ဂရိ အမျိုးသမီးအခွင့်အလမ်း လှုပ်ရှားမှု

"စစ်အာဏာရှင်တွေကို စစ်အရာရှိတွေ ကိုယ်တိုင်က ဆန့်ကျင်လိုက်တာ ဖြစ်တဲ့အတွက်
ဂရိနိုင်ငံတွင်းက တော်လှန်ရေး လှုပ်ရှားမှုတွေရဲ့ အရှိန်အဟုန်ကို တိုးမြှင့်ပေးလိုက်နိုင်ခဲ့ပါတယ်။
တိုးမြင့်လာတဲ့ နိုင်ငံရေး ရေချိန်နဲ့အတူ တိုက်ပွဲဖော်ဆောင်ဖို့ လိုအပ်တယ်ဆိုတာကို သတိပြုမိတာကြောင့် နိုဝင်ဘာလရောက်တော့ ကျောင်းသား၊ ကျောင်းသူတွေ လက်တွဲပြီး အာဏာရှင်ကို သပိတ်မှောက်ကြ ပါတော့တယ်"

ရှေးခေတ် ဂရိလူ့အဖွဲ့အစည်းမှာ အမျိုးသမီးတွေကို အမျိုးသားတွေထက် နိမ့်ကျသူများအဖြစ်သာ ယူဆထားခဲ့ကြပါတယ်။ အမျိုးသမီးတွေဟာ လူမှုရေး၊ နိုင်ငံရေး၊ စီးပွားရေးရာတွေမှာ ဘာမှ အရေးကြီးသူတွေ မဟုတ်ဘူးလို့ ထင်မြင်ခဲ့ကြပါတယ်။ အမျိုးသမီးတွေဟာ ဂုဏ်ရည်မြင့်မားပြီး လေးစားဖွယ်ရာ ကောင်းတဲ့ အမျိုးသားတွေကို ဖြည့်ဆည်းပေးသူများအဖြစ်သာ လူ့အဖွဲ့အစည်းက သတ်မှတ်ထားခဲ့ပါတယ်။ ဒီလိုထုံးတမ်းစဉ်လာတွေ ရှိတဲ့ ဂရိလူ့အဖွဲ့အစည်းမှာ အမျိုးသမီးတွေဟာ သီးခြားကိုယ်ပိုင် ရပ်တည်ခွင့် မရှိပါဘူး။ ဘ၀တသက်တာလုံး ဖခင်တွေ၊ အိမ်ထောင်ဘက်တွေနဲ့ သားယောက်ျားလေးတွေအပေါ်မှာပဲ မှီခိုနေကြရပါတယ်။

ရှေးခေတ်ဂရိနိုင်ငံမှာ အမျိုးသမီးတွေရဲ့ လုပ်ငန်းတာဝန်ဆိုတာ ကလေးမွေးဖွားတာ၊ အစားအစာ ချက်ပြုတ်တာနဲ့ အိမ်မှုကိစ္စတွေ ပြုလုပ်တာ ဖြစ်ပါတယ်။ အမျိုးသားတွေရဲ့ လုပ်ငန်းတာဝန် ဆိုတာ ကတော့ နိုင်ငံရေးရာ တွေးခေါ်စဉ်းစားတာ၊ အကြံပေးတာ၊ စစ်မက်ဖြစ်ပွားချိန်မှာ တိုက်ပွဲဝင်တာတွေနဲ့ မိသားစုကို ကာကွယ်စောင့်ရှောက်တာတွေ ဖြစ်ပါတယ်။ ရှေးခေတ်ဂရိပြည်က အမျိုးသမီးတွေဟာ အမျိုးသားတွေရဲ့ ဆုံးဖြတ်ချက်တွေကို ဆန့်ကျင်ကန့်ကွက်မှုတွေ မလုပ်ရဲကြပါဘူး။ အိမ်ထောင်ဘက် လင်ယောက်ျားတွေကို မရိုသေရင် နတ်ဘုရားတွေက စိတ်ဆိုးပြီး ပြစ်ဒဏ်ခတ်တယ်ဆိုတဲ့ အယူအဆတွေကလဲ လူ့အဖွဲ့အစည်းထဲမှာ အမြစ်တွယ်နေပါတယ်။ ဒါကြောင့် အမျိုးသမီးတွေဟာ အမျိုးသားတွေရဲ့ ရိုက်နှက်ညှဉ်းပမ်းမှုတွေ၊ နတ်ဘုရားတွေက ပေးမယ့် ပြစ်ဒဏ်တွေကို ကြောက်ရွံ့ပြီး ဘ၀တလျှောက်လုံး အမျိုးသားတွေထက် နိမ့်ကျသူတွေအဖြစ်ပဲ ခံယူကျင့်သုံးနေခဲ့ကြပါတယ်။

ဒါပေမယ့်လဲ (၁၉) ရာစုရောက်တော့ ဂရိလူ့အဖွဲ့အစည်းအတွင်းမှာ အမျိုးသမီး စာရေးဆရာတွေ အများအပြား ပေါ်ပေါက်လာပါတယ်။ အမျိုးသမီး စာရေးဆရာတွေဖြစ်တဲ့ Artemis၊ Thaleia၊ Eurydice တို့ဟာ အမျိုးသမီးတွေရဲ့ ပညာရေး၊ လူမှုရေး အခြေအနေ နိမ့်ကျမှုတွေကို မီးမောင်းထိုး ဖော်ပြလာကြပါတယ်။ (၁၈၈၇) ခုနှစ်ရောက်တော့ အမျိုးသမီးအခွင့်အလမ်း လှုပ်ရှားသူ Calliope Parren က ဦးဆောင်ပြီး အမျိုးသမီးများ ဆိုတဲ့ သတင်းစာကို စတင်ထုတ်ဝေပါတော့တယ်။ အကြောက်တရားတွေ လွှမ်းမိုးနေတဲ့ လူ့အဖွဲ့အစည်းတခုအတွင်းမှာ လူ့အခွင့်အရေး လှုပ်ရှားမှုတွေကို အကောင်အထည်ဖော်တဲ့အခါ ကလောင်လက်နက်ဟာ အရေးကြီးလှပါတယ်။ လှုပ်ရှားမှုကြီးရဲ့ အခြေခံသဘောတရားတွေ၊ စည်းမျဉ်းတွေ၊ လုပ်ငန်းဆောင်တာတွေ၊ အတွေးအခေါ်တွေကို လူထုထဲမှာ ကနဦး ချပြဖို့ လိုပါတယ်။ ဒီလို ချပြပြီး အတွေးအခေါ် အုတ်မြစ်ချပြီးမှ ဖော်ဆောင်တဲ့ လှုပ်ရှားမှုတွေဟာ ကောက်ရိုးမီးတောက်ပမာ ၀ုန်းခနဲ ထတောက်တဲ့ လှုပ်ရှားမှုတွေထက် ပိုပြီး အောင်မြင်တတ်ပါတယ်။ ဂရိအမျိုးသမီးအခွင့်အလမ်း လှုပ်ရှားသူတွေဟာ ဒီကလောင်လက်နက်ကို အသုံးပြုပြီး အမျိုးသမီး အခွင့်အလမ်း လှုပ်ရှားမှုကြီးကို စတင်ခဲ့ကြပါတယ်။

အတွေးအခေါ် အုတ်မြစ်ချပြီး လှုပ်ရှားတဲ့ လှုပ်ရှားမှု ဖြစ်တာကြောင့် ဂရိအမျိုးသမီး အခွင့်အလမ်း လှုပ်ရှားမှုဟာ တစတစ ကျယ်ပြန့်လာခဲ့ပြီး၊ မျိုးဆက်သစ် အမျိုးသမီးအခွင့်အလမ်း ခေါင်းဆောင်အများအပြားကို မွေးထုတ်ပေးနိုင်ခဲ့ပါတယ်။ (၁၉၂၀) ခုနှစ်ရောက်တော့ အမျိုးသမီး ဂီတဆရာမတဦးဖြစ်တဲ့ Theodoropoulou က အမျိုးသမီး အခွင့်အရေးလှုပ်ရှားမှု အဖွဲ့ချုပ်ကို စတင်တည်ထောင်ခဲ့ပါတယ်။ ၁၉၃၀ ကာလတွေရောက်တော့ စစ်အာဏာရှင် Ioannis Metaxas ရဲ့ လက်အောက်မှာ အမျိုးသမီး အခွင့်အလမ်း လှုပ်ရှားမှုတွေကို တားဆီးပိတ်ပင်ခံခဲ့ရပါတယ်။ ဒါပေမယ့်လဲ ဂရိအမျိုးသမီးတွေဟာ ဒုတိယကမ္ဘာစစ်ကာလ တော်လှန်ရေးလှုပ်ရှားမှုတွေမှာ ကျရာနေရာကနေ တက်တက်ကြွကြွ တာဝန်ထမ်းဆောင်ခဲ့ကြပါတယ်။ ဒီလိုနဲ့ ဒုတိယကမ္ဘာစစ်ပြီးကာလ ရောက်တော့ ဂရိလူ့အဖွဲ့အစည်းမှာ ပြုပြင်ပြောင်းလဲမှုတွေ အများအပြား ပေါ်ထွက်လာပါတယ်။ မြို့ပြ လူနေမှုအဆောက်အအုံ ဖွံ့ဖြိုးတိုးတက်လာမှု၊ စက်မှုနိုင်ငံတော်သစ် တည်ဆောက်လာမှု၊ လူလတ်တန်းစား လူဦးရေ များပြားလာမှုတွေနဲ့အတူ အမျိုးသမီးမဲပေးခွင့် အခွင့်အလမ်းတွေလဲ ရရှိလာပါတယ်။

ဒါပေမယ့်လဲ (၁၉၆၇) ခုနှစ်ရောက်တော့ ဂရိနိုင်ငံမှာ Papadopoulos စစ်အာဏာသိမ်းမှု ဖြစ်ပွားပါတော့တယ်။ စစ်အာဏာရှင်တွေဟာ အမျိုးသမီးတွေရဲ့ ၀တ်စားဆင်ယင်မှုနဲ့ လှုပ်ရှားသွားလာမှုတွေကိုပါ ကန့်သတ်ချုပ်ချယ်ခဲ့ကြပါတယ်။ ကျောင်းသားပွဲတော်တွေမှာ ကျောင်းသားတွေနဲ့ ယှဉ်တွဲပြီး ကျောင်းသူတွေ ပါဝင်ဆင်နွှဲခွင့်ကိုပါ တားမြစ်ပိတ်ပင်ခဲ့ကြပါတယ်။ အာဏာသိမ်းစကာလမှာ လူအများစုဝေးခွင့်၊ လွတ်လပ်စွာ ဟောပြောခွင့်တွေကို ပိတ်ပင်ထား တာကြောင့် အမျိုးသမီး အဖွဲ့အစည်းတွေရဲ့ လှုပ်ရှားမှုတွေ ခေတ္တရပ်တန့်သွားပေမယ့်၊ အချိန်အနည်းငယ်အတွင်းမှာပဲ မြေအောက်လှုပ်ရှားမှု ကွန်ယက်တွေကို ပြန်လည်ဖွဲ့စည်း နိုင်ခဲ့ကြပါတယ်။ အဲဒီအချိန်ကာလတွေမှာ တနိုင်ငံလုံးစစ်ကျွန်ဘ၀ကို ကျရောက်နေချိန်ဖြစ်တာကြောင့် စစ်အာဏာရှင်စနစ်ကို ဖြိုဖျက်ပြီးမှသာ လူ့အခွင့်အရေးနဲ့ အမျိုးသမီးအခွင့်အလမ်းတွေ ရရှိလာနိုင်မယ်ဆိုတဲ့ အချက်ကို ဂရိအမျိုးသမီး ခေါင်းဆောင်တွေနဲ့ ကျောင်းသူတွေက သိနားလည်ခဲ့ကြပါတယ်။ ဒါကြောင့်လဲ အာဏာရှင်ဆန့်ကျင်ရေး လှုပ်ရှားမှုတွေမှာ တက်တက်ကြွကြွ ပါဝင်ဆောင်ရွက်ခဲ့ကြပါတယ်။

(၁၉၇၃)ခုနှစ်ရောက်တော့ အာဏာရှင်ဆန့်ကျင်ရေး လှုပ်ရှားမှုကြီးက အရှိန်ကောင်း လာခဲ့ပါတယ်။ မေလမှာ ဂရိရေတပ်မတော်က အရာရှိတွေဟာ နိုင်ငံတကာ စစ်ရေး ပူးတွဲလေ့ကျင့်မှု လုပ်နေရာကနေ ဂရိနိုင်ငံကို မပြန်တော့ပဲ ရေတပ်သင်္ဘောကို ရောမကို ဦးတည် ခုတ်မောင်းသွားခဲ့ပါတယ်။ အနီးဆုံး လေဆိပ်ကနေ တယ်လီဖုန်းနဲ့ နိုင်ငံတကာ သတင်းစာနယ်ဇင်းတွေကို အကြောင်းကြားပြီး ဂရိစစ်အာဏာရှင်တွေရဲ့ လူထုအပေါ် ဖိနှိပ်မှုတွေကို ဖော်ထုတ်ဆန့်ကျင်လိုက်ကြပါတယ်။ စစ်အာဏာရှင်တွေကို စစ်အရာရှိတွေ ကိုယ်တိုင်က ဆန့်ကျင်လိုက်တာ ဖြစ်တဲ့အတွက် ဒီဖြစ်ရပ်ဟာ တကမ္ဘာလုံးကို ပျံ့နှံ့သွားပြီး ဂရိနိုင်ငံတွင်းက တော်လှန်ရေး လှုပ်ရှားမှုတွေရဲ့ အရှိန်အဟုန်ကို တိုးမြှင့်ပေးလိုက်နိုင်ခဲ့ပါတယ်။ တိုးမြင့်လာတဲ့ နိုင်ငံရေး ရေချိန်နဲ့အတူ တိုက်ပွဲဖော်ဆောင်ဖို့ လိုအပ်တယ်ဆိုတာကို သတိပြုမိတာကြောင့် နိုဝင်ဘာ လရောက်တော့ ကျောင်းသား၊ ကျောင်းသူတွေ လက်တွဲပြီး အာဏာရှင်ကို သပိတ်မှောက်ကြ ပါတော့တယ်။ ကျောင်းသားလှုပ်ရှားမှုတွေကို အာဏာရှင်တွေက သတ်ဖြတ်နှိမ်နင်းတာကြောင့် ဂရိစစ်တပ်တွင်းက အရာရှိတွေကိုယ်တိုင်က စစ်အာဏာရှင်စနစ်ကို လက်မခံနိုင်ကြတော့ပဲ (၁၉၇၄) ခုနှစ်ရောက်တော့ အာဏာရှင်စနစ်ကြီး ပြိုလဲသွားခဲ့ပါတယ်။

ဂရိအမျိုးသမီး တက်ကြွလှုပ်ရှားသူတွေနဲ့ ကျောင်းသူအများအပြားဟာ အာဏာရှင်စနစ် ဆန့်ကျင်ရေး လှုပ်ရှားမှုတွေမှာ ဖမ်းဆီးနှိပ်စက် သတ်ဖြတ်ခြင်းကို ခံခဲ့ကြရပါတယ်။ ဒါပေမယ့်လဲ ဂရိအမျိုးသမီး တွေဟာ ဇွဲလုံ့လ မလျှော့ပဲ အဆုံးသတ်အောင်ပွဲရတဲ့အထိ အမျိုးသားတွေနဲ့ ရင်ဘောင်တန်းပြီး တိုက်ပွဲဝင်ခဲ့ကြပါတယ်။ အမျိုးသမီး အခွင့်အလမ်း လှုပ်ရှားမှုလမ်းကြောင်းကိုလဲ မသွေမဖည် ဆုပ်ကိုင်ထားခဲ့ကြပြီး အာဏာရှင်စနစ်ကို ဖယ်ရှားပြီး နောက်ပိုင်းကာလရောက်တော့ မပြီးဆုံး သေးတဲ့ လှုပ်ရှားမှုတွေကို ဆက်လက်အကောင်အထည် ဖော်ခဲ့ကြပါတယ်။ ဂရိအမျိုးသမီးတွေရဲ့ ဇွဲလုံ့လနဲ့ နောက်မဆုတ်စတမ်း တိုက်ပွဲဝင်ရဲတဲ့ အားမာန်တွေကြောင့် ၁၉၈၃ ခုနှစ်မှာ ကျားမ တန်းတူညီမျှခွင့်ကို အသိအမှတ်ပြုတဲ့ မြေယာဥပဒေသစ် ထွက်ပေါ်လာပါတယ်။ တန်းတူညီမျှ လုပ်အားခ ရရှိရေး၊ ပညာသင်ခွင့် အခွင့်အလမ်း ရရှိရေး လှုပ်ရှားမှုတွေကိုလဲ အောင်မြင်စွာ ဖော်ဆောင်နိုင်ခဲ့ပါတယ်။ (၁၉၈၁) ခုနှစ်ကနေ စတင်ဖွဲ့စည်းခဲ့တဲ့ ဂရိအစိုးရ အုပ်ချုပ်ရေးယန္တရား အဆက်ဆက်မှာလဲ အမျိုးသမီး ၀န်ကြီးတဦး အနည်းဆုံးပါဝင်ပြီး၊ အမျိုးသမီး ဒုတိယ၀န်ကြီးများစွာ ပါဝင်ခဲ့ကြပါတယ်။ နိုင်ငံရေးပါတီတွေမှာလဲ အမျိုးသမီး ခေါင်းဆောင်အများအပြား ပေါ်ထွက်လာခဲ့ပြီး ၁၉၉၄ ခုနှစ်မှာ ဂရိကွန်မြူနစ်ပါတီကို အမျိုးသမီးခေါင်းဆောင်က ဦးဆောင်ခဲ့ပါတယ်။

အမျိုးသမီးတွေဆိုတာ နိုင်ငံရေး၊ စီးပွားရေး၊ လူမှုရေးရာတွေနဲ့ ပတ်သက်ပြီး အရေးကြီးသူတွေ မဟုတ်ဘူးလို့ သတ်မှတ်ခဲ့ကြတဲ့ ဂရိလူ့အဖွဲ့အစည်းအတွင်းမှာ အခုဆိုရင် အမျိုးသမီး နိုင်ငံရေးခေါင်းဆောင်တွေ၊ အမျိုးသမီး စီးပွားရေး လုပ်ငန်းရှင်တွေ၊ အမျိုးသမီး ပညာရှင်တွေ၊ အမျိုးသမီး အရပ်ဘက်လူ့အဖွဲ့အစည်းခေါင်းဆောင်တွေ အများအပြားပေါ်ထွက်လာခဲ့ပြီ ဖြစ်ပါတယ်။ နိုင်ငံရေး ပညာရှင် Laura Cram က ဒီလိုပြောင်းလဲမှုတွေဟာ အာဏာရှင်ဆန့်ကျင်ရေးနဲ့ ဒီမိုကရေစနစ် ထွန်းကားရေး တိုက်ပွဲတွေမှာ အမျိုးသားတွေနဲ့အတူ ရင်ဘောင်တန်းတိုက်ပွဲဝင်ရဲတဲ့ ရဲစွမ်းသတ္တိနဲ့ အမျိုးသမီးအခွင့်အလမ်း လှုပ်ရှားမှု လမ်းကြောင်းကို လက်ဆင့်ကမ်းပခုံးပြောင်းပြီး မဆုတ်မနစ် ကိုင်စွဲခဲ့ကြတဲ့ ဇွဲလုံ့လတွေကြောင့် ဖြစ်တယ်လို့ ဆိုထားပါကြောင်း တင်ပြလိုက်ရပါတယ်။

ခင်မမမျိုး (၂၀၀၉)

(၂၀၀၉ ခုနှစ်တွင် ဒီမိုကရက်တစ် မြန်မာ့အသံ၊ အမျိုးသမီး အခွင့်အလမ်း အစီအစဉ်တွင် ထုတ်လွှင့်ခဲ့သော အသံလွှင့်ဆောင်းပါး ဖြစ်ပါသည်)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

အမျိုးသမီးများ၏ နိုင်ငံရေးပါဝင်ပတ်သက်မှုနှင့် ပဋ္ဋိပက္ခ ပြီးဆုံးချိန်ကာလ နီပေါနိုင်ငံ

နိဒါန်း

၂၀၀၀ ခုနှစ်၊ အောက်တိုဘာလမှာ ကမ္ဘာ့ကုလသမဂ္ဂ လုံခြုံရေးကောင်စီက အမျိုးသမီး၊ ငြိမ်းချမ်းရေးနှင့် လုံခြုံရေးဆိုင်ရာ Resolution (၁၃၂၅) ကို ချမှတ်ခဲ့ပါတယ်။ အဲဒီအချိန်ကာလကစပြီး ပဋ္ဋိပက္ခဖြေရှင်းရေးနဲ့ ငြိမ်းချမ်းရေးတည်ဆောက်မှုတွေမှာ အမျိုးသမီးတွေရဲ့ အခန်းကဏ္ဍကို နိုင်ငံတကာက အသိအမှတ်ပြုမှုတွေ ကြီးမားလာခဲ့ပါတယ်။ Resolution (၁၃၂၅) နဲ့ပတ်သက်ပြီး အခုလို နိုင်ငံတကာ မဟာဗျူဟာနဲ့ မူဝါဒရေးရာ အဆင့်မှာ ကျယ်ကျယ်ပြန့်ပြန့် အကောင်အထည်ဖော်မှုတွေ ရှိလာခဲ့ပေမယ့်လဲ နိုင်ငံတခုချင်းစီရဲ့ ငြိမ်းချမ်းရေးနဲ့ ပဋိပက္ခပြီးဆုံးချိန်ကာလ တည်ဆောက်ရေး လုပ်ငန်းဆောင်တာတွေမှာ အမျိုးသမီးများရဲ့ နိုင်ငံရေးပါဝင်ပတ်သက်မှု အခန်းကဏ္ဍနဲ့ပတ်သက်ပြီး သိသားထင်ရှားတဲ့ အတားအဆီးတွေ ရှိနေဆဲပဲ ဖြစ်ပါတယ်။ ငြိမ်းချမ်းရေးဆွေးနွေးပွဲတွေမှာ အမျိုးသမီးတွေရဲ့ ပါဝင်ဆောင်ရွက်နိုင်မှုကို ကန့်သတ်နေကြဆဲပဲ ရှိပါသေးတယ်။ အမျိုးသမီးတွေရဲ့ ဆုံးဖြတ်ချက်ချမှတ်လုပ်ဆောင်နိုင်မှု အခန်းကဏ္ဍတွေကို သိသိသာသာ ပိတ်ပင်နေကြဆဲပဲ ရှိပါသေးတယ်။ အခုဒီဆောင်းပါးမှာ ပဋိပက္ခပြီးဆုံးချိန်ကာလ နီပေါနိုင်ငံက အမျိုးသမီးတွေရဲ့ နိုင်ငံရေးပါဝင်ပတ်သက်မှုအကြောင်းကို ရေးသားတင်ပြပါမယ်။

(ချိုးလင်းပြာစာစောင်အတွက် ရေးသားထားသော စာမူဖြစ်ပါသည်)



ပဋိပက္ခပြီးဆုံးချိန်ကာလနှင့် အမျိုးသမီးများ၏ နိုင်ငံရေးပါဝင်ပတ်သက်မှုအခန်းကဏ္ဍ

နိုင်ငံတနိုင်ငံမှာ ပဋိပက္ခတွေ ဖြစ်ပွားလာတဲ့အခါ ကျားမရေးရာ ဓလေ့ထုံးစံတွေ ပြောင်းလဲမှု ရှိလာပါတယ်။ အမျိုးသမီးတွေဟာ နိုင်ငံရေးတက်ကြွလှုပ်ရှားသူတွေ၊ တက်ကြွလှုပ်ရှားသူတွေရဲ့ မိသားစုဝင်တွေ၊ စစ်မက်ဒုက္ခသည်တွေ အနေနဲ့ အသွင်မျိုးစုံ ပါဝင် ပတ်သက်လာကြရပါတယ်။ ပဋိပက္ခဖြေရှင်းမှုတွေနဲ့ နိုင်ငံရေးတိုးတက်မှု အခြေအနေတွေမှာ ဆက်စပ်ပါဝင်မှု ရှိလာကြပါတယ်။ ဒါကြောင့် ပဋ္ဋိပက္ခတွေ ပြီးဆုံးချိန်ကာလမှာ အသက်ရှင်ကျန်ရစ်ခဲ့တဲ့ အမျိုးသမီးတွေဟာ လင်ယောက်ျားဖြစ်သူအပေါ် မှီခိုအားကိုးနေရတဲ့ သာမန်အိမ်ရှင်မတွေ မဟုတ်ကြတော့ပါဘူး။ ပဋိပက္ခတွေအကြားမှာ ရုန်းကန်လှုပ်ရှားရမှု၊ ရှင်သန်ရပ်တည်ရမှု၊ တက်ကြွစွာ လှုပ်ရှားရမှုတွေနဲ့ ခါးသီးတဲ့ ဘ၀သင်ခန်းစာတွေ ရရှိခဲ့ကြတဲ့အတွက် အမျိုးသားတွေနဲ့အတူ ပခုံးချင်းယှဉ်ပြီး ရင်ဘောင်တန်းရပ်တည်နိုင်တဲ့ အမျိုးသမီးတွေအဖြစ် ခေတ်သမိုင်းက ပြောင်းလဲလိုက်ပြီးသား ဖြစ်သွားပါတယ်။ ဒါကြောင့် ပဋိပက္ခပြီးဆုံးချိန်ကာလ နိုင်ငံတော်တည်ဆောက်မှု အခန်းကဏ္ဍတွေမှာ အမျိုးသမီးတွေရဲ့ နိုင်ငံရေးပါဝင်ပတ်သက်မှု၊ ဆုံးဖြတ်ချက်ချမှတ်နိုင်မှုတွေဟာ နိုင်ငံတော် အနာဂတ်အတွက် အလွန်ပဲ အရေးကြီးလှပါတယ်။

ပထမတချက်အနေနဲ့ အမျိုးသမီးတွေဟာ နိုင်ငံတော်ရဲ့ လူဦးရေတ၀က်ကျော်ကို ကိုယ်စားပြုနေသူများ ဖြစ်ပါတယ်။ ငြိမ်းချမ်းရေးနဲ့ ဒီမိုကရေစီစနစ်ခိုင်မာတောင့်တင့်ဖို့အတွက် ကိုယ်စားပြုမှုဟာ အလွန်ပဲ အရေးကြီးပါတယ်။ အမျိုးသမီးထုတရပ်လုံးကို ကိုယ်စားပြုတဲ့ အမျိုးသမီးတွေရဲ့ ဆုံးဖြတ်ချက်တွေမပါပဲ အမျိုးသားတွေကပဲ ချမှတ်လိုက်တဲ့ ဆုံးဖြတ်ချက်တွေဟာ လူထုတရပ်လုံးကို ကိုယ်စားပြုတယ်လို့ မခေါ်ဆိုနိုင်ပါဘူး။ ဒီလိုဆုံးဖြတ်ချက်ကိုလဲ ဒီမိုကရေစီနည်းလမ်းတကျ ဆုံးဖြတ်ချက်လို့ မသတ်မှတ်နိုင်ပါဘူး။ အမျိုးသားနဲ့ အမျိုးသမီးတွေက တန်းတူရည်တူ ပါဝင် ဆုံးဖြတ်ထားမှုမရှိပဲ အမျိုးသားတွေကပဲ တဖက်သတ်ဆုံးဖြတ်ချက်ချမှတ်မယ်ဆိုရင် ဒါဟာ တန်းတူညီမျှမှုအပေါ် အခြေခံတဲ့ ဒီမိုကရေစီစနစ် ထူထောင်မှု မဟုတ်ပဲ အမျိုးသားအာဏာရှင်စနစ်ကို ထူထောင်ခြင်းပဲ ဖြစ်ပါတယ်။ ဒီလိုဆုံးဖြတ်ချက်တွေပေါ်မှာ အခြေတည်ထားတဲ့ နိုင်ငံရေးဖြစ်စဉ်ဟာလဲ လူထုကို ကိုယ်စား မပြုတဲ့အတွက် Legitimacy ရှိတယ်လို့ မဆိုလိုနိုင်ပါဘူး။

ဒုတိယအချက်အနေနဲ့က အမျိုးသမီးတွေဆီမှာ အမျိုးသားတွေနဲ့ ကွဲပြားခြားနားတဲ့ ဘ၀အတွေ့အကြုံတွေ၊ အမြင်တွေနဲ့ ချဉ်းကပ်မှုတွေ ရှိနေနိုင်တဲ့အတွက် နိုင်ငံရေးရာကိစ္စတွေမှာ ရှူထောင့်အသစ်နဲ့ လေ့လာသုံးသပ်မှုတွေ ပေါ်ထွက်လာနိုင်စေပါတယ်။ ကျားမရေးရာနဲ့ အမျိုးသမီးများ တိုးမြှင့်ရေးနဲ့ပတ်သက်ပြီး ကုလသမဂ္ဂအတွင်းရေးမှူးချုပ်ရဲ့ အထူးအကြံပေးပုဂ္ဂိုလ်ဖြစ်တဲ့ Rachel
Mayanja ဆိုသူက အမျိုးသမီးတွေရဲ့ နိုင်ငံရေးပါဝင်ပတ်သက်မှုဟာ နိုင်ငံရေးဖြစ်ပေါ် ပြောင်းလဲတိုးတက်မှုတွေကို အားဖြည့်ပေးနိုင်ကြောင်း ဖော်ပြခဲ့ပါတယ်။ အမျိုးသမီးတွေဟာ နိုင်ငံရေးအရ ကွဲပြားခြားနားမှုတွေအကြားမှာ တံတားခင်းပေးနိုင်သူတွေဖြစ်ကြောင်း အဆိုပြုခဲ့ပါတယ်။ ပဋိပက္ခပြီးဆုံးချိန်ကာလမှာ အမျိုးသမီးတွေရဲ့ နိုင်ငံရေးဆုံးဖြတ်ချက်ချမှတ်မှု အခန်းကဏ္ဍမရှိရင် အမျိုးသမီးတွေရဲ့ လိုအပ်ချက်တွေ၊ အမျိုးသမီးရေးရာတွေကို ထည့်သွင်းစဉ်းစားမှု မရှိတဲ့အတွက် လူဦးရေတ၀က်ကျော်ရဲ့ အနာဂတ်ကို လျစ်လျူရှုရာ ရောက်ကြောင်းကိုလဲ ပညာရှင်များက ထောက်ပြပြောဆိုခဲ့ကြပါတယ်။

နီပေါနိုင်ငံ

နီပေါနိုင်ငံဟာ အိန္ဒိယနဲ့ တရုတ်ပြည်အကြားမှာ တည်ရှိတဲ့ ကုန်းတွင်းပိုင်း နိုင်ငံငယ်လေးတခုဖြစ်ပါတယ်။ ၂၀၀၆ ခုနှစ်မှာ နီပေါအစိုးရနဲ့ နီပေါကွန်မြူနစ်ပါတီ- Maoist တို့အကြားက ဆယ်နှစ်တာ လက်နက်ကိုင်ပဋ္ဋိပက္ခ ပြီးဆုံးသွားခဲ့ပါတယ်။ ဒီပဋ္ဋိပက္ခဟာ အမျိုးသမီးတွေအပေါ် သက်ရောက်မှုအများအပြား ရှိခဲ့ပါတယ်။ ပဋ္ဋိပက္ခစစ်ပွဲတွေကြောင့် အိမ်ထောင်မရှိတဲ့အမျိုးသမီးတွေနဲ့ မုဆိုးမတွေ များပြားလာပါတယ်။ အမျိုးသမီးက ဦးဆောင်ရတဲ့ အိမ်ထောင်စု (Female-headed households) တွေ များပြားလာပါတယ်။ အမျိုးသမီးအချို့က တော်လှန်ရေးလှုပ်ရှားမှုတွေမှာ ပါဝင်ခဲ့ကြပါတယ်။ နီပေါကွန်မြူနစ်ပါတီဟာ အမျိုးသမီးတွေကို ချက်ပြုတ်ရေးတာဝန်တွေနဲ့ ကျန်းမာရေးပြုစုစောင့်ရှောက်မှု တာဝန်တွေတင် ပေးခဲ့တာမဟုတ်ပဲ အမျိုးသားတွေနဲ့အတူ ရင်ဘောင်တန်းတိုက်ပွဲဝင်ရတဲ့ တိုက်ခိုက်ရေးရဲဘော်တာဝန်တွေ၊ ဆက်သွယ်ရေး တာဝန်တွေပါ ပေးအပ်ခဲ့ပြီး တော်လှန်ရေးကာလအတွင်းမှာ အမျိုးသမီးတွေရဲ့ နိုင်ငံရေးပါဝင်ပတ်သက်မှု အခန်းကဏ္ဍကို တိုးမြှင့်ပေးနိုင်ခဲ့ပါတယ်။

