ပြန်တက်ပြီး၊ ဦးလေးရှိတဲ့ အင်္ဂလန်ကို အမြန်ဆုံးထွက်။ ဒီလိုနဲ့ ဝေးခဲ့ကြတာ ဘာလိုလိုနဲ့ နှစ်ပေါင်းများစွာတောင် ကြာခဲ့ပြီပဲ။

မြန်မာပြည်နဲ့ အဝေးကြီးမှာ ရှိနေပေမယ့်၊ မြန်မာပြည်ရဲ့ သတင်းတွေကိုတော့ အစဉ်မပြတ် နားစွင့်လျက်။ သူမ မြန်မာပြည်ကို ချစ်ပါသည်။ မြန်မာလူမျိုးတွေကို အကျိုးပြုချင်ပါသည်။ ဒါပေမယ့် မတတ်သာ။ လူသတ်အဖွဲ့ရဲ့ လက်အောက်မှာတော့ သူတို့ချမှတ်ထားတဲ့ ပြည်ဖျက် မူဝါဒတွေကို လိုက်မလုပ်နိုင်ပါ။

တလောက သူငယ်ချင်းတယောက်ဆီက စာရသည်။ ဇော်ဇော်တောင် ဗိုလ်မှူးကြီး ဖြစ်နေပြီတဲ့။

အိမ်ထောင်တော့ ကျသွားလောက်ပြီထင်သည်။ အဲဒီ့အတွက် သူမနောင်တ မရချင်ပါ။ ဘယ်တော့မှလဲ ရလိမ့်မည် မဟုတ်ပါ။ မျက်ဝါးထင်ထင် မြင်ခဲ့ရတဲ့ လူသတ်စစ်ဘီလူးကြီးကို ဘယ်လိုပုံစံ၊ ဘယ်လိုအမြင်နဲ့ အိမ်ထောင်ဦးစီး လင်ယောက်ျားတယောက် အဖြစ်နဲ့ ယုံကြည်အားကိုးရပါမည်လဲ။

ဒါပေမယ့် သူမ၊ သူ့ကို သိပ်ပြောချင်သည့် စကားတခွန်းတော့ ရှိနေပါသည်။

"ဇော်ဇော်ရယ်။ 'တပ်နဲ့ ပြည်သူမြဲကြည်ဖြူ၊ သွေးခွဲလာသူ တို့ရန်သူ' ဆိုတဲ့ ဆောင်ပုဒ်လေးကို နင်သိပါတယ်ဟယ်။ ဒါကို သိရက်နဲ့ သေချာဘာလို့ မစဉ်းစားရတာလဲ။ တကယ်တမ်းကျတော့ တပ်နဲ့ ပြည်သူကို မကြည်ဖြူအောင် ဘယ်သူတွေ လုပ်ခဲ့တာလဲ။ ပြည်သူတွေဆီ သေနတ်ပြောင်းတွေကို ဘယ်သူက ချိန်ခိုင်းခဲ့တာလဲ။ သေချာပြန်စဉ်းစားကြည့်ရင် ဘယ်သူတွေဟာ နင်တို့တပ်နဲ့ ငါတို့ပြည်သူတွေရဲ့ ရန်သူ နံပါတ် (၁) တွေလဲ ဆိုတဲ့ အဖြေက ရှင်းရှင်းလေးပါဟယ်။ အဲဒီ ရန်သူနံပါတ် (၁) တွေဆီကိုသာ နင်တို့ရဲ့ သေနတ်ပြောင်းတွေ ပြန်လှည့်လိုက်ပါဟာ။ ပြည်သူ့ရင်ထဲက ပေါက်ဖွားလာခဲ့တဲ့ ပြည်သူ့တပ်မတော်ဟာ အာဏာရူးတွေကို ဖယ်ရှားပြီး ပြည်သူ့ရင်ငွေ့ကို ပြန်ခိုလှုံခဲ့မယ်ဆိုရင် ပြည်သူတွေအားလုံးက ၀မ်းပန်းတသာနဲ့ ပြန်ကြိုကြမှာပါ။ ငါလေအဲဒီအချိန်ကို စောင့်နေတယ် ဇော်ဇော်။ ပြည်သူတွေကို အသက်ပေးပြီး ကာကွယ်မယ်ပြောခဲ့တဲ့ ဟိုအနှစ်နှစ်ဆယ်ကျော်က နင့်မျက်နှာလေးကို ငါပြန်မြင်ယောင်မိနေဆဲပဲ။ ငါလေ နင့်ကို သိပ်ချစ်ခဲ့တယ်။ သိပ်လေးစားခဲ့တယ်။ နင့်တပ်မတော်ကြီးကိုလဲ သိပ်လေးစားခဲ့ဖူးတယ်။ နင်တို့ တပ်မတော်နဲ့ ငါတို့ပြည်သူတွေ လက်တွဲပြီး ပြည်သူနဲ့ တပ်မတော်ကို သွေးကွဲအောင် လုပ်ခဲ့တဲ့ စစ်အုပ်စုခေါင်းဆောင်တွေကို အချိန်မှီ တော်လှန်လိုက်ကြရအောင်နော်"

ခင်မမမျိုး (၂၀၀၄)

(၂၀၀၄ ခုနှစ်၊ နိုဝင်ဘာလက ယူကေနိုင်ငံတွင် ထုတ်ဝေသော အလင်းတိုင်းပြည် စာစောင်တွင် ရေးသားခဲ့သော ၀တ္ထုတို တပုဒ် ဖြစ်ပါသည်)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

ရှင်သန်ခွင့် (၀တ္ထုတို)

(၁)

“ကိုကြီးသဘောကတော့ သူ့ကို ဆက်ပြီး မဆန့်ကျင်ကြစေချင်ဘူး။ သူစီမံခန့်ခွဲပေးတာတွေကိုပဲ လိုက်နာစေချင်တယ်”

“ရှင်”
“ဗျာ”

အာမေဋ္ဋိတ်သံများထွက်ပေါ်လာပြီး နောက်ပိုင်းတွင် ဧည့်ခန်းတခုလုံး အပ်ကျသံပင် မကြားရ လောက်အောင် ငြိမ်သက်တိတ်ဆိတ်သွားသည်။

“ခင်ဗျားမတရားဘူး။ ခင်ဗျားကို ခေါင်းဆောင်ဆိုပြီး တပ်ဦးမှာ ထားခဲ့တာ။ ခင်ဗျားကို ၀န်းရံပေးရမယ်ဆိုပြီး နာစရာရှိရင် ကျုပ်တို့က ရှေ့ဆုံးကနေ အနာခံခဲ့ကြတာ”

အတန်ကြာ တိတ်ဆိတ်နေမှုကို ဖြိုခွဲ၍ ထွက်ပေါ်လာသည့် အသံက ညီထွေးလေး အသံ။

“ဘာလဲ။ ခုတော့ ကိုကြီးက ကြောက်နေပြီလား။ ကိုကြီးရဲ့ ရဲရဲတောက် စကားလုံးတွေကြောင့် မလေးတို့က ပါခဲ့ကြတယ်။ ကိုကြီးကို အပြည့်အ၀ ယုံကြည်ပြီး ခေါင်းဆောင်နေရာ ရွေးခဲ့ကြတယ်။ ခေါင်းဆောင်ဖြစ်ပြီးကာမှ ကိုကြီးက ပထွေးဆန့်ကျင်ရေးဆိုတဲ့ စကားကိုတောင် ရဲရဲမပြောလို့ မလေးတို့ ပြောပေးခဲ့ကြတယ်။ ဒါပေမယ့် ဒီလို ပြောလို့ အရိုက်ခံရ၊ အနာခံရရင်လဲ ကိုကြီးက မသိချင်ယောင်ပဲ ဆောင်နေတယ်။ ဒီအထိ မလေးတို့ သည်းခံတယ်။ ရေငုံနှုတ်ပိတ်နေခဲ့တယ်။ အခြေအနေအရ ကိုကြီး လိုအပ်လို့ လုပ်တာပါလို့ပဲ ဖြေသိမ့်တွေးပေးခဲ့တယ်။ ကိုကြီးကို မလေးတို့ ယုံခဲ့ကြတယ်။ ခုတော့ အလကားပဲ။ မလေးတို့ ယုံကြည်မှုတွေကို အလွဲသုံးစား လုပ်ခံလိုက်ရပြီ”




ညီထွေးလေးရဲ့ စကားသံဆုံးတော့ မလေးက ၀င်ပြောသည်။ ကိုကြီးက အင်းမလုပ်၊ အဲမလုပ်။ မှုန်ကုပ်ကုပ်မျက်နှာဖြင့် အားလုံးကို ပြန်ကြည့်နေသည်။


“မလေး။ နင်ဘာမှ အပိုတွေ ပြောမနေနဲ့တော့။ ငါနင်တို့ကို ဘယ်နှစ်ခါ ပြောခဲ့လဲ။ ကိုကြီးဆီမှာ ငါတို့တအိမ်လုံးကို ဦးဆောင်ပြီး ဟိုလူယုတ်မာကို အာခံရဲတဲ့ သတ္တိမရှိပါဘူးဆိုတာကိုး။ ငါတို့ အားလုံးက အဲဒီလူယုတ်မာကို ဆန့်ကျင်နေလို့ သူက ငါတို့ထဲ ပါလာတာ။ သူက ငါတို့အားလုံးထဲမှာ အကြီးဆုံးမို့ ငါတို့က ခေါင်းဆောင်ရွေးခဲ့ကြတာ မဟုတ်ဘူးလား။ ဒါပေမယ့် ဒီလို ခေါင်းဆောင်ဖြစ်ပြီးတဲ့ အခါမှာ ဘယ်နှစ်ကြိမ်များ ငါတို့ရှေ့က ရပ်တည်ပေးခဲ့လို့လဲ။ ငါတို့ ပေါ်ပေါ်ထင်ထင်နဲ့ လူယုတ်မာကြီးကို ဆန့်ကျင်ရင်တောင် သိပ်မတက်ကြွဖို့ သူုက ခေါ်ပြီး သတိပေးနေသေးတာပဲ။ ဒီကတည်းက ငါပြောနေတယ်။ လူယုတ်မာဆန့်ကျင်ရေးမှာ သူ့ကိုပဲ ရှေ့တန်းတင်ပြီး ပုံမအပ်ပါနဲ့။ ရှုံးလိမ့်မယ်လို့။ နင်တို့ လက်မှမခံကြတာပဲ။ ငါ့ကိုတောင် အပြစ်ပြန်တင်နေသေးတယ်။ ခုတော့ နင်တို့ ခေါင်းဆောင်ကြီးက လူယုတ်မာကို လက်ခံပြီး လူယုတ်မာရဲ့ စီမံချက်ကိုတောင် လိုက်လုပ်ပေးမယ် ပြောနေတယ်။ ကောင်းသေးလား။ ဒီမှာ ကိုကြီး။ ၀ါအရ ခင်ဗျားကို ကျုပ်လေးစားပါတယ်။ ဒါပေမယ့် ခင်ဗျားရဲ့ လုပ်ရပ်နဲ့ အတွေးအခေါ်တွေကိုတော့ မလေးစားနိုင်ဘူး။ ခင်ဗျားက ဒူးထောက်ဆိုတာနဲ့ လိုက်ထောက်ပေးမယ့် သူငယ်နှပ်စားထဲမှာ ကျုပ်မပါဘူး။ အခုကစပြီး ခင်ဗျားကို ခေါင်းဆောင်အဖြစ် အသိအမှတ်မပြုနိုင်ဘူး။ ခင်ဗျား လုပ်ခိုင်းတာတွေလဲ ကျုပ်မလုပ်နိုင်ဘူး။ ရှင်းအောင် ပြောထားမယ်”