အမျိုးသမီး အိမ်ထောင်ဦးစီး အရေအတွက်တွေ များပြားလာမှုနဲ့ တော်လှန်ရေးဦးဆောင် အဖွဲ့အစည်းတရပ်ရဲ့ အမြော်အမြင်ကြီးမှုတွေဟာ နီပေါလူ့အဖွဲ့အစည်းအတွင်းမှာ အမြစ်တွယ်နေခဲ့တဲ့ ကျားမခွဲခြားမှု ဓလေ့ထုံးတမ်းစဉ်လာ အတားအဆီးတွေကို ဖယ်ရှားပစ်နိုင်ခဲ့ပါတယ်။ ၂၀၀၆ခုနှစ်၊ အေပြီလမှာ စတင်ခဲ့တဲ့ ငြိမ်းချမ်းရေးဖြစ်စဉ်ကို ဦးတည်စေခဲ့တဲ့ လူထုလှုပ်ရှားမှုကြီးမှာ အမျိုးသမီးတွေဟာ ရှေ့တန်းကနေ ပါဝင်ဦးဆောင်ခဲ့ကြပါတယ်။ ၂၀၀၆ ခုနှစ်၊ နိုဝင်ဘာလမှာ Comprehensive Peace Accord (CPA) ချုပ်ဆိုပြီး၊ လက်နက်ကိုင်ပဋိပက္ခတွေကို ချုပ်ငြိမ်းနိုင်ခဲ့ပါတယ်။ ၂၀၀၈ ခုနှစ်၊ ဧပြီလရောက်တော့ Constituent Assembly ကို ရွေးကောက်တင်မြှောက်မယ့် ပဋိပက္ခပြီးဆုံးချိန်ကာလ ပထမဆုံးရွေးကောက်ပွဲတွေကို ကျင်းပနိုင်ခဲ့ပါတယ်။ ဒီ Constituent Assembly ကနေ တိုင်းပြည်ရဲ့ ဖွဲ့စည်းပုံ အခြေခံဥပဒေမူကြမ်းကို ရေးဆွဲခဲ့ပါတယ်။

ပဋိပက္ခတွေ ရှိနေတဲ့ နိုင်ငံတရပ်ရဲ့ ဖွဲ့စည်းပုံအခြေခံဥပဒေဆိုတာ ဘယ်လိုအဖွဲ့အစည်း၊ ဘယ်လိုအစိုးရမျိုးကမှ ရေးဆွဲအတည်ပြုလို့ မရပါဘူး။ ရေးဆွဲအတည်ပြုထားခဲ့ရင်လဲ ပဋိပက္ခမပြီးဆုံးခင်ကာလမှာ ရေးဆွဲထားတာ ဖြစ်တဲ့အတွက် တိုင်းပြည်ရဲ့ အနာဂတ်အတွက် အကျိုးကျေးဇူးသိပ်မရှိလှပါဘူး။ ပဋိပက္ခတွေ ပြီးဆုံးပြီးနောက်ပိုင်းကာလမှာ လူထုက ရွေးကောက်တင်မြှောက်တဲ့ Constituent Assembly (သို့မဟုတ်) သဘောတရားတူပြီး အမည်ကွဲပြားတဲ့ အလားတူ ညီလာခံတရပ်က ရေးဆွဲပြီး ထွက်ပေါ်လာတဲ့ ဖွဲ့စည်းအုပ်ချုပ်ပုံ အခြေခံဥပဒေမူကြမ်းကို Referendum ကျင်းပပြီး လူထုရဲ့ ထောက်ခံမှု သတ်မှတ်ရာခိုင်နှုန်းပြည့်မှသာ ဒီဖွဲ့စည်းပုံအခြေခံဥပဒေဟာ နိုင်ငံတော်ရဲ့ အခြေခံအုတ်မြစ်ဖြစ်လာနိုင်ပါတယ်။ ဒီလို မဟုတ်ပဲ ပဋိပက္ခဖြစ်နေဆဲကာလတွေမှာ ဖွဲ့စည်းပုံ အခြေခံဥပဒေတွေ ရေးဆွဲလိုက်ကြ၊ အတည်ပြုလိုက်ကြလုပ်နေကြတဲ့ နိုင်ငံတွေမှာတော့ အခြေခံဥပဒေမူကြမ်းတွေ ဖောင်းပွပြီး ရေပေါ် အရုပ်ရေးသလို ပေါ်လိုက်၊ ပျောက်လိုက်တွေ ဖြစ်သွားတတ်စမြဲပါ။

ပဋိပက္ခမဖြစ်ပွားမီကာလ နီပေါအမျိုးသမီးများ၏ နိုင်ငံရေးပါဝင်ပတ်သက်မှု အခန်းကဏ္ဍ

နီပေါလူ့အဖွဲ့အစည်းအတွင်းမှာ patriarchal culture ထွန်းကားခဲ့ပါတယ်။ အမျိုးသမီးတွေဟာ ဓလေ့ထုံးတမ်း အစဉ်အလာတွေအရ ပြင်ပလူမှုဘ၀မှာ နေရာသိပ်မရကြပါဘူး။ အမျိုးသမီးတွေရဲ့ လူမှုဘ၀အဆင့်အတန်းဟာ လူမျိုးစုတွေအကြားမှာ အမျိုးမျိုး ကွဲပြားပေမယ့် ယေဘုယျအားဖြင့်တော့ အမျိုးသမီးတွေဟာ အမျိုးသားတွေထက် နိမ့်ကျတယ်လို့ ယူဆထားကြပါတယ်။ အမျိုးသမီးဆိုတာ ကလေးသူငယ်စောင့်ရှောက်ဖို့နဲ့ အိမ်မှုတာဝန်ထမ်းဆောင်ဖို့ မွေးဖွားလာသူများအဖြစ်သာ လူ့အဖွဲ့အစည်းက မြင်တတ်ကြပါတယ်။ အမျိုးသမီးတွေဟာ အမျိုးသားတွေနဲ့စာရင် ပညာရေး၊ စီးပွားရေး၊ နိုင်ငံတွေမှာ နိမ့်ကျကြရရှာပါတယ်။

၁၉၅၁ ရွေးကောက်ပွဲမှာ အမျိုးသမီးတွေရဲ့ မဲပေးခွင့်နဲ့ ရွေးကောက်ပွဲဝင်ရောက်ယှဉ်ပြိုင်ခွင့် ရှိခဲ့ပေမယ့်လဲ ၁၉၅၁ နှောင်းပိုင်းကာလကစပြီး အမျိုးသမီးတွေရဲ့ အသံတွေ ငြိမ်သက်နေခဲ့ပါတယ်။ နီပေါအမျိုးသမီးတွေရဲ့ နိုင်ငံရေးသမားဘ၀ ဖြတ်သန်းနိုင်မယ့် အခွင့်အလမ်းတွေ နည်းပါးခဲ့ပါတယ်။ ၂၀၀၇ ခုနှစ် မတိုင်မီကာလတွေမှာ နီပေါပါလီမန်တွေမှာ အမျိုးသမီးတွေရဲ့ ကိုယ်စားပြုနိုင်မှုဟာ ခြောက်ရာခိုင်နှုန်းအောက်မှာပဲ ရှိပါတယ်။ နိုင်ငံရေးမှာ ပါဝင်ပတ်သက်ဖို့ အခွင့်အလမ်း ရှိတဲ့ အမျိုးသမီးတွေဟာလဲ နိုင်ငံရေးသမားတွေနဲ့ ဆွေမျိုးတော်စပ်သူတွေနဲ့ နိုင်ငံရေးခေါင်းဆောင်တွေရဲ့ မိသားစုဝင်တွေပဲ ဖြစ်နေတတ်ပြန်ပါတယ်။ လူထုလူတန်းစားအလွှာအသီးသီးက အမျိုးသမီးတွေရဲ့ နိုင်ငံရေးပါဝင်ပတ်သက်မှုကိုတော့ သူတို့ရဲ့ ဖခင်တွေ၊ အစ်ကိုတွေ၊ လင်ယောက်ျားတွေက ထိန်းချုပ်ကန့်သတ်ရုံမက လူ့အဖွဲ့အစည်းရဲ့ အမျိုးသမီးတွေရဲ့အစွမ်းအစတွေအပေါ် လျှော့တွက် မှုတွေကပါ ကန့်သတ်ထားခဲ့ပြန်ပါတယ်။

တိုးတက်ရေးလမ်းကြောင်းပေါ်သို့

၂၀၀၆ ခုနှစ် CPA လက်မှတ်ရေးထိုးပြီးကာလမှာ နီပေါနိုင်ငံရေးအဖွဲ့အစည်းတွေ စုပေါင်းပြီး ကော်မတီတွေ ဖွဲ့စည်းခဲ့ပါတယ်။ ဒီကော်မတီတွေအထဲက National Monitoring Committee ရဲ့ အဖွဲ့ဝင် ၃၁ ယောက်မှာ အမျိုးသမီး နှစ်ယောက်ပါဝင်ခဲ့ပါတယ်။ Constituent Assembly ရွေးကောက်ပွဲကာလ၊ Constituent Assembly က ဖွဲ့စည်းပုံအခြေခံ ဥပဒေ မူကြမ်းရေးဆွဲစဉ်ကာလနဲ့ Referendum ကာလတွေဖြတ်သန်းမှုမှာ လိုအပ်တဲ့ ကြားဖြတ် ဖွဲ့စည်းပုံ အခြေခံဥပဒေ (Interim Constitution) ရေးဆွဲတဲ့ ကော်မတီမှာလဲ မူလက အမျိုးသားခြောက်ယောက်ပဲ ပါရှိရာက အမျိုးသမီးနိုင်ငံရေးခေါင်းဆောင်တွေနဲ့ အမျိုးသမီးအဖွဲ့အစည်းများရဲ့ တောင်းဆိုမှုတွေကြောင့် အမျိုးသမီးလေးယောက်ကို ထပ်မံတိုးချဲ့ ထည့်သွင်းခဲ့ကြရပါတယ်။ နီပေါအမျိုးသမီး နိုင်ငံရေးသမားတွေဟာ ဒီလောက်နဲ့ မရပ်တန့်ခဲ့ကြပါဘူး။ ၂၀၀၇ ခုနှစ်ဇန်န၀ါရီလမှာ အတည်ပြုတဲ့ ကြားဖြတ်ဖွဲ့စည်းပုံအခြေခံဥပဒေမှာ အမျိုးသမီးတွေရဲ့ နိုင်ငံရေးကိုယ်စားပြုမှုနဲ့ ပတ်သက်တဲ့ clause ပါဝင်ရေးအတွက် ၀ိုင်းဝန်းကြိုးပမ်းခဲ့ကြပါတယ်။ Interim Constitution ရဲ့ Article 63 (5) မှာ Constituent Assembly ရဲ့ ကိုယ်စားလှယ်လောင်း အနည်းဆုံး သုံးပုံတပုံဟာ အမျိုးသမီးတွေဖြစ်ရမယ်လို့ ထည့်သွင်းဖော်ပြခဲ့ပါတယ်။ ဒီအချက်ကို Interim Parliament က အတည်ပြုခဲ့တဲ့ Constituent Assembly ရွေးကောက်ပွဲဥပဒေမှာ ထပ်မံထည့်သွင်းခဲ့ရပါတယ်။

ဒီလိုနဲ့ ၂၀၀၈ ခုနှစ်၊ ဧပြီလမှာ Constituent Assembly ကို ရွေးကောက်တင်မြှောက်တဲ့အခါ အမျိုးသမီး ၃၅၀၀ ကျော် ပါဝင်ယှဉ်ပြိုင်ခဲ့ပါတယ်။ ကိုယ်စားလှယ်လောင်း အရေအတွက်ရဲ့ ၃၅ ရာခိုင်နှုန်းကျော် ဖြစ်ပါတယ်။ ရွေးကောက်ပွဲကျင်းပရာမှာ ဓလေ့ထုံးစံအရ အုပ်ချုပ်ရေးစင်မြင့်ပေါ်ကနေ ဖယ်ရှားခံရတတ်တဲ့ အုပ်စုတွေဖြစ်တဲ့ အမျိုးသမီးတွေနဲ့ ဖိနှိပ်ခံထားရတဲ့ လူ့အဖွဲ့အစည်းတွေ၊ လူမျိုးစုတွေရဲ့ အသံတွေပါ ပါဝင်လာစေတဲ့ ‘first past the post’ (FPTP) နဲ့proportional representation (PR) နည်းလမ်းတွေကို ပေါင်းစပ်အသုံးပြုခဲ့တာ ဖြစ်ပါတယ်။ အမျိုးသမီးတွေဟာ FPTP elections မှာ အမတ်နေရာ ၂၄၀ အနက် နေရာ ၃၀ ကိုအနိုင်ရခဲ့ပြီး PR elections မှာ အမတ်နေရာ ၃၃၅ ရှိရာက ၁၆၁ နေရာကို အနိုင်ရခဲ့ပါတယ်။ ပါတီတခုချင်းစီရဲ့ quota အရ အမျိုးသမီးခြောက်ယောက်ကို ပါတီတွေက nominate ထပ်လုပ်တဲ့အတွက် Constituent Assembly ရဲ့ အမတ်နေရာ ၆၀၁ နေရာမှာ ၁၉၇ နေရာကို အမျိုးသမီးများက ရရှိခဲ့ပါတယ်။ ရွေးကောက်ပွဲပြီးနောက်ပိုင်း ညွန့်ပေါင်းအစိုးရဖွဲ့ရာမှာ ၀န်ကြီးနေရာ (၂၄) နေရာ ရှိတဲ့အနက် လေးနေရာကို အမျိုးသမီးဝန်ကြီးတွေက တာဝန်ယူနိုင်ခဲ့ကြပါတယ်။ နိုင်ငံရေးပါဝင်ပတ်သက်မှုမှာ အမျိုးသမီးတွေရဲ့ အခန်းကဏ္ဍဟာ အခုလို အရေအတွက်အနေနဲ့ တိုးတက်လာပေမယ့်လဲ တခြားအတားအဆီးတွေ၊ အခက်အခဲတွေက ရှိနေဆဲပဲ ဖြစ်ပါတယ်။

အတားအဆီး၊ အခက်အခဲများ

၂၀၀၈ ခုနှစ်၊ Constituent Assembly ရွေးကောက်ပွဲအပြီးမှာ လွှတ်တော်အမတ် ၃၅ % ကျော်ဟာ အမျိုးသမီးတွေ ဖြစ်လာပါတယ်။ Constituent Assembly က ရေးဆွဲရမယ့် ဖွဲ့စည်းပုံအခြေခံဥပဒေရေးဆွဲရေးဆိုင်ရာ ကော်မတီ (၁၁) ခုမှာ အမျိုးသမီးတွေ ပါဝင်လာတဲ့အတွက် အမျိုးသမီးတွေရဲ့ နိုင်ငံတော်အဆင့် ဆုံးဖြတ်ချက်ချမှတ်နိုင်မှု အခွင့်အလမ်းတွေ တိုးမြင့်လာတယ် ဆိုနိုင်ပါတယ်။ ဒါပေမယ့်လဲ အမျိုးသမီးတွေရဲ့ နိုင်ငံရေးပါဝင်ပတ်သက်မှု၊ နိုင်ငံရေးဦးဆောင်မှု အခန်းကဏ္ဍတွေမှာ အတားအဆီးတွေ၊ ကန့်သတ်ချက်တွေ၊ အခက်အခဲတွေကတော့ ရှိနေဆဲပါပဲ။ ပထမဆုံးအနေနဲ့ အမျိုးသမီးတွေရဲ့ ထိထိရောက်ရောက် ဆုံးဖြတ်ချက် ချမှတ်နိုင်စွမ်းတွေဟာ သက်ဆိုင်ရာ နိုင်ငံရေးပါတီတွေ၊ အဖွဲ့အစည်းတွေအတွင်းမှာ အမျိုးသားတွေရဲ့ လွှမ်းမိုးချုပ်ကိုင်မှုတွေကြောင့် ယုတ်လျော့အားနည်းနေရပါတယ်။ နိုင်ငံရေးပါတီတွေအတွင်းမှာ အရေးကြီးတဲ့ ဆုံးဖြတ်ချက်တွေကို အတွေ့အကြုံရှိတဲ့ အမျိုးသားခေါင်းဆောင်တွေက အမျိုးသမီးတွေရဲ့ အမြင်တွေ မပါပဲ ချမှတ်လေ့ရှိကြပါတယ်။ အမျိုးသမီးတွေရဲ့ ပါတီတွင်း၊ အဖွဲ့အစည်းအတွင်း အခန်းကဏ္ဍမှာလဲ လုပ်ဆောင်မှု စွမ်းရည်နဲ့ အရည်အချင်းအပေါ် မူတည်မှုမရှိပဲ နိုင်ငံရေးခေါင်းဆောင်တွေအပေါ် သစ္စာရှိမှုနဲ့ လူမှုရေးတွေအပေါ်မှာ မူတည်နေပါတယ်။ နိုင်ငံရေးပါတီတွေအတွင်းမှာ အမျိုးသမီး အဖွဲ့တွေပါဝင်ပေမယ့် ပါတီရဲ့ ဗဟိုကော်မတီမှာ အမျိုးသမီးကိုယ်စားလှယ် ပါဝင်ခွင့်မှာတော့ ကန့်သတ်ချက်တွေ ရှိနေပါတယ်။ နိုင်ငံရေးခေါင်းဆောင်အချို့က အမျိုးသမီးတွေဟာ အမျိုးသားတွေလောက် စွမ်းဆောင်နိုင်မှု မရှိဘူးလို့ ထင်မှတ်နေကြဆဲပဲ ရှိပါသေးတယ်။

ဒုတိယအချက်အနေနဲ့ နိုင်ငံရေးပါတီတွေအတွင်းက အမျိုးသမီးအဖွဲ့တွေ စုပေါင်းပြီး Inter-party alliance ကို ဖွဲ့စည်းထားနိုင်ပေမယ့်လဲ ဒီမဟာမိတ်အဖွဲ့ရဲ့ တောင်းဆိုချက်တွေကို Constituent Assembly က လျစ်လျူရှုထားတာတွေ ရှိပါတယ်။ Constituent Assembly မှာ အမျိုးသား သုံးပုံနှစ်ပုံပါဝင်ပြီး၊ အမျိုးသမီးတွေအပေါ် negative attitudes နဲ့ အမြင်ရှိသူတွေ ပါဝင်နေတဲ့အတွက် အမျိုးသမီးတွေရဲ့ political space က ကျယ်ပြန့်မှု သိပ်မရှိပါဘူး။ တတိယအချက်က Constituent Assembly ထဲမှာ ပါဝင်တဲ့ အချို့အမျိုးသမီးတွေဟာ ဒီအခန်းကဏ္ဍနဲ့ တာဝန်တွေအတွက် ပြင်ဆင်ထားခြင်း မရှိပါဘူး။ အချို့ကလဲ နိုင်ငံရေးပါတီတွေမှာ နှစ်ပေါင်းများစွာ ပါဝင်ခဲ့လို့သာ ပါတီကို ကိုယ်စားပြုပြီး ကိုယ်စားလှယ်လောင်းအဖြစ် ၀င်အရွေးခံခဲ့ကြရတာ ဖြစ်ပါတယ်။ ဒါကြောင့် အချို့အမျိုးသမီးတွေမှာ တာဝန်ကို ထိထိရောက်ရောက်ထမ်းဆောင်နိုင်မယ့် capabilities အားနည်းနေပြန်ပါတယ်။

နောက်တချက်က အမျိုးသမီးတွေရဲ့ နိုင်ငံရေးအခန်းကဏ္ဍတိုးမြင့်လာမှုက ဥပဒေအရ လိုအပ်ချက်တွေနဲ့ တက်ကြွလှုပ်ရှားအမျိုးသမီးခေါင်းဆောင်တွေရဲ့ စွမ်းရည်တွေကြောင့် ဖြစ်ပါတယ်။ အမျိုးသားတွေက ကျားမတန်းတူညီမျှမှုဟာ နိုင်ငံတော်ဖွံ့ဖြိုးတိုးတက်ရေးရဲ့ လိုအပ်ချက်ဆိုတာကို နှစ်နှစ်ကာကာ ယုံကြည်လက်ခံပြီး လိုက်နာဆောင်ရွက်မှုကြောင့် မဟုတ်ပါဘူး။ ဒီလို အမျိုးသားတွေရဲ့ lack of political will ကြောင့် အမျိုးသားတွေနဲ့ အမျိုးသမီးတွေအကြားက အတူတကွ တသားတည်း ပူးပေါင်းဆောင်ရွက်မှုကြောင့် ထွက်ပေါ်လာမယ့် synergy က တိုးတက်သင့်သလောက် မတိုးတက်လာပါဘူး။

အရပ်ဘက်လူ့အဖွဲ့အစည်းနှင့် အမျိုးသမီးနိုင်ငံရေးပါဝင်ပတ်သက်မှု

နီပေါအမျိုးသမီးတွေရဲ့ အရပ်ဘက်လူ့အဖွဲ့အစည်းကနေတဆင့် နိုင်ငံရေးပါဝင်ပတ်သက်မှုဟာ ၁၉၄၈ ခုနှစ်ကတည်းက ပေါ်ပေါက်ခဲ့ပါတယ်။ နီပေါအမျိုးသမီးအသင်းဟာ အမျိုးသမီးထုအကြားနိုင်ငံရေး၊ လူမှုရေး အကြားအမြင်များမှုနဲ့ အစိုးရရဲ့ အမျိုးသမီးများ မဲပေးခွင့် ကန့်သတ်မှုတွေကို ဆန့်ကျင်ဖို့ ပေါ်ပေါက်လာခဲ့ပါတယ်။ ၂၀၀၆ ခုနှစ်၊ လူထုလှုပ်ရှားမှုကြီးအတွင်းမှာ အမျိုးသမီးတွေရဲ့ political engagement လှိုင်းလုံးကြီးက အသစ်တဖန် ပြန်လည်မွေးဖွားလာခဲ့ပါတော့တယ်။ အဲဒီအချိန်က အစပြုပြီး နီပေါနိုင်ငံမှာ အမျိုးသမီးအဖွဲ့အစည်းပေါင်းများစွာ ထွက်ပေါ်လာပါတော့တယ်။ ရည်ရွယ်ချက်အမျိုးမျိုး၊ အသွင်သဏ္ဍာန်အမျိုးမျိုး၊ စီမံချက်အမျိုးမျိုးနဲ့ လုပ်ဆောင်နေကြပေမယ့် အမျိုးသမီးအဖွဲ့အစည်းတွေဟာ ကွဲပြားမှုတွေအကြားက ညီညွတ်မှုကိုလဲ တည်ဆောက်နိုင် ခဲ့ကြပါတယ်။ Shanti Malika, Women’s Alliance for Peace, Power, Democracy and Constituent Assembly (WAPPDCA), WomenAct စတဲ့ အမျိုးသမီး ညီညွတ်ရေးကွန်ယက်တွေ၊ ညွန့်ပေါင်းအဖွဲ့အစည်းတွေ၊ စုပေါင်းကင်ပိန်းတွေ ထွက်ပေါ်လာပါတယ်။

ပဋိပက္ခပြီးဆုံးချိန်ကာလ နီပေါနိုင်ငံမှာ အမျိုးသမီးအဖွဲ့အစည်းတွေရဲ့ အဓိက agenda ဟာ နိုင်ငံရေးရာ ဆုံးဖြတ်ချက်တွေမှာ အမျိုးသမီးတွေရဲ့ ပါဝင်ပတ်သက်နိုင်မှုကို တိုးမြှင့်နိုင်ရေးပဲ ဖြစ်ပါတယ်။ CPA ရေးထိုးဖို့ ဆွေးနွေးချိန်နဲ့ ရေးထိုးပြီး နောက်ပိုင်းကာလတွေမှာ အမျိုးသမီးတွေရဲ့ နိုင်ငံရေးပါဝင်ပတ်သက်မှုအတွက် lobby တွေ လုပ်ခဲ့ကြပါတယ်။ ငြိမ်းချမ်းရေးဖြစ်စဉ်မှာ ပါဝင်ဆောင်ရွက်နိုင်မယ့် အမျိုးသမီး မရှိနိုင်ကြောင်း အမျိုးသားနိုင်ငံရေးသမားတွေက ခွဲခြားကန့်သတ်မှုရှိနေချိန်မှာ အမျိုးသမီးကွန်ယက် WAPPDCA က “Who Is Who of Nepali Women” ဆိုတဲ့ စာအုပ်ကို ထုတ်ဝေဖြန့်ချီခဲ့ပါတယ်။ ဒီစာအုပ်ထဲမှာ ငြိမ်းချမ်းရေးနဲ့ နိုင်ငံရေးဖြစ်ပေါ်ပြောင်းလဲမှုဖြစ်စဉ်တွေမှာ ပါဝင်တာဝန်ယူနိုင်ဖို့ အသိဥာဏ်နဲ့ ဗဟုသုတပြည့်စုံတဲ့ ပညာတတ်အမျိုးသမီး သုံးထောင်ကျော်ရဲ့ အချက်အလက်တွေကို ဖော်ပြခဲ့ပါတယ်။ အမျိုးသမီးအဖွဲ့အစည်းတွေဟာ အပတ်စဉ် ချီတက်ဆန္ဒပြပွဲတွေ ပြုလုပ်ပြီး အမျိုးသမီးတွေရဲ့ နိုင်ငံရေးကိုယ်စားပြုမှု အခွင့်အရေးကို တောင်းဆိုခဲ့ကြပါတယ်။

၂၀၀၉ ခုနှစ်မှာ in 2009 WAPPDCA နဲ့ the Inter‐Party Women’s Alliance တို့ ပူးတွဲပြီး ‘Mission 50–50 ဆိုတဲ့ ကင်ပိန်းကို စတင်အကောင်အထည်ဖော်ခဲ့ကြပါတယ်။ ဒီကင်ပိန်းရဲ့ ရည်ရွယ်ချက်ကတော့ တန်းတူရည်တူ ကိုယ်စားပြုမှုနဲ့ နိုင်ငံတော်ရဲ့ အုပ်ချုပ်ရေး အဆင့်တိုင်းမှာ အမျိုးသမီးတွေရဲ့ ပါဝင်ပတ်သက်မှုကို မြှင့်တင်ဖို့ဖြစ်ပါတယ်။ Forum for Women, Law and Development (FWLD) ကလဲ နိုင်ငံရေးအဖွဲ့အစည်းတွေရဲ့ ဖွဲ့စည်းပုံအဆင့်တိုင်းမှာ အမျိုးသမီး ကိုယ်စားပြုမှု ၃၃ ရာခိုင်နှုန်း အနည်းဆုံး ရှိဖို့ ဥပဒေတရပ်ထွက်ပေါ်လာရေးအတွက် ကြိုးပမ်းလျက်ရှိပါတယ်။ နိုင်ငံတကာအဖွဲ့အစည်းတွေနဲ့ ပူးတွဲပြီး အလားအလာရှိတဲ့ အမျိုးသမီး နိုင်ငံရေး သမားတွေကို စွမ်းရည်မြှင့်သင်တန်းပေးမှုတွေကိုလဲ အချို့အမျိုးသမီးအဖွဲ့အစည်းတွေက ပြုလုပ်နေကြပါတယ်။ အမျိုးသမီးခေါင်းဆောင်မှု သင်တန်းကျောင်းကို ဖွင့်လှစ်ပြီး ခေါင်းဆောင်မှုသင်တန်းပို့ချမှုများလဲ ပြုလုပ်ကြပါတယ်။

အမျိုးသမီးအဖွဲ့အစည်းအချို့ကလဲ ဥပဒေပိုင်းဆိုင်ရာအခွင့်အလမ်းတွေကိုပဲ specialize လုပ်ပြီး ကျားမတန်းတူညီမျှမှုအတွက် တိုက်ပွဲဝင်နေခဲ့ကြပါတယ်။ အမျိုးသမီးတွေအတွက် အားနည်းချက်ရှိစေတဲ့ ဥပဒေတွေကို ပြင်ဆင်သတ်မှတ်ရေးနဲ့ တူညီတဲ့ အမွေဆက်ခံပိုင်ခွင့်၊ တူညီတဲ့ လူ့အခွင့်အရေး၊ တူညီတဲ့ နိုင်ငံသားအခွင့်အရေး၊ မုဆိုးမနဲ့ အိမ်ထောင်ပျက်အမျိုးသမီးများအတွက် အခွင့်အရေး၊ အမျိုးသမီးများအပေါ် အကြမ်းဖက်မှုမှ ကင်းဝေးရေး စတာတွေကို လုပ်ဆောင်နေကြပါတယ်။ အမျိုးသမီးအဖွဲ့အစည်းတွေဟာ ၂၀၀၆ ခုနှစ်နှောင်းပိုင်းကာလတလျှောက် နီပေါနိုင်ငံမှာ အမျိုးသမီး အခွင့်အရေးတွေကို ကာကွယ်စောင့်ရှောက်ပေးဖို့ ပေါ်ထွက်ခဲ့တဲ့ Nepal Citizenship Act, 2006,Gender Equality Act, 2006, Human Trafficking Control and Regulation Acts, 2007/08), Domestic Violence [Offense and Punishment] Act, 2009 စတဲ့ ဥပဒေတွေရဲ့ driving force တွေပဲ ဖြစ်ပါတယ်။

သင်ခန်းစာများ

ပဋိပက္ခပြီးဆုံးချိန်ကာလ နီပေါနိုင်ငံရဲ့ အမျိုးသမီး နိုင်ငံရေးပါဝင်ပတ်သက်မှု အခန်းကဏ္ဍကို လေ့လာကြည့်ခြင်းအားဖြင့် အရေးကြီးတဲ့ သင်ခန်းစာတချို့ကို ရရှိနိုင်ပါတယ်။ ပထမတချက်အနေနဲ့ အမျိုးသမီးတွေရဲ့ နိုင်ငံရေးပါဝင်ပတ်သက်မှု အခန်းကဏ္ဍကို တိုးမြှင့်ရာမှာ Quota စနစ်နဲ့ Reserved seats တွေက တဆင့် affirmative action ကို အကောင်အထည်ဖော်ရပါမယ်။ ကျားမတန်းတူညီမျှမှုကို အသိအမှတ်မပြုချင်တဲ့ လူ့အဖွဲ့အစည်းအတွင်းမှာ အမျိုးသမီးကိုယ်စားပြုမှုဆိုင်ရာ အနည်းဆုံး ရာခိုင်နှုန်းတခု (၂၀%၊ ၃၀ %) သတ်မှတ်လာနိုင်အောင် ကြိုးပမ်းဆောင်ရွက်ရပါမယ်။ အမျိုးသမီးတွေရဲ့ တာဝန်ယူမှုအခန်းကဏ္ဍကို ကျန်းမာရေး၊ ပညာရေး စတာတွေမှာပဲ ကန့်သတ်မထားပဲ အမျိုးသားတွေကပဲ တာဝန်ယူလေ့ရှိတဲ့ စစ်ရေး၊ ပြည်ထဲရေး၊ အုပ်ချုပ်ရေး၊ နိုင်ငံခြားရေးကဏ္ဍတွေမှာ သိသာထင်ရှားလာအောင် မြှင့်တင်ဖို့ လိုအပ်ပါတယ်။ နိုင်ငံရေးဦးဆောင်မှုဆိုတာ masculine sphere လို့ သတ်မှတ်ထားတဲ့ ဓလေ့ထုံးစံတွေကို စိန်ခေါ်မယ့် အမျိုးသမီးတွေကို လေ့ကျင့် ပျိုးထောင်ပေးရပါမယ်။

ဒုတိယအချက်အနေနဲ့ အမျိုးသမီးတွေရဲ့ နိုင်ငံရေးပါဝင်ပတ်သက်မှု အခန်းကဏ္ဍ တိုးမြှင့်လာခြင်းဟာ အမျိုးသားတွေက အလျှော့ပေးပြီး နေရာပေးသယောင် ခံစားချက်နဲ့ အမြင်တွေကို တိုက်ဖျက်ရပါမယ်။ အချို့အမျိုးသားတွေက အမျိုးသမီးတွေဟာ ပိုပြီးနိမ့်ကျတာမို့ အလျော့ပေးပြီး လက်ဆောင်အနေနဲ့ နိုင်ငံရေးအခန်းကဏ္ဍ ပေးလိုက်ရသယောင်၊ ဖြည့်ဆည်းပေးလိုက်ရသယောင် ခံစားလေ့၊ ပြောဆိုလေ့ရှိကြပါတယ်။ ဒါကို အမျိုးသမီးတွေက လက်ခံဖို့ မလိုအပ်ပါဘူး။ ဒါဟာ အမျိုးသမီးတွေရဲ့ စွမ်းရည်နဲ့ မိမိကိုယ်ကို ယုံကြည်မှုတွေကို အားနည်းစေတတ်ပါတယ်။ အမျိုးသမီးတွေဟာလဲ အမျိုးသားတွေနဲ့အတူ တန်းတူညီမျှ ပခုံးချင်းယှဉ် ရင်ဘောင်တန်းပြီး တာဝန်ထမ်းဆောင် နိုင်သူများဖြစ်ပါတယ်။ အမျိုးသားတွေက နေရာပေးမှ နေရာတခုကို ပိုင်ဆိုင်နိုင်သူများ မဟုတ်ပါဘူး။ နေရာတခုရအောင် မိမိဘာသာ ကြိုးစားရယူနိုင်သူများ ဖြစ်ပါတယ်။