“ဖေကြီးရယ်၊ ရှက်ဖို့ကောင်းလိုက်တာ။ ဘာလို့ ဒီလို အတွေးမျိုးတွေ ၀င်နေရတာလဲ။ သမီးမှာတော့ ဖေကြီးရဲ့ မျိုးဆက်ဖြစ်ရတာကို ဂုဏ်ယူလိုက်ရတာ။ ဖေကြီးဟာ တအိမ်လုံးရဲ့ အခက်အခဲတွေကို ပြေလည်အောင် လုပ်ပေးဖို့ ကြိုးစားနေတဲ့ ခေါင်းဆောင်ကြီးအနေနဲ့။ ခုတော့သွားပြီ။ သိပ်ရှက်ဖို့ ကောင်းတာပဲ”

ကိုကြီးရဲ့ သမီး ဇင်မာအောင်ကပါ ၀င်ပြောသည်။ ပြောရင်းနှင့် မျက်ရည်များကျနေပေမယ့် ကိုကြီး မျက်နှာပေါ်က ခက်ထန်တင်းမာမှုတွေက ပျောက်မသွား။ သူလုပ်တာ မှန်သည့်အနေဖြင့် ခပ်တင်းတင်း ပြန်ပြောသည်။

“ဇင်မာအောင်။ ငြိမ်ငြိမ်နေစမ်း။ ငါမွေးလို့ နင်လူဖြစ်လာတာပါ။ ငါ့ကို ပြန်အာခံမနေနဲ့။ ငါက ဒါဆို ဒါပဲလုပ်”

ကိုကြီးရဲ့ အော်ငေါက်သံအဆုံးမှာ ဇင်မာငြိမ်သွားသည်။ အသံထပ်မထွက်လာတော့ပေမယ့် ကိုကြီးကို လှမ်းကြည့်နေသော ဇင်မာ့ မျက်ဝန်းများရဲ့ အဓိပ္ပာယ်ကို သူမနားလည်သည်။ မျိုးဆက်ဟောင်း အပေါ်မှာ မျိုးဆက်သစ်တယောက်ရဲ့ အထင်သေးသော အကြည့်။

မိသားစုတွင်းမှာပဲဖြစ်ဖြစ်၊ ဌာနဆိုင်ရာ အလုပ်အကိုင်တွေမှာပဲ ဖြစ်ဖြစ်၊ ကျောင်းစာသင်ခန်း တွေမှာ ပဲဖြစ်ဖြစ် အပြန်အလှန် လေးစားမှု ဆိုတာက အလွန်အရေးပါလှသည်။ အိမ်ထောင်ဘက် အချင်းချင်း တယောက်ကိုတယောက် အထင်သေးမှုရှိလာပြီဆိုလျှင် ဒီအိမ်ထောင်ရေး သာယာမည်မဟုတ်တော့။ အနန္တေအနန္တဂိုဏ်းဝင် မိဘပေမယ့်လဲ အကျင့်စာရိတ္တ ယိုယွင်းပျက်စီးမှုနှင့် လူအများကို ဆုတ်ယုတ် ပျက်စီးစေမှုတွေကြောင့် သားသမီးများအား အရှက်ရစေသည်ဆိုလျှင် မိဘနှင့် သားသမီး ဆက်ဆံရေးမှာ အဖုအထစ်များ ဖြစ်စမြဲ။ သိက္ခာတရားနှင့် ကျင့်ဝတ်ကို မစောင့်ထိန်းသော ဆရာများကိုလဲ ဘယ်လို ကျောင်းသားမျိုးကမှ အထင်တကြီး ဆည်းကပ်မည် မဟုတ်။ အဖွဲ့အစည်းတွင်လည်း ထိုနည်းလည်းကောင်း။ မျိုးဆက်ဟောင်းများရဲ့ အတွေးအခေါ်နဲ့ လုပ်ရပ်တွေကို မျိုးဆက်သစ်များက အထင်သေးလာပြီဆိုလျှင် အဖွဲ့အစည်းရဲ့ ရှင်သန်ကြီးထွားမှု နှောင့်နှေးပြီး အကွဲကွဲ၊ အပြဲပြဲ ဖြစ်လာလေ့ရှိသည်။

ဇင်မာ့ မျက်ဝန်းများကို ကြည့်ပြီး သူမအတွေးများက ဟိုရောက်ဒီရောက်ဖြစ်နေသည်။ ဒီပြဿနာများရဲ့ အစ၊ ဟိုး လွန်ခဲ့သော နှစ်ပေါင်းများစွာက အခြေအနေတွေကို သူမ ပြန်မြင်ယောင်နေမိသည်။

(၂)

“မလတ်။ ဒါ ကိုစစ်နိုင်တဲ့။ ကျောင်းတုန်းက ငါတို့က မေဂျာတူတူပဲ။ ကွဲနေကြတာ ကြာပြီ။ တလောကမှ ပြန်တွေ့တာ”