တတိယအချက်က တာဝန်ယူနိုင်မှု စွမ်းရည်မြင့်မားလာအောင် ပြင်ဆင်ကြိုးပမ်းမှုပဲ ဖြစ်ပါတယ်။ နိုင်ငံရေးမှာ ပါဝင်ပတ်သက်ခွင့် ရရုံနဲ့ မပြီးပါဘူး။ အမတ်နေရာကို ရရင် အမတ်တာဝန်ကို ကျေပြွန်နိုင်ရပါမယ်။ ကော်မတီမှာ ပါဝင်ခွင့်ရရင် ကော်မတီတာဝန်ကို ထိထိရောက်ရောက် ထမ်းဆောင်နိုင်ရပါမယ်။ ဒီအတွက် အလားအလာနဲ့ ရည်ရွယ်ချက်ရှိတဲ့ အမျိုးသမီး နိုင်ငံရေးသမားတွေအနေနဲ့ ကြိုတင်ပြင်ဆင်ကြိုးပမ်းမှုတွေ လိုအပ်ပါတယ်။ အမျိုးသမီးတွေရဲ့ စွမ်းရည်နဲ့ တန်ဖိုးကို လျှော့ချတွက်ချက်တတ်တဲ့ လူ့အဖွဲ့အစည်းတွေမှာဆိုရင် အမျိုးသမီးတွေရဲ့ အမျိုးသားတွေနဲ့ နိုင်ငံရေးရာ အသိပညာ ဗဟုသုတတွေမှာ ရင်ဘောင်တန်းနိုင်အောင်၊ သာလွန်အောင် ကြိုးပမ်းကြရမှာ ဖြစ်ပါတယ်။ အမျိုးသမီးအဖွဲ့အစည်းတွေအနေနဲ့ နိုင်ငံရေး၊ စီးပွားရေး၊ လူမှုရေး၊ ပညာရေး ရေချိန်တွေမှာ ဘက်ပေါင်းစုံက မြင့်မားတဲ့ အမျိုးသမီး နိုင်ငံရေးဦးဆောင်သူတွေ ကျယ်ကျယ်ပြန့်ပြန့်ပေါ်ထွက်လာအောင် ကြိုးပမ်းဆောင်ရွက်မှုတွေ လိုအပ်ပါတယ်။ အမျိုးသားတွေရဲ့ လွှမ်းမိုးချုပ်ကိုင်မှု အောက်မှာမရှိပဲ အမှီအခို ကင်းကင်းရပ်တည်နိုင်တဲ့ အမျိုးသမီးအဖွဲ့အစည်းတွေ၊ အမျိုးသမီးနိုင်ငံရေးသမားတွေ ပေါ်ထွက်လာမှသာ အမျိုးသမီးတွေရဲ့ စွမ်းရည်တွေကို အမြင့်မားဆုံးဖော်ထုတ်ပြီး တာဝန်တွေကို ထိထိရောက်ရောက် ထမ်းဆောင်နိုင်မှာ ဖြစ်ပါတယ်။

စတုတ္ထအချက်အနေနဲ့ အမျိုးသမီးအဖွဲ့အစည်းတွေနဲ့ အမျိုးသမီး အခွင့်အရေး တက်ကြွလှုပ်ရှားသူတွေအကြားမှာ ညီညွတ်မှုကို တည်ဆောက်နိုင်ဖို့ အရေးကြီးပါတယ်။ ကျားမတန်းတူညီမျှမှုဆိုတာ စတိတ်မင့်တွေ၊ ဥပဒေကျင့်ထုံးတွေ ထဲမှာ ပါဝင်လာဖို့ စုပေါင်းကြိုးပမ်းကြရပါမယ်။ ဒါတွင်မကပဲ အမျိုးသမီးတွေအားလုံးရဲ့ ရင်ထဲမှာ အမျိုးသမီးတွေရဲ့ အမျိုးသားတွေနဲ့အတူ တန်းတူညီမျှမှုကို နားလည်သိရှိလာဖို့နဲ့ အမျိုးသားတွေရဲ့ ဦးနှောက်ထဲမှာ ကျားမတန်းတူညီမျှမှုဆိုတာကို မှန်မှန်ကန်ကန် သုံးသပ်နားလည်နိုင်ပြီး စိတ်ဓာတ်ရေးရာ အဆင့်အတန်းတွေ မြင့်လာနိုင်ဖို့ အစွမ်းကုန်ကြိုးပမ်းကြရမှာဖြစ်ပါတယ်။ ကမ္ဘာကြီးတိုးတက် လာတာနဲ့အမျှ တိုးတက်မှုနဲ့မကိုက်ညီတော့တဲ့ ယဉ်ကျေးမှုတွေ၊ ဓလေ့ထုံးစံတွေဆိုတာ ရှိစမြဲပါပဲ။ ဒါတွေကို ဖက်တွယ်ထားသမျှ တိုးတက်မှုဟာ နှောင့်နှေးနေတတ်ပါတယ်။ ဒါပေမယ့်လဲ ဖက်တွယ်ထားချင်သူတွေ အများအပြားရှိနေတဲ့ လူ့အဖွဲ့အစည်းမှာ ယဉ်ကျေးမှု တော်လှန်ရေးလုပ်ယူရတာက စိတ်ရှည်သည်းခံနိုင်မှု၊ ဝေဖန်ပြစ်တင်ခံနိုင်မှုတွေ နဲ့ မှတ်ကျောက်တင်ရစမြဲပါ။ အမျိုးသမီးအဖွဲ့အစည်းတွေနဲ့ ကျားမတန်းတူညီမျှရေး လှုပ်ရှားသူတွေဟာ လူ့အဖွဲ့အစည်းကို မြင့်မားတိုးတက်လာအောင် လုပ်ယူရမယ့် agents of change in society တွေပဲ ဖြစ်ပါတယ်။ ဒါကြောင့် ဒီလိုကြီးလေးတဲ့ တာဝန်ထမ်းဆောင်ရသူတွေအကြားမှာ အပြန်အလှန်နားလည်မှု၊ လေးစားမှုနဲ့ ညီညွတ်မှုတွေ ရယူဖို့ အလွန်ပဲ အရေးကြီးလှပါတယ်။

နိဂုံး

နိဂုံးချုပ်ဆိုရရင် ပဋိပက္ခပြီးဆုံးချိန်ကာလဆိုတာ တိုင်းပြည်တပြည်ရဲ့ အနာဂတ်အတွက် အုတ်မြစ်ချရတဲ့ အချိန်ကာလတခုဖြစ်ပါတယ်။ ဒီကာလမှာ အုတ်မြစ်ခိုင်ခိုင်မာမာ ချထားနိုင်ဖို့ အလွန်ပဲ အရေးကြီးတာပါ။ ဒီလိုအရေးကြီးတဲ့ အချိန်ကာလတခုမှာ လူဦးရေရဲ့ တ၀က်ကျော်ကို ကိုယ်စားပြုနေတဲ့ အမျိုးသမီးတွေရဲ့ နိုင်ငံရေးပါဝင်ပတ်သက်မှု၊ နိုင်ငံရေးဦးဆောင်မှု အခန်းကဏ္ဍဟာ လူ့အဖွဲ့အစည်းရဲ့ အဆင့်အတန်းမြင့်မားရေး၊ ဒီမိုကရေစီစနစ်ပင်မဒေါက်တိုင် ကိုယ်စားပြုမှု ရှင်သန်ခိုင်မာရေးတို့အတွက် အဓိကကျပါကြောင်း ရေးသားတင်ပြလိုက်ရပါတယ်။

ခင်မမမျိုး (၁၊ ၉၊ ၂၀၁၀)




ရည်ညွှန်းကိုးကား။ ။

Aguirre, Daniel, and Irene Pietropaoli, 2008. ‘Gender Equality, Development, and Transitional Justice:The Case of Nepal.’ The International Journal of Transitional Justice 2:256‐377.
Beckwith, Karen, 2005. ‘The Comparative Politics of Women’s Movements.’ Perspectives on Politics, 3:583‐596

Commission on the Status of Women, 2009. ‘Equal Participation of Women and Men in Decision‐Making Processes at All Levels: Moderator’s Summary,’ Commission on the Status of Women, 53rd Session, 2–13 March.

Geiser, Alexandra, 2005. ‘Social Exclusion and Conflict Transformation in Nepal: Women, Dalit and Ethnic Groups.’ Working Paper. FAST Country Risk Profile Nepal. Bern: Swiss Peace.

Institute for Inclusive Security (ISS), 2009. ‘Bringing Women into Government’, Strategies for Policymakers No.1, March.

International Crisis Group (ICG), 2009. ‘Nepal’s Future: In Whose Hands?’ Asia Report No. 173, 13 August. Kathmandu/Brussels: ICG.

Manchanda, Rita, 2004. ‘Maoist Insurgency in Nepal: Radicalizing Gendered Narratives,’ Cultural Dynamics 16(2/3):237‐258.

Nduwimana, Françoise, n.d. ‘United Nations Security Council Resolution 1325 (2000) on Women, Peace and Security: Understanding the Implications, Fulfilling the Obligations.’ Background report prepared for the Office of the Special Advisor on Gender Issues and Advancement of Women

Rana‐Deuba, Arzu, 2005. ‘A National Study on Changing Roles of Nepali Women Due to Ongoing Conflict and Its Impact.’ Samanata Studies No.6. Kathmandu: Samanata Institute for Social and Gender Equality.

Sørensen, Birgitte, 1998. ‘Women and Post‐Conflict Reconstruction: Issues and Sources.’ WSP Occasional Paper No. 3, June. Geneva: United Nations Research Institute for Social
Development, Programme for Strategic and International Security Studies.

United Nations Educational, Scientific and Cultural Organization (UNESCO), 2006. ‘Forms and Patterns of Social Discrimination in Nepal.’ UNESCO Kathmandu Series of Monographs and Working Papers, No. 8. Paris: UNESCO.

Waylen, Georgina, 2007. Engendering Transitions: Women’s Mobilization, Institutions, and Gender Outcomes. New York: Oxford University Press.

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

နီပေါအမျိုးသမီးများရဲ့ လူ့အခွင့်အရေးတိုက်ပွဲ

ဒီမိုကရက်တစ်မြန်မာ့အသံ ပရိသတ်များရှင်။
အခုတပတ်အမျိုးသမီးအခွင့်အလမ်းအစီအစဉ်မှာ နီပေါအမျိုးသမီးများရဲ့ လူ့အခွင့်အရေးတိုက်ပွဲ အကြောင်း ကို စီစဉ်တင်ဆက်မှာဖြစ်ပါတယ်။ နီပေါနိုင်ငံဟာ အိန္ဒိယနဲ့ တရုတ်နိုင်ငံအကြားမှာ တည်ရှိ တဲ့နိုင်ငံငယ်လေးတခုပါ။ ၁၈ ရာစုမှာ စစ်ဘုရင်နရယန်ရှာက အကွဲကွဲအပြားပြားဖြစ်နေတဲ့နိုင်ငံငယ်လေးတွေ ကို စုစည်းပြီး နီပေါနိုင်ငံကို ထူထောင်ခဲ့ပါတယ်။ ၁၈၄၇မှာ မြေရှင် ရာနာစ့်က ဘုရင်ဆီက အာဏာသိမ်းယူပြီး နီပေါကို အုပ်ချုပ်ခဲ့ပါတယ်။ နောင်နှစ်ပေါင်းများစွာကြာတဲ့အထိ ရာနာစ့်မျိုးနွယ်စုအဆက်ဆက်ကပဲ ဘုရင်အဖြစ် တိုင်းပြည်ကိုအုပ်ချုပ်ခဲ့ကြပါတယ်။ ၁၉၅၁ကျတော့ ပြည်သူလူထုက ဘုရင်ကို ပုန်ကန်တော်လှန်ပါတယ်။ ဒီမိုကရေစီပြောင်းလဲမှုတွေကို ဘုရင်က လက်ခံလိုက်ရပြီး ၁၉၅၉ခုမှာ အထွေထွေရွေးကောက်ပွဲထွက်ပေါ်လာပါတယ်။ နီပေါပြည်သူလူထုဟာ ပထမဆုံးအနေနဲ့ နိုင်ငံကို အုပ်ချုပ်မယ့်အစိုးရကို ရွေးချယ်ခွင့်ရခဲ့ကြတယ်။



ဒါပေမယ့်လဲ နိုင်ငံရေးတိုးတက်မှုအရှိန်က အချိန်မကြာလိုက်ပါဘူး။ နှစ်နှစ်အတွင်းမှာပဲ အသစ်တက်လာတဲ့ဘုရင်သစ်က အစိုးရအဖွဲ့နဲ့ပါလီမန်ကို ဖျက်သိမ်းပါတယ်။ နိုင်ငံရေးပါတီတွေအားလုံးကို ဖျက်သိမ်းလိုက်ပါတယ်။ ဒါပေမယ့် လက်နက်ကိုင်တော်လှန်ရေးတွေ၊ လူထုလှုပ်ရှားမှုတွေကတော့ မရပ်တန့်ခဲ့ပါဘူး။ ဖိနှိပ်မှုဆိုတာရှိနေသရွေ့ အဖိနှိပ်ခံပြည်သူတွေရဲ့ တော်လှန်ရေးဟာလဲ ရှိနေစမြဲပါ။ ဘာကြောင့်လဲဆိုတော့ မတရားမှုတွေဟာ ဥပဒေဖြစ်နေသရွေ့ တော်လှန်ပုန်ကန်ခြင်းဟာ တာဝန်တရပ် ဆိုတာကို ပြည်သူလူထုက နားလည်ပြီးသားဖြစ်နေလို့ပါပဲ။ (၁၉၈၀)မှာ နီပေါကျောင်းသားတွေရဲ့ အာဏာရှင်ဆန့်ကျင်ရေးလှုပ်ရှားမှုကြီး ထွက်ပေါ်လာပါတယ်။ နိုင်ငံရေးတင်းမာမှုတွေဖြေလျှော့ဖို့ ဘုရင်က ပြည်သူ့ဆန္ဒခံယူပွဲလုပ်ပါတယ်။ ဘုရင်အုပ်ချုပ်တဲ့စနစ်နဲ့ ပါတီစုံဒီမိုကရေစီစနစ်ကို ရွေးချယ်ခိုင်းပါတယ်။ ပြည်သူ့ဆန္ဒခံယူပွဲကို အာဏာရှင်က ခြိမ်းချောက်ပြုလုပ်တဲ့အခါ အာဏာရှင်လက်ကိုင်တုတ်တွေရဲ့ အန္တရာယ်တွေ၊ မဲခိုး၊ မဲလိမ်တာတွေကြောင့် လူထုရဲ့ ဆန္ဒမှန် ထွက်ပေါ်လေ့မရှိပါဘူး။ နီပေါမှာလဲ ဒီအတိုင်းပါပဲ။ လူထုရဲ့ဆန္ဒမှန်ကို အလိမ်ခံခဲ့ရပါတယ်။ ဒါပေမယ့် ပြည်သူလူထုရဲ့ ဆန္ဒ သဘောထားတွေကတော့ မပျောက်ကွယ်သွားပါဘူး။ ၁၉၈၉မှာ နီပေါလူထုလှုပ်ရှားမှုကြီး ပေါ်ပေါက် လာပါတယ်။ ဖွဲ့စည်းပုံအခြေခံဥပဒေသစ်ထွက်လာပါတယ်။ အစိုးရသစ်တက်လာပါတယ်။ အစိုးရသစ်နဲ့ ဖွဲ့စည်းပုံအခြေခံဥပဒေဟာ ပြည်သူလူထုအတွက် တရားမျှတမှုအခွင့်အလမ်းတွေ အပြည့်အ၀ ခံစားခွင့်ရှိလာအောင် မဆောင်ကျဉ်းပေးနိုင်ခဲ့ပါဘူး။ ဒါကြောင့် (၁၉၉၆) မှာ နီပေါကွန်မြူနစ်ပါတီက ဦးဆောင်ပြီး ဒီမိုကရေစီတ်ာလှန်ရေးသစ် လူထုစစ်ပွဲကို ဆင်နွှဲခဲ့ရပါတော့တယ်။

နီပေါအမျိုးသမီးတွေဟာ ဒီမိုကရေစီ တော်လှန်ရေးသစ်မှာ တက်တက်ကြွကြွပါဝင်ခဲ့ကြပါတယ်။ အဲဒီအချိန်က နီပေါပြည်သူလူထုရဲ့ ၈၈ ရာခိုင်နှုန်းဟာ ကျေးလက်ပြည်သူတွေဖြစ်ပြီး၊ ၈၁ ရာခိုင်နှုန်းဟာ လယ်ယာစိုက်ပျိုးရေးလုပ်ကိုင်ကြပါတယ်။ ချမ်းသာကြွယ်ဝတဲ့ မြေပိုင်ရှင်တွေရဲ့ ဆယ်ရာခိုင်နှုန်းက မြေယာရဲ့ ၆၅ ရာခိုင်နှုန်းကို ပိုင်ဆိုင်ပြီး၊ ဆင်းရဲသား လယ်သမားတွေရဲ့ ၆၅ ရာခိုင်နှုန်းက မြေယာဆယ်ရာခိုင်နှုန်းကိုသာ ပိုင်ဆိုင်ကြပါတယ်။အမျိုးသမီးတွေဟာ မိဘရဲ့ မြေယာအမွေအနှစ်ကိုတောင် ပိုင်ဆိုင်ခွင့်မရှိပါဘူး။ တချို့ဒေသတွေမှာဆိုရင် အမျိုးသမီးတွေဟာ လုပ်အားခေါင်းပုံဖြတ်တာကို ခံရရုံတင်မကပဲ လယ်ပိုင်ရှင်တွေရဲ့ လိင်ကျေးကျွန်ဘ၀ကို ကျရောက်နေကြပါတယ်။ အမျိုးသားနဲ့အမျိုးသမီး တန်းတူရည်တူလုပ်ခလဲ မရကြပါဘူး။ မြို့ပြစက်ရုံတွေမှာလဲ အမျိုးသမီးတွေဟာ ဗျူရိုကရက်အရင်းရှင်တွေရဲ့ ခေါင်းပုံဖြတ်တာကို ခံစားနေကြရပါတယ်။ ဒီလိုစီးပွားရေးဖိနှိပ်မှုသာမက လူမှုရေးဖိနှိပ်မှုတွေလဲ ခံစားကြရပါတယ်။ အမျိုးသားတွေကသာ အမျိုးသမီးတွေထက် ပိုမိုမြင့်မြတ်တယ်၊ အမျိုးသမီးဆိုတာ ဖခင်တွေကို မှီခိုနေရတဲ့ သမီးတွေ၊ လင်ယောက်ျားတွေကို မှီခိုနေရတဲ့ ဇနီးတွေ၊ သားတွေကို မှီခိုနေရတဲ့ မိခင်တွေသာဖြစ်တယ်ဆိုတဲ့ အယူအဆတွေကလဲ လူ့အဖွဲ့အစည်းအတွင်းမှာ အမြစ်တွယ်နေပါတယ်။ ဖခင်တွေက သမီးတွေထက် သားတွေကို ပိုလိုချင်ကြပါတယ်။ ဇနီးသည်တွေကို သားယောက်ျားလေး မမွေးမချင်း အတင်းအကြပ်ကိုယ်ဝန်ဆောင်ခိုင်းပါတယ်။ သားယောက်ျားမမွေးတဲ့ ဇနီးတွေကို စွန့်ပစ်တာ၊ ဇနီးနှစ်ယောက် တပြိုင်တည်းပေါင်းသင်းနေထိုင်တာတွေ ပြုလုပ်ကြပါတယ်။ လူမှုရေးဖိနှိပ်မှုတင်မကပဲ နိုင်ငံရေးအရ ဖိနှိပ်မှုတွေကိုလဲ အမျိုးသမီးတွေ ခံစားကြရပါတယ်။ အမျိုးသားတွေကိုသာ ရှင်ဘုရင်တင်မြှောက်တဲ့ စနစ်ဖြစ်တာကြောင့် နိုင်ငံရေးအာဏာကို အမျိုးသားတွေကသာ ကျင့်သုံးခွင့်ရှိပါတယ်။ အမျိုးသားတွေကသာအုပ်ချုပ်သူဖြစ်တယ်ဆိုတဲ့ သဘောတရားတွေကလဲလူထုထဲမှာ ပျံ့နှံ့နေပါတယ်။ ပါလီမန်မှာ အမျိုးသမီးအချို့ပါဝင်လာပေမယ့် နိုင်ငံရေးလုပ်တဲ့ အမျိုးသမီးတွေဟာ ထင်ရှားတဲ့ နိုင်ငံရေးသမားတွေရဲ့ သမီးတွေ၊ ဇနီးသည်တွေက ပိုများပါတယ်။ ဖခင်အရှိန်၊ လင်ယောက်ျားအရှိန်နဲ့ နိုင်ငံရေးလောကထဲ ရောက်လာသူတွေပါ။ လူထုထဲက ပေါ်ထွက်လာတဲ့ အမျိုးသမီးတွေကျပြန်တော့လဲ လင်ယောက်ျားအပေါ် အမှီအခိုကင်းတဲ့ မုဆိုးမတွေ၊ တခုလပ်တွေပဲ ရှိပါတယ်။ ဖခင်တွေ၊ အိမ်တွေဘက်တွေက သဘောမတူရင် နိုင်ငံရေးမလုပ်နိုင်တဲ့ အခြေအနေမျိုး ဖြစ်နေပါတယ်။

ဒီလိုစီးပွားရေး၊ လူမှုရေး၊ နိုင်ငံရေးဘက်စုံထောင့်စုံမှာ ဖိနှိပ်ခံနေရတဲ့ အမျိုးသမီးတွေဟာ ဒီမိုကရေစီတော်လှန်ရေးသစ်မှာ တော်လှန်ရေးအတွေးအခေါ်သစ်တွေကို ကိုင်စွဲပြီး တိုက်ပွဲဝင်ခဲ့ကြပါတယ်။ “အမျိုးသမီးတွေရဲ့ တန်းတူရည်တူ လယ်ယာပိုင်ဆိုင်ခွင့်“ကြွေးကြော်သံနဲ့အတူ တော်လှန်ရေးမှာ ပါဝင်ခဲ့ကြပါတယ်။ တန်းတူပိုင်ဆိုင်ခွင့်ဆိုတဲ့ တော်လှန်ရေးအတွေးအခေါ်ဟာ ကျေးလက်၊ မြို့ပြအလုပ်သမားလူတန်းစား အမျိုးသမီးတွေရဲ့ စီးပွားရေး၊ လူမှုရေး မျှော်လင့်ချက်ရောင်ခြည်ဖြစ်ခဲ့ပါတယ်။ အမျိုးသားကြီးစိုးရေးဝါဒကို ဖယ်ရှားပစ်တဲ့ တော်လှန်ရေးဖြစ်တာကြောင့် အမျိုးသမီးတွေရဲ့ နိုင်ငံရေးအခွင့်အလမ်းတွေကို တိုးတက်စေနိုင်ပါတယ်။ ဒီလိုအတွေးအခေါ်ကို ချမှတ်ပြီးတာနဲ့ နီပေါအမျိုးသမီးတော်လှန်ရေးအသင်းဟာ တော်လှန်ရေးလမ်းစဉ်ကို ချမှတ်ဖ်ာဆောင်ပါတယ်။ တော်လှန်ရေး အတွေးအခေါ် မရှိပဲ တော်လှန်ရေးလမ်းစဉ်ကို ချလို့မရပါဘူး။ အမျိုးသမီးအခွင့်အရေး လှုပ်ရှားမှုမှာ လမ်းစဉ် သုံးရပ်ရှိပါတယ်။ ပထမလမ်းစဉ်က reactionary trend ပါ။ ဒီလမ်းစဉ်က မြေရှင်နဲ့ အရင်းရှင်တွေကို ဆန့်ကျင်ကန့်ကွက်တာတွေ မရှိပါဘူး။ အမျိုးသမီးအခွင့်အရေးကို ကဏ္ဍတခုအနေနဲ့ ဆောင်ရွက်ပြီး၊ အမျိုးသားတွေရဲ့ လွှမ်းမိုးမှုကို ထိပ်တိုက်ရင်ဆိုင်ခြင်း မပြုလုပ်ပါဘူး။ နောက်ထပ်လမ်းစဉ်တခုကတော့ revisionist trend ပါ။ သူက နားဝင်အောင် ပညာပေး သိမ်းသွင်းတဲ့ ပျော့ပြောင်းသော ချဉ်းကပ်နည်းလမ်းဖြစ်ပါတယ်။နောက်ထပ် လမ်းစဉ်တခုကတော့ revolutionary trendဖြစ်တဲ့ တော်လှန်ရေးလမ်းစဉ်ဖြစ်ပါတယ်။ ဒီလမ်းစဉ်ကတော့ လူတန်းစားဖိနှိပ်မှုတွေ၊ ကျားမခွဲခြားမှုတွေနဲ့ ပတ်သက်ပြီး ပြတ်ပြတ်သားသား ဆန့်ကျင်ကန့်ကွက်ပါတယ်။ အမျိုးသမီးတွေကို နိုင်ငံတော်က ဖိနှိပ်တာတွေတင်မက မိသားစုတွင်းမှာ ဖခင်တွေ၊ အိမ်ထောင်ဘက်တွေက နှိမ့်ချဆက်ဆံတာတွေကိုပါ လက်မခံပါဘူး။ ထိပ်တိုက်ရင်ဆိုင် ကန့်ကွက်မှုတွေ ပြုလုပ်ပါတယ်။ နီပေါအမျိုးသမီးတော်လှန်ရေး အသင်းဟာ တော်လှန်ရေးလမ်းစဉ်ကို ချမှတ်အကောင်အထည်ဖော်ခဲ့ကြပါတယ်။ လူအင်အား (၁၁) ယောက်ရှိတဲ့ တော်လှန်ရေးတပ်စိတ်တိုင်းမှာ အမျိုးသမီးနှစ်ယောက်ပါရမယ့် မူဝါဒချမှတ်ကျင့်သုံးပါတယ်။ အမျိုးသမီးတွေဟာ ညဘက်မှာ တိုက်ခိုက်ရေး၊ နေ့မှာ ထုတ်လုပ်ရေးနဲ့ ၀ါဒဖြန့်ချိရေးတာဝန်တွေ ယူခဲ့ကြပါတယ်။ အမျိုးသားက တိုက်ခိုက်ရေး၊ အမျိုးသမီးက ချက်ပြုတ်ရေး စတဲ့ ကျားမခွဲခြားဆက်ဆံမှု သဏ္ဍာန် မရှိခဲ့ပါဘူး။ အလုပ်ခွဲဝေမှုစနစ်ကို ကျားမတန်းတူ ဆောင်ရွက်တဲ့ စနစ် ကျင့်သုံးခဲ့ပါတယ်။ ခြေကုပ်ယူတပ်စွဲထားတဲ့ ဒေသတွေမှာ ကျေးရွာကာကွယ်ရေး ကော်မတီတွေ၊ အမျိုးသမီးအဖွဲ့တွေ ဖွဲ့စည်းထားပါတယ်။ လူထုခုံရုံးဖွဲ့ပြီး အမျိုးသားတွေက အမျိုးသမီးတွေကို ရိုက်နှက်တာ၊ အနိုင်ကျင့် စော်ကားတာတွေကို ဖော်ထုတ်အရေးယူပြစ်ဒဏ်ပေးပါတယ်။

တော်လှန်ရေးကာလတလျှောက်မှာ အမျိုးသမီးရဲဘော်တွေဟာ အမျိုးသားတွေထက် ပိုပြီး တော်လှန်ရေးအပေါ် ယုံကြည်ချက်၊ ခံယူချက်လဲ ပြင်းထန်ခဲ့ကြပါတယ်။ အမျိုးသားတွေအတွက်က လူတန်းစား တော်လှန်ရေးအသွင်ပဲ ဆောင်တာဖြစ်ပေမယ့် အမျိုးသမီးတွေအတွက်ကတော့ လူထုလူတန်းစားတော်လှန်ရေးသာမက ကျားမခွဲခြားဖိနှိပ်မှုကိုပါ တော်လှန်ပုန်ကန်ရတာ ဖြစ်လို့ပါပဲ။ ဒီလိုနဲ့ ၂၀၀၅ ခုနှစ်မှာ ဆယ်နှစ်ကြာဆင်နွှဲခဲရတဲ့ ဒီမိုကရေစီတော်လှန်ရေးသစ်ကြီး အောင်မြင်ခဲ့ပါတယ်။ အပစ်အခတ်ရပ်စဲရေးသဘောတူညီမှုပြုလုပ်ပြီး တော်လှန်ရေးအသွင်ဟာ လက်နက်ကိုင်တော်လှန်ရေးကနေ လူထုလှုပ်ရှားမှုအသွင်ကို ကူးပြောင်းသွားပါတယ်။ သန်းပေါင်းများစွာသော ပြည်သူလူထုဟာ လမ်းမတွေပေါ်ထွက်လာခဲ့ကြပါတယ်။ ဘုရင်စနစ်ရပ်စဲရေး၊ တန်းတူညီမျှမှုအခြေခံတဲ့ ဖွဲ့စည်းပုံအခြေခံ ဥပဒေသစ် ရေးဆွဲရေးတွေကို တောင်းဆိုခဲ့ကြပါတယ်။

ဒီမိုကရက်တစ်မြန်မာ့အသံပရိသတ်များရှင်။
အခုဆိုရင် နီပေါနိုင်ငံရဲ့ ညွန့်ပေါင်းအစိုးရအဖွဲ့အစည်းအတွင်းမှာ အမျိုးသမီး လွှတ်တော်အမတ်တွေ ပါဝင်လာခဲ့ပါတယ်။ ရွေးကောက်ခံ ကိုယ်စားလှယ်ငါးရာကျော်မှာ ၂၂၀ဟာ လူထုစစ်ပွဲကို ဦးဆောင်ခဲ့တဲ့ နီပေါကွန်မြူနစ်ပါတီ က ဖြစ်ပါတယ်။ ဒီအထဲမှာ အမျိုးသမီး ၂၂ ယောက် ပါဝင်လာခဲ့ပါတယ်။ မြေယာပိုင်ဆိုင်ခွင့်၊ ဘဏ်စာရင်းဖွင့်ခွင့်တောင် မရှိခဲ့တဲ့ အမျိုးသမီးတွေဟာ ပါလီမန်ထဲကို အမျိုးသားတွေနဲ့ တန်းတူရင်ဘောင်တန်းပြီး ၀င်ရောက်နိုင်ခဲ့ကြပါပြီ။ လူ့အဖွဲ့အစည်းအတွင်းမှာ တန်းတူညီမျှမှု၊ တရားမျှတမှုအတွက် ဆောင်ရွက်နေကြတဲ့ အမျိုးသမီးနိုင်ငံရေးတက်ကြွလှုပ်ရှားသူ အများအပြားလဲ ပေါ်ထွက်နေခဲ့ပါပြီ။ အသိဥာဏ်ပွင့်လင်းတဲ့ အမျိုးသားတွေနဲ့ တော်လှန်ရေးလမ်းစဉ်ကို ပြတ်ပြတ်သားသား ရွေးချယ်ရဲတဲ့ အမျိုးသမီးတွေဟာ နီပေါနိုင်ငံတော်သစ်ကို အတူတကွ တည်ဆောက်နေကြပြီဖြစ်ပါကြောင်း တင်ပြလိုက်ရပါတယ်ရှင်။

ခင်မမမျိုး (၂၀၀၉)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

အမေရိကန်အမျိုးသမီးများရဲ့ လူ့အခွင့်အရေးလှုပ်ရှားမှု

ဒီမိုကရက်တစ်မြန်မာ့အသံ ပရိသတ်များရှင်။

အခုတပတ်အမျိုးသမီးအခွင့်အလမ်းအစီအစဉ်မှာ အမေရိကန်အမျိုးသမီးများရဲ့ တန်းတူညီမျှလူ့အခွင့်အရေး လှုပ်ရှားမှုအကြောင်းကို စီစဉ်တင်ဆက်မှာဖြစ်ပါတယ်။ (၁၇၇၆) ခုနှစ်မှာ အမေရိကန်ပြည်ထောင်စုရဲ့ ပထမဆုံးဖွဲ့စည်းပုံအခြေခံဥပဒေ ထွက်ပေါ်လာပါတယ်။ ဒါပေမယ့် ဒီဖွဲ့စည်းပုံအခြေခံဥပဒေထဲမှာ ပါဝင်တဲ့ အခွင့်အရေးတွေဆိုတာက အမျိုးသားတွေအတွက်ပဲ ရည်ရွယ်ခဲ့တာဖြစ်ပါတယ်။ အမျိုးသမီးတွေကတော့ လူမှုထုံးတမ်းစဉ်လာတွေနဲ့ အင်္ဂလိပ်ဥပဒေတွေနဲ့အညီပဲ ဆက်ဆံခံခဲ့ရပါတယ်။ ဒီခေတ်ကာလတွေက အမျိုးသမီးတွေဟာ မိဘဘိုးဘွား အမွေအနှစ်ကြောင့် မြေယာပိုင်ဆိုင်မှုအခွင့်အလမ်းတွေ ရှိရင်တောင်မှ အိမ်ထောင်ပြုချိန်မှာ လင်ယောက်ျားဖြစ်သူတွေ ပိုင်ဆိုင်မှုတွေ လွှဲပေးရပါတယ်။




အမျိုးသမီးတွေဆီမှာ မဲပေးပိုင်ခွင့်မရှိပါဘူး။ အလုပ်လုပ်လို့ လုပ်ခရရင်လဲ လင်ယောက်ျားကိုပဲ ပေးရပါတယ်။ မိသားစု ပိုက်ဆံအနေနဲ့သာ အသုံးပြုခွင့်ရှိပါတယ်။ တဦးတည်းပိုင်ဆိုင်တဲ့ ငွေကြေးအဖြစ် စုဆောင်းသုံးစွဲလို့ မရပါဘူး။ အမျိုးသမီးတွေဟာ လက်ထပ်လိုက်တာနဲ့ လင်ယောက်ျားကို မှီခိုသူအဖြစ် တရားဝင် သတ်မှတ်ခံရပါတယ်။ လင်ယောက်ျားဖြစ်သူက ဇနီးသည်တွေကို ထောင်ချပိုင်ခွင့်၊ ရိုက်နှက်ပိုင်ခွင့်ရှိပါတယ်။ လင်မယား ကွာရှင်းပြတ်စဲမှုဖြစ်တဲ့အခါ ကလေးတွေကို ထိန်းသိမ်းစောင့်ရှောက်ခွင့်ကို အမျိုးသားကပဲ ရရှိပါတယ်။ အမျိုးသမီးတွေ အလုပ်လုပ်ကြရင်လဲ သူတို့ရရှိတဲ့ လစာက အမျိုးသားတွေနဲ့ တန်းတူုညီမျှ မရှိပါဘူး။ အစိတ်အပိုင်း အနည်းငယ်မျှသာ ရပါတယ်။ ကောလိပ်၊ တက္ကသိုလ်တွေကို ၀င်ခွင့်ရဖို့ အလွန်ပဲ ခဲယဉ်းလှပါတယ်။

ဒီလိုစနစ်ဆိုးတွေအောက်မှာ အဖိနှိပ်ခံနေရတဲ့ အမျိုးသမီးတွေရဲ့ ဘ၀တွေကို မီးမောင်းထိုးပြပြီး၊ အမျိုးသမီးအခွင့်အရေးလှုပ်ရှားမှုကို စတင်ခဲ့တဲ့ ပထမဆုံးသမိုင်းဝင်ဖြစ်ရပ်ကတော့ ၁၈၄၈ ခုနှစ်၊ ဆက်နီကာဖောလ်စ် ညီလာခံကြီးပဲဖြစ်ပါတယ်။ ဒီညီလာခံမှာ အမျိုးသမီးအခွင့်အရေးလှုပ်ရှားသူတွေဖြစ်တဲ့ အက်လီဇဘက်စတင်တန်နဲ့ လူဂရီရှာမော့တ် တို့ တွေ့ဆုံခဲ့ကြပါတယ်။ သူတို့နှစ်ယောက်နဲ့ တခြားအမျိုးသမီးအခွင့်အရေးလှုပ်ရှားသူတွေဟာ ဒီညီလာခံမှာပဲ အမျိုးသမီးတွေရဲ့ သဘောထားခံစားချက် ကြေငြာစာတမ်းကို ထုတ်ပြန်ခဲ့ကြပါတယ်။ ဒီကြေငြာစာတမ်းမှာ အမျိုးသမီးတွေဟာ လင်ယောက်ျားတွေကို မှီခိုနေသူတွေအဖြစ် တရားဝင်သတ်မှတ်ခံရတဲ့ အချက်အပါအ၀င် ၀မ်းနည်းကြေကွဲဖွယ်ရာ အချက် (၁၈) ချက်ကို ထည့်သွင်းဖော်ပြခဲ့ကြပါတယ်။ ဒီနှစ်ထဲမှာပဲ အမျိုးသမီးအခွင့်အရေးလှုပ်ရှားသူတွေ ဆယ့်နှစ်နှစ်ကြာအောင် ကြိုးပမ်းခဲ့တဲ့ အောင်ပွဲတခုက စတင်ရရှိလာပါတယ်။ နယူးယော့ခ် စတိတ်မှာ “လက်ထပ်ထားသော အမျိုးသမီးများရဲ့ မြေယာပိုင်ဆိုင်မှုဥပဒေ“ ကို ပြဌာန်းပေးလိုက်ရတာဖြစ်ပါတယ်။ ဒီကင်ပိန်းကို ဦးဆောင်ခဲ့တဲ့ ရို့စ်နဲ့ အက်လီစဘက်စတင်တန်တို့ဟာလဲ ယုံကြည်ချက်သူ၊ ရပ်တည်ချက်တူတဲ့ ဘ၀တသက်တာ မိတ်ဆွေတွေဖြစ်သွားပါတယ်။

(၁၈၅၂) ခုနှစ်ရောက်တော့ စတင်တန်နဲ့ စူဆန်ဘရောင်းနဲလ်အန်တိုနီတို့ တွေ့ဆုံခဲ့ကြပါတယ်။ အမျိုးသမီး အခွင့်အရေးနဲ့ ပတ်သက်ပြီး ယုံကြည်ချက်၊ ရပ်တည်ချက်တွေ တူညီတာကြောင့် သူတို့နှစ်ဦးဟာ တဦးရဲ့လှုပ်ရှားမှုကို တဦးက အပြန်အလှန်ဖြည့်ဆည်းဆောင်ရွက်ပေးဖို့ ဆုံးဖြတ်ခဲ့ကြပါတယ်။ လှုပ်ရှားမှုတွေမှာ အောင်မြင်ဖို့လမ်းစတွေ ရှိနိုင်လား၊ မရှိနိုင်ဘူးလားဆိုတာကို လှုပ်ရှားမှုတွေကို ဦးဆောင်နေတဲ့ ခေါင်းဆောင်တွေရဲ့ စိတ်ဓာတ်၊ အမြော်အမြင်ကို ကြည့်ပြီး ဆုံးဖြတ်နိုင်ပါတယ်။ ခေါင်းဆောင်တွေအချင်းချင်းကြားမှာ ပြိုင်ဆိုင်မှုတွေ၊ နာမည်ကောင်းရယူလိုမှုတွေ၊ တပည့်မွေးမှုတွေ ဖြစ်နေရင်၊ ခေါင်းဆောင်ဟောင်းတွေက မျိုးဆက်သစ်တွေကို လက်တွဲခေါ်ယူမှုတွေ၊ လက်ဆင့်ကမ်း တာဝန်ပေးမှုတွေ မရှိဘူးဆိုရင် အဲဒီလှုပ်ရှားမှုတွေ အနှေးနဲ့အမြန် ကျဆုံးတော့တာပါပဲ။ အမေရိကန်အမျိုးသမီးအခွင့်အရေးလှုပ်ရှားမှု ခေါင်းဆောင်တွေကတော့ သဘောထားကြီးကြီးနဲ့ စိတ်ထားတွေ မြင့်မြတ်ခဲ့ကြပါတယ်။ သူတို့ရဲ့ ထူးခြားချက်ကတော့ ဘယ်နေရာမှာ၊ ဘယ်လိုအသွင်သဏ္ဍာန်မျိုးနဲ့ ဆုံတွေ့တာပဲဖြစ်ဖြစ်၊ တဦးနဲ့တဦးကူညီပံ့ပိုးပေးဖို့ အဆင်သင့်ဖြစ် သွားကြတာပဲ ဖြစ်ပါတယ်။ လှုပ်ရှားမှုကြီးရဲ့ အောင်ပွဲကို တဦးချင်းရဲ့ ပုဂ္ဂိုလ်ရေးအောင်မြင်မှုတွေထက် ပိုပြီး တန်ဖိုးထားခဲ့ကြပါတယ်။
အမျိုးသမီးတွေဟာ အမျိုးသမီးအခွင့်အရေးတွေအတွက် တိုက်ပွဲဝင်နေကြတုန်းမှာပဲ တနိုင်ငံလုံးအရေးဖြစ်တဲ့ အမေရိကန်ပြည်တွင်းစစ်ကာလရောက်တော့ ကျေးကျွန်စနစ် ပပျောက်ရေးကင်ပိန်းတွေ ပြုလုပ်လာ ကြပါတယ်။ သူတို့မျှော်လင့်ခဲ့ကြတယ်။ တနိုင်ငံလုံး တန်းတူညီမျှရေးအတွက် လှုပ်ရှားမှုမှာ ပါဝင်ခဲ့တယ်ဆိုရင် သူတို့ကိုယ်တိုင်လဲ တန်းတူညီမျှခွင့်ကို ရမှာပဲလို့ မျှော်လင့်ခဲ့ကြတယ်။ ဒါပေမယ့် လက်တွေ့မှာကျတော့ သူတို့ မျှော်လင့်ချက်တွေ မပြည့်ဝခဲ့ပါဘူး။ ထပ်ပြီးပြင်ဆင်လိုက်တဲ့ ဥပဒေတွေအရ မဲပေးခွင့်ဟာ လူမည်းအမျိုးသားတွေအတွက်ပဲ ဖြစ်တယ်။ လူဖြူ၊ လူမည်း အမျိုးသမီးတွေရဲ့ အခွင့်အရေး မဟုတ်ခဲ့ဘူး။

အမျိုးသမီးခေါင်းဆောင်တွေက သူတို့ရဲ့ ဦးတည်ချက်တွေကို မစွန့်လွှတ်ခဲ့ကြပါဘူး။ အောင်ပွဲတခုရပေမယ့် ဒီအောင်ပွဲဟာ ကိုယ်ရဲ့ ပန်းတိုင်မဟုတ်ဘူးဆိုရင် အဆုံးသတ်အောင်ပွဲရရှိတဲ့ ပန်းတိုင်ဆီကို ဆက်သွားရမှာပဲဖြစ်ပါတယ်။ စိတ်တူကိုယ်တူ ရဲဘော်ရဲဘက်နှစ်ဦးဖြစ်တဲ့ စတင်တန်နဲ့ အန်တိုနီတို့ဟာ အမျိုးသမီး မဲပေးခွင့်လှုပ်ရှားမှုအစည်းအရုံးကို ထူထောင်ခဲ့ကြပါတယ်။ တပြိုင်နက်တည်းမှာပဲ လူစီစတုန်းဦးဆောင်တဲ့ အမေရိကန် အမျိုးသမီးမဲပေးခွင့်လှုပ်ရှားမှု အစည်းအရုံးလဲ ပေါ်ပေါက်လာခဲ့ပါတယ်။ ၁၈၇၀ ရောက်တော့ လူစီစတုန်း အယ်ဒီတာအဖြစ် တည်းဖြတ်တဲ့ အမျိုးသမီးဂျာနယ်ထွက်ပေါ်လာပါတယ်။ အမျိုးသမီးစာစောင်တွေ၊ ဂျာနယ်တွေ ထွက်ပေါ်လာတဲ့အခါ အမျိုးသားတွေက မိတ်ကပ်တွေ၊ ဆံပင်ပုံစံတွေနဲ့ဆိုင်တဲ့ အမျိုးသမီးရေးကိစ္စတွေဆိုပြီး မဆိုင်သလို သဘောထားတတ်ကြပါတယ်။ အမျိုးသမီးစာစောင်တွေထဲမှာ မိတ်ကပ်တွေ၊ ဖက်ရှင်တွေကို ဦးစားပေးတဲ့ စာစောင်တွေရှိသလို အမျိုးသမီး အခွင့်အရေးအတွက် တိုက်ပွဲဝင်စာစောင်တွေလဲ ရှိပါတယ်။ ဒါတွေကိုကျတော့ အမျိုးသားတွေက မဆိုင်သလို သဘောထားလို့ မရတော့ပါဘူး။ အမျိုးသားဦးဆောင်တဲ့ လူ့အဖွဲ့အစည်းကနေ အမျိုးသမီးနဲ့ အမျိုးသားတွေ ပူးတွဲဦးဆောင်တဲ့ လူ့အဖွဲ့အစည်းတခုရဲ့ အပြောင်းအလဲကို ဆောင်ကျဉ်းပေးတာကြောင့်ပဲ ဖြစ်ပါတယ်။ ဒါကြောင့် အမျိုးသမီးအခွင့်အရေးစာစောင်တွေဟာ အမျိုးသမီးတွေ သူတို့ရဲ့ အခွင့်အရေးကို သူတို့နားလည်လာစေရေးသာမကပဲ အမျိုးသားတွေ တိုးတက်တဲ့လူ့ဘောင်သစ်ကို နားလည်လာစေရေး အတွက်ပါ ရည်ရွယ်ထုတ်ဝေရမှာဖြစ်ပါတယ်။
၁၈၇၂ ရောက်တော့ အန်တိုနီက မဲပေးခွင့်မရပေမယ့် မဲသွားပေးပါတယ်။ တခြားအမျိုးသမီးတွေကလဲ သူ့ဦးဆောင်မှုနောက်ကနေ မဲသွားပေးခဲ့ကြပါတယ်။ ဒီအတွက် သူနဲ့ မဲရုံကြီးကြပ်သူတွေပါ အဖမ်းခံရပါတယ်။ နှစ်နှစ်ကျော်ကြာနေတဲ့ အမှုစစ်ဆေးမှုဟာ အဲဒီခေတ်ကာလရဲ့ နာမည် အကြီးဆုံးသတင်းတခုပါပဲ။ ၁၈၇၈ ရောက်တော့ ကွန်ကရက်စ်ကနေ ဥပဒေပြင်ဆင်သတ်မှတ်မှုတွေ စတင်ပြုလုပ်လာရပါတယ်။ ၂၀ရာစုအစပိုင်းရောက်တော့ ဗြိတိန်အမျိုးသမီးလှုပ်ရှားမှုကို အတုယူပြီး အမေရိကန်အမျိုးသမီး အတော်များများလှုပ်ရှားမှုမှာ ပါလာကြပါတယ်။ ၁၉၁၃ ခုနှစ်၊ မတ်လ (၃) ရက်နေ့မှာ မျိုးဆက်သစ်ခေါင်းဆောင်တွေဖြစ်တဲ့ အဲလစ်ပေါလ်နဲ့ လူစီဘန်းစ်တို့ဦးဆောင်ပြီး အမျိုးသမီးရှစ်ထောင်ကျော် လမ်းလျှောက်ချီတက်ပွဲ ထွက်ပေါ်လာပါတယ်။ လူငါးသိန်းကျော်က ထောက်ခံခဲ့ကြပါတယ်။ (၁၉၂၀) ရောက်တော့ အမျိုးသမီးတွေကို မဲပေးခွင့်ပြုတဲ့ ဖွဲ့စည်းပုံ အခြေခံဥပဒေပြင်ဆင်ချက် ထွက်လာပါတယ်။ မဲပေးခွင့်ရပြီးတဲ့အခါမှာလဲ အမျိုးသမီးအခွင့်အရေး လှုပ်ရှားသူတွေဟာ အမျိုးသမီးတန်းတူညီမျှခွင့်အတွက် ဘက်ပေါင်းစုံကနေ တိုက်ပွဲဝင်ခဲ့ကြပါတယ်။

ဒီမိုကရက်တစ်မြန်မာ့အသံပရိသတ်များရှင်။
အခုဆိုရင် အမေရိကန်ပြည်ထောင်စုမှာ အမျိုးသမီးမဲပေးသူအရေအတွက်ဟာ အမျိုးသားမဲပေးသူ အရေအတွက် ရာခိုင်နှုန်းထက် ပိုများနေပါတယ်။ နိုင်ငံရေးအဖွဲ့အစည်းတွေ၊ အစိုးရတွေမှာ ခေါင်းဆောင်အဖြစ် ပါဝင်တဲ့ အမျိုးသမီးများလဲ ပေါ်ထွက်လာပြီဖြစ်ပါတယ်။ အမေရိကန်က တက္ကသိုလ်၊ ကောလိပ်များမှာ အမျိုးသမီးပညာရှင်များစွာက သင်တန်းတွေ ပို့ချနေကြသလို၊ အမျိုးသားများကသာ လွှမ်းမိုးခဲ့တဲ့ စစ်ရုံးတွေ၊ နိုင်ငံတော်လုံခြုံရေး၊ နိုင်ငံခြားရေးတွေမှာ ဦးစီးခေါင်းဆောင်နေကြတဲ့ အမျိုးသမီးတွေ ပေါ်ထွက်လာနေပါပြီ။ တန်းတူညီမျှခွင့်နဲ့ အပြန်အလှန်လေးစားမှုတွေ ပေါ်ထွက်လာတာကြောင့် အမျိုးသမီးတွေရဲ့လုပ်အားနဲ့ ဦးနှောက်ကို လူ့အဖွဲ့အစည်းအတွက် အပြည့်အ၀ အသုံးပြုခွင့် ရလာတာဖြစ်ပါတယ်။ ယနေ့ခေတ်ကမ္ဘာရဲ့ အင်အားကြီးနိုင်ငံတနိုင်ငံအဖြစ် ရပ်တည်နေနိုင်မှုဟာ အမျိုးသမီးများအပါအ၀င် နိုင်ငံသူ၊ နိုင်ငံသားအားလုံးရဲ့ ပူးပေါင်းဆောင်ရွက်မှုတွေကြောင့် ဖြစ်ပါကြောင်း တင်ပြလိုက်ရပါတယ်ရှင်။

ခင်မမမျိုး (၂၀၀၉)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

ထိုင်ဝမ်အမျိုးသမီးများ၏ လူ့အခွင့်အရေး လှုပ်ရှားမှု

ဒီမိုကရက်တစ် မြန်မာ့အသံပရိသတ်ကြီးရှင်။

အခုတပတ် အမျိုးသမီးအခွင့်အလမ်း အစီအစဉ်မှာ ထိုင်ဝမ်အမျိုးသမီးရဲ့ လူ့အခွင့်အရေး လှုပ်ရှားမှု အကြောင်း ကို စီစဉ်တင်ဆက်မှာ ဖြစ်ပါတယ်။ (၁၉၃၀)ကာလတွေမှာ တရုတ်ပြည်ပကြီးမှာ ချန်ကေရှိတ်ဦးဆောင်တဲ့ ကူမင်တန်ပါတီအစိုးရနဲ့ မော်စီတုန်းဦးဆောင်တဲ့ တရုတ်ကွန်မြူနစ်ပါတီ တို့အကြားမှာ ပြည်တွင်းစစ်ဖြစ်ခဲ့ပါတယ်။ ဒီပြည်တွင်းစစ်မှာ အနိုင်ရ ကွန်မြူနစ်ပါတီက တရုတ်ပြည်သူ့ သမ္မတနိုင်ငံကို တည်ထောင်ခဲ့ပါတယ်။ ချန်ကေရှိတ်အစိုးရအဖွဲ့ဝင်များနဲ့ စီးပွားရေးလုပ်ငန်းရှင်အချို့က ထိုင်ဝမ်ကို ထွက်ပြေးခဲ့ကြပါတယ်။ တရုတ်နိုင်ငံအစိုးရအနေနဲ့ ဆက်လက်ရပ်တည်ပြီး မာရှယ်လောနဲ့ ထိုင်ဝမ်ကို အုပ်ချုပ်ခဲ့ကြပါတယ်။ ကမ္ဘာ့ကုလသမဂ္ဂနဲ့ နိုင်ငံတကာ အင်အားကြီးနိုင်ငံများက ချန်ကေရှိတ် အစိုးရကို တရုတ်နိုင်ငံအစိုးရအဖြစ် အသိအမှတ်ပြုထားခဲ့ကြပြီး၊ လုံခြုံရေးကောင်စီရဲ့ အမြဲတမ်းအဖွဲ့ဝင် (၅) နိုင်ငံမှာ ပါဝင်ခွင့်ပေးခဲ့ပါတယ်။ ၁၉၇၁ ရောက်မှ ဘက်ပြောင်းပြီး တရုတ်ပြည်သူ့သမ္မတနိုင်ငံရဲ့ မော်စီတုန်း အစိုးရကို အသိအမှတ်ပြုခဲ့တာဖြစ်ပါတယ်။ အမေရိကန်ပြည်ထောင်စုကလဲ ၁၉၇၉ ခုနှစ်ကျမှ တိုင်ပေကနေ ဘီဂျင်းအစိုးရကို ပြောင်းလဲ အသိအမှတ်ပြုခဲ့တာပါ။ အမြဲတမ်းပြောင်းလဲမှုဖြစ်နေတဲ့ နိုင်ငံတကာ ဇာတ်ခုံပေါ်က နိုင်ငံရေးသင်ခန်းစာ တခုအဖြစ် မှတ်ယူနိုင်ပါတယ်။



နိုင်ငံတကာဇာတ်ခုံဆိုတာ ပါဝင်ကပြတဲ့ နိုင်ငံများရဲ့ ကိုယ်ပိုင်အကျိုးစီးပွားကို ညင်သာစွာ အားစမ်းရယူတဲ့ နေရာတခုပါ။ ဒီကနေ့အသိအမှတ်ပြုမှုဟာ၊ နောက်တနေ့မှာ ဖယ်ရှားမှုဖြစ်နိုင်ပါတယ်။ ဒီကနေ့ သူရဲကောင်းဟာ နောက်တနေ့မှာ အကြမ်းဖက်သမား ဖြစ်နိုင်ပါတယ်။ ဒီကနေ့ မဟာမိတ်ဟာ နောက်တ နေ့မှာ ရန်သူဖြစ်နိုင်ပါတယ်။ ဒါကြောင့်လဲ နိုင်ငံတကာဇာတ်ခုံမှာ မှီခိုအားကိုးပြီး ပြုလုပ်ကြတဲ့ လွတ်မြောက် ရေးလှုပ်ရှားမှုတွေ၊ တိုင်းပြည်ထူထောင်အစိုးရဖွဲ့မှုတွေ၊ ပြည်တွင်းစစ်တွေမှာ မပြီးပြတ်နိုင်တဲ့ ပဋ္ဋိပက္ခတွေ၊ လမ်းလွဲမှုတွေနဲ့ သမိုင်းရဟတ်လည်နေကြတာပဲ ဖြစ်ပါတယ်။ တရုတ်နိုင်ငံအစိုးရအသိအမှတ်ပြုခံရမှုနဲ့ ပတ်သက်တဲ့ ချန်ကေရှိတ်အစိုးရနဲ့ မော်စီတုန်းအစိုးရကြားက အားစမ်းမှုကတော့ ပြီးပြတ်သွားခဲ့ပါတယ်။ ကုလသမဂ္ဂ အပါအ၀င် အင်အားကြီးနိုင်ငံများက ချန်ကေရှိတ်အစိုးရကို နိုင်ငံတကာဇာတ်ခုံပေါ်က ဖယ်ရှားပြီး မော်စီတုန်းအစိုးရကို အစားထိုးလိုက်လို့ပဲ ဖြစ်ပါတယ်။

ဒီလိုနဲ့ ချန်ကေရှိတ်သေဆုံးပြီးနောက်ပိုင်းမှာ ထိုင်ဝမ်မှာ မာရှယ်လောရုတ်သိမ်းတာတွေ၊ ဒီမိုကရေစီ ပြုပြင်ပြောင်းလဲမှုတွေ စတင်လာပါတယ်။ ဒါပေမယ့် ဒီမိုကရေစီအသွင်ကူးပြောင်းမှုဆိုတာဟာ အမျိုးသမီးအခွင့်အရေးတွေ ချက်ချင်းလက်ငင်းရရှိမှုမဟုတ်ပါဘူး။ ဒီမိုကရေစီစနစ်ဟာ လွတ်လပ်စွာ စုဝေးခွင့်၊ အဖွဲ့အစည်းတည်ထောင်ခွင့်၊ ဟောပြောစည်းရုံးခွင့်ကို အားပေးပါတယ်။ ဒီလိုအားပေးမှုကို အသုံးချပြီး ကိုယ်ပိုင်အခွင့်အရေးကို ကိုယ်တိုင် ကြိုးပမ်းရယူရမှာ ဖြစ်ပါတယ်။ ထိုင်ဝမ်အမျိုးသမီးတွေဟာလဲ နိုင်ငံတကာ အမျိုးသမီးလှုပ်ရှားမှုများမှာလိုပဲ ကိုယ်ပိုင်အခွင့်အရေးအတွက် ကိုယ်တိုင် ကြိုးပမ်းခဲ့ကြပါတယ်။

ထိုင်ဝမ်အမျိုးသမီးလှုပ်ရှားမှုဟာ (၁၉၇၀) ကာလတွေမှာ အစပျိုးခဲ့ပါတယ်။ စွမ်လျန်လုဆိုတဲ့ အမျိုးသမီးတဦးဟာ အမျိုးသမီးဝါဒသစ်ကို ထုတ်ဖော်ကြေညာခဲ့ပြီး လူ့အဖွဲ့အစည်းတွင်းက အမျိုးသမီးတွေအပေါ် မတရားမှုတွေကို ဖော်ထုတ်ခဲ့ပါတယ်။ ထိုင်ဝမ်လူ့အဖွဲ့အစည်းအတွင်းမှာ ပထမဆုံး ပျံ့နှံ့လာတဲ့ အတွေးအခေါ် သစ်ဖြစ်တာကြောင့် လူထုရဲ့ အာရုံစိုက်မှုကိုခံခဲ့ရပါတယ်။ ၁၉၈၂ ခုနှစ်ရောက်တော့ “အမျိုးသမီးများ နိုးထလော့“ ဆိုတဲ့ မဂ္ဂဇင်းထွက်ပေါ်လာပါတယ်။ ရမ်ချန်လီဆိုတဲ့ အမျိုးသမီးက ဦးဆောင်ထုတ်ဝေခဲ့တဲ့ ဒီမဂ္ဂဇင်းထုတ်ဝေရေးအဖွဲ့ဟာ မာရှယ်လောကာလမှာ ကျားမ တန်းတူညီမျှရေးကို အလေးပေးဆောင်ရွက်ခဲ့တဲ့ တခုတည်းသော စာပေအဖွဲ့အစည်းပါပဲ။ ဒီလိုကာလမျိုးမှာ အဖွဲ့အစည်းတရပ်တည်ထောင်ဖို့ ခဲယဉ်းတာကြောင့် စာပေအသွင်နဲ့ စတင်ဖွဲ့စည်းထားခဲ့ပြီး၊ မာရှယ်လောရုတ်သိမ်းပြီးချိန်ကျတော့ ပထမဆုံးအမျိုးသမီးအဖွဲ့အစည်းအနေနဲ့ ပေါ်ထွက်လာခဲ့ပါတယ်။ ထိုင်ဝမ်အမျိုးသမီးလှုပ်ရှားသူတွေဟာ အာဏာရှင်စနစ်ကြောင့် အဖွဲ့အစည်းဖွဲ့လို့ မရတဲ့ အခက်အခဲကို အကြောင်းပြပြီး လက်မလျှော့ခဲ့ကြပါဘူး။ စိတ်တူကိုယ်တူတွေစုစည်းပြီး အတွေးအခေါ်တိုက်ပွဲကို အရင်စခဲ့ကြတာပါ။ ဒါကြောင့်လဲ ပြောင်းလဲမှု စတင်တဲ့အခါမှာ ခိုင်မာတဲ့အမျိုးသမီး အဖွဲ့ အစည်းတရပ်ရဲ့အသွင်ကို ချက်ချင်းကူးပြောင်းသွားခဲ့ပါတယ်။

တပြိုင်နက်တည်းမှာပဲ အမျိုးသမီးအဖွဲ့များစွာလဲ ပေါ်ထွက်လာပါတယ်။ ဒါတွေဟာ အမျိုးသမီးများ နိုးထလော့ဆိုတဲ့ ဖောင်ဒေးရှင်းကနေ နှစ်များစွာ ကြိုတင်ပြီး အတွေးသစ်၊ အမြင်သစ်တွေကို လူထုအကြား မျိုးစေ့ချခဲ့တာကြောင့်ပါ။ လှုပ်ရှားမှုတခုမှာ အဖွဲ့အစည်းတွေ စုပေါင်းပြီး၊ အဖွဲ့ချုပ်ကြီးတွေ၊ တပ်ပေါင်းစုကြီးတွေ ဖွဲ့စည်းတာက အိမ်ခေါင်းမိုးတွေ ပြုလုပ်တာနဲ့ တူပါတယ်။ လူထုအကြား အတွေးအခေါ်၊ အယူအဆတွေ မျိုးစေ့ချတာက အုတ်မြစ်ချတာ၊ ကြမ်းခင်းတာနဲ့ တူပါတယ်။ အဖွဲ့အစည်းတွေအကြား ကွန်ယက်ချိတ်ဆက်မှုဆိုတာက အကာအရံဆောက်တာပါ။ ဒါတွေအားလုံးပြည့်စုံမှ အိမ်တလုံးသဏ္ဍာန်ပေါ်လာမှာဖြစ်ပါတယ်။ ဒီသဘောတရားတွေကို ထိုင်ဝမ်အမျိုးသမီးခေါင်းဆောင်တွေ သဘောပေါက်ခဲ့ကြပါတယ်။ စနစ်တကျလုပ်ဆောင်ခဲ့မှုတွေကြောင့် ထိုင်ဝမ်အမျိုးသမီးလှုပ်ရှားမှုဟာ ခေါင်မိုးပဲ ရှိနေတဲ့ လှုပ်ရှားမှုတွေ၊ ကြမ်းခင်းပဲရှိတဲ့ လှုပ်ရှားမှုတွေလို မဟုတ်ခဲ့ပါဘူး။ ဘက်ပေါင်းစုံကနေ ခိုင်မာကျစ်လစ်တဲ့ လှုပ်ရှားမှုကြီးအသွင်နဲ့ အချိန်တိုအတွင်းမှာ ကြီးထွားလာခဲ့တာပါ။

ဒီလိုနဲ့ ဒီမိုကရေစီ အသွင်ကူးပြောင်းမှုစတင်တဲ့ ၁၉၉၀ အစောပိုင်းကာလတွေမှာ အလုပ်သမားရေး၊ ကျန်းမာရေး၊ ပညာရေး၊ လူမှုစောင့်ရှောက်ရေး၊ ဆင်းရဲနွမ်းပါးမှုလျှော့ချရေးစတဲ့ ကဏ္ဍပေါင်းစုံမှာ အမျိုးသမီးအဖွဲ့အစည်းမျိုးစုံ ပေါ်ထွက်လာခဲ့ပါတယ်။ လူထုဆန္ဒပြပွဲများစွာကိုလဲ အမျိုးသမီးအဖွဲ့တွေက ဦးဆောင်ပြုလုပ်ခဲ့ကြပါတယ်။ ဒီလိုဆန္ဒပြပွဲတွေထဲမှာ ၁၉၉၆ခု၊ မတ်လ အမျိုးသမီး တရာချီတက်ပွဲကတော့ အလွန်ပဲ ထင်ရှားလှပါတယ်။ အမျိုးသမီးလှုပ်ရှားသူတွေဟာ သမ္မတရုံးကို ချီတက်ပြီး ကျားမရေးရာနဲ့ ပတ်သက်တဲ့ မူဝါဒ (၁၀၄) ချက်ကို တောင်းဆိုခဲ့ကြပါတယ်။ ၁၉၉၇ ခုနှစ်ရောက်တော့ အာဏာရအစိုးရကနေ အမျိုးသမီးအခွင့်အရေးကော်မရှင်ကို တည်ထောင်ပေးရပါတော့တယ်။ ဗဟိုအစိုးရ၊ ဒေသဆိုင်ရာ အစိုးရတွေထဲမှာ ကျားမရေးရာ ကော်မတီတွေ ထွက်ပေါ်လာပါတယ်။ အမျိုးသမီးအခွင့်အရေး ဥပဒေတွေ ချမှတ်ကျင့်သုံးလာပါတယ်။

ဒီမိုကရက်တစ်မြန်မာ့အသံပရိသတ်ကြီးရှင်။
တကယ်တော့ အမျိုးသားတွေကို ဦးစားပေးတဲ့ အစဉ်အလာဓလေ့ထုံးစံတွေနဲ့ အာဏာရှင်စနစ်ကို နှစ်ပေါင်းများစွာ ခံစားခဲ့ရတဲ့ လူ့အဖွဲ့အစည်းအတွင်းမှာ အကြောက်တရားကင်းဝေးရေး၊ တရားမျှတမှု၊ လွတ်လပ်မှု၊ တန်းတူညီမျှမှုတွေ အပြည့်အ၀ရှိလာအောင် ပြုလုပ်ဖို့ ဆိုတာ အလွန်ပဲ ခဲယဉ်းလှပါတယ်။ အချိန်အတိုင်းအတာတခုယူပြီး စနစ်တကျနဲ့ စဉ်ဆက်မပြတ်ပြုလုပ်မှသာ ရာနှုန်းပြည့်အောင်မြင်မှုရလာမှာ ဖြစ်ပါတယ်။

ဒီလိုခက်ခဲကြမ်းတမ်းမှုတွေကြားကပဲ ထိုင်ဝမ်လူ့အဖွဲ့အစည်းအတွင်းမှာတော့ ရာနှုန်းပြည့်အောင်မြင်မှု မရပေမယ့် မြင်သာထင်ရှားတဲ့ အောင်မြင်မှုတွေ ရလာအောင် အမျိုးသမီး အခွင့်အရေးလှုပ်ရှား တက်ကြွသူတွေက လုပ်ဆောင်ခဲ့ကြပြီးပါပြီ။ တိုးတက်တဲ့ အောင်မြင်မှုတွေ ရရှိအောင်လဲ သူတို့တတွေ ဆက်လက်လှုပ်ရှားနေကြဦးမှာပါ။ လီဘိုင်ရေးစပ်ခဲ့တဲ့

“အနောက်ကို ပြန်လှည့်ကြည့်ရင်
တို့တွေ လျှောက်လှမ်းခဲ့တဲ့
လမ်းကြောင်းကြီးရဲ့
အရိပ်တွေကို
မြင်နေရဆဲပါ“
ဆိုတဲ့ ကဗျာတပုဒ်လိုပါပဲ။

အခွင့်အရေးလှုပ်ရှားမှုတိုင်းမှာ ပန်းတိုင်ရောက်အောင် လှမ်းတက်ခဲ့ကြတဲ့ ခြေလှမ်းတွေက အများကြီးပါ။ ဒီခြေလှမ်းတွေရဲ့ အောင်ပွဲတွေကို တန်ဖိုးထားရင်း၊ အဆုံးသတ်ပန်းတိုင်ကို ဇွဲနဘဲနဲ့ ဆက်လျှောက်ရမယ်ဆိုတဲ့ အရေးကြီးသင်ခန်းစာတရပ်ကို ထိုင်ဝမ်အမျိုးသမီးအခွင့်အရေးလှုပ်ရှားသူများက မီးမောင်းထိုးပြနေပါကြောင်း တင်ပြလိုက်ရပါတယ်ရှင်။