ကိုကြီးက မိတ်ဆက်ပေးတာကြောင့် ကိုစစ်နိုင်ကို လှမ်းကြည့်လိုက်မိတော့ မျက်လုံးတွေကို မြင်ရစဉ်မှာပဲ သူမရင်ထဲ ဒိတ်ကနဲဖြစ်သွားသည်။ စိတ်ပညာဘွဲ့ရ တယောက်ဖြစ်တာကြောင့် လူတွေရဲ့ မျက်လုံးကတဆင့် အတွင်းစိတ်ကို မြင်နိုင်အောင် ကြိုးစားလေ့ကျင့်ခဲ့ဖူးသည်။ ကိုစစ်နိုင်မျက်လုံးတွေက မရိုးသား။ ကောက်ကျစ်စဉ်းလဲမှု သဏ္ဍာန်လေးတွေကို တွေ့နေရသလိုလိုရှိသည်။ သို့ပေမယ့် လူမှုရေး အရမို့ သူမ ပြန်နှုတ်ဆက်လိုက်ပါသည်။

“ဟုတ်ကဲ့။ တွေ့ရတာ ၀မ်းသာပါတယ်။ အိမ်ကို အလည်လာတဲ့ အတွက် ကျေးဇူးတင်ပါတယ်”
“ကျွန်တော်က နောက်ဆို ခဏခဏ ရောက်ဖြစ်တော့မှာ။ ကိုအောင်နဲ့ စီးပွားရေး တူတူ လုပ်မလားလို့”
ကိုစစ်နိုင်က လိုသည်ထက် ပိုနေသော အပြုံးများဖြင့် ပြန်ပြောသည်။ ကိုကြီးကို လှမ်းကြည့်မိတော့ ကိုကြီးမျက်နှာက အရမ်းကို ပျော်ရွှင် လန်းဆန်းနေတာကြောင့် ဘာမှ ဆက်မပြောမိတော့။ သူငယ်ချင်းဟောင်းနှင့် ပြန်တွေ့ရလို့ ပျော်နေပုံပေါ်သည်။ နှစ်ယောက်သား အတူစားကြ၊ သောက်ကြရန်သာ သွားရောက်ပြင်ဆင်ပေးလိုက်သည်။

နောက်ပိုင်းကျတော့ ကိုစစ်နိုင်က အိမ်ကို ချောင်းပေါက်မတတ်လာသည်။ ကိုကြီးနှင့်အတူ ပုလင်းတူဘူးစို့ သောက်ကြ၊ စားကြသည်။ သူမတို့ တတွေ စိတ်ပျက်မိပေမယ့် ကိုကြီးမျက်နှာကြောင့် မကန့်ကွက်ဖြစ်ကြ။ သတိနှင့် ဆင်ဆင်ခြင်ခြင်နေရန်သာ သူမညီမလေးများကို သတိပေးရသည်။ သို့ပေမယ့် သူမ သတိပေးရန် တယောက်တော့ ကျန်ခဲ့ပါသည်။ ဒီလောက်အထိ ယုတ်မာမယ် မထင်ထားမိခဲ့တာကြောင့်လဲ ဖြစ်သည်။ အသက် ငါးဆယ်ကျော်ပေမယ့် အလှသွေးတွေ ဝေဖြာနေဆဲဖြစ်သော စီးပွားရေး လုပ်ငန်းရှင် မုဆိုးမ မေမေ့ကို အပိုင်ကြံသွားလိမ့်မယ်လို့တော့ သူမတို့ တွေးပင် မတွေးမိခဲ့ကြပါ။ များပြားလှသော မေမေ့အလုပ်တွေကို ကူလုပ်ပေးရင်း လူအများအကြားတွင် တွဲပြီး နာမည်ထွက်အောင် ကြိုးပမ်းတာတွေ၊ ပွဲလမ်းသဘင်တွေမှာ မေမေ့နောက်က တကောက်ကောက် လိုက်တာတွေ လုပ်ပြီး ဓာတ်ပုံတွေ အတူယှဉ်တွဲထွက်လာအောင် ပိုက်ဆံပေး စီမံတာတွေ လုပ်လာတော့မှ သူမတို့ သတိထားမိပေမယ့် အသိုင်းအ၀ိုင်းကြားမှာ နာမည်က ထွက်နေခဲ့ပြီဖြစ်သည်။ မတတ်သာသည့်အဆုံး တရှက်က နှစ်ရှက် မဖြစ်အောင် မေမေက လက်ထပ်လိုက်သည်။

သို့ပေမယ့် စိတ်ဆင်းရဲမှုတွေကြောင့် မေမေ အသက်မရှည်ခဲ့ပါ။ မေမေဆုံးတော့ ကိုစစ်နိုင်လက်ထဲတွင် စီးပွားရေး လုပ်ငန်းအားလုံး ရောက်နေခဲ့ပြီ။ အိမ်နှင့် ပတ်သက်လို့သာ ဘယ်သူကမှ ရောင်းဖို့ သဘောမတူကြတာကြောင့် အမွေဆိုင်အိမ်ကြီးအဖြစ် နှစ်ပေါင်းများစွာ သူများလက်ထဲ မရောက်ပဲ ကျန်နေခဲ့တာ ဖြစ်သည်။ အိမ်ထဲမှာ အတုနေကြပေမယ့် အိမ်ရဲ့ စီးပွားရေးကို ကိုစစ်နိုင်ကသာ ချုပ်ကိုင်ထားတာကြောင့် သူမတို့ အိမ်ရှင်များမှာ တစတစနှင့် အရိုးအရင်းကိုက်ရသော ကျွန်ဘ၀သို့ ကျရောက်လာကြသည်။ မနေနိုင်သော ကိုငယ်က ကျောင်းထွက်ပြီး သင်္ဘောတက်သွားသည်။ အိမ်ကို ငွေပြန်ပို့ပြီး မလေးနဲ့ ညီထွေးလေးတို့ရဲ့ ကျောင်းစရိတ်ကို ထောက်ပံ့ရသည်ဆိုပေမယ့် ပေးတာယူ၊ ကျွေးတာစားနေရသော ဘ၀မှာ လူငယ်တွေရဲ့ အနာဂတ်ကား မျှော်လင့်ချက် မဲ့နေဆဲ။ သိပ်ထက်မြက်တဲ့ မိခင်တွေရဲ့ ခြေရာကို သားသမီးတွေ မှီအောင် လိုက်နိုင်စွမ်း မရှိဖူးဆိုတာ မှန်နေသလား မသိ။ မေမေရှိတုန်းက မေမေ့ကိုသာ အရာရာမှီခိုနေကြသည်မို့ မေမေမရှိချိန်တွေ သူမတို့အားလုံး မလုပ်တတ်၊ မကိုင်တတ်နှင့် ကိုစစ်နိုင် ကြီးစိုးခြယ်လှယ်သမျှသာ ခံကြရသည်။ ကိုစစ်နိုင် လက်သပ်မွေးထားသော လူဆိုးလူမိုက်များ၏ ခြိမ်းချောက်အနိုင်ကျင့်မှုတွေကိုလဲ ခံကြရသေးသည်။