ခင်မမမျိုး (၂၀၀၉)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

တောင်အာဖရိကအမျိုးသမီး အခွင့်အရေး လှုပ်ရှားမှု

ဒီမိုကရက်တစ် မြန်မာ့အသံ ပရိသတ်များရှင်။

အခုတပတ်အမျိုးသမီး အခွင့်အလမ်းအစီအစဉ်မှာ တောင်အာဖရိကအမျိုးသမီးများရဲ့ လူ့အခွင့်အရေး လှုပ်ရှားမှုတွေကို စီစဉ်တင်ဆက်မှာ ဖြစ်ပါတယ်။ တောင်အာဖရိကနိုင်ငံဟာ အာဖရိကတိုက်တောင်ပိုင်း ဒေသက နယ်မြေဒေသကျယ်ဝန်းတဲ့ နိုင်ငံကြီးတနိုင်ငံဖြစ်ပါတယ်။ ၁၇၉၅ ခုနှစ်မှာ ကမ္ဘာ့အရှေ့ခြမ်းဒေသ ပင်လယ်ရေကြောင်း စိုးမိုးရေးဗျူဟာအရ ဗြိတိသျှအင်ပါယာရဲ့ သိမ်းယူခြင်းကို ခံခဲ့ရပါတယ်။ ကိုလိုနီ လက်အောက်ခံဘ၀မှာ အသားအရောင်ခွဲခြားရေး ပြဿနာကြီးထွားလာခဲ့တာဟာ လွတ်လပ်ရေးရပြီး နောက်ပိုင်းမှာလဲ မကွယ်ပျောက်သွားခဲ့ပါဘူး။ ဒါကြောင့်လဲ ၁၉၁၂ ခုနှစ်ရောက်တော့ တန်းတူညီမျှမှုမရှိတာကို တိုက်ဖျက်ဖို့အတွက် အာဖရိက အမျိုးသားကွန်ဂရက် ပေါ်ထွက်လာ ခဲ့ပါတော့တယ်။ ဒီလို ပြည်သူလူထု တရပ်လုံးအတွက် တန်းတူညီမျှရေးလှုပ်ရှားမှုတွေနဲ့အတူ တောင်အာဖရိက အမျိုးသမီး အခွင့်အရေးလှုပ်ရှားမှုတွေလဲ စတင်ပေါ်ပေါက်လာခဲ့ပါတယ်။



တောင်အာဖရိက အမျိုးသမီးတွေဟာ တရားမျှတမှုမရှိတဲ့ မြေယာဥပေဒကို ဆန့်ကျင်ခဲ့ကြပါတယ်။ အဲဒီအချိန်ကာလက ပြည်သူ့လွတ်မြောက်ရေး လှုပ်ရှားမှုမှာ အမျိုးသားတွေကသာ ဦးဆောင်နေခဲ့တာပါ။ ဓလေ့ထုံးစံတွေအရ အမျိုးသမီးတွေကတော့ တွဲဘက်အဖွဲ့ဝင်တွေအနေနဲ့ပဲ သတ်မှတ်ခံခဲ့ရပါတယ်။ ဒါကြောင့် အမျိုးသမီးတွေဟာ လူတန်းစားမရွေးပါဝင်နိုင်တဲ့ အမျိုးသမီးအဖွဲ့ချုပ်ကို တည်ထောင်ခဲ့ကြပြီး အမျိုးသမီးအခွင့်အရေးတွေနဲ့အတူ ပြည်သူလူထု အခွင့်အရေးတွေ အတွက်ပါ ပေါင်းစပ်တိုက်ပွဲဝင်ခဲ့ကြပါတယ်။ ဒီလို လှုပ်ရှားမှုတွေကို အမျိုးသားခေါင်းဆောင်တွေ တွေ့မြင်လာတဲ့အခါကျတော့ အမျိုးသမီးတွေရဲ့ ညီညွတ်မှုအင်အားကို အသိအမှတ်ပြုလာကြရပါတယ်။ အမျိုးသမီးတွေကို အမျိုးသားများနဲ့ တန်းတူရည်တူ အဖွဲ့ဝင်တွေအဖြစ် ပါဝင်ခွင့်ပေးလာကြရပါတယ်။ ဒီလိုနဲ့ အမျိုးသမီး တက်ကြွလှုပ်ရှားသူတွေဟာ ၁၉၅၆ ခု၊ သြဂုတ်လ အာဏာဖီဆန်ရေး လူုထုချီတက်ပွဲနဲ့ ၁၉၇၆ ခု လူထုလှုပ်ရှားမှုတွေမှာ တက်တက်ကြွကြွ ပါဝင်ဆောင်ရွက်ခဲ့ကြပါတယ်။ တရားမျှတမှု၊ လူ့အခွင့်အရေးနဲ့ တန်းတူညီမျှမှုတွေအတွက် တိုက်ပွဲဝင်ခဲ့ကြပါတယ်။

ပြည်သူလူထုတရပ်လုံးရဲ့ တက်တက်ကြွကြွ ညီညီညွတ်ညွတ်တိုက်ပွဲဝင်မှုနဲ့ နိုင်ငံတကာ ကင်ပိန်း ဖော်ဆောင်မှုတွေ စနစ်တကျပေါင်းစပ်သွားတာကြောင့် တောင်အာဖရိက အစိုးရဟာ ဒီမိုကရေစီ ပြုပြင်ပြောင်းလဲရေးကို စတင်ဖော်ဆောင်လာရပါတယ်။ စေ့စပ်ညှိနှိုင်းရေးတွေ စတင်ပြုလုပ်လာရပါတယ်။ ဒါပေမယ့်လဲ ကနဦးအစမှာ တော်လှန်ရေးကာလတလျှောက် အမျိုးသားများနဲ့ တန်းတူလက်တွဲပါဝင်လာခဲ့တဲ့ အမျိုးသမီးများရဲ့ ပါဝင်ခွင့်ကို ကန့်သတ်မှုတွေ ထွက်ပေါ်လာပါတယ်။ တောင်အာဖရိက အမျိုးသမီးတွေဟာ ဒီလို မတရားမှုတွေကို ခေါင်းငုံ့ မခံခဲ့ကြပါဘူး။

နိုင်ငံရေးအဖွဲ့အစည်းပေါင်းစုံက အမျိုးသမီးတွေ စုပေါင်းပြီး အမျိုးသမီး မဟာမိတ်အဖွဲ့ကို ဖွဲ့စည်းခဲ့ကြပါတယ်။ ဒီအဖွဲ့အစည်းရဲ့ ညီညွတ်မှု၊ ကျစ်လျစ်ခိုင်မာမှု၊ မဆုတ်မနစ် ကြိုးပမ်းအားထုတ်မှုတွေကြောင့် နောက်ဆုံးမှာ နိုင်ငံရေးဦးဆောင်မှုအခန်းကဏ္ဍကို အမျိုးသားများကသာ ကြီးစိုးဖို့ ကြိုးပမ်းတာတွေကို ဖယ်ရှားနိုင်ခဲ့ပါတယ်။ စေ့စပ်ဆွေးနွေးပွဲတွေမှာ ပါဝင်ခွင့်ရခဲ့ပြီး လူထုတရပ်လုံးအတွက် အရေးကြီးတဲ့ တန်းတူညီမျှမှုဆိုင်ရာ တောင်းဆိုချက်တွေကို တောင်းဆိုနိုင်ခဲ့ကြပါတယ်။ တောင်အာဖရိကအမျိုးသမီးတွေဟာ အမျိုးသားကြီးစိုးရေးဝါဒကို တိုက်ဖျက်ရေး၊ ကွဲပြားခြားနားမှုကို သဘောတူလက်ခံရေး၊ ငြိမ်းချမ်းရေးနဲ့ လုံခြုံရေးရာများမှာ အမျိုးသမီးများ ပါဝင်ဆောင်ရွက်ခွင့် ရရှိရေး၊ စီးပွားရေး၊ လူမှုရေး၊ အစိုးရအုပ်ချုပ်ရေး ကဏ္ဍဆိုင်ရာ စီမံချက်တွေမှာ ကိုယ်တိုင်ပါဝင်ရေးဆွဲခွင့် ရရေး စတဲ့ အခြေခံစည်းမျဉ်းတွေကို ကိုင်စွဲပြီး လှုပ်ရှားမှုတွေကို ပြုလုပ်ခဲ့ကြပါတယ်။

အမြော်အမြင်ရှိတဲ့ အမျိုးသမီးခေါင်းဆောင်တွေဟာ ထိရောက်သော တန်းတူညီမျှမှုဆိုင်ရာ အမျိုးသမီး သဘောတူစာချုပ်ကို ရေးဆွဲခဲ့ကြပြီး၊ ပထမဆုံး ဒီမိုကရေစီအစိုးရဖြစ်တဲ့ မင်ဒဲလားအစိုးရထံကို တင်သွင်းခဲ့ကြပါတယ်။ ၁၉၉၄ ခုနှစ် တောင်အာဖရိကနိုင်ငံ ဒီမိုကရေစီအစိုးရရဲ့ သမ္မတဖြစ်တဲ့ မင်ဒဲလားကလဲ အမျိုးသမီး အခွင့်အရေး လှုပ်ရှားမှုတွေကို ထောက်ခံခဲ့ပါတယ်။ ပါလီမန်အဖွင့်မိန့်ခွန်းမှာ အမျိုးသမီးတွေကို ဖိနှိပ်မှုတွေ ရှိနေသမျှကာလပတ်လုံး တောင်အာဖရိကနိုင်ငံမှာ စစ်မှန်တဲ့ လွတ်လပ်ခွင့် ရှိမှာ မဟုတ်ဘူးလို့ ထည့်သွင်း ပြောကြားခဲ့ပါတယ်။

၁၉၉၅ ခုနှစ်မှာကျတော့ ကမ္ဘာ့အမျိုးသမီးလှုပ်ရှားမှုရဲ့ သမိုင်းတခေတ်ကို ဆောင်ကျဉ်းပေးနိုင်ခဲ့တဲ့ ဘီဂျင်းလှုပ်ရှားမှု ပလက်ဖောင်း ထွက်ပေါ်လာပါတယ်။ တောင်အာဖရိကအစိုးရဟာ ဒီပလက်ဖောင်းကို အလေးအနက်ထား အကောင်အထည်ဖော်ခဲ့ကြပြီး အမျိုးသမီးရေးရာရုံးကို သမ္မတရုံးခန်းအနီးမှာ တွဲဖက်ဖွင့်လှစ်ပါတယ်။ ပါလီမန်အတွင်းမှာလဲ အမျိုးသမီးများရဲ့ ဘ၀နဲ့ အဆင့်အတန်းဆိုင်ရာ ကော်မတီတရပ် ဖွဲ့စည်းပြီး၊ ကျားမတန်းတူညီမျှရေး ကော်မရှင်တရပ်လဲ ထွက်ပေါ်လာခဲ့ပါတယ်။

ဒီလိုနဲ့ တောင်အာဖရိကနိုင်ငံဟာ နှစ်ပေါင်းအနည်းငယ်အတွင်း ဒီမိုကရေစီနဲ့ တန်းတူညီမျှခွင့် အပြည့်အ၀ရှိတဲ့ နိုင်ငံတရပ်အဖြစ် ထွက်ပေါ်လာတာဟာ ဒီလိုမျှတပွင့်လင်းတဲ့ အစိုးရအုပ်ချုပ်ရေးနဲ့ ကျားမ တန်းတူညီမျှရေးကို လက်ခံယုံကြည်တဲ့ အမျိုးသား၊ အမျိုးသမီးခေါင်းဆောင်များရဲ့ စွမ်းဆောင်မှုအရည်အချင်းတွေကြောင့်ပဲ ဖြစ်ပါတယ်။

အခုဆိုရင် တောင်အာဖရိက အစိုးရကက်ဘိနက်မှာ အမျိုးသမီး လေးဆယ့်ငါး ရာခိုင်နှုန်း ပါဝင်နေပါပြီ။ အမျိုးသမီး ၀န်ကြီးများစွာဟာလဲ နိုင်ငံခြားရေး၊ ပညာရေး၊ ကျန်းမာရေး၊ ဆက်သွယ်ရေး၊ လယ်ယာစိုက်ပျိုးရေး၊ လူထုအုပ်ချုပ်ရေး ၀န်ကြီးဌာနများကို ဦးဆောင်နေကြပါပြီ။ ပါလီမန်အမတ် သုံးဆယ်ရာခိုင်နှုန်းကျော်ဟာ အမျိုးသမီးများ ဖြစ်နေပါပြီ။ အမျိုးသားများကသာ နေရာယူကြီးစိုးခဲ့တဲ့ သံတမန်ရေးရာမှာဆိုရင်လဲ သံအမတ် ရာခိုင်နှုန်း ငါးဆယ်ကျော်ဟာ အမျိုးသမီးများ ဖြစ်လာခဲ့ပါပြီ။

အစိုးရအုပ်ချုပ်ရေးယန္တရားမှာ အခုလို လူဦးရေတ၀က်ကျော်ကို ကိုယ်စားပြုနေတဲ့ အမျိုးသမီးတွေ ပါဝင်လာတာကြောင့် နိုင်ငံသူ၊ နိုင်ငံသား အားလုံးရဲ့ အကျိုးစီးပွားကို ဘက်မလိုက်ပဲ မှန်မှန်ကန်ကန် အကောင်အထည်ဖော်နိုင်လာခဲ့ပြီး တိုင်းပြည်တိုးတက်လာခဲ့တာ ဖြစ်ပါတယ်။


ဒီမိုကရက်တစ် မြန်မာ့အသံ ပရိသတ်များရှင်။

လူ့အဖွဲ့အစည်းတခုကို တရားမျှတမှု၊ လွတ်လပ်ပွင့်လင်းမှု၊ တန်းတူညီမျှမှုတွေအပေါ်မှာ အခြေခံတဲ့ လူ့အဖွဲ့အစည်းတခုအဖြစ် အသွင်ကူးပြောင်းနိုင်ဖို့ဆိုတာ မှန်ကန်တဲ့ ခေါင်းဆောင်မှုလိုအပ်ပါတယ်။ ဒီလိုပြုပြင်ပြောင်းလဲရေး ကာလမှာ အစဉ်အလာ၊ ဓလေ့ထုံးစံတွေထဲက ခေတ်စနစ်နဲ့ မလျော်ညီတဲ့ အချက်တွေကို ရဲရဲဝံ့ဝံ့ဆန့်ကျင်ပြီး၊ လူ့ဘောင်သစ်ကို ဦးဆောင်တည်ဆောက်ရဲတဲ့ အမျိုးသမီး ခေါင်းဆောင်တွေ ထွက်ပေါ်လာဖို့ လိုအပ်လှပါတယ်။ တချိန်တည်းမှာပဲ ဒီလိုလူ့ဘောင်သစ် အသွင်ကူးပြောင်းမှုရဲ့ အကျိုးကျေးဇူးတွေကို အမှန်တကယ်တန်ဖိုးထားတဲ့ စစ်မှန်တဲ့ အမျိုးသား ခေါင်းဆောင်တွေလဲ ရှိနေဖို့ လိုအပ်လှပါကြောင်း တင်ပြလိုက်ရပါတယ်ရှင်။

ခင်မမမျိုး (၂၀၀၉)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

တရုတ်အမျိုးသမီး အခွင့်အရေးလှုပ်ရှားမှု

ဒီမိုကရက်တစ် မြန်မာ့အသံ ပရိသတ်များရှင်။
အခုတပတ်အမျိုးသမီး အခွင့်အလမ်းအစီအစဉ်မှာ တရုတ်အမျိုးသမီးများရဲ့ အမျိုးသမီး အခွင့်အရေး လှုပ်ရှားမှုအကြောင်းကို စီစဉ်တင်ဆက်မှာ ဖြစ်ပါတယ်။ ဘီစီအီး ၅၀၀ ကနေ ၂၀ရာစု အစောပိုင်းကာလအထိ တရုတ်လူ့အဖွဲ့အစည်းကို ကွန်ဖျူးရှပ်ဝါဒက လွှမ်းမိုးထားခဲ့ပါတယ်။ ဒီဝါဒက မိသားစုအာဏာတည်မှုကို လူ့အဖွဲ့အစည်းရဲ့ ပင်မအဓိက အရေးကြီးတဲ့ အချက်အနေနဲ့ ဖော်ပြထားပါတယ်။ သားသမီးတွေဟာ ဖခင်ကို ရိုသေနေရင်၊ ဇနီးမယားတွေက လင်ယောက်ျားတွေကို ရိုသေနေရင် ဒီလို မိသားစု ဆက်နွယ်မှုရှိနေတဲ့ လူ့အဖွဲ့အစည်းဟာ ငြိမ်ဝပ်ပိပြားမယ်လို့ ကွန်ဖျူးရှပ်က ဆိုခဲ့ပါတယ်။ sung မင်းဆက်မှာ အစပျိုးခဲ့တဲ့ အထက်လွှာ လူတန်းစား အမျိုးသမီးတွေရဲ့ ခြေထောက်တွေကို ချည်နှောင်စည်းကြပ်ထားတဲ့ ဓလေ့ဟာ ၂၀ ရာစု အစောပိုင်း ကာလအထိ ရှိခဲ့ပါတယ်။ ဒီလို ဓလေ့ထုံးစံတွေဟာ အမျိုးသားတွေအပေါ် မှီခိုမှု ပိုမိုကြီးမားစေခဲ့ပါတယ်။ အမျိုးသမီးတွေရဲ့ ဘ၀ဟာ အိမ်မှာပဲ ဖြစ်ခဲ့ပြီး၊ ပြင်ပလူမှုဘ၀မှာ အမျိုးသားတွေနဲ့သာ ယှဉ်တွဲ ပါဝင်ခွင့်ရခဲ့ပါတယ်။ မိမိကိုယ်မိမိ ရပ်တည်နိုင်ခွင့်ဆိုတာ မရှိသလောက် ရှားပါးခဲ့ပါတယ်။



တရုတ်နိုင်ငံကို သမ္မတနိုင်ငံအဖြစ် ဖွဲ့စည်းအုပ်ချုပ်ပုံ အခြေခံဥပဒေနဲ့ တည်ထောင်လာပြီး နောက်ပိုင်းမှာ အမျိုးသမီးတွေဟာ နိုင်ငံရေးပါဝင်ပတ်သက်ခွင့်ကို စတင်တောင်းဆိုလာကြပါတော့တယ်။ ၂၀ ရာစု အစောပိုင်း ကာလတွေမှာ မဲပေးပိုင်ခွင့်အတွက် စတင်လှုပ်ရှားလာကြပါတယ်။ တရုတ်အမျိုးသမီး သမ၀ါယမအသင်း၊ တရုတ်အမျိုးသမီး မဲပေးခွင့် လှုပ်ရှားရေးအဖွဲ့ စတဲ့ အမျိုးသမီး အသင်းအဖွဲ့တွေ ပေါ်ပေါက်လာခဲ့တယ်။ မန်ချူးမင်းဆက်ကို ဖြုတ်ချခဲ့တဲ့ ၁၉၁၁ ခု၊ ၀ူချန်းလူုထုလှုပ်ရှားမှုမှာ တရုတ် အမျိုးသမီး အဖွဲ့အစည်းများအားလုံး တက်တက်ကြွကြွနဲ့ ပါဝင်ခဲ့ကြပါတယ်။ လူထုလှုပ်ရှားမှုအပြီးမှာ ဆွန်ယက်ဆင် ဦးဆောင်တဲ့ အစိုးရတက်လာတဲ့အခါမှာလဲ အမျိုးသားနဲ့ အမျိုးသမီး တန်းတူ အခွင့်အရေးအတွက် ဆက်လက်တိုက်ပွဲဝင်ခဲ့ကြပါတယ်။ ဒါပေမယ့်လဲ အစဉ်အလာ မိသားစု ဓလေ့ထုံးစံတွေကို ထိန်းသိမ်းရမယ်ဆိုတဲ့ အယူအဆတွေကြောင့် ၁၉၁၃ ခု၊ ကန်တုံမှာကျင်းပခဲ့တဲ့ အမြဲတမ်း လူထုစည်းဝေးပွဲမှာ အမျိုးသမီးအဖွဲ့ဝင်တွေ ပါဝင်ခွင့် မရခဲ့ကြပါဘူး။ ဆွန်ယက်ဆင်ရဲ့ ကူမင်တန်အစိုးရဟာ ၁၉၂၁ ခုနှစ်မှာ အသစ်ဖွဲ့စည်းခဲ့တဲ့ အမျိုးသမီးအခွင့်အရေး အဖွဲ့ချုပ်ကို ဖိနှိပ်ချုပ်ချယ်မှုများ ပြုလုပ်ခဲ့ပါတယ်။ အမျိုးသမီးတွေရဲ့ မဲပေးခွင့် အခွင့်အရေးတွေကို ဖယ်ရှားထားတဲ့ ဖွဲ့စည်းပုံ အခြေခံဥပဒေအသစ်ကို အမျိုးသားကွန်ဂရက်က ရေးဆွဲခဲ့ပါတယ်။

တချိန်တည်းမှာ အသစ်ဖွဲ့စည်းတဲ့ တရုတ်ကွန်မြူနစ်ပါတီရဲ့ အခြေခံစည်းမျဉ်းတွေထဲမှာ တန်းတူညီမျှခွင့် ပါတဲ့အတွက် အမျိုးသမီးတွေဟာ တရုတ်ကွန်မြူနစ်ပါတီကို ထောက်ခံမှု များလာပါတယ်။ ၁၉၂၃ ခုနှစ်မှာ ကူမင်တန်နဲ့ ကွန်မြူနစ်ပါတီ ယာယီမဟာမိတ်ဖွဲ့ပြီးနောက်ပိုင်း အမျိုးသမီးလှုပ်ရှားမှုဟာ တရုတ်လူမျိုး တရပ်လုံးအတွက် လှုပ်ရှားမှုထဲမှာ ပူးပေါင်းပါဝင်သွားခဲ့ပါတယ်။ ကူမင်တန်ပါတီနဲ့ ကွန်မြူနစ် ပါတီတို့အကြားက ပဋ္ဋိပက္ခတိုက်ပွဲတွေ ဖြစ်ပွားနေတဲ့ကာလမှာ ကူမင်တန်ခေါင်းဆောင် ချန်ကေရှိတ်ရဲ့ ကွန်မြူနစ်အမျိုးသမီးများကို ချေမှုန်းရေး တိုက်ပွဲတွေလဲ အများအပြား ပါဝင်ခဲ့ပါတယ်။ ၁၉၄၉ ခုနှစ်မှာကျတော့ တရုတ်နိုင်ငံလုံးဆိုင်ရာ ဒီမိုကရက်တစ် အမျိုးသမီး အဖွဲ့ချုပ်ကြီး ပေါ်ပေါက်လာပါတော့တယ်။

၁၉၅၀ ခုနှစ်မှာ တရုတ်ဖွဲ့စည်းပုံအခြေခံဥပဒေနဲ့ တခြားဥပဒေစည်းမျဉ်းများဟာ ပိုင်ဆိုင်မှု၊ အမွေဆက်ခံမှု၊ မြေယာအသုံးပြုမှု၊ ပညာရေးအခွင့်အလမ်းဆိုတဲ့ ကဏ္ဍများစွာမှာ အမျိုးသားနဲ့ အမျိုးသမီး တန်းတူညီမျှခွင့်ကို အသိအမှတ်ပြုခဲ့ပါတယ်။ ၁၉၆၆ကနေ ၁၉၇၆ ခုနှစ်အထိ ယဉ်ကျေးမှု တော်လှန်ရေးကာလမှာကျတော့ နိုင်ငံရေးအခြေအနေအရ အမျိုးသမီးအဖွဲ့ချုပ် ဖျက်သိမ်းခံခဲ့ရပါတယ်။ ဒါပေမယ့်လဲ အမျိုးသမီးတွေရဲ့ စည်းလုံးညီညွတ်မှုနဲ့ စုပေါင်းဆောင်ရွက်မှုသဏ္ဍာန်ကတော့ မကွယ်ပျောက်သွားခဲ့ပါဘူး။ မော်စီတုန်းခေတ်နောက်ပိုင်း ပြုပြင်ပြောင်းလဲရေးကာလမှာ အမျိုးသမီးတွေရဲ့ အခွင့်အရေးလှုပ်ရှားမှုတွေ ပြန်လည် ပေါ်ထွက်လာခဲ့ပါတယ်။

၁၉၈၀ ကာလ တရုတ်ပြည်သူ့သမ္မတနိုင်ငံမှာ ကျေးလက်စီးပွားရေး ပြုပြင်ပြောင်းလဲမှုတွေ ပြုလုပ်ခဲ့ပါတယ်။ ဒီလိုစီးပွားရေးဖွံ့ဖြိုးတိုးတက်ရေး စီမံချက်မှာ အမျိုးသမီးတွေရဲ့ ဘ၀တိုးတက်ပြောင်းလဲရေး၊ အမျိုးသားနဲ့အမျိုးသမီး တန်းတူညီမျှ အခွင့်အလမ်းရရှိရေး စတာတွေအတွက် အလေးပေးဆောင်ရွက်မှုတွေ မပါဝင်ပါဘူး။ လူ့အခွင့်အရေးလှုပ်ရှားမှုတွေမှာပဲဖြစ်ဖြစ်၊ စီးပွားရေး ပြုပြင်ပြောင်းလဲရေး ဆောင်ရွက်မှုတွေမှာပဲ ဖြစ်ဖြစ် တမျိုးသားလုံး အရေး ဆောင်ရွက်တာကြောင့် အမျိုးသမီးအခွင့်အရေးတွေကို သီးခြားပြောနေစရာ မလိုအပ်ဖူးလို့ အမျိုးသားတွေက ဆိုတတ်ကြပါတယ်။ ဒါပေမယ့်လဲ နိုင်ငံရေး၊ စီးပွားရေး၊ လူမှုရေးအခွင့်အလမ်းတွေ တကယ်ရရှိချိန်မှာကျတော့ ဒီအခွင့်အလမ်းတွေကို အမျိုးသားနဲ့ အမျိုးသမီး တန်းတူညီမျှ ခံစားခွင့် မရှိကြပါဘူး။ အမျိုးသားတွေဟာ ရှေးရိုးစွဲ အစဉ်အလာ၊ ဓလေ့ထုံးစံ၊ အဆိုအမိန့်တွေကို အသုံးပြုပြီး အမျိုးသမီးအခွင့်အလမ်းတွေကို ချုပ်ကိုင်ဖို့ ကြိုးစားတတ်ကြပါတယ်။ ဒါကြောင့်လဲ ဒီမိုကရေစီလှုပ်ရှားမှုပဲဖြစ်ဖြစ်၊ လူ့အခွင့်အရေးလှုပ်ရှားမှုပဲ ဖြစ်ဖြစ် ဘယ်လိုလှုပ်ရှားမှုမှာမဆို တမျိုးသားလုံးအဆင့်အနေနဲ့ ကြိုးပမ်းဆောင်ရွက်ရင်း အမျိုးသမီးနဲ့အမျိုးသား တန်းတူညီမျှခွင့်ကိုလဲ တပြိုင်နက်တည်း အကောင်အထည်ဖော် ဆောင်ရွက်ရမှာ ဖြစ်ပါတယ်။

ဒီအချက်ကို တရုတ်နိုင်ငံလုံးဆိုင်ရာ အမျိုးသမီးအဖွဲ့ချုပ် ခေါင်းဆောင်များက သိနားလည်ခဲ့တဲ့အတွက် ကျေးလက်ဒေသ စီးပွားရေး ပြုပြင်ပြောင်းလဲမှုမှာ အမျိုးသမီးများအတွက် မှေးမှိန်နေတဲ့ အခန်းကဏ္ဍကို မြှင့်တင်ဖို့ ကြိုးပမ်းခဲ့ကြပါတယ်။ အမျိုးသမီး အဖွဲ့ချုပ်ဟာ အမျိုးသမီးများရဲ့ စာတတ်မြောက်မှုနှုန်း တိုးမြင့်ရေး၊ ပညာရေး မြင့်မားရေး၊ နည်းပညာကျွမ်းကျင်မှုရှိရေး စတဲ့ အရည်အချင်းမြှင့်တင်ရေးအပိုင်းကို အာရုံစိုက် လုပ်ဆောင်ခဲ့ကြပါတယ်။ အမျိုးသမီးတွေရဲ့ ပညာအရည်အချင်း မြင့်မားလာတာနဲ့အမျှ ဈေးကွက်စီးပွားရေးမှာ အမျိုးသမီးတွေရဲ့ ပါဝင်ဆောင်ရွက်ခွင့် အခန်းကဏ္ဍတွေ ကြီးမားလာခဲ့ပါတယ်။ တရုတ်နိုင်ငံရဲ့ ကျေးလက်အမျိုးသမီးတွေဟာ စီးပွားရေးအင်အားတောင့်တင်းတဲ့ နိုင်ငံတော်ကြီးကို အမျိုးသားတွေနဲ့ ရင်ဘောင်တန်းပြီး တည်ဆောက်နိုင်ခဲ့ကြပါတယ်။ ကျေးလက်အမျိုးသမီးတွေရဲ့ အရည်အချင်း မြှင့်တင်ပေးမှု လုပ်ငန်းဆောင်တာတွေဟာ မြို့ပြအင်တာပရိုက်စ် လုပ်ငန်းများ ပေါ်ထွက်လာရေးအတွက်လဲ တွန်းအားတွေဖြစ်ခဲ့ပါတယ်။ နည်းပညာကျွမ်းကျင်တဲ့ အမျိုးသမီး အများအပြားပေါ်ထွက်လာခဲ့ပြီး လက်ရှိတရုတ်နိုင်ငံရဲ့ မြို့ပြစီးပွားရေး လုပ်သားဦးရေ သန်း၁၀၀ မှာ သန်းလေးဆယ်ဟာ အမျိုးသမီးလုပ်သားတွေ ဖြစ်ပါတယ်။

တရုတ်နိုင်ငံရဲ့ ဥပဒေပြုအာဏာဟာ အမျိုးသားနဲ့ အမျိုးသမီးတွေကို တန်းတူရည်တူ သတ်မှတ်တဲ့ မတ်ခ့်စ်ဝါဒ လမ်းညွှန်ချက်တွေအပေါ်မှာ အခြေတည်ထားတာကြောင့် အမျိုးသမီး အခွင့်အလမ်း လှုပ်ရှားမှုတွေ မြန်ဆန်ထိရောက်ခဲ့တယ်လို့ ပညာရှင်များက သုံးသပ်ပြောဆိုခဲ့ကြပါတယ်။ ဘယ်လိုပဲဖြစ်ဖြစ် တရုတ်လူ့အဖွဲ့အစည်းမှာ နှစ်ပေါင်းများစွာ အမြစ်တွယ်ခဲ့တဲ့ “အမျိုးသမီးဆိုတာ အိမ်တွင်းမှုပဲ လုပ်ရမယ်၊ အမျိုးသားတွေအပေါ် မှီခိုရမယ်ဆိုတဲ့ အတွေးအခေါ်တွေ“ ကို ဖယ်ရှားပြီး၊ အမျိုးသားနဲ့ အမျိုးသမီး တန်းတူညီမျှခွင့်အပေါ် အခြေတည်တဲ့ လူ့ဘောင်သစ်ကို တည်ဆောက်နိုင်ခဲ့တာဟာ အံမခန်း အောင်မြင်မှုဖြစ်ပါတယ်။ ဒီလိုအောင်မြင်ခဲ့ရတာဟာ အမျိုးသမီးများရဲ့ ဇွဲ၊ လုံ့လ၊ ဥာဏ်အမြော် အမြင်ကြီးမှုနဲ့ တန်းတူညီမျှခွင့်ကို တန်ဖိုးထားတဲ့ အမျိုးသားများရဲ့ အတွေးအခေါ် မြင့်မားမှုတွေကြောင့်ပဲ ဖြစ်ပါကြောင်း တင်ပြလိုက်ရပါတယ်ရှင်။

ခင်မမမျိုး (၂၀၀၉)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

ဒိန်းမတ် အမျိုးသမီးအခွင့်အရေး

ဒီမိုကရက်တစ် မြန်မာ့အသံ ပရိသတ်များရှင်။

(၁၉၈၀) ခုနှစ်မှာ ဒုတိယအကြိမ်မြောက် ကမ္ဘာ့အမျိုးသမီးညီလာခံကို ကမ္ဘာ့ကုလသမဂ္ဂက ဦးဆောင်ပြီး ဒိန်းမတ်နိုင်ငံမှာ ကျင်းပခဲ့ပါတယ်။ ဒီလိုကျင်းပခဲ့တာဟာ ဥရောပတိုက်ရဲ့ အမျိုးသမီးလှုပ်ရှားမှုမှာ ရှေ့တန်းကနေ ပါဝင်ခဲ့တဲ့ ဒိန်းမတ်နိုင်ငံကို ဂုဏ်ပြုခဲ့ရုံတင်မကပါဘူး။ လူ့အဖွဲ့အစည်းအတွင်းမှာ ကျား၊ မ တန်းတူညီမျှရေးကို အောင်မြင်စွာ ပုံဖော်နိုင်ခဲ့တဲ့ နိုင်ငံတခုမှာ အမျိုးသမီးများအပေါ် ခွဲခြားဆက်ဆံမှုများအားလုံး ပပျောက်ရေး သဘောတူစာချုပ် (စီဒေါ) ကို စတင် အသက်ဝင်စေခဲ့တာလဲ ဖြစ်ပါတယ်။