မေမေတို့ လက်ထပ်ပြီးစဉ်တုန်းက သူမတို့တတွေ စုပြီး ကိုစစ်နိုင်ကို အလိုမရှိ လုပ်ခဲ့ကြသည်။ မေမေဆုံးပြီးတော့လဲ ကိုစစ်နိုင် အိမ်ပေါ်က ဆင်းရအောင် ကြိုးပမ်းခဲ့ကြသေးသည်။ အပြင်းအထန် ထိပ်တိုက်တွေ့နေချိန်တွင် ကိုကြီးက စင်ပေါ်ရောက်လာသည်။ သူရအောင် ဆွေးနွေးဖြန်ဖြေပေးမည်လို့ ဆိုခဲ့သည်။ ဒါကြောင့် သူမတို့ အားလုံး တညီတညာတည်း ကိုကြီးကို ခေါင်းဆောင်ရွေးခဲ့ကြသည်။ သို့ပေမယ့် ကိုစစ်နိုင်က သူ့လက်ထဲ အကုန်ရောက်နေသည့် ကြီးစိုးခြယ်လှယ်ခွင့်ကို လွယ်လွယ်နှင့် မစွန့်။ တမေဂျာတည်း အတူကျောင်းတက်ခဲ့သည့် ကိုကြီးရဲ့ ခေါင်းဆောင်မှု အရည်အချင်း ဆိုတာကိုလဲ သူက အတွင်းသိ၊ အစင်းသိ။

ပုလင်းတူ၊ ဗူးစို့ ဖြစ်ခဲ့သူ အချင်းချင်းဆိုတော့ ဘယ်လို အချိန်ရောက်ရင် ဘယ်လိုအထာပေးရမည်ကို နားလည်ပြီးသား။ “ဆွေးနွေးကြတာပေါ့ကွာ။ မင်းညီတွေ၊ ညီမတွေ မကျွံလာအောင်သာ မင်းထိန်းပေး” ဆိုပြီး ငါးရံ့ဆီနှင့် ငါးရံ့ပြန်ကြော်ထားခဲ့သည်။ အခြေအနေတွေကို တွေ့နေပေမယ့် ကိုကြီးကို ခေါင်းဆောင်အဖြစ် ရွေးထားခဲ့သည်မို့ သူမတို့တွေ မပြောရက်၊ မဆိုရက်၊ မဝေဖန်ရက်ကြ။ သူမတို့ အချင်းချင်းကွဲနေရင် ကိုစစ်နိုင်က နွားကွဲတုန်း၊ ကျားဆွဲ လုပ်လာမှာ စိုးလို့ ငြိမ်ကုပ်နေခဲ့ကြသည်။ သို့ပေမယ့် အခုတော့ ပြောရတော့မည်။ မပြောလို့ မဖြစ်တော့။ နွားက ကွဲတာ မဟုတ်ပဲ ခေါင်းဆောင်နွားလားက ကျားရဲတွင်းထဲကို ခုန်ဆင်းဖို့ပင် ခိုင်းနေပြီဖြစ်သည်။ သူမို့ လုပ်ရက်လေခြင်း၊ သူမို့ ပြောရက်လေခြင်း။ အတွေးများနှင့်အတူ သူမ မျက်ရည်ဝဲလာသည်။ မဖြစ်တော့။ ကိုကြီးကို သူမ စကားသွားပြောမှ ဖြစ်တော့မည်။ တားမှ ဖြစ်တော့မည်။

(၃)

“ငါတို့သူ့ကို ဆန့်ကျင်နေတာ နှစ်ပေါင်းများစွာ ကြာခဲ့ပြီဟာ။ ထိရောက်မှုမှ မရှိတာပဲ။ ပကတိအခြေအနေမှန်ကို နားလည်လက်ခံရမယ်လေဟာ”

ကိုကြီးက စိတ်ဓာတ်ကျနေသော အသံဖြင့် တိုးတိုးလေး ပြောသည်။ မာရသွန်ခရီးကို မီတာ (၁၀၀) အတွေးနဲ့ ကိုကြီး ၀င် ပြေးခဲ့တာ ဖြစ်မယ်လို့ သူမ တွေးလိုက်မိသည်။ ဘယ်လိုပဲဖြစ်ဖြစ် သူပြောတာကို အရင်နားထောင်ဖို့ ဆုံးဖြတ်လိုက်မိသည်။ ရှေ့ဆင့်နောက်ဆင့် မောင်နှမမို့ သူမတို့ နှစ်ယောက်က အနီးစပ်ဆုံး ရင်းနှီးခဲ့ကြပါသည်။

“ငါတို့နဲ့ သူနဲ့ တသက်လုံး ဆန့်ကျင်ဘက်တွေ ဖြစ်ခဲ့ကြတယ်။ ခုဆို သူ့ဘက်က လျှော့လာပြီဟာ။ ဒီအိမ်ကြီးကို စီမံခန့်ခွဲဖို့ အဖွဲ့ဖွဲ့မယ်တဲ့။ သူ့လူတွေ လဲပါမယ်။ ငါတို့ထဲကလဲ ပါမယ်။ အတူတူ စီမံအုပ်ချုပ်ဖို့။ ဘယ်လောက်ကောင်းတဲ့ အစီအစဉ်လဲဟာ။ ငါလဲ အသက်ကြီးပြီ။ သူ့ကို ဆန့်ကျင်နေရတာလဲ နှစ်များစွာ ကြာခဲ့ပြီ။ ဘာမှ မရတာထက်စာရင် ငါ့မိသားစုရဲ့ ဆက်လက်ရှင်သန် ရပ်တည်ခွင့်အတွက် ရသလောက်လေး ၀င်ယူမှ ရတော့မယ်”

“ရှင်သန်ခွင့်။ ဟုတ်လား ကိုကြီး။ ကိုကြီး မိသားစုရဲ့ ဆက်လက်ရှင်သန်ခွင့်အတွက် သူစီမံတာကို လက်ခံဖို့”

“ဟုတ်တယ်လေဟာ။ အရင်တုန်းကဆို သူပဲ အားလုံးကို ချုပ်ကိုင်ထားတာ။ ခုဆို လမ်းဖွင့်လာတာပဲ။ ငါ့မိသားစုကို သူအသိအမှတ်ပြုဖို့အတွက် ငါကြိုးစားရမယ်။ ရှင်သန်ခွင့် ဆိုတာ လူတွေအတွက်၊ မိသားစုတွေအတွက်၊ နောက်ဆုံးဟာ တိုင်းပြည်တပြည်အတွက် အရေးကြီးဆုံး အရာပဲ”

ဒီလောက်ဆို ကိုကြီးရဲ့ အတွင်းစိတ်ကို တွက်ချက်လို့ ရပြီဆိုတာ သူမ သဘောပေါက်လိုက်သည်။ သူမတို့ မှားခဲ့ကြပါပြီ။ အိမ်ကြီးထဲမှာ နေထိုင်တဲ့ မိသားစုသားချင်းတွေ အများကြီး ထဲကနေ သူ့မိသားစုလေး တခုတည်းကိုသာ ကွက်ပြီး စဉ်းစားတတ်သူကိုမှ တအိမ်လုံးရဲ့ အရေးအတွက် ခေါင်းဆောင်ရွေးမိ ခဲ့ကြပါပကောလား။ယူကျုံးမရ စိတ်တွေဖြင့် သူမ စကားစလိုက်မိသည်။