ဒိန်းမတ်အမျိုးသမီးများဟာ အမျိုးသမီး တန်းတူညီမျှခွင့်ကို ၁၇၈၉ ခုနှစ် ပြင်သစ်တော်လှန်ရေးကာလ မှာကတည်းက စတင် လှုပ်ရှားတောင်းဆိုခဲ့ကြတာ ဖြစ်ပါတယ်။ ၁၇၉၂ ခုနှစ်မှာ ဗြိတိသျှစာရေးဆရာမ မေရီစ၀ိုးလ်စတုန်း ခရဖ်တ် ရေးသားတဲ့ အမျိုးသမီးအခွင့်အရေးစာအုပ်ကို ဒိန်းမတ်ဘာသာကို ပြန်ဆိုခဲ့ကြပါတယ်။ နောက်ပိုင်းမှ ကျတော့ အမျိုးသမီးတွေရဲ့ ဖိနှိပ်ခံရမှုတွေကို စာပေသဏ္ဍာန်နဲ့ အမျိုးသမီး စာရေးဆရာမတွေက ရေးသားဖော်ကျူးခဲ့ကြပါတယ်။ ဒိန်းမတ်ရဲ့ နာမည်ကျော်အမျိုးသမီး စာရေးဆရာမတဦးဖြစ်တဲ့ ဖီဘီဂါရဲ့ ပေးစာ ဆယ့်နှစ်စောင် စာအုပ်ဟာ ဒိန်းမတ်လူ့အဖွဲ့အစည်း အတွင်းမှာ အမျိုးသမီး အခွင့်အရေးနဲ့ ပတ်သက်ပြီး ငြင်းခုန်ဆွေးနွေးမှုတွေ ပေါ်ထွက်လာစေခဲ့ပါတယ်။ နောက်ထပ်ဆယ်စုနှစ်အတွင်းမှာပဲ စာရေးဆရာမ Worm က အမျိုးသမီးများရဲ့ ပညာရေး အခွင့်အလမ်းတွေကို ရေးသားဖော်ပြခဲ့ပါတယ်။ တပြိုင်နက်တည်းမှာတင် နာတလီဆိုတဲ့ အခြားအမျိုးသမီးကနေ မိန်းကလေးကျောင်းများနဲ့ အမျိုးသမီး ဆရာဖြစ်သင်ကျောင်းများကို စတင်ဖွင့်လှစ်ခဲ့ပါတယ်။

၁၈၆၀ နှောင်းပိုင်းကာလများရောက်တော့ ဒိန်းမတ်လူလတ်တန်းစားများနဲ့ တောင်သူလယ်သမားများဟာ သက်ဦးဆံပိုင်ဘုရင်စနစ် ပါဝါလျှော့ချရေး၊ အလုပ်သမားအခွင့်အရေးနဲ့ အမျိုးသမီးအခွင့်အလမ်းများ တိုးမြင့်ရေး စတာတွေကို တောင်းဆိုလာခဲ့ကြပါတယ်။ တက်ကြွတဲ့ ဒိန်းမတ်အမျိုးသမီးများဟာ နိုင်ငံတကာ အမျိုးသမီးလှုပ်ရှားမှုများနဲ့ ကွန်ယက်ချိတ်ဆက်ပြီး၊ ဒိန်းမတ်အမျိုးသမီး လှုပ်ရှားမှုကို ဦးဆောင်လာခဲ့ကြပါတယ်။ ဒိန်းမတ်ပါလီမန်က အမြော်အမြင်ရှိတဲ့ အမျိုးသားနိုင်ငံရေးသမားတွေကလဲ အမျိုးသမီးနိုင်ငံရေး အခွင့်အလမ်းတွေကို ထောက်ခံတဲ့ ဥပေဒေတွေ ပြဌာန်းဖို့ ကြိုးပမ်းခဲ့ကြပါတယ်။

၁၈၇၁ ခုနှစ်ရောက်တော့ ဆွစ်ဇလန် အခြေစိုက် နိုင်ငံတကာ အမျိုးသမီးအသင်းရဲ့ ဒိန်းမတ်ဌာနခွဲဖြစ်တဲ့ ဒိန်းမတ်အမျိုးသမီးအဖွဲ့ချုပ်ကို ဖွင့်လှစ်ခဲ့ပါတယ်။ ၁၈၇၀ ကနေ ၁၈၇၁ ခုနှစ်အထိ ဖြစ်ပွားခဲ့တဲ့ ဖရန်ကို- ပါရှန်း စစ်ပွဲကာလမှာ နိုင်ငံတကာဆိုတဲ့ အသုံးအနှုန်းကို ဒိန်းမတ်မှာ လက်ခံမှုမရှိတဲ့ အခါကျတော့ အမျိုးသမီး လှုပ်ရှားတက်ကြွသူများဟာ ဒိန်းမတ်အမျိုးသမီး အဖွဲ့ချုပ်ကို ဒိန်းမတ်အမျိုးသမီးအဖွဲ့အနေနဲ့ ပြောင်းလဲ ဖွဲ့စည်းခဲ့ပါတယ်။ ဒီအဖွဲ့အစည်းဟာ ဒိန်းမတ်အမျိုးသမီးများရဲ့ စီးပွားရေးနဲ့ ပညာရေးအခွင့်အလမ်းတွေကို တောင်းဆိုလှုပ်ရှားခဲ့ကြပါတယ်။

(၁၈၈၆) ခုနှစ်မှာ ဒိန်းမတ်မှာ မဲပေးပိုင်ခွင့်ကို အမျိုးသားတွေကိုပဲ ပေးအပ်တဲ့ ဖွဲ့စည်းပုံအခြေခံ ဥပေဒသစ်ထွက်ပေါ်လာပါတယ်။ လူအများက ဖွဲ့စည်းပုံအခြေခံ ဥပေဒေသစ် ထွက်ပေါ်လာရင် ဒါဟာ အခွင့်အရေးလှုပ်ရှားမှုတွေရဲ့ နိဂုံးလို့ ယူဆတတ်ကြပါတယ်။ တကယ်တော့ လူသားတွေရဲ့ မွေးရာပါ လူ့အခွင့်အရေးဆိုတာကို ကန့်သတ်တဲ့ ဖွဲ့စည်းပုံ အခြေခံဥပဒေဆိုရင် အဟောင်းပဲဖြစ်ဖြစ်၊ အသစ်ပဲဖြစ်ဖြစ် ဆန့်ကျင်ဖယ်ရှားရမှာဖြစ်ပါတယ်။ ဒီအချက်ကို ဒိန်းမတ်အမျိုးသမီးတွေက ရှင်းရှင်းလင်းလင်း သိမြင်ခဲ့ကြပါတယ်။ ဖွဲ့စည်းပုံအခြေခံဥပေဒေသစ်ထွက်ပေါ်လာတာဟာ ဒိန်းမတ်အမျိုးသမီးတွေ အတွက်တော့ တော်လှန်ရေးတရပ်ရဲ့ နိဒါန်းတရပ် ဖြစ်လာပါတော့တယ်။ ၁၈၈၆ ခုနှစ်မှာ ဘာဂျားဆိုတဲ့ အမျိုးသမီးရဲ့ စစ်အသုံးစရိတ်ကို လေ့လာဆန်းစစ်ဖို့ တောင်းဆိုချက် ထွက်ပေါ်လာပါတယ်။ အမျိုးသမီးတွေဟာ စစ်မှုရေးရာတွေနဲ့ မသက်ဆိုင်ဘူးလို့ လူ့အဖွဲ့အစည်းတွေက သတ်မှတ်ကြပါတယ်။ ဒိန်းမတ်လူ့အဖွဲ့အစည်းမှာလဲ ဒီအတိုင်းပါပဲ။ ဒီလိုအချိန်မျိုးမှာ ဘာဂျားရဲ့ စစ်အသုံးစရိတ်ဆိုင်ရာ တောင်းဆိုချက်ဟာ လူ့အဖွဲ့အစည်းကို လှုပ်ခါသွားစေခဲ့ပါတယ်။ သူမရေးသားခဲ့တဲ့ “ငါတို့ ဘာလိုချင်တာလဲ“ ဆိုတဲ့ စာအုပ်ဟာ နောင်တချိန်မှာ အမျိုးသမီးသမဂ္ဂများ ပေါ်ထွက်လာစေရေးအတွက် ရှေ့ဆောင်လမ်းခင်းပေးခဲ့တာပဲ ဖြစ်ပါတယ်။

အမျိုးသမီးမဲပေးခွင့်ကို တောင်းဆိုလှုပ်ရှားမှု ပြုလုပ်မှာနဲ့ ပတ်သက်ပြီး ဒိန်းမတ်အမျိုးသမီးအဖွဲ့အတွင်းမှာ ထောက်ခံသူနဲ့ ကန့်ကွက်သူတွေ ကွဲပြားလာခဲ့ပါတယ်။ နိုင်ငံရေး အကွေ့အပြောင်းကာလမှာ သဘောထားကွဲလွဲမှုတွေ၊ တဘက်နဲ့ တဘက် ဝေဖန် တိုက်ခိုက်မှုတွေ ရှိစမြဲပါပဲ။ အရေးကြီးတာက ကိုယ့်ရပ်တည်ချက်ကို စွဲစွဲမြဲမြဲ ဆုပ်ကိုင်ထားနိုင်ဖို့ပဲ ဖြစ်ပါတယ်။ အမျိုးသမီးအဖွဲ့အတွင်းက ခေါင်းဆောင်များနဲ့ သဘောထားကွဲလွဲလာတဲ့အခါ ဘာဂျားနဲ့ တခြားအမျိုးသမီးများဟာ အမျိုးသမီးညီညွတ်ရေးအဖွဲ့အစည်းများကို မြို့တော်တင်သာမက တောနယ်များမှာပါ ပြန့်ပွားလာအောင် ဖြန့်ကျက်တည်ထောင်ခဲ့ပါတယ်။ အလုပ်သမားလူတန်းစားရဲ့ လူမှုရေးနဲ့ အလုပ်သမားရေးရာများကို ကူညီပံ့ပိုးမယ့် အဖွဲ့အစည်းများလဲ ပေါ်ပေါက်လာခဲ့ပါတယ်။ ၁၈၉၇ ခုနှစ်လဲ ရောက်ရော မူလက သဘောထားကွဲလွဲခဲ့တဲ့ ဒိန်းမတ်အမျိုးသမီးအဖွဲ့က အမျိုးသမီးညီညွတ်ရေးအဖွဲ့နဲ့ ပြန်လည် ပူးပေါင်းလာခဲ့ပါတယ်။ သဘောထားကွဲလွဲမှုဆိုတာ ရန်ပြုတာ မဟုတ်ပါဘူး။ နိုင်ငံရေးလောကမှာ အမြဲတမ်းရန်သူ၊ အမြဲတမ်း မိတ်ဆွေဆိုတာ မရှိပါဘူး။ ရည်ရွယ်ချက်တူညီသူ၊ ရပ်တည်ချက်တူညီသူများဟာ အချိန်မရွေး ပြန်လည်ပေါင်းစည်းလို့ရပါတယ်။

ဒီလိုနဲ့ အမျိုးသမီးအဖွဲ့တွေ ပူးပေါင်းပြီး ၁၈၉၉ ခုနှစ်မှာ ဒိန်းမတ်အမျိုးသမီးကောင်စီကို ဖွဲ့စည်းခဲ့ကြပါတယ်။ မကြာခင်မှာပဲ ဒိန်းမတ်အမျိုးသမီး တက်ကြွလှုပ်ရှားသူများဟာ ဒိန်းမတ်အမျိုးသမီးရေးရာသာမက နိုင်ငံတကာအမျိုးသမီးရေးရာနဲ့ ပတ်သက်တဲ့ လှုပ်ရှားမှုများမှာပါ တက်တက်ကြွကြွ ပါဝင်လာကြပါတယ်။ ဆွေးနွေးပွဲအများအပြားကို ဒိန်းမတ်မြို့တော် ကိုပင်ဟာဂင်မှာ ကျင်းပလာခဲ့ကြပါတယ်။ နိုင်ငံတကာ အမျိုးသမီး အစည်းအဝေးများစွာကိုလဲ ပါဝင်တက်ရောက်လုာခဲ့ကြပါတယ်။ အမျိုးသမီးများ တက်ညီလက်ညီ လှုပ်ရှားဆောင်ရွက်လာတာကြောင့် ၁၉၀၃ ခုနှစ်ရောက်တော့ အသက် (၂၅) အထက် အမျိုးသမီးများအားလုံး ဒေသဆိုင်ရာ ကောင်စီရွေးချယ်မှုမှာ မဲပေးခွင့်ရလာပြီး၊ ၁၉၁၅ ခုနှစ်အရောက်မှာ အမျိုးသမီးများအားလုံး ပါလီမန်မှာ မဲပေးခွင့်ရလာပါတယ်။ ၁၉၂၄ ခုနှစ်မှာ Bang ဟာဒိန်းမတ်နိုင်ငံရဲ့ ပညာရေးဝန်ကြီးအဖြစ် ရွေးချယ်တင်မြှောက်ခံခဲ့ရပါတယ်။ သူမဟာ ကမ္ဘာ့သမိုင်းမှာ ပထမဆုံး အမျိုးသမီး ၀န်ကြီးတဦးပဲ ဖြစ်ပါတယ်။ အမေရိကန်ပြည်ထောင်စုရဲ့ ပထမဦးဆုံး အမျိုးသမီး အစိုးရအဖွဲ့ဝင် ၀န်ကြီးဖြစ်တဲ့ ဖရန်စစ် ပါကင်းစ်ဟာ ၁၉၃၃ ခုနှစ်မှာမှ အလုပ်သမားဝန်ကြီးအဖြစ် ရွေးချယ်ခန့်အပ်ခံခဲ့ရတာပါ။ ဒါကြောင့် ဒိန်းမတ်အမျိုးသမီးများရဲ့ လှုပ်ရှားမှုဟာ ကမ္ဘာနဲ့အ၀ှမ်းများ ကနဦး ကြီးကြီးမားမား အောင်မြင်မှုရခဲ့တယ်လို့ ဆိုနိုင်ပါတယ်။ အခုလို အမျိုးသမီးများရဲ့ နိုင်ငံရေးပါဝင်ပတ်သက်မှု အခန်းကဏ္ဍမှာတင် မဟုတ်ပဲ ပညာရေး၊ မိသားစုရေး၊ ဘာသာရေး၊ ကျန်းမာရေးဆိုင်ရာ အမျိုးသမီး အခွင့်အလမ်းတွေမှာလဲ ဒိန်းမတ်နိုင်ငံဟာ ကမ္ဘာက စံပြုလောက်အောင် တန်းတူညီမျှ အခွင့်အရေးတွေ ပြည့်ဝနေတဲ့ နိုင်ငံတခု ဖြစ်လို့ လာခဲ့ပါတယ်။

ဒီမိုကရက်တစ်မြန်မာ့အသံ ပရိသတ်များရှင်။

ဒိန်းမတ်အမျိုးသမီး အခွင့်အရေးလှုပ်ရှားမှုတွေရဲ့ အစဟာ စာပေနယ်က စတင်ခဲ့တာဖြစ်ပါတယ်။ အဲဒီကနေ ပညာရေး၊ အလုပ်သမားရေးရာ၊ နိုင်ငံရေး ပါဝင်ပတ်သက်မှုတွေကို တစတစ ကျယ်ပြန့်သွားခဲ့တာ ဖြစ်ပါတယ်။ ဒါကြောင့် အမျိုးသမီးများအနေနဲ့ မိမိတို့ရဲ့ မိသားစုရေး၊ ပညာရေး၊ ကျန်းမာရေးဆိုင်ရာ ဆုံးရှုံးနေတဲ့ အခွင့်အလမ်းတွေကို ရေးသားဖြန့်ဝေရင်း အမျိုးသမီးအခွင့်အလမ်းလှုပ်ရှားမှုတွေကို စတင်ခြင်းဟာ အလွန်ပဲ ထိရောက်လှပါကြောင်း တင်ပြလိုက်ရပါတယ်ရှင်။

ခင်မမမျိုး (၂၀၀၉)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

အမျိုးသမီးအခွင့်အလမ်းနှင့် နိုင်ငံတော်ဖွံ့ဖြိုးတိုးတက်ရေး (ရ၀မ်ဒါ)

ဒီမိုကရက်တစ်မြန်မာ့အသံ ပရိသတ်များရှင်။

အခုတပတ် အမျိုးသမီးအခွင့်အလမ်း အစီအစဉ်မှာ အာဖရိကတိုက်က နိုင်ငံငယ်လေးတခုဖြစ်တဲ့ ရ၀မ်ဒါနိုင်ငံက အမျိုးသမီး အခွင့်အလမ်းအရေးကို စီစဉ်တင်ဆက်မှာဖြစ်ပါတယ်။ ရ၀မ်ဒါနိုင်ငံဟာ အာဖရိကတိုက်က ကုန်းတွင်းပိုင်းနိုင်ငံငယ်လေး တခုပါ။ လူဦးရေရှစ်သန်းကျော်ရှိပြီး။ ၅၄ ရာခိုင်နှုန်းကျော်ဟာ အမျိုးသမီးများဖြစ်ပါတယ်။ ရ၀မ်ဒါနိုင်ငံက အမျိုးသမီးတွေဟာ ကိုလိုနီစနစ်ဆိုးရဲ့ဒဏ်၊ ပြည်တွင်းစစ်ရဲ့ဒဏ်တွေကို နှစ်ပေါင်းအတော်ကြာအောင် မရှူမလှ ခံစားခဲ့ကြရပါတယ်။ အမျိုးသမီးတွေဟာ အမျိုးသားတွေ ပညာသင်ခွင့်စရပြီး နောင်နှစ်ပေါင်းလေးဆယ်ကျော်ကြာမှ ပညာသင်ခွင့်ရခဲ့ကြပါတယ်။ လယ်ယာမြေပိုင်ဆိုင်မှုဟာ အမျိုးသားများနဲ့ပဲ သက်ဆိုင်ခဲ့ပါတယ်။ ပုံပြင်ဒဏ္ဍာရီတွေ၊ နှုတ်နဲ့ လက်ဆင့်ကမ်းအစဉ်အလာတွေက အမျိုးသမီးတွေဟာ အမျိုးသားတွေရဲ့ နောက်လိုက်ကျေးကျွန်တွေအဖြစ် ပုံဖော်ထားခဲ့ကြပါတယ်။ ၁၉၉၄ ခုနှစ် မတိုင်ခင်အထိ အမျိုးသားတွေကသာ ကြီးစိုးချယ်လှယ်တဲ့ လူမှုအဖွဲ့အစည်းပုံစံပဲ ရှိခဲ့ပါတယ်။




ဒီလိုနဲ့ ၁၉၉၄ လဲရောက်ရော ကမ္ဘာတ၀ှမ်းကို ထိတ်လန့်ချောက်ချားစေခဲ့တဲ့ ရ၀မ်ဒါလူမျိုးတုန်းသတ်ဖြတ်ပွဲကြီး ပေါ်ပေါက်လာခဲ့ပါတယ်။ အဲဒီမှာ ရ၀မ်ဒါအမျိုးသမီး နှစ်သိန်းခွဲကျော်ဟာ လိင်ပိုင်းဆိုင်ရာ စော်ကားခံခဲ့ကြရပါတယ်။ စစ်မက်ရဲ့သားကောင်တွေဘ၀ ကျရောက်ခဲ့ကြရတယ်။ ဒီအချိန်ကာလမှာ အသတ်ခံရသူတွေ၊ နေရပ်စွန့်ခွာ ထွက်ပြေးသွားသူတွေ၊ လူသတ်မှုတွေနဲ့ တရားစီရင်ခံရသူတွေဟာ အမျိုးသားအများစုဖြစ်ခဲ့ပါတယ်။ ရလာဒ်ကတော့ ငြိမ်းချမ်းရေးလုပ်ငန်းစဉ်တွေ စတင်လာတဲ့အချိန်မှာ အိမ်ထောင်အများစုမှာ အမျိုးသမီးတွေသာ ကျန်ခဲ့ကြပါတော့တယ်။ အစဉ်အလာထုံးတမ်းစဉ်လာတွေက အမျိုးသမီးများကို အမျိုးသားတွေရဲ့ နောက်လိုက်တွေ၊ အိမ်တွင်းမှုကိစ္စတွေကလွဲရင် ပြင်ပလူ့အဖွဲ့အစည်းမှာ ပါဝင်လုပ်ဆောင်နိုင်တဲ့ စွမ်းရည်မရှိသူတွေအဖြစ် ပုံဖော်ထားခဲ့ပါတယ်။ ဒါပေမယ့် ရ၀မ်ဒါအမျိုးသမီးများဟာ တိုင်းပြည်အတွက်၊ မိသားစုအတွက် အရေးကြုံလာတဲ့အချိန်မှာ သူတို့ရဲ့ ပင်ကိုယ်စွမ်းရည်တွေ၊ ဦးဆောင်မှုအရည်အချင်းတွေကို ပြသနိုင်ခဲ့ကြပါတယ်။

တပြိုင်နက်တည်းမှာပဲ နိုင်ငံတော်တည်ဆောက်မှုအရေးဟာ နိုင်ငံတွင်းမှာ နေထိုင်ကြတဲ့ အမျိုးသား၊ အမျိုးသမီးတွေအားလုံးရဲ့ အရေးဖြစ်တယ်ဆိုတာကို သိမြင်နားလည်တဲ့ အမျိုးသား နိုင်ငံရေးခေါင်းဆောင်များလဲ ပေါ်ထွက်လာခဲ့ပါတယ်။ ဒီလိုအမြော်မြင်နဲ့ အသိဥာဏ်ပညာရှိတဲ့ ခေါင်းဆောင်တွေဟာ အမျိုးသမီးများရဲ့ အခွင့်အရေးကို မြှင့်တင်ပေးခြင်းဟာ အနာဂတ်တိုင်းပြည်ရဲ့ ဖွံ့ဖြိုးတိုးတက်ရေးနည်းလမ်းတခုဖြစ်တယ်ဆိုတာကို သဘောတူညီသိမြင်ခဲ့ကြပါတယ်။ ရ၀မ်ဒါနိုင်ငံ သမ္မတ ပေါလ်က တိုင်းပြည်ကို မိန့်ခွန်းခြွေခဲ့ရာမှာ အမျိုးသမီးတွေကို နှိမ့်ချဆက်ဆံတာတွေ၊ အမျိုးသမီး အခွင့်အရေးတွေကို တားဆီးပိတ်ပင်တာတွေဟာ တိုင်းပြည်ရဲ့ ဖွံ့ဖြိုးတိုးတက်ရေးကိုရော၊ လူမှုတရားမျှတရေးကိုရော ထိခိုက်တယ်ဆိုတဲ့အချက်ကို ထည့်သွင်းပြောဆိုခဲ့ပါတယ်။

ရ၀မ်ဒါနိုင်ငံလမ်းပြမြေပုံ ဖြစ်တဲ့ ဗေးရှင်း ၂၀၂၀ မှာလဲ လူ့စွမ်းအားအရင်းအမြစ် မြှုပ်နှံဖို့အတွက် ရ၀မ်ဒါလူ့အဖွဲ့အစည်းကို ပြုပြင်ပြောင်းလဲရေး၊ အမျိုးသမီးအခွင့်အလမ်းနဲ့ရပိုင်ခွင့်တွေ မြှင့်တင်ပေးရေးစတဲ့ အချက်တွေကို ထည့်သွင်းခဲ့ကြပါတယ်။ ရ၀မ်ဒါရဲ့ ဖွဲ့စည်းအုပ်ချုပ်ပုံအခြေခံဥပဒေမှာလဲ တိုင်းပြည်တည်ဆောက်ရေးကို တရားဥပဒေစိုးမိုးမှု၊ ဒီမိုကရေစနစ်ထွန်းကားမှုနဲ့ အမျိုးသားနဲ့ အမျိုးသမီးတန်းတူရည်တူ အခွင့်အရေးရရှိမှုတွေအပေါ်မှာ အခြေပြုတည်ဆောက်မယ်လို့ ထည့်သွင်းရေးဆွဲထားပါတယ်။ အမျိုးသားနဲ့အမျိုးသမီး တန်းတူရည်တူအခွင့်အရေးရရှိမှုကို ဖော်ကျူးနိုင်ဖို့အတွက် အစိုးရအာဏာတည်တဲ့အဖွဲ့အစည်းတွေအားလုံးရဲ့ ထိပ်ပိုင်းခေါင်းဆောင်တွေထဲမှာ အနည်းဆုံး ၃၀ ရာခိုင်နှုန်းဟာ အမျိုးသမီးတွေဖြစ်ရမယ်ဆိုတဲ့အချက်ကို ဖော်ပြထားပါတယ်။ အုပ်ချုပ်ရေးအာဏာ၊ ဥပဒေပြုရေးအာဏာ၊ တရားစီရင်ရေးအာဏာသုံးရပ်လုံးမှာ အမျိုးသမီးတွေ ပါဝင်ခွင့်ရလာပါတယ်။

အမျိုးသမီးခေါင်းဆောင်တွေဟာ မူဝါဒချမှတ်တဲ့အဆင့်တွေမှာရော၊ လူ့အဖွဲ့အစည်းအတွင်းမှာပါ အမျိုးသမီးတွေရဲ့ မိမိကိုယ်ကို ယုံကြည်မှုကို မြှင့်တင်ပေးခဲ့ကြပါတယ်။ စိတ်ဓာတ်ကြံ့ခိုင်ရေး၊ ညီညွတ်ရေးတွေကို အမျိုးသမီးတွေအကြားမှာ တည်ဆောက်ခဲ့ကြပါတယ်။ အဲဒီကနေတဆင့် လူ့အဖွဲ့အစည်းတခုလုံးရဲ့ ညီညွတ်ရေး၊ ရ၀မ်ဒါနိုင်ငံသားဆိုတဲ့ စိတ်ဓာတ်နဲ့ ခံယူချက် တိုးမြင့်လာရေးတွေကို ဆောင်ကျဉ်းပေးခဲ့ကြပါတယ်။ ရ၀မ်ဒါနိုင်ငံဟာ တမြေတည်းနေကြတဲ့ လူမျိုးတွေအကြား လူမျိုးစွဲတွေ၊ ဘာသာစကားစွဲတွေ၊ ဒေသစွဲတွေကို ရှေ့တန်းတင်ခဲ့ပြပြီး ကျဉ်းမြောင်းတဲ့ လူမျိုးစွဲဝါဒတွေ၊ ဗိုလ်ကျစိုးမိုးလိုတဲ့ လူမျိုးကြီးဝါဒတွေကို စွဲကိုင်ခဲ့ကြလို့ လူမျိုးအချင်းချင်း မျိုးတုန်းသတ်ဖြတ်မှုတွေအထိ ပဋိပက္ခတွေဖြစ်ပွားခဲ့ရတဲ့ နိုင်ငံတခုဖြစ်ပါတယ်။ ဒီလိုနိုင်ငံတခုရဲ့ ငြိမ်းချမ်းရေး ဆိုတာက ဒီလိုဝါဒစွဲတွေကို ဖယ်ရှားပြီး၊ လူမျိုးစုအားလုံး တဦးနဲ့ တဦး၊ တဖွဲ့နဲ့တဖွဲ့ အပြန်အလှန် လေးစားမှု၊ ယုံကြည်မှု၊ လူမျိုးစုအားလုံးရဲ့ စာပေနဲ့ယဉ်ကျေးမှုတွေကို အပြန်အလှန်တန်ဖိုးထားမှု၊ တန်းတူညီမျှမှုတွေ ရှိလာတဲ့အပေါ်မှာ မူတည်နေပါတယ်။

နိုင်ငံတော်ဖွံ့ဖြိုးတိုးတက်ရေးဆိုတာကလဲ ကိုယ့်မြေ၊ ကိုယ့်ရေကို ချစ်မြတ်နိုးပြီး၊ နိုင်ငံသားဆိုတဲ့ စိတ်ဓာတ်နဲ့ နိုင်ငံတခုလုံးရဲ့ ဖွံ့ဖြိုးတိုးတက်ရေးအပေါ် လူမျိုးစုအားလုံး အာရုံစိုက်လာတဲ့အပေါ်မှာ မူတည်ပါတယ်။ လူမျိုးစုအားလုံး တန်းတူညီမျှမှုကို ဆောင်ကျဉ်းပေးနိုင်မယ့် မူဝါဒများ ပေါ်ထွက်လာဖို့ အရေးကြီးပါတယ်။ ရ၀မ်ဒါမှာရှိတဲ့ အမျိုးသမီးအဖွဲ့တွေဖြစ်တဲ့ ညီညွတ်ရေးကလပ်၊ အမျိုးသမီးပါလီမန်အမတ်များ ညီလာခံ စတဲ့ အဖွဲ့အစည်းတွေဟာ ငြိမ်းချမ်းရေးနဲ့ ဖွံ့ဖြိုးတိုးတက်ရေးကို ဆောင်ကျဉ်းပေးရာမှာ အရေးပါတဲ့ အခန်းကဏ္ဍကနေ ပါဝင်ဆောင်ရွက်ခဲ့ကြပါတယ်။ အမျိုးသမီးကောင်စီတွေပေါ်ပေါက်လာပြီး တရားမျှတမှု၊ ဆင်းရဲနွမ်းပါးမှု လျှော့ချရေး၊ အေအိုင်ဒီအက်စ်ရောဂါတိုက်ဖျက်ရေး စတာတွေမှာ ပါဝင်ဆောင်ရွက် လာကြပါတယ်။ လူမျိုးစုအားလုံးရဲ့ တန်းတူညီမျှရေး၊ ကျားမ တန်းတူညီမျှရေး။ ဒီမိုကရေစီထွန်းကားရေးစတာတွေနဲ့ ပတ်သက်တဲ့ မူဝါဒရေးရာတွေမှာလဲ အင်တိုက်အားတိုက် ပါဝင်လာကြပါတယ်။ မိဘမဲ့ကလေးသူငယ် ထိန်းသိမ်းစောင့်ရှောက်ရေး၊ လူမျိုးတုံးသတ်ဖြတ်မှုရဲ့ ရုပ်ပိုင်းဆိုင်ရာ၊ စိတ်ပိုင်းဆိုင်ရာသားကောင်ဖြစ်ခဲ့ရတဲ့ ပြည်သူတွေကို အားပေးနှစ်သိမ့်ရေး စတာတွေပါ ပြုလုပ်ခဲ့ကြပါတယ်။
အခုဆိုရင် ရ၀မ်ဒါနိုင်ငံမှာ အမျိုးသမီးအခွင့်အရေးမြှင့်တင်ရေးစီမံချက်တွေ စတင်ခဲ့ကြတာ ဆယ့်ငါးနှစ်တာ ကာလ ရှိခဲ့ပါပြီ။ ပထမဆယ်နှစ်တာ ကာလမှာတင်ပဲ တိုင်းပြည်ရဲ့ ငြိမ်းချမ်းရေးဟာ တည်ငြိမ်စ ပြုလာခဲ့ပါတယ်။ အမျိုးသားနဲ့ အမျိုးသမီး တန်းတူရည်တူ အပြန်အလှန်လေးစားမှုကနေ လူသားအချင်းချင်း အပြန်အလှန် လေးစားမှုကို တည်ဆောက်နိုင်လာခဲ့ပါတယ်။ လူ့အဖွဲ့အစည်းအတွင်းက အိမ်တွင်းအာဏာရှင်စနစ်တွေ ပယ်ပျောက်လာတာနဲ့အမျှ လူတဦးနဲ့ တဦးအကြား ဆက်ဆံရေးကို ထိန်းချုပ်ထားတဲ့ အကြောက်တရားတွေ၊ လွှမ်းမိုးချုပ်ကိုင်လိုစိတ်တွေကို ဖယ်ရှားနိုင်ခဲ့ကြပါတယ်။ အကြောက်တရားတွေ ကင်းဝေလာတာနဲ့အမျှ မိမိကိုယ်မိမိ ယုံကြည်မှုတွေ မြင့်မားလာခဲ့ပါတယ်။ မိမိကိုယ်မိမိ ယုံကြည်ချက်ရှိလာတဲ့အခါကျတော့ စွမ်းရည်တွေ တိုးတက်လာပါတယ်။ ကိုယ့်မိသားစုနဲ့ ကိုယ့်တိုင်းပြည်ကို ပြန်လည်တည်ဆောက်ရမယ်ဆိုတဲ့ စိတ်ဓာတ်တွေ ပေါ်ထွက်လာပါတယ်။ ဒီလိုစိတ်ဓာတ်တွေ ပေါ်ထွက်လာတဲ့အခါကျတော့ အတိတ်က နာကျည်းမှု၊ ရန်လိုစိတ်တွေကို ထိန်းချုပ်နိုင်ပြီး၊ အနာဂတ်အရေးကို ရှေးရှုလာနိုင်ခဲ့ကြပါတယ်။