“ပြဿနာတွေကို ငါပြန်တွေးမိတယ်ဟာ။ ကိုစစ်နိုင် အိမ်ပေါ် ရောက်လာပြီးတော့ ပထမဆုံး ညီထွေးလေးနဲ့ ပြဿနာ စတက်တယ်နော်။ ပြဿနာစဖြစ်ပြီး ထိပ်တိုက်ဖြစ်နေတုန်းမှာ နင်က ပါလာခဲ့တယ်။ အဲဒီမှာ နင်က ပြဿနာတွေကို နင်ဦးဆောင်ဖြေရှင်းပေးမယ်ဆိုလို့ နင့်ကို ငါတို့အားလုံးက ခေါင်းဆောင်ရွေးခဲ့ကြတယ်။ ငါတို့ နင့်ကို ရွေးခဲ့ကြတာက နင့်မိသားစုရဲ့ ခေါင်းဆောင် အနေနဲ့မဟုတ်ဘူး။ တအိမ်လုံးရဲ့ အနာဂတ်ကို ဦးဆောင်ပဲ့ကိုင်နိုင်မယ့် အိမ်ခေါင်းဆောင် အနေနဲ့ ရွေးခဲ့ကြတာ။ ငါတို့ နင့်ကို အရာရာ ပုံအပ်ခဲ့ကြတယ်။ ငါတို့အိမ်ပေါ်မှာ ကိုစစ်နိုင်ရဲ့ အုပ်စိုးခြယ်လှယ်မှု အာဏာပပျောက်ရေးအတွက် လုပ်ဖို့ တပ်ဦးမှာ ထားခဲ့ကြတယ်။ တအိမ်လုံးကို ကိုယ်စားပြုပြီး ကိုစစ်နိုင်ရဲ့ မတရားမှုတွေကို ဆန့်ကျင်ဖို့ပဲ။ ဒါပေမယ့် နင်က ကိုယ့်ကိုယ်ကို သိပ်အထင်ကြီးတယ်။ နင်ပြောရင် ကိုစစ်နိုင်က လက်ခံမယ်လို့ ထင်တယ်။ ဆန့်ကျင်ရေး လမ်းကြောင်းကို သွေဖည်ပြီး၊ တောင်းဆိုရေး လမ်းစဉ်ကို လိုက်တယ်။ ကိုစစ်နိုင်ကလဲ နင့်သူငယ်ချင်း အရင်းကြီးဆိုတော့ နင့်အကြောင်းကို ကောင်းကောင်း သိတယ်ထင်ပါရဲ့။ မျှော်လင့်ချက်လေးတွေ ပေးပြီး နင့်ကို ကြိုးရှည်ရှည်နဲ့ လှန်ထားတယ်။ နင်ကလဲ ဒါကို မသိဘူး။ အမေတယောက်လုံး ပေးလိုက်ရတာတောင် မမှတ်သေးဘူး။ ယုံတုန်းပဲ။ နောက်ဆုံး နင့်ကို ငါတို့အားလုံးက ရွေးပြီး၊ ယောက်ျားချင်း စိန်ခေါ် အနိုင်ယူဖို့ ၀န်းရံပေးခဲ့တာတောင် နင်က ညောင်နာနာလုပ်နေလို့ နင့်မိန်းမနဲ့ အငယ်ကောင်လေး အိမ်ပေါ်က ဆင်းသွားရတဲ့ အထိပဲ မဟုတ်လား။ နင့်မိန်းမက အဝေးမှာ ရောက်နေပေမယ့်လဲ ငါတို့ကို မေ့မသွားပါဘူးဟာ။ အိမ်ရဲ့ အရေးအတွက် ဆက်ပြီး လုပ်နေတုန်းပဲ။ ကိုစစ်နိုင်ကို ဘယ်လို ဆန့်ကျင်ပြီး သူ့ကျွန်ဘ၀ကနေ ငါတို့ တအိမ်လုံးလွတ်အောင် ဘယ်လိုလုပ်ရမလဲဆိုတာ ခုအချိန်အထိ ကြံဆပေးနေတုန်းပဲ။ နင်က နင့်မိသားစု အရေးပဲ ကြည့်မယ်လို့ ပြောတယ်။ နင့်အပေါ် ယုံကြည်ခဲ့ကြတဲ့ ငါတို့တွေကို ထည့်မတွက်ရင်နေပါ။ အဝေးမှာ ရောက်နေတဲ့ နင့်မိန်းမနဲ့ နင့်သားအငယ်လေးကကော နင့်မိသားစု မဟုတ်ဘူးလား။ ပြီးတော့ နင့်သမီး။ နင့်သမီးဟာ ငါတို့ တအိမ်လုံးရဲ့ လက်ပေါ်မှာ ကြီးလာခဲ့တာ။ နင်ကသာ နင့်မိသားစုဆိုပြီး ခွဲခြားဆက်ဆံနေပေမယ့် နင့်သမီး၊ နင့်မျိုးဆက်ကို ငါတို့က ဆွေမျိုးသားချင်း၊ ဒီအိမ်ကြီးတခုလုံးရဲ့ မျိုးဆက်လို့ သဘောထားခဲ့ကြတာ။ သူ့စိတ်ထဲမှာကလဲ နင့်လို နင်တို့ မိသားစု ရှင်သန်ခွင့်၊ နင်တို့ မိသားစု အနာဂတ်ကိုပဲ ကြည့်ပြီး ကိုစစ်နိုင်ရဲ့ ကြိုးကိုင်အုပ်စီးမှုကို ခံချင်တဲ့ စိတ်မရှိဘူး။ အေး- ရှင်သန်ခွင့်ဆိုလို့လဲ ငါက ပြောရဦးမယ်။ နင်က နင့်သူငယ်ချင်းဟောင်း ပုလင်းတူဘူးစို့ လူယုတ်မာကို တော်တော်ယုံတယ် ဟုတ်လား။ သူပြောတာက ရှင်းရှင်းလေးနော်။ သူ့ရဲ့ စီမံခန့်ခွဲရေး အဖွဲ့ဆိုတာမှာ သူ့မွေးစားသားတွေဆိုပြီး အိမ်ထဲမှာ ဓားတကိုင်ကိုင်နဲ့ လမ်းပတ်လျှောက်နေတဲ့ စစ်သွေးရယ်၊ အရက်မူးပြီး ရမ်းကားနေတဲ့ ဖြိုးအောင်ရယ်၊ အားအာယားယား အကျီင်္ချွတ်ပြီး သူ့ဗလ ကြီးကြောင်း လိုက်ပြနေတဲ့ စွမ်းအားရယ်တွေက အဓိက ပါမှာ။ ပြီးတော့ အိမ်လုံခြုံရေး တာဝန်ခံက ကိုစစ်နိုင်ကိုယ်တိုင်ပဲ။ သူရေးထားတဲ့ အဖွဲ့အကြောင်း နင်သေချာကော ဖတ်ပြီးပြီလား။ အဲဒီ စီမံခန့်ခွဲရေး အဖွဲ့ကို အိမ်လုံခြုံရေးအရ အချိန်မရွေး ဖျက်သိမ်းလို့ ရပါတယ်ဆိုနေမှ။ သူကြိုးကိုင်တာမဟုတ်လို့ ဘာလဲ။ နင့်ကိုကော သူက ဘယ်လောက်ထိ အရေးပေးမယ် ထင်လို့လဲ။ ခြံထဲမှာ တံမြက်စည်းလှဲဖို့၊ ပန်းပင်ရေလောင်းဖို့ တာဝန်လောက် ရရင်တောင် ကံကောင်းတယ်မှတ်ပါ။ နင့်ကို သူက လူလိုသူလို သဘောထားပြီးများ သူ့အဖွဲ့ထဲ ပါဖို့ ခေါ်နေတယ် ထင်လို့လား။ နင်က အစ်ကို အကြီးဆုံးဆိုတော့ နင့်ကို ချိုးထားနိုင်ရင် ငါတို့ အားလုံး သူ့ကို ဆန့်ကျင်နေတာတွေ ရပ်သွားနိုင်ပြီဆိုပြီး ပါခိုင်းနေတာ ကိုကြီးရဲ့။ ငါတို့က နင့်ကို မတရားအနိုင်ကျင့်ခံနေရတဲ့ ငါတို့ တအိမ်လုံးက လူတွေရဲ့ ရှေ့မှာမားမားမတ်မတ် ရပ်တည်ပေးဖို့ ခေါင်းဆောင်ကြီး နေရာမှာ ထားခဲ့ကြတာပါဟာ။ တပ်ဦးမှာ ထားခဲ့ကြတာပါ။ ရှင်သန်ခွင့် ဆိုတာကို နင်က လူယုတ်မာ ကိုစစ်နိုင်ရဲ့ အသိအမှတ်ပြုမှုလို့ သဘောပေါက်ပေမယ့် ငါကတော့ ငါတို့ တအိမ်လုံးရဲ့ ခေါင်းဆောင်ကြီးအဖြစ် ရှင်သန်ခွင့် ဆိုတဲ့ တခြား အမျိုးအစားလဲ ရှိသေးတယ်လို့ ထင်တာပဲ။ နင်ကလူယုတ်မာရဲ့ စီမံချက်ကို လက်ခံမယ်လို့ စကားစရုံ ရှိသေးတယ်။ နင့်အပေါ် ၀န်းရံခဲ့သူတွေရဲ့ နင့်အပေါ် မြင်သွားတဲ့ အမြင်တွေ၊ နောက်ဆုံး နင့်မျိုးဆက် ကိုယ်တိုင်က နင့်ကို ပြန်ကြည့်နေတဲ့ မျက်လုံးတွေကို နင်မတွေ့ဘူးလား။ နင်လက်ခံလိုက်တာနဲ့ တအိမ်လုံးရဲ့ အရေးကို လုပ်နေတဲ့ တပ်ဦးနေရာကနေ နင်ဘာသာနင် ဖယ်ရှားလိုက်ပြီဆိုတာ သဘောပေါက်စမ်းပါဟာ ငါတို့ရဲ့ ခေါင်းဆောင်ကြီး လုပ်ခဲ့ဖူးသူက လူယုတ်မာရဲ့ ဖိနပ်ကြိုးကို ချည်ပေးနေရတာကိုတော့ ငါ မမြင်ပါရစေနဲ့။ ငါရင်နာလွန်းလို့ပါ။ အတိုချုပ်ဆိုရရင် နင်ပြောနေတဲ့ ရှင်သန်ခွင့်ဆိုတာမှာ နှစ်မျိုးရှိတယ်ဟာ။ လူယုတ်မာက နင့်ကို အသိအမှတ်ပြုပြီး သူ့ရဲ့ ကျွန်နေရာမှာ ထားတာကို ခံယူဖို့အတွက် ရှင်သန်ခွင့်နဲ့ တအိမ်လုံးက နင့်ကို တပ်ဦးမှာ ထားပြီး လူယုတ်မာကို ဆန့်ကျင်ဖယ်ရှားတာတွေမှာ ခေါင်းဆောင်အဖြစ် ရှင်သန်ခွင့်။ ဒီနှစ်ခုမှာ နင်တခုခုတော့ ရွေးရလိမ့်မယ်။ ငါကတော့ နင့်ကို ဒုတိယရှင်သန်ခွင့်ကို ရွေးစေချင်တယ်။ အေး- အဲလိုဆိုလို့။ ငါတို့တွေအားလုံးထဲမှာ နင်က မရှိမဖြစ် အရေးပါနေလွန်းလို့တော့ မထင်နဲ့။ နင်မရှိပဲနဲ့လဲ ညီထွေးလေး ဦးဆောင်ပြီး သူ့ကို ငါတို့ ဆန့်ကျင်ခဲ့ဖူးပါတယ်ဟာ။ နင်က နောက်မှ ပေါ်လာခဲ့တာပါ။ ဒါပေမယ့် နင့်ကို ငါတို့အားလုံးက ခေါင်းဆောင်တင်ခဲ့ပါတယ်။ အမြင့်ကို ပို့ခဲ့ပါတယ်။ မြင့်တယ်ထင်ပြီး ခုန်ချရင်တော့လဲ နင့်သမိုင်းပေါ့။ ငါဘယ်တတ်နိုင်မလဲ။ နင်က ငါ့ထက် အသက်ကြီးပါတယ်။ ငါ့ထက်လဲ ပိုပြီး စဉ်းစားဥာဏ် ရှိလိမ့်မယ်လို့ ငါယုံပါတယ်။ နင်သေချာ စဉ်းစားနော်ကိုကြီး။ ဘ၀မှာ ပြင်လို့ ရတဲ့ အမှားရှိသလို ပြင်လို့ မရတဲ့အမှားလဲ ရှိတယ်။ နောက်ပြန်ဆုတ်လို့ ရတဲ့ လမ်းဆိုတာ ရှိသလို ရှေ့တလှမ်းတိုးမိတာနဲ့ ထောင်ချောက်ထဲ ကျသွားတတ်တာတွေလဲ ရှိတယ်။ ငါပြောသင့်လို ပြောပြီးပြီဟာ။ နင့်ဘာသာပဲ ဆုံးဖြတ်တော့”

ငြင်းခုန်ဖို့ သွားခြင်း မဟုတ်သည့်အတွက် သူမ ထထွက်လာခဲ့သည်။ ကိုစစ်နိုင်ရဲ့ ဖိနပ်ကို ကြိုးချည်ပေးနေရသော ကိုကြီးရဲ့ ဘ၀ကို မတွေ့ရပါစေနဲ့ လို့တော့ စိတ်ထဲမှာ ဆန္ဒတွေ အပြည့်နှင့်။

ခင်မမမျိုး (၂၂၊ ၃၊ ၂၀၁၀)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>