ဒီမိုကရက်တစ်မြန်မာ့အသံပရိသတ်များရှင်။

ပညာရှင်များက အမျိုးသမီးရေး၊ ငြိမ်းချမ်းရေး၊ လုံခြုံရေးနဲ့ ပတ်သက်ပြီး ရေရှည်တည်တံ့နိုင်မယ့် ငြိမ်းချမ်းရေးအတွက် အမျိုးသမီးများရဲ့ နိုင်ငံရေး၊ စီးပွားရေး၊ လူမှုရေးရာ ဦးဆောင်ပါဝင်ပတ်သက်မှုတွေ လိုအပ်ကြောင်း ၊ တိုင်းပြည်ထူထောင်ရေးတွေမှာလဲ လူဦးရေရဲ့ တ၀က်ကျော်ကို ကိုယ်စားပြုလေ့ရှိတဲ့ အမျိုးသမီးများ တတပ်တအားပါဝင်မှသာ အောင်မြင်မယ်ဆိုတဲ့အကြောင်း ညွှန်ပြပြောဆိုခဲ့ကြပါတယ်။ အမျိုးသမီးအခွင့်အလမ်းများကို မြှင့်တင်ပေးခြင်းဟာ အနာဂတ်လူ့ဘောင်သာယာတိုးတက်ရေးရဲ့ အခြေခံအုတ်မြစ်ဖြစ်ကြောင်း အခုရ၀မ်ဒါနိုင်ငံအပါအ၀င် နိုင်ငံများစွာက သက်သေထူထားပါကြောင်း တင်ပြလိုက်ရပါတယ်ရှင်။

ခင်မမမျိုး (၂၀၀၉)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

အမျိုးသမီးနှင့် အာဏာရှင်စနစ်တိုက်ဖျက်ရေး

ဒီမိုကရက်တစ်မြန်မာ့အသံ ပရိသတ်များရှင်။

အခုတပတ် အစီအစဉ်မှာ အာဏာရှင်စနစ် တိုက်ဖျက်ရေးနဲ့ ပတ်သက်ပြီး အမျိုးသမီးတွေရဲ့ အခန်းကဏ္ဍကို တင်ပြမှာ ဖြစ်ပါတယ်။ အာဏာရှင်စနစ်ဆိုတာမှာ တပါတီအာဏာရှင်စနစ်၊ လူတဦးတယောက်တည်းက အာဏာကို ချုပ်ကိုင်ထားတဲ့ အာဏာရှင်စနစ်နဲ့ စစ်အာဏာရှင်စနစ် ဆိုပြီး အမျိုးအမည်တွေ ကွဲပြားပါတယ်။ ဘယ်လိုပဲကွဲပြား၊ ကွဲပြား အာဏာရှင်စနစ်တွေအားလုံးမှာ တူနေတဲ့ သွင်ပြင်လက္ခဏာကတော့ လူထု၊ လူတန်းစားတွေကို ဖိနှိပ်ချုပ်ချယ်တာပဲ ဖြစ်ပါတယ်။ လူထုရဲ့ နိုင်ငံရေးတက်ကြွလှုပ်ရှားခွင့်၊ လွတ်လပ်စွာ ပြောဆိုဟောပြောခွင့်၊ စုဝေးပြီး ဆန္ဒထုတ်ဖော်ခွင့် တွေကို ပိတ်ပင်တားဆီးထားတဲ့ အစိုးရဆိုရင် ဒါဟာ ရွေးကောက်ပွဲနဲ့ တက်လာတဲ့ အစိုးရပဲဖြစ်ဖြစ်၊ အာဏာသိမ်းပြီး တက်လာတဲ့ အစိုးရပဲဖြစ်ဖြစ် အာဏာရှင် အစိုးရပဲ ဖြစ်ပါတယ်။



ဒုတိယကမ္ဘာစစ်ပြီး နောက်ပိုင်းမှာ စစ်အာဏာသိမ်းမှုတွေ ကမ္ဘာအနှံ့အပြားမှာ ဖြစ်ပွားခဲ့ပါတယ်။ လက်တင်အမေရိက နိုင်ငံတွေရဲ့ လေးပုံသုံးပုံ၊ အာရှတိုက်နဲ့ အာဖရိကတိုက်နိုင်ငံတွေရဲ့ တ၀က်ကျော်က ပြည်သူလူထုဟာ စစ်အာဏာရှင်လက်အောက်ကို ကျရောက်ခဲ့ရဖူးပါတယ်။ နိုင်ငံရေးပညာရှင်တွေက စစ်အာဏာသိမ်းမှု ဖြစ်ပွားရတဲ့ အကြောင်းရင်းတွေကို ဖော်ထုတ်ခဲ့ကြပါတယ်။ အဓိက အကြောင်းရင်းကတော့ တပ်မတော်ဆိုတာ ပြည်သူလူထုရဲ့ အသက်အိုးအိမ်စည်းစိမ်ကို ကာကွယ်ပေးဖို့ ဆိုတဲ့ မူရင်းရည်ရွယ်ချက်ပျောက်သွားပြီး၊ တိုင်းပြည်အုပ်ချုပ်ရေး အခန်းကဏ္ဍမှာပါ ၀င်ရောက်စွက်ဖက်ဖို့လိုအပ်တယ်လို့ ထင်မြင်ယူဆလာတာဖြစ်ပါတယ်။ ဒီလိုထင်မြင်ယူဆချက်တွေနဲ့ တိုင်းပြည်အုပ်ချုပ်ရေး အခန်းကဏ္ဍမှာ ပါဝင်စွက်ဖက်တာ အချိန်ကြာလာတော့ ထိပ်တန်းခေါင်းဆောင်များက အာဏာကို တပ်မက်စွဲလန်းလာပါတယ်။ အထူးသဖြင့် စစ်ဘက်ထိပ်တန်းအရာရှိများရဲ့ စီးပွားရေး အခွင့်အလမ်းတွေကို ကာကွယ်ဖို့၊ အာဏာတည်မြဲဖို့က တပ်မတော်ရဲ့ ဦးစားပေးရည်မှန်းချက် ဖြစ်လာပါတယ်။ ပြည်သူလူထုရဲ့ အသက်အိုးအိမ် စည်းစိမ် ကာကွယ်စောင့်ရှောက်ရေး ရည်မှန်းချက်ဟာ ပျောက်ကွယ်သွားပါတယ်။

ဒါပေမယ့် ၁၉၈၀ နောက်ပိုင်းကာလမှာကျတော့ တတိယလှိုင်း ဒီမိုကရေစီလှိုင်းလုံးကြီးနဲ့အတူ နိုင်ငံတော်တော်များများဟာ စစ်အာဏာရှင် လက်အောက်ကနေ လွတ်မြောက်ခဲ့ကြပါတယ်။ အာဏာရှင်စနစ် တိုက်ဖျက်ရေး လူထုလှုပ်ရှားမှုတွေ အများအပြားပေါ်ပေါက်လာခဲ့ပါတယ်။ တပ်မတော်ဆိုတာ ထိပ်သီး စစ်ခေါင်းဆောင်တွေရဲ့ အသက်အိုးအိမ်စည်းစိမ်ကို ကာကွယ်ဖို့ မဟုတ်ပဲ၊ ပြည်သူလူထုရဲ့ အသက်အိုးအိမ်စည်းစိမ်ကို ကာကွယ်ဖို့ ဆိုတဲ့ မူလရည်မှန်းချက်ကို သဘောပေါက် နားလည်ထားကြတဲ့ မျိုးချစ်တပ်မတော်သားတွေကလဲ လူထုနဲ့ ပူးပေါင်းလာကြပါတယ်။ လူထုရဲ့ ကိုယ့်ကြမ္မာ ကိုယ်ဖန်တီးခွင့် အခွင့်အလမ်းတွေ ရလာခဲ့ကြပါတယ်။ အခုဆိုရင် စစ်အာဏာရှင်လက်အောက်မှာ ကျရောက်နေရတဲ့ နိုင်ငံအရေအတွက်ဟာ အနည်းငယ်ပဲ ကျန်ပါတော့တယ်။

အခုဆက်လက်ပြီး အာဏာရှင်စနစ် တိုက်ဖျက်ရေးမှာ အမျိုးသမီးများရဲ့ အခန်းကဏ္ဍကို ဆက်လက်တင်ပြပါတယ်။ အမျိုးသမီးများရဲ့ အာဏာရှင်တိုက်ဖျက်ရေး၊ အစိုးရဖြုတ်ချရေး လှုပ်ရှားမှုတွေထဲမှာ ထင်ရှားတဲ့ လှုပ်ရှားမှုကတော့ ချီလီနိုင်ငံအမျိုးသမီးများရဲ့ အိုးလွတ်ခွက်လွတ်များ ချီတက်ပွဲပဲ ဖြစ်ပါတယ်။ ၁၉၇၁ ခုနှစ်မှာ ချီလီနိုင်ငံမှာ ဖြစ်ပွားနေခဲ့တဲ့ ကုန်ဈေးနှုန်းကြီးမြင့်မှု၊ အစားအစာရှားပါးမှုကို ဆန့်ကျင်တဲ့ ဒီလှုပ်ရှားမှုကြီးကို အမျိုးသမီးတွေက ဦးဆောင်ခဲ့ကြပါတယ်။ ထောင်ပေါင်းများစွာသော အမျိုးသမီးတွေဟာ ကုန်ဈေးနှုန်း ကျဆင်းအောင် မလုပ်ပေးနိုင်တဲ့ အစိုးရကို ဆန့်ကျင်တဲ့ အနေနဲ့ ဒန်အိုးဒန်ခွက်လွတ်တွေကို တီးခေါက်ပြီး လမ်းပေါ်ထွက် ဆန္ဓပြခဲ့ကြပါတယ်။ တချို့သော အမျိုးသမီးတွေဟာ ဆိုရင် စစ်သားတွေကို ကြက်စာတွေနဲ့ ပစ်ပေါက်ပြီး၊ လူထုအတွက် မားမားမတ်မတ်မရပ်တည်ရဲပဲ အာဏာရှင်ခိုင်းသမျှ လိုက်လုပ်နေတာကို မီးမောင်းထိုးပြခဲ့ကြပါတယ်။

ဒီလှုပ်ရှားမှုတွေရဲ့ အကျိုးရလာဒ်အနေနဲ့ ချီလီနိုင်ငံက အစိုးရပြုတ်ကျသွားပေမယ့် အာဏာသိမ်းလိုက်တဲ့ စစ်တပ်က စစ်အာဏာရှင်စနစ်ကို ဆက်လက်ကျင့်သုံးပါတော့တယ်။ ဒါပေမယ့် ချီလီနိုင်ငံက အမျိုးသမီးတွေဟာ ရဲရဲဝံ့ဝံ့ပဲ စစ်အာဏာရှင်စနစ်ကို နည်းမျိုးစုံနဲ့ ဆန့်ကျင်ခဲ့ကြပါတယ်။ ချီလီနိုင်ငံတခုတည်းမှာတင် မဟုတ်ပါဘူး။ လက်တင်အမေရိကက စစ်အာဏာရှင်စနစ် နိုင်ငံပေါင်းစုံမှာ အမျိုးသမီးနိုင်ငံရေးကွန်ယက်တွေ ပေါ်ထွက်လာပါတယ်။ အမျိုးသမီးတွေရဲ့ နိုင်ငံရေးတက်ကြွမှုကို စစ်အာဏာရှင်တွေက မိသားစုရေးရာ၊ အိမ်မှုကိစ္စရေးရာ၊ နိုင်ငံရေးမဟုတ်တဲ့ လူမှုဝန်ထမ်း လုပ်ငန်းဆောင်တာတွေနဲ့ အသွင်ပြောင်းလဲဖို့ ကြိုးစားခဲ့ပါတယ်။ ဒါပေမယ့်နိုင်ငံတော်ရဲ့ နိုင်ငံရေးစနစ်၊ စီးပွားရေးစနစ်နဲ့ မူဝါဒတွေဟာ နိုင်ငံတော်ရဲ့ ရေရှည် ဖွံ့ဖြိုးတိုးတက်ရေး၊ လူထုလူတန်းစားအားလုံးရဲ့ လူနေမှုဘ၀ သာယာဝပြောရေးအတွက် အလွန်ပဲ အရေးကြီးပါတယ်ဆိုတဲ့ အချက်ကို လက်တင်အမေရိက အမျိုးသမီးများက ကောင်းကောင်း သဘောပေါက်ခဲ့ကြပါတယ်။

၁၉၇၀ နှောင်းပိုင်းကာလတွေနဲ့ ၁၉၈၀ ဆယ်စုနှစ်ကာလများတလျှောက် လက်တင်အမေရိကမှာ အမျိုးသမီးလှုပ်ရှားမှုတွေ မြေပေါ်မြေအောက် အသွင်သဏ္ဍာန်အမျိုးမျိုးနဲ့ ပေါ်ပေါက်လာခဲ့ပါတယ်။ ထင်ရှားတာတွေကတော့ လူ့အခွင့်အရေးအဖွဲ့အစည်းများနဲ့ လူထုလူတန်းစား အဖွဲ့အစည်းများ ဖြစ်ပါတယ်။ အမျိုးသမီးတွေဟာ ပင်ကိုယ်သဘာဝက မိခင်စိတ်ရှိသူတွေ၊ တဦးနဲ့တဦး ဒုက္ခရောက်ရင် ကူညီဖေးမချင်တဲ့ အခြေခံစိတ်ရှိသူတွေ ဖြစ်တာကြောင့် အလွယ်တကူ စုဖွဲ့လှုပ်ရှားလို့ လွယ်ကူပါတယ်။ ဒီလိုနဲ့ ချီလီက အမျိုးသမီးလှုပ်ရှားမှုတွေဟာ တစတစ ကျယ်ပျံ့လာခဲ့ပါတယ်။ လူတန်းစားအလွှာမျိုးစုံက အမျိုးသမီးတွေ ပါဝင်တာကြောင့် အာဏာရှင်စနစ်ကြောင့် ဖြစ်ရတဲ့ လူမှုရေး၊ စီးပွားရေး ချို့ယွင်းအားနည်းချက်တွေကို ထောက်ပြပြောဆိုနိုင်ခဲ့ကြပါတယ်။ လူထုလူတန်းစားတွေ စုဖွဲ့လှုပ်ရှားလာတဲ့ အဖွဲ့အစည်းတွေဟာ အိမ်နီးနားချင်း၊ မိတ်ဆွေ၊ သူငယ်ချင်းတွေပေါ်မှာ အခြေခံစည်းရုံးပြီး၊ ကွန်ယက်ချိတ်ဆက်လှုပ်ရှားလာကြပါတယ်။


ဒါတင်မကသေးပါဘူး။ ချီလီ၊ အယ်ဆာလ်ဗေတာ၊ အာဂျင်တီးနား အပါအ၀င် လက်တင်အမေရိက နိုင်ငံများနဲ့ အာရှတိုက်က သီရိလင်္ကာနိုင်ငံတို့မှာ ပေါ်ပေါက်လာခဲ့တဲ့ အမျိုးသမီးလူ့အခွင့်အရေးအဖွဲ့များရဲ့ အခန်းကဏ္ဍကလဲ အာဏာရှင်စနစ် တိုက်ဖျက်ရေးမှာ အလွန်ပဲ အရေးပါလှပါတယ်။ ဒီအဖွဲ့အစည်းတွေဟာ အာဏာရှင်စနစ်ရဲ့ ဖိနှိပ်မှုကို ခံရတဲ့ မိသားစုဝင်တွေက တရားရုံးတွေ၊ ရဲစခန်းတွေမှာ သူတို့ သားတွေ၊ လင်ယောက်ျားတွေ၊ ဖခင်တွေကို သွားရောက်ရှာဖွေတွေ့ဆုံဖို့ ကြိုးစားမှုတွေကနေ အစပြုလာခဲ့တာပါ။ တဖြည်းဖြည်း ကွန်ယက်တွေ ကျယ်ပြန့်လာပြီး ဆန္ဒပြပွဲတွေ ပေါ်ပေါက်လာပါတော့တယ်။ သူတို့တွေဟာ ပျောက်ဆုံးနေတဲ့ သူတို့ မိသားစုဝင်တွေ၊ အကျဉ်းကျခံထားရတဲ့ မိသားစုဝင်တွေရဲ့ ဓာတ်ပုံတွေကို ကိုင်ဆောင်ပြီး လှည့်လည်ဆန္ဒပြခဲ့ကြပါတယ်။ ဒီလို မိခင်တွေ၊ အဖွားတွေ ဦးဆောင်တဲ့ ဆန္ဒပြပွဲတွေဟာ စစ်အာဏာရှင် အစိုးရတွေကို ထိတ်လန့်တကြား ဖြစ်စေခဲ့ပါတယ်။

ဒီမိုကရက်တစ် မြန်မာ့အသံပရိသတ်များရှင်။

အာဏာရှင်စနစ်ဆိုတာ လူသားတွေရဲ့ အနာဂတ်ဘ၀ပန်းတိုင်ကို စနစ်တကျ စီမံဖျက်ဆီးတဲ့ စနစ်ဖြစ်ပါတယ်။ လူတွေကို အကြောက်တရားတွေသွင်းပြီး၊ လူတွေရဲ့ အောင်စိတ်ကို အညွန့်ချိုးတဲ့ စနစ်ဖြစ်ပါတယ်။ တိုင်းပြည်တခုရဲ့ စီးပွားရေး၊ လူမှုရေး၊ ပညာရေး၊ ကျန်းမာရေး အစစအရာရာ ချွတ်ချုံကျစေတဲ့ စနစ်ဖြစ်ပါတယ်။ အာဏာရှင်လူတန်းစားနဲ့ သူတို့ အမျိုးအဆွေ၊ နီးစပ်သူတွေကလွဲရင် လူထုတရပ်လုံးကို ဆင်းရဲတွင်းထဲ တွန်းပို့စေတဲ့ စနစ်ဖြစ်ပါတယ်။ ဒါကြောင့် အာဏာရှင်စနစ်ကို ဆန့်ကျင်တော်လှန်ကြရမှာပဲဖြစ်ပါတယ်။ ဒါဟာ သမိုင်းပေးတာဝန်ပါပဲ။ ဒီလို အာဏာရှင်စနစ် တိုက်ဖျက်ရေးမှာ အမျိုးသားများကပဲ တိုက်ပွဲဝင်ရုံနဲ့လဲ အောင်မြင်မှာ မဟုတ်ပါဘူး။ လူ့အဖွဲ့အစည်းတခုလုံးအပေါ် ကျရောက်နေတဲ့ အရိပ်ဆိုးကို လူ့အဖွဲ့အစည်းမှာ နေထိုင်ကြတဲ့ အမျိုးသားများရော၊ အမျိုးသမီးများပါ စုပေါင်းတိုက်ပွဲဝင်ကြမှ အောင်မြင်မှာ ဖြစ်ပါတယ်။ ဒါကြောင့် အာဏာရှင်စနစ်တိုက်ဖျက်ရေးမှာ အမျိုးသမီးများရဲ့ အခန်းကဏ္ဍဟာလဲ အရေးကြီးလှပါကြောင်း တင်ပြလိုက်ရပါတယ်ရှင်။


ခင်မမမျိုး (၂၀၀၉)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

အမျိုးသမီးများ၏ ဥပဒေရေးရာ အခွင့်အရေးများကို မြှင့်တင်ခြင်း

ဒီမိုကရက်တစ်မြန်မာ့အသံ ပရိသတ်များရှင်။

အမျိုးသမီးများရဲ့ အခွင့်အရေးတွေ၊ လုပ်ဆောင်နိုင်စွမ်းတွေကို ပိတ်ပင်ထားတဲ့ အတားအဆီးတွေထဲမှာ ဥပဒေရေး အခွင့်အလမ်းတွေဟာ အဓိကကျပါတယ်။ အမျိုးသမီးတွေကို နှိမ့်ချဆက်ဆံမှု၊ အမျိုးသမီးများ ဆင်းရဲနွမ်းပါးမှု၊ အခမဲ့စေခိုင်းမှု၊ ဥပဒေရေးရာ အခွင့်အရေးတွေကို နားမလည်တဲ့ အမျိုးသမီးများကို အနိုင်ကျင့်စော်ကားမှု စတာတွေဟာ ဖွံ့ဖြိုးဆဲနိုင်ငံတွေမှာ ဖြစ်ပွားနေဆဲပါပဲ။ အမျိုးသမီးအခွင့်အလမ်းတွေကို နှိမ့်ချထားတဲ့ ဥပဒေတွေ၊ နိုင်ငံတော်ရဲ့ တရားစီရင်ရေးကဏ္ဍချို့ယွင်းမှုတွေ၊ ဥပဒေနဲ့အညီ အရေးယူဆောင်ရွက်မှုပိုင်းဆိုင်ရာ အားနည်းချက်တွေဟာ အမျိုးသမီးအခွင့်အလမ်းတွေကို ကန့်သတ်ထားကြပါတယ်။




ဒါကြောင့်လဲ ၂၀၀၂ ခုနှစ်ကနေ ၂၀၀၇ ခုနှစ်အကြား ငါးနှစ်တာကာလအတွင်းမှာ နိုင်ငံတကာအဖွဲ့အစည်းတွေ၊ အစိုးရတွေနဲ့ ဒေသခံ အမျိုးသမီးအခွင့်အရေးအဖွဲ့တွေ ပူးပေါင်းပြီး၊ ဖွံ့ဖြိုးဆဲနိုင်ငံ ဆယ်နိုင်ငံမှာ အမျိုးသမီးတွေရဲ့ ဥပဒေအခွင့်အလမ်း မြှင့်တင်ရေးအစီအစဉ်တွေ အကောင်အထည်ဖော်ခဲ့ကြပါတယ်။ ဒီအစီအစဉ်တွေမှာ ကဏ္ဍ သုံးခု ပါဝင်ခဲ့ပါတယ်။ ပထမကဏ္ဍတခုကတော့ အမျိုးသမီးတွေရဲ့ ဥပဒေရေးရာ အခွင့်အလမ်းတွေကို ကာကွယ်စောင့်ရှောက်ပေးတဲ့ ဥပဒေတွေ ပြဌာန်းပေးဖို့ဖြစ်ပါတယ်။

ဒီအစီအစဉ်ကို ဖွံ့ဖြိုးဆဲနိုင်ငံတွေဖြစ်တဲ့ အယ်လ်ဘေးနီးယားနိုင်ငံ၊ မိုဇင်းဘတ်နိုင်ငံနဲ့ ဘီနင်နိုင်ငံတို့မှာ အကောင်အထည်ဖော်ခဲ့ကြပါတယ်။ အယ်လ်ဘေးနီးယားနိုင်ငံမှာ အမျိုးသမီးများအပေါ် အိမ်တွင်းအကြမ်းဖက်မှုကို ကာကွယ်စောင့်ရှောက်ပေးတဲ့ ဥပဒေကို ပြဌာန်းပေးဖို့ အယ်လ်ဘေးနီးယား အမျိုးသမီးများက လက်မှတ်ရေးထိုးတောင်းဆိုမှုကို ပြုလုပ်ခဲ့ကြပါတယ်။ နိုင်ငံထဲမှာရှိနေတဲ့ အစိုးရမဟုတ်တဲ့အဖွဲ့အစည်းတွေ၊ အမျိုးသမီးအခွင့်အရေးလှုပ်ရှားသူတွေဟာ နယ်အနှံ့၊ မြို့အနှံ့ကို သွားရောက်ပြီး လက်မှတ်များစုဆောင်းခဲ့ကြတာမှာ အယ်လ်ဘေးနီးယားအမျိုးသမီးများက တခဲနက်အားပေးလက်မှတ်ရေးထိုးခဲ့ကြပါတယ်။ ဒီလက်မှတ်တွေကို အယ်လ်ဘေးနီးယား အစိုးရကို တင်ပြခဲ့ကြတာကြောင့် အယ်လ်ဘေးနီးယား ပါလီမန်ကနေ ဒီဥပဒေကို ပြဌာန်းပေးလာခဲ့ပါတယ်။

မိုဇင်ဘတ်နိုင်ငံမှာဆိုရင်လဲ အမျိုးသမီးတွေကို လူကုန်ကူးတာနဲ့ ပတ်သက်ပြီး ဥပဒေတရပ် မရှိခဲ့သေးတာကြောင့်၊ နိုင်ငံတကာအဖွဲ့အစည်းတွေနဲ့ ဒေသခံအမျိုးသမီးများ စုပေါင်းပြီး၊ လူကုန်ကူးမှုကို တားမြစ်တဲ့ ဥပဒေတရပ် ပေါ်ထွန်းလာအောင် ကြိုးပမ်းခဲ့ကြပါတယ်။ ဘီနင်မှာဆိုရင်လဲ နှုတ်နဲ့ဖြစ်စေ၊ ကိုယ်ထိလက်ရောက်ဖြစ်စေ လိင်ပိုင်းဆိုင်ရာ စော်ကားမှုတွေကို တားမြစ်တဲ့ ဥပဒေတရပ် ပေါ်ထွက်လာခဲ့ပါတယ်။

အမျိုးသမီးများရဲ့ ဥပဒေရေးရာအခွင့်အလမ်းတွေကို မြှင့်တင်ရေးဆိုင်ရာ ဒုတိယကဏ္ဍတခုကတော့ ချမှတ်ပြဌာန်းထားတဲ့ အမျိုးသမီးအခွင့်အရေးဥပဒေတွေ ကျင့်သုံးရေး၊ ဥပဒေနဲ့အညီ အရေးယူဆောင်ရွက်နိုင်တဲ့ အခွင့်အလမ်းတွေကို တိုးမြှင့်ပေးရေးပဲ ဖြစ်ပါတယ်။ အမျိုးသမီးတွေရဲ့ အခွင့်အရေးတွေကို ကာကွယ်စောင့်ရှောက်ပေးနိုင်ဖို့၊ အမျိုးသမီး အခွင့်အလမ်းတွေ တိုးမြှင့်စေနိုင်ဖို့ ဆိုတာ ဥပဒေတရပ် ပြဌာန်းထားရုံနဲ့ မလုံလောက်ပါဘူး။ တရားရေးဆိုင်ရာ ၀န်ထမ်းများအားလုံးက ဒီဥပဒေကို လက်တွေ့နားလည် ကျင့်သုံးမှု ပြုလုပ်ဖို့ လိုအပ်လှပါတယ်။ ဒါနဲ့ပတ်သက်ပြီး အယ်လ်ဘေးနီးယား၊ ဘီနင်၊ ရ၀မ်ဒါနိုင်ငံများမှာ တရားရေးဝန်ထမ်းတွေ၊ ရှေ့နေတွေ၊ ဥပဒေလေ့လာသူတွေကို အမျိုးသမီးအခွင့်အရေးဥပဒေ ကျင့်သုံးရေးဆိုင်ရာနဲ့ ပတ်သက်ပြီး လေ့လာသင်ယူစေတဲ့ သင်တန်းပေး လှုပ်ရှားမှုတွေ ပေါ်ပေါက်လာခဲ့ပါတယ်။ တက္ကသိုလ်၊ ကောလိပ်တွေက ဆရာ၊ ဆရာမတွေက ဦးဆောင်ပြီး၊ အမျိုးသမီးအခွင့်အရေးနဲ့ ပတ်သက်တဲ့ ဘွဲ့တွေ၊ ဒီပလိုမာ ပရိုဂရမ်တွေကိုလဲ ဖော်ထုတ်ခဲ့ကြပါတယ်။ ဥပဒေသင်ရိုးညွှန်းတန်းများမှာ အမျိုးသမီးတွေရဲ့ ဥပဒေအခွင့်အလမ်းဆိုင်ရာ ဘာသာရပ်များ ထည့်သွင်းလာခဲ့ကြပါတယ်။

နောက်ထပ်အရေးပါတဲ့ ကဏ္ဍတခုကတော့ အမျိုးသမီးများ ဥပေဒေရေးဆိုင်ရာ အခွင့်အလမ်းတွေနဲ့ ပတ်သက်ပြီး အရပ်ဘက်လူထုလူတန်းစားအဖွဲ့အစည်းတွေရဲ့ အကြံပေးနိုင်မှု၊ သင်တန်းပေးနိုင်မှု၊ အကူအညီပေးနိုင်မှု စွမ်းရည်ကို မြှင့်တင်ပေးရေးဖြစ်ပါတယ်။ ဘီနင်နိုင်ငံမှာဆိုရင် အရပ်ဘက်လူထု လူတန်းစားအဖွဲ့အစည်းတွေကနေ ဦးဆောင်ပြီး၊ သင်တန်းမှူးတရာကျော်ကနေ အမျိုးသမီးများရဲ့ ဥပဒေရေးဆိုင်ရာ အခွင့်အလမ်းတွေကို အမျိုးသမီး တသိန်းကျော်ကို သင်တန်းပို့ချပေးခဲ့ကြပါတယ်။ တောင်အာဖရိကနိုင်ငံများဆိုရင်လဲ အမျိုးသမီးအဖွဲ့အစည်းများက ဦးဆောင်ပြီး၊ သိန်းနဲ့ချီတဲ့ အမျိုးသမီးတွေကို ဥပဒေရေးအခွင့်အလမ်းသင်တန်းတွေ ပို့ချပေးခဲ့ကြပါတယ်။

ဒါတွင်မကသေးပါဘူး။ လူ့အဖွဲ့အစည်းအတွင်းမှာ အမျိုးသမီးများရဲ့ ဥပဒေရေးဆိုင်ရာ အခွင့်အလမ်းတွေကို ကျယ်ကျယ်ပြန့်ပြန့် သိရှိနားလည်လာစေရေးအတွက် စာနယ်ဇင်း၊ သတင်းမီဒီယာတွေကနေ တင်ပြမှုတွေ၊ အမျိုးသမီးအခွင့်အရေးဆိုင်ရာ ကြေညာစာတမ်းဖြန့်ဝေမှုတွေလဲ ပြုလုပ်လာခဲ့ကြပါတယ်။

ဒီမိုကရက်တစ်မြန်မာ့အသံ ပရိသတ်များရှင်။

လူ့အဖွဲ့အစည်းဖွံ့ဖြိုးတိုးတက်ဖို့၊ နိုင်ငံတော် စီးပွားရေး တိုးတက်ဖို့၊ အလုပ်သမား၊ တောင်သူလယ်သမား လူထုလူတန်းစားမရွေး သာတူညီမျှ ကောင်းစားဖို့၊ ဆင်းရဲနွမ်းပါးမှုလျော့ကျစေဖို့ စတဲ့ ကဏ္ဍတွေအားလုံးမှာ အမျိုးသမီးများရဲ့ စီးပွားရေး၊ လူမှုရေး၊ ပညာရေး၊ ကျန်းမာရေး၊ အိမ်တွင်းရေး အခွင့်အလမ်းတွေ တိုးမြင့်လာဖို့ လိုအပ်လှပါတယ်။ ဒီလိုတိုးမြင့်လာဖို့ဆိုတာမှာလဲ ဥပဒေအရ ကာကွယ်စောင့်ရှောက်မှုတွေပါ ပါဝင်ဖို့လိုအပ်ပါတယ်။ ဒီနေရာမှာ အမျိုးသမီးတွေရဲ့ ဥပဒေရေးဆိုင်ရာ အခွင့်အလမ်းတွေကို ချမှတ်ပြဌာန်းဖို့ လိုအပ်သလို၊ ဒီဥပဒေအခွင့်အလမ်းတွေကို လူ့အဖွဲ့အစည်းအတွင်းက အမျိုးသမီးများအားလုံး နားလည်လာဖို့လဲ လိုအပ်ပါတယ်။ ဒီအတွက် ဖွံ့ဖြိုးဆဲနိုင်ငံများမှာ အမျိုးသမီးအခွင့်အရေးဆိုင်ရာ အရပ်ဘက်လူ့အဖွဲ့အစည်းတွေ ဖွဲ့စည်းဖို့ လိုအပ်ပါတယ်။ ဒီအဖွဲ့အစည်းတွေကနေတဆင့် နိုင်ငံတကာ အမျိုးသမီးအခွင့်အရေးအဖွဲ့အစည်းတွေနဲ့ ပူးပေါင်းပြီး အမျိုးသမီးများရဲ့ ဥပဒေရေးအခွင့်အလမ်း မြှင့်တင်မှုအစီအစဉ်တွေ အကောင်အထည်ဖော်လို့ရပါတယ်။

ဒါတွင်မကသေးပါဘူး။ အမျိုးသမီးအခွင့်အရေးဆိုင်ရာ အရပ်ဘက်လူ့အဖွဲ့အစည်းတွေက ဦးဆောင်ပြီး ဥပဒေချမှတ်ပြဌာန်းနိုင်ဖို့ စည်းရုံးလှုံဆော်မှုတွေ ပြုလုပ်တာ၊ လက်မှတ်ရေးထိုးကင်ပိန်းတွေ ပြုလုပ်တာတွေကို ကျယ်ကျယ်ပြန့်ပြန့်ချဲ့ထွင်နိုင်ပါတယ်။ တက္ကသိုလ်၊ ကောလိပ် ပညာရေး ၀န်ထမ်းများကလဲ အမျိုးသမီးအခွင့်အရေးသင်တန်းတွေ ပို့ချတာ၊ သင်ရိုးညွန်းတန်းတွေမှာ ထည့်သွင်းတာတွေကို ဦးဆောင်ဆွေးနွေးပြုလုပ်ခြင်းနဲ့ အမျိုးသမီးအခွင့်အလမ်းတွေကို မြှင့်တင်ပေးနိုင်ပါတယ်။

လက်တင်အမေရိကမှာဆိုရင် အာဏာရှင်လက်အောက်မှာ စုဖွဲ့ပေါ်ထွက်လာခဲ့တဲ့ အမျိုးသမီး အခွင့်အရေးဆိုင်ရာ အရပ်ဘက် လူ့အဖွဲ့အစည်းတွေဟာ ဒီမိုကရေစီစနစ် အသွင်ကူးပြောင်းရေး ဖြစ်စဉ်ကိုပါ ပံ့ပိုးပေးနိုင်ခဲ့ကြပါတယ်။ အမျိုးသမီးအခွင့်အရေးလှုပ်ရှားသူတွေ တဖြည်းဖြည်း စုဖွဲ့မိရာကနေ ဒီမိုကရေစီ အသွင်ကူးပြောင်းမှုအတွက် နိုင်ငံရေးနေရာ ကျယ်ပြန့်လာခဲ့ပါတယ်။ အမျိုးသမီးများကနေတဆင့် လူ့အဖွဲ့အစည်းအတွင်း ညီညွတ်မှုကို တည်ဆောက်လာနိုင်ခဲ့ပါတယ်။ အိမ်တွင်းအကြမ်းဖက်မှုပပျောက်ရေး လှုပ်ရှားမှုကနေ အိမ်တွင်းဒီမိုကရေစီ ကျင့်သုံးမှု စတင်လာခဲ့ပါတယ်။ အမျိုးသမီးများရဲ့ ဥပဒေရေးရာ အခွင့်အလမ်းတောင်းဆိုမှုတွေကနေ လူ့အဖွဲ့အစည်းတခုလုံးရဲ့ လူ့အခွင့်အရေးလှုပ်ရှားမှုကို တိုးမြင့်ပေးခဲ့ပါတယ်။ လူ့အခွင့်အရေးဆိုတာကလဲ အမျိုးသမီး၊ အမျိုးသားအားလုံးရဲ့ အခွင့်အရေးဖြစ်တာမို့ လူ့အခွင့်အရေး အပြည့်အ၀ရရှိရေးဆိုတာမှာ အမျိုးသမီးအခွင့်အရေးများ ရရှိဖို့ကလဲ အရေးကြီးပါတယ်။

ဒါကြောင့် အမျိုးသမီးများရဲ့ ဥပဒေရေးဆိုင်ရာ အခွင့်အရေးများကို မြှင့်တင်ပေးခြင်းဟာ တရားမျှတမှု၊ လွတ်လပ်မှု၊ ညီမျှမှုရှိတဲ့ လူ့ဘောင်တရပ် ပေါ်ထွန်းရေးအတွက် အရေးကြီးလှပါကြောင်း တင်ပြလိုက်ရပါတယ်ရှင်။

ခင်မမမျိုး (၂၀၀၉)

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

အမျိုးသမီး ကလေးသူငယ် အခွင့်အရေး

ဒီမိုကရက်တစ် မြန်မာ့အသံ ပရိသတ်များရှင်။

အခုတပတ် အမျိုးသမီးအခွင့်အလမ်း အစီအစဉ်မှာ ငယ်ရွယ်နုနယ်တဲ့ အမျိုးသမီးငယ်လေးတွေရဲ့ အခွင့်အရေးကို စီစဉ်တင်ဆက်မှာဖြစ်ပါတယ်။ ကမ္ဘာနဲ့အ၀ှမ်းမှာ ပြင်းထန်ရက်စက်တဲ့ ကံကြမ္မာဆိုးတွေကို ရင်ဆိုင်တွေ့ကြုံနေကြရတဲ့ ကလေးငယ်လေးတွေ အများကြီးပါပဲ။ တချို့ကလေးလေးတွေဟာဆိုရင် မိဘဆွေမျိုးတွေရဲ့ စိတ်ဖိစီးမှုသားကောင်တွေ ဘ၀ကို ကျရောက်နေရရှာပါတယ်။ မိသားစုရဲ့ အထွေထွေ ကျပ်တည်း အဆင်မပြေမှုတွေကြားမှာ ဘာအပြစ်မှ မရှိပဲ နေ့စဉ်နဲ့အမျှ ထုထောင်းရိုက်နှက်ခံကြရတဲ့ ကလေးငယ်တွေ အများကြီးပါပဲ။ တချို့ကလေးငယ်လေးတွေ ကျပြန်တော့ အရွယ်နဲ့မမျှတဲ့ အလုပ်အကိုင်တွေ လုပ်ကိုင်ဖို့ ခိုင်းစေခံနေကြရပါတယ်။ တိုင်းသူပြည်သားတွေကို ဖိနှိပ်ချုပ်ချယ်တဲ့ အစိုးရတွေ ရှိနေတဲ့ နိုင်ငံတွေက ကလေးငယ်များ ဘ၀ကဆိုရင် ပိုဆိုးပါတယ်။ နိုင်ငံတော် ကျန်းမာရေးစောင့်ရှောက်မှုစနစ် မကောင်းလို့ မသေသင့်ပဲ သေခဲ့ရတဲ့ ကလေးသူငယ်တွေ၊ ပညာရေး စနစ် မကောင်းလို့ အချိန်မတန်ပဲ လမ်းပေါ်ရောက်ပြီး လေလွင့် ပျက်စီးခဲ့ရတဲ့ ကလေးသူငယ်လေးတွေလဲ အများကြီးပါပဲ။ တချို့ကလေးငယ်လေးတွေဆိုရင် ကလေးစစ်သားလေးတွေ ဘ၀ကို သွတ်သွင်းခံကြရပါတယ်။



ဒီလိုကလေးသူငယ် အခွင့်အရေး ဆုံးရှုံးနေကြရတဲ့ ကလေးငယ်တွေထဲမှာ မိန်းကလေးများရဲ့ အခြေအနေက ပိုဆိုးပါတယ်။ မိန်းကလေးငယ်လေးတွေဟာ ကျား၊ မ ခွဲခြား ဆက်ဆံမှုတွေ၊ အင်အားသုံး အနိုင်ကျင့် နှိပ်စက်ခံရမှုတွေ၊ မိသားစုထဲမှာ မိန်းကလေးကို နှိမ့်ချဆက်ဆံတတ်တဲ့ အစဉ်အလာဆိုးတွေရဲ့ ဒဏ်ကိုပါ ခံစားကြရပါတယ်။ ဒီလို အစဉ်အလာဆိုး ရှိနေတဲ့ နိုင်ငံတွေမှာဆိုရင် မိန်းကလေးတွေဟာ ဘ၀ အစမှာကတည်းက မိသားစုအတွင်းမှာ၊ ရပ်ရွာအတွင်းမှာ၊ ကျောင်းတွေမှာ အမျိုးသားတွေနဲ့ တန်းတူရည်တူ မဆက်ဆံတဲ့ ခွဲခြားဆက်ဆံမှုတွေကို ကြုံတွေ့ကြရပါတယ်။ ဒီလိုကြုံတွေ့တဲ့အခါ စိတ်ပိုင်းဆိုင်ရာ၊ ရုပ်ပိုင်းဆိုင်ရာ ဖွံ့ဖြိုးတိုးတက်မှုကို ထိခိုက်စေပါတယ်။ ဖခင်တွေ၊ အစ်ကိုတွေရဲ့ အိမ်တွင်းအကြမ်းဖက်မှု၊ သူတပါးဆီကို အခကြေးငွေနဲ့ ရောင်းစားခံရမှု၊ လိမ်လည်လှည့်ဖျားခေါ်ဆောင်ပြီး လူကုန်ကူးခံရမှု၊ ပြည့်တန်ဆာဘ၀ သွတ်သွင်းခံရမှုနဲ့ လိင်ပိုင်းဆိုင်ရာ စော်ကားခံရမှု စတဲ့ အခြေအနေတွေကို ရင်ဆိုင်နေကြရတဲ့ မိန်းကလေးငယ်လေးတွေလဲ ယနေ့ခေတ်ကမ္ဘာမှာ အများအပြား ရှိနေဆဲပါပဲ။ အာရှတိုက်တခုတည်းမှာတင် ကလေးပြည့်တန်ဆာဦးရေဟာ သိန်းနဲ့ ချီပြီး ရှိနေပါတယ်။

မိန်းကလေးငယ်လေးတွေရဲ့ အခွင့်အရေးအကြောင်း မပြောခင်မှာ စီအာစီလို့ခေါ်တဲ့ ကလေးသူငယ် အခွင့်အရေး ကွန်ဗင်းရှင်းအကြောင်းကို ကနဦးတင်ပြပါမယ်။ ၁၉၅၉ ခုနှစ်မှာ ကမ္ဘာ့ကုလသမဂ္ဂ အထွေထွေ ညီလာခံကနေ ကလေးသူငယ် အခွင့်အရေး ကြေညာစာတမ်းကြီးကို ထုတ်ပြန်ခဲ့ပါတယ်။ ဒါပေမယ့် ဒီကြေညာစာတမ်းဟာ အပြည်ပြည်ဆိုင်ရာ ဥပေဒေကြောင်းအရ အကျုံးဝင်တဲ့ စာတမ်းကြီး ဖြစ်မလာခဲ့ပါဘူး။ ဒီလိုနဲ့ ၁၉၇၉ ခုနှစ်ရောက်တော့ ပိုလန်အစိုးရက အပြည်ပြည်ဆိုင်ရာ ဥပေဒကြောင်းအရ အကျုံးဝင်တဲ့ ကလေးသူငယ်အခွင့်အရေးဆိုင်ရာ ကွန်ဗင်းရှင်းတခု ရေးဆွဲဖို့ အကြံပြုပါတယ်။ နောက်ထပ်ဆယ်နှစ်ကြာကာလတလျှောက် အစိုးရနဲ့ အစိုးရမဟုတ်တဲ့ အဖွဲ့အစည်းများ ပူးပေါင်းပြီး ရေးဆွဲခဲ့ကြပါတယ်။ ၁၉၈၉၊ နိုဝင်ဘာ (၂၀) မှာတော့ ဒီကွန်ဗင်းရှင်း ကို ကမ္ဘာ့ကုလသမဂ္ဂအထွေအထွေ ညီလာခံက အတည်ပြုထုတ်ပြန်ခဲ့ပြီး၊ နောက်ထပ်တနှစ်အတွင်းမှာပဲ ဥပဒေကြောင်းအရ ဥပေဒေအာဏာသက်ရောက်မှု ရှိလာခဲ့ပါတယ်။

ဒီကွန်ဗင်းရှင်းရဲ့ အပိုဒ် (၂) မှာဆိုရင် ခွဲခြားဆက်ဆံမှု ပုံစံအမျိုးမျိုးကနေ ကင်းဝေးရေးဟာ ကလေးငယ်တွေရဲ့ အခွင့်အရေး ဖြစ်ကြောင်း ကို အတိအလင်း ဖော်ပြထားပါတယ်။ ဒါပေမယ့်လဲ သဘောထားသေးသိမ်တဲ့ လူ့အဖွဲ့အစည်းတွေရဲ့ ကျား၊ မခွဲခြားဆက်ဆံ မှုတွေ၊ ယောက်ျားလေးများကို မိန်းကလေးများထက် ဦးစားပေးမှုတွေဟာ မိန်းကလေးတွေရဲ့ ပညာရေး၊ ကျန်းမာရေး၊ လုပ်အားဆိုင်ရာ ကိစ္စရပ်တွေမှာ ရိုက်ခတ်နေဆဲပါပဲ။ ကမ္ဘာ့အမျိုးသမီးများ ညီလာခံတွေမှာလဲ ကမ္ဘာ့အဖွဲ့အစည်းတွေဟာ ဒီကိစ္စရပ်ကို ဦးစားပေး ဆွေးနွေးနေကြရဆဲပါပဲ။ ကမ္ဘာ့အမျိုးသမီးများ ညီလာခံရဲ့ ကလေးသူငယ်အခွင့်အရေးကော်မတီ အစီရင်ခံစာထဲမှာ “မိန်းကလေးတွေဟာ အထူးအခွင့်အရေးကို ခံစားရမယ့် အထူးအုပ်စုတွေ မဟုတ်သလို၊ ခွဲခြားဆက်ဆံခံရမယ့် အထူးအုပ်စုတွေလဲ မဟုတ်ဘူး။ လူ့အခွင့်အရေးကို ယောက်ျားလေးတွေနဲ့ အတူတူ ခံစားခွင့်ရှိသူတွေ ဖြစ်တယ်။ ဒါကြောင့် သမီးတွေ၊ အမတွေ၊ ညီမတွေအနေနဲ့ မဆက်ဆံပဲ၊ လူသားတွေအနေနဲ့ သတ်မှတ်ဆက်ဆံရမယ့် သူတွေ ဖြစ်တယ်“ ဆိုတဲ့ အချက်ကို အတိအလင်း ထည့်သွင်းထားပါတယ်။

ဒီလို အသိဥာဏ်တိုးတက်မြင့်မားပြီး၊ လူသားချင်းစာနာစိတ်ရှိတဲ့ လူ့အဖွဲ့အစည်းတွေက ဦးဆောင်ပြီး၊ ကျားမ တန်းတူရည်တူ ဆက်ဆံရေး ကိစ္စရပ်တွေကို ဆောင်ရွက်နေဆဲမှာပဲ၊ မိန်းကလေးငယ်တွေရဲ့ ကျန်းမာရေး၊ ပညာရေး အခွင့်အလမ်းတွေကို ဖိနှိပ်ချုပ်ချယ်တဲ့ လူ့အဖွဲ့အစည်းတွေကလဲ ရှိနေဆဲပါပဲ။ ကိုယ်ဝန်ဆောင်မိခင်တွေရဲ့ ကလေးငယ်ဖျက်ချမှုနှုန်းမှာ မိန်းကလေးကိုယ်ဝန်ကို ဖျက်ချမှုက ယောက်ျားလေး ကိုယ်ဝန်ကို ဖျက်ချမှုထက် ပိုများပါတယ်။ တချို့ လူ့အဖွဲ့အစည်းတွေမှာကျတော့ မိန်းကလေးကိုယ်ဝန်ကို မဖျက်ချပဲ မွေးပြီးမှ မွေးကင်းစကလေးငယ်ကို သတ်ပစ်တာတွေ ရှိပါတယ်။ တချို့လူ့အဖွဲ့အစည်းတွေမှာကျတော့ ဒီလိုရက်စက်တဲ့ လုပ်ရပ်တွေ မပြုလုပ်ပေမယ့် ယောက်ျားလေးနဲ့ မိန်းခလေး ခွဲခြားဆက်ဆံမှုတွေ မိသားစုထဲမှာ ပြုလုပ်တတ်ကြပါတယ်။ ပညာရေးမှာလဲ ယောက်ျားလေးတွေရဲ့ ပညာရေးကိုပဲ ဦးစားပေး တဲ့ လူ့အဖွဲ့အစည်းတွေ ရှိနေဆဲပါပဲ။

နောက်ထပ်အရေးကြီးတဲ့ အချက်တခုကတော့ ကလေးလုပ်သားပါပဲ။ ယနေ့ကမ္ဘာမှာ သန်းပေါင်းများစွာသော ကလေးငယ်လေးတွေဟာ စက်ရုံ၊ အလုပ်ရုံတွေမှာ၊ လယ်ကွင်း၊ စိုက်ခင်းတွေမှာ၊ ဈေးတန်းတွေ၊ အစားအစာဆိုင်တွေမှာ အလုပ်လုပ်နေကြရပါတယ်။ ကလေးလုပ်သားဟာ ဆင်းရဲနွမ်းပါးတဲ့ လူ့အဖွဲ့အစည်းတွေရဲ့ ပြယုဂ်တွေပါပဲ။ ကလေးဝင်ငွေလေးတွေက မိသားစုရဲ့ ၀မ်းရေးကိုလဲ တနည်းတဖုံ အထောက်အကူ ဖြစ်စေတာကြောင့် ကလေးငယ်လေးတွေကို အလုပ်ခိုင်းစေရတဲ့ မိဘတွေ ရှိနေပါတယ်။ စက်ရုံ၊ အလုပ်ရုံတွေနဲ့ မြင်သာထင်သာတဲ့ လုပ်ငန်းခွင်တွေမှာ ကြည့်မယ်ဆိုရင်တော့ ယောက်ျားလေးတွေ က ပိုများသယောင်ထင်ရပါတယ်။ ဒါပေမယ့် ယူနီဆက်လေ့လာချက်စာတမ်းများအရ ကမ္ဘာတ၀ှမ်းက အိမ်အကူ အလုပ်ကို လုပ်နေကြတဲ့ လုပ်သားများရဲ့ ကိုးဆယ်ရာခိုင်နှုန်းဟာ အသက်ဆယ့်ခြောက်နှစ်အောက် အမျိုးသမီးငယ်လေးများဖြစ်ကြောင်း တွေ့ရှိရပါတယ်။

နောက်ထပ်အရေးကြီးတဲ့ အချက်တချက်ကတော့ လူကုန်ကူးခံရမှုနဲ့ ပြည့်တန်ဆာအဖြစ် သွတ်သွင်းခံရမှုပဲ ဖြစ်ပါတယ်။ ခန့်မှန်း အမျိုးသမီးငယ် နှစ်သန်းကျော်လောက်ဟာ ကမ္ဘာတ၀ှမ်းက လိင်ဖြင့် အသက်မွေးတဲ့ လုပ်ငန်းတွေထဲကို ရောက်ရှိနေကြောင်း ပညာရှင်များက လေ့လာသုံးသပ်ထားကြပါတယ်။ ဒီလို ရောက်နေရတာဟာ သူစိမ်းတွေ၊ မိသားစုဝင်တွေက ရိုက်နှက်နှိပ်စက်ပြီး အတင်းအကြပ်သွတ်သွင်းခံရတာ၊ ချော့မော့ဖျောင်းဖျပြီး သွတ်သွင်းခံရတာတွေဖြစ်ပါတယ်။ လိင်ပိုင်းဆိုင်ရာ ကမ္ဘာလှည့် ခရီး စင်တာတွေ ဖြစ်တဲ့ အမေရိကအလယ်ပိုင်း၊ ထိုင်းနိုင်ငံ၊ ဖိလစ်ပိုင်နိုင်ငံ၊ ဗီယက်နမ်နိုင်ငံတို့ရဲ့ ဇိမ်ခန်းများစွာမှာ အသက်ဆယ့်ခြောက်နှစ်အောက် အမျိုးသမီးငယ်လေးတွေ ရှိနေကြပါတယ်။ ဒီအမျိုးသမီးငယ်လေးတွေမှာ ဒေသခံတွေအပြင် မြန်မာပြည်ရဲ့ လိင်ပိုင်းဆိုင်ရာ လူကုန်ကူးမှု လမ်းကြောင်းက တဆင့် ရောက်ရှိလာကြတဲ့ မြန်မာ မိန်းကလေးတွေလဲ ပါဝင်နေပါတယ်။

ဒီမိုကရက်တစ် မြန်မာ့အသံပရိသတ်များရှင်-

တကယ်တော့ ယောက်ျားလေးပဲဖြစ်ဖြစ်၊ မိန်းကလေးပဲဖြစ်ဖြစ် ကလေးငယ်လေးတွေဆိုတာ မိသားစု၊ နိုင်ငံတော်နဲ့ ကမ္ဘာ့လူ့အဖွဲ့အစည်းတွေရဲ့ အနာဂတ်ကို ပုံဖော်ကြမယ့် ရတနာလေးတွေ ဖြစ်ပါတယ်။ ကိုယ်ချင်းစာနာမှု၊ အပြန်အလှန်မေတ္တာထားမှု၊ တဦးနဲ့တဦးလေးစားနားလည်မှုအပေါ် အခြေခံတဲ့ လူ့အဖွဲ့အစည်းပေါ်ထွက်လာဖို့ဆိုတာ ကလေးသူငယ်များရဲ့ ငယ်စဉ်ဘ၀ ကိုယ်ရော စိတ်ပါ ရှင်သန်ဖွံ့ဖြိုးမှုနဲ့ ပညာရည် မြင့်မားမှု တွေပေါ်မှာ အများကြီး မူတည်ပါတယ်။ ခွဲခြားဆက်ဆံခံရတာတွေ၊ ကြောက်ရွံ့စိုးထိတ်နေရတာတွေက ကင်းဝေးဖို့ ဆိုပါတယ်။ ဒါကြောင့် အမျိုးသမီး ကလေးငယ်များရဲ့ ပညာရေး၊ ကျန်းမာရေး အခွင့်အလမ်းတွေကို မြှင့်တင်ပေးရင်း၊ လူကုန်ကူးမှုနဲ့ လိင်ကျေးကျွန်အဖြစ် သွတ်သွင်းမှုတွေကိုလဲ အမျိုးသားရေး အသိနဲ့ ၀ိုင်းဝန်းတိုက်ဖျက်ကြပါစို့ လို့ တိုက်တွန်းပြောကြားလိုပါတယ်။

ခင်မမမျိုး

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>

အမျိုးသမီးနှင့် လူမှုရေး ဖွံ့ဖြိုးတိုးတက်ရေး

ဒီမိုကရက်တစ် မြန်မာ့အသံ ပရိသတ်များရှင်။

အခုတပတ် အမျိုးသမီး အခွင့်အလမ်းအစီအစဉ်မှာ လူမှုရေး ဖွံ့ဖြိုးတိုးတက်မှုနဲ့ပတ်သက်တဲ့ အမျိုးသမီးများရဲ့ အခန်းကဏ္ဍကို စီစဉ်တင်ဆက်မှာဖြစ်ပါတယ်။ ကမ္ဘာပေါ်မှာရှိတဲ့ လူ့အဖွဲ့အစည်း တော်တော်များများမှာ ဆင်းရဲချမ်းသာ ကွာဟမှုနှုန်းက တစတစ မြင့်မားလာပါတယ်။ ဖွံ့ဖြိုးတိုးတက်မှု နောက်ကျတဲ့ နိုင်ငံတွေမှာ ဆိုရင် ချမ်းသာသူများနဲ့ ဆင်းရဲသားများအကြားက ၀င်ငွေကွာဟမှုက အရမ်းကို ကြီးမားလှပါတယ်။ ကမ္ဘာနဲ့အ၀ှမ်းမှာ နေ့စဉ်နဲ့အမျှ ငတ်မွတ်ခေါင်းပါးခြင်းဒဏ်ကို ခံစားနေရသူတွေ အများကြီးပါပဲ။ ဒီအထဲမှာမှ ပညာရေး၊ ကျန်းမာရေး၊ အလုပ်အကိုင်ရရှိရေး အခွင့်အလမ်းတွေကို အပြည့်အ၀ မရရှိကြတဲ့ အမျိုးသမီးများရဲ့ အခြေအနေက ပိုဆိုးပါတယ်။ အမျိုးသမီးများနဲ့ ကလေးများဟာ ဆင်းရဲနွမ်းပါးတဲ့ ဒဏ်ကို အများဆုံး ခံစားရကြသူများ ဖြစ်ပါတယ်။ သန်းပေါင်းများစွာသော လုတွေဟာ အလုပ်လက်မဲ့ ပြဿနာကို ရင်ဆိုင်နေကြရပါတယ်။ စစ်မက်ဖြစ်ပွားမှုနဲ့ ပဋ္ဋိပက္ခတွေကြောင့် သေဆုံးရသူတွေ၊ နိုင်ငံရေး ဒုက္ခသည် တွေကလဲ ကမ္ဘာနဲ့အ၀ှမ်းမှာ သန်းနဲ့ချီပြီး ပျံ့နှံ့နေပါတယ်။


တကယ်တော့ နိုင်ငံတော်ဖွံ့ဖြိုးတိုးတက်မှုဆိုတာကို လမ်းတံတားတွေ၊ တိုက်တာ အဆောက်အအုံတွေနဲ့ပဲ တိုင်းတာသတ်မှတ်လို့ မရပါဘူး။ နိုင်ငံတော်အတွင်းမှာ မှီတင်းနေထိုင်တဲ့ ပြည်သူလူထုရဲ့ လူနေမှုအဆင့်အတန်းမြင့်မားတိုးတက်မှု၊ လူမှုရေး ဖွံ့ဖြိုးတိုးတက်မှုတွေ ရှိလာဖို့က အရေးကြီး ဆုံးဖြစ်ပါတယ်။ လူမှုရေးဖွံ့ဖြိုးတိုးတက်မှုဆိုတာက လူ့အဖွဲ့အစည်းရဲ့ တိုးတက်ရေးကို ခြိမ်းချောက်နေတဲ့ ငတ်မွတ်ခေါင်းပါးမှု၊ အစာရေစာ ရှားပါးမှု၊ ကူးစက်ရောဂါ ပျံ့ပွားမှု၊ ရာဇ၀တ်မှုထူပြောမှု စတာတွေ လျော့နည်းပြီး၊ လူနေမှုဘ၀အဆင့်အတန်း တိုးတက် မြင့်မားလာခြင်းပဲ ဖြစ်ပါတယ်။ လူ့အဖွဲ့အစည်း တခုလုံး စီးပွားရေးအရင်းအမြစ်တွေ၊ အခွင့်အလမ်းတွေကို တန်းတူရည်တူ ရရှိခံစားနိုင်ခြင်းပဲ ဖြစ်ပါတယ်။ ဒီလို လူမှုရေး ဖွံ့ဖြိုးတိုးတက်ရေး ပြုလုပ်တဲ့ အခါမှာ လူဦးရေရဲ့ တ၀က်ကျော်ကို ကိုယ်စားပြုနေတဲ့ အမျိုးသမီးများရဲ့ ဖွံ့ဖြိုးတိုးတက်ရေးက အရေးပါတဲ့ ကဏ္ဍတခုဖြစ်လာပါတယ်။ ဘာကြောင့်လဲဆိုတော့ အမျိုးသမီးများရဲ့ လူမှုရေးဖွံ့ဖြိုးတိုးတက်မှု နှောင့်နှေးနေတာဟာ လူ့အဖွဲ့အစည်းတခုလုံးရဲ့ ဖွံ့ဖြိုးတိုးတက်မှု နှောင့်နှေးနေတာ ဖြစ်နေလို့ပါပဲ။

ဒါကြောင့်လဲ ဖွံ့ဖြိုးဆဲနိုင်ငံတွေမှာ အမျိုးသမီးများရဲ့ လူမှုရေး ဖွံ့ဖြိုးတိုးတက်ရေးကို အစီအစဉ်သုံးမျိုး သတ်မှတ်ပြီး ဦးစားပေးဆောင်ရွက်လာကြပါတယ်။ ပထမတမျိုးကတော့ ဘ၀တိုးတက်ကောင်းမွန်ရေး အစီအစဉ်ဖြစ်ပါတယ်။ ဒီအစီအစဉ်မှာ အမျိုးသမီးတွေရဲ့ စာတတ်မြောက်နှုန်း မြင့်မားဖို့၊ လူ့အဖွဲ့အစည်းထဲမှာ အမျိုးသမီးတွေရဲ့ ဦးဆောင်မှု အခန်းကဏ္ဍကို မြှင့်တင်ဖို့နဲ့ အမျိုးသမီး အခွင့်အလမ်းတွေကို ပညာပေး ဟောပြောဖို့ စတဲ့ လုပ်ငန်းဆောင်တာတွေ ပါဝင်ပါတယ်။ နောက်တမျိုးကတော့ မိသားစုကူညီထောက်ပံ့ရေး အစီအစဉ်ဖြစ်ပါတယ်။ ဒီအစီအစဉ်ကတော့ အမျိုးသမီးတွေဟာ မိသားစု ထဲမှာရော၊ လူ့အဖွဲ့အစည်းမှာပါ အမျိုးသားများနဲ့ တန်းတူရည်သူ အခွင့်အရေး ရှိတယ်ဆိုတာကို လူ့အဖွဲ့အစည်းကို ပညာပေးဖို့နဲ့ အမျိုးသမီးအားလုံး မိသားစု ၀င်ငွေ တိုးမြင့်ရေး လုပ်ငန်းဆောင်တာတွေမှာ ပါဝင်လာနိုင်ဖို့ ဖြစ်ပါတယ်။

ဒါတွင်မကသေးပါဘူး။ လူ့အဖွဲ့အစည်းရဲ့ လူမှုရေးဖွံ့ဖြိုးတိုးတက်ဖို့ ဆိုတာ ဒီလူ့အဖွဲ့အစည်းတွင်းမှာ ရှိနေတဲ့ မိသားစုတွေရဲ့ လူနေမှုအဆင့်အတန်း မြင့်မားမှု၊ စီးပွားရေး အခြေအနေတွေအပေါ်မှာ အခြေပြုနေတာဖြစ်တဲ့ အတွက် မိသားစု စီးပွားရေး တိုးတက်မှု အစီအစဉ်တွေလဲ ပေါ်ပေါက်လာပါတယ်။ မိသားစု စီးပွားရေး တိုးတက်မှုမှာ ဆင်းရဲနွမ်းပါးတဲ့ မိသားစုတွေကို ပံ့ပိုးကူညီပေးတဲ့ အသေးစားငွေချေးစနစ်များကို အသုံးပြုလေ့ရှိကြပါတယ်။ ဒီချေးငွေတွေဟာ အမျိုးသမီးများနဲ့ အမျိုးသားများကို ကိုယ်ပိုင်အလုပ် ဖန်တီးလုပ်နိုင်ခွင့်ကို အကူအညီ ပေးပါတယ်။ အထူးသဖြင့် အမျိုးသမီးတွေဟာ အိုးလုပ်ငန်း၊ လက်မှုလုပ်ငန်း၊ စက်ချုပ်လုပ်ငန်း စတာလေးတွေကို အိမ်ကနေ လုပ်လို့ရတာ အတွက်ကြောင့် ဆင်းရဲနွမ်းပါးတဲ့ မိသားစုဝင်အမျိုးသမီးတွေနဲ့ အိမ်ထောင်ဦးစီး အမျိုးသမီးတွေအတွက် အကျိုးရှိပါတယ်။

ပရော်ဖက်ဆာ ယူနတ်စ်က အမျိုးသမီးတွေကို ဦးစားပေးတဲ့ အသေးစားငွေချေးစနစ်ဟာ မိသားစုဝင်ငွေ တိုးတက်မှုနဲ့ မိသားစုဘ၀ တိုးတက်ကောင်းမွန်ရေးအတွက် အကျိုးရှိစေသလို အမျိုးသမီးတွေရဲ့ မိသားစု ရေးရာ အဆင့်အတန်းကိုလဲ တိုးမြှင့်ပေးနိုင်တယ်လို့ ဆိုပါတယ်။ အမျိုးသမီးတွေရဲ့ ၀င်ငွေတိုးမြင့်လာတာကြောင့် အိမ်ထောင်ဦးစီး ယောက်ျားတွေရဲ့ မိသားစု ငွေကြေးဆိုင်ရာ ၀န်ထုပ်ဝန်ပိုးတွေကို လျှော့ချပေးနိုင်ပါတယ်။ ဒါတင်မကပဲ အမျိုးသမီးများရဲ့ ကိုယ့်ကြမ္မာ ကိုယ်ဖန်တီးနိုင်ခွင့် တိုးမြင့်လာတာကြောင့် အိမ်တွင်း အကြမ်းဖက်မှုများပါ လျော့နည်းသွားကြောင်း လေ့လာဆန်းစစ်ချက်များမှာ တွေ့ရှိရပါတယ်။

ဒီမိုကရက်တစ် မြန်မာ့အသံပရိသတ်များရှင်။

တိုးတက်မှုနဲ့ ပြုပြင်ပြောင်းလဲမှုဆိုတာ ဒဂါင်္း ပြားတစေ့ရဲ့ ခေါင်းနဲ့ ပန်းလိုပါပဲ။ လူ့အဖွဲ့အစည်းရဲ့ ခေတ်မှီတိုးတက်ရေးကို ပြုလုပ်ဆောင်ရွက်တဲ့အခါတိုင်းမှာ လိုက်လျောညီထွေတဲ့ ပြုပြင်ပြောင်းလဲရေးကို လက်ခံ ဆောင်ရွက်ကြရမှာ ဖြစ်ပါတယ်။ ဒီအတွက် တိုးတက်မှုကို သွေဖည်စေတဲ့ အတွေးအခေါ်တွေ၊ အမြင်တွေ၊ အယူအဆတွေကို ဖယ်ရှားပစ်ရမှာ ဖြစ်ပါတယ်။ လူမှုရေး တိုးတက်ဖို့အတွက် လူမှုရေး ပြုပြင်ပြောင်းလဲမှုဟာ အလွန်ပဲ အရေးကြီးလှပါတယ်။ ဒီလို လူမှုရေး ပြုပြင်ပြောင်းလဲမှုမှာ အရေးကြီးဆုံးအချက်ကတော့ အမျိုးသမီးနဲ့ အမျိုးသားများ တန်းတူရည်တူ အခွင့်အရေး ရရှိဖို့ပဲ ဖြစ်ပါတယ်။ တိုးတက်ခေတ်မီတဲ့ နိုင်ငံကြီးတွေဖြစ်တဲ့ အမေရိကန်၊ ဂျပန်၊ အာရှကျားနဲ့ ဥရောပနိုင်ငံများမှာ အမျိုးသမီးရဲ့ အခန်းကဏ္ဍ တိုးမြင့်ပါဝင်လာမှုကြောင့် လူ့အဖွဲ့အစည်းတခုလို မြင့်မားလာခဲ့တာဖြစ်ပါတယ်။ ဒါကြောင့် နိုင်ငံတော်ရဲ့ လူမှုရေး တိုးတက်ဖွံ့ဖြိုးရေးမှာ အမျိုးသမီးများရဲ့ ပညာရေး၊ နိုင်ငံရေး၊ စီးပွားရေး အခွင့်အလမ်းများ ရရှိခံစားနိုင်ခွင့်ဟာ အလွန်ပဲ အရေးကြီးလှပါကြောင်း တင်ပြလိုက်ရပါတယ်ရှင်။

အပြည့်အစုံဖတ်ချင်ရင်..>>>

ပြန်ခေါက်ထားခဲ့ပါ..>>